Shan Missions

လိၵ်ႈဢေႃးဝႃႇတႃႉရူဝ်းမ

Chapter   ၁       ၂       ၃       ၄       ၅       ၆       ၇       ၈       ၉       ၁၀       ၁၁       ၁၂       ၁၃       ၁၄       ၁၅       ၁၆     

၈

ၸူဝ်ႈတႃႇဢသၢၵ်ႈၼႂ်းဝိၺိၺ်ႇမူတ်းၸၢင်ႇၸဝ်ႈ

၁ ၵွပ်ႈပိူဝ်ႈၼင်ႇၼၼ်လႄႈၶဝ်ၸိူဝ်းဢၼ်တႄႇယူႇၼႂ်းၸဝ်ႈယေႇသုၶရိၸ်ႉၼၼ်ႉ၊ၵၢင်းလွတ်ႈတင်းတၢင်းဢၼ်ၸီႇယၢင်ႇဢပျႅတ်ႈဢေႃႈ။

၂ တြႃးဝိၺိၺ်ႇၸဝ်ႈဢၼ်ႁႂ်ႈဢသၢၵ်ႈလိပ်းလႄႈတႄႇယူႇၼႂ်းၸဝ်ႈယေႇသုၼၼ်ႉပွႆႇၵဝ်လွတ်ႈသေၵႃႈၼႂ်းမိုဝ်းဢပျႅတ်ႈတြႃးဢိၵ်ႇတင်းၵႃႈၼႂ်းမိုဝ်းတြႃးတၢင်းတၢႆဢေႃႈ။

၃ တၢင်းဢၼ်ပိင်းၺၢပ်ႈတြႃးႁႅင်းလဵၵ်ႉႁႅင်းၵေႇၵွပ်ႈပိူဝ်ႈၸႃႇတိပၵတိလႄႈဢမ်ႇတတ်ႈၼိုင်ႇလႆႈၼၼ်ႉၽြႃးပဵၼ်ၸဝ်ႈပွႆႇၸႂ်ႉလုၵ်ႈမၼ်းၸဝ်ႈဢၼ်ဢဝ်ပုင်ႇႁၢင်ႊတူဝ်ၸႃႇတိပၵတိဢၼ်မီးဢပျႅတ်ႈၼၼ်ႉၵျွႃႉမႃးႁႂ်ႈလႆႈပွင်လႆႈႁဵတ်းလႄႈၶၢမ်ႇတၢမ်ႇဢပျႅတ်ႈၵႃႈတီႈၼႂ်းတူဝ်ၸႃႇတိပၵတိပုၼ်ႈဢၼ်တၵ်းၽေႇဢပျႅတ်ႈဢေႃႈ။

၄ လွင်ႈမၼ်းၸမ်းၼင်ႇႁိုဝ်တြႃးတၢင်းသိုဝ်ႈတေႃႇဢၼ်ပိင်းၺၢပ်ႈတြႃးမီးဢမိင်ႉၼၼ်ႉတၵ်းတဵမ်ထူၼ်ႈၼႂ်းႁဝ်းၸိုင်ႁဝ်းဢမ်ႇဢသၢၵ်ႈလိပ်းၸွမ်းၸႃႇတိပၵတိလႄႈဢသၢၵ်ႈလိပ်းၸွမ်းၼင်ႇဝိၺိၺ်ႇပၵတိဢေႃႈ။

၅ ၶဝ်ၸိူဝ်းဢၼ်မီးၸႃႇတိပၵတိၼၼ်ႉမီးၸႂ်သၽေႃးဢၼ်ၸွႆးၸပ်းလွင်ႈတၢင်းဢၼ်ၸၢပ်ႈသႅင်ႇၵၼ်တင်းၸႃႇတိပၵတိဢေႃႈ။ၶဝ်ၸိူဝ်းဢၼ်မီးဝိၺိၺ်ႇပၵတိၼၼ်ႉမီးၸႂ်သၽေႃးဢၼ်ၸွႆးၸပ်းလွင်ႈတၢင်းဢၼ်ၸၢပ်ႈသႅင်ႇၵၼ်တင်းဝိၺိၺ်ႇပၵတိဢေႃႈ။

၆ ၸႂ်သၽေႃးၸႃႇတိပၵတိၸိုင်ပဵၼ်တၢင်းတၢႆဢေႃႈ။ၸႂ်သၽေႃးဝိၺိၺ်ႇပၵတိၸမ်းပဵၼ်တၢင်းဢၼ်ဢသၢၵ်ႈလိပ်းဢိၵ်ႇတင်းတၢင်းၼိမ်ဢေႃႈ။

၇ ပဵၼ်လွင်ႈၸိူဝ်ႉၼင်ႇႁိုဝ်ဝႃႈၼႆၸမ်း၊ၸႂ်သၽေႃးၸႃႇတိပၵတိၼၼ်ႉပဵၼ်တၢင်းဢၼ်ၶတ်းၵၼ်တင်းၽြႃးပဵၼ်ၸဝ်ႈဢေႃႈ။ဢမ်ႇၸၢင်ႊၸွမ်းဢလူဝ်ႇတြႃးၽြႃးပဵၼ်ၸဝ်ႈ။လိူဝ်သေၼၼ်ႉဢမ်ႇၵႃးဢမ်ႇၸွမ်းလႆႈ။

၈ ပိူဝ်ႈၼႆလႄႈၶဝ်ၸိူဝ်းဢၼ်ယူႇၼႂ်းၸႃႇတိပၵတိၼၼ်ႉဢမ်ႇထုၵ်ႇၸႂ်ၽြႃးပဵၼ်ၸဝ်ႈလႆႈ။ၼႂ်းဝႃႈၼၼ်သေၵေႃႈၸိူဝ်ႉၼင်ႇဢၼ်ဝိၺိၺ်ႇၽြႃးပဵၼ်ၸဝ်ႈမီးယူႇၵႃႈၼႂ်းသူၼၼ်ႉလႄႈသူမီးၽၢႆႇၸႃႇတိပၵတိဢမ်ႇၸႂ်ႈ။မီးၽၢႆႇဝိၺိၺ်ႇပၵတိဢေႃႈ။

၉ ၵေႃႉဢၼ်ဢမ်ႇလႆႈဝိၺိၺ်ႇၸဝ်ႈၶရိၸ်ႉၼၼ်ႉဢမ်ႇၸၢပ်ႈသႅင်ႇၵၼ်တင်းၸဝ်ႈၶရိၸ်ႉ။

၁၀ ပေႃးၸဝ်ႈၶရိၸ်ႉမီးယူႇၵႃႈၼႂ်းသူၸိုင်ပဵၵ်ႉသမ်ႉတူဝ်ၶိင်းပဵၼ်ဢၼ်တၢႆၵွပ်ႈပိူဝ်ႈဢပျႅတ်ႈသေၵေႃႈ၊ဝိၺိၺ်ႇၸမ်း၊ဢသၢၵ်ႈလိပ်းယူႇၵွပ်ႈပိူဝ်ႈတၢင်းသိုဝ်ႈတေႃႇဢေႃႈ။

၁၁ လိူဝ်သေၼၼ်ႉဢမ်ႇၵႃးပေႃးဝိၺိၺ်ႇမၼ်းၸဝ်ႈဢၼ်ႁႂ်ႈၸဝ်ႈယေႇသုလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉၵိင်းဝၢပ်ႈယူႇၵႃႈၼႂ်းသူၸိုင်ၸဝ်ႈဢၼ်ႁႂ်ႈၸဝ်ႈၶရိၸ်ႉလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉတၵ်းႁႂ်ႈတူဝ်ၶိင်းသူလိပ်းၵွပ်ႈပိူဝ်ႈဝိၺိၺ်ႇမၼ်းၸဝ်ႈဢၼ်ၵိင်းဝၢပ်ႈယူႇၵႃႈၼႂ်းသူၼၼ်ႉဢေႃႈ။

၁၂ ပိူဝ်ႈၼႆလႄႈပီႈၼွင်ႉၶဝ်ဢိူၺ်း၊ႁဝ်းၸိူဝ်းၼႆႉပဵၼ်ၶႃႈၸႃႇတိပၵတိႁႂ်ႈလႆႈႁဵတ်းၸွမ်းၼင်ႇၸႃႇတိပၵတိဢမ်ႇၸႂ်ႈ။ပေႃးသူဢသၢၵ်ႈလိပ်းၸွမ်းၼင်ႇၸႃႇတိပၵတိၸိုင်၊သူတၵ်းလႆႈတၢႆဢေႃႈ။

၁၃ ပေႃးသူႁႂ်ႈၸႃႇတိပၵတိတူဝ်ၶိင်းၼႆႉတၢႆၵွပ်ႈပိူဝ်ႈဝိၺိၺ်ႇၸဝ်ႈၸိုင်၊ဢသၢၵ်ႈသူတၵ်းလိပ်းဢေႃႈ။

၁၄ ၶဝ်ၸိူဝ်းဢၼ်ဝိၺိၺ်ႇၸဝ်ႈဢွၼ်သူင်ႇၵႃႈမီးတင်းသဵင်ႈတင်းလူင်ၼၼ်ႉ၊ပဵၼ်လုၵ်ႈၽြႃးပဵၼ်ၸဝ်ႈဢေႃႈ။

၁၅ လွင်ႈမၼ်းၸမ်းသူလႆႈၸႂ်သၽေႃးၶႃႈဢၼ်ၸၢင်ႊၶိုၼ်းၵူဝ်ၶိုၼ်းႁႄၼၼ်ႉဢမ်ႇၸႂ်ႈ။သူလႆႈသၽေႃးတၢင်းဢၼ်ၶိုၼ်းပဵၼ်လုၵ်ႈဢိၵ်ႇတင်းဢၶႂၢင်ႉဢၼ်လႆႈႁွင်ႉၽြႃးပဵၼ်ၸဝ်ႈဝႃႈ၊ဢပ်ႉပႃႉ(ပေႃႈ)ၼၼ်ႉဢေႃႈ။

၁၆ ႁဝ်းပဵၼ်လုၵ်ႈၽြႃးပဵၼ်ၸဝ်ႈဢေႃႈ၊ဝႃႈၼႆဝိၺိၺ်ႇၸဝ်ႈၶၢမ်ႇသၢၵ်ႈသေႇလူၺ်ႈၵၼ်တင်းဝိၺိၺ်ႇႁဝ်းယူႇဢေႃႈ။

၁၇ ပေႃးပဵၼ်လုၵ်ႈၸိုင်ပဵၼ်ၵေႃႉဢၼ်တၵ်းလႆႈၶၢမ်ႇဢမူၺ်ႇဢေႃႈ။ပဵၼ်ၵေႃႉဢၼ်လႆႈၶၢမ်ႇဢမူၺ်ႇၽြႃးပဵၼ်ၸဝ်ႈဢေႃႈ။ပေႃးလႆႈၶၢမ်ႇတုၵ်ႉၶႃႉတၢင်းၽၢၼ်ႁူမ်ႈလူၺ်ႈၵၼ်တင်းၸဝ်ႈၼၼ်ႉၸိုင်တၵ်းလႆႈၸၢမ်ႇၸႃးမူၼ်ၽုင်းလူၺ်ႈၵၼ်တင်းၸဝ်ႈၼၼ်ႉလႄႈပဵၼ်ၵေႃႉဢၼ်ၶၢမ်ႇဢမူၺ်ႇလူၺ်ႈၵၼ်တင်းၸဝ်ႈၼၼ်ႉဢေႃႈ။

မူၼ်ၽုင်းဢၼ်တၵ်းထၢင်ႇသႃးမႃး

၁၈ ပေႃးၶႆႈၸႂ်လူၺ်ႈလွင်ႈမူၼ်ၽုင်းဢၼ်တၵ်းထၢင်ႇသႃးမႃးၵႃႈတီႈႁဝ်းၼၼ်ႉၸိုင်တုၵ်ႉၶႃႉတၢင်းၽၢၼ်ဢၼ်ႁဝ်းလႆႈၶၢမ်ႇယူႇၼႂ်းၶိင်ႇတေႃႈလဵဝ်သိုဝ်ႈၼႃႈတႂ်ႈတႃၼႆႉပဵၼ်ၼင်ႇဢမ်ႇပွင်ႇလွင်ႈၵႃႈသင်ဝႃႈၼႆၵဝ်မီးသၽေႃးၸိူဝ်ႉၼႆဢေႃႈ။

၁၉ တၢင်းဢၼ်လေႃးၵႃႉမုင်ႈထႃႈမွင်းထႃႈၼၼ်ႉပဵၼ်တၢင်းဢၼ်ပႂ်ႉထႃႈလွင်ႈတၢင်းဢၼ်လုၵ်ႈၽြႃးပဵၼ်ၸဝ်ႈတင်းလၢႆတၵ်းပေႃႇမႃးၼၼ်ႉဢေႃႈ။

၂၀ လေႃးၵႃႉၼႆႉယူႇဢလူဝ်ႇလူဝ်ႇလႄႈၸွမ်းၵႂႃႇၵႃႈၼႂ်းမိူင်းဢႃႉၼိၵ်ႉၸႃႉဢမ်ႇၸႂ်ႈ။ၸွမ်းၵႂႃႇၸိူဝ်ႉၼင်ႇဢလူဝ်ႇမၼ်းၸဝ်ႈမီးၼၼ်ႉလႄႈပၼ်ဢၶႂၢင်ႉဢၼ်လႆႈမုင်ႈထႃႈမွင်းထႃႈလွင်ႈဢၼ်လေႃးၵႃႉၼႆႉတူဝ်ၸဝ်ႈၵဝ်ႇတၵ်းမီးတၢင်းဢၼ်ပွႆႇလွတ်ႈသေ

၂၁ ၵႃႈၼႂ်းတၢင်းဢၼ်မတ်ႉၽုၵ်ႇဝႆႉဢၼ်ၽွၵ်ႈပျၢၼ်ႇလူႉလႅဝ်ၼၼ်ႉသေလႄႈႁွတ်ႈထိုင်ၵႃႈၼႂ်းတၢင်းဢၼ်လွတ်ႈဢၼ်ၸၢပ်ႈသႅင်ႇၵၼ်တင်းမူၼ်ၽုင်းလုၵ်ႈၽြႃးပဵၼ်ၸဝ်ႈတင်းလၢႆၼၼ်ႉယူႇဢေႃႈ။

၂၂ လေႃးၵႃႉၼႆႉတင်းသဵင်ႈတင်းလူင်လႆႈၶင်းၶီၶင်းၽၢၼ်လႄႈၶၢမ်ႇဝူၺ်ႇတၼႃႇတုၵ်ႉၶႃႉတၢင်းၽၢၼ်တေႃႇထိုင်ႁွတ်ႈမိူဝ်ႈလဵဝ်ၼႆႉယူႇဢေႃႈ။

၂၃ လိူဝ်သေၼၼ်ႉဢမ်ႇၵႃးႁဝ်းၵေႃႈလႆႈၶၢမ်ႇငဝ်ႈႁၢၵ်ႈသူႉၵျေးၸူးၸဝ်ႈသေယဝ်ႉမုင်ႈထႃႈမွင်းထႃႈတၢင်းဢၼ်ယွင်ႈဝႆႉၼႂ်းဢရႃႇလုၵ်ႈဢၼ်ဝႃႈတၢင်းဢၼ်ၶျၢမ်းသႃႇဢိၵ်ႇတင်းတၢင်းဢၼ်ထူတ်ႇဢဝ်တူဝ်ၶိင်းႁဝ်းၼႆႉၼၼ်ႉၵူၺ်းလႄႈၶင်းၶီၶင်းၽၢၼ်ယူႇၵႃႈၼႂ်းႁူဝ်ၸႂ်ဢေႃႈ။

၂၄ ႁဝ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼႂ်းတၢင်းဢၼ်မုင်ႈထႃႈမွင်းထႃႈဢေႃႈ။ပေႃးထူပ်းႁၼ်တၢင်းမုင်ႈထႃႈမွင်းထႃႈၼၼ်ႉယဝ်ႉၸိုင်လွင်ႈဢၼ်တၵ်းလႆႈမုင်ႈထႃႈမွင်းထႃႈယူႇထႅင်ႈၼၼ်ႉဢမ်ႇမီး။ႁဵတ်းသင်လႄႈမုင်ႈထႃႈမွင်းထႃႈဢၼ်လႆႈထူပ်းႁၼ်ယဝ်ႉၼၼ်ႉ။

၂၅ ပေႃးႁဝ်းမုင်ႈထႃႈမွင်းထႃႈလွင်ႈတၢင်းဢၼ်ဢမ်ႇပႆႇထူပ်းပႆႇႁၼ်ၼၼ်ႉႁဝ်းပႃးတင်းၸႂ်ဢၼ်ယိူၼ်ႉၶၢမ်ႇလႄႈပႂ်ႉယူႇထႃႈယူႇဢေႃႈ။

၂၆ လိူဝ်သေၼၼ်ႉဝိၺိၺ်ႇၸဝ်ႈၸွႆႈထႅမ်မႃႉၸႃႉႁဝ်းယူႇၼႂ်းလွင်ႈတၢင်းဢၼ်ႁဝ်းဢမ်ႇတတ်ႈၼိုင်ႇလႆႈၸိူဝ်းၼၼ်ႉဢေႃႈ။ၵႃႈၼင်ႇဢၼ်ႁဝ်းထုၵ်ႇလီသူးတွင်းၼၼ်ႉတၵ်းလႆႈယွၼ်းသူးၵႃႈသင်ဝႃႈၼႆႁဝ်းဢမ်ႇႁူႉ။ၵူၺ်းၵႃႈဝိၺိၺ်ႇၸဝ်ႈဢဝ်တင်းတၢင်းဢၼ်ၶင်းၶီၶင်းၽၢၼ်ဢၼ်ဢမ်ႇဢွၵ်ႇသူပ်းလႆႈၼၼ်ႉတွင်းပၢၼ်ႇပၼ်ပုၼ်ႈႁဝ်းဢေႃႈ။

၂၇ ၸဝ်ႈဢၼ်ၸႅတ်ႈထၢမ်ၸႅတ်ႈတူၺ်းႁူဝ်ၸႂ်ၼၼ်ႉႁူႉၸႂ်သၽေႃးဝိၺိၺ်ႇၸဝ်ႈယူႇဢေႃႈ။လွင်ႈမၼ်းၸမ်းဝိၺိၺ်ႇၸဝ်ႈတွင်းပၢၼ်ႇပုၼ်ႈၶဝ်ၸိူဝ်းဢၼ်မူတ်းၸၢင်ႇၼၼ်ႉၸွမ်းၼင်ႇဢလူဝ်ႇၽြႃးပဵၼ်ၸဝ်ႈဢေႃႈ။

၂၈ ႁဝ်းႁူႉလွင်ႈဢၼ်လွင်ႈတၢင်းၵႃႈမီးၵူႈၸိူဝ်ႉၵူႈပိူင်ၽွမ်ႉၵၼ်ပွင်ႁဵတ်းႁႂ်ႈပဵၼ်ဢၵျူဝ်းပုၼ်ႈၶဝ်ၸိူဝ်းဢၼ်ႁၵ်ႉၽြႃးပဵၼ်ၸဝ်ႈဢၼ်ပဵၼ်ၶဝ်ၸိူဝ်းဢၼ်မၼ်းၸဝ်ႈႁွင်ႉဢဝ်ၵႃႈၼင်ႇတၢင်းဢၼ်မၼ်းၸဝ်ႈၵျၢမ်ႇပွင်ဝႆႉၼၼ်ႉဢေႃႈ။

၂၉ ၼင်ႇႁိုဝ်လုၵ်ႈၸဝ်ႈတၵ်းပဵၼ်လုၵ်ႈတူၼ်ႈၼႂ်းလုၵ်ႈလၢင်းၼမ်ၼႃႇၼၼ်ႉၸိုင်ၽြႃးပဵၼ်ၸဝ်ႈမၵ်းၶၢၼ်းၶဝ်ၸိူဝ်းဢၼ်မၼ်းၸဝ်ႈႁူႉၸႃႉၸဵမ်မိူဝ်ႈဢွၼ်ၼႆႉၼၼ်ႉႁႂ်ႈလႆႈပဵၼ်ၸိူဝ်ႉၼင်ႇပုင်ႇႁၢင်ႊလုၵ်ႈၸဝ်ႈဢေႃႈ။

၃၀ ၶဝ်ၸိူဝ်းဢၼ်မၼ်းၸဝ်ႈမၵ်းၶၢၼ်းဝႆႉၼၼ်ႉၵေႃႈမၼ်းၸဝ်ႈႁွင်ႉဢဝ်ဢေႃႈ။ၶဝ်ၸိူဝ်းဢၼ်မၼ်းၸဝ်ႈႁွင်ႉဢဝ်ၼၼ်ႉၵေႃႈမၼ်းၸဝ်ႈႁႂ်ႈတႄႇယူႇၼႂ်းတၢင်းဢၼ်သိုဝ်ႈတေႃႇဢေႃႈ။

၃၁ ၶဝ်ၸိူဝ်းဢၼ်မၼ်းၸဝ်ႈႁႂ်ႈတႄႇယူႇၼႂ်းတၢင်းဢၼ်သိုဝ်ႈတေႃႇၼၼ်ႉၵေႃႈမၼ်းၸဝ်ႈယွင်ႈယေႃးဢေႃႈ။

ပိူဝ်ႈၼႆလႄႈၼႂ်းလွင်ႈတၢင်းၼႆႉတၵ်းမီးတီႈလၢတ်ႈၵႃႈသင်။ပေႃးၽြႃးပဵၼ်ၸဝ်ႈမီးယူႇၽၢႆႇႁဝ်းၸိုင်ၽူႈလႂ်တၵ်းယူႇၽၢႆႇၼိုင်ႈသေလႄႈႁႄႉၶႅၼ်ႁဝ်းလႆႈ။

၃၂ ၸဝ်ႈဢၼ်ယင်းဢမ်ႇသေလၢႆလုၵ်ႈၸဝ်ႈလႄႈၸုၼ်ႉပႅတ်ႈပုၼ်ႈႁဝ်းၼၼ်ႉယင်းတၵ်းဢမ်ႇပၼ်ၵႃႈမီးတင်းသဵင်ႈတင်းလူင်တီႈႁဝ်းလူၺ်ႈၵၼ်တင်းမၼ်းၸဝ်ႈႁိုဝ်။

၃၃ ၽူႈလႂ်တၵ်းတၢင်ႇဢပျႅတ်ႈတီႈၶဝ်ၸိူဝ်းဢၼ်ၽြႃးပဵၼ်ၸဝ်ႈလိူၵ်ႈၵဵပ်းဢဝ်ၼၼ်ႉ။ၵေႃႉဢၼ်ႁႂ်ႈတႄႇယူႇၼႂ်းတၢင်းဢၼ်သိုဝ်ႈတေႃႇၼၼ်ႉၸမ်းပဵၼ်ၽြႃးပဵၼ်ၸဝ်ႈဢေႃႈ။

၃၄ ၵေႃႉဢၼ်ၸီႇယၢင်ႇဢပျႅတ်ႈၸမ်း၊ပဵၼ်ၽူႈလႂ်။ပဵၼ်ၸဝ်ႈၶရိၸ်ႉၽူႈဢၼ်ၶၢမ်ႇတၢင်းတၢႆလႄႈလုၵ်ႉၵႃႈတၢင်းတၢႆၶိုၼ်းလိပ်းသေယဝ်ႉမီးယူႇၽၢႆႇၶႂႃႇၽြႃးပဵၼ်ၸဝ်ႈလႄႈသူးတွင်းပုၼ်ႈႁဝ်းယူႇဢေႃႈ။

၃၅ ၽူႈလႂ်တၵ်းႁဵတ်းႁႂ်ႈႁဝ်းၽၢတ်ႇယၢၼ်ၵၼ်တင်းတၢင်းႁၵ်ႉမႅတ်ႈတႃႇၸဝ်ႈၶရိၸ်ႉလႆႈ။တၢင်းဢၼ်ယၢၵ်ႈၸႂ်ၽၢၼ်ၸႂ်၊တၢင်းဢၼ်ၵႅၼ်းၸႂ်တိပ်ႇၸႂ်၊တၢင်းဢၼ်ၼိၵ်ႈၸၢၵ်ႈငႅၼ်းသေး၊တၢင်းဢၼ်ဢိုပ်းဢၼ်ယၢၵ်ႈ၊တၢင်းဢၼ်ဢမ်ႇမီးၶူဝ်းမီးလဵင်း၊တၢင်းဢၼ်လႆႈထူပ်းၽေးထူပ်းရၢၼ်ႇ၊တၢင်းဢၼ်လႆႈၶၢမ်ႇတၢင်းတၢႆၸိူဝ်းၼႆႉဢၼ်လႂ်တၵ်းႁဵတ်းႁႂ်ႈႁဝ်းၽၢတ်ႇယၢၼ်ၵၼ်တင်းတၢင်းႁၵ်ႉမႅတ်ႈတႃႇၸဝ်ႈၶရိၸ်ႉၼၼ်ႉလႆႈ။

၃၆ ဢၼ်မႃးၼႂ်းၵျၢမ်းလိၵ်ႈလႄႈဝႃႈၸမ်း၊-ၵွပ်ႈပိူဝ်ႈၸဝ်ႈႁဝ်းလႄႈႁဝ်းၶႃႈလႆႈၶၢမ်ႇတၢင်းဢၼ်ဢဝ်တၢႆတႃႇသေႇဢမ်ႇထၢတ်ႇၶႃႈဢေႃႈ။ပိူၼ်ႈၸၢင်ႊမၢတ်ႈႁဝ်းၶႃႈပဵၼ်ၸိူဝ်ႉၼင်ႇသူဝ်းဢၼ်ၶၢၼ်းဝႆႉႁႂ်ႈလႆႈဢဝ်တၢႆၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။

၃၇ ဢမ်ႇႁႂ်ႈၽၢတ်ႇႁႂ်ႈယၢၼ်ၵၼ်လႆႈၵူၺ်းဢမ်ႇၵႃးၵွပ်ႈပိူဝ်ႈၵျေးၸူးမၼ်းၸဝ်ႈဢၼ်ႁၵ်ႉႁဝ်းၼၼ်ႉလႄႈႁဝ်းယဵင်ႈၶႅၼ်းတၵ်းပႄႉၼႅင်ႇၼႂ်းလွင်ႈတၢင်းတင်းသဵင်ႈတင်းလူင်ၸိူဝ်းၼၼ်ႉဢေႃႈ။

၃၈ လွင်ႈမၼ်းၸမ်းတၢင်းတၢႆသေဢမ်ႇဝႃႈတၢင်းဢၼ်ဢသၢၵ်ႈလိပ်းသေဢမ်ႇဝႃႈတမၢၼ်ႇၵၢင်ႁၢဝ်သေဢမ်ႇဝႃႈပၢႆၸိၵ်းၸွမ်ဢၼ်မျၢတ်ႈသေဢမ်ႇဝႃႈဢႃႇၼႃႇသေဢမ်ႇဝႃႈဢၼ်သိုဝ်ႈၼႃႈတႂ်ႈတႃသေဢမ်ႇဝႃႈဢၼ်တၵ်းမႃးၵမ်းလိုၼ်းၼၼ်ႉသေဢမ်ႇဝႃႈ

၃၉ ဢၼ်သုင်သေဢမ်ႇဝႃႈဢၼ်တႅမ်ႇသေဢမ်ႇဝႃႈၸႃႉၸဵမ်လွင်ႈၸိူဝ်းၼႆႉလႄႈလွင်ႈတၢင်းၼီႉမိၵ်ႉတႃႉဢၼ်လႂ်သေဢမ်ႇဝႃႈ၊တၵ်းဢမ်ႇၸၢင်ႊႁဵတ်းႁႂ်ႈႁဝ်းၽၢတ်ႇယၢၼ်ၵၼ်တင်းတၢင်းႁၵ်ႉမႅတ်ႈတႃႇၽြႃးပဵၼ်ၸဝ်ႈဢၼ်မီးယူႇၵႃႈၼႂ်းၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉလႆႈဝႃႈၼႆၵဝ်တူၵ်းၵၢင်ၸႂ်ယူႇဢေႃႈ။