ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁
၉
ႁႂ်ႈၵူၼ်းတႃမွတ်ႇၶိုၼ်းႁၼ်
၁ ၼႂ်းမိူဝ်ႈဢၼ်မၼ်းၸဝ်ႈယင်းတိုၵ်ႉၵႂႃႇၸွမ်းတၢင်းယူႇၼၼ်ႉၸိုင်မၼ်းၸဝ်ႈထူပ်းႁၼ်ၵူၼ်းတႃမွတ်ႇၵေႃႉၼိုင်ႈဢၼ်တႃမွတ်ႇဝႆႉၸႃႉၸဵမ်မိူဝ်ႈမီးၼႂ်းတွင်ႉမေႈမၼ်းၼၼ်ႉဢေႃႈ။
၂ တပႄးၸဝ်ႈတင်းလၢႆၵေႃႈလဝ်ႈထၢမ်လႄႈဝႃႈ၊-ၸဝ်ႈႁဝ်း၊ၵူၼ်းၵေႃႉၼႆႉတႃမွတ်ႇဝႆႉၵွပ်ႈပိူဝ်ႈၵေႃႉလႂ်ႁဵတ်းဢပျႅတ်ႈၶႃႈ။ၵွပ်ႈပိူဝ်ႈမၼ်းႁဵတ်းဢပျႅတ်ႈၶႃႈႁိုဝ်။ၵွပ်ႈပိူဝ်ႈပေႃႈမေႈမၼ်းႁဵတ်းဢပျႅတ်ႈၶႃႈႁိုဝ်၊ဝႃႈၼင်ႇၼႆဢေႃႈ။
၃ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ၵွပ်ႈပိူဝ်ႈမၼ်းႁဵတ်းဢပျႅတ်ႈဢမ်ႇၸႂ်ႈ။ၵွပ်ႈပိူဝ်ႈပေႃႈမေႈမၼ်းႁဵတ်းဢပျႅတ်ႈၵေႃႈဢမ်ႇၸႂ်ႈ။ၼင်ႇႁိုဝ်ဢမူႉတေႃႇမျၢတ်ႈၽြႃးပဵၼ်ၸဝ်ႈပေႃးတၵ်းလႆႈထၢင်ႇသႃးမႃးၵႃႈၼႂ်းမၼ်းၼၼ်ႉၸိုင်မၼ်းၸင်ႇလႆႈတႃမွတ်ႇဢေႃႈ။
၄ ၵဝ်တၵ်းလႆႈႁဵတ်းၵၢၼ်တၢင်းႁဵတ်းၵေႃႉဢၼ်ပွႆႇၸႂ်ႉၵဝ်မႃးၼၼ်ႉၼႂ်းမိူဝ်ႈဢၼ်ၶိင်ႇၵၢင်ဝၼ်းယင်းမီးယူႇၼၼ်ႉဢေႃႈ။ၶိင်ႇၵၢင်ၶိုၼ်းဢၼ်ၽူႈလႂ်သေၵေႃႉသေၵူၼ်းဢမ်ႇၸၢင်ႊႁဵတ်းသင်လႆႈၼၼ်ႉယင်းမႃးယူႇဢေႃႈ။
၅ မိူဝ်ႈဢၼ်ၵဝ်ယင်းမီးယူႇၼႂ်းလေႃးၵႃႉၼႆႉၵဝ်ပဵၼ်ဢၼ်လႅင်းလေႃးၵႃႉၼႆႉဢေႃႈ၊ဝႃႈၼင်ႇၼႆသေယဝ်ႉ
၆ မၼ်းၸဝ်ႈဢဝ်ၼမ်ႉလၢႆးသႂ်ႇၵႃႈၼိူဝ်ႈလိၼ်သေယဝ်ႉႁဵတ်းၵူမ်ႇယဝ်ႉၸင်ႇဢဝ်ၵူမ်ႇၼၼ်ႉတႃးသႂ်ႇတႃၵေႃႉဢၼ်တႃမွတ်ႇၼၼ်ႉသေလႄႈလၢတ်ႈဝႃႈ၊-
၇ ၵႂႃႇသုၵ်ႈတႃမႂ်းၵႃႈတီႈၼမ်ႉၼွင်သီႇလွင်ႇပုၼ်ႉတႃႉ၊ဝႃႈၼင်ႇၼႆဢေႃႈ။သီႇလွင်ႇၸမ်းၶႂ်ႈပွင်ႇဝႃႈ၊ပွႆႇၸႂ်ႉၵႂႃႇ၊ဝႃႈၼႆဢေႃႈ။ၵေႃႉၼၼ်ႉၵေႃႈၵႂႃႇလႄႈသုၵ်ႈတႃမၼ်းယဝ်ႉၸင်ႇမၢၵ်ႇတႃမၼ်းႁၼ်မႃးလႄႈၶိုၼ်းမိူဝ်းႁိူၼ်းၵႂႃႇဢေႃႈ။
၈ ၸႃႉၸဵမ်ၵူၼ်းႁိူၼ်းၸမ်ၵၼ်ဢိၵ်ႇတင်းၶဝ်ၸိူဝ်းဢၼ်ႁူႉမၼ်းပဵၼ်ၵူၼ်းတႃမွတ်ႇဢၼ်ယွၼ်းပိူၼ်ႈၵိၼ်ၼၼ်ႉလၢတ်ႈဝႃႈ၊-ၵေႃႉၼႆႉပဵၼ်ၵေႃႉဢၼ်ၼင်ႈလႄႈယွၼ်းပိူၼ်ႈၵိၼ်ယူႇၼၼ်ႉဢမ်ႇၸႂ်ႈႁိုဝ်၊ဝႃႈၼင်ႇၼႆဢေႃႈ။
၉ ၵမ်ႈၽွင်ႈၵေႃႈဝႃႈ၊-ၸႂ်ႈယဝ်ႉ၊ဝႃႈၼင်ႇၼႆဢေႃႈ။ၵမ်ႈၽွင်ႈၵေႃႈဝႃႈ၊-မိူၼ်ၵေႃႉၼၼ်ႉယူႇဢိူဝ်ႈ၊ဝႃႈၼင်ႇၼႆဢေႃႈ။မၼ်းၵေႃႈဝႃႈ၊-ၵဝ်ၶႃႈပဵၼ်ၵေႃႉဢၼ်သူဝႃႈၼၼ်ႉၶႃႈယဝ်ႉ၊ဝႃႈၼင်ႇၼႆဢေႃႈ။
၁၀ ၶဝ်ၵေႃႈထၢမ်မၼ်းဝႃႈ၊-ႁဵတ်းႁိုဝ်လႄႈမၢၵ်ႇတႃမႂ်းၽုၺ်ႇႁၼ်မႃး၊မိူဝ်ႈဢၼ်ဝႃႈၼင်ႇၼႆၸိုင်၊ၵေႃႉၼၼ်ႉၵေႃႈၶိုၼ်းလၢတ်ႈလႄႈဝႃႈ၊-
၁၁ ၵူၼ်းၵေႃႉၼိုင်ႈဢၼ်လႆႈၸိုဝ်ယေႇသုၼၼ်ႉမၼ်းႁဵတ်းၵူမ်ႇလႄႈတႃးတႃၵဝ်ၶႃႈသေယဝ်ႉႁႂ်ႈၵဝ်ၶႃႈၵႂႃႇၵႃႈတီႈၼမ်ႉၼွင်သီႇလွင်ႇပုၼ်ႉလႄႈသုၵ်ႈတႃၶႃႈဢေႃႈ။ၵႃႈၼင်ႇဢၼ်မၼ်းဝႃႈၼၼ်ႉမိူဝ်ႈဢၼ်ၵဝ်ၶႃႈၵႂႃႇသုၵ်ႈတႃၸိုင်တႃၵဝ်ၶႃႈႁၼ်မႃးၶႃႈဢေႃႈ၊ဝႃႈၼင်ႇၼႆဢေႃႈ။
၁၂ ၶဝ်ၵေႃႈထၢမ်လႄႈဝႃႈ၊-ၵေႃႉၼၼ်ႉမီးၵႃႈလႂ်မိူဝ်ႈဢၼ်ဝႃႈၼင်ႇၼႆၸိုင်မၼ်းၵေႃႈလၢတ်ႈဝႃႈ၊-
၁၃ ၵဝ်ၶႃႈဢမ်ႇႁူႉၶႃႈ၊ဝႃႈၼင်ႇၼႆဢေႃႈ။ၶဝ်ၸိူဝ်းၼၼ်ႉၵေႃႈဢဝ်ၵေႃႉဢၼ်တႃမွတ်ႇၶိုၼ်းႁၼ်မႃးၼၼ်ႉၵႂႃႇသူင်ႇၵႃႈတီႈၽႃႇရိသေးၶဝ်ဢေႃႈ။
၁၄ ဝၼ်းဢၼ်ၸဝ်ႈယေႇသုႁဵတ်းၵူမ်ႇလႄႈၽုၺ်ႇမၢၵ်ႇတႃၵူၼ်းတႃမွတ်ႇၼၼ်ႉပဵၼ်ဝၼ်းၵမ်သိၼ်ဢေႃႈ။လၢႆးသမ်ႉၽႃႇရိသေးၸိူဝ်းၼၼ်ႉထၢမ်လႄႈဝႃႈ၊-ႁဵတ်းၸိူဝ်ႉၼင်ႇႁိုဝ်လႄႈမၢၵ်ႇတႃမႂ်းႁၼ်မႃးမိူဝ်ႈဢၼ်ဝႃႈၼင်ႇၼႆၸိုင်၊မၼ်းၵေႃႈလၢတ်ႈလႄႈဝႃႈ၊-
၁၅ ၵေႃႉၼၼ်ႉဢဝ်ၵူမ်ႇသႂ်ႇၵႃႈတီႈမၢၵ်ႇတႃၵဝ်ၶႃႈလႄႈမိူဝ်ႈဢၼ်ၵဝ်ၶႃႈသုၵ်ႈတႃၼၼ်ႉမၢၵ်ႇတႃၵဝ်ၶႃႈႁၼ်မႃးၶႃႈဢေႃႈ၊ဝႃႈၼင်ႇၼႆဢေႃႈ။
၁၆ ၽႃႇရိသေးၵမ်ႈၽွင်ႈၵေႃႈလၢတ်ႈလႄႈဝႃႈ၊-ပိူဝ်ႈဢၼ်ၵေႃႉၼၼ်ႉဢမ်ႇၵမ်ဝၼ်းၵမ်သိၼ်လႄႈပဵၼ်ၵေႃႉဢၼ်ၽြႃးပဵၼ်ၸဝ်ႈပွႆႇၸႂ်ႉမႃးဢမ်ႇၸႂ်ႈလႆႈ၊ဝႃႈၼင်ႇၼႆဢေႃႈ။ၵမ်ႈၽွင်ႈၵေႃႈဝႃႈ၊-ၵေႃႉဢၼ်မီးဢပျႅတ်ႈၼၼ်ႉတၵ်းႁဵတ်းၼႄပျႃးၼီႉမိၵ်ႈလၵ်ႈၶၼႃႇၸိူဝ်ႉၼင်ႇၼႆလႆႈႁိုဝ်၊ဝႃႈၼင်ႇၼႆဢေႃႈ။ၼင်ႇၼၼ်လႄႈၶဝ်ၵေႃႉၼိုင်ႈလႄႈၵေႃႉၼိုင်ႈႁွတ်ႈထိုင်တၢင်းဢၼ်ဢမ်ႇထုၵ်ႇဢမ်ႇမေႃၵၼ်ၽၢတ်ႇၽႄၵၼ်ဢေႃႈ။
၁၇ ၶဝ်သမ်ႉၶိုၼ်းထၢမ်ၵေႃႉဢၼ်တႃမွတ်ႇၼၼ်ႉထႅင်ႈလႄႈဝႃႈ၊-ၵေႃႉဢၼ်ၽုၺ်ႇမၢၵ်ႇတႃမႂ်းၼၼ်ႉပဵၼ်ၵူၼ်းၸိူဝ်ႉၼင်ႇႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်ၵေႃႉၼၼ်ႉၵေႃႈလၢတ်ႈလႄႈဝႃႈ၊-ပဵၼ်ပရေႃးၽႅတ်ႈၶႃႈဢေႃႈ၊ဝႃႈၼင်ႇၼႆဢေႃႈ။
၁၈ ၵူၼ်းယုတၸိူဝ်းၼၼ်ႉၸူဝ်ႈဢၼ်ၶဝ်ဢမ်ႇပႆႇႁွင်ႉဢဝ်ပေႃႈမေႈမၼ်းမႃးၼၼ်ႉၸိုင်ၶဝ်ဢမ်ႇယုမ်ႇလွင်ႈဢၼ်ဝႃႈၵေႃႉၼၼ်ႉဢွၼ်တၢင်းမၼ်းပဵၼ်ၵူၼ်းတႃမွတ်ႇလႄႈၶိုၼ်းႁၼ်မႃးၼၼ်ႉ။
၁၉ ၶဝ်ထၢမ်ပေႃႈမေႈမၼ်းလႄႈဝႃႈ၊-ၵေႃႉၼႆႉၸွင်ႇၸႂ်ႈလုၵ်ႈၸၢႆးသူဢၼ်ဝႃႈတႃမွတ်ႇမႃးၸဵမ်မိူဝ်ႈၼႂ်းတွင်ႉမေႈၼၼ်ႉတႄႉႁိုဝ်။ပေႃးၸႂ်ႈတႄႉၸိုင်တေႃႈလဵဝ်ၼႆႉႁဵတ်းႁိုဝ်လႄႈမၢၵ်ႇတႃမၼ်းႁၼ်မႃး၊ဝႃႈၼင်ႇၼႆဢေႃႈ။
၂၀ ပေႃႈမေႈမၼ်းၵေႃႈၶိုၼ်းလၢတ်ႈလႄႈဝႃႈ၊-ၸႂ်ႈယဝ်ႉ။ၵေႃႉၼႆႉပဵၼ်လုၵ်ႈၸၢႆးႁဝ်းၶႃႈဢၼ်တႃမၼ်းမွတ်ႇမႃးၸဵမ်မိူဝ်ႈၼႂ်းတွင်ႉမေႈၼၼ်ႉၶႃႈဢေႃႈ။
၂၁ ၵူၺ်းၵႃႈႁဝ်းၶႃႈဢမ်ႇႁူႉႁဵတ်းႁိုဝ်လႄႈတေႃႈလဵဝ်ၼႆႉမၢၵ်ႇတႃမၼ်းႁၼ်မႃး။ႁဝ်းၶႃႈဢမ်ႇႁူႉၽူႈလႂ်ၽုၺ်ႇပၼ်မၢၵ်ႇတႃမၼ်း။ထၢမ်တီႈမၼ်းၶႃႈလႄႈ။ဢသၢၵ်ႈဢယွႆႇမၼ်းၵေႃႈယႂ်ႇထူၼ်ႈၶႃႈယဝ်ႉ။မၼ်းတၵ်းလၢတ်ႈၼႄလွင်ႈတူဝ်ၸဝ်ႈၵဝ်ႇလႆႈယူႇၶႃႈ၊ဝႃႈၼင်ႇၼႆဢေႃႈ။
၂၂ ပေႃႈမၼ်းၼၼ်ႉၵွပ်ႈပိူဝ်ႈၵူဝ်ၵူၼ်းယုတတင်းလၢႆလႄႈၸင်ႇဝႃႈၸိူဝ်ႉၼင်ႇၼၼ်ဢေႃႈ။လွင်ႈမၼ်းၸမ်းပေႃးသေၵေႃႉသေၵူၼ်းယိုၼ်ဝႃႈၸဝ်ႈယေႇသုပဵၼ်ၸဝ်ႈၶရိၸ်ႉဢေႃႈ၊ဝႃႈၼင်ႇၼႆၼၼ်ႉတၵ်းလႆႈၶၢမ်ႇတၢင်းဢၼ်ႁေႃႈဢွၵ်ႇသေၵႃႈၼႂ်းၸရွပ်ႈႁေႃးတြႃးဢေႃႈ၊ဝႃႈၼႆၵူၼ်းယုတၸိူဝ်းၼၼ်ႉတိူင်ႇပၢင်ႇၵၼ်ဝႆႉယဝ်ႉ။
၂၃ ပိူဝ်ႈၼႆလႄႈပေႃႈမေႈမၼ်းၸင်ႇလၢတ်ႈဝႃႈ၊-ဢသၢၵ်ႈဢယွႆႇမၼ်းထူၼ်ႈၶႃႈယဝ်ႉ။ထၢမ်တီႈမၼ်းသေၵမ်းၶႃႈ၊ဝႃႈၼင်ႇၼႆဢေႃႈ။
၂၄ ၶဝ်ၵေႃႈႁွင်ႉဢဝ်ၵေႃႉဢၼ်တႃမွတ်ႇဢၼ်ၶိုၼ်းႁၼ်ၼၼ်ႉမႃးထႅင်ႈပွၵ်ႈတုတိယသေလႄႈလၢတ်ႈဝႃႈ၊-ယွင်ႈယေႃးၽြႃးပဵၼ်ၸဝ်ႈတႃႉ။ႁဝ်းႁူႉလွင်ႈဢၼ်ဝႃႈၵေႃႉၼၼ်ႉပဵၼ်ၵူၼ်းဢၼ်မီးဢပျႅတ်ႈဢိူဝ်ႈ၊မိူဝ်ႈဢၼ်ဝႃႈၼင်ႇၼႆၸိုင်မၼ်းၵေႃႈၶိုၼ်းလၢတ်ႈလႄႈဝႃႈ၊-
၂၅ လွင်ႈဢၼ်ဝႃႈမၼ်းပဵၼ်ၵူၼ်းဢၼ်မီးဢပျႅတ်ႈႁိုဝ်၊ဢမ်ႇမီးဢပျႅတ်ႈႁိုဝ်၊ဢၼ်ဝႃႈၼၼ်ႉတႄႉၵဝ်ၶႃႈဢမ်ႇႁူႉၶႃႈ။ဢၼ်ၵဝ်ၶႃႈႁူႉလွင်ႈၼိုင်ႈတႄႉမိူဝ်ႈဢွၼ်ၼၼ်ႉမၢၵ်ႇတႃၵဝ်ၶႃႈမွတ်ႇယူႇလႄႈတေႃႈလဵဝ်ၼႆႉမၢၵ်ႇတႃၵဝ်ၶႃႈႁၼ်မႃးၶႃႈယဝ်ႉ၊ဝႃႈၼင်ႇၼႆဢေႃႈ။
၂၆ ၶဝ်ၵေႃႈၶိုၼ်းထၢမ်ၵေႃႉၼၼ်ႉလႄႈဝႃႈ၊-မၼ်းႁဵတ်းတီႈမႂ်းၸိူဝ်ႉၼင်ႇႁိုဝ်။မၼ်းႁဵတ်းႁိုဝ်ၽုၺ်ႇမၢၵ်ႇတႃမႂ်း၊မိူဝ်ႈဢၼ်ဝႃႈၼင်ႇၼႆၸိုင်ၵေႃႉၼၼ်ႉၵေႃႈၶိုၼ်းလၢတ်ႈလႄႈဝႃႈ၊-
၂၇ ၵဝ်ၶႃႈပေႃးလၢတ်ႈၼႄပွၵ်ႈၼိုင်ႈၶႃႈယဝ်ႉ။သူၸဝ်ႈဢမ်ႇထွမ်ႇ။ၵွပ်ႈပိူဝ်ႈသင်သူၸဝ်ႈၶႂ်ႈငိၼ်းထႅင်ႈပွၵ်ႈၼိုင်ႈ။ၸွင်ႇသူၸဝ်ႈမီးဢလူဝ်ႇၶႂ်ႈပဵၼ်တပႄးမၼ်းႁိုဝ်၊ဝႃႈၼင်ႇၼႆဢေႃႈ။
၂၈ ၶဝ်ၼၼ်ႉၵေႃႈသေႉသွမ်းၵေႃႉၼၼ်ႉလႄႈဝႃႈ၊-မႂ်းပဵၼ်တပႄးမၼ်းဢိူဝ်ႈ။ႁဝ်းပဵၼ်တပႄးမုဝ်းသေႇဢိူဝ်ႈ။
၂၉ လွင်ႈဢၼ်ၽြႃးပဵၼ်ၸဝ်ႈဝႆႉပျႃႇတိၵ်ႈၵႃႈတီႈမုဝ်းသေႇၼၼ်ႉႁဝ်းႁူႉဢိူဝ်ႈ။ၵေႃႉဢၼ်မႂ်းဝႃႈၼၼ်ႉလုၵ်ႉၵႃႈတီႈလႂ်မႃးဝႃႈၼႆႁဝ်းဢမ်ႇႁူႉ၊မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်၊ၵေႃႉၼၼ်ႉၵေႃႈၶိုၼ်းလၢတ်ႈလႄႈဝႃႈ၊-
၃၀ ပဵၵ်ႉသမ်ႉမၼ်းၽုၺ်ႇမၢၵ်ႇတႃၵဝ်ၶႃႈသေၵေႃႈသူၸဝ်ႈယင်းဢမ်ႇႁူႉလွင်ႈဢၼ်မၼ်းလုၵ်ႉၵႃႈတီႈလႂ်မႃးဢၼ်ဝႃႈၼၼ်ႉမီးတီႈဢၼ်လီဢၢမ်းၼႃႇတႄႉၶႃႈဢေႃႈ။
၃၁ ႁဝ်းႁူႉလွင်ႈဢၼ်ၽြႃးပဵၼ်ၸဝ်ႈဢမ်ႇထွမ်ႇဢမ်ႇဢဝ်ၵႂၢမ်းၵူၼ်းဢၼ်မီးဢပျႅတ်ႈၼၼ်ႉ။ၽူႈလႂ်သေဢမ်ႇဝႃႈပေႃးပဵၼ်ၵေႃႉဢၼ်ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈလႄႈၸွမ်းဢလူဝ်ႇမၼ်းၸဝ်ႈၸိုင်မၼ်းၸဝ်ႈတၵ်းထွမ်ႇဢဝ်ၵႂၢမ်းၵေႃႉၼၼ်ႉဢေႃႈ။
၃၂ ၽူႈလႂ်သေၵေႃႉသေၵူၼ်းဢၼ်တၢတ်ႈၼိုင်ႇၽုၺ်ႇပၼ်မၢၵ်ႇတႃၵေႃႉဢၼ်တႃမွတ်ႇၼႂ်းတွင်ႉမေႈမၼ်းမႃးၼၼ်ႉၸႃႉၸဵမ်ၵမ်ႇၽႃႇၸႃႉတႄႇယဝ်ႉယင်းဢမ်ႇပႆႇတွၼ်ႉငိၼ်းသေပွၵ်ႈ။
၃၃ ပေႃးၵေႃႉၼၼ်ႉဢမ်ႇၸႂ်ႈၵေႃႉဢၼ်ၽြႃးပဵၼ်ၸဝ်ႈပွႆႇၸႂ်ႉမႃးၸိုင်မၼ်းဢမ်ႇတတ်ႈၼိုင်ႇလႆႈသေၸိူဝ်ႉသေပိူင်၊ဝႃႈၼင်ႇၼႆဢေႃႈ။
၃၄ ၶဝ်ၼၼ်ႉၵေႃႈၶိုၼ်းလၢတ်ႈလႄႈဝႃႈ၊-မႂ်းၼႆႉပဵၼ်ၵေႃႉဢၼ်ၸပ်းတူႉၸရိူၵ်ႈဢပျႅတ်ႈမႃးတင်းတူဝ်တင်းၶိင်းၸဵမ်မိူဝ်ႈၵိူတ်ႇလဵင်ႉမႃးၼၼ်ႉယဝ်ႉ။မႂ်းယင်းမႃးသင်ႇသွၼ်သုင်းမႃႉႁဝ်းယူႇႁႃး၊ဝႃႈၼင်ႇၼႆသေယဝ်ႉ၊ႁိူပ်ႉၵေႃႉၼၼ်ႉဢွၵ်ႇသေၵႃႈၼႂ်းၸရွပ်ႈႁေႃးတြႃးၵႂႃႇဢေႃႈ။
၃၅ ၸဝ်ႈယေႇသုငိၼ်းလွင်ႈဢၼ်ၶဝ်ႁိုပ်ႉၵေႃႉၼၼ်ႉဢွၵ်ႇပႅတ်ႈလႄႈမိူဝ်ႈဢၼ်ထူပ်းႁၼ်မၼ်းၸိုင်မၼ်းၸဝ်ႈထၢမ်ဝႃႈ၊-မႂ်းယုမ်ႇမၢတ်ႈလုၵ်ႈၽြႃးပဵၼ်ၸဝ်ႈႁိုဝ်၊ဝႃႈၼင်ႇၼႆဢေႃႈ။
၃၆ ၵေႃႉၼၼ်ႉၵေႃႈလဝ်ႈထၢမ်လႄႈဝႃႈ၊-ၸဝ်ႈႁဝ်း၊ၼင်ႇႁိုဝ်ၵဝ်ၶႃႈတၵ်းလႆႈယုမ်ႇမၢတ်ႈမၼ်းၸဝ်ႈၼၼ်ႉၸိုင်မၼ်းၸဝ်ႈၼၼ်ႉပဵၼ်ၽူႈလႂ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်ၸဝ်ႈယေႇသုၵေႃႈလၢတ်ႈလႄႈဝႃႈ၊-
၃၇ မၼ်းၸဝ်ႈၼၼ်ႉမႂ်းလႆႈႁၼ်မႃးယဝ်ႉၵူၺ်းဢမ်ႇၵႃးၵေႃႉဢၼ်လၢတ်ႈတေႃႇၵၼ်တင်းမႂ်းယူႇတေႃႈလဵဝ်ၼႆႉပဵၼ်မၼ်းၸဝ်ႈၼၼ်ႉယဝ်ႉ၊မိူဝ်ႈဢၼ်ဝႃႈၼင်ႇၼႆၸိုင်ၵေႃႉၼၼ်ႉၵေႃႈလဝ်ႈလၢတ်ႈလႄႈဝႃႈ၊-
၃၈ ၸဝ်ႈႁဝ်း၊ၵဝ်ၶႃႈယုမ်ႇမၢတ်ႈယူႇၶႃႈဢေႃႈ၊ဝႃႈၼင်ႇၼႆသေယဝ်ႉၶုပ်ႉမူပ်ႇၵူဝ်းၵႂၢႆႇမၼ်းၸဝ်ႈဢေႃႈ။
၃၉ မိူဝ်ႈၼၼ်ႉၸဝ်ႈယေႇသုၵေႃႈလၢတ်ႈလႄႈဝႃႈ၊-ၵဝ်ႁွတ်ႈမႃးၼႂ်းလေႃးၵႃႉၼႆႉပုၼ်ႈလွင်ႈၼင်ႇႁိုဝ်တၵ်းလႆႈၸီႇယၢင်ႇတြႃးႁႂ်ႈၶဝ်ၸိူဝ်းဢၼ်မၢၵ်ႇတႃဢမ်ႇႁၼ်ၼၼ်ႉႁၼ်မႃးလႄႈႁႂ်ႈၶဝ်ၸိူဝ်းဢၼ်မၢၵ်ႇတႃႁၼ်ၼၼ်ႉဢမ်ႇႁၼ်ဢေႃႈ၊ဝႃႈၼင်ႇၼႆဢေႃႈ။
၄၀ ၽႃႇရိသေးဢၼ်မီးၵႃႈႁိမ်းမၼ်းၸဝ်ႈၵမ်ႈၽွင်ႈၸိူဝ်းၼၼ်ႉငိၼ်းၵႂၢမ်းၼၼ်ႉသေယဝ်ႉထၢမ်ဝႃႈ၊-ႁဝ်းၼႆႉမၢၵ်ႇတႃမွတ်ႇယဝ်ႉႁိုဝ်၊ဝႃႈၼင်ႇၼႆဢေႃႈ။
၄၁ ၸဝ်ႈယေႇသုၵေႃႈလၢတ်ႈလႄႈဝႃႈ၊-ပေႃးမၢၵ်ႇတႃသူမွတ်ႇၸိုင်သူဢမ်ႇမီးဢပျႅတ်ႈ။ၵူၺ်းၵႃႈတေႃႈလဵဝ်ၼႆႉသူဝႃႈမၢၵ်ႇတႃသူႁၼ်ယူႇဝႃႈၼႆလႄႈဢပျႅတ်ႈတႄႇယူႇၼႂ်းသူဢေႃႈ၊ဝႃႈၼင်ႇၼႆဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ