Shan Missions

ၵျၢမ်းငဝ်ႈၵမ်ႇၽႃႇ

၁   ၂   ၃   ၄   ၅   ၆   ၇   ၈   ၉   ၁၀   ၁၁   ၁၂   ၁၃   ၁၄   ၁၅   ၁၆   ၁၇   ၁၈   ၁၉   ၂၀   ၂၁   ၂၂   ၂၃   ၂၄   ၂၅   ၂၆   ၂၇   ၂၈   ၂၉

၃၀   ၃၁   ၃၂   ၃၃   ၃၄   ၃၅   ၃၆   ၃၇   ၃၈   ၃၉   ၄၀   ၄၁   ၄၂   ၄၃   ၄၄   ၄၅   ၄၆   ၄၇   ၄၈   ၄၉   ၅၀   

၃၇

 တၢင်းၼွၼ်းၽၼ်ယုဝ်းသႅပ်ႉ

၁ ယႃႇၵုပ်ႉ ယူႇၵႃႈၼႂ်းမိူင်းၶႃႇၼၼ်ႇတီႈဢၼ်ပေႃႈမၼ်းသွၼ်ႈပိုင်ႈယူႇၼၼ်ႉဢေႃႈ။ဢထုၵ်ႉပၢတ်ႈတိၸိူဝ်ႉၶိူဝ်းယႃႇၵုပ်ႉၸမ်း၊-ယုဝ်းသႅပ်ႉ ဢသၢၵ်ႈလႆႈသိပ်းပၢႆၸဵတ်းပီႊလႄႈလဵင်ႉထိင်းၽုင်သူဝ်းၽုင်ပေႉလူၺ်ႈၵၼ်တင်း ပီႈဢၢႆႈမၼ်းတင်းလၢႆဢေႃႈ။

၂ မိူဝ်ႈဢၼ်မၼ်းယင်းပဵၼ်မၢဝ်ႇႁၢႆးဢွၼ်ႇယူႇၼၼ်ႉ မၼ်းယူႇလူၺ်ႈၵၼ်တင်းလုၵ်ႈၸၢႆးပေႃႈမၼ်းဢၼ်လႆႈၵႃႈတီႈပိလႁႃႇ တင်းၸိလပမေႇ ၼၼ်ႉလႄႈၸၢင်ႊမွၵ်ႇလၢတ်ႈဢပျႅတ်ႈၶဝ် ၼၼ်ႉတီႈပေႃႈၶဝ်ဢေႃႈ။

၃ ဢိသရေႇလ ၼၼ်ႉၵွပ်ႈပိူဝ်ႈလႆႈလုၵ်ႈၸၢႆးမၼ်း ယုဝ်းသႅပ်ႉ မိူဝ်ႈဢၼ်မၼ်းထဝ်ႈၼၼ်ႉ လႄႈယိင်ႈၶႅၼ်းႁၵ်ႉယုဝ်းသႅပ်ႉၼႃသေလုၵ်ႈၸၢႆးတၢင်ႇၵေႃႉၸိူဝ်းၼၼ်ႉဢေႃႈ။သိူဝ်ႈၼုင်ႈဢၼ်ယၢဝ်းလီ ၵေႃႈယဵပ်ႉပၼ်မၼ်းဢေႃႈ။

၄ ပီႈဢၢႆႈမၼ်းၸိူဝ်းၼၼ်ႉမိူဝ်ႈဢၼ်ႁူႉႁၼ်လွင်ႈ ဢၼ်ပေႃႈၶဝ်ႁၵ်ႉမၼ်းၼႃႇသေ ပီႈဢၢႆႈမၼ်းတင်းသဵင်ႈတင်းလူင်ၼၼ်ႉၸိုင် ၶဝ်ဢွၼ်ၵၼ်ၸင်းမၼ်းလႄႈဢမ်ႇလၢတ်ႈၵႂၢမ်းမႅတ်ႈတႃႇတေႃႇမၼ်း။

၅ ယုဝ်းသႅပ်ႉ ၼွၼ်းၽၼ်ႁၼ်လႄႈၶိုၼ်းမွၵ်ႇလၢတ်ႈလွင်ႈတၢင်းဢၼ်မၼ်းၼွၼ်းၽၼ်ၼၼ်ႉတီႈ ပီႈဢၢႆႈမၼ်းၸိူဝ်းၼၼ်ႉဢေႃႈ။ၶဝ်ၸိူဝ်းၼၼ်ႉယိင်ႈၶႅၼ်းဢွၼ်ၵၼ် ၸင်းမၼ်းဢေႃႈ။

၆ မၼ်းၶိုၼ်းမွၵ်ႇလၢတ်ႈလွင်ႈတၢင်းဢၼ်မၼ်းၼွၼ်းၽၼ်ႁၼ် ၸိူဝ်ႉၼင်ႇႁိုဝ်ဝႃႈၼႆ ၸမ်း၊-

၇ ထွမ်ႇငိၼ်းတၢင်းဢၼ်ၵဝ်ၶႃႈၼွၼ်းၽၼ်ႁၼ်ၼၼ်ႉသေၵမ်း။ ၼႂ်းမိူဝ်ႈဢၼ်ၵဝ်ၶႃႈမတ်ႉလိုၼ်ႈၶဝ်ႈယူႇၵႃႈၼႂ်းတူင်ႈၼႃးၼၼ်ႉ လိုၼ်ႈၶဝ်ႈၵဝ်ၶႃႈလုၵ်ႉၸုၵ်းလႄႈလိုၼ်ႈၶဝ်သူၸဝ်ႈၵေႃႈ ဢွၼ်ၵၼ်လုၵ်ႉၸုၵ်းလွမ်ႉႁွပ်ႈလိုၼ်ႈၶဝ်ႈၵဝ်ၶႃႈသေလႄႈ ဝႆႈလိုၼ်ႈၶဝ်ၵဝ်ၶႃႈယူႇ ဢေႃႈ၊ဝႃႈၼင်ႇၼႆဢေႃႈ။

၈ ပီႈဢၢႆႈမၼ်းၸိူဝ်းၼၼ်ႉၵေႃႈၶိုၼ်းလၢတ်ႈလႄႈဝႃႈ၊-မႂ်းတၵ်းလႆႈႁဵတ်းၶုၼ်ၵႃႈၼိူဝ်ႁဝ်းႁိုဝ်။တၵ်းလႆႈဢုပ်ႉပိူင်ႇႁဝ်းႁိုဝ်၊ဝႃႈၼင်ႇၼႆလႄႈၵွပ်ႈပိူဝ်ႈတၢင်းဢၼ်မၼ်းၼွၼ်းၽၼ်ႁၼ်ဢိၵ်ႇတင်း ၵႂၢမ်းမၼ်းၼၼ်ႉလႄႈ ၶဝ်ယိင်ႈၶႅၼ်းဢွၼ်ၵၼ်ၸင်းမၼ်းဢေႃႈ။

၉ လိုၼ်းၼၼ်ႉမၼ်းသမ်ႉၼွၼ်းၽၼ်ႁၼ်ထႅင်ႈလႄႈ မွၵ်ႇလၢတ်ႈတီႈပီႈဢၢႆႈမၼ်းၸိူဝ်းၼၼ်ႉလႄႈဝႃႈ၊- ၵဝ်ၶႃႈၼွၼ်းၽၼ်ႁၼ် တၢင်ႇၸိူဝ်ႉတၢင်ႇပိူင်ထႅင်ႈၶႃႈယဝ်ႉ။ၸႃႉၸဵမ်ၵၢင်ဝၼ်းတင်းလိူၼ်ႈလႄႈ လၢဝ်ႈသိပ်းဢဵတ်းလုၵ်ႈၸိူဝ်းၼၼ်ႉဢွၼ်ၵၼ်ဝႆႈၵဝ်ၶႃႈယူႇဢေႃႈ၊ ဝႃႈ ၼင်ႇၼႆဢေႃႈ။

၁၀ မိူဝ်ႈဢၼ်မွၵ်ႇလၢတ်ႈတီႈပေႃႈမၼ်းဢိၵ်ႇတင်းပီႈဢၢႆႈမၼ်းတင်းလၢႆ ၸိူဝ်ႉၼင်ႇၼၼ်ၼၼ်ႉၸိုင်၊ပေႃႈမၼ်းသင်ႇသွၼ်တီႈမၼ်းလႄႈဝႃႈ၊-တၢင်းဢၼ်မႂ်းၼွၼ်းၽၼ်ႁၼ်ၼႆႉပဵၼ်ၸိူဝ်ႉၼင်ႇႁိုဝ်။ၵဝ်ဢိၵ်ႇတင်းမေႈမႂ်းတင်းပီႈဢၢႆႈမႂ်းတင်းလၢႆ တၵ်းလႆႈဢွၼ်ၵၼ်မႃးၵူမ်ႈႁူဝ်ၵွမ်းႁူဝ်ၵႃႈၼိူဝ်လိၼ် ၵႃႈတီႈၽၢႆႇၼႃႈ မႂ်းႁိုဝ်၊ဝႃႈၼင်ႇၼႆဢေႃႈ။

၁၁ ပီႈဢၢႆႈမၼ်းၸိူဝ်းၼၼ်ႉဢွၼ်ၵၼ်သီႇၵေႉႁႄႈတႃမၼ်းဢေႃႈ။ ပေႃႈမၼ်းၵေႃႈမၢတ်ႈတွင်းလွင်ႈမၼ်းတၢင်းမၼ်းၸိူဝ်းၼၼ်ႉဝႆႉဢေႃႈ။

ယုဝ်းသႅပ်ႉလႆႈၶၢမ်ႇတၢင်းဢၼ်ပီႈဢၢႆႈမၼ်းၶၢႆပႅတ်ႈ

၁၂ပီႈဢၢႆႈမၼ်းၸိူဝ်းၼၼ်ႉ ဢွၼ်ၵၼ်ၵွႃႇၵႃႈတီႈဝဵင်းသေႇၶိမ်ႇ ႁႂ်ႈလႆႈထိင်းၽုင်သူဝ်းၽုင်ပေႉပေႃႈၶဝ်ဢေႃႈ။ ဢိသရေႇလ လၢတ်ႈတီႈ ယုဝ်းသႅပ်ႉ လႄႈဝႃႈ၊-ပီႈဢၢႆႈမႂ်းၸိူဝ်းၼၼ်ႉ လဵင်ႉထိင်းၽုင်သူဝ်းၽုင်ပေႉယူႇၵႃႈတီႈဝဵင်းသေႇၶိမ်ႇပုၼ်ႉဢမ်ႇၸႂ်ႈႁိုဝ်။မႃးလူႊ။ၵဝ်တၵ်းပွႆႇၸႂ်ႉမႂ်းၵွႃႇၵႃႈတီႈဢၼ်ၶဝ်မီးပုၼ်ႉဢေႃႈ၊ ဝႃႈၼင်ႇၼႆသေယဝ်ႉ၊မၼ်းၵေႃႈလၢတ်ႈလႄႈဝႃႈ၊- ၵဝ်ၶႃႈမီး ယူႇၶႃႈဢေႃႈ၊ ဝႃႈၼင်ႇၼႆဢေႃႈ။

၁၄ ပေႃႈမၼ်းသင်ႇလၢတ်ႈတီႈမၼ်းလႄႈဝႃႈ၊- ၵွႃႇတူၺ်းလွင်ႈဢၼ်ပီႈဢၢႆႈမႂ်းၸိူဝ်းၼၼ်ႉယူႇလီၵိၼ်ဝၢၼ်ယူႇႁိုဝ်၊ ၽုင်သူဝ်းၽုင်ပေႉမီးယူႇလီလီငၢမ်းငၢမ်းႁိုဝ်ၼၼ်ႉသေယဝ်ႉ ၶိုၼ်းမႃးမွၵ်ႇလၢတ်ႈသတၢင်းသဵင်ၶၢဝ်ႇၼၼ်ႉ ၵႃႈတီႈၵဝ်တႃႉဝႃႈၼင်ႇၼႆလႄႈ ပွႆႇၸႂ်ႉမၼ်းဢွၵ်ႇသေၵႃႈၼႂ်းပၢင်ႇႁူၺ်ႈ ႁေႇပုၼ်ႇ ၵွႃႇလႄႈမၼ်းၵေႃႈႁွတ်ႈထိုင်ၵွႃႇၵႃႈ တီႈဝဵင်းသေႇၶိမ်ႇဢေႃႈ။

၁၅ ၵူၼ်းၵေႃႉၼိုင်ႈထူပ်းႁၼ်မၼ်းၼႂ်းမိူဝ်ႈဢၼ် မၼ်းယင်းတိုၵ်ႉလႄႇလဵပ်ႈယူႇၵႃႈၼႂ်းထိူၼ်ႇၼၼ်ႉလႄႈထၢမ်တီႈမၼ်းလႄႈဝႃႈ၊-မႂ်းႁႃၵႃႈသင်၊မိူဝ်ႈဢၼ်ဝႃႈၼင်ႇၼႆၸိုင် မၼ်းၵေႃႈၶိုၼ်းလၢတ်ႈ လႄႈဝႃႈ၊-

၁၆ ၵဝ်ၶႃႈႁႃပီႈဢၢႆၵဝ်ၶႃႈတင်းလၢႆၶႃႈဢေႃႈ။ၶႅၼ်းတေႃႈမွၵ်ႇလၢတ်ႈၵဝ်ၶႃႈ ၶဝ်လဵင်ႉထိင်းသူဝ်းယူႇၵႃႈတီႈလႂ်ၼၼ်ႉသေၵမ်း၊ဝႃႈၼင်ႇၼႆဢေႃႈ။

၁၇ ၵေႃႉၼၼ်ႉၵေႃႈၶိုၼ်းလၢတ်ႈလႄႈဝႃႈ ၶဝ်ဢွၵ်ႇသေၵႃႈတီႈၼႆႉၵွႃႇယဝ်ႉ။ၵဝ်လႆႈငိၼ်းၶဝ်လၢတ်ႈၵၼ်ဝႃႈ၊-ၵွႃႇၵႃႈတီႈဝဵင်းတေႃႇသၼ်ႇ ဝႃႈၼင်ႇၼႆယဝ်ႉ၊ဝႃႈၼင်ႇၼႆဢေႃႈ။ယုဝ်းသႅပ်ႉ ၵေႃႈၸွမ်းႁႃပီႈဢၢႆႈမၼ်းၸိူဝ်းၼၼ်ႉလႄႈထူပ်းႁၼ်ၶဝ်ၵႃႈတီႈဝဵင်းတေႃႇသၼ်ႇ ဢေႃႈ။

၁၈ ပီႈဢၢႆႈမၼ်းၸိူဝ်းၼၼ်ႉ ႁၼ်မၼ်းၸဵမ်မိူဝ်ႈဢၼ်မၼ်းယင်းမီးယူႇတီႈၵႆၼၼ်ႉလႄႈ ၸူဝ်ႈဢၼ်မၼ်းဢမ်ႇပႆႇႁွတ်ႈပႆႇထိုင်ၵႃႈတီႈၸမ်ၼၼ်ႉ ၶဝ်ၵေႃႉၼိုင်ႈလႄႈၵေႃႉၼိုင်ႈတိူင်ႇပၢင်ႇလၢတ်ႈၸႃႇၵၼ် ႁႂ်ႈလႆႈဢဝ်မၼ်းတၢႆ ဢေႃႈ။

၁၉ ၶဝ်ဝႃႈ၊- တူၺ်းလူႊ။သြႃႇၼွၼ်းၽၼ်ႁၼ်ၼၼ်ႉမႃးယဝ်ႉ။ တႃႉႁဝ်းဢဝ်မၼ်းတၢႆလႄႈၶျႃးတူၵ်း သႂ်ႇဝႆႉၵႃႈၼႂ်းၶုမ်သေဢၼ်ဢၼ်ၼၼ်ႉတႃႉႁဝ်း။

၂၀ ႁဝ်းဢွၼ်ၵၼ်ဝႃႈ၊- တူဝ်ထိူၼ်ႇႁၢႆႉသေမဵဝ်းမဵဝ်းၶူပ်းၵိၼ်မၼ်းယဝ်ႉ၊ဝႃႈၼင်ႇၼႆတႃႉႁဝ်း။ပေႃးႁဵတ်းၼႆယဝ်ႉၸိုင်ႁဝ်းဢွၼ်ၵၼ်တူၺ်း တၢင်းဢၼ်မၼ်းၼွၼ်းၽၼ်ႁၼ်ၸိူဝ်းၼၼ်ႉ တၵ်းပဵၼ်မႃးၸိူဝ်ႉၼင်ႇႁိုဝ်ၼၼ်ႉတႃႉ ႁဝ်း၊ဝႃႈၼင်ႇၼႆဢေႃႈ။

၂၁ ရုပိၼ်ႇ လႆႈငိၼ်းၵႂၢမ်းၼၼ်ႉသေယဝ်ႉ ၼင်ႇႁိုဝ်တေဢဝ်မၼ်းလွတ်ႈသေၵႃႈၼႂ်း မိုဝ်းၶဝ်ၼၼ်ႉမၼ်းလၢတ်ႈဝႃႈ၊-

၂၂ ယႃႇပေဢဝ်မၼ်းတၢႆ။ယႃႇပထွေၵ်ႇလိူတ်ႈမၼ်းပႅတ်ႈ။ယႃႇပေႁႂ်ႈမၼ်းတၢႆၼႂ်းမိုဝ်းႁဝ်း။ဢဝ်မၼ်းၶျႃးတူၵ်းသႂ်ႇဝႆႉၵႃႈၼႂ်းၶုမ်ဢၼ်မီးၵႃႈၼႂ်ထိူၼ်ႇၼႆႉတႃႉႁဝ်း၊ဝႃႈၼင်ႇၼႆဢေႃႈ။ မၼ်းမီးတၢင်းၵျၢမ်ႇတၢင်းပွင်ဢၢင်ႈတၵ်းၼုၵ်ႈဢဝ်ႈမၼ်းလွတ်ႈသေၵႃႈၼႂ်းမိုဝ်းၶဝ်လႄႈ ၶိုၼ်းဢၢပ်ႈပၼ်တီႈပေႃႈမၼ်းဢေႃႈ။

၂၃ မိူဝ်ႈဢၼ် ယုဝ်းသႅပ်ႉ ႁွတ်ႈထိုင်မႃးၵႃႈတီႈပီႈဢၢႆႈမၼ်းၸိူဝ်းၼၼ်ႉ ၶဝ်ဢွၼ်ၵၼ်ထွတ်ႇသိူဝ်ႈၼုင်ႈမၼ်းဢၼ်ဝႃႈသိူဝ်ႈၼုင်ႈဢၼ်ယၢဝ်းလီၼၼ်ႉသေယဝ်ႉ ယိပ်းၵမ်ဢဝ် ယုဝ်းသႅပ်ႉ လႄႈၶျႃးတူၵ်းသႂ်ႇဝႆႉၵႃႈၼႂ်းၶုမ်သေ ဢေႃႈ။

၂၄ ၵႃႈၼႂ်းၶုမ်ၼၼ်ႉဢမ်ႇမီးၼမ်ႉ။ပဵၼ်ၶုမ်ဢၼ်ႁႅင်ႈႁွင်ဝႆႉဢေႃႈ။

၂၅ လိုၼ်းၼၼ်ႉ ၼႂ်းမိူဝ်ႈဢၼ်ၶဝ်ၼင်ႈယူႇႁႂ်ႈလႆႈၵိၼ်ၶဝ်ႈမုၼ်းၼၼ်ႉၸိုင် ၶဝ်မုင်ႈတူၺ်းလႄႈလႆႈႁၼ်ၵူၼ်းမဵဝ်းဢိသမေႇလ ၽုင်ၼိုင်ႈလုၵ်ႉသေၵႃႈတီႈမိူင်းၵိလတ်ႉပႃးတင်းၼၢမ်ႇသႃႇယၢင်ႊပႃႇလၸၢမ်ႇ တင်းယၢင်ႊမုရၼ်ႇ တၢင်ႇၵႃႈၼိူဝ်ၵလႃႇဢုၵ်ႉၶဝ်လႄႈၸွမ်းတၢင်း လူင်ၵွႃႇၸူးၵႃႈတီႈမိူင်းဢေႇၵႅပ်ႉတု ဢေႃႈ။

၂၆ ၵမ်းၼၼ်ႉယုတ ၵေႃႈလၢတ်ႈတီႈပီႈၼွင်ႉမၼ်းၸိူဝ်းၼၼ်ႉလႄႈဝႃႈ၊- ပေႃးႁဝ်းဢဝ်ၼွင်ႉၸၢႆးႁဝ်းတၢႆလႄႈႁူမ်ႇသိူင်ႇလိူတ်ႈမၼ်းဝႆႉၸိုင်၊တၵ်းမီးဢၵျူဝ်းၵႃႈသင်။တႃႉႁဝ်းဢမ်ႇဢဝ်မၼ်းတၢႆလႄႈ ဢဝ်မၼ်းၶၢႆတေႃႇၵူၼ်းမဵဝ်းဢိသမေႇလ ၸိူဝ်းၼၼ်ႉတႃႉႁဝ်း။

၂၇ လွင်ႈမၼ်းၸမ်းမၼ်းပဵၼ်ၼွင်ႉၸၢႆးႁဝ်းၼိူဝ်ႉႁဝ်းလိူတ်ႈႁဝ်းဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင် ပီႈၼွင်ႉမၼ်းၸိူဝ်းၼၼ်ႉၵေႃႈဢွၼ်ၵၼ်ႁပ်ႉတုင်းဢဝ်ၵႂၢမ်းမၼ်းဢေႃႈ။

၂၈မိူဝ်ႈၼၼ်ႉ ၼႂ်းမိူဝ်ႈဢၼ်ၵူၼ်းၵႃႉၵူၼ်းၶၢႆၵူၼ်းမဵဝ်းမိတျၢၼ်ႇ တင်းလၢႆၸွမ်းတၢင်းၵွႃႇၵႃႈတီႈႁိမ်းၼၼ်ႉယူႇၼၼ်ႉၸိုင် ပီႈဢၢႆႈမၼ်းၸိူဝ်းၼၼ်ႉဢွၼ်ၵၼ်တိုတ်ႉၸၼ်ဢဝ်ယုဝ်းသႅပ်ႉဢွၵ်သေၵႃႈၼႂ်းၶုမ်သေယဝ်ႉ ၶၢႆတေႃႇၵူၼ်းဢိသမေႇလ ၸိူဝ်းၼၼ်ႉလႆႈၵႃႊမၼ်းၶၼ်မၼ်းငိုၼ်းသၢဝ်းၵျၢပ်ႈလႄႈ ၶဝ်ၵေႃႈပႃးဢဝ်ယုဝ်းသႅပ်ႉၵွႃႇၵႃႈတီႈမိူင်းဢေႇၵႅပ်ႉတု သေဢေႃႈ။

၂၉ ရုပိၼ်ႇ ၶိုၼ်းၵွႃႇၸူးၵႃႈတီႈၶုမ်ၼၼ်ႉလႄႈ လႆႈႁၼ်ယုဝ်းသႅပ်ႉ ဢမ်ႇမီးၵႃႈၼႂ်းၶုမ်သေယဝ်ႉ မၼ်းတိုတ်ႉသိၵ်ႇၶူဝ်းၼုင်ႈမၼ်းလႄႈ ၶိုၼ်းၵွႃႇၸူးၵႃႈတီႈဢၼ်ၼွင်ႉၸၢႆးမၼ်းတင်းလၢႆမီးၼၼ်ႉလႄႈ လၢတ်ႈဝႃႈ၊-လုၵ်ႈဢွၼ်ႇၼၼ်ႉဢမ်ႇမီးယဝ်ႉလူင်ပေႇ။ၵဝ်တၵ်းလႆႈၵွႃႇၵႃႈတီႈလႂ်၊ဝႃႈၼင်ႇၼႆဢေႃႈ။

၃၁ ၶဝ်ဢွၼ်ၵၼ်ဢဝ်သိူဝ်ႈၼုင်ႈယုဝ်းသႅပ်ႉ လႄႈဢဝ်ပေႉဢွၼ်ႇတူဝ်ၼိုင်ႈတၢႆသေယဝ်ႉဢဝ်သိူဝ်ႈၼုင်ႈ ယုဝ်းသႅပ်ႉ ၼၼ်ႉၸုပ်ႉသႂ်ႇၵႃႈၼႂ်းလိူတ်ႈၼၼ်ႉဢေႃႈ။

၃၂ လိုၼ်းၼၼ်ႉၶဝ်ဢဝ်သိူဝ်ႈၼုင်ႈဢၼ်ယၢဝ်းၼၼ်ႉလႄႈ မိူဝ်းၵွႃႇၸူးၵႃႈတီႈပေႃႈၶဝ်ႈလႄႈလၢတ်ႈဝႃႈ၊- ႁဝ်းၶႃႈလႆႈႁၼ်သိူဝ်ႈၼုင်ႈၼႆႉၶႃႈဢေႃႈ။ၸွင်ႇပဵၼ်သိူဝ်ႈလုၵ်ႈၸၢႆးပေႃႈ ႁဝ်းႁိုဝ်၊တူၺ်းသေၵမ်းၶႃႈ၊ဝႃႈၼင်ႇၼႆဢေႃႈ။

၃၃ ပေႃႈမၼ်းတွင်းသိူဝ်ႈၼုင်ႈၼၼ်ႉလႄႈ လၢတ်ႈဝႃႈၸႂ်ႈသိူဝ်ႈၼုင်ႈလုၵ်ႈၸၢႆးၵဝ်တႄႉတႄႉယဝ်ႉ။တူဝ်ထိူၼ်ႇဢၼ်ႁၢႆႉၶူပ်းၵိၼ်မၼ်းယဝ်ႉ။ ယုဝ်းသႅပ်ႉ လႆႈၶၢမ်ႇတၢင်းဢၼ်ၶူပ်းယွၵ်းၶူပ်းယွႆပႅတ်ႈယဝ်ႉလူင်ပေႇ၊ ဝႃႈၼင်ႇၼႆလႄႈ ယႃႇၵုပ်ႉ တိုတ်ႉသိၵ်ႇၶူဝ်းၼုင်ႈမၼ်းလႄႈ

၃၄ ဢဝ်ၼင်ပေႃၼုင်ႈႁတ်ႉဢႅဝ်သေယဝ်ႉၸႂ်ဢမ်ႇသႃႇ ၶင်းၶီၶင်းၽၢၼ်ၵွပ်ႈပိူဝ်ႈလုၵ်ႈၸၢႆးမၼ်းလႄႈ ယူႇမိူဝ်ႉဝၼ်းၼမ်ၼႃႇ ဢေႃႈ။

၃၅ ပိၵ်ႉသမ်ႉလုၵ်ႈၸၢႆးမၼ်းတင်းလုၵ်ႈယိင်းမၼ်းတင်းသဵင်ႈတင်းလူင် ဢွၼ်ၵၼ်ၵျူဝ်းၸႃးႁဵတ်းႁႂ်ႈပေႃႈၶဝ်ပျေႇၸႂ်သေၵေႃႈ မၼ်းယင်းဢမ်ႇထွမ်ႇဢမ်ႇဢဝ်ၵႂၢမ်းဢၼ်ႁႂ်ႈပျေႇၸႂ်ၼၼ်ႉလႄႈလၢတ်ႈဝႃႈ၊- ၵဝ်တၵ်းမီးႁူဝ်ၸႂ်ဢမ်ႇသႃႇ ၶင်းၶီၶင်းၽၢၼ်ယူႇသေလႄႈလူင်းၵွႃႇၸူးမိူင်းမရႃႇၼ ၵႃႈတီႈဢၼ်လုၵ်ႈၸၢႆးၵဝ်မီးၼၼ်ႉယဝ်ႉ၊ဝႃႈၼင်ႇၼႆဢေႃႈ။ပေႃႈမၼ်းႁွင်ႉႁွင်ႉႁႆႈႁႆႈၵွပ်ႈပိူဝ်ႈ လုၵ်ႈၸၢႆးမၼ်းဢေႃႈ။

၃၆ ယုဝ်းသႅပ်ႉ ၸမ်းၵူၼ်း မိတျၢၼ်ႇၸိူဝ်းၼၼ်ႉပႃးဢဝ်ၵွႃႇၵႃႈတီႈမိူင်းဢေႇၵႅပ်ႉတု လႄႈၶၢႆပၼ် ပေႃႇတိၽႃႇ ဢၼ်ပဵၼ် ၵူဝ်ႇရၢၼ်ႇတေႃႇမူးဢမၢတ်ႈလူင်ၶုၼ်ႁေႃၶမ်းၽႃႇရေႃး ၼၼ်ႉဢေႃႈ။