Shan Missions

ၵျၢမ်းငဝ်ႈၵမ်ႇၽႃႇ

၁   ၂   ၃   ၄   ၅   ၆   ၇   ၈   ၉   ၁၀   ၁၁   ၁၂   ၁၃   ၁၄   ၁၅   ၁၆   ၁၇   ၁၈   ၁၉   ၂၀   ၂၁   ၂၂   ၂၃   ၂၄   ၂၅   ၂၆   ၂၇   ၂၈   ၂၉

၃၀   ၃၁   ၃၂   ၃၃   ၃၄   ၃၅   ၃၆   ၃၇   ၃၈   ၃၉   ၄၀   ၄၁   ၄၂   ၄၃   ၄၄   ၄၅   ၄၆   ၄၇   ၄၈   ၄၉   ၅၀   

၁၇

ပတိၺိၺ်ႇဢၼ်ၸၢပ်ႈသႅင်ႇၵၼ်တင်းတၢင်းဢၼ်ထိူဝ်ႁိမ်း

၁ ဝၢႆးၼၼ်ႉ မိူဝ်ႈဢၼ်ဢသၢၵ်ႈ ဢႃႇပြမ်ႇ လႆႈၵဝ်ႈသိပ်းပၢႆၵဝ်ႈပီႊၼၼ်ႉ၊ထႃႇဝရႃႉၽြႃးပေႃႇမႃးၵႃႈတီႈဢႃႇပြမ်ႇ လႄႈလၢတ်ႈဝႃႈ၊- ၵဝ်ပဵၼ်ၽြႃးပဵၼ်ၸဝ်ႈ ၸဝ်ႈဢၼၼ်ႇတႃႉတၼ်းၶူဝ်းဢေႃႈ။

၂ ၵွႃႇမႃးၵႃႈတီႈၽၢႆႇၼႃႈၵဝ်လႄႈမီးတၢင်းဢၼ်ၸေးၸုမ်ႇတႃႉ။ ၵဝ်တၵ်းႁဵတ်း ပတိၺိၺ်ႇၵဝ်ဝႆႉဝူင်ႈၵၢင်ၵဝ်တင်းမႂ်းဢေႃႈ။

၃ ၵဝ်တၵ်းႁႂ်ႈမႂ်း ယႂ်ႇၽႄႇၼမ်ၵိုၼ်းမႃးၼႃႇလူင်လၢင်ဢေႃႈ၊ဝႃႈၼင်ႇၼႆဢေႃႈ။ ဢႃႇပြမ်ႇ ၵေႃႈၶုပ်ႉမူပ်ႇလႄႈ ၽြႃးပဵၼ်ၸဝ်ႈသမ်ႉလၢတ်ႈလႄႈဝႃႈ၊-

၄ တူၺ်းလူႊ၊ ပတိၺိၺ်ႇဢၼ်ၵဝ်ႁဵတ်းဝႆႉတီႈမႂ်းၸမ်း၊ မႂ်းတၵ်းပဵၼ်ပေႃႈမဵဝ်းၵူၼ်းၼမ်ၼႃႇဢေႃႈ။

၅ ၸိုဝ်ႈမႂ်းၵေႃႈၵမ်းလိုၼ်းတၵ်းဢမ်ႇလႆႈႁွင်ႉႁိၵ်ႈၸိုဝ်ႈ ဢႃႇပြမ်ႇ။ တၵ်းလႆႈႁွင်ႉႁိၵ်ႈၸိုဝ်ႈ ဢႃႇပြႁမ်ႇ ဢေႃႈ။ လွင်ႈမၼ်းၸမ်းၵဝ် လႆႈႁႂ်ႈမႂ်းပဵၼ်ပေႃႈမဵဝ်းၵူၼ်းၼမ်ၼႃႇယဝ်ႉ။

၆ ၵဝ်တၵ်းႁႂ်ႈမႂ်းယႂ်ႇၽႄႈၼမ်ၵိုၼ်းမႃးၼႃႇလူင်လၢင်ဢေႃႈ။ ၵဝ်တၵ်းဢဝ်မႂ်းသေလႄႈ ႁႂ်ႈပဵၼ်မဵဝ်းၵူၼ်းၼမ်ၼႃႇဢေႃႈ။

၇ ၵႃႈၼႂ်းၸိူဝ်ႉၶိူဝ်းမႂ်းၵေႃႈ တၵ်းမီးမႃးၶုၼ်ႁေႃၶမ်းဢေႃႈ။ၵဝ်တၵ်းပဵၼ်ၽြႃးတီႈမႂ်းဢိၵ်ႇတင်း တီႈၸိူဝ်ႉၶိူဝ်းမႂ်းလိုၼ်းမႂ်းဢေႃႈ၊ဝႃႈၼႆ၊ ၵဝ်တၵ်းႁႂ်ႈပတိၺိၺ်ႇၵဝ်ပဵၼ်ပတိၺိၺ်ႇထႃႇဝရႃႉ ဝူင်ႈၵၢင်ၵဝ်တင်းမႂ်းဢိၵ်ႇတင်းၸိူဝ်ႉၶိူဝ်းမႂ်းလိုၼ်းမႂ်း သိုပ်ႇသိုပ်ႇတၢမ်ႈတၢမ်ႈ ၼၼ်ႉ ဢေႃႈ။

၈ ၵဝ်တၵ်းဢဝ်မိူင်းဢၼ်မႂ်းပဵၼ်ၶႅၵ်ႇယူႇတေႃႈလဵဝ်ဢၼ်ဝႃႈမိူင်း ၶႃႇၼၼ်ႇ တင်းသဵင်ႈတင်းလူင်ၼႆႉပၼ်တီႈမႂ်း ဢိၵ်ႇတင်းၸိူဝ်ႉၶိူဝ်းမႂ်းလိုၼ်းမႂ်းႁႂ်ႈလႆႈပိူင်ႇယူႇသေႇသေႇဢေႃႈ။ ၵဝ်တၵ်းပဵၼ်ၽြႃးၶဝ်ဢေႃႈ၊ဝႃႈၼင်ႇၼႆဢေႃႈ။

၉ ၵမ်းၼၼ်ႉ ၽြႃးပဵၼ်ၸဝ်ႈသမ်ႉလၢတ်ႈတီႈ ဢႃႇပြႁမ်ႇလႄႈဝႃႈ၊-ပိူဝ်ႈၼႆလႄႈ မႂ်းဢိၵ်ႇတင်းၸိူဝ်ႉၶိူဝ်းမႂ်းလိုၼ်းမႂ်းသိုပ်ႇသိုပ်ႇတၢမ်ႈတၢမ်ႈၼၼ်ႉ တၵ်းလႆႈပႂ်ႉၵမ် ပႂ်ႉၸွမ်းပတိၺိၺ်ႇၵဝ်ဢေႃႈ။

၁၀ ပတိၺိၺ်ႇဢၼ်သူတၵ်းလႆႈပႂ်ႉၵမ်ပႂ်ႉၸွမ်းၵႃႈတီႈဝူင်ႈၵၢင်ၵဝ်တင်းမႂ်း ဢိၵ်ႇတင်းၸိူဝ်ႉၶိူဝ်းမႂ်းလိုၼ်းမႂ်းၼၼ်ႉၸမ်း၊ ၵႃႈတီႈသူၵႃႈပဵၼ်ၵူၼ်းၸၢႆးတၵ်းလႆႈၶၢမ်ႇ မင်ႇၵလႃႇတၢင်းဢၼ်ထိူဝ် ႁိမ်းၵူႈၵေႃႉၵူႈၵူၼ်းဢေႃႈ။

၁၁ မင်ႇၵလႃႇတၢင်းဢၼ်သူၶၢမ်ႇတၢင်းဢၼ်ထိူဝ်ႁိမ်းပၢႆၼင်ၼၼ်ႉ တၵ်းလႆႈပဵၼ်လၢၵ်ႈၶၼႃႇသၢၵ်ႈသေႇပတိၺိၺ်ႇ ဢၼ်ၵဝ်ႁဵတ်းဝႆႉ ဝူင်ႈၵၢင်ၵဝ်တင်းသူၼၼ်ႉဢေႃႈ။

၁၂ ၼႂ်းၸိူဝ်ႉၶိူဝ်းသူသိုပ်ႇသိုပ်ႇတၢမ်ႈတၢမ်ႈၼၼ်ႉ ၵူၼ်းၸၢႆးဢၼ်ၵိူတ်ႇလဵင်ႉၵႃႈတီႈႁိူၼ်းသူသေဢမ်ႇဝႃႈ၊ ဢၼ်ယင်းဢမ်ႇပဵၼ်ၸိူဝ်ႉၶိူဝ်းသူလႄႈ သူဢဝ်ငိုၼ်းသိုဝ်ႉဢဝ် တီႈၵူၼ်းတၢင်ႇၸိူဝ်ႉတၢင်ႇၶိူဝ်းမႃးသေဢမ်ႇဝႃႈ၊ မိူဝ်ႈဢၼ်ဢသၢၵ်ႈၶွပ်ႈပႅတ်ႇဝၼ်းၼၼ်ႉၸိုင်၊ တၵ်းလႆႈၶၢမ်ႇမင်ႇၵလႃႇတၢင်းဢၼ်ထိူဝ်ႁိမ်းၵူႈၵေႃႉၵူႈၵူၼ်းဢေႃႈ။

၁၃ ၵေႃႉဢၼ်ၵိူတ်ႇလဵင်ႉၵႃႈတီႈႁိူၼ်းသူ၊ ၵေႃႉဢၼ်ဢဝ်ငိုၼ်းသိုဝ်ႉဢဝ်မႃးၼၼ်ႉ တၵ်းလႆႈၶၢမ်ႇမင်ႇၵလႃႇတၢင်းဢၼ်ထိူဝ်ႁိမ်းဢေႃႈ။ ပတိၺိၺ်ႇၵဝ်ၼၼ်ႉၵေႃႈတၵ်းလႆႈပဵၼ်ပတိၺိၺ်ႇထႃႇဝရႃႉ ၵႃႈၼႂ်းၼိူဝ်ႉၼႂ်းၼင်သူဢေႃႈ။

၁၄ ၵူၼ်းၸၢႆး ဢၼ်ယင်းဢမ်ႇမီး တၢင်းဢၼ်ထိူဝ်ႁိမ်းဢၼ်ယင်းဢမ်ႇၶၢမ်ႇမင်ႇၵလႃႇ တၢင်းဢၼ်ထိူဝ်ႁိမ်းပၢႆၼင်ၼၼ်ႉ တၵ်းလႆႈၶၢမ်ႇတၢင်းဢၼ်ပႄႇပႅတ်ႈသေၵႃႈၼႂ်းမဵဝ်းၸိူဝ်ႉ ၶိူဝ်းမၼ်းဢေႃႈ။ လွင်ႈမၼ်းၸမ်း၊ၵေႃႉၼၼ်ႉ ပဵၼ်ၵေႃႉဢၼ်ယႃႉပတိၺိၺ်ႇၵဝ်ပႅတ်ႈယဝ်ႉ၊ဝႃႈၼင်ႇၼႆဢေႃႈ။

၁၅ ၵမ်းၼၼ်ႉ ၽြႃးပဵၼ်ၸဝ်ႈ လၢတ်ႈတီႈ ဢႃႇပြႁမ်ႇလႄႈဝႃႈ၊- မေးမႂ်း ၸႃႇရေႇ ၼၼ်ႉတၵ်းဢမ်ႇလႆႈႁွင်ႉႁိၵ်ႈၸိုဝ်ႈ ၸႃႇရေႇ လႄႈ တၵ်းလႆႈ ႁွင်ႉႁိၵ်ႈၸိုဝ်ႈ ၸႃႇရႃႇ ဢေႃႈ။

၁၆ ၵဝ်တၵ်းပၼ်တၢင်းလီတီႈမၼ်းလႄႈၵဝ်တၵ်းဢဝ်မၼ်းပၼ်လုၵ်ႈၸၢႆးတီႈမႂ်းဢေႃႈ။ ၵဝ်တၵ်းပၼ်တၢင်းလီတီႈမၼ်းလႄႈ မၼ်းၵေႃႈတၵ်းပဵၼ်မဵဝ်းၵူၼ်းလၢႆၸိူဝ်ႉလၢႆမဵဝ်းဢေႃႈ။ ၵႃႈၼႂ်းၸိူဝ်ႉၶိူဝ်းမၼ်းၼၼ်ႉၵေႃႈ ၶုၼ်ႁေႃၶမ်းမဵဝ်းၵူၼ်းၼမ်ၼႃႇတၵ်းပေႃႇ ဢွၵ်ႇမႃးဢေႃႈ၊ ဝႃႈၼင်ႇၼႆဢေႃႈ။

၁၇ မိူဝ်ႈၼၼ်ႉဢႃႇပြႁမ်ႇ ၶုပ်ႉမူပ်ႇယူႇယုမ်ႉၶူဝ်ယူႇသေလႄႈ လၢတ်ႈၼႂ်းၸႂ်မၼ်းဝႃႈ၊- ၵေႃႉဢၼ်ဢသၢၵ်ႈလႆႈပၢၵ်ႇပီႊၼႆႉတၵ်းမီးလုၵ်ႈလႆႈႁိုဝ်ၼေႃး။ ၸႃႇရႃႇ ဢၼ်ဢသၢၵ်ႈလႆႈၵဝ်ႈသိပ်းပီႊၼႆႉ တၵ်းၵိူတ်ႇလဵင်ႉလုၵ်ႈလဵင်ႉလၢင်းလႆႈႁိုဝ်ၼေႃး၊ ဝႃႈၼင်ႇၼႆသေယဝ်ႉ ဢႃႇပြႁမ်ႇ လဝ်ႈလၢတ်ႈတီႈၽြႃးပဵၼ်ၸဝ်ႈလႄႈဝႃႈ၊-

၁၈ ႁႂ်ႈ ဢိသမေႇလဢသၢၵ်ႈလိပ်းယူႇ ၵႃႈတီႈၽၢႆႇၼႃႈၸဝ်ႈႁဝ်းသေၵမ်းလူၺ်ႈတီႈၶႃႈ၊မိူဝ်ႈဢၼ်ဝႃႈၼင်ႇၼႆၸိုင်၊ ၽြႃးပဵၼ် ၸဝ်ႈၵေႃႈဝႃႈ၊-

၁၉ မေးမႂ်း ၸႃႇရႃႇ တၵ်းၵိူတ်ႇလဵင်ႉလုၵ်ႈၸၢႆးတီႈမႂ်းဢမၢၼ်ႇၶၼ်ပဵၼ်ဢေႃႈ။ တၵ်းလႆႈႁွင်ႉႁိၵ်ႈၸိုဝ်ႈမၼ်းဝႃႈ ဢိၸၵ်ႉ ဢေႃႈ။ ၵဝ်တၵ်းႁႂ်ႈပတိၺိၺ်ႇၵဝ်ပဵၼ်ပတိၺိၺ်ႇထႃႇဝရႃႉတီႈမၼ်း ဢိၵ်ႇတင်းတီႈ ၸိူဝ်ႉၶိူဝ်းမၼ်းလိုၼ်းမၼ်းဢေႃႈ။

၂၀ လွင်ႈ ဢိသမေႇလၸမ်း ၵဝ်လႆႈထွမ်ႇဢဝ်ၵႂၢမ်းမႂ်းယဝ်ႉၵဝ်တၵ်းပၼ်တၢင်းလီတီႈမၼ်းဢေႃႈ။ ၵဝ်တၵ်းႁႂ်ႈၸိူဝ်ႉၶိူဝ်းမၼ်းယႂ်ႇၽႄႈမႃးလႄႈတၵ်းႁႂ်ႈမၼ်းၼမ်ၵိုၼ်းမႃးဢေႃႈ။ မၼ်းတၵ်းပဵၼ်ပေႃႈၶုၼ်သိပ်းသွင်ပႃးဢေႃႈ။ ၵဝ်တၵ်းႁဵတ်းႁႂ်ႈ မၼ်းပဵၼ်မဵဝ်းၵူၼ်းဢၼ်ယႂ်ႇၼႃႇဢေႃႈ။

၂၁ ၵူၺ်းၵႃႈပတိၺိၺ်ႇၵဝ်ၸိုင်၊ တၵ်းႁႂ်ႈတႄႇယူႇတီႈ ဢိၸၵ်ႉလုၵ်ႈၸၢႆးဢၼ် ၸႃႇရႃႇ တၵ်းၵိူတ်ႇလဵင်ႉတီႈမႂ်းပီႊၼႃႈမိူဝ်ႈဢၼ်ထိုင်ၶိင်ႇၼႆႉၼၼ်ႉဢေႃႈ၊ ဝႃႈၼင်ႇၼႆသေ ယဝ်ႉ၊

၂၂ သဵင်ဢၼ်မၼ်းၸဝ်ႈမွၵ်ႇလၢတ်ႈၼၼ်ႉထၢတ်ႇယဵၼ်လႄႈၽြႃးပဵၼ်ၸဝ်ႈလုၵ်ႉသေၵႃႈတီႈ ဢႃႇပြႁမ်ႇၶိုၼ်းၵွႃႇသေဢေႃႈ။

၂၃ ဢႃႇပြႁမ်ႇ ၵေႃႈဢဝ်ၸႃႉၸဵမ်လုၵ်ႈၸၢႆးမၼ်းဢိသမေႇလ၊ ဢိၵ်ႇတင်းၶဝ်ၸိူဝ်းဢၼ်ၵိူတ်ႇလဵင်ႉမႃးၵႃႈတီႈႁိူၼ်းမၼ်းတင်းသဵင်ႈတင်းလူင်၊ ဢိၵ်ႇတင်းၶဝ်ၸိူဝ်းဢၼ် မၼ်းဢဝ်ငိုၼ်းသိုဝ်ႉဝႆႉတင်းသဵင်ႈတင်းလူင်ဢၼ်ပဵၼ်ၵူၼ်းၸၢႆး ဢၼ်ၸၢပ်ႈသႅင်ႇၵၼ်တင်းႁိူၼ်း ဢႃႇပြႁမ်ႇ တင်းသဵင်ႈတင်းလူင်ၸိူဝ်းၼၼ်ႉ၊ၼႂ်းဝၼ်းလဵဝ်ၼၼ်ႉၵမ်းလဵဝ်မၼ်းပၼ်မင်ႇၵလႃႇတၢင်းဢၼ် ထိူဝ်ႁိမ်းပၢႆၼင် တီႈၶဝ်ၸွမ်းၵႃႈၼင်ႇ ၽြႃးပဵၼ်ၸဝ်ႈမီးဢမိင်ႉဝႆႉၼၼ်ႉဢေႃႈ။

၂၄ ဢႃႇပြႁမ်ႇၼၼ်ႉ မိူဝ်ႈဢၼ်တူဝ်မၼ်းၶၢမ်ႇဢဝ်မင်ႇၵလႃႇတၢင်းဢၼ်ထိူဝ်ႁိမ်းပၢႆၼင်ၼၼ်ႉ၊ ဢသၢၵ်ႈမၼ်းမီးၵဝ်ႈသိပ်း ပၢႆၵဝ်ႈပီႊဢေႃႈ။

၂၅ လုၵ်ႈၸၢႆးမၼ်း ဢိသမေႇလ ၵေႃႈမိူဝ်ႈဢၼ်ၶၢမ်ႇဢဝ် မင်ႇၵလႃႇထိူဝ်ႁိမ်းပၢႆၼင် ၼၼ်ႉ ဢသၢၵ်ႈမီးသိပ်းသၢမ်ပီႊဢေႃႈ။

၂၆ ဢႃႇပြႁမ်ႇ ဢိၵ်ႇတင်းလုၵ်ႈၸၢႆးမၼ်း ဢိသမေႇလ ၶၢမ်ႇမင်ႇၵလႃႇတၢင်းဢၼ်ထိူဝ်ႁိမ်းၼႂ်းဝၼ်းလဵဝ်ၵၼ်ဢေႃႈ။

၂၇ ၶဝ်ၸိူဝ်းဢၼ်ၵိူတ်ႇလဵင်ႉမႃးၵႃႈၼႂ်းႁိူၼ်းမၼ်း၊ ၶဝ်ၸိူဝ်းဢၼ် မၼ်းဢဝ်ငိုၼ်းသိုဝ်ႉဢဝ် ၵႃႈတီႈၵူၼ်းတၢင်ႇၸိူဝ်ႉတၢင်ႇၶိူဝ်းမႃး၊ ၵူၼ်းၸၢႆးဢၼ်ၸၢပ်ႈသႅင်ႇၵၼ်တင်းႁိူၼ်းမၼ်း ၵႃႈမီးတင်းသဵင်ႈတင်းလူင်ၸိူဝ်းၼၼ်ႉၶၢမ်ႇမင်ႇၵလႃႇတၢင်းဢၼ်ထိူဝ်ႁိမ်း လူၺ်ႈၵၼ်တင်းမၼ်းဢေႃႈ။