မၢတ်ႈထႄႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၂၂
ဢူႉပမႃႇပွႆးႁဵတ်းၶႅၵ်ႇ
၁ ၵမ်းၼၼ်ႉၸဝ်ႈယေႇသုသမ်ႉဢဝ်ၵႂၢမ်းဢူႉပမႃႇသေလႄႈႁေႃးလၢတ်ႈတီႈပရိၵ်ႈသၢတ်ႈတင်းလၢႆလႄႈဝႃႈၸမ်း၊-
၂ မိူင်းၵၢင်ႁၢဝ်ၸဝ်ႈမိူၼ်ၸိူဝ်ႉၼင်ႇၶုၼ်လူင်ပႃးၼိုင်ႈဢၼ်ႁဵတ်းပွႆးသွင်ႇမင်ႇၵလႃႇပုၼ်ႈလုၵ်ႈၸၢႆးမၼ်းၼၼ်ႉဢေႃႈ။
၃ မၼ်းပွႆႇၸႂ်ႉၵူၼ်းဢွၼ်ႇမၼ်းတင်းလၢႆၵႂႃႇႁႂ်ႈလႆႈႁွင်ႉၶဝ်ၸိူဝ်းဢၼ်မၼ်းၽိတ်ႈပၢင်းၸိူဝ်းၼၼ်ႉမႃးၵေႃႈယႃႇၶဝ်ဢမ်ႇၶႂ်ႈမႃး။
၄ လိုၼ်းၼၼ်ႉမၼ်းပွႆႇၸႂ်ႉၵူၼ်းဢွၼ်ႇတၢင်ႇၵေႃႉၵႂႃႇလႄႈသင်ႇလၢတ်ႈဝႃႈ၊-ၵဝ်မႄးႁႅၼ်းပွႆးဝႆႉယဝ်ႉ။ ဢဝ်ဝူဝ်းလႂ်တရိၵ်ႈသၢၼ်ႇဢၼ်ပီးလီမၼ်းလီလႂ်တၢႆလႄႈမႄးႁႅၼ်းၵူႈၸိူဝ်ႉၵူႈပိူင်ဝႆႉယဝ်ႉ။
၅ မႃးၶဝ်ႈပွႆးသွင်ႇမင်ႇၵလႃႇၼႆႉသေၵမ်း၊ဝႃႈၼင်ႇၼႆဢေႃႈ။ ၵူၺ်းၵႃႈၶဝ်ၸိူဝ်းၼၼ်ႉႁဵတ်းလူလၢႆလႄႈၵႂႃႇပႅတ်ႈတၢင်ႇတီႈတၢင်ႇလႅၼ်ႈဢေႃႈ။ ၵေႃႉၼိုင်ႈၵႂႃႇၵႃႈတီႈတူင်ႈၼႃးမၼ်းဢေႃႈ။
၆ ၵေႃႉၼိုင်ႈသမ်ႉၵႂႃႇၵႃႈတီႈဢၼ်မၼ်းသိုဝ်ႉမၼ်းၶၢႆၼၼ်ႉဢေႃႈ။ ၶဝ်ၸိူဝ်းဢၼ်ၵိုတ်းၵျၢၼ်ႇၼၼ်ႉၵေႃႈတီႉဢဝ်ၵူၼ်းဢွၼ်ႇၸိူဝ်းၼၼ်ႉသေယဝ်ႉၼိၵ်ႈၸၢၵ်ႈငႅၼ်းသေးလႄႈဢဝ်တၢႆဢေႃႈ။
၇ ၶုၼ်လူင်ငိၼ်းသေယဝ်ႉၸႂ်မႆႈၶႂ်ႈၸႃႉလႄႈႁႂ်ႈၶီႇသိုၵ်းၵႂႃႇယႃႉၽဵဝ်ႈပႅတ်ႈၶဝ်ၸိူဝ်းဢၼ်ဢဝ်ဢသၢၵ်ႈၵူၼ်းဢွၼ်ႇမၼ်းတၢႆၸိူဝ်းၼၼ်ႉလႄႈဢဝ်ၽႆးၸုတ်ႇဝဵင်းၶဝ်ပႅတ်ႈဢေႃႈ။
၈ လိုၼ်းၼၼ်ႉၸင်ႇၶုၼ်လူင်ၼၼ်ႉႁွင်ႉဢဝ်ၵူၼ်းဢွၼ်ႇမၼ်းတင်းလၢႆလႄႈဝႃႈ၊-ပွႆးသွင်ႇမင်ႇၵလႃႇပေႃးမႄးႁႅၼ်းဝႆႉယဝ်ႉ။
၉ ၵွပ်ႈပိူဝ်ႈၶဝ်ၸိူဝ်းဢၼ်ၽိတ်ႈပၢင်းၼၼ်ႉဢမ်ႇထိူၵ်ႈဢမ်ႇတၢၼ်ႇလႄႈသူၵႂႃႇၵႃႈတီႈႁူဝ်တႃႁူဝ်တၢင်းသေလႄႈၽိတ်ႈပၢင်းၵူၼ်းၵႃႈဢၼ်ထူပ်းဢၼ်ႁၼ်ၼၼ်ႉႁႂ်ႈၶဝ်မႃးၶဝ်ႈပွႆးတႃႉ၊ဝႃႈၼႆဢေႃႈ။
၁၀ ၵႃႈၼင်ႇဢၼ်ဝႃႈၼၼ်ႉၵူၼ်းဢွၼ်ႇၸိူဝ်းၼၼ်ႉၵေႃႈၵႂႃႇၵႃႈတီႈသဵၼ်ႈတၢင်းသၢႆတႃလႄႈႁႂ်ႈၵူၼ်းဢၼ်လီဢၼ်ၸႃႉၵႃႈဢၼ်ထူပ်းႁၼ်ၼၼ်ႉၸူႉၵၼ်တုမ်ၵၼ်လႄႈပွႆးၼၼ်ႉတဵမ်ဝႆႉတင်းၵူၼ်းဢၼ်ၵိၼ်ၶႅၵ်ႇယူႇဢေႃႈ။
၁၁ မိူဝ်ႈဢၼ်ၶုၼ်လူင်ၶဝ်ႈမႃးႁႂ်ႈလႆႈတူၺ်းၶဝ်ၸိူဝ်းဢၼ်ၵိၼ်ယူႇၼႂ်းပွႆးၼၼ်ႉၸိုင်ထူပ်းႁၼ်ၵူၼ်းဢၼ်ဢမ်ႇၼုင်ႈၶူဝ်းပွႆးသွင်ႇမင်ႇၵလႃႇၼၼ်ႉၵေႃႉၼိုင်ႈၼၼ်ႉမၼ်းထၢမ်ဝႃႈ၊-
၁၂ ပီႈၼွင်ႉဢိူၺ်း၊ႁဵတ်းသင်ဢမ်ႇၼုင်ႈၶူဝ်းပွႆးသွင်ႇမင်ႇၵလႃႇလႄႈၶဝ်ႈၼႂ်းပွႆးၼႆႉမိူဝ်ႈဢၼ်ဝႃႈၼင်ႇၼႆၸိုင်ၵေႃႉၼၼ်ႉဢမ်ႇလၢတ်ႈၵႂၢမ်းၵႃႈသင်လႆႈလႄႈယူႇဢေႃႈ။
၁၃ မိူဝ်ႈၼၼ်ႉၶုၼ်လူင်မီးဢမိင်ႉၵႃႈတီႈၵူၼ်းၸႂ်ႉၵူၼ်းသွႆမၼ်းတင်းလၢႆလႄႈဝႃႈ၊-မတ်ႉတိၼ်မတ်ႉမိုဝ်းၵေႃႉၼၼ်ႉတႃႉ။ ဢဝ်မၼ်းၶျႃးတူၵ်းသႂ်ႇၵႃႈၼႂ်းဢၼ်လပ်းသိင်ႇၵႃႈတီႈၼွၵ်ႈတီႈဢၼ်လႆႈႁႆႈလႆႈႁွင်ႉတီႈဢၼ်လႆႈၵတ်းၶဵဝ်ႈၵတ်းၽၢၼ်ႈၼၼ်ႉတႃႉ၊ဝႃႈၼင်ႇၼႆဢေႃႈ။
၁၄ ပဵၵ်ႉသမ်ႉၶဝ်ၸိူဝ်းဢၼ်မၼ်းၸဝ်ႈႁွင်ႉဢဝ်ၼၼ်ႉၼမ်ၼႃႇသေၵေႃႈၶဝ်ၸိူဝ်းဢၼ်မၼ်းၸဝ်ႈလိူၵ်ႈၵဵပ်းဢဝ်ၼၼ်ႉၵေႇၼႃႇဢေႃႈ၊ဝႃႈၼင်ႇၼႆဢေႃႈ။
တၢင်းဢၼ်ပၼ်ဢၶွၼ်ႇၶုၼ်
၁၅ မိူဝ်ႈၼၼ်ႉၽႃႇရိသေးတင်းလၢႆဢွၵ်ႇၵႂႃႇသေယဝ်ႉတိူင်ႇပၢင်ႇတွင်ႈထၢမ်ၵၼ်လႄႈဝႃႈ၊-တၵ်းဢဝ်တင်းၵႂၢမ်းလႄႈၵၢင်ဢဝ်မၼ်းၸဝ်ႈလႆႈၸိူဝ်ႉၼင်ႇႁိုဝ်၊ၼၼ်ႉဢေႃႈ။
၁၆ ဝၢႆးၼၼ်ႉၶဝ်ပွႆႇၸႂ်ႉတပႄးၶဝ်ဢိၵ်ႇတင်းတပႄးႁေႇရုတ်ႉတင်းလၢႆၵႂႃႇၵႃႈတီႈမၼ်းၸဝ်ႈလႄႈႁႂ်ႈလႆႈလဝ်ထၢမ်လႄႈဝႃႈ၊-သြႃႇၸဝ်ႈ၊ႁဝ်းၶႃႈႁူႉလွင်ႈဢၼ်ၸဝ်ႈႁဝ်းပဵၼ်ၸဝ်ႈဢၼ်သိုဝ်တေႃႇၸဝ်ႈႁဝ်းမီးသႅတ်ႈၸႃႇၸဝ်ႈႁဝ်းၼႄပျႃးသဵၼ်ႈတၢင်းၽြႃးပဵၼ်ၸဝ်ႈၸိုဝ်ႈၸိုဝ်ႈၸႂ်ႈၸႂ်ႈၸဝ်ႈႁဝ်းဢမ်ႇၵူဝ်ၽူႈလႂ်သေၵေႃႉသေၵူၼ်းၼၼ်ႉၶႃႈဢေႃႈ။
၁၇ ပိူဝ်ႈၼႆလႄႈၸဝ်ႈႁဝ်းထၢင်ႇၸိူဝ်ႉၼင်ႇႁိုဝ်ၶႃႈ။ ၸွင်ႇႁဝ်းၶႃႈထုၵ်ႇလီပၼ်ၶွၼ်ႇတီႈၶုၼ်ႁေႃၶမ်းၵေႇသႃႇၶႃႈႁိုဝ်၊ဢမ်ႇထုၵ်ႇလီပၼ်ၶႃႈႁိုဝ်၊လၢတ်ႈပၼ်တီႈႁဝ်းၶႃႈသေၵမ်းၶႃႈ၊ဝႃႈၼင်ႇၼႆဢေႃႈ။
၁၈ ၸဝ်ႈယေႇသုႁူႉႁၼ်ၸႂ်ၵူတ်ႉၸႂ်ငေႃးၶဝ်ၼၼ်ႉလႄႈလၢတ်ႈဝႃႈ၊-သူၸိူဝ်းဢၼ်ၸၢင်ႊထိမ်ႇၸၢင်ႊမႅပ်းၼႆႉဢိူၺ်း၊ႁဵတ်းသင်လႄႈသူၸၢမ်းတူၺ်းယႃႉယူၵ်ႉၵဝ်။
၁၉ ၼႄငိုၼ်းၶွၼ်ႇၶႅပ်းၼိုင်ႈတီႈၵဝ်တႃႉ၊မိူဝ်ႈဢၼ်ဝႃႈၼင်ႇၼႆၸိုင်ၶဝ်ဢဝ်ငိုၼ်းၶႅပ်းၼိုင်ႈမႃးတီႈမၼ်းၸဝ်ႈဢေႃႈ။ မၼ်းၸဝ်ႈၵေႃႈထၢမ်လႄႈဝႃႈ၊-
၂၀ ႁၢင်ႊၼႆႉလိၵ်ႈၼႆႉပဵၼ်ႁၢင်ႊၽူႈလႂ်ပဵၼ်လိၵ်ႈၽူႈလႂ်မိူဝ်ႈဢၼ်ဝႃႈၼင်ႇၼႆၸိုင်ၶဝ်ၵေႃႈလဝ်လၢတ်ႈလႄႈဝႃႈ၊-ပဵၼ်ႁၢင်ႊပဵၼ်လိၵ်ႈၶုၼ်ႁေႃၶမ်းၵေႇသႃႇၶႃႈဢေႃႈ၊ဝႃႈၼင်ႇၼႆဢေႃႈ။
၂၁ ၸဝ်ႈယေႇသုၵေႃႈလၢတ်ႈလႄႈဝႃႈ၊-ဢဝ်ၶွင်ၶုၼ်ႁေႃၶမ်းၵေႇသႃႇပၼ်တီႈၶုၼ်ႁေႃၶမ်းၵေႇသႃႇတႃႉ။
၂၂ ဢဝ်ၶွင်ၽြႃးပဵၼ်ၸဝ်ႈပၼ်တီႈၽြႃးပဵၼ်ၸဝ်ႈတႃႉ၊ဝႃႈၼင်ႇၼႆဢေႃႈ။ ၶဝ်ၼၼ်ႉငိၼ်းသေယဝ်ႉဢၢမ်းၼႃႇလူင်လၢင်လႄႈဢွၵ်ႇသေၵႃႈတီႈမၼ်းၸဝ်ႈၵႂႃႇဢေႃႈ။
လွင်ႈပူႇယႃၽူဝ်မေးမိူဝ်ႈလုၵ်ႉၶိုၼ်းလိပ်း
၂၃ ဝၼ်းၼၼ်ႉၸတ်ႉတုၵေးဢၼ်ယုမ်ႇဝႃႈတၢင်းဢၼ်လုၵ်ႉၶိုၼ်းလိပ်းဢမ်ႇမီးဢၼ်ဝႃႈၼၼ်ႉသုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈလဝ်ထၢမ်လႄႈဝႃႈ၊-
၂၄ သြႃႇၸဝ်ႈ၊မုဝ်းသေႇၸီႇယၢင်ႇဝႆႉဝႃႈ၊-ပေႃးသေၵေႃႉသေၵူၼ်းယင်းဢမ်ႇမီးလုၵ်ႈမီးလၢင်းလႄႈတၢႆၵႂႃႇၸိုင်ၼွင်ႉၸၢႆးမၼ်းတၵ်းလႆႈသိမ်းဢဝ်မေးပီႈၸၢႆးမၼ်းလႄႈႁႂ်ႈၶိူဝ်းပီႈၸၢႆးမၼ်းသိုပ်ႇၵႂႃႇဢမ်ႇၶၢတ်ႇ၊ဝႃႈၼင်ႇၼႆဝႆႉၶႃႈယဝ်ႉ။
၂၅ ၵႃႈတီႈႁဝ်းၶႃႈၼႆႉမီးပီႈၼွင်ႉၸဵတ်းၵေႃႉၶႃႈဢေႃႈ။ ပီႈၸၢႆးၵေႃႉယႂ်ႇဢဝ်မေးလႄႈတၢႆၵႂႃႇၶႃႈဢေႃႈ။ မၼ်းယင်းဢမ်ႇမီးလုၵ်ႈမီးလၢင်းလႄႈႁႂ်ႈမေးမၼ်းၵိုတ်းဝႆႉတီႈၼွင်ႉၸၢႆးမၼ်းၶႃႈဢေႃႈ။
၂၆ မိူၼ်ၼင်ႇၼၼ်ၸႃႉၸဵမ်ၵေႃႉတုတိယၵေႃႉတတိယၵေႃႉၼိုင်ႈယဝ်ႉၵေႃႉၼိုင်ႈၶဝ်ပီႈၼွင်ႉၸဵတ်းၵေႃႉလႆႈသိုပ်ႇဢဝ်မႄႈယိင်းၼၼ်ႉယဝ်ႉၸင်ႇတၢႆၵႂႃႇၶႃႈဢေႃႈ။
၂၇ ဝၢႆးၼၼ်ႉမႄႈယိင်းၼၼ်ႉၵေႃႈတၢႆၵႂႃႇၶႃႈဢေႃႈ။
၂၈ ပိူဝ်ႈၼႆလႄႈၼႂ်းၶိင်ႇၵႃႇလႃႉဢၼ်တၵ်းလႆႈလုၵ်ႉၶိုၼ်းၼၼ်ႉၼႂ်းၶဝ်ပီႈၼွင်ႉၸဵတ်းၵေႃႉၼၼ်ႉမႄႈယိင်းၵေႃႉၼၼ်ႉတၵ်းလႆႈပဵၼ်မေးၵေႃႉလႂ်ၶႃႈ။ ၶဝ်ပီႈၼွင်ႉၵူႈၵေႃႉယင်းပေႃးလႆႈဢဝ်မႄႈယိင်းၼၼ်ႉယဝ်ႉၶႃႈ၊ဝႃႈၼင်ႇၼႆဢေႃႈ။
၂၉ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ပိူဝ်ႈဢၼ်သူဢမ်ႇႁူႉၵျၢမ်းလိၵ်ႈဢိၵ်ႇတင်းတၼ်းၶူဝ်းၽြႃးပဵၼ်ၸဝ်ႈလႄႈသူၽိတ်းယဝ်ႉ။
၃၀ ၶိင်ႇၵႃႇလႃႉဢၼ်တၵ်းလႆႈလုၵ်ႉၶိုၼ်းၼၼ်ႉယင်းဢမ်ႇၸၢင်ႊႁဵတ်းတၢင်းဢၼ်ဢဝ်ၽူဝ်ဢဝ်မေးတၢင်းဢၼ်ဢၢပ်ႈပၼ်ၵၼ်လႄႈတၵ်းပဵၼ်ၸိူဝ်ႉၼင်ႇတမၢၼ်ႇၵၢင်ႁၢဝ်ၽြႃးပဵၼ်ၸဝ်ႈၼၼ်ႉဢေႃႈ။
၃၁ လိူဝ်သေၼၼ်ႉလွင်ႈဢၼ်ၶဝ်ၸိူဝ်းဢၼ်တၢႆယဝ်ႉတင်းလၢႆလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉသူဢမ်ႇယၢမ်ႈလႆႈၽတ်းၵႂၢမ်းဢၼ်ၽြႃးပဵၼ်ၸဝ်ႈမီးဢမိင်ႉလႄႈဝႃႈ၊-
၃၂ ၵဝ်ပဵၼ်ၽြႃးဢႃႇပြႁၢမ်ႇ၊ၽြႃးဢိၸၢၵ်ႉ၊ၽြႃးယႃႇၵုပ်ႉဢေႃႈ၊ဝႃႈၼင်ႇၼႆၼၼ်ႉႁိုဝ်။ ၽြႃးပဵၼ်ၸဝ်ႈပဵၼ်ၽြႃးၶဝ်ၸိူဝ်းဢၼ်တၢႆၼၼ်ႉဢမ်ႇၸႂ်ႈ။ ပဵၼ်ၽြႃးၶဝ်ၸိူဝ်းဢၼ်ဢသၢၵ်ႈလိပ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၃၃ ပရိၵ်ႈသၢတ်ႈတင်းလၢႆငိၼ်းလွင်ႈဢၼ်မၼ်းၸဝ်ႈသင်ႇသွၼ်သုင်းမပၼ်ၼၼ်ႉသေယဝ်ႉဢၢမ်းၼႃႇလူင်လၢင်ဢေႃႈ။
ပိင်းၺၢပ်ႈဢၼ်ယႂ်ႇမျၢတ်ႈၼႃႇသေပိူၼ်ႈ
၃၄ ၽႃႇရိသေးတင်းလၢႆငိၼ်းလွင်ႈဢၼ်မၼ်းၸဝ်ႈၵႄႈလိတ်ႈၵႂၢမ်းၸတ်ႉတုၵေးၸိူဝ်းၼၼ်ႉသေယဝ်ႉၸူႉၵၼ်တုမ်ၵၼ်တီႈမၼ်းၸဝ်ႈဢေႃႈ။
၃၅ ၵူၼ်းမေႃၵျၢမ်းဢၼ်ပႃးၼႂ်းၶဝ်ၼၼ်ႉၵေႃႉၼိုင်ႈၼင်ႇႁိုဝ်တၵ်းလႆႈၸၢမ်းတူၺ်းယႃႉယူၵ်ႉမၼ်းၸဝ်ႈၼၼ်ႉၸိုင်လဝ်ထၢမ်လႄႈဝႃႈ၊-
၃၆ သြႃႇၸဝ်ႈ၊ၼႂ်းၵျၢမ်းပိင်းၺၢပ်ႈတိၼၼ်ႉပိင်းၺၢပ်ႈဢၼ်လႂ်ယဵင်ႈၶႅၼ်းယႂ်ႇမျၢတ်ႈၼႃႇသေပိူၼ်ႈၶႃႈ၊မိူဝ်ႈဢၼ်ဝႃႈၼင်ႇၼႆၸိုင်၊မၼ်းၸဝ်ႈၵေႃႈလၢတ်ႈလႄႈဝႃႈ၊-
၃၇ ၽြႃးပဵၼ်ၸဝ်ႈမႂ်းထႃႇဝရႃႉၽြႃးၸိုင်မႂ်းတၵ်းလႆႈပႃးတင်းၸႂ်သဵင်ႈသဵင်ႈႁူဝ်ၸႂ်သဵင်ႈသဵင်ႈၺၢၼ်ႇၵႃႈမီးတင်းသဵင်ႈတင်းလူင်သေလႄႈႁၵ်ႉဢေႃႈ၊ဢၼ်ဝႃႈၼၼ်ႉပဵၼ်ပထမပိင်းၺၢပ်ႈဢေႃႈ။
၃၈ ပိင်းၺၢပ်ႈဢၼ်ယႂ်ႇသေပိူၼ်ႈၵေႃႈပဵၼ်ဢေႃႈ။ လိူဝ်သေၼၼ်ႉတုတိယပိင်းၺၢပ်ႈဢၼ်ဝႃႈ၊-
၃၉ ၵေႃႉဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉမႂ်းတၵ်းလႆႈႁၵ်ႉမိူၼ်ၸိူဝ်ႉၼင်ႇႁၵ်ႉတူဝ်ၸဝ်ႈၵဝ်ႇၼၼ်ႉဢေႃႈ၊ဢၼ်ဝႃႈၼၼ်ႉဢေႃႈ။
၄၀ ပိင်းၺၢပ်ႈသွင်ပႃးၼႆႉပဵၼ်ဢၼ်ဢုပ်ႉပိူင်ႇၵျၢမ်းပိင်းၺၢပ်ႈတိတင်းၵျၢမ်းဢၼႃႇၵၢတ်ႈတိၵႃႈမီးတင်းသဵင်ႈတင်းလူင်ဢေႃႈ၊ဝႃႈၼင်ႇၼႆဢေႃႈ။
ၸဝ်ႈယေႇသုပဵၼ်လုၵ်ႈၸၢႆးၽူႈလႂ်
၄၁ ၼႂ်းမိူဝ်ႈဢၼ်ၽႃႇရိသေးတင်းလၢႆၸူႉၵၼ်တုမ်ၵၼ်ယူႇၼၼ်ႉၸိုင်ၸဝ်ႈယေႇသုထၢမ်ဝႃႈ၊-
၄၂ သူထၢင်ႇၸဝ်ႈၶရိၸ်ႉႉပဵၼ်ၸိူဝ်ႉၼင်ႇႁိုဝ်။ ပဵၼ်လုၵ်ႈၽူႈလႂ်၊မိူဝ်ႈဢၼ်ဝႃႈၼင်ႇၼႆၸိုင်ၶဝ်ၼၼ်ႉလဝ်လၢတ်ႈလႄႈဝႃႈ၊-ပဵၼ်လုၵ်ႈတႃႇဝိတ်ႉၶႃႈဢေႃႈ၊ဝႃႈၼင်ႇၼႆဢေႃႈ။ မၼ်းၸဝ်ႈၵေႃႈလၢတ်ႈလႄႈဝႃႈ၊-
၄၃ ပေႃးပဵၼ်ၸိူဝ်ႉၼင်ႇၼႆၸိုင်ႁဵတ်းသင်တႃႇဝိတ်ႉသမ်ႉပႃးတင်းဝိၺိၺ်ႇမူတ်းၸၢင်ႇၸဝ်ႈသေလႄႈႁွင်ႉၸဝ်ႈၶရိၸ်ႉဝႃႈ၊-
၄၄ ၸဝ်ႈႁဝ်း၊ဝႃႈၸိူဝ်ႉၼင်ႇၼႆ။ ၵႂၢမ်းဢၼ်တႃႇဝိတ်ႉဝႃႈၼၼ်ႉၸမ်း၊-ထႃႇဝရႃႉၽြႃးလၢတ်ႈတီႈၵဝ်ၶႃႈလႄႈဝႃႈ၊-ၸူဝ်ႈဢၼ်ၵဝ်ဢမ်ႇပႆႇဢဝ်ရၢၼ်ႇသူႇမႂ်းတင်းလၢႆၶျႃးဝႆႉႁႂ်ႈလႆႈပဵၼ်တီႈတၢင်ႇတိၼ်မႂ်းၼၼ်ႉၸိုင်ၼင်ႈယူႇၵႃႈတီႈၽၢႆႇၶႂႃၵဝ်တႃႉ၊ဝႃႈၼင်ႇၼႆဢေႃႈ။
၄၅ ပိူဝ်ႈၼႆလႄႈၸဝ်ႈၶရိၸ်ႉၼၼ်ႉပေႃးတႃႇဝိတ်ႉႁွင်ႉဝႃႈၸဝ်ႈႁဝ်း၊ဝႃႈၼႆၸိုင်တၵ်းပဵၼ်လုၵ်ႈမၼ်းလႆႈၸိူဝ်ႉၼင်ႇႁိုဝ်၊မိူဝ်ႈဢၼ်မၼ်းၸဝ်ႈထၢမ်ၸိူဝ်ႉၼင်ႇၼၼ်ၸိုင်ၽူႈလႂ်သေၵေႃႉသေၵူၼ်းဢမ်ႇၶိုၼ်းလဝ်လၢတ်ႈၵႂၢမ်းလႆႈသေၶေႃႈ။ ၸႃႉၸဵမ်မိူဝ်ႈဝၼ်းၼၼ်ႉၵမ်းလိုၼ်းၽူႈလႂ်ဢမ်ႇႁတ်းလဝ်ႁတ်းထၢမ်တီႈမၼ်းၸဝ်ႈသေၵေႃႉ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ