ၵျၢမ်းငဝ်ႈၵမ်ႇၽႃႇ
၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈ ၂၉
၃၀ ၃၁ ၃၂ ၃၃ ၃၄ ၃၅ ၃၆ ၃၇ ၃၈ ၃၉ ၄၀ ၄၁ ၄၂ ၄၃ ၄၄ ၄၅ ၄၆ ၄၇ ၄၈ ၄၉ ၅၀
၁၈
ၶႅၵ်ႇသၢမ်ၵေႃႉ
၁ လွင်ႈဢၼ်ထႃႇဝရႃႉၽြႃး ပေႃႇမႃးတီႈမၼ်းၵႃႈၼႂ်းပႃႇတူၼ်ႈမႆႉၼိမ် မၢမ်ႇရေႇ ၼၼ်ႉၸမ်း၊ၶိင်ႇမိူဝ်ႈဢၼ်လႅတ်ႇမႆႈၼၼ်ႉ ဢႃႇပြႁမ်ႇ ၼင်ႈယူႇၵႃႈတီႈႁူးၽၵ်းတူသုမ်ႉထဵင်ယူႇလႄႈ မုင်ႈတူၺ်းၼၼ်ႉလႆႈႁၼ်ၵူၼ်းသၢမ်ၵေႃႉ ၸုၵ်းယူႇၵႃႈတီႈၽၢႆႇၼႃႈမၼ်းဢေႃႈ။
၂ ၼင်ႇႁိုဝ်တၵ်းလႆႈႁပ်ႉႁူဝ်တၢင်းၶဝ်ၼၼ်ႉ မၼ်းလႅၼ်ႈဢွၵ်ႇသေၵႃႈၼႂ်းၽၵ်းတူသုမ်ႉထဵင်ၵွႃႇလႄႈ ၶုပ်ႉမူပ်ႇ ၵႃႈတီႈလိၼ်သေလႄႈဝႃႈ၊-
၃ ၸဝ်ႈၵဝ်ၶႃႈ ပေႃးၵဝ်ၶႃႈထူပ်းၵျေးၸူးသိုဝ်ႈၼႃႈတႂ်ႈတႃၸဝ်ႈႁဝ်းၸိုင် ယႃႇပေ ပူၼ်ႉသေၵႃႈတီႈၵဝ်ၶႃႈၼႆႉၵွႃႇသေၵမ်း။
၄ ႁႂ်ႈလႆႈဢဝ်ၼမ်ႉဢိတ်းၼိုင်ႈပၼ်ႁႂ်ႈလႆႈသုၵ်ႈတိၼ်သေယဝ်ႉ လိုဝ်ႈသဝ်း ယူႇၵႃႈတႂ်ႈတူၼ်ႈမႆႉၼႆႉသေၵမ်း။
၅ ႁႂ်ႈၵဝ်ၶႃႈလႆႈဢဝ်ၶဝ်ႈမုၼ်းဢိတ်းၼိုင်ႈလဵင်ႉလူသေၵမ်း။ မိူဝ်ႈဢၼ်ႁိူဝ်ႉႁၢႆယဝ်ႉၸင်ႇသိုပ်ႇၶၢဝ်းတၢင်းၵွႃႇသေၵမ်း။လွင်ႈၼင်ႇႁိူဝ်ၵဝ်ၶႃႈ တၵ်းလႆႈၶၢမ်ႇဢဝ်ၵျေးၸူးၸဝ်ႈႁဝ်းၸိူဝ်ႉၼင်ႇၼႆၸင်ႇ ၸဝ်ႈႁဝ်းႁွတ်ႈမႃးၵႃႈတီႈဢၼ်ၵဝ်ၶႃႈမီးၼႆႉၶႃႈယဝ်ႉ၊ဝႃႈၼင်ႇၼႆဢေႃႈ။ၶဝ်ၼၼ်ႉၵေႃႈဝႃႈ၊-ႁဵတ်းၸွမ်း ၵႃႈၼင်ႇဢၼ်မႂ်းလၢတ်ႈၼႆႉၼၼ်ႉသေၵမ်း၊ ဝႃႈၼင်ႇၼႆဢေႃႈ။
၆ ဢႃႇပြႁမ်ႇ ၵေႃႈႁိပ်ႈၼႅတ်ႈၶဝ်ႈၵႃႈၼႂ်းသုမ်ႉထဵင်ၵႃႈတီႈဢၼ် ၸႃႇရႃႇ မီးၼၼ်ႉသေယဝ်ႉလၢတ်ႈဝႃႈ၊- ဢဝ်ၽွင်ၶဝ်ႈၵျုင်ႇ သၢမ်ၸလေႇ ၼိုင်ႈၶၼ်ၶၼ်ၽႂ်းၽႂ်းသေလႄႈၼူတ်ႈသေၵမ်း။
၇ ႁဵတ်းၶဝ်ႈမုၼ်းသေၵမ်း၊ ဝႃႈၼင်ႇၼႆဢေႃႈ။ ၵမ်းၼၼ်ႉ၊ဢႃႇပြႁမ်ႇ သမ်ႉလႅၼ်ႈၵွႃႇၵႃႈတီႈၽုင်ဝူဝ်းလႄႈဢဝ်ဝူဝ်းဢွၼ်ႇ ဢၼ်မီးၼိူဝ်ႉပီးလီၼုမ်ႇလီၼၼ်ႉမႃးလႄႈဢၢပ်ႈပၼ်တီႈၵူၼ်းဢွၼ်ႇမၼ်း ႁႂ်ႈမႄးႁဵတ်းမႄးႁႅၼ်း ၶၼ်ၶၼ်ဝႆးဝႆးဢေႃႈ။
၈ လိုၼ်းၼၼ်ႉမၼ်းဢဝ်ၼမ်ႉၼူမ်းတင်းၼမ်ႉၼူမ်းဢၼ်ၵၢမ်ႈ ဢိၵ်ႇတင်းဝူဝ်းဢွၼ်ႇဢၼ်မႄးႁႅၼ်းဝႆႉၼၼ်ႉ သႂ်ႇတမ်းပၼ်ၵႃႈတီႈၽၢႆႇၼႃႈၶဝ်ၼၼ်ႉသေယဝ်ႉ ၸုၵ်းယူႇၵႃႈတီႈႁိမ်းၶဝ်ၵႃႈတႂ်ႈႁူမ်ႈမႆႉၼၼ်ႉလႄႈၶဝ်ၵေႃႈၵိၼ်ဢေႃႈ။
၉ ၶဝ်ၼၼ်ႉထၢမ်တီႈမၼ်းလႄႈဝႃႈ၊- မေးမႂ်း ၸႃႇရႃႇမီးၵႃႈလႂ်၊ ဝႃႈၼင်ႇၼႆလႄႈ မၼ်းၵေႃႈလၢတ်ႈလႄႈဝႃႈ၊- မီးယူႇၵႃႈၼႂ်းသုမ်ႉထဵင်ၶႃႈဢေႃႈ၊ ဝႃႈၼင်ႇၼႆ ဢေႃႈ။
၁၀ ပႃးၼိုင်ႈသမ်ႉလၢတ်ႈဝႃႈ၊-မိူဝ်ႈဢၼ်ထိုင်ၶိင်ႇဢၼ်ၵိူတ်ႇလဵင်ႉလုၵ်ႈၼၼ်ႉ ၵဝ်တၵ်းၶိုၼ်းမႃးၵႃႈတီႈမႂ်းဢမၢၼ်ႇၶၼ်ပဵၼ်လူးၵွၼ်ႇဢေႃႈ။ မိူဝ်ႈၶိင်ႇၼၼ်ႉမေးမႂ်း ၸႃႇရႃႇ တၵ်းလႆႈလုၵ်ႈၸၢႆးဢေႃႈ၊ဝႃႈၼင်ႇၼႆဢေႃႈ။ၸႃႇရႃႇ ၸမ်းမီးယူႇၵႃႈတီႈႁိမ်းႁူးၽၵ်းတူဢၼ်မီးၽၢႆႇလင် ၵေႃႉဢၼ်ဝႃႈၸိူဝ်ႉၼင်ႇၼၼ်ၼၼ်ႉ လႄႈမၼ်းၵေႃႈလႆႈငိၼ်းၵႂၢမ်းၼၼ်ႉဢေႃႈ။
၁၁ မိူဝ်ႈၼၼ်ႉဢႃႇပြႁမ်ႇ တင်း ၸႃႇရႃႇ ဢသၢၵ်ႈၵႄႇထူၼ်ႈၼႃႇလူင်လၢင်ယဝ်ႉ။ ၸႃႇရႃႇ ၵေႃႈဢူႉတူႉရႃႇသီႇၶိူင်ႈမေႈယိင်းပေႃးၵိုတ်းသုတ်းယဝ်ႉ။ ၵွပ်ႈႁွႆးၼႆႉလႄႈ ၸႃႇရႃႇယုမ်ႉၶူဝ်တဵတ်ႇတဵတ်ႇလႄႈဝႃႈ၊- ၵဝ်ပေႃးထဝ်ႈယဝ်ႉ။ၽူဝ်ၵဝ်ၵေႃႈပေႃးထဝ်ႈယဝ်ႉ။ ၵဝ်တၵ်းမီးတၢင်းမူၼ်ႈတၢင်းပျေႃႇလႆႈလူးၵွၼ်ႇႁိုဝ်ၼေႃ၊ ဝႃႈၼင်ႇၼႆဢေႃႈ။
၁၂ ထႃႇဝရႃႉၽြႃးလၢတ်ႈတီႈ ဢႃႇပြႁမ်ႇလႄႈဝႃႈ၊-ႁဵတ်းသင်လႄႈမေးမႂ်း ၸႃႇရႃႇ ယုမ်ႉၶူဝ်ယူႇလႄႈဝႃႈ၊-ၵဝ်ၼႆႉပေႃးထဝ်ႈယဝ်ႉလႄႈ တၵ်းၵိူတ်ႇလဵင်ႉလုၵ်ႈလႆႈ ႁိုဝ်ၼေႃ၊ ဝႃႈၸိူဝ်ႉၼင်ႇၼႆ။
၁၃ လွင်ႈတၢင်းဢၼ်ထႃႇဝရႃႉၽြႃး ဢမ်ႇတတ်ႈၼိုင်ႇလႆႈၼၼ်ႉ ၸွင်ႇမီးသေၸိူဝ်ႉ သေပိူင်ႁိုဝ်။
၁၄ မိူဝ်ႈဢၼ်ထိုင်ၶိင်ႇဢၼ်မၵ်းၶၢၼ်းဝႆႉၼၼ်ႉၵဝ်တၵ်းၶိုၼ်းမႃးၵႃႈတီႈမႂ်းလႄႈ ၸႃႇရႃႇ တၵ်းလႆႈ လုၵ်ႈၸၢႆးဢေႃႈ၊ဝႃႈၼင်ၼႆဢေႃႈ။
၁၅ ၸႃႇရႃႇ ၵေႃႈၵူဝ်ႁႄလႄႈထဵင်ဝႃႈ၊- ၵဝ်ၶႃႈဢမ်ႇယုမ်ႉဢမ်ႇၶူဝ်ၶႃႈ၊ဝႃႈၼင်ႇၼႆဢေႃႈ။ မၼ်းၸဝ်ႈၵေႃႈလၢတ်ႈဝႃႈ၊-ဢမ်ႇၸႂ်ႈၵူၺ်း။ မႂ်းယုမ်ႉၶူဝ်ယဝ်ႉ၊ဝႃႈၼင်ႇၼႆဢေႃႈ။
ဢႃႇပြမ်ႇတွင်းပၢၼ်ႇပုၼ်ႈဝဵင်းသေႃးတုင်ႇ
၁၆ၵူၼ်းၸိူဝ်းၼၼ်ႉၵေႃႈ လုၵ်ႉသေၵႃႈတီႈၼၼ်ႉလႄႈဝၢႆႇၼႃႈတေႃႇဝဵင်း သေႃးတုင်ႇ သေလႄႈဢွၵ်ႇၵွႃႇဢေႃႈ။
၁၇ ဢႃႇပြႁမ်ႇ ၵေႃႈၸွမ်းၵွႃႇႁႂ်ႈလႆႈသူင်ႇၶဝ်ဢေႃႈ။ထႃႇဝရႃႉၽြႃးၵေႃႈဝႃႈ၊-လွင်ႈဢၼ်ၵဝ်တၵ်းႁဵတ်းၼၼ်ႉယင်းဢမ်ႇမွၵ်ႇဢမ်ႇလၢတ်ႈတီႈ ဢႃႇပြႁမ်ႇလႄႈတၵ်းလႆႈသိူင်ႇဝႆႉဢမ်ဝႆႉႁိုဝ်။
၁၈ ဢႃႇပြႁမ်ႇ ၼႆႉတၵ်းပဵၼ်မဵဝ်းၵူၼ်းဢၼ်ယႂ်ႇမျၢတ်ႈၼႃႇလႄႈတဵမ်ဝႆႉတင်းတၼ်းၶူဝ်းဢေႃႈ။ ၵႃႈၼႂ်းမၼ်းၼႆႉၵူၼ်းမဵဝ်းတင်းသဵင်ႈတင်းလူင် တၵ်းလႆႈၶၢမ်ႇတၢင်းလီမင်ႇၵလႃႇဢေႃႈ။
၁၉ လွင်ႈမၼ်းၸမ်း၊ ၵဝ်ႁူႉလွင်ႈဢၼ်မၼ်းတၵ်းပိင်းၺၢပ်ႈဝႆႉတီႈလုၵ်ႈလၢင်းမၼ်း ဢိၵ်ႇတင်း ၵူၼ်းႁိူၼ်းၵူၼ်းယေးမၼ်းလိုၼ်းမၼ်း ႁႂ်ႈၶဝ်လႆႈၸွမ်းသဵၼ်ႈတၢင်းတြႃးထႃႇဝရႃႉၽြႃးသေလႄႈ ၵမ်ၵျၢင်ႉဢၼ်ၸိုဝ်ႈဢၼ်ၸႂ်ႈဢၼ်သိုဝ်ႈဢၼ်တေႃႇၼၼ်ႉဢေႃႈ။
၂၀ ၵွပ်ႈႁွႆးၼႆႉလႄႈ ထႃႇဝရႃႉၽြႃးတၵ်းမီးဢၶႂၢင်ႉဢၼ်လႆႈႁဵတ်းတီႈ ဢႃႇပြႁမ်ႇ ၸွမ်းၵႃႈၼင်ႇဢၼ်ၵတိၸဝ်ႈမီးၼၼ်ႉဢေႃႈ၊ ဝႃႈၼင်ႇၼႆဢေႃႈ။ ၵမ်းၼၼ်ႉထႃႇဝရႃႉၽြႃးလၢတ်ႈဝႃႈ၊- ၵွပ်ႈပိူဝ်ႈသဵင်ဢၼ်ဝဵင်းသေႃးတုင်ႇ တင်းဝဵင်း ၵေႃးမေႃးရ ႁွင်ႉသႅၼ်ႇၼၼ်ႉယႂ်ႇၼႃႇလႄႈဢပျႅတ်ႈၼၵ်းၼႃႇၼၼ်ႉ တေႃႈလဵဝ်ၼႆႉၵဝ်တၵ်းလူင်းၵွႃႇလႄႈ လူတူၺ်းလွင်ႈဢၼ်ၶဝ်ႁဵတ်းၸွမ်းၼင်ႇတၢင်းဢၼ်ႁွင်ႉသႅၼ်ႇ ဢၼ်လႆႈႁွတ်ႈမႃးၽၢႆႇၼႃႈၵဝ်ၼၼ်ႉ ၸႂ်ႈႁိုဝ်ဢမ်ႇၸႂ်ႈႁိုဝ်ၼၼ်ႉဢေႃႈ။
၂၁ ပေႃးၶဝ်ဢမ်ႇႁဵတ်းၸိုင် ၵဝ်တၵ်းလႆႈႁူႉလွင်ႈဢၼ်ဝႃႈၶဝ်ဢမ်ႇႁဵတ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၂ ၵူၼ်းၸိူဝ်းၼၼ်ႉ ဝၢႆႇၼႃႈၶဝ်သေၵႃႈတီႈၼၼ်ႉလႄႈၵွႃႇၸူးၵႃႈတီႈဝဵင်းသေႃးတုင်ႇဢေႃႈ။ဢႃႇပြႁမ်ႇၸမ်း ယင်းၸုၵ်းယူႇၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉဢေႃႈ။
၂၃မိူဝ်ႈၼၼ်ႉ ဢႃႇပြႁမ်ႇ သုတ်ႉၸမ်သေလႄႈ လဝ်ႈဝႃႈ၊- ၸဝ်ႈႁဝ်းတယေႃႉၽဵဝ်ႈပႅတ်ႈ ၶဝ်ၸိူဝ်းဢၼ်သိုဝ်ႈတေႃႇၼၼ်ႉ ၸွမ်းၵၼ်တင်းၶဝ်ၸိူဝ်းဢၼ်ဢမ်ႇ တြႃးၼၼ်ႉၶႃႈႁိုဝ်။
၂၄ ပေႃးမီးၵူၼ်းသိုဝ်ႈတေႃႇႁႃႈသိပ်းၵႃႈၼႂ်းဝဵင်းၼၼ်ႉၸိုင် ၸွင်ႇၸဝ်ႈႁဝ်းတၵ်းယႃႉပႅတ်ႈၶႃႈႁိုဝ်။ ဢမ်ႇသေလၢႆဝဵင်းဢၼ်မီးၵူၼ်းသိုဝ်ႈတေႃႇ ႁႃႈသိပ်းၼၼ်ႉလႄႈတၵ်းယႃႉပႅတ်ႈၶႃႈႁိုဝ်။
၂၅ ႁႂ်ႈလွင်ႈတၢင်းဢၼ်ဢဝ် ၶဝ်ၸိူဝ်းဢၼ်သိုဝ်ႈတေႃႇတၢႆၸွမ်းၵၼ်တင်းၶဝ်ၸိူဝ်းဢၼ်ဢမ်ႇတြႃး ႁႂ်ႈၶဝ်ႈၸိူဝ်းဢၼ်သိုဝ်ႈတေႃႇ လႆႈၶၢမ်ႇၸိူဝ်ႉၼင်ႇၶဝ်ၸိူဝ်းဢၼ်ဢမ်ႇတြႃးၼၼ်ႉ လႆႈၵႆၵၼ်တင်းၸဝ်ႈႁဝ်းသေၵမ်းလူၺ်ႈတီႈၶႃႈ။ ႁႂ်ႈလွင်ႈတၢင်းဢၼ် ႁဵတ်းၸိူဝ်ႉၼင်ႇၼၼ်ၼၼ်ႉၵႆၵၼ်တင်းၸဝ်ႈႁဝ်းသေၵမ်းလူၺ်ႈတီႈၶႃႈ။ၸဝ်ႈႁဝ်းၸီႇယၢင်ႇလိၼ်မိူင်း တင်းသဵင်ႈတင်းလူင်ၸွမ်းၼင်ႇတြႃးဢမ်ႇၸႂ်ႈတီႈၶႃႈႁိုဝ်၊ ဝႃႈၼင်ႇၼႆဢေႃႈ။
၂၆ ထႃႇဝရႃႉၽြႃးၵေႃႈလၢတ်ႈလႄႈဝႃႈ၊- ပေႃးၵဝ်ထူပ်းႁၼ်ၵူၼ်းသိုဝ်ႈတေႃႇႁႃႈသိပ်းၵႃႈၼႂ်းဝဵင်း သေႃးတုင်ၼၼ်ႉၸိုင် ၵဝ်တၵ်းသေလၢႆတီႈၼၼ်ႉတင်းသဵင်ႈတင်းလူင်ၵွပ်ႈပိူဝ်ႈၶဝ်ၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၇ ဢႃႇပြႁမ်ႇ ၵေႃႈၶိုၼ်းလဝ်ႈလၢတ်ႈလႄႈဝႃႈ၊-တေႃႈလဵဝ်ၼႆႉ ၶႃႈၸဝ်ႈ ဢၼ်ပဵၼ်မုၼ်ႈလိၼ်တင်းတဝ်ႊၵူၺ်းၼႆႉ ၶတ်းၸႂ်လူၺ်ႈလွင်ႈဢၼ်တၵ်းလဝ်ႈလၢတ်ႈတီႈၸဝ်ႈၽြႃးတီႈၶႃႈဢေႃႈ။ၼႂ်းၶဝ်ၸိူဝ်းဢၼ်သိုဝ်ႈတေႃႇႁႃႈသိပ်းၼၼ်ႉ ပေႃးယွမ်းၵွႃႇႁႃႈၵေႃႉၸိုင်ၵွပ်ႈပိူဝ်ႈဢၼ်ယွမ်းၵွႃႇႁႃႈၵေႃႉၼၼ်ႉလႄႈ ၸွင်ႇၸဝ်ႈႁဝ်းတၵ်းယႃႉပႅတ်ႈဝဵင်းၼၼ်ႉ တင်းသဵင်ႈတင်းလူင်တီႈၶႃႈႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈၵေႃႈလၢတ်ႈလႄႈဝႃႈ၊-
၂၈ ပေႃးၵဝ်ထူပ်းႁၼ်ၵူၼ်းသိုဝ်ႈတေႃႇသီႇသိပ်းပၢႆႁႃႈၵေႃႉၵႃႈၼႂ်းဝဵင်းၼၼ်ႉၸိုင်၊ ၵဝ်တၵ်းဢမ်ႇယႃႉ ပႅတ်ႈ ဝႃႈၼင်ႇၼႆဢေႃႈ။
၂၉ ၵမ်းၼၼ်ႉမၼ်းသမ်ႉၶိုၼ်းလဝ်ႈလၢတ်ႈတီႈမၼ်းၸဝ်ႈလႄႈဝႃႈ၊-ၸၢင်ႊၶေးထူပ်းႁၼ်သီႇသိပ်းၵေႃႉ ၵႃႈၼႂ်းဝဵင်းၼၼ်ႉယူႇၶႃႈဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၸဝ်ႈၵေႃႈလၢတ်ႈလႄႈဝႃႈ၊- ၵွပ်ႈပိူဝ်ႈသီႇသိပ်းၵေႃႉၼၼ်ႉလႄႈၵဝ်ယင်းဢမ်ႇႁဵတ်းလႄႈတၵ်းယူႇဢေႃႈ၊ ဝႃႈၼင်ႇၼႆဢေႃႈ။
၃၀ၵမ်းၼၼ်ႉ မၼ်းသမ်ႉၶိုၼ်းလဝ်ႈလၢတ်ႈလႄႈဝႃႈ၊-ဢူဝ်းၸဝ်ႈၽြႃး၊ယႃႇပေမီးၸႂ်သေၵမ်းၶႃႈ။ႁႂ်ႈၶႃႈၸဝ်ႈလႆႈလဝ်လၢတ်ႈသေၵမ်းတီႈၶႃႈ။ ၸၢင်ႊၶေးမီးသၢမ်သိပ်းၵေႃႉၵႃႈၼႂ်းဝဵင်းၼၼ်ႉယူႇတီႈၶႃႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊မၼ်းၸဝ်ႈၵေႃႈဝႃႈ၊-ပေႃးထူပ်းႁၼ်သၢမ်သိပ်းၵေႃႉၵႃႈၼႂ်းဝဵင်းၼၼ်ႉၸိုင် ၵဝ်ယင်းဢမ်ႇႁဵတ်းလႄႈတၵ်းယူႇဢေႃႈ၊ ဝႃႈၼင်ႇၼႆဢေႃႈ။
၃၁ ၵမ်းၼၼ်ႉမၼ်းသမ်ႉၶိုၼ်းလဝ်ႈလၢတ်ႈလႄႈဝႃႈ၊-တေႃႈလဵဝ်ၼႆႉၶႃႈၸဝ်ႈၵျူဝ်းၸႃးလူၺ်ႈ လွင်ႈဢၼ်တၵ်းလႆႈလဝ်ႈလၢတ်ႈတီႈ ထႃႇဝရႃႉၽြႃးၼၼ်ႉ တီႈၶႃႈဢေႃႈ။ၸၢင်ႊၶေးထူပ်းႁၼ်သၢဝ်းၼိုင်ႈၵႃႈ ၼႂ်းဝဵင်းၼၼ်ႉတီႈၶႃႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊မၼ်းၸဝ်ႈၵေႃႈလၢတ်ႈလႄႈဝႃႈ၊-ၵွပ်ႈပိူဝ်ႈသၢဝ်းၼိုင်ႈၼၼ်ႉလႄႈ ၵဝ်တၵ်းဢမ်ႇယႃႉပႅတ်ႈလႄႈ တၵ်းယူႇဢေႃႈ၊ဝႃႈၼင်ႇၼႆ ဢေႃႈ။
၃၂ မၼ်းသမ်ႉၶိုုၼ်းလဝ်ႈလၢတ်ႈလႄႈဝႃႈ၊-ဢူဝ်းၸဝ်ႈၽြႃးတီႈၶႃႈ။ယႃႇပေမီးၸႂ်သေၵမ်းတီႈၶႃႈ။ႁႂ်ႈၶႃႈၸဝ်ႈ လႆႈလဝ်ႈလၢတ်ႈထႅင်ႈပွၵ်ႈၼိုင်ႈၼႆႉၵူၺ်းသေၵမ်းတီႈၶႃႈ။ၸၢင်ႊၶေးထူပ်းႁၼ်သိပ်းၼိုင်ႈၵႃႈၼႂ်းဝဵင်းၼၼ်ႉတီႈၶႃႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်မၼ်းၸဝ်ႈလၢတ်ႈလႄႈဝႃႈ၊-ၵွပ်ႈပိူဝ်ႈသိပ်းၼိုင်ႈၼၼ်ႉလႄႈၵဝ်တေဢမ်ႇယႃႉပႅတ်ႈ၊ဝႃႈၼင်ႇၼႆဢေႃႈ။
၃၃ဝၢႆးသလေၢတ်ႈတေႃႇၵၼ်တင်း ဢႃႇပြႁမ်ႇ ယဝ်ႉထႃႇဝရႃႉၽြႃးဢွၵ်ႇၵွႃႇသေဢေႃႈ။ ဢႃႇပြႁမ်ႇ ၵေႃႈၶိုၼ်းမိူဝ်းၵွႃႇၸူးၵႃႈတီႈတီႈယူႇမၼ်းသေဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ