မၢတ်ႈထႄႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၂၄
လၢၵ်ႈၶၼႃႇတီႈသုတ်းၵမ်ႇၽႃႇလိၼ်မိူင်း
၁ မိူဝ်ႈဢၼ်ၸဝ်ႈယေႇသုဢွၵ်ႇသေၵႃႈၼႂ်းပိၵ်ႉမၢၼ်ႇၸဝ်ႈလႄႈၵႂႃႇယူႇၼၼ်ႉၸိုင်တပႄးၸဝ်ႈတင်းလၢႆသုတ်ႉၸပ်းသုတ်ႉၸူးတီႈမၼ်းၸဝ်ႈႁႂ်ႈလႆႈၼႄပျႃႉတိူၵ်ႈပိၵ်ႉမၢၼ်ႇၸဝ်ႈၸိူဝ်းၼၼ်ႉတီႈမၼ်းၸဝ်ႈဢေႃႈ။
၂ မၼ်းၸဝ်ႈၵေႃႈလၢတ်ႈလႄႈဝႃႈ၊-သူႁၼ်ၶိူင်ႈပိူင်တင်းသဵင်ႈတင်းလူင်ၸိူဝ်းၼႆႉယူႇဢမ်ႇၸႂ်ႈႁိုဝ်။ ၵဝ်ဝႃႈတီႈၸိုဝ်ႈတီႈၸႂ်ႈၸမ်းၵႃႈတီႈၼႆႉမၢၵ်ႇႁိၼ်ဢၼ်ယင်းဢမ်ႇလႆႈၶၢမ်ႇတၢင်းဢၼ်ၶျႃးတူၵ်းလႄႈတၵ်းတၢင်ႇယူႇၼၼ်ႉတၵ်းဢမ်ႇလႆႈမီးသေလုၵ်ႈ၊ဝႃႈၼင်ႇၼႆဢေႃႈ။
၃ ၼႂ်းမိူဝ်ႈဢၼ်မၼ်းၸဝ်ႈၼင်ႈယူႇၵႃႈၼိူဝ်လွႆသၼ်ႇလုၼ်ႇယူႇၼၼ်ႉၸိုင်မိူဝ်ႈဢၼ်ပိူၼ်ႈဢမ်ႇမီးၼၼ်ႉတပႄးၸဝ်ႈတင်းလၢႆသုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈလဝ်လၢတ်ႈလႄႈဝႃႈ၊လွင်ႈတၢင်းၸိူဝ်းၼႆႉတၵ်းပဵၼ်မႃးၶိင်ႇမိူဝ်ႈလႂ်ၶႃႈ။ လွင်ႈတၢင်းဢၼ်ၸဝ်ႈႁဝ်းတၵ်းမႃးလႄႈၵမ်ႇၽႃႇၼႆႉတၵ်းသဵင်ႈၵႂႃႇၼၼ်ႉတၵ်းမီးၼီႉမိၵ်ႈလၵ်ႈၶၼႃႇဢၼ်လႂ်ၶႃႈ။ ၸဝ်ႈႁဝ်းၶႅၼ်းတေႃႈလၢတ်ႈပၼ်တီႈႁဝ်းၶႃႈသေၵမ်းၶႃႈ၊ဝႃႈၼင်ႇၼႆဢေႃႈ။
၄ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ၼင်ႇႁိုဝ်ၽူႈလႂ်တၵ်းဢမ်ႇလႆႈပႅတ်ႉလႆႈလႅၼ်သူၸိုင်ႁဵတ်းသတိတႃႉ။ ၵူၼ်းၼမ်ၼႃႇတၵ်းဢဝ်ၸိုဝ်သဵင်ၵဝ်သေလႄႈပေႃႇမႃးလႄႈဝႃႈ၊-
၅ ၵဝ်ၼႆႉပဵၼ်ၸဝ်ႈၶရိၸ်ႉဢေႃႈ၊ဝႃႈၼႆလႄႈပႅတ်ႉလႅၼ်ၵူၼ်းၼမ်ၼႃႇဢေႃႈ။ သူတၵ်းလႆႈငိၼ်းလွင်ႈဢၼ်တိုၵ်းသိုၵ်းလႂ်သတၢင်းသဵင်ၶၢဝ်ႇလွင်ႈတၢင်းဢၼ်တၵ်းတိုၵ်းသိုၵ်းလႂ်ၸိူဝ်းၼၼ်ႉဢေႃႈ။
၆ ၼႂ်းဝႃႈၼၼ်သေၵေႃႈၼင်ႇႁိုဝ်တၵ်းဢမ်ႇမီးတၢင်းဢၼ်မႆႈၸႂ်ၶီၸႂ်ၸိုင်ႁဵတ်းသတိတႃႉ။ လွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉတၵ်းလႆႈပဵၼ်မႃးဢေႃႈ။ ၼႂ်းဝႃႈၼၼ်သေၵေႃႈဢမ်ႇပႆႇပဵၼ်တီႈသုတ်းတီႈၵွႆလူးၵွၼ်ႇ။
၇ ၵူၼ်းမဵဝ်းၼိုင်ႈလႄႈမဵဝ်းၼိုင်ႈမိူင်းၼိုင်ႈလႄႈမိူင်းၼိုင်ႈတၵ်းၶတ်းတႃႉၵၼ်ဢေႃႈ။ တၢင်းဢၼ်ဢိုပ်းတၢင်းၵိၼ်လႂ်တၢင်းဢၼ်ပဵၼ်ၵႃႇလႃႉႁႃလႅင်မိူင်းလႂ်တၢင်းဢၼ်ဢိင်ႇသၼ်ႇလႂ်တၵ်းပဵၼ်မႃးၵူႈတီႈၵူႈလႅၼ်ဢေႃႈ။
၈ လွင်ႈတၢင်းၸိူဝ်းၼႆႉတၵ်းပဵၼ်ၵေႃႇၸႃႉငဝ်ႈႁၢၵ်ႈတုၵ်ႉၶႃႉတၢင်းမႆႈတၢင်းၶီဢေႃႈ။
၉ ၶိင်ႇမိူဝ်ႈၼၼ်ႉၸမ်းၶဝ်တၵ်းဢဝ်သူဢၢပ်ႈၵႃႈတီႈတၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉလႄႈဢဝ်တၢႆဢေႃႈ။
၁၀ မဵဝ်းၵူၼ်းတင်းသဵင်ႈတင်းလူင်တၵ်းၸင်းသူၵွပ်ႈပိူဝ်ႈၸိုဝ်သဵင်ၵဝ်ဢေႃႈ။ ၶိင်ႇမိူဝ်ႈၼၼ်ႉၸမ်းၵူၼ်းၼမ်ၼႃႇၸႂ်တၵ်းလူႉလႄႈၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်တၵ်းၸင်းၵၼ်ဢေႃႈ။
၁၁ မိၵ်ႉသႃႇပရေႃးၽႅတ်ႈၼမ်ၼႃႇတၵ်းပေႃႇမႃးလႄႈပႅတ်ႉလႅၼ်ၵူၼ်းၼမ်ၼႃႇဢေႃႈ။
၁၂ ၵွပ်ႈပိူဝ်ႈလွင်ႈတၢင်းဢၼ်ဢမ်ႇတြႃးၼမ်မႃးၵိုၼ်းမႃးလႄႈတၢင်းႁၵ်ႉမႅတ်ႈတႃႇၵူၼ်းၼမ်ၼႃႇတၵ်းၵေႇမၢင်ႈၵႂႃႇဢေႃႈ။
၁၃ ၽူႈလႂ်သေဢမ်ႇဝႃႈၵေႃႉဢၼ်မၼ်ႈၶိုင်ႇတေႃႇႁွတ်ႈထိုင်တီႈသုတ်းတီႈၵွႆၼၼ်ႉၵေႃႉၼၼ်ႉတၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢေႃႈ။
၁၄ တြႃးသတၢင်းသိူဝ်းပျေႃႇမိူင်းၸဝ်ႈၼႆႉတၵ်းလႆႈၶၢမ်ႇတၢင်းဢၼ်ႁေႃးလၢတ်ႈၵႃႈၼႂ်းမိူင်းလေႃးၵီႇၵူႈတီႈၵူႈလႅၼ်ပုၼ်ႈဢၼ်တၵ်းပဵၼ်သၢၵ်ႈသေႇတီႈၵူၼ်းမဵဝ်းတင်းသဵင်ႈတင်းလူင်ဢေႃႈ။ ၼင်ႇၼၼ်ယဝ်ႉၸင်ႇတၵ်းပဵၼ်တီႈသုတ်းတီႈၵွႆဢေႃႈ။
၁၅ ပိူဝ်ႈၼႆလႄႈမိူဝ်ႈဢၼ်သူလႆႈႁၼ်လွင်ႈတၢင်းဢၼ်လီႁင်ႈဢဵတ်ႇသဵတ်ႇဢၼ်ၸၢင်ႊယႃႉၸၢင်ႊယူၵ်ႉဢၼ်ပရေႃးၽႅတ်ႈတၢၼ်ႇယေႇလႁေႃးလၢတ်ႈဝႆႉၼၼ်ႉၸုၵ်းယူႇၵႃႈၼႂ်းတီႈဢၼ်မူတ်းၸၢင်ႇၼၼ်ႉၸိုင်ႁႂ်ႈၵေႃႉဢၼ်လူႈတူၺ်းၵျၢမ်းလိၵ်ႈၼၼ်ႉႁူႉတႃႉ။
၁၆ မိူဝ်ႈဢၼ်ႁၼ်ၸိူဝ်ႉၼင်ႇၼၼ်ၸိုင်ႁႂ်ႈၶဝ်ၸိူဝ်းဢၼ်မီးၼႂ်းမိူင်းယုတၼၼ်ႉပၢႆၶိုၼ်ႈၵႂႃႇၵႃႈၼိူဝ်လွႆပုၼ်ႉတႃႉ။
၁၇ ယႃႇႁႂ်ႈၵေႃႉဢၼ်မီးယူႇၵႃႈၼိူဝ်ၸွမ်ႁိူၼ်းၼၼ်ႉလူင်းမႃးႁႂ်ႈလႆႈဢဝ်ၶူဝ်းလဵင်းၼႂ်းႁိူၼ်း။
၁၈ ၵေႃႉဢၼ်မီးယူႇၵႃႈၼႂ်းတူင်ႈၼႃးၵေႃႈယႃႇႁႂ်ႈၶိုၼ်းမိူဝ်းတၢင်းလင်ႁႂ်ႈလႆႈဢဝ်ၶူဝ်းၼုင်ႈတၢင်းမႆႊမၼ်း။
၁၉ ဝၼ်းမိူဝ်ႈၼၼ်ႉတီႈမႄႈယိင်းဢၼ်တူဝ်ဢမ်ႇသႃႇဢိၵ်ႇတင်းမႄႈယိင်းဢၼ်မီးလုၵ်ႈဢွၼ်ႇဢၼ်ဢမ်ႇၽၢတ်ႇၼူမ်းတင်းလၢႆၼၼ်ႉတၵ်းမီးဢႃႉမင်ႇၵလႃႇဢေႃႈ။
၂၀ လွင်ႈၼင်ႇႁိုဝ်ၶိင်ႇမိူဝ်ႈဢၼ်သူဢွၵ်ႇတႃပႆတၢင်းၼၼ်ႉတၵ်းဢမ်ႇတူၵ်းမိူဝ်ႈၶိင်ႇၵတ်းဢိၵ်ႇတင်းမိူဝ်ႈဝၼ်းၵမ်သိၼ်ၸိုင်သူးတွင်းတႃႉ။
၂၁ လွင်ႈမၼ်းၸမ်းတုၵ်ႉၶႃႉလူင်ဢၼ်ဢမ်ႇပႆႇတွၼ်ႉပဵၼ်သေပွၵ်ႈၸဵမ်မိူဝ်ႈၵမ်ႇၽႃႇၸႃႉတႄႇႁၢၼ်ႉတေႃႇမိူဝ်ႈလဵဝ်ၵမ်းလိုၼ်းၵေႃႈတၵ်းဢမ်ႇပဵၼ်ထႅင်ႈသေပွၵ်ႈၼၼ်ႉတၵ်းပဵၼ်ၼႂ်းၶိင်ႇၵႃႇလႃႉမိူဝ်ႈဝၼ်းၼၼ်ႉဢေႃႈ။
၂၂ ပေႃးဢမ်ႇႁႂ်ႈၶိင်ႇၵႃႇလႃႉၼၼ်ႉပွတ်းၸိုင်ၽူႈလႂ်ဢမ်ႇလွတ်ႈလႆႈသေၵေႃႉသေၵူၼ်း။ ၵွပ်ႈပိူဝ်ႈၶဝ်ၸိုဝ်းဢၼ်လႆႈၶၢမ်ႇတၢင်းဢၼ်လိူၵ်ႈၵဵပ်းဢဝ်ၼၼ်ႉလႄႈၶိင်ႇၵႃႇလႃႉၼၼ်ႉတၵ်းပွတ်းဢေႃႈ။
၂၃ မိူဝ်ႈၼၼ်ႉပေႃးသေၵေႃႉသေၵူၼ်းလၢတ်ႈဝႃႈ၊-တူၺ်းလူႊ၊ၸဝ်ႈၶရိၸ်ႉမီးၵႃႈတီႈၼႆႉဢေႃႈ၊မီးၵႃႈတီႈၼၼ်ႉဢေႃႈ၊ဝႃႈၼႆၸိုင်ယႃႇပေယုမ်ႇ။
၂၄ လွင်ႈမၼ်းၸမ်းၶဝ်ၸိူဝ်းဢၼ်ႁဵတ်းမိူၼ်ၼင်ႇႁၢင်ႊၸဝ်ႈၶရိၸ်ႉဢိၵ်ႇတင်းမိၵ်ႉသႃႇပရေႃးၽႅတ်ႈၼၼ်ႉတၵ်းပေႃႇမႃးလႄႈၼႄပျႃးၼီႉမိၵ်ႈလၵ်ႈၶၼႃႇဢၼ်ယႂ်ႇဢိၵ်ႇတင်းလွင်ႈတၢင်းဢၼ်လီဢၢမ်းတင်းလၢႆႁႂ်ႈလႆႈပႅတ်ႉလႆႈလႅၼ်ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်လိူၵ်ႈၵဵပ်းဢဝ်ၼၼ်ႉဢေႃႈ။
၂၅ တူၺ်းလူႊ၊ၵဝ်လၢတ်ႈလွင်ႈတၢင်းၸိူဝ်းၼၼ်ႉဝႆႉဢွၼ်တၢင်းယဝ်ႉ။
၂၆ ပိူဝ်ႈၼႆလႄႈပေႃးၶဝ်လၢတ်ႈဝႃႈ၊-မၼ်းၸဝ်ႈမီးၼႂ်းထိူၼ်ႇပုၼ်ႉဢေႃႈ၊ဝႃႈၼင်ႇၼႆၵေႃႈယႃႇပေဢွၵ်ႇၵႂႃႇၸူး။ ပေႃးဝႃႈမီးၵႃႈၼႂ်းလုၵ်းတၢင်းၼႂ်းပုၼ်ႉဢေႃႈ၊ဝႃႈၼႆၵေႃႈယႃႇပေယုမ်ႇ။
၂၇ လုၵ်ႈၵူၼ်းတၵ်းမႃးမိူၼ်ၸိူဝ်ႉၼင်ႇၽႃႉမႅပ်ႈၽုတ်းမႃးတၢင်းဝၼ်းဢွၵ်ႇလႅင်းၽႅဝ်ႁွတ်ႈတၢင်းဝၼ်းတူၵ်းၼၼ်ႉဢေႃႈ။
၂၈ တီႈဢၼ်တူဝ်တၢႆမီးၼၼ်ႉလၢင်းတႃႉၶမ်းတင်းလၢႆတၵ်းၸူႉတုမ်ဢေႃႈ။
၂၉ ဝၢႆးလင်တုၵ်ႉၶႃႉတၢင်းၽၢၼ်ၶိင်ႇၵႃႇလႃႉၼၼ်ႉၵမ်းလဵဝ်ၵၢင်ဝၼ်းတၵ်းလပ်းသိင်ႇဢေႃႈ။ လိူၼ်တၵ်းဢမ်ႇပၼ်ဢၼ်လႅင်း။ လၢဝ်တင်းလၢႆတၵ်းတူၵ်းသေၵႃႈၼိူဝ်မိူင်းၵၢင်ႁၢဝ်ဢေႃႈ။
၃၀ တၼ်းၶူဝ်းၵၢင်ႁၢဝ်တင်းလၢႆၵေႃႈတၵ်းသၼ်ႇၶွၼ်းဝႆဢေႃႈ။ မိူဝ်ႈၼၼ်ႉၼီႉမိၵ်ႈလၵ်ႈၶၼႃႇလုၵ်ႈၵူၼ်းတၵ်းထၢင်ႇသႃးမႃးၵႃႈၼိူဝ်ၵၢင်ႁၢဝ်ဢေႃႈ။ ၵူၼ်းၵႃႈၼိူဝ်လိၼ်မိူင်းတင်းသဵင်ႈတင်းလူင်တၵ်းလႆႈႁွင်ႉႁႆႈပွင်ႉၶင်းလႄႈႁၼ်လုၵ်ႈၵူၼ်းပႃးတင်းမူၼ်တၼ်းၶူဝ်းဢႃႇၼူႉၽေႃႇမၼ်းၸဝ်ႈသေလႄႈမႃးၵႃႈၼိူဝ်မွၵ်ႇၵုမ်ႈဢေႃႈ။
၃၁ မၼ်းၸဝ်ႈတၵ်းပွႆႇၸႂ်ႉတမၢၼ်ႇမၼ်းၸဝ်ႈတင်းလၢႆပႃးတင်းသဵင်ၶရႃႇဢၼ်ယႂ်ႇၼႃႇၼၼ်ႉမႃးလႄႈတၵ်းႁႂ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်လိူၵ်ႈၵဵပ်းဢဝ်ယဝ်ႉၼၼ်ႉလုၵ်ႉသေၵႃႈတီႈသီႇၸဵင်ႇပႅတ်ႇၼႃႈတႂ်ႈၽႃႉၵၢင်ႁၢဝ်ၸူႉၵၼ်တုမ်ၵၼ်ဢေႃႈ။
၃၂ ဢဝ်တူၼ်ႈမၢၵ်ႇလိူဝ်ႇသၢင်းၽေႃးႁဵတ်းဢူႉပမႃႇပုင်ႇတႅၵ်ႈသေလႄႈသွၼ်ဢဝ်တႃႉ။ မိူဝ်ႈဢၼ်ၵိင်ႇမၼ်းၶႃႊမၼ်းၼုမ်ႇလႄႈဢွၵ်ႇမႂ်ႊယူႇၼၼ်ႉသူႁူႉလွင်ႈဢၼ်ၸမ်တၵ်းႁွတ်ႈထိုင်ၶိင်ႇႁႅင်ႈဢေႃႈ။
၃၃ မိူၼ်ၼင်ႇၼၼ်မိူဝ်ႈဢၼ်သူလႆႈႁၼ်လွင်ႈတၢင်းတင်းသဵင်ႈတင်းလူင်ၸိူဝ်းၼႆႉၼၼ်ႉႁူႉလွင်ႈဢၼ်ဝႃႈလုၵ်ႈၵူၼ်းႁွတ်ႈၸမ်မႃးၵႃႈတီႈႁိမ်းၽၵ်းတူယဝ်ႉဢၼ်ဝႃႈၼၼ်ႉတႃႉ။
၃၄ ၵဝ်ဝႃႈတီႈၸိုဝ်ႈတီႈၸႂ်ႈၸမ်းလွင်ႈတၢင်းတင်းသဵင်ႈတင်းလူင်ၸိူဝ်းၼႆႉတၵ်းပဵၼ်မႃးၸူဝ်ႈဢၼ်ၵူၼ်းဢၼ်မီးယူႇတေႃႈလဵဝ်ၸိူဝ်းၼႆႉယင်းဢမ်ႇပႆႇသဵင်ႈပႆႇမူတ်းၼၼ်ႉဢေႃႈ။
၃၅ ပဵၵ်ႉသမ်ႉၽႃႉၵၢင်ႁၢဝ်တင်းလိၼ်မိူင်းၼႆႉတၵ်းႁၢႆလၢႆသေၵေႃႈၵႂၢမ်းၵဝ်ၼႆႉတၵ်းဢမ်ႇႁၢႆလႆႈ။
မိူဝ်ႈလႂ်ၶိင်ႇလႂ်ဢမ်ႇႁူႉ
၃၆ ၶိင်ႇၼႃႇရီႇဝၼ်းၼၼ်ႉၸမ်းၽူႈလႂ်ဢမ်ႇႁူႉ။ တမၢၼ်ႇၵၢင်ႁၢဝ်တင်းလၢႆၵေႃႈဢမ်ႇႁူႉ။ ၸဝ်ႈပေႃႈၵဝ်ပႃးလဵဝ်ၵူၺ်းႁူႉဢေႃႈ။
၃၇ တၢင်းဢၼ်လုၵ်ႈၵူၼ်းမႃးၼၼ်ႉတၵ်းပဵၼ်ၸိူဝ်ႉၼင်ႇဢၼ်ပဵၼ်ၼႂ်းၸူဝ်ႈပၢၼ်ၼုဝ်းဢႃႇၼၼ်ႉဢေႃႈ။
၃၈ ၸိူဝ်ႉၼင်ႇဢၼ်ၵူၼ်းတင်းလၢႆၵိၼ်ယူႇဢဝ်ၽူဝ်ဢဝ်မေးယူႇဢၢပ်ႈပၼ်ၵၼ်ယူႇၼႂ်းၶိင်ႇမိူဝ်ႈဢၼ်ၼုဝ်းဢႃႇၶဝ်ႈၵႃႈၼႂ်းႁိူဝ်းသၢင်းၽေႃး
၃၉ ၼၼ်ႉလႄႈၼမ်ႉထုမ်ႈမိူင်းမႃးပႄႇၽဵဝ်ႈပႅတ်ႈၵူၼ်းတင်းသဵင်ႈတင်းလူင်ၼၼ်ႉၼႂ်းတၢင်းဢၼ်လုၵ်ႈၵူၼ်းမႃးၼၼ်ႉၵေႃႈတၵ်းပဵၼ်ၸိူဝ်ႉၼင်ႇၼၼ်ဢေႃႈ။
၄၀ မိူဝ်ႈၼၼ်ႉၵူၼ်းသွင်ၵေႃႉတၵ်းမီးယူႇၵႃႈၼႂ်းတူင်ႈၼႃးဢေႃႈ။ တၵ်းသိမ်းဢဝ်ၵေႃႉၼိုင်ႈလႄႈၵေႃႉၼိုင်ႈတၵ်းၵိုတ်းဝႆႉဢေႃႈ။
၄၁ ၵူၼ်းယိင်းသွင်ၵေႃႉတၵ်းၶိုတ်ႈၶဝ်ႈယူႇတီႈလူၺ်ဢေႃႈ။ တၵ်းသိမ်းဢဝ်ၵေႃႉၼိုင်ႈလႄႈၵေႃႉၼိုင်ႈတၵ်းၵိုတ်းဝႆႉဢေႃႈ။
၄၂ ပိူဝ်ႈဢၼ်သူဢမ်ႇႁူႉလွင်ႈတၢင်းဢၼ်ၸဝ်ႈသူတၵ်းႁွတ်ႈမႃးၶိင်ႇၼႃႇရီႇလႂ်ၼၼ်ႉလႄႈပႂ်ႉထႃႈယူႇတႃႉ။
၄၃ ပေႃးၸဝ်ႈႁိူၼ်းႁူႉၶိင်ႇၼႃႇရီႇဢၼ်ၽူႈလၵ်ႉတၵ်းမႃးၼၼ်ႉၸိုင်ၼင်ႇႁိုဝ်တၵ်းဢမ်ႇလႆႈၶၢမ်ႇတၢင်းဢၼ်လၵ်ႉဢဝ်ၼၼ်ႉမၼ်းတၵ်းပႂ်ႉဝႆႉယူႇဝႃႈၼႆသူႁူႉယူႇဢေႃႈ။
၄၄ ပိူဝ်ႈၼႆလႄႈသူမႄးႁႅၼ်းဝႆႉတႃႉ။ လွင်ႈမၼ်းၸမ်းလုၵ်ႈၵူၼ်းတၵ်းမႃးၶိင်ႇၼႃႇရီႇဢၼ်သူဢမ်ႇၽၢင်ႉဢမ်ႇထိူမ်ၼၼ်ႉဢေႃႈ။
၄၅ ၶႃႈဢၼ်မီးသႅတ်ႈၸႃႇတင်းသတိလႄႈလႆႈၶၢမ်ႇတၢင်းဢၼ်ၸဝ်ႈမၼ်းၶၢၼ်းဝႆႉၵႃႈၼိူဝ်ၵူၼ်းႁိူၼ်းၵူၼ်းယေးတင်းလၢႆႁႂ်ႈလႆႈၽႄမႅင်ႇပၼ်တၢင်းၵိၼ်တၢင်းၶူပ်းတီႈၶဝ်ၼႂ်းမိူဝ်ႈဢၼ်ၶိင်ႇမၼ်းထုၵ်ႇၼၼ်ႉၸမ်းပဵၼ်ၽူႈလႂ်။
၄၆ ၶႃႈဢၼ်ၸဝ်ႈမၼ်းၶိုၼ်းမႃးလႄႈထူပ်းႁၼ်မၼ်းႁဵတ်းၸိူဝ်ႉၼင်ႇၼၼ်ယူႇၼၼ်ႉမီးမင်ႇၵလႃႇဢေႃႈ။
၄၇ ၵဝ်ဝႃႈတီႈၸိုဝ်ႈတီႈၸႂ်ႈၸမ်းၸဝ်ႈမၼ်းတၵ်းၶၢၼ်းမၼ်းဝႆႉႁႂ်ႈလႆႈဢုပ်ႉထိင်းၵႃႈၼိူဝ်ဢုၵ်ႉၸႃႇၶူဝ်းလဵင်းမၼ်းၵႃႈမီးတင်းသဵင်ႈတင်းလူင်ဢေႃႈ။
၄၈ ၵူၺ်းၵႃႈပေႃးၶႃႈဢၼ်ႁၢႆႉၼၼ်ႉထၢင်ႇၼႂ်းၸႂ်မၼ်းဝႃႈၸဝ်ႈမၼ်းတၵ်းၼၢၼ်းမႃးယူႇ၊ဝႃႈၼႆလႄႈ
၄၉ ပေႃႉယႅၼ်ႉထုပ်ႉၶႃႈၼင်ႇၵၼ်ယူႇၵိၼ်ႁူမ်ႈၵၼ်တင်းၵူၼ်းဢၼ်ၵိၼ်လဝ်မဝ်းၵမ်ယူႇၸိုင်
၅၀ ၸဝ်ႈမၼ်းတၵ်းႁွတ်ႈၽႅဝ်မႃးၶိင်ႇဝၼ်းဢၼ်မၼ်းဢမ်ႇၽၢင်ႉဢမ်ႇထိူမ်ၼၼ်ႉလႄႈ
၅၁ တႅပ်းမၼ်းပဵၼ်သွင်ပွတ်းသေယဝ်ႉဢဝ်မၼ်းဝႆႉၸွမ်းၵၼ်တင်းၶဝ်ၸိူဝ်းဢၼ်ၸၢင်ႊထိမ်ႇၸၢင်ႊမႅပ်းၸိူဝ်းၼၼ်ႉၵႃႈတီႈဢၼ်လႆႈႁႆႈလႆႈႁွင်ႉလႆႈၵတ်းၶဵဝ်ႈၵတ်းၽၢၼ်ႈဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ