Shan Missions

လိၵ်ႈဢေႃးဝႃႇတႃႉရူဝ်းမ

Chapter   ၁       ၂       ၃       ၄       ၅       ၆       ၇       ၈       ၉       ၁၀       ၁၁       ၁၂       ၁၃       ၁၄       ၁၅       ၁၆     

၂

တၢင်းဢၼ်ၸႅတ်ႈသေးၸီႇယၢင်ႇ

၁ ၵေႃႉဢၼ်ၸၢင်ႊၸီႇယၢင်ႇၸႅတ်ႈထၢမ်ပိူၼ်ႈၼႆႉဢိူၺ်း၊မႂ်းဢမ်ႇလွတ်ႈလႆႈၵူၺ်း။လွင်ႈမၼ်းၸမ်းတူဝ်မႂ်းၵေႃႈယင်းႁဵတ်းဢမူႉဢၼ်မႂ်းၸီႇယၢင်ႇၸႅတ်ႈထၢမ်ၼိူဝ်ပိူၼ်ႈၼၼ်ႉယူႇဢေႃႈ။မႂ်းပဵၼ်ၵေႃႉဢၼ်ၸီႇယၢင်ႇဢပျႅတ်ႈတူဝ်ၸဝ်ႈၵဝ်ႇၼႂ်းတၢင်းဢၼ်မႂ်းၸီႇယၢင်ႇၸႅတ်ႈထၢမ်ပိူၼ်ႈၼၼ်ႉယဝ်ႉ။

၂ ႁဝ်းႁူႉတၢင်းၸီႇယၢင်ႇၽြႃးပဵၼ်ၸဝ်ႈၵႃႈၼိူဝ်ၶဝ်ၸိူဝ်းဢၼ်ႁဵတ်းၸိူဝ်ႉၼင်ႇၼၼ်ၼၼ်ႉမႅၼ်ႈၸွမ်းၼင်ႇသမ်ႇမႃႇတြႃးဢေႃႈ။

၃ မိူဝ်ႈဢၼ်မႂ်းတူဝ်ၸဝ်ႈၵဝ်ႇယင်းႁဵတ်းဢမူႉၸိူဝ်ႉၼင်ႇၼႆယူႇလႄႈသမ်ႉၸီႇယၢင်ႇၸႅတ်ႈထၢမ်ၶဝ်ၸိူဝ်းဢၼ်ႁဵတ်းဢမူႉၸိူဝ်ႉၼင်ႇၼႆၼၼ်ႉၸိုင်ၸွင်ႇမႂ်းထၢင်ႇမႂ်းတၵ်းလွတ်ႈတၢင်းဢၼ်ၽြႃးပဵၼ်ၸဝ်ႈၸီႇယၢင်ႇၵႃႈၼိူဝ်မႂ်းႁိုဝ်။

၄ ၸွင်ႇမႂ်းလူလၢႆၵျေးၸူးၽြႃးပဵၼ်ၸဝ်ႈဢၼ်ၼမ်ၵိုၼ်းၼႃႇၼႂ်းတၢင်းဢၼ်မၼ်းၸဝ်ႈယိူၼ်ႉၶၢမ်ႇၼႂ်းတၢင်းဢၼ်မၼ်းၸဝ်ႈၸႂ်ယႂ်ႇၸႂ်ယၢဝ်းၸိူဝ်းလႄႈဢဝ်မၼ်းသူင်ႇထိုင်ၵႂႃႇတီႈဢၼ်ၶုၵ်းၸႂ်လႆႈမႆႈၸႂ်ၼၼ်ႉႁိုဝ်။

၅ ပွပ်ႈပိူဝ်ႈႁူဝ်ၸႂ်မႂ်းၵႅၼ်ႇၶႅင်လႄႈဢမ်ႇမီးတၢင်းဢၼ်ၶုၵ်းၸႂ်လႆႈမႆႈၸႂ်ၼၼ်ႉပဵၼ်တၢင်းဢၼ်မႂ်းႁွမ်ဝႆႉတေႃးသႃႉတင်းၸႂ်မႆႈပုၼ်ႈတူဝ်ၸဝ်ႈၵဝ်ႇဢၼ်မႂ်းတၵ်းလႆႈၶၢမ်ႇၼႂ်းဝၼ်းဢၼ်ၸီႇယၢင်ႇတြႃးမိူဝ်ႈဢၼ်ၽြႃးပဵၼ်ၸဝ်ႈႁႂ်ႈတၢင်းၸႂ်မႆႈၶႆႈၸႃႉမၼ်းၸဝ်ႈထၢင်ႇသႃးမႃးၼၼ်ႉဢေႃႈ။

၆ မၼ်းၸဝ်ႈတၵ်းတႅၼ်းပၼ်ဢၵျူဝ်းဢပျႅတ်ႈတီႈၵူၼ်းၵူႈၵေႃႉၵူႈၵူၼ်းႁင်းၽႂ်ႁင်းမၼ်းၸွမ်းၵႃႈၼင်ႇဢၼ်ၶဝ်လႆႈႁဵတ်းပူၼ်ႉမႃးၼၼ်ႉဢေႃႈ။

၇ တီႈၶဝ်ၸိူဝ်းဢၼ်ၵမ်ၵျၢင်ႉႁဵတ်းသၢင်ႈဢၼ်လီသေလႄႈႁႃၽုင်းသရေႇဢၼ်ဢမ်ႇၽွၵ်ႈပျၢၼ်ႇၼၼ်ႉမၼ်းၸဝ်ႈတၵ်းပၼ်ထႃႇဝရႃႉဢသၢၵ်ႈဢေႃႈ။

၈ တီႈၶဝ်ၸိူဝ်းဢၼ်မီးၸႂ်သၽေႃးဢၼ်ႁႃဢၵျူဝ်းပုၼ်ႈတူဝ်ၸဝ်ႈၵဝ်ႇလႄႈဢမ်ႇထွမ်ႇဢမ်ႇဢဝ်သမ်ႇမႃႇတြႃး၊

၉ ႁဵတ်းသၢင်ႈဢၼ်ဢမ်ႇတြႃးၼၼ်ႉၸမ်း၊တေႃးသႃႉတင်းၸႂ်မႆႈၶႂ်ႈၸႃႉၸဝ်ႈဢၼ်ႁႅင်းယႂ်ႇၼႃႇ၊တုၵ်ႉၶႃႉဝူၺ်ႇတၼႃႇဢၼ်ၵိၼ်းၼႃႇၼၼ်ႉ၊တၵ်းႁွတ်ႈထိုင်ၵႃႈၼိူဝ်ၶဝ်ၸိူဝ်းဢၼ်ႁဵတ်းလွင်ႈတၢင်းဢၼ်ႁၢႆႉမိူၵ်ႈၵႃႈမီးတင်းသဵင်ႈတင်းလူင်၊ၵႃႈၼိူဝ်ၵူၼ်းယုတဢွၼ်တၢင်းလႄႈ၊ၵမ်းလိုၼ်းၵႃႈၼိူဝ်ၵူၼ်းႁေႇလသၸိူဝ်းၼၼ်ႉဢေႃႈ။

၁၀ ၵူၺ်းၵႃႈမုၼ်ၽုင်းသရေႇဢိၵ်ႇတင်းတၢင်းၼိမ်တၵ်းႁွတ်ႈထိုင်ၵႃႈၼိူဝ်ၶဝ်ၸိူဝ်းဢၼ်ၵမ်ၵျၢင်ႉတၢင်းၵမ်ၵျၢင်ႉႁဵတ်းသၢင်ႈဢၼ်လီဢၼ်ငၢမ်းၵႃႈမီးတင်းသဵင်ႈတင်းလူင်၊ၵႃႈၼိူဝ်ၵူၼ်းယုတဢွၼ်တၢင်းလႄႈၵမ်းလိုၼ်းၵႃႈၼိူဝ်ၵူၼ်းႁေႇလသဢေႃႈ။

၁၁ လွင်ႈမၼ်းၸမ်းၽြႃးပဵၼ်ၸဝ်ႈဢမ်ႇတူၺ်းၼႃႈလဵၵ်ႉၼႃႈယႂ်ႇ။

၁၂ ၶဝ်ၸိူဝ်းဢၼ်ဢမ်ႇမီးပိင်းၺၢပ်ႈတြႃးလႄႈၽိတ်းပိူင်ႈၽၢႆႇတၢင်းၼွၵ်ႈပိင်းၺၢပ်ႈတြႃးၼၼ်ႉတၵ်းႁွတ်ႈထိုင်တၢင်းလူႉတၢင်းလႅဝ်ၸွမ်းၽၢႆႇတၢင်းၼွၵ်ႈပိင်းၺၢပ်ႈတြႃးဢေႃႈ။ၶဝ်ၸိူဝ်းဢၼ်မီးပိင်းၺၢပ်ႈတြႃးလႄႈၽိတ်းပိူင်ႈၼႂ်းပိင်းၺၢပ်ႈတြႃးၼၼ်ႉတၵ်းလႆႈၶၢမ်ႇတၢင်းဢၼ်ၸီႇယၢင်ႇၸွမ်းၼင်ႇပိင်းၺၢပ်ႈတြႃးဢေႃႈ။

၁၃ လွင်ႈမၼ်းၸမ်းၶဝ်ၸိူဝ်းဢၼ်လႆႈထွမ်ႇငိၼ်းပိင်းၺၢပ်ႈတြႃးၼၼ်ႉလႆႈပဵၼ်ၵူၼ်းသိုဝ်ႈတေႃႇၽၢႆႇၼႃႈၽြႃးပဵၼ်ၸဝ်ႈဢမ်ႇၸႂ်ႈ။ၶဝ်ၸိူဝ်းဢၼ်ၵမ်ၵျၢင်ႉတြႃးၼၼ်ႉၵူၺ်းလႆႈႁွတ်ႈထိုင်တၢင်းဢၼ်သိုဝ်ႈတေႃႇဢေႃႈ။

၁၄ မိူဝ်ႈဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်းဢမ်ႇမီးပိင်းၺၢပ်ႈတြႃးသေၵေႃႈ၊ပေႃးၶဝ်ၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇသေလႄႈၵမ်ၵျၢင်ႉၸိုင်တၢင်းၵမ်တၢင်းၵျၢင်ႉၼၼ်ႉပဵၼ်ပိင်းၺၢပ်ႈတြႃးတီႈၶဝ်ယဝ်ႉ။

၁၅ လွင်ႈမၼ်းၸမ်း၊တၢင်းဢၼ်ၶဝ်ၵမ်ၵျၢင်ႉၼၼ်ႉပဵၼ်တၢင်းဢၼ်ၼႄပျႃးလွင်ႈဢၼ်ဝႃႈပဵင်းၺၢပ်ႈတြႃးၼၼ်ႉတႅမ်ႈဝႆႉၼႂ်းႁူဝ်ၸႂ်ၶဝ်လႄႈတၢင်းဢၼ်ႁူႉၸႂ်တူဝ်ၸဝ်ႈၵဝ်ႇၼၼ်ႉပဵၼ်သၢၵ်ႈသေႇယူႇ၊တၢင်းဢၼ်ၶႆႈၸႂ်ၼၼ်ႉတၢင်ႇဢပျႅတ်ႈၶဝ်ယူႇဢမ်ႇၵႃးယင်းႁႄႉၶႅၼ်ၶဝ်ယူႇဢေႃႈ။

၁၆ လွင်ႈၼႆႉတၵ်းပဵၼ်မႃးမိူဝ်ႈဝၼ်းဢၼ်ၽြႃးပဵၼ်ၸဝ်ႈတၵ်းဢဝ်တင်းၸဝ်ႈယေႇသုလႄႈၸီႇယၢင်ႇဢမူႉၵူၼ်းဢၼ်ထိမ်ႇမႅပ်းဝႆႉၸိူဝ်းၼၼ်ႉၸွမ်းၼင်ႇတြႃးသတၢင်းသိူဝ်းပျေႃႇဢၼ်ၵဝ်ႁေႃးလၢတ်ႈၼၼ်ႉဢေႃႈ။

ၵူၼ်းယုတမီးဢပျႅတ်ႈၽၢႆႇၼႃႈၽြႃးပဵၼ်ၸဝ်ႈ

၁၇ တေႃႇလဵဝ်ၼႆႉၸမ်း၊ပေႃးမႂ်းပဵၼ်ၵေႃႉဢၼ်လႆႈၶၢမ်ႇတၢင်းဢၼ်ႁွင်ႉႁိၵ်ႈပဵၼ်ၵူၼ်းယုတ၊ပေႃးမႂ်းပဵၼ်ၵေႃႉဢၼ်ဢိင်ပိုင်ႈပိင်းၺၢပ်ႈတြႃး၊ပေႃးမႂ်းပဵၼ်ၵေႃႉဢၼ်ဢုပ်ႇဝၢဝ်းၼႂ်းၽြႃးပဵၼ်ၸဝ်ႈ၊

၁၈ ပေႃးမႂ်းပဵၼ်ၵေႃႉဢၼ်ႁူႉဢလူဝ်ႇၸဝ်ႈပေႃးမႂ်းပဵၼ်ၵေႃႉဢၼ်ၸၢင်ႊရုတ်ႈၸၢင်ႊဢၢၼ်ႇပိင်းၺၢပ်ႈတြႃးလႄႈၸၢင်ႊႁူႉၸႅင်ႈလွင်ႈတၢင်းဢၼ်ပႅၵ်ႇပိူင်ႈၵၼ်၊

၁၉ ပေႃးမႂ်းပဵၼ်ၵေႃႉဢၼ်ထၢင်ႇလွင်ႈဢၼ်တူဝ်ၸဝ်ႈၵဝ်ႇပဵၼ်ၵေႃႉဢၼ်ၼႄတၢင်းတီႈၶဝ်ၸိူဝ်းဢၼ်တႃမွတ်ႇ၊ပေႃးမႂ်းပဵၼ်ဢၼ်လႅင်းတီႈၶဝ်ၸိူဝ်းဢၼ်မီးၼႂ်းလပ်းသိင်ႇ၊

၂၀ ပေႃးမႂ်းပဵၼ်ၵေႃႉဢၼ်သင်ႇသွၼ်ၵူၼ်းမိူၵ်ႈတင်းလၢႆ၊ပေႃးမႂ်းပဵၼ်ၵေႃႉဢၼ်ႁဵတ်းၼင်ႇႁၢင်ႊမီးၺၢၼ်ႇတင်းသမ်ႇမႃႇတြႃးၵွပ်ႈပိူဝ်ႈပိင်းၺၢပ်ႈတြႃးၼၼ်ႉသေလႄႈသင်ႇသွၼ်ပၼ်တီႈလုၵ်ႈဢွၼ်ႇတင်းလၢႆၼၼ်ႉဢူၺ်း၊

၂၁ မႂ်းသင်ႇသွၼ်ပိူၼ်ႈယူႇလႄႈတူဝ်ၸဝ်ႈၵဝ်ႇဢမ်ႇသင်ႇသွၼ်တူဝ်ၸဝ်ႈၵဝ်ႇႁိုဝ်။ယႃႇပလေၵ်ႉဢုၵ်ႉၸႃႇပိူၼ်ႈဝႃႈၼႆမႂ်းႁေႃးလၢတ်ႈယူႇသေၵေႃႈတူဝ်ၸဝ်ႈၵဝ်ႇသမ်ႉလၵ်ႉႁိုဝ်။

၂၂ ယႃႇပေၽိတ်းပိူင်ႈမေးပိူၼ်ႈဝႃႈၼႆမႂ်းဝႃႈယူႇသေၵေႃႈတူဝ်ၸဝ်ႈၵဝ်ႇသမ်ႉၽိတ်းပိူင်ႈယူႇႁိုဝ်။မႂ်းလီႁင်ႈရူၵ်ႈထူႉယူႇသေၵေႃႈသမ်ႉႁိမ်ဢဝ်ပိၵ်ႉမၢၼ်ႇယူႇႁိုဝ်။

၂၃ မႂ်းဢိင်ပိုင်ႈပိင်းၺၢပ်ႈတြႃးလႄႈဢုပ်ႇဝၢဝ်းယူႇသေၵေႃႈသမ်ႉပူၼ်ႉလိူဝ်တြႃးၼၼ်ႉလႄႈယႃႉမုၼ်သရေႇၽြႃးပဵၼ်ၸဝ်ႈယူႇႁိုဝ်။

၂၄ လွင်ႈမၼ်းၸမ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆတူၺ်းတၢင်းၵမ်တၢင်းၵျၢင်ႉသူသေလႄႈသေႉသွမ်းၼႃႇမႃႉၸိုဝ်ႈသဵင်ၽြႃးပဵၼ်ၸဝ်ႈယဝ်ႉဝႃႈၼႆမီးမႃးၼႂ်းၵျၢမ်းလိၵ်ႈၼၼ်ႉဢေႃႈ။

၂၅ ပေႃးမႂ်းၵမ်ၵျၢင်ႉပိင်းၺၢပ်ႈတြႃးၸိုင်တၢင်းဢၼ်ထိူဝ်ႁိမ်းၼၼ်ႉမီးဢၵျူဝ်းပုၼ်ႈမႂ်းဢေႃႈ။ပေႃးပူၼ်ႉလိူဝ်တြႃးၸိုင်တၢင်းဢၼ်ထိူဝ်ႁိမ်းမႂ်းၼၼ်ႉမိူၼ်ၸိူဝ်ႉၼင်ႇဢမ်ႇထိူဝ်ႁိမ်းၼၼ်ႉၵူၺ်းဢေႃႈ။

၂၆ ပေႃးၵူၼ်းဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းၼၼ်ႉပႂ်ႉၵမ်ၵျၢင်ႉပိင်းၺၢပ်ႈတြႃးတင်းလၢႆၸိုင်ၸွင်ႇမၼ်းတၢၵ်းဢမ်ႇလႆႈၶၢမ်ႇတၢင်းဢၼ်မၢတ်ႈမိူၼ်ၸိူဝ်ႉၼင်ႇၵေႃႉဢၼ်ထိူဝ်ႁိမ်းၼၼ်ႉႁိုဝ်။

၂၇ ၵေႃႉဢၼ်ဢမ်ႇလႆႈၶၢမ်ႇထိူဝ်ႁိမ်းပၢႆၼိူဝ်ႉၼင်ႇသေၵေႃႈယင်းၵမ်ၵျၢင်ႉပိင်းၺၢပ်ႈတြႃးယူႇၼၼ်ႉတၵ်းသေႉသွမ်းသူၸိူဝ်းဢၼ်မီးၵျၢမ်းလႄႈၶၢမ်ႇဢဝ်တၢင်းဢၼ်ထိူဝ်ႁိမ်းသေၵေႃႈယင်းႁဵတ်းပူၼ်ႉလိူဝ်ပိင်းၺၢပ်ႈတြႃးယူႇၼၼ်ႉဢေႃႈ။

၂၈ လွင်ႈမၼ်းၸမ်းၵေႃႉဢၼ်ပဵၼ်ၵူၼ်းယုတၽၢႆႇၼွၵ်ႈၵူၺ်းၼၼ်ႉပဵၼ်ၵူၼ်းယုတဢၼ်ၸႅတ်ႈဢၼ်မၢၼ်ႇဢမ်ႇၸႂ်ႈ။တၢင်းဢၼ်ၶၢမ်ႇတၢင်းဢၼ်ထိူဝ်ႁိမ်းၼိူဝ်ႉၼင်ၽၢႆႇတၢင်းၼွၵ်ႈၼၼ်ႉပဵၼ်တၢင်းဢၼ်ထိူဝ်ႁိမ်းဢၼ်ၸႅတ်ႈဢၼ်မၢၼ်ႇဢမ်ႇၸႂ်ႈ။

၂၉ ၵေႃႉဢၼ်ပဵၼ်ၵူၼ်းယုတၽၢႆႇၼႂ်းၼၼ်ႉၵူၺ်းပဵၼ်ၵူၼ်းယုတဢၼ်ၸႅတ်ႈဢၼ်မၢၼ်ႇဢေႃႈ။တၢင်းဢၼ်ထိူဝ်ႁိမ်းဢၼ်ၸႅတ်ႈဢၼ်မၢၼ်ႇၸမ်းပဵၼ်တၢင်းဢၼ်ဢဝ်တင်းဝိၺိၺ်ႇလႄႈထိူဝ်ႁိမ်းႁူဝ်ၸႂ်ၼၼ်ႉဢေႃႈ။ဢမ်ႇၸႂ်ႈဢဝ်တင်းၵျၢမ်းလႄႈထိူဝ်။ၵေႃႉၼၼ်ႉလႆႈၶၢမ်ႇတၢင်းယွင်ႈယေႃးၵႃႈတီႈၵူၼ်းဢမ်ႇၸႂ်ႈ။လႆႈၶၢမ်ႇၵႃႈတီႈၽြႃးပဵၼ်ၸဝ်ႈဢေႃႈ။