John 13

ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁

၁၃

ၸဝ်ႈယေႇသုသုၵ်ႈတိၼ်တပႄးၸဝ်ႈ

၁ ၸူဝ်ႈဢၼ်ဢမ်ႇပႆႇၶၢမ်ႇပွႆးပႃသၶႃႇၼၼ်ႉၸဝ်ႈယေႇသုႁူႉလွင်ႈဢၼ်ဝႃႈၶိင်ႇဢၼ်မၼ်းၸဝ်ႈတၵ်းလႆႈၽၢတ်ႇယၢၼ်လေႃးၵႃႉၼႆႉသေယဝ်ႉၵႂႃႇၵႃႈတီႈပေႃႈၸဝ်ႈၼၼ်ႉႁွတ်ႈထိုင်မႃးယဝ်ႉၼၼ်ႉဢေႃႈ။ၸိူဝ်ႉၼင်ႇဢၼ်မၼ်းၸဝ်ႈႁၵ်ႉၵူၼ်းမၼ်းၸဝ်ႈဢၼ်မီးယူႇၼႂ်းလေႃးၵႃႉၼႆႉၼၼ်ႉမၼ်းၸဝ်ႈႁၵ်ႉတေႃႇထိုင်တီႈသုတ်းတီႈၵွႆဢေႃႈ။

၂ ၸႃႇတၢၼ်ႇမႃႇၼၢတ်ႈသႂ်ႇပၼ်တၢင်းၵျၢမ်ႇတၢင်းပွင်ဢၼ်တၵ်းလႆႈဢဝ်မၼ်းၸဝ်ႈဢၢပ်ႈၼၼ်ႉၵႃႈၼႂ်းႁူဝ်ၸႂ်ယုတဢိသၵႃႇရေႇဢုတ်ႉဢၼ်ပဵၼ်လုၵ်ႈၸၢႆးသိမုၼ်ႇၼၼ်ႉဢေႃႈ။

၃ ၼႂ်းမိူဝ်ႈဢၼ်ၶဝ်ယင်းတိုၵ်ႉၵိၼ်ၶဝ်ႈၶမ်ႈယူႇၼၼ်ႉၸိုင်၊ၸဝ်ႈယေႇသုႁူႉလွင်ႈဢၼ်ပေႃႈၸဝ်ႈဢၢပ်ႈပၼ်တင်းသဵင်ႈတင်းလူင်ၵႃႈတီႈၼႂ်းမိုဝ်းမၼ်းၸဝ်ႈဢိၵ်ႇတင်းလွင်ႈဢၼ်မၼ်းၸဝ်ႈလုၵ်ႉသေၵႃႈတီႈၽြႃးပဵၼ်ၸဝ်ႈမႃးလႄႈတၵ်းၵႂႃႇၵႃႈတီႈၽြႃးပဵၼ်ၸဝ်ႈပုၼ်ႉၼၼ်ႉဢေႃႈ။

၄ မၼ်းၸဝ်ႈလုၵ်ႉသေၵႃႈတီႈၽိူၼ်တီႈၵိၼ်ၼၼ်ႉသေယဝ်ႉထွတ်ႇဢဝ်ၶူဝ်းမၼ်းၸဝ်ႈသေလႄႈဢဝ်ၽႃႈၸဵတ်ႉႁတ်ႉဢႅဝ်မၼ်းၸဝ်ႈဢေႃႈ။

၅ လိုၼ်းၼၼ်ႉမၼ်းၸဝ်ႈဢဝ်ၼမ်ႉထွၵ်ႇသႂ်ႇၵႃႈၼႂ်းဢႅင်ႇသေယဝ်ႉသုၵ်ႈတိၼ်တပႄးၸဝ်ႈတင်းလၢႆယဝ်ႉၸင်ႇဢဝ်တင်းၽႃႈၸဵတ်ႉဢၼ်ႁတ်ႉဢႅဝ်မၼ်းၸဝ်ႈၼၼ်ႉၸဵတ်ႉပၼ်ဢေႃႈ။

၆ မိူဝ်ႈဢၼ်မၼ်းၸဝ်ႈႁွတ်ႈထိုင်မႃးၵႃႈတီႈသိမုၼ်ႇပေႇတရုၼၼ်ႉသိမုၼ်ႇပေႇတရုလဝ်ႈထၢမ်လႄႈဝႃႈ၊-ၸဝ်ႈႁဝ်း၊ၸဝ်ႈႁဝ်းတၵ်းသုၵ်ႈတိၼ်ၵဝ်ၶႃႈၶႃႈႁိုဝ်၊ဝႃႈၼင်ႇၼႆဢေႃႈ။

၇ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-လွင်ႈတၢင်းဢၼ်ၵဝ်ႁဵတ်းၼႆႉတေႃႈလဵဝ်ၼႆႉမႂ်းဢမ်ႇပႆႇႁူႉပွင်ႇ။ၵမ်းလိုၼ်းမႂ်းတၵ်းႁူႉဢေႃႈ၊ဝႃႈၼင်ႇၼႆဢေႃႈ။

၈ ပေႇတရုၵေႃႈလဝ်ႈလၢတ်ႈလႄႈဝႃႈ၊-ၸဝ်ႈႁဝ်းတၵ်းဢမ်ႇလႆႈသုၵ်ႈတိၼ်ၵဝ်ၶႃႈလႃးလႃးၶႃႈ၊ဝႃႈၼင်ႇၼႆဢေႃႈ။ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ပေႃးၵဝ်ဢမ်ႇလႆႈသုၵ်ႈတိၼ်မႂ်းၸိုင်မႂ်းဢမ်ႇၸၢပ်ႈသႅင်ႇၵၼ်တင်းၵဝ်ၵူၺ်း၊ဝႃႈၼင်ႇၼႆဢေႃႈ။

၉ သိမုၼ်ႇပေႇတရုၵေႃႈလဝ်ႈလၢတ်ႈလႄႈဝႃႈ၊-ပေႃးၼႆယႃႇပေၵူၺ်းသုၵ်ႈတိၼ်ၵဝ်ၶႃႈၵူၺ်း။သုၵ်ႈပႃးမိုဝ်းၵဝ်ၶႃႈဢိၵ်ႇတင်းႁူဝ်ၵဝ်ၶႃႈသေၵမ်းၶႃႈ၊ဝႃႈၼင်ႇၼႆဢေႃႈ။

၁၀ ၸဝ်ႈယေႇသုၵေႃႈလၢတ်ႈလႄႈဝႃႈ၊-ၵေႃႉဢၼ်ဢၢပ်ႇၼမ်ႉယဝ်ႉၼၼ်ႉလိူဝ်သေတၢင်းဢၼ်သုၵ်ႈတိၼ်ၼၼ်ႉလွင်ႈဢၼ်တၵ်းလႆႈသုၵ်ႈဢမ်ႇမီး။မူတ်းသႂ်ယူႇတင်းတူဝ်တင်းၶိင်းဢေႃႈ။သူၼႆႉမူတ်းသႂ်ဢေႃႈ။ၵူၺ်းၵႃႈၵမ်ႈၽွင်ႈဢမ်ႇမူတ်းသႂ်၊ဝႃႈၼင်ႇၼႆဢေႃႈ။

၁၁ လွင်ႈမၼ်းၸမ်းပိူဝ်ႈဢၼ်မၼ်းၸဝ်ႈႁူႉၵေႃႉဢၼ်တၵ်းဢဝ်မၼ်းၸဝ်ႈဢၢပ်ႈၼၼ်ႉလႄႈမၼ်းၸဝ်ႈၸင်ႇလၢတ်ႈဝႃႈ၊-ၼႂ်းသူၼႆႉၵမ်ႈၽွင်ႈဢမ်ႇမူတ်းသႂ်၊ဝႃႈၼင်ႇၼႆဢေႃႈ။

၁၂ မၼ်းၸဝ်ႈသုၵ်ႈတိၼ်ၶဝ်ယဝ်ႉၸင်ႇသမ်ႉၶိုၼ်းၼုင်ႈၶူဝ်းလႄႈၼင်ႈယူႇၵႃႈတီႈႁိမ်းၽိူၼ်တီႈၵိၼ်သေလႄႈဝႃႈ၊-သူႁူႉလွင်ႈတၢင်းဢၼ်ၵဝ်ႁဵတ်းတီႈသူၼႆႉၼၼ်ႉႁိုဝ်။

၁၃ သူၸၢင်ႊႁွင်ႉၵဝ်ဝႃႈ၊-သြႃႇၸဝ်ႈ၊ၸဝ်ႈၽြႃး၊ဝႃႈၼင်ႇၼႆယူႇယဝ်ႉ။ၵႂၢမ်းဢၼ်သူလၢတ်ႈၼၼ်ႉၵေႃႈပဵၼ်ၵႂၢမ်းဢၼ်ၸိုဝ်ႈဢၼ်ၸႂ်ႈဢေႃႈ။လွင်ႈမၼ်းၸမ်းၵႃႈၼင်ႇဢၼ်သူႁွင်ႉၼၼ်ႉၵဝ်ပဵၼ်ဢေႃႈ။

၁၄ ပေႃးၵဝ်ဢၼ်ပဵၼ်ၸဝ်ႈၽြႃးသူဢၼ်ပဵၼ်သြႃႇသူၼႆႉယင်းသုၵ်ႈတိၼ်သူၸိုင်သူၵေႃႉၼိုင်ႈလႄႈၵေႃႉၼိုင်ႈၵေႃႈတၵ်းလႆႈသုၵ်ႈတိၼ်ၵၼ်ဢေႃႈ။

၁၅ ၼင်ႇႁိုဝ်သူတၵ်းႁဵတ်းၸွမ်းၵႃႈၼင်ႇဢၼ်ၵဝ်ႁဵတ်းၼႂ်းသူၼႆႉၼၼ်ႉၸိုင်ၵဝ်ၼႄဝႆႉပုင်ႇသၢၵ်ႈသေႇယဝ်ႉ။

၁၆ ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်းၶႃႈယဵင်ႈၶႅၼ်းမျၢတ်ႈသေၸဝ်ႈမၼ်းဢမ်ႇၸႂ်ႈ။ၵေႃႉဢၼ်ၶၢမ်ႇတၢင်းဢၼ်ပွႆႇၸႂ်ႉမႃးၼၼ်ႉၵေႃႈယဵင်ႈၶႅၼ်းယႂ်ႇမျၢတ်ႈၼႃႇသေၵေႃႉဢၼ်ပွႆႇၸႂ်ႉမၼ်းၼၼ်ႉဢမ်ႇၸႂ်ႈ။

၁၇ ပေႃးသူႁူႉလွင်ႈတၢင်းၸိူဝ်းၼႆႉလႄႈၵမ်ၵျၢင်ႉၸွမ်းၸိုင်သူမီးမင်ႇၵလႃႇဢေႃႈ။

ၸဝ်ႈယေႇသုတၵ်းလႆႈၶၢမ်ႇတၢင်းဢၼ်ဢၢပ်ႈ

၁၇ ၵဝ်ဝႃႈလွင်ႈသူတင်းသဵင်ႈတင်းမူတ်းဢမ်ႇၸႂ်ႈ။ၵဝ်ႁူႉၶဝ်ၸိူဝ်းဢၼ်ၵဝ်လိူၵ်ႈၵဵပ်းဢဝ်ၼၼ်ႉယူႇဢေႃႈ။ၵူၺ်းၵႃႈလွင်ႈၼင်ႇႁိုဝ်တၵ်းႁႂ်ႈၵျၢမ်းလိၵ်ႈဢၼ်ဝႃႈ၊-

၁၈ ၵေႃႉဢၼ်ၵိၼ်ၶဝ်ႈမုၼ်းၵဝ်ၼၼ်ႉဢဝ်တိၼ်ပိတ်ႉၵဝ်ဢေႃႈ၊ဝႃႈၼင်ႇၼႆၼၼ်ႉတၵ်းလႆႈတဵမ်ထူၼ်ႈၸိုင်ၸင်ႇပဵၼ်ဢေႃႈ။

၁၉ ၵဝ်လၢတ်ႈဝႆႉတီႈသူတေႃႈလဵဝ်ၸူဝ်ႈဢၼ်လွင်ႈတၢင်းၼၼ်ႉဢမ်ႇပႆႇပဵၼ်ၼၼ်ႉလွင်ႈၼင်ႇႁိုဝ်မိူဝ်ႈဢၼ်ပဵၼ်မႃးၼၼ်ႉၸိုင်သူတၵ်းယုမ်ႇမၢတ်ႈလွင်ႈဢၼ်ဝႃႈၵဝ်ပဵၼ်ၵေႃႉၼၼ်ႉၼၼ်ႉဢေႃႈ။ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်းၵေႃႉဢၼ်ႁပ်ႉတုင်းဢဝ်ၵေႃႉဢၼ်ပွႆႇၸႂ်ႉၵဝ်မႃးၼၼ်ႉႁပ်ႉတုင်းဢဝ်ၵဝ်ဢေႃႈ။

၂၀ ၵေႃႉဢၼ်ႁပ်ႉတုင်းဢဝ်ၵဝ်ၼၼ်ႉၵေႃႈႁပ်ႉတုင်းဢဝ်ၵေႃႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ၊ဝႃႈၼင်ႇၼႆဢေႃႈ။

၂၁ ၸဝ်ႈယေႇသုလၢတ်ႈၸိူဝ်ႉၼင်ႇၼၼ်သေယဝ်ႉႁူဝ်ၸႂ်မၼ်းၸဝ်ႈမီးတၢင်းဢၼ်ယၢပ်ႇၸႂ်ယုင်ႈၸႂ်လႄႈၶၢမ်ႇသၢၵ်ႈသေႇဝႃႈ၊-ၵဝ်ဝႃႈတီႈၸိုဝ်ႈတီႈၸႂ်ႈၸမ်းၼႂ်းသူၼႆႉၵေႃႉၼိုင်ႈတၵ်းဢဝ်ၵဝ်ဢၢပ်ႈဢေႃႈ၊ဝႃႈၼင်ႇၼႆဢေႃႈ။

၂၂ တပႄးၸဝ်ႈၸိူဝ်းၼၼ်ႉၵေႃႈမီးတၢင်းဢၼ်ၵႂင်ၸႂ်ယုင်ႈၸႂ်မၼ်းၸဝ်ႈၶႂ်ႈဝႃႈၵေႃႉလႂ်ၼၼ်ႉလႄႈၶဝ်ႁင်းၽႂ်ႁင်းမၼ်းၵေႃႉၼိုင်ႈလႄႈၵေႃႉၼိုင်ႈတူၺ်းၵၼ်ယူႇဢေႃႈ။

၂၃ တပႄးၸဝ်ႈဢၼ်ၸဝ်ႈယေႇသုႁၵ်ႉၼႃႇၼၼ်ႉၵေႃႉၼိုင်ႈၼင်ႈဢိင်ႈယူႇၵႃႈတီႈႁိမ်းႁူဝ်ဢူၵ်းမၼ်းၸဝ်ႈဢေႃႈ။

၂၄ သိမုၼ်ႇပေႇတရုၵေႃႈဢဝ်မိုဝ်းၼႄတီႈၵေႃႉၼၼ်ႉလႄႈဝႃႈ၊-ထၢမ်မၼ်းၸဝ်ႈလူး။မၼ်းၸဝ်ႈၶႂ်ႈဝႃႈၽူႈလႂ်၊ဝႃႈၼင်ႇၼႆဢေႃႈ။

၂၅ ၵေႃႉၼၼ်ႉၵေႃႈလဝ်ႈထၢမ်ဝႃႈ၊-ၸဝ်ႈႁဝ်း၊ၵေႃႉၼၼ်ႉပဵၼ်ၵေႃႉလႂ်ၶႃႈ၊ဝႃႈၼင်ႇၼႆဢေႃႈ။ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-

၂၆ ပဵၼ်ၵေႃႉဢၼ်ၵဝ်တၵ်းဢဝ်ၶဝ်ႈမုၼ်းၵမ်ၼိုင်ႈၸုမ်ႇလႄႈပၼ်တီႈမၼ်းၼၼ်ႉဢေႃႈ၊ဝႃႈၼင်ႇၼႆယဝ်ႉၸင်ႇမၼ်းၸဝ်ႈဢဝ်ၶဝ်ႈမုၼ်းၵမ်ၼိုင်ႈၸုမ်ႇသေယဝ်ႉပၼ်တီႈယုတဢိသၵႃႇရေႇဢုတ်ႉလုၵ်ႈၸၢႆးသိမုၼ်ႇၼၼ်ႉဢေႃႈ။

၂၇ ၵေႃႉၼၼ်ႉၵေႃႈၶၢမ်ႇဢဝ်ၶဝ်ႈမုၼ်းၵမ်ၼိုင်ႈၼၼ်ႉဢေႃႈ။ၸႃႇတၢၼ်ႇမႃႇၼၢတ်ႈၵေႃႈၶဝ်ႈၵႃႈၼႂ်းမၼ်းၵမ်းလဵဝ်ဢေႃႈ။ၸဝ်ႈယေႇသုၵေႃႈလၢတ်ႈတီႈမၼ်းလႄႈဝႃႈ၊-ႁဵတ်းလွင်ႈဢၼ်မႂ်းလုဝ်ႇႁဵတ်းၼၼ်ႉၶၼ်ၶၼ်ၽႂ်းၽႂ်းတႃႉ၊ဝႃႈၼင်ႇၼႆဢေႃႈ။

၂၈ ၶဝ်ၸိူဝ်းဢၼ်ၼင်ႈယူႇၵႃႈတီႈႁိမ်းၽိူၼ်တီႈၵိၼ်ၼၼ်ႉၽူႈလႂ်ၵေႃႈဢမ်ႇႁူႉၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်မၼ်းၸဝ်ႈလၢတ်ႈဝႃႈၸိူဝ်ႉၼင်ႇၼႆၼၼ်ႉ။

၂၉ ၵမ်ႈၽွင်ႈၵေႃႈထၢင်ႇဝႃႈပိူဝ်ႈဢၼ်ယုတဢိသၵႃႇရေႇဢုတ်ႉပဵၼ်ၵေႃႉဢၼ်ယိပ်းထူင်ငိုၼ်းလႄႈၸဝ်ႈယေႇသုၸႂ်ႉမၼ်းၵႂႃႇသိုဝ်ႉဢၼ်တၵ်းလူဝ်ႇၼႂ်းပွႆးၼၼ်ႉ၊ဢမ်ႇၼၼ်ၵေႃႈၸႂ်ႉမၼ်းၵႂႃႇပၼ်သေၸိူဝ်ႉသေပိူင်တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉႁိုဝ်၊ဝႃႈၼင်ႇၼႆဢေႃႈ။

၃၀ ၵေႃႉၼၼ်ႉၵေႃႈၶၢမ်ႇဢဝ်ၶဝ်ႈမုၼ်းၵမ်ၼိုင်ႈၼၼ်ႉသေယဝ်ႉဢွၵ်ႇၵႂႃႇၵမ်းလဵဝ်ဢေႃႈ။ၶိင်ႇၼၼ်ႉၸမ်းပဵၼ်ၶိင်ႇၵၢင်ၶမ်ႈဢေႃႈ။

ပေႇတရုတၵ်းထဵင်ပႅတ်ႈၸဝ်ႈယေႇသု

၃၁ ဝၢႆးသေၵေႃႉၼၼ်ႉဢွၵ်ႇၵႂႃႇယဝ်ႉၸဝ်ႈယေႇသုလၢတ်ႈလႄႈဝႃႈ၊-တေႃႈလဵဝ်ၼႆႉမူၼ်ၽုင်းလုၵ်ႈၵူၼ်းတၵ်းထၢင်ႇသႃးမႃးလႄႈမူၼ်ၽုင်းၽြႃးပဵၼ်ၸဝ်ႈၵေႃႈတၵ်းထၢင်ႇသႃးမႃးၵွပ်ႈပိူဝ်ႈလုၵ်ႈၵူၼ်းၼၼ်ႉဢေႃႈ။

၃၂ ပေႃးမူၼ်ၽုင်းၽြႃးပဵၼ်ၸဝ်ႈမီးတၢင်းဢၼ်ထၢင်ႇသႃးမႃးၵွပ်ႈပိူဝ်ႈလုၵ်ႈၵူၼ်းၼၼ်ႉၸိုင်ၽြႃးပဵၼ်ၸဝ်ႈၼၼ်ႉတၵ်းႁႂ်ႈမူၼ်ၽုင်းမၼ်းၸဝ်ႈထၢင်ႇသႃးမႃးၼႂ်းလုၵ်ႈၵူၼ်းၵွပ်ႈပိူဝ်ႈတူဝ်ၸဝ်ႈၵဝ်ႇဢေႃႈ။ၶိင်ႇၵႃႇလႃႉဢမ်ႇပေႃးႁိုင်မၼ်းၸဝ်ႈတၵ်းႁႂ်ႈမူၼ်ၽုင်းမၼ်းၸဝ်ႈထၢင်ႇသႃးမႃးဢေႃႈ။

၃၃ လုၵ်ႈလၢင်းဢၼ်ၵဝ်ႁၵ်ႉၶဝ်ဢိူၺ်း၊ၵဝ်ယူႇလူၺ်ႈၵၼ်တင်းသူထႅင်ႈၵမ်းဢွၼ်ႇၼိုင်ႈၵူၺ်းဢေႃႈ။သူတၵ်းႁႃၵဝ်ဢေႃႈ။ၸိူဝ်ႉၼင်ႇဢၼ်ၵဝ်လၢတ်ႈတီႈၵူၼ်းယုတၸိူဝ်းၼၼ်ႉလႄႈဝႃႈ၊-တီႈဢၼ်ၵဝ်ၵႂႃႇၼၼ်ႉသူဢမ်ႇမႃးလႆႈ၊ဝႃႈၼင်ႇၼႆၼၼ်ႉတေႃႈလဵဝ်ၼႆႉၵဝ်လၢတ်ႈတီႈသူဢေႃႈ။

၃၄ ၵဝ်ပၼ်ပိင်းၺၢပ်ႈဢၼ်မႂ်ႇတီႈသူလႄႈဝႃႈ၊-သူၵေႃႉၼိုင်ႈလႄႈၵေႃႉၼိုုင်ႈႁၵ်ႉၵၼ်တႃႉ။ၸိူဝ်ႉၼင်ႇဢၼ်ၵဝ်ႁၵ်ႉသူၼၼ်ႉသူၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်တႃႉ။

၃၅ ပေႃးသူၵေႃႉၼိုင်ႈလႄႈၵေႃႉၼိုင်ႈႁၵ်ႉၵၼ်ၸိုင်ၵူၼ်းတင်းသဵင်ႈတင်းလူင်တၵ်းထွၵ်ႈလူၺ်ႈတၢင်းႁၵ်ႉသူၼၼ်ႉသေလႄႈႁူႉလွင်ႈဢၼ်ဝႃႈသူပဵၼ်တပႄးၵဝ်ၼၼ်ႉဢေႃႈ၊ဝႃႈၼင်ႇၼႆဢေႃႈ။

၃၆ သိမုၼ်ႇပေႇတရုၵေႃႈလဝ်ႈထၢမ်လႄႈဝႃႈ၊-ၸဝ်ႈႁဝ်း၊ၸဝ်ႈႁဝ်းတၵ်းၵႂႃႇၵႃႈတီႈလႂ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-တီႈဢၼ်ၵဝ်တၵ်းၵႂႃႇၼၼ်ႉတေႃႈလဵဝ်ၼႆႉမႂ်းဢမ်ႇၸွမ်းလႆႈ။ၵမ်းလိုၼ်းၸင်ႇတၵ်းၸွမ်းလႆႈဢေႃႈ၊ဝႃႈၼင်ႇၼႆဢေႃႈ။

၃၇ ပေႇတရုၵေႃႈလဝ်ႈလၢတ်ႈလႄႈဝႃႈ၊-ၸဝ်ႈႁဝ်းၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၵဝ်ၶႃႈဢမ်ႇၸွမ်းၸဝ်ႈႁဝ်းလႆႈတေႃႈလဵဝ်ၼႆႉၶႃႈ။ၵဝ်ၶႃႈတၵ်းၸုၼ်ႉဢသၢၵ်ႈၵဝ်ၶႃႈပုၼ်ႈၸဝ်ႈႁဝ်းၶႃႈဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်၊ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-

၃၈ ၸွင်ႇမႂ်းတၵ်းၸုၼ်ႉဢသၢၵ်ႈမႂ်းပုၼ်ႈၵဝ်တႄႉႁိုဝ်။ၵဝ်ဝႃႈတီႈၸိုဝ်ႈတီႈၸႂ်ႈတီႈမႂ်းၸမ်းၸူဝ်ႈဢၼ်ၵႆႇဢမ်ႇပႆႇၶၼ်ၼၼ်ႉမႂ်းတၵ်းထဵင်ပႅတ်ႈၵဝ်ထူၼ်ႈထိုင်သၢမ်ပွၵ်ႈဢေႃႈ၊ဝႃႈၼင်ႇၼႆဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ