ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆
၄
ဢူႉပမႃႇဝၢၼ်ႇၸိူဝ်ႉဝၢၼ်ႇၽၼ်း
၁ လိုၼ်းၼၼ်ႉမၼ်းၸဝ်ႈသင်ႇသွၼ်ပၼ်ယူႇၵႃႈတီႈႁိမ်းၼမ်ႉၼွင်ဢေႃႈ။ ၵူၼ်းၸူႉၵူၼ်းတုမ်ၼမ်ၼႃႇၸူႉၵၼ်တုမ်ၵၼ်တီႈမၼ်းၸဝ်ႈထၼ်ႈပေႃးမၼ်းၸဝ်ႈလႆႈၶဝ်ႈၼင်ႈယူႇၵႃႈၼႂ်းႁိူဝ်းၵႃႈတီႈၼႂ်းၼွင်ၼၼ်ႉဢေႃႈ။ ပရိၵ်ႈသၢတ်ႈတင်းသဵင်ႈတင်းလူင်ယူႇၼိူဝ်ၵွင်းၵႃႈႁိမ်းၼွင်ၼၼ်ႉဢေႃႈ။
၂ မိူဝ်ႈၼၼ်ႉမၼ်းၸဝ်ႈဢဝ်ၵႂၢမ်းဢူႉပမႃႇသင်ႇသွၼ်ပၼ်ၼမ်ၼႃႇလႄႈဝႃႈ၊-ထွမ်ႇသေၵမ်း။ တူၺ်းလူႊ။
၃ ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉဢွၵ်ႇၵႂႃႇႁႂ်ႈလႆႈဝၢၼ်ႇၸိူဝ်ႉဝၢၼ်ႇၽၼ်းဢေႃႈ။
၄ ၼႂ်းတၢင်းဢၼ်မၼ်းဝၢၼ်ႇၸိူဝ်ႉဝၢၼ်ႇၽၼ်းၼၼ်ႉမဵတ်ႉၽၼ်းၵမ်ႈၽွင်ႈတူၵ်းၵႃႈတီႈႁိမ်းတၢင်းလႄႈၼူၵ်ႉတင်းလၢႆမႃးၵဵပ်းၵိၼ်ပႅတ်ႈဢေႃႈ။
၅ မဵတ်ႉၽၼ်းၵမ်ႈၽွင်ႈသမ်ႉတူၵ်းၵႃႈတီႈဢၼ်လိၼ်ၵေႇ
မၢၵ်ႇႁိၼ်ၼမ်ၼႃႇၼၼ်ႉလႄႈၵွပ်ႈပိူဝ်ႈဢမ်ႇမီးလိၼ်ဢၼ်လိုၵ်ႉၼၼ်ႉပဵၵ်ႉသမ်ႉဢွၵ်ႇတူၼ်ႈမႃးၵမ်းလဵဝ်သေၵေႃႈ
၆ မိူဝ်ႈဢၼ်ၵၢင်ဝၼ်းဢွၵ်ႇမႃးၸိုင်မႆႈၼႃႇလူင်လၢင်လႄႈၵွပ်ႈပိူဝ်ႈဢၼ်ႁၢၵ်ႈမၼ်းဢမ်ႇပေႃးမီးၼၼ်ႉ
ႁဵဝ်ႇႁႅင်ႈၵႂႃႇဢေႃႈ။
၇ မဵတ်ႉၽၼ်းၵမ်ႈၽွင်ႈသမ်ႉတူၵ်းၵႃႈၼႂ်းတူၼ်ႈၼၢမ်လႄႈတူၼ်ႈၼၢမ်ၸိူဝ်းၼၼ်ႉယႂ်ႇမႃးႁူမ်ႇမုင်းငႅၼ်းသေးလႄႈဢမ်ႇမၢၵ်ႇမၢၵ်ႇမၼ်းလႆႈ။
၈ မဵတ်ႉၽၼ်းၵမ်ႈၽွင်ႈသမ်ႉတူၵ်းၵႃႈၼႂ်းတီႈဢၼ်လိၼ်
လီလႄႈဢွၵ်ႇတူၼ်ႈသေယဝ်ႉယႂ်ႇမႃးလႄႈမၢၵ်ႇမၢၵ်ႇမၼ်းမႃးသၢမ်သိပ်းပုၼ်ႊႁူၵ်းသိပ်းပုၼ်ႊပၢၵ်ႇပုၼ်ႊဢေႃႈ။
၉ ၵေႃႉဢၼ်မီးႁူဢၼ်လီငိၼ်းၼၼ်ႉႁႂ်ႈငိၼ်းသေၵမ်းလူၺ်ႈ၊ဝႃႈၼင်ႇၼႆဢေႃႈ။
၁၀ မိူဝ်ႈဢၼ်မၼ်းၸဝ်ႈမီးယူႇၵႃႈတီႈဢၼ်ပိူၼ်ႈဢမ်ႇမီးၼၼ်ႉၶဝ်ၸိူဝ်းဢၼ်လွမ်ႉႁွပ်ႈမၼ်းၸဝ်ႈဢိၵ်ႇတင်းတပႄးၸဝ်ႈသိပ်းသွင်ပႃးၸိူဝ်းၼၼ်ႉလဝ်ႈထၢမ်လွင်ႈၵႂၢမ်းဢူႉပမႃႇၼၼ်ႉလႄႈမၼ်းၸဝ်ႈၵေႃႈလၢတ်ႈတီႈၶဝ်လႄႈဝႃႈ၊-
၁၁ သူမီးဢၶႂၢင်ႉဢၼ်တၵ်းလႆႈႁူႉလွင်ႈတၢင်းဢၼ်လိုၵ်ႉဢၼ်လမ်ႇမိူင်းၽြႃးပဵၼ်ၸဝ်ႈယူႇဢေႃႈ။
၁၂ ၶဝ်ၸိူဝ်းဢၼ်မီးၵႃႈၼွၵ်ႈၼၼ်ႉၸမ်းၵွပ်ႈပိူဝ်ႈဢၼ်ၶဝ်ၵူဝ်တၢင်းၵမ်တၢင်းၵျၢင်ႉၶဝ်တၵ်းၶၢႆႉပုတ်ႈလႄႈဢပျႅတ်ႈၶဝ်တၵ်း
လွတ်ႈၼၼ်ႉၶဝ်ႁၼ်ယူႇသေၵေႃႈယင်းဢမ်ႇမၢတ်ႈဢမ်ႇတွင်း။ ၶဝ်ငိၼ်းယူႇသေၵေႃႈယင်းဢမ်ႇႁူႉဢမ်ႇၸႅင်ႈလႄႈၵႃႈဢၼ်ႁေႃးလၢတ်ႈတီႈၶဝ်ၼၼ်ႉလႆႈဢဝ်တင်းဢူႉပမႃႇႁေႃးလၢတ်ႈဢေႃႈ၊ဝႃႈၼင်ႇၼႆဢေႃႈ။
၁၃ မၼ်းၸဝ်ႈသမ်ႉလၢတ်ႈတီႈၶဝ်ထႅင်ႈလႄႈဝႃႈ၊-ပေႃးသူဢမ်ႇႁူႉဢူႉပမႃႇၼႆႉၸိုင်သူတၵ်းႁူႉဢူႉပမႃႇၵႃႈမီးတင်းသဵင်ႈတင်းလူင်လႆႈၸိူဝ်ႉၼင်ႇႁိုဝ်။
၁၄ တၢင်းဢၼ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉပွင်ႇဝႃႈဝၢၼ်ႇၵႂၢမ်းတြႃးဢေႃႈ။
၁၅ လွင်ႈတၢင်းဢၼ်မဵတ်ႉၽၼ်းတူၵ်းၵႃႈတီႈႁိမ်းတၢင်းၼၼ်ႉၸမ်းၶႂ်ႈပွင်ႇဝႃႈၵႂၢမ်းတြႃးဢၼ်ၶဝ်လႆႈငိၼ်းယဝ်ႉၼၼ်ႉၸႃႇတၢၼ်ႇမႃႇၼၢတ်ႈမႃးၵမ်းလဵဝ်လႄႈထူၺ်ႈဢဝ်ၵႂၢမ်းတြႃးၵႃႈ
ၼႂ်းႁုဝ်ၸႂ်ၶဝ်ၼၼ်ႉဢွၵ်ႇပႅတ်ႈသေဢေႃႈ။
၁၆ လွင်ႈတၢင်းဢၼ်မဵတ်ႉၽၼ်းတူၵ်းၵႃႈတီႈဢၼ်မၢၵ်ႇႁိၼ်ၼမ်ၼႃႇၼၼ်ႉၸမ်း၊ၶႂ်ႈပွင်ႇဝႃႈမိူဝ်ႈဢၼ်ၶဝ်ငိၼ်းၵႂၢမ်းတြႃးယဝ်ႉၼၼ်ႉပဵၵ်ႉသမ်ႉမီးၸႂ်ဢၼ်သိူဝ်းၸူမ်းၼႃႇ
လႄႈ
၁၇ ႁပ်ႉတုင်းဢဝ်ၵမ်းလဵဝ်သေၵေႃႈယႃႇဢမ်ႇမီးႁၢၵ်ႈမၼ်းၵႃႈၼႂ်းႁူဝ်ၸႂ်ၶဝ်လႄႈတႄႇယူႇၵမ်းဢွၼ်ႇၼိုင်ႈၵူၺ်းသေယဝ်ႉမိူဝ်ႈဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးၵွပ်ႈပိူဝ်ႈတြႃးၼၼ်ႉၸိုင်ၶဝ်ၸႂ်လူႉၵမ်းလဵဝ်ဢေႃႈ။
၁၈ လွင်ႈတၢင်းဢၼ်မဵတ်ႉၽၼ်းတူၵ်းၵႃႈၼႂ်းတူၼ်ႈၼၢမ်ၼၼ်ႉၸမ်းၶႂ်ႈပွင်ႇဝႃႈၶဝ်ၸိူဝ်းဢၼ်လႆႈငိၼ်းၵႂၢမ်းတြႃးသေယဝ်ႉ
၁၉ ၵႂပ်ႈပိူဝ်ႈတၢင်းဢၼ်မႆႈၸႂ်ၶီၸႂ်လူၺ်ႈလွင်ႈလေႃးၵီႇတင်းလၢႆတၢင်း
ဢၼ်ဢုၵ်ႉၸႃႇၸေးၸိမ်ႇပႅတ်ႉလႅၼ်တၢင်းဢၼ်ၸႂ်ၸပ်းၸႂ်ၸွႆးလွင်ႈဢၼ်ၵိုတ်းဢၼ်ၵျၢၼ်ႇတင်းလၢႆၸိူဝ်းၼၼ်ႉၶဝ်ႈၵႃႈၼႂ်းႁုဝ်ၸႂ်ၶဝ်သေယဝ်ႉႁူမ်ႇမုင်းငႅၼ်းသေးၵႂၢမ်းတြႃးယူႇလႄႈဢမ်ႇမၢၵ်ႇမၢၵ်ႇမၼ်းလႆႈ။
၂၀ လွင်ႈတၢင်းဢၼ်မဵတ်ႉၽၼ်းတူၵ်းၵႃႈၼႂ်းတီႈဢၼ်လိၼ်လီၼၼ်ႉၸမ်းၶႂ်ႈပွင်ႇဝႃႈ၊-ၶဝ်ၸိူဝ်းဢၼ်လႆႈငိၼ်းၵႂၢမ်းတြႃးယဝ်ႉလႄႈႁပ်ႉတုင်းဢဝ်သေယဝ်ႉမၢၵ်ႇမၢၵ်ႇမၼ်းမႃးသၢမ်သိပ်းပုၼ်ႊႁူၵ်းသိပ်းပုၼ်ႊပၢၵ်ႇပုၼ်ႊၼၼ်ႉဢေႃႈ၊ဝႃႈၼင်ႇၼႆဢေႃႈ။
ၵွၵ်းၽႆးဢၼ်တၢင်ႇဝႆႉတီႈသုင်
၂၁ လိူဝ်သေၼၼ်ႉၸၢင်ႊဢဝ်ၵွၵ်းၽႆးမႃးလႄႈတမ်းဝႆႉၵႃႈတႂ်ႈပဵတ်ႈၵႃႈတႂ်ႈၵူႇတီႈၼွၼ်းႁိုဝ်။ ၸၢင်ႊဢဝ်မႃးတၢင်ႇဝႆႉၵႃႈၼိူဝ်ၽိူၼ်တီႈတႆႈၽႆးဢမ်ႇၸႂ်ႈႁိုဝ်။
၂၂ လွင်ႈတၢင်းဢၼ်မီးၼႂ်းလပ်းသိင်ႇဢၼ်ဢမ်ႇထၢင်ႇဢမ်ႇ
သႃးၼၼ်ႉတၵ်းဢမ်ႇလႆႈမီးသေၸိူဝ်ႉသေပိူင်။ လွင်ႈတၢင်းဢၼ်ပဵၼ်မႃးလႄႈသိူင်ႇဝႆႉမႅပ်းဝႆႉဢမ်ႇႁႂ်ႈလႆႈၶၢမ်ႇတၢင်းဢၼ်ပိုတ်ႇၼႄၼၼ်ႉတၵ်းဢမ်ႇလႆႈမီးသေၸိူဝ်ႉသေပိူင်။
၂၃ ပေႃးသေၵေႃႉသေၵူၼ်းမီးႁူဢၼ်လီငိၼ်းၸိုင်ႁႂ်ႈငိၼ်းသေၵမ်းလူၺ်ႈ၊ဝႃႈၼင်ႇၼႆဢေႃႈ။
၂၄ မၼ်းၸဝ်ႈသမ်ႉလၢတ်ႈတီႈၶဝ်ထႅင်ႈလႄႈဝႃႈ၊-ႁဵတ်းသတိလွင်ႈဢၼ်သူလႆႈထွမ်ႇလႆႈငိၼ်းၸိူဝ်ႉၼင်ႇႁိုဝ်ၼၼ်ႉတႃႉ။ သူပၼ်တီႈပိူၼ်ႈဢၼ်တူင်ဢၼ်တဵၵ်းၵႃႈ
ႁိုဝ်ၼႆၵေႃႈတၵ်းလႆႈၶၢမ်ႇဢဝ်ၵႃႈၼင်ႇဢၼ်တူင်ဢၼ်တဵၵ်းၼၼ်ႉဢေႃႈ။ ၵေႃႉဢၼ်လႆႈထွမ်ႇလႆႈငိၼ်းၼၼ်ႉတၵ်းလႆႈလိူဝ်တွၼ်းသေၼၼ်ႉဢေႃႈ။
၂၅ ၽူႈလႂ်သေဢမ်ႇဝႃႈၵေႃႉဢၼ်ၸၢင်ႊမီးၼၼ်ႉၵႃႈတီႈၵေႃႉ
ၼၼ်ႉတၵ်းပၼ်ထႅင်ႈလူးၵွၼ်ႇဢေႃႈ။ ၽူႈလႂ်သေဢမ်ႇဝႃႈၵေႃႉဢၼ်ဢမ်ႇၸၢင်ႊမီးၼၼ်ႉၵႃႈတီႈၵေႃႉၼၼ်ႉတၵ်းၼုၵ်ႈဢဝ်ၵႃႈဢၼ်မၼ်းမီးတင်းသဵင်ႈတင်းလူင်ၼၼ်ႉလူးၵွၼ်ႇဢေႃႈ။
ဢူႉပမႃႇမဵတ်ႉၽၼ်းဢၼ်ယႂ်ႇမႃး
၂၆ လိူဝ်သေၼၼ်ႉမိူင်းၽြႃးပဵၼ်းၸဝ်ႈမိူၼ်ၸိူဝ်ႉၼင်ႇၵူၼ်းၵေႃႉၼိုင်ႈဝၢၼ်ႇၸိူဝ်ႉဝၢၼ်ႇၽၼ်းၵႃႈၼႂ်းၼႃးၼၼ်ႉယဝ်ႉ။
၂၇ တင်းဝၼ်းတင်းၶိုၼ်းၼွၼ်းယူႇတိုၼ်ႇယူႇလုၵ်ႉယူႇသေၵေႃႈယႃႇလွင်ႈဢၼ်မဵတ်ႉၸိူဝ်းၼၼ်ႉႁဵတ်းႁိုဝ်ဢွၵ်ႇတူၼ်ႈလႄႈယႂ်ႇမႃးၼၼ်ႉမၼ်းဢမ်ႇႁူႉ။
၂၈ လိၼ်မိူင်းႁႂ်ႈမၢၵ်ႇမၼ်းမၢၵ်ႇမႃးၸွမ်းဢလုဝ်ႇတူဝ်ၸဝ်ႈၵဝ်ႇဢေႃႈ။ ဢွၼ်တၢင်းႁႂ်ႈငူင်းမၼ်းဢွၵ်ႇမႃးၵမ်းလိုၼ်းႁႂ်ႈပဵၼ်ႁူင်းမၼ်းသေယဝ်ႉလိုၼ်းၼၼ်ႉႁႂ်ႈပဵၼ်မဵတ်ႉဢၼ်မၢၵ်ႇၵႃႈၼႂ်းႁူင်းမၼ်းဢေႃႈ။
၂၉ မိူဝ်ႈဢၼ်မၢၵ်ႇမၼ်းသုၵ်းယဝ်ႉၸိုင်ပိူဝ်ႈဢၼ်ၶိင်ႇဢၼ်လီပၢတ်ႇထိုင်မႃးလႄႈၸဝ်ႈၼႃးၸင်ႇႁႂ်ႈဢဝ်ၶဵဝ်းပၢတ်ႇၵမ်းလဵဝ်ဢေႃႈ၊ဝႃႈၼင်ႇၼႆဢေႃႈ။
ဢူႉပမႃႇမဵတ်ႉၽၵ်းၵၢတ်ႇ
၃၀ လိူဝ်သေၼၼ်ႉမိူင်းၽြႃးပဵၼ်ၸဝ်ႈၼႆႉတၵ်းလႆႈၼႄပျႃႉပုင်ႇပမႃႇမၼ်းၸိူဝ်ႉၼင်ႇႁိုဝ်။ တၵ်းလႆႈဢဝ်ဢူႉပမႃႇဢၼ်လႂ်တႅၵ်ႈဝႃႈၼႆၸမ်း၊မိူၼ်ၸိူဝ်ႉၼင်ႇၽၼ်းၽၵ်းၵၢတ်ႇမဵတ်ႉၼိုင်ႈဢေႃႈ။
၃၁ ၽၼ်းၽၵ်းၵၢတ်ႇၼၼ်ႉမိူဝ်ႈဢၼ်ၽုၵ်ႇသွမ်ႈသႂ်ႇၵႃႈၼႂ်းလိၼ်ၸိုင်ပဵၵ်ႉသမ်ႉလဵၵ်ႉၼႃႇသေမဵတ်ႉတင်းသဵင်ႈတင်းလူင်ဢၼ်မီးၵႃႈတီႈလိၼ်ၼၼ်ႉသေၵေႃႈယႃႇ
၃၂ ဝႆးသေၽုၵ်ႇသွမ်ႈယဝ်ႉဢွၵ်ႇတူၼ်ႈမႃးလႄႈယႂ်ႇသေတူၼ်ႈယိူဝ်ႈတူၼ်ႈယႃႈ
တင်းသဵင်ႈတင်းလူင်သေယဝ်ႉပဵၼ်ၵိင်ႇလူင်ၶႃႊလူင်ဢၼ်ၼူၵ်ႉၵၢင်ႁၢဝ်တင်းလၢႆလႆႈလိုဝ်ႈသဝ်းယူႇၵႃႈၼႂ်းႁူမ်ႊမၼ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၃၃ ၵႃႈၼင်ႇဢၼ်ပရိၵ်ႈသၢတ်ႈတင်းလၢႆထွမ်ႇလႆႈငိၼ်းလႆႈၼၼ်ႉမၼ်းၸဝ်ႈဢဝ်ၵႂၢမ်းဢူႉပမႃႇၸိူဝ်ႉၼင်ႇၼၼ်သေလႄႈႁေႃးတြႃးၸဝ်ႈဢေႃႈ။ မၼ်းၸဝ်ႈဢမ်ႇႁေႃးဢမ်ႇလၢတ်ႈၵႂၢမ်းဢၼ်ၵၢင်းလွတ်ႈတင်းဢူႉပမႃႇ။
၃၄ မၼ်းၸဝ်ႈၽုၺ်ႇၼႄလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉတီႈတပႄးၸဝ်ႈတင်းလၢႆတီႈဢၼ်ပိူၼ်ႈဢမ်ႇမီးၼၼ်ႉဢေႃႈ။
ၸဝ်ႈယေႇသုႁႂ်ႈလူမ်းလႅင်ႉထၢတ်ႇယဵၼ်ၵွႃႇ
၃၅ မိူဝ်ႈဢၼ်ဝၼ်းၶမ်ႈယဝ်ႉၼၼ်ႉမၼ်းၸဝ်ႈလၢတ်ႈတီႈၶဝ်လႄႈဝႃႈ၊-ၶၢမ်ႈၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉတႃႉႁဝ်း၊ဝႃႈၼင်ႇၼႆလႄႈ
၃၆ ၶဝ်ႁႂ်ႈၵူၼ်းၸူႉၵူၼ်းတုမ်ၸိူဝ်းၼၼ်ႉမိူဝ်းယဝ်ႉၸင်ႇၶဝ်ပႃးဢဝ်မၼ်းၸဝ်ႈၶဝ်ႈၵႃႈၼႂ်းႁိူဝ်းၼၼ်ႉၵႂႃႇဢေႃႈ။
၃၇ ႁိူဝ်းတၢင်ႇတီႈတၢင်ႇလႅၼ်ႈၵေႃႈၸွမ်းဢေႃႈ။ ၵမ်းၼၼ်ႉပဵၼ်ၽူၼ်လူင်လူမ်းလူင်လႄႈလႅင်းၼမ်ႉပိူပ်ႇၼမ်ႉထိမ်ႈၽင်ႈသႂ်ႇႁိူဝ်းၶဝ်ၼႃႇလူင်လၢင်တေႃႇထိုင်ႁွတ်ႈထၼ်ႈပေႃးၼမ်ႉတဵမ်ႁိူဝ်းၼၼ်ႉမႃးဢေႃႈ။
၃၈ မၼ်းၸဝ်ႈၸမ်းၵိင်းၼွၼ်းယူႇၼိူဝ်မွၼ်ႁူဝ်ၵႃႈတီႈႁၢင်ႁိူဝ်းဢေႃႈ။ ၶဝ်ပူၵ်းမၼ်းၸဝ်ႈယဝ်ႉၸင်ႇလၢတ်ႈလႄႈဝႃႈ၊-ၸဝ်ႈႁဝ်း။ လွင်ႈဢၼ်ႁဝ်းၶႃႈတၵ်းႁွတ်ႈထိုင်တၢင်းလူႉတၢင်းလႅဝ်ၼႆႉၸဝ်ႈႁဝ်းဢမ်ႇမီးၸႂ်ဢိတ်းလူႁဝ်းၶႃႈၶႃႈႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်၊
၃၉ မၼ်းၸဝ်ႈလုၵ်ႉသေယဝ်ႉသင်ႇသွၼ်လူမ်းၼၼ်ႉလႄႈလၢတ်ႈတီႈပၢင်ႇလၢႆႇဝႃႈ၊-ယူႇတဵတ်ႇတဵတ်ႇတႃႉ။ ယူႇၼိမ်ၼိမ်တႃႉ၊ဝႃႈၼင်ႇၼႆလႄႈလူမ်းလႅင်ႉထၢတ်ႇယဵၼ်ၵႂႃႇလႄႈပၢင်ႇလၢႆႇၵေႃႈပၢင်ႇၸိုၼ်ႈၼိမ်လီမႃးၵမ်းလဵဝ်ဢေႃႈ။
၄၀ မၼ်းၸဝ်ႈၵေႃႈထၢမ်လႄႈဝႃႈ၊-ႁဵတ်းသင်လႄႈသူၵူဝ်ၼႃႇလူင်လၢင်ထၢၼ်ႇၼႆႉ။ ႁဵတ်းသင်လႄႈသူဢမ်ႇမီးၸႂ်ဢၼ်ယုမ်ႇမၢတ်ႈ၊ဝႃႈၼင်ႇၼႆဢေႃႈ။
၄၁ ၶဝ်ၼၼ်ႉၵူဝ်ၼႃႇလူင်လၢင်လႄႈၵေႃႉၼိုင်ႈလႄႈၵေႃႉၼိုင်ႈလၢတ်ႈၵၼ်လႄႈဝႃႈ၊-ၵေႃႉၼႆႉပဵၼ်ၽူႈလႂ်။
လူမ်းတင်းပၢင်ႇလၢႆႇယင်းထွမ်ႇဢဝ်ၵႂၢမ်းမၼ်းလူင်ပေႇ၊ဝႃႈၼင်ႇၼႆဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ