Shan Missions

ဝုတ်ႉထုတမၢၼ်ႇၸဝ်ႈ

Chapter      ၁          ၂          ၃          ၄         ၅          ၆          ၇          ၈          ၉          ၁၀          ၁၁         ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁          ၂၂         ၂၃          ၂၄          ၂၅         ၂၆          ၂၇          ၂၈         

၁၈ 

တီႈဝဵင်းၵေႃ:ရဵၼ်ႇထု

၁ လိုၼ်းၼၼ်ႉပေႃးလုဢွၵ်ႇသေၵႃႈၼႂ်းဝဵင်းဢႃႇထိၼ်ႇၵႂႃႇလႄႈႁွတ်ႈထိုင်ၵႃႈတီႈဝဵင်းၵေႃ:ရဵၼ်ႇထုဢေႃႈ။

၂ မိူဝ်ႈၼၼ်ႉမၼ်းထူပ်းႁၼ်ၵူၼ်းယုတဢၼ်လႆႈၸိုဝ်ဢႃႇၵုလလေႈပဵၼ်ၵူၼ်းမိူင်းပုၼ်ႇတုဢၼ်လုၵ်ႉသေၵႃႈတီႈမိူင်းဢိတလိႁွတ်ႈမႃးၵွပ်ႈပိူဝ်ႈဢၼ်ၶုၼ်ႁေႃၶမ်းၵလေႃႇတိမီးဢမိင်ႉႁႂ်ႈၵူၼ်းယုတတင်းသဵင်ႈတင်း၊လူင်ဢွၵ်ႇသေၵႃႈၼႂ်းဝဵင်းရူဝ်းမၵႂႃႇၼၼ်ႉဢေႃႈ။

၃ ပေႃးလုၵေႃႈၶဝ်ႈၸူးၵႃႈတီးမၼ်းတင်းမေးမၼ်းပိတ်ႉၵိလၼၼ်ႉသေယဝ်ႉယူႇလူၺ်ႈၵၼ်တင်းၶဝ်ၵွပ်ႈပိူဝ်ႈတၢင်းႁဵတ်းၶဝ်မိူၼ်ၵၼ်ၼၼ်ႉဢေႃႈ။ၶဝ်ပဵၼ်ၵူၼ်းႁဵတ်းသုမ်ႉထဵင်ဢေႃႈ။

၄ ပေႃးလုတိူင်ႇပၢင်ႇႁေႃးလၢတ်ႈၼႂ်းၸရွပ်ႈႁေႃးတြႃးဝၼ်းၵမ်သိၼ်ဢမ်ႇထၢတ်ႇသေပၢတ်ႈလႄႈၸူဝ်းဢဝ်ၵူၼ်းယုတတင်းၵူၼ်းႁေႇလသတင်းလၢႆဢေႃႈ။

၅ မိူဝ်ႈဢၼ်သီႇလတင်းတိမေႃးသေႇလုၵ်ႉသေၵႃႈတီႈမိူင်းမႃႇၵေႇတေႃးၼိႁွတ်ႈထိုင်မႃးၼၼ်ႉၸိုင်ပေႃးလုႁဵတ်းလွင်ႈတၢင်းဢၼ်ႁေႃးလၢတ်ႈတြႃးၶၢမ်ႇသၢၵ်ႈသေႇလွင်ႈဢၼ်ဝႃႈၸဝ်ႈယေႇသုပဵၼ်ၸဝ်ႈၶရိၸ်ႉဢၼ်ဝႃႈၼၼ်ႉတီႈၵူၼ်းယုတၸိူဝ်းၼၼ်ႉၵူႈၶိင်ႇၵူႈယၢမ်းဢေႃႈ။

၆ ၵူၺ်းၵႃႈမိူဝ်ႈဢၼ်ၵူၼ်းယုတႁဵတ်းၶတ်းတွပ်ႇထဵင်သေႉသွမ်းၼၼ်ႉၸိုင်မၼ်းသၼ်ႇပႅတ်ႈၶူဝ်းၼုင်ႈမၼ်းသေယဝ်ႉလၢတ်ႈဝႃႈ၊-ႁႂ်ႈလိူတ်ႈသူမီးၵႃႈၼိူဝ်ႁူဝ်သူတႃႉ။ၵဝ်ၸမ်းၵၢင်းလွတ်ႈဢေႃႈ။တႄႇၸႃႉဢဝ်ၶိင်ႇၼႆႉၵႂႃႇၵဝ်တၵ်းၵႂႃႇၵႃႈတီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ၊ဝႃႈၼင်ႇၼႆယဝ်ႉၸင်ႇ

၇ မၼ်းဢွၵ်ႇသေၵႃႈၼႂ်းတီႈၼၼ်ႉလႄႈၵႂႃႇၵႃႈတီႈႁိူၼ်းၵေႃႉၼိုင်ႈဢၼ်လႆႈၸိုဝ်ဝႃႈ၊ယုတ်ႉတု၊ဢၼ်ၵူဝ်းၵႂၢႆႇၽြႃးပဵၼ်ၸဝ်ႈၼၼ်ႉဢေႃႈ။ႁိူၼ်းၼၼ်ႉၸပ်းၵၼ်တင်းၸရွပ်ႈႁေႃးတြႃးဢေႃႈ။

၈ ၵရိပုဢၼ်ပဵၼ်ၵႄႇၸရွပ်ႈႁေႃးတြႃးဢိၵ်ႇတင်းၵူၼ်းႁိူၼ်းၵူၼ်းယေးမၼ်းတင်းသဵင်ႈတင်းလူင်ၸိူဝ်းၼၼ်ႉယုမ်ႇမၢတ်ႈၸဝ်ႈၽြႃးဢေႃႈ။ၵူၼ်းဝဵင်းၵေႃ:ရဵၼ်ႇထုၼမ်ၼႃႇၵေႃႈထွမ်ႇငိၼ်းသေယဝ်ႉယုမ်ႇမၢတ်ႈလႄႈၶၢမ်ႇဢဝ်ပပ်ႉတိၸၢမ်ႇဢေႃႈ။

၉ ၼႂ်းၶိင်ႇၵၢင်ၶိုၼ်းၸဝ်ႈၽြႃးလၢတ်ႈတီႈပေႃးလုၼႂ်းပျႃႇတိၵ်ႈရူႇပႃႇရူင်ႇမၼ်းၼၼ်ႉလႄႈဝႃႈ၊-မႂ်းယႃႇပေၵူဝ်ပေႁႄ။ယႃႇပေယူႇတဵတ်ႇတဵတ်ႇယဵၼ်ယဵၼ်။

၁၀ ႁေႃးလၢတ်ႈတႃႉ။လွင်ႈမၼ်းၸမ်းၵဝ်မီးယူႇလူၺ်ႈၵၼ်တင်းမႂ်းဢေႃႈ။ၽူႈလႂ်ၵေႃႈတၵ်းဢမ်ႇႁဵတ်းပႄႉႁဵတ်းၼႅင်ႇႁႂ်ႈလႆႈၼိၵ်ႈၸၢၵ်ႈငႅၼ်းသေးမႂ်း။ၼႂ်းဝဵင်းၼႆႉၵဝ်မီးၵူၼ်းၼမ်ၼႃႇဢေႃႈ၊ဝႃႈၼင်ႇၼႆဢေႃႈ။

၁၁ မၼ်းၵေႃႈယူႇၵႃႈတီႈၼၼ်ႉပီႊပၢႆႁူၵ်းလိူၼ်တဵမ်တဵမ်လႄႈႁေႃးလၢတ်ႈသင်ႇသွၼ်ၼုၵ်ႉၵပၢတ်ႈတြႃးၽြႃးပဵၼ်ၸဝ်ႈတီႈၵူၼ်းဝဵင်းၸိူဝ်းၼၼ်ႉဢေႃႈ။

မိူဝ်ႈဢၼ်ၶုၼ်ၵႃႇလျူဝ်ႇလႆႈဢရႃႇဢၼ်ဢုပ်ႉပိူင်ႇမိူင်းဢၶႃႇယၼၼ်ႉၸိုင်ၵူၼ်းယုတတင်းလၢႆၽွမ်ႉၵၼ်ႁဵတ်းပႄႉႁဵတ်းၼႅင်ႇတီႈပေႃးလုလႄႈဢဝ်မၼ်းၵႂႃႇၵႃႈတီႈၽၢႆႇၼႃႈပလၢင်ႇဢၼ်ၸီႇယၢင်ႇတြႃးၼၼ်ႉသေယဝ်ႉလဝ်ႈလၢတ်ႈဝႃႈ၊-

၁၃ ၵေႃႉၼႆႉတိုၵ်းယူင်းၸူဝ်းဢဝ်ၵူၼ်းတင်းလၢႆႁႂ်ႈလႆႈၶတ်းၵၼ်တင်းတြႃးသေလႄႈၵူဝ်းၵႂၢႆႇၽြႃးၶႃႈဢေႃႈ၊ဝႃႈၼင်ႇၼႆဢေႃႈ။

၁၄ မိူဝ်ႈဢၼ်ပေႃးလုဢၢင်ႈတလေၢတ်ႈၵႂၢမ်းၼၼ်ႉၶုၼ်ၵႃႇလျူဝ်ႇလၢတ်ႈတီႈၵူၼ်းယုတၸိူဝ်းၼၼ်ႉလႄႈဝႃႈ၊-ၵူၼ်းယုတၶဝ်ဢိူၺ်း၊ပေႃးပဵၼ်ဢမူႉဢၼ်ဢမ်ႇတြႃးဢမ်ႇၼၼ်ပဵၼ်ဢမူႉဢၼ်ႁၢႆႉမိူၵ်ႈၵူဝ်ႈၵိူၵ်ႇၸိုင်ၵဝ်တၵ်းလႆႈယိူၼ်ႉၶၢမ်ႇလႄႈထွမ်ႇသူၵႃႈၼင်ႇဢၼ်မီးလွင်ႈမၼ်းတၢင်းမၼ်းၼၼ်ႉယူႇဢေႃႈ။

၁၅ ၵူၺ်းၵႃႈပေႃးပဵၼ်ဢမူႉလွင်ႈၼုၵ်ႉၵပၢတ်ႈလွင်ႈၸိုဝ်သဵင်လွင်ႈတြႃးဢူႉပတေႇသူၸိုင်သူတႅပ်းတတ်းဢမူႉတူဝ်ၸဝ်ႈၵဝ်ႇတႃႉ။

၁၆ ၵဝ်ဢမ်ႇၶႂ်ႈၸီႇယၢင်ႇဢမူႉၸိူဝ်ႉၼင်ႇၼၼ်ၼၼ်ႉ၊ဝႃႈၼင်ႇၼႆသေယဝ်ႉႁေႃႈၵူၼ်းယုတၸိူဝ်းၼၼ်ႉဢွၵ်ႇသေၵႃႈတီႈပလၢင်ႇဢၼ်ၸီႇယၢင်ႇတြႃးၼၼ်ႉၵႂႃႇဢေႃႈ။မိူဝ်ႈၼၼ်ႉၶဝ်တင်းသဵင်ႈတင်းလူင်ပေႃႉယႅၼ်ႉသွတ်ႇသၼိ၊ဢၼ်ပဵၼ်ၵႄႇၸရွပ်ႈႁေႃးတြႃး၊ၼၼ်ႉၵႃႈတီႈၽၢႆႇၼႃႈပလၢင်ႇဢၼ်ၸီႇယၢင်ႇတြႃးၼၼ်ႉဢေႃႈ။

၁၇ ၶုၼ်ၵႃႇလျူဝ်ႇၸမ်းယင်းဢမ်ႇဝႆႉဢမူႉလႄႈယူႇဢေႃႈ။

ပိတ်ႉၵိလ၊ဢႃႇၵုလ၊တင်းဢႃႇပေႃးလု

၁၈ လိုၼ်းၼၼ်ႉပေႃးလုယူႇႁိုင်ယဝ်ႉၸင်ႇတၵ်ႉလၢတ်ႈၵၼ်တင်းပီႈၼွင်ႉတင်းလၢႆသေယဝ်ႉဢွၵ်ႇသေၵႃႈၼႂ်းဝဵင်းၼၼ်ႉၵႂႃႇသေဢေႃႈ။ၵႃႈၼင်ႇဢၼ်မၼ်းႁဵတ်းၵတိသႅတ်ႈၸႃႇၼၼ်ႉမၼ်းထႃႁူဝ်မၼ်းၵႃႈၼႂ်းဝဵင်းၵိၼ်ႇၶျေႇဢေႃႈ။မၼ်းႁွင်ႉဢဝ်ပိတ်ႉၵိလတင်းဢႃႇၵုလလႄႈၶီႇႁိူဝ်းၵႂႃႇၵႃႈတီႈမိူင်းသုရိဢေႃႈ။

၁၉ ၶဝ်ႁွတ်ႈထိုင်ၵႃႈတီႈဝဵင်းဢေးၽႅတ်ႈသေယဝ်ႉပေႃးလုႁႂ်ႈဢႃႇၵုလတင်းပိတ်ႉၵိလၵိုတ်းသဝ်း

၂၀ ယူႇၵႃႈတီႈၼၼ်ႉသေယဝ်ႉမၼ်းၶဝ်ႈၵႃႈၼႂ်းၸရွပ်ႈႁေႃးတြႃးလႄႈတိူင်ႇပၢင်ႇလၢတ်ႈၸႃၵၼ်တင်းၵူၼ်းယုတတင်းလၢႆဢေႃႈ။

၂၁ မိူဝ်ႈဢၼ်ၶဝ်ယွၼ်းႁႂ်ႈမၼ်းယူႇႁိုင်ဢိတ်းၼိုင်ႈၼၼ်ႉၸိုင်မၼ်းဢမ်ႇႁပ်ႉလႄႈတၵ်ႉလၢတ်ႈၶဝ်ဝႃႈ၊-ပေႃးၽြႃးပဵၼ်ၸဝ်ႈမီးဢလူဝ်ႇၸိုင်ၵမ်းလိုၼ်းၵဝ်တၵ်းၶိုၼ်းမႃးၵႃႈတီႈသူထႅင်ႈလူးၵွၼ်ႇဢေႃႈ၊ဝႃႈၼင်ႇၼႆယဝ်ႉၸင်ႇဢွၵ်ႇသေၵႃႈတီႈဝဵင်းဢေးၽႅတ်ႈၼၼ်ႉၵႂႃႇဢေႃႈ။

၂၂ မိူဝ်ႈဢၼ်မၼ်းႁွတ်ႈထိုင်ၵႃႈတီႈဝဵင်းၵေႇသရိၼၼ်ႉမၼ်းၶိုၼ်ႈၵႂႃႇၸူးၵႃႈတီႈဝဵင်းယေႇရုသလႅမ်ႇလႄႈတၵ်ႉလၢတ်ႈၵၼ်တင်းၸိူဝ်းၸဝ်ႈယဝ်ႉၸင်ႇလူင်းမႃးၵႃႈတီႈဝဵင်းဢၼ်ႇတိဢုၵ်ႉဢေႃႈ။

၂၃ မၼ်းယူႇၵႃႈၼႂ်းဝဵင်းၼၼ်ႉႁိုင်တၢၼ်ႇတၢၼ်ႇယဝ်ႉၸင်ႇသမ်ႉဢွၵ်ႇၸွမ်းတၢင်းၵႂႃႇၵႃႈၼႂ်းမိူင်းၵလႃႇတိတင်းမိူင်းၽရုၵိၵႃႈၼင်ႇဢၼ်ၸႅၼ်ႇယႆၵၼ်မီးဝႆႉၼၼ်ႉလႄႈႁႂ်ႈတပႄးၸဝ်ႈတင်းသဵင်ႈတင်းလူင်မၼ်ႈၶိူင်ႇဢေႃႈ။

၂၄ ၵူၼ်းယုတၵေႃႉၼိုင်ႈဢၼ်လႆႈၸိုဝ်ဢႃႇပေႃးလု၊ဢၼ်ပဵၼ်ၵူၼ်းဝဵင်းဢႃႇလေႇၸၢၼ်ႇတရေႇဢၼ်ၸၢင်ႊလၢတ်ႈၸၢင်ႊႁေႃးလႄႈပဵၼ်ၵေႃႉဢၼ်ႁူႉမေႃၵျၢမ်းလိၵ်ႈၼႃႇလူင်လၢင်ၼၼ်ႉႁွတ်ႈမႃးၵႃႈတီႈဝဵင်းဢေးၽႅတ်ႈဢေႃႈ။

၂၅ မၼ်းယၢမ်ႈသွၼ်ဢဝ်ၼႂ်းၽႃႇသႃႇၸဝ်ႈၽြႃးယဝ်ႉလႄႈၸႂ်ၸပ်းၸႂ်ၸွႆးယႂ်ႇၼႃႇသေယဝ်ႉမၼ်းႁေႃးလၢတ်ႈသင်ႇသွၼ်သုင်းမႃႉပၼ်လွင်ႈတၢင်းဢၼ်ၸၢပ်ႈသႅင်ႇၵၼ်တင်းၸဝ်ႈယေႇသုၼၼ်ႉလီလီငၢမ်းငၢမ်းဢေႃႈ။ၼႂ်းဝႃႈၼၼ်သေၵေႃႈမၼ်းႁူႉပပ်ႉတိၸၢမ်ႇယုဝ်းႁၢၼ်ႇၼၼ်ႉၵူၺ်းဢေႃႈ။

၂၆ မိူဝ်ႈဢၼ်ဢႃႇၵုလတင်းပိတ်ႉၵိလၶဝ်ငိၼ်းၵႂၢမ်းဢၼ်မၼ်းႁေႃးလၢတ်ႈႁတ်းႁတ်းႁၢၼ်ႁၢၼ်ၼႂ်းၸရွပ်ႈႁေႃးတြႃးၼၼ်ႉၸိုင်ၶဝ်သမ်ႉသွၼ်ပၼ်မၼ်းၽႃႇသႃႇတြႃးၽြႃးပဵၼ်ၸဝ်ႈႁႂ်ႈယဵင်ႈၶႅၼ်းသေႇၶျႃႇလီငၢမ်းဢေႃႈ။

၂၇ မိူဝ်ႈဢၼ်မၼ်းၶၢႆႉၵႂႃႇၵႃႈတီႈမိူင်းဢႃႇၶႃႇသၼၼ်ႉၼင်ႇႁိုဝ်တပႄးၸဝ်ႈတင်းလၢႆတၵ်းႁပ်ႉတုင်းဢဝ်မၼ်းၸိုင်ပီႈၼွင်ႉဝဵင်းဢေးၽႅတ်ႈတႅမ်ႈလိၵ်ႈပၼ်ထိုင်ၵႂႃႇတီႈမိူင်းဢႃႇၶႃႇသဢေႃႈ။မိူဝ်ႈဢၼ်မၼ်းႁွတ်ႈထိုင်ၸိုင်ၵွပ်ႈပိူဝ်ႈၵျေးၸူးၸဝ်ႈၼၼ်ႉမၼ်းၸွႆႈထႅမ်ၶဝ်ၸိူဝ်းဢၼ်ယုမ်ႇမၢတ်ႈၼၼ်ႉတႄႉတႄႉဝႃႈဝႃႈဢေႃႈ။

၂၈ မၼ်းဢဝ်တင်းၵျၢမ်းလိၵ်ႈၽုၺ်ႇဢွၵ်ႇၼႄပျႃးလွင်ႈဢၼ်ဝႃႈၸဝ်ႈယေႇသုပဵၼ်ၸဝ်ႈၶရိၸ်ႉဢေႃႈ၊ဢၼ်ဝႃႈၼၼ်ႉလႄႈပႄၼႅင်ႇၵႂၢမ်းၵူၼ်းယုတၶဝ်ၵႃႈတီႈၽၢႆႇၼႃႈၵူၼ်းတင်းလၢႆဢေႃႈ။