Shan Missions

၈

၁ ၽြႃးပဵၼ်ၸဝ်ႈ ၶုၵ်းၸႂ်လႆႈၶႆႈၸႂ်ထူပ်း ၸႃႉၸဵမ်ၼုဝ်းဢႃႇ လႄႈသတ်ႉတဝႃႇၵႃႈဢၼ်ဢသၢၵ်ႈလိပ်းယူႇလႂ် တရိၵ်ႈသၢၼ်ႇ ဢၼ်မီးယူႇလူၺ်ႈၵၼ်တင်းၼုဝ်းဢႃႇ ၵႃႈၼႂ်းႁိူဝ်းသၢင်းၽေႃးတင်းသဵင်ႈတင်းလူင်လႂ်ၼၼ်ႉလႄႈ ႁႂ်ႈလူမ်းထူဝ်းမႃးၵႃႈၼိူဝ်လိၼ်မိူင်းလႄႈၼမ်ႉၼိမ်ၵွႃႇဢေႃႈ။

၂မၼ်းၸဝ်ႈဢိုတ်းႁူးၼမ်ႉၶုမ်ၼမ်ႉ ၵႃႈတႂ်ႈတင်းၼမ်ႉၽူၼ် ၵႃႈၼိူဝ်ၵၢင်ႁၢဝ်တင်းလၢႆၸိူဝ်းၼၼ်ႉသေယဝ်ႉ ႁႂ်ႈၽူၼ်ထၢတ်ႇဢေႃႈ။

၃ ၼမ်ႉၵေႃႈလႆလူင်းၶိုၼ်းသေၵႃႈၼိူဝ်လိၼ်ၵွႃႇ ပၢၵ်ႇပၢႆႁႃႈသိပ်းဝၼ်းလႄႈ ယွမ်းၵွႃႇဢေႃႈ။

၄ လိူၼ်သတ်ႉတမ သိပ်းၸဵတ်းဝၼ်း၊ ႁိူဝ်းသၢင်းၽေႃးၼၼ်ႉတၢင်ႇၵႃႈၼိူဝ်လွႆ ဢၼ်လႆႈၸိုဝ်ႈ ဢႃႇရရတ်ႉ ၼၼ်ႉဢေႃႈ။

၅ ၼမ်ႉၼၼ်ႉယွမ်းၵွႃႇယူႇၵူႈဝၼ်းတေႃႇထိုင်ႁွတ်ႈလိူၼ်တသမလႄႈလိူၼ်မႂ်ႊႇၶမ်ႈၼိုင်ႈ၊ ပၢႆလွႆတင်းလၢႆပေႃႇဢွၵ်ႇမႃးဢေႃႈ။

၆ ၸႃႉၸဵမ်မိူဝ်ႈၼၼ်ႉလႄႈ လႆႈသီႇသိပ်းဝၼ်း ၼုဝ်းဢႃႇၽုၺ်ႇႁူးလၢင်းတဵၼ်ႁိူဝ်းသၢင်းၽေႃးၼၼ်ႉ သေယဝ်ႉ၊ ပွႆႇၵႃလမ်တူဝ်ၼိုင်ႈၵွႃႇဢေႃႈ။

၇ ၵႃလမ်တူဝ်ၼၼ်ႉမိၼ်ၵွႃႇမိၼ်မႃးယူႇတေႃႇထိုင်ႁွတ်ႈ ၼမ်ႉႁႅင်ႈသေၵႃႈၼိူဝ် လိၼ်မိူင်းၼၼ်ႉဢေႃႈ။

၈ ၵမ်းၼၼ်ႉမၼ်းသမ်ႉပွႆႇၼူၵ်ႈတူႈတူဝ်ၼိုင်ႈ ႁႂ်ႈလႆႈႁူႉလွင်ႈဢၼ်ၼမ်ႉသဵင်ႈသေၵႃႈၼိူဝ် ၼႃႈလိၼ်ယဝ်ႉႁိုဝ်၊ဢမ်ႇပႆႇသဵင်ႈႁိုဝ်ၼၼ်ႉဢေႃႈ။

၉ ပိူဝ်ႈဢၼ်ၼမ်ႉ ယင်းမီးယူႇၵႃႈၼိူဝ်ၼႃႈလိၼ်မိူင်းၵူႈတီႈၵူႈလႅၼ်လႄႈ ၼူၵ်ႉတူႈၼၼ်ႉဢမ်ႇထူပ်းတီႈဢၼ်တၵ်းလႆႈၸပ်းလႄႈ သမ်ႉၶိုၼ်းမိၼ်မႃးၸူးၵႃႈတီႈၼုဝ်းဢႃႇၵႃႈၼႂ်းႁိူဝ်းသၢင်းၽေႃးဢေႃႈ။

၁၀ မၼ်းၵေႃႈယိုၼ်ႈမိုဝ်းမၼ်းသေယဝ်ႉ ယိပ်းဢဝ်ၼူၵ်ႉတူႈၼၼ်ႉသေလႄႈဢဝ်သႂ်ႇၵႃႈၼႂ်းႁိူဝ်းသၢင်းၽေႃးဢေႃႈ။ႁိုင်ၸဵတ်းဝၼ်းသေယဝ်ႉ မၼ်းသမ်ႉၶိုၼ်းဢဝ်ၼူၵ်ႉတူႈၼၼ်ႉသေလႄႈပွႆႇဢွၵ်ႇသေၵႃႈၼႂ်းႁိူဝ်းသၢင်းၽေႃးၵွႃႇဢေႃႈ။

၁၁ ၶိင်ႇႁူဝ်ၶမ်ႈၼူၵ်ႉတူႈၼၼ်ႉၶိုၼ်းမႃးၸူးၵႃႈတီႈ ၼုဝ်းဢႃႇလႄႈ ပိူဝ်ႈဢၼ်လႆႈႁၼ်မႂ်ႊႊတူၼ်ႈသၢၼ်ႇလုၼ်ႇဢၼ်ၼူၵ်ႉတူႈသၵ်းၵၢပ်ႈၵႃႈၼႂ်းသူပ်းမၼ်းမႃးလႄႈ ၼုဝ်းဢႃႇႁူႉလွင်ႈဢၼ်ဝႃႈ ၼမ်ႉသဵင်ႈသေၵႃႈၼိူဝ်လိၼ်မိူင်းယဝ်ႉၼၼ်ႉဢေႃႈ။

၁၂ ၵမ်းၼၼ်ႉ ယူႇၸဵတ်းဝၼ်းသေယဝ်ႉမၼ်းသမ်ႉၶိုၼ်းပွႆႇၼူၵ်ႉတူႈၼၼ်ႉၵွႃႇဢေႃႈ။ၼူၵ်ႉတူႈၼၼ်ႉဢမ်ႇၶိုၼ်းမႃးၸူးၵႃႈတီႈမၼ်းယဝ်ႉ။

၁၃ ပီႊမိူင်းႁူၵ်းပၢၵ်ႇပၢႆပီႊၼိုင်ႈ၊ လိူၼ်ပထမမႂ်ႊႇၶမ်ႈၼိုင်ႈ၊ၼမ်ႉၶိုၼ်း ယွမ်းလူင်းသေၵႃႈၼိူဝ်လိၼ်မိူင်းၵွႃႇယဝ်ႉယဝ်ႉလႄႈ ၼုဝ်းဢႃႇ ၼၼ်ႉ မိူဝ်ႈဢၼ်ယႃႉမုင်းႁိူဝ်းသၢင်းၽေႃးၼၼ်ႉပႅတ်ႈလႄႈ မုင်ႈတူၺ်းၸိုင်ႁၼ်လွင်ႈဢၼ်ၼမ်ႉၶိုၼ်းယွမ်းလူင်းသေ ၵႃႈၼိူဝ်ၼႃႈလိၼ်ၵွႃႇ ယဝ်ႉၼၼ်ႉဢေႃႈ။

၁၄ လိူၼ်တုတိယသၢဝ်းၸဵတ်းဝၼ်းလိၼ်မိူင်းယူတ်းႁႅင်ႈယဝ်ႉဢေႃႈ။

၁၅ ၽြႃးပဵၼ်ၸဝ်ႈၵေႃႈ လၢတ်ႈတီႈၼုဝ်းဢႃႇဝႃႈ၊- ၸႃႉၸဵမ်မႂ်းတင်းမေးမႂ်း၊လုၵ်ႈၸၢႆးမႂ်း၊လုၵ်ႈပႂ်ႉမႂ်း၊ ဢွၼ်ၵၼ်ဢွၵ်ႇသေၵႃႈၼႂ်းႁိူဝ်းသၢင်းၽေႃးလႄႈ လူင်းၵွႃႇ တႃႉ။

၁၆ ဢဝ်တရိၵ်ႈသၢၼ်ႇဢၼ်ဢသၢၵ်ႈလိပ်းယူႇၵႃႈတီႈမႂ်းၵူႈၸိူဝ်ႉၵူႈပိူင်ဢၼ်ဝႃႈၼူၵ်ႉလႂ်၊ တူဝ်းလႂ်၊တရိၵ်ႈသၢၼ်ႇဢၼ်ၸၢင်ႊၵွႃႇၸၢင်ႊၵၢၼ်း ၵႃႈၼိူဝ်လိၼ်လႂ် ၵႃႈမီးၸိူဝ်းၼႆႉ ဢွၵ်ႇလူၺ်ႈၵၼ်တင်းမႂ်းတႃႉ။

၁၇ ႁႂ်ႈၶဝ်ၵိူတ်ႇလဵင်ႉလုၵ်ႈလဵင်ႉလၢင်းလႄႈ ယႂ်ႇၽႄႈၼမ်ၵိုၼ်း ၵႃႈၼိူဝ်လိၼ်တႃႉ၊ဝႃႈၼင်ႇၼႆဢေႃႈ။

၁၈ မိူဝ်ႈၼၼ်ႉၸႃႉၸဵမ် ၼုဝ်းဢႃႇ တင်းမေးမၼ်း၊လုၵ်ႈၸၢႆးမၼ်း၊လုၵ်ႈပႂ်ႉမၼ်း၊ ဢွၼ်ၵၼ်ဢွၵ်ႇသေလႄႈလူင်းၵွႃႇဢေႃႈ။

၁၉ တူဝ်လႂ်၊ တရိၵ်ႈသၢၼ်ႇဢၼ်ၸၢင်ႊၵွႃႇၸၢင်ႊၵၢၼ်းလႂ်၊ၼူၵ်ႉလႂ်၊ ၵႃႈဢၼ်ၸၢင်ႊတူင်ႉၸၢင်ႊၼိုင်ၵႃႈၼိူဝ်လိၼ်ၵူႈၸိူဝ်ႉၵူႈပိူင် တင်းသဵင်ႈတင်းလူင်ၵေႃႈဢွၼ်ၵၼ်ဢွၵ်ႇသေၵႃႈၼႂ်းႁိူဝ်းသၢင်းၽေႃးလႄႈ လူင်းၵွႃႇဢေႃႈ။

၂၀ ၼုဝ်းဢႃႇ ၵေႃႈတႄႇႁဵတ်းယိၸ်ႉပလၢင်ႇပုၼ်ႈထႃႇဝရႃႉၽြႃးလႄႈ ဢဝ်ၵႃႈၼႂ်းတူဝ်ဢၼ်မူတ်းသႂ်လႂ်ၼူၵ်ႉဢၼ်မူတ်းသႂ်လႂ်ၵူႈမဵဝ်းပုၵ်ႉၸေႃႇယိၸ်ႉဢၼ်တုတ်ႇၽႆးၵႃႈၼိူဝ်ယိၸ်ႉပလၢင်ႇဢေႃႈ။

၂၁ ထႃႇဝရႃႉၽြႃးၵေႃႈ ၶၢမ်ႇဢဝ်ဢၢႆဢၼ်ႁွမ်ဢၼ်ႁူၺ်းသေလႄႈလၢတ်ႈၼႂ်းၸႂ်လႄႈဝႃႈ၊-ၵမ်းလိုၼ်းၵဝ်တၵ်းဢမ်ႇၵိၼ်ႇဝႃႈလိၼ်မိူင်းထႅင်ႈၵွပ်ႈပိူဝ်ႈၵူၼ်း။ လွင်ႈမၼ်းၸမ်း ၵူၼ်းတင်းလၢႆၸိုင်တၢင်းၵျၢမ်ႇတၢင်းပွင်ႁူဝ်ၸႂ်ၵူၼ်း ပဵၼ်ဢၼ်ႁၢႆႉမိူၵ်ႈၸႃႉၸဵမ်မိူဝ်ႈဢၼ်ယင်းလဵၵ်ႉၼၼ်ႉဢေႃႈ။ၸိူဝ်ႉၼင်ႇၵဝ်ယႃႉပႅတ်ႈယဝ်ႉပွၵ်ႈၼိုင်ႈၼၼ်ႉၵဝ်တၵ်းဢမ်ႇယႃႉပႅတ်ႈ ၵႃႈဢၼ်ဢသၢၵ်ႈလိပ်း ယူႇတင်းသဵင်ႈတင်းလူင်ၼၼ်ႉထႅင်ႈယဝ်ႉ။

၂၂ ၸူဝ်ႈဢၼ်လိၼ်မိူင်းယင်းမီးယူႇၼႆႉ ၶိင်ႇဢၼ် တၵ်းလႆႈဝၢၼ်ႇၸိူဝ်ႉဝၢၼ်ႇၽၼ်း၊ၶိင်ႇဢၼ်တၵ်းလႆႈသိမ်း မၢၵ်ႇသိမ်းႁူင်း၊ၶိင်ႇၵတ်းၶိင်ႇမႆႈ၊ၶိင်ႇႁိုဝ်ႉၶိင်ႇႁႅင်ႈ၊ ၵႃႈဝၼ်းၵႃႈၶိုၼ်းဢမ်ႇလႆႈထၢတ်ႇ၊ဝႃႈၼင်ႇၼႆဢေႃႈ။