Shan Missions

ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ

Chapter   ၁    ၂    ၃    ၄    ၅    ၆    ၇    ၈    ၉    ၁၀    ၁၁    ၁၂    ၁၃    ၁၄    ၁၅    ၁၆    ၁၇    ၁၈    ၁၉    ၂ ၀    ၂၁    ၂၂    ၂၃    ၂၄   

၆

ၸဝ်ႈယေႇသုပဵၼ်ၸဝ်ႈဝၼ်းၵမ်သိၼ်

၁ လိုၼ်းသေဝၼ်းၵမ်သိၼ်ပထမယဝ်ႉၼႂ်းဝၼ်းၵမ်သိၼ်တုတိယၼၼ်ႉမၼ်းၸဝ်ႈၽႃႇလတ်းၵႂႃႇၵႃႈၼႂ်းႁႆႊၶဝ်ႈၵျုင်ႇလႄႈတပႄးၸဝ်ႈတင်းလၢႆယၵ်းဢဝ်ၶဝ်ႈၵျုင်ႇသေယဝ်ႉဢဝ်တင်းမိုဝ်းၶိုတ်ႈပွတ်ႈၵိၼ်ဢေႃႈ။

၂ ၽႃႇရိသေးၵမ်ႈၽွင်ႈလၢတ်ႈလႄႈဝႃႈ၊-လွင်ႈဢၼ်ဢမ်ႇထုၵ်ႇလီႁဵတ်းၼႂ်းဝၼ်းၵမ်သိၼ်ၼၼ်ႉႁဵတ်းသင်လႄႈသူႁဵတ်းမိူဝ်ႈဢၼ်ဝႃႈၼင်ႇၼႆၸိုင်ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-

၃ လွင်ႈဢၼ်တႃႇဝိတ်ႉဢိၵ်ႇတင်းၶဝ်ၸိူဝ်းဢၼ်မီးလူၺ်ႈၵၼ်တင်းမၼ်းဢိုပ်းတၢင်းၵိၼ်ၼၼ်ႉ၊မၼ်းၶဝ်ႈၵႂႃႇၵႃႈၼႂ်းႁိူၼ်းၽြႃးပဵၼ်ၸဝ်ႈသေလႄႈ

၄ ၵိၼ်ၶဝ်ႈမုၼ်းဢၼ်ယိတ်ႉပရေႃးႁိၵ်ႈၶဝ်ၵူၺ်းထုၵ်ႇလီၵိၼ်ၼၼ်ႉၵူၺ်းဢမ်ႇၵႃးမၼ်းသမ်ႉယင်းပၼ်ၶဝ်ၸိူဝ်းဢၼ်မီးလူၺ်ႈၵၼ်တင်းမၼ်းတင်းလၢႆၵိၼ်ၼၼ်ႉသူဢမ်ႇယၢမ်ႈလႆႈၽတ်းႁိုဝ်။

၅ လိူဝ်သေၼၼ်ႉလုၵ်ႈၵူၼ်းပဵၼ်ၸဝ်ႈဝၼ်းၵမ်သိၼ်ဢေႃႈ၊ဝႃႈၼင်ႇၼႆဢေႃႈ။

၆ ၼႂ်းဝၼ်းၵမ်သိၼ်မိူဝ်ႈဢၼ်မၼ်းၸဝ်ႈၶဝ်ႈၵႂႃႇၵႃႈၼႂ်းၸရွပ်ႈႁေႃးတြႃးသေလႄႈသင်ႇသွၼ်သုင်းမႃႉပၼ်ယူႇၼၼ်ႉၼႂ်းတီႈၼၼ်ႉမီးၵူၼ်းဢၼ်မိုဝ်းၶွၼ်ၶႂႃႁဵဝ်ႇၼၼ်ႉၵေႃႉၼိုင်ႈဢေႃႈ။

၇ ၼႂ်းဝၼ်းၵမ်သိၼ်ၸွင်ႇမၼ်းၸဝ်ႈတၵ်းႁဵတ်းႁႂ်ႈတၢင်းၶႆႈတၢင်းပဵၼ်ႁၢႆႁိုဝ်တၵ်းဢမ်ႇႁဵတ်းႁႂ်ႈႁၢႆႁိုဝ်ဝႃႈၼႆၵူၼ်းထုတ်ႇၵျၢမ်းဢိၵ်ႇတင်းၽႃႇရိသေးၸိူဝ်းၼၼ်ႉၼင်ႇႁိုဝ်တၵ်းလႆႈမီးတီႈဢၼ်တၢင်ႇဢပျႅတ်ႈၵႃႈၼိူဝ်မၼ်းၸဝ်ႈၸိုင်ၶဝ်လွမ်တူၺ်းမၼ်းၸဝ်ႈယူႇဢေႃႈ။

၈ မၼ်းၸဝ်ႈႁူႉတၢင်းၵျၢမ်ႇတၢင်းပွင်ၶဝ်ၼၼ်ႉလႄႈလၢတ်ႈတီႈၵေႃႉဢၼ်မိုဝ်းႁဵဝ်ႇၶွၼ်ၼိုင်ႈၼၼ်ႉလႄႈဝႃႈ၊-လုၵ်ႉတႃႉ။ၸုၵ်းယူႇၼႂ်းၶိုင်ႈၵၢင်ၼႆႉတႃႉ၊ဝႃႈၼင်ႇၼႆဢေႃႈ။ၵႃႈၼင်ႇဢၼ်ဝႃႈၼၼ်ႉမၼ်းၵေႃႈလုၵ်ႉလႄႈၸုၵ်းယူႇဢေႃႈ။

၉ ၸဝ်ႈယေႇသုၵေႃႈထၢမ်ၶဝ်ၼၼ်ႉလႄႈဝႃႈ၊-ၵဝ်တၵ်းထၢမ်သူလူးၵွၼ်ႇဢေႃႈ။ၼႂ်းဝၼ်းၵမ်သိၼ်ထုၵ်ႇလီႁဵတ်းၸိူဝ်ႉၼင်ႇႁိုဝ်။ထုၵ်ႇလီႁဵတ်းၵျေးၸူးႁိုဝ်။ထုၵ်ႇလီယႃႉတၢင်းလီပိူၼ်ႈႁိုဝ်။ထုၵ်ႇလီၶျွတ်ႈဢဝ်ဢသၢၵ်ႈပိူၼ်ႈႁိုဝ်။ထုၵ်ႇလီဢဝ်ပိူၼ်ႈတၢႆႁိုဝ်၊ဝႃႈၼင်ႇၼႆသေယဝ်ႉ၊

၁၀ မၼ်းၸဝ်ႈလူတူၺ်းလဵပ်ႈႁွပ်ႈၶဝ်တင်းသဵင်ႈတင်းလူင်သေလႄႈလၢတ်ႈတီႈၵေႃႉၼၼ်ႉလႄႈဝႃႈ၊-ယဵတ်ႇမိုဝ်းမႂ်းတႃႉ၊ဝႃႈၼင်ႇၼႆဢေႃႈ။ၵေႃႉၼၼ်ႉၵေႃႈယဵတ်ႇမိုဝ်းမၼ်းလႄႈမိုဝ်းမၼ်းလီမႃးမိူၼ်ၸိူဝ်ႉၼင်ႇမိုဝ်းတၢင်ႇၶွၼ်ၼၼ်ႉဢေႃႈ။

၁၁ ၶဝ်ၼၼ်ႉတဵမ်ဝႆႉတင်းတေႃးသႃႉၸႂ်မႆႈၶႂ်ႈၸႃႉသေလႄႈတၵ်းလႆႈႁဵတ်းၸိူဝ်ႉၼင်ႇႁိုဝ်တီႈၸဝ်ႈယေႇသုၼၼ်ႉဝႃႈၼႆၶဝ်ၵေႃႉၼိုင်ႈလႄႈၵေႃႉၼိုင်ႈတွင်ႈထၢမ်လၢတ်ႈၸႃၵၼ်ဢေႃႈ။

တပႄးၸဝ်ႈသိပ်းသွင်ပႃး

၁၂ ၼႂ်းမိူဝ်ႈဝၼ်းၶိင်ႇၵႃႇလႃႉၼၼ်ႉၼင်ႇႁိုဝ်တၵ်းလႆႈႁဵတ်းသူးတွင်းပထၼႃႇၸိုင်မၼ်းၸဝ်ႈၶိုၼ်ႈၵႂႃႇၵႃႈၼိူဝ်လွႆပုၼ်ႉလႄႈႁဵတ်းသူးတွင်းပထၼႃႇတီႈၽြႃးပဵၼ်ၸဝ်ႈယူႇတင်းၶိုၼ်းဢေႃႈ။

၁၃ မိူဝ်ႈဢၼ်မိူင်းလႅင်းမႃးၸိုင်မၼ်းၸဝ်ႈႁွင်ႉဢဝ်တပႄးၸဝ်ႈတင်းလၢႆမႃးလႄႈလိူၵ်ႈၵဵပ်းဢဝ်တပႄးၸဝ်ႈသိပ်းသွင်ပႃးယဝ်ႉၸင်ႇႁႂ်ႈၶဝ်ပဵၼ်တမၢၼ်ႇၸဝ်ႈဢေႃႈ။

၁၄ ၸိုဝ်သဵင်ၶဝ်ၸိူဝ်းၼၼ်ႉၸမ်းပဵၼ်၊-သိမုၼ်ႇ၊ဢၼ်လႆႈၶၢမ်ႇႁွင်ႉႁိၵ်ႈၸိုဝ်ပတရေုတင်းၼွင်ႉၸၢႆးမၼ်းဢၼ်ႇတရေႇ၊ယႃႇၵုပ်ႉ၊

၁၅ ယုဝ်းႁၢၼ်ႇ၊ၽိလိပ်ႉပု၊ပႃႇထေႃးလမႄး၊မၢတ်ႈထႄႇ၊ထုဝ်းမ၊ယႃႇၵုပ်ႉလုၵ်ႈၸၢႆးဢႃႇလၽေႇ၊သိမုၼ်ႇဢၼ်လႆႈႁွင်ႉႁဵၵ်ႈၸိုဝ်ၸေႇလုတ်ႉ၊ယုတဢၼ်ပဵၼ်

၁၆ ၼွင်ႉၸၢႆးယႃႇၵုပ်ႉတင်းယုတဢိသၵႃႇရေႇဢုတ်ႉၵေႃႉဢၼ်ဢဝ်မၼ်းၸဝ်ႈဢၢပ်ႈၼႂ်းမိုဝ်းရၢၼ်ႇသူႇၼၼ်ႉဢေႃႈ။

တၢင်းလီမင်ႇၵလႃႇတင်းဢႃႉမင်ႇၵလႃႇ

၁၇ မၼ်းၸဝ်ႈဢိၵ်ႇတင်းၶဝ်လူင်းသေၵႃႈၼိူဝ်လွႆမႃးလႄႈၸုၵ်းယူႇၵႃႈတီႈလိၼ်ပဵင်းဢေႃႈ။မၼ်းၸဝ်ႈမီးတပႄးၼမ်ၼႃႇဢိၵ်ႇတင်းၶဝ်ၸိူဝ်းဢၼ်ဢၼ်လုၵ်ႉသေၵႃႈတီႈဝဵင်းယေႇရုသလႅမ်ႇမိူင်းယုတတင်းၵႃႈႁိမ်းၽင်ႇပၢင်ႇလၢႆဝဵင်းတုရုတင်းဝဵင်းၸိတုင်ႇၵူႈတီႈၵူႈလႅၼ်မႃးႁႂ်ႈလႆႈထွမ်ႇလႆႈငိၼ်းတြႃးလႄႈၶၢမ်ႇတၢင်းဢၼ်ႁဵတ်းႁႂ်ႈတၢင်းၶႆႈတၢင်းပဵၼ်ၶဝ်ႁၢႆၼၼ်ႉဢေႃႈ။

၁၈ ၶဝ်ၸိူဝ်းဢၼ်ၽီၵူဝ်ႈၵိူၵ်ႇၼိၵ်ႈၸၢၵ်ႈငႅၼ်းသေးၸိူဝ်းၼၼ်ႉၵေႃႈလႆႈၵတ်းယဵၼ်ၶျၢမ်းသႃႇဢေႃႈ။

၁၉ ပိူဝ်ႈဢၼ်တၼ်းၶူဝ်းဢွၵ်ႇၵႃႈၼႂ်းမၼ်းၸဝ်ႈႁႂ်ႈၵူၼ်းတင်းသဵင်ႈတင်းလူင်ၵတ်းယဵၼ်ၶျၢမ်းသႃႇလႄႈၵူၼ်းၸူႉၵူၼ်းတုမ်ၼမ်ၼႃႇၵျၢမ်ႇႁႃႁ်ႈလႆႈတိူဝ်ႉမၼ်းၸဝ်ႈဢေႃႈ။

၂၀ မိူဝ်ႈၼၼ်ႉမၼ်းၸဝ်ႈႁႅၼ်တူၺ်းတပႄးၸဝ်ႈၸိူဝ်းၼၼ်ႉလႄႈဝႃႈ၊-သူၸိူဝ်းဢၼ်ယၢၵ်ႈဢၼ်ၽၢၼ်ၼႆႉမီးမင်ႇၵလႃႇဢေႃႈ။လွင်ႈမၼ်းၸမ်းမိူင်းၽြႃးပဵၼ်ၸဝ်ႈပဵၼ်မိူင်းသူဢေႃႈ။

၂၁ သူၸိူဝ်းဢၼ်ဢိုပ်းယၢၵ်ႈတေႃႈလဵဝ်ၼႆႉမီးမင်ႇၵလႃႇဢေႃႈ။လွင်ႈမၼ်းၸမ်းသူတၵ်းႁွတ်ႈထိုင်တၢင်းဢၼ်လိူင်ႇၸႂ်ဢေႃႈ။သူၸိူဝ်းဢၼ်ႁွင်ႉႁႆႈတေႃႈလဵဝ်ၼႆႉမီးမင်ႇၵလႃႇဢေႃႈ။

၂၂ လွင်ႈမၼ်းၸမ်းသူတၵ်းလႆႈၶူဝ်ဢေႃႈ။ၵွပ်ႈပိူဝ်ႈလုၵ်ႈၵူၼ်းလႄႈမိူဝ်ႈဢၼ်ပိူၼ်ႈၸင်းသူမိူဝ်ႈဢၼ်ၶဝ်ၽၢတ်ႇၵၼ်တင်းသူလႄႈသေႉသွမ်းယႃႉသရေႇသူၼၼ်ႉသူမီးမင်ႇၵလႃႇဢေႃႈ။

၂၃ ၼႂ်းဝၼ်းမိူဝ်ႈၼၼ်ႉမီးတၢင်းဢၼ်သိူဝ်းပျေႃႇတႃႉ။မီးတင်းၸႂ်ဢၼ်သိူဝ်းၸူမ်းလႄႈၵျွၵ်းဝႅၼ်တႃႉ။လွင်ႈမၼ်းၸမ်းဢၵျူဝ်းသူယႂ်ႇၼႃႇၵႃႈၼႂ်းမိူင်းၵၢင်ႁၢဝ်ပုၼ်ႉဢေႃႈ။ပူႇပေႃႈၶဝ်ႁဵတ်းတီႈပရေႃးၽႅတ်ႈတင်းလၢႆၸိူဝ်ႉၼင်ႇၼႆယဝ်ႉ။

၂၄ သူၸိူဝ်းဢၼ်မၢၵ်ႈမီးၼႆႉမီးဢႃႉမင်ႇၵလႃႇဢေႃႈ။လွင်ႈမၼ်းၸမ်းသူယင်းပေႃးလႆႈသၢၵ်ႈသႃႇသူယဝ်ႉ။သူၸိူဝ်းဢၼ်ၵိၼ်ဢိမ်ႇၵိၼ်တဵမ်ၼႆႉမီးဢႃႉမင်ႇၵလႃႇဢေႃႈ။

၂၅ လွင်ႈမၼ်းၸမ်းသူတၵ်းႁွတ်ႈထိုင်တၢင်းဢၼ်ဢိုပ်းယၢၵ်ႈဢေႃႈ။သူၸိူဝ်းဢၼ်ၶူဝ်တေႃႈလဵဝ်ၼႆႉမီးဢႃႉမင်ႇၵလႃႇဢေႃႈ။လွင်ႈမၼ်းၸမ်းသူတၵ်းၶင်းၶီၶင်းၽၢၼ်လႄႈႁွင်ႉႁႆႈဢေႃႈ။

၂၆ မိူဝ်ႈဢၼ်ၵူၼ်းတင်းလၢႆယွင်ႈသူၼၼ်ႉသူမီးဢႃႉမင်ႇၵလႃႇဢေႃႈ။လွင်ႈမၼ်းၸမ်းပူႇပေႃႈၶဝ်ႁဵတ်းၸိူဝ်ႉၼင်ႇၼၼ်တီႈမိၵ်ႉသႃႇပရေႃးၽႅတ်ႈတင်းလၢႆယဝ်ႉ။

တေလႆႈႁၵ်ႉရၢၼ်ႇသူႇ

၂၇ ၵဝ်ဝႃႈတီႈသူၸိူဝ်းဢၼ်ငိၼ်းၵႂၢမ်းၵဝ်ၼႆႉၸမ်းႁၵ်ႉရၢၼ်ႇသူႇသူတႃႉ။ႁဵတ်းၵျေးၸူးတီႈၶဝ်ၸိူဝ်းဢၼ်ၸင်းသူၼၼ်ႉတႃႉ။

၂၈ ႁဵတ်းမႅတ်ႈတႃႇတီႈၶဝ်ၸိူဝ်းဢၼ်ၵိၼ်ႇသူလႃႇသူၼၼ်ႉတႃႉ။သူးတွင်းပုၼ်ႈၶဝ်ၸိူဝ်းဢၼ်ယႃႉယူၵ်ႉသူၼၼ်ႉတႃႉ။

၂၉ တီႈၵေႃႉဢၼ်တူပ်းၵႅမ်ႈမႂ်းၽၢၵ်ႇၼိုင်ႈၼၼ်ႉဝၢႆႇပၼ်ၵႅမ်ႈမႂ်းၽၢၵ်ႇၼိုင်ႈထႅင်ႈလူးၵွၼ်ႇတႃႉ။တီႈၵေႃႉဢၼ်ႁိမ်ဢဝ်ၽႃႈမႆႊမႂ်းၼၼ်ႉၵေႃႈပေႃးမၼ်းဢဝ်သိူဝ်ႈမႂ်းထႅင်ႈၸိုင်ယႃႇပေႁၢမ်ႈတၢပ်ႈႁႄႉၶႅၼ်မၼ်း။

၃၀ ၽူႈလႂ်သေဢမ်ႇဝႃႈၵေႃႉဢၼ်ယွၼ်းတီႈမႂ်းၼၼ်ႉပၼ်တႃႉ။တီႈၶဝ်ၸိူဝ်းဢၼ်ႁိမ်ဢဝ်ၶူဝ်းလဵင်းမႂ်းၼၼ်ႉယႃႇပေၶိုၼ်းယွၼ်းဢဝ်။

၃၁ ၵႃႈၼင်ႇဢၼ်သူၶႂ်ႈႁႂ်ႈပိူၼ်ႈတၢင်ႇၵေႃႉႁဵတ်းတီႈသူၼၼ်ႉသူႁဵတ်းတီႈပိူၼ်ႈတၢင်ႇၵေႃႉတႃႉ။

၃၂ ပေႃးသူႁၵ်ႉၶဝ်ၸိူဝ်းဢၼ်ႁၵ်ႉသူၼၼ်ႉၵူၺ်းၸိုင်တၵ်းမီးလွင်ႈဢၢမ်းၵႃႈသင်။ၶဝ်ၸိူဝ်းဢၼ်ႁၢႆႉႁုၵ်ႉၼၼ်ႉယင်းမေႃႁၵ်ႉၶဝ်ၸိူဝ်းဢၼ်ႁၵ်ႉၶဝ်ၼၼ်ႉယူႇဢမ်ႇၸႂ်ႈႁိုဝ်။

၃၃ ပေႃးသူႁဵတ်းၵျေးၸူးတီႈၶဝ်ၸိူဝ်းဢၼ်ႁဵတ်းၵျေးၸူးတီႈသူၼၼ်ႉၵူၺ်းၸိုင်တၵ်းမီးၵျေးၸူးၵႃႈသင်။ၶဝ်ၸိူဝ်းဢၼ်ႁၢႆႉဢၼ်ႁုၵ်ႉၼၼ်ႉၸၢင်ႊႁဵတ်းၸိူဝ်ႉၼင်ႇၼၼ်ယူႇဢမ်ႇၸႂ်ႈႁိုဝ်။

၃၄ ပေႃးသူမုင်ႈမွင်းၶဝ်တၵ်းတႅၼ်းၶိုၼ်းယူႇလႄႈပၼ်ၵူႈပၼ်ယိမ်တီႈပိူၼ်ႈတၢင်ႇၵေႃႉၸိုင်တၵ်းမီးၵျေးၸူးၵႃႈသင်။ၶဝ်ၸိူဝ်းဢၼ်ႁၢႆႉဢၼ်ႁုၵ်ႉၼၼ်ႉၸၢင်ႊပၼ်ၵူႈပၼ်ယိမ်တီႈၶဝ်ၸိူဝ်းဢၼ်ႁၢႆႉဢၼ်ႁူၵ်ႉၼင်ႇၵၼ်လႄႈႁႂ်ႈလႆႈၶၢမ်ႇၵျေးၸူးဢၼ်တႅၼ်းၶိုၼ်းၼၼ်ႉယူႇဢေႃႈ။သူၸမ်းႁၵ်ႉရၢၼ်ႇသူႇသူတႃႉ။

၃၅ ယင်းဢမ်ႇမုင်မွင်းသေၸိူဝ်ႉသေပိူင်လႄႈပၼ်ၵူႈပၼ်ယိမ်တႃႉ။ပေႃးႁဵတ်းၸိူဝ်ႉၼင်ႇၼႆၸိုင်သူးလၢပ်ႈသူတၵ်းယႂ်ႇဢေႃႈ။သူတၵ်းပဵၼ်လုၵ်ႈၽြႃးပဵၼ်ၸဝ်ႈဢၼ်သုင်ၼႃႇသေပိူၼ်ႈၼၼ်ႉဢေႃႈ။လွင်ႈမၼ်းၸမ်းမၼ်းၸဝ်ႈႁဵတ်းၵျေးၸူးတီႈၶဝ်ၸိူဝ်းဢၼ်ဢမ်ႇႁူႉၵျေးၸူးဢိၵ်ႇတင်းတီႈၶဝ်ၸိူဝ်းဢၼ်မီးသၽေႃးဢၼ်ႁၢႆႉဢၼ်ႁူၵ်ႉတင်းလၢႆၼၼ်ႉယူႇဢေႃႈ။

၃၆ ပိူဝ်ႈၼႆလႄႈၸိူဝ်ႉၼင်ႇဢၼ်ပေႃႈသူမီးၸႂ်ဢၼ်ဢိတ်းလူၼၼ်ႉသူၵေႃႈမီးၸႂ်ဢၼ်ဢိတ်းလူတႃႉ။

တၢင်းဢၼ်ၸီႇယၢင်ႇပိူၼ်ႈ

၃၇ ယႃႇပေၸီႇယၢင်ႇပိူၼ်ႈ။သူတၵ်းၵၢင်းလွတ်ႈတင်းတၢင်းဢၼ်ၸီႇယၢင်ႇယူႇဢေႃႈ။ယႃႇပေၸီႇယၢင်ႇဢပျႅတ်ႈတီႈပိူၼ်ႈ။သူတၵ်းၵၢင်းလွတ်ႈတင်းတၢင်းဢၼ်ၸီႇယၢင်ႇဢပျႅတ်ႈယူႇဢေႃႈ။ပွႆႇလွတ်ႈဢပျႅတ်ႈပိူၼ်ႈတႃႉ။ပေႃးသူပွႆႇလွတ်ႈဢပျႅတ်ႈပိူၼ်ႈၸိုင်ဢပျႅတ်ႈသူၼၼ်ႉၵေႃႈတၵ်းလႆႈၶၢမ်ႇတၢင်းဢၼ်ပွႆႇလွတ်ႈဢေႃႈ။ပၼ်တီႈပိူၼ်ႈတၢင်ႇၵေႃႉတႃႉ။

၃၈ ပေႃးသူပၼ်ၸိုင်ပိူၼ်ႈတၢင်ႇၵေႃႉၵေႃႈတၵ်းပၼ်တီႈသူဢေႃႈ။တၢင်းဢၼ်တူင်ပဵင်းတဵမ်တဵမ်ၵူၺ်းဢမ်ႇၵႃးတၢင်းဢၼ်သတ်ႉၼဵၵ်းယူႇသၼ်ႇၶွၼ်းယူႇလူၼ်ႉလိူဝ်ယူႇၼၼ်ႉၸိုင်ၶဝ်တၵ်းပၼ်ၵႃႈၼႂ်းႁူဝ်ဢူၵ်းသူဢေႃႈ။သူပၼ်တီႈပိူၼ်ႈဢၼ်တူင်ဢၼ်တဵၵ်းၵႃႈႁိုဝ်သေဢမ်ႇဝႃႈသူတၵ်းလႆႈၶၢမ်ႇၵႃႈၼင်ႇဢၼ်တူင်ဢၼ်တဵၵ်းၼၼ်ႉဢေႃႈ။

၃၉ ဢူႉပမႃႇၸမ်းၵူၼ်းတႃမွတ်ႇတၵ်းၼႄတၢင်းပၼ်တီႈၵူၼ်းတႃမွတ်ႇလႆႈႁိုဝ်။တင်းသွင်ၵေႃႉတၵ်းတူၵ်းၵႃႈၼႂ်းလုၵ်းၼႂ်းၶူင်ႈဢမ်ႇၸႂ်ႈႁိုဝ်။

၄၀ တပႄးဢမ်ႇပူၼ်ႉလိူဝ်သသြေႃႇ။တပႄးဢၼ်သွၼ်ဢဝ်မူတ်းမူတ်းသဵင်ႈသဵင်ႈယဝ်ႉၵူႈၵေႃႉၵူႈၵူၼ်းတၵ်းပဵၼ်ၸိူဝ်ႉၼင်ႇသြႃႇမၼ်းဢေႃႈ။

၄၁ မႂ်းယင်းဢမ်ႇၶုၵ်းၸႂ်လႆႈသဵၼ်ႈဢၼ်မီးယူႇၼႂ်းမၢၵ်ႇတႃမႂ်းၼၼ်ႉလႄႈႁဵတ်းသင်သမ်ႉတူၺ်းမုၼ်ႈဢၼ်မီးယူႇၼႂ်းမၢၵ်ႇတႃပီႈၼွင်ႉမႂ်းၼၼ်ႉ။

၄၂ ယင်းဢမ်ႇႁၼ်သဵၼ်ႈဢၼ်မီးယူႇၼႂ်းမၢၵ်ႇတႃမႂ်းၼၼ်ႉလႄႈသမ်ႉတၵ်းလၢတ်ႈတီႈပီႈၼွင်ႉမႂ်းလႄႈဝႃႈ၊-ပီႈၼွင်ႉဢိူၺ်း၊ႁႂ်ႈၵဝ်လႆႈဢဝ်မုၼ်ႈဢၼ်မီးယူႇၼႂ်းမၢၵ်ႇတႃမႂ်းၼၼ်ႉဢွၵ်ႇပႅတ်ႈသေၵမ်းဝႃႈၸိူဝ်ႉၼႆ။ၵူၼ်းဢၼ်ၸၢင်ႊထိမ်ႇၸၢင်ႊမႅပ်းၼႆႉဢိူၺ်း။ဢဝ်သဵၼ်ႈဢၼ်မီးယူႇၵႃႈၼႂ်းမၢၵ်ႇတႃမႂ်းၼၼ်ႉဢွၵ်ႇပႅတ်ႈဢွၼ်တၢင်းတႃႉ။လိုၼ်းၼၼ်ႉၸင်ႇၼင်ႇႁိုဝ်တၵ်းလႆႈဢဝ်မုၼ်ႈဢၼ်မီးၼႂ်းမၢၵ်ႇတႃပီႈၼွင်ႉမႂ်းၼၼ်ႉဢွၵ်ႇၸိုင်မႂ်းၸင်ႇတေႁၼ်လီလီဢေႃႈ။

တူၼ်ႈတင်းမၢၵ်ႇ

၄၃ တူၼ်ႈဢၼ်လီဢၼ်ၸၢင်ႊမၢၵ်ႇမၢၵ်ႇဢၼ်ဢမ်ႇလီၼၼ်ႉဢမ်ႇမီးသေတူၼ်ႈ။တူၼ်ႈဢၼ်ဢမ်ႇလီဢၼ်ၸၢင်ႊမၢၵ်ႇမၢၵ်ႇဢၼ်လီၼၼ််ႉဢမ်ႇမီးသေတူၼ်ႈ။

၄၄ တူၺ်းမၢၵ်ႇမၼ်းလႄႈႁူႉတူၼ်ႈမၼ်းယူႇဢေႃႈ။ဢမ်ႇၸၢင်ႊပိတ်းဢဝ်မၢၵ်ႇလိူဝ်ႇသၢင်းၽေႃးၵႃႈတီႈတူၼ်ႈၼၢမ်။ဢမ်ႇၸၢင်ႊပိတ်းဢဝ်မၢၵ်ႇၸပိတ်ႉၵႃႈတီႈတူၼ်ႈၼၢမ်လိၼ်။

၄၅ ၵေႃႉဢၼ်လီၼၼ်ႉၸၢင်ႊဢဝ်လွင်ႈတၢင်းဢၼ်လီၵႃႈၼႂ်းတိူၵ်ႈၽၼ်ႇတႃႇႁူဝ်ၸႂ်ဢၼ်လီမၼ်းၼၼ်ႉဢွၵ်ႇလႄႈၼႄပျႃႉဢေႃႈ။ၵေႃႉဢၼ်ႁၢႆႉၼၼ်ႉၸၢင်ႊဢဝ်လွင်ႈဢၼ်ႁၢႆႉၵႃႈၼႂ်းတိူၵ်ႈၽၼ်ႇတႃႇႁူဝ်ၸႂ်ဢၼ်ႁၢႆႉမၼ်းၼၼ်ႉဢွၵ်ႇလႄႈၼႄပျႃႉဢေႃႈ။လွင်ႈမၼ်းၸမ်းသူပ်းၸၢင်ႊမွၵ်ႇလၢတ်ႈၸွမ်းၵႃႈၼင်ႇဢၼ်မီးတဵမ်ဝႆႉၵႃႈၼႂ်းႁူဝ်ၸႂ်ၼၼ်ႉဢေႃႈ။

ႁိူၼ်းၼိူဝ်မၢၵ်ႇႁိၼ်တင်းႁိူၼ်းၼိူဝ်သၢႆး

၄၆ သူယင်းဢမ်ႇထွမ်ႇဢဝ်ၵႂၢမ်းၵဝ်လႄႈႁဵတ်းႁိုဝ်လႄႈႁွင်ႉၵဝ်ဝႃႈၸဝ်ႈႁဝ်းၸဝ်ႈႁဝ်း၊ဝႃႈၼင်ႇၼႆ။

၄၇ ၵေႃႉဢၼ်မႃးၵႃႈတီႈၵဝ်လႄႈငိၼ်းၵႂၢမ်းၵဝ်သေယဝ်ႉထွမ်ႇဢဝ်ၼၼ်ႉမိူၼ်ၵူၼ်းၸိူဝ်ႉၼင်ႇႁိုဝ်ဝႃႈၼႆၸမ်း၊မိူၼ်ၸိူဝ်ႉၼင်ႇၵူၼ်းၵေႃႉၼိုင်ႈဢၼ်တႄႇႁဵတ်းႁိူၼ်းတိူၵ်ႈၼၼ်ႉၶုတ်ႉလိုၵ်ႉလိုၵ်ႉလႄႈၶျႃးဝႆႉငဝ်ႈႁၢၵ်ႈတိူၵ်ႈၵႃႈၼိူဝ်မၢၵ်ႇႁိၼ်ၼၼ်ႉဢေႃႈ။

၄၈ မိူဝ်ႈဢၼ်ၼမ်ႉလွင်းမႃးလႄႈထူဝ်းႁိူၼ်းတိူၵ်ႈၼၼ်ႉၵွပ်ႈပိူဝ်ႈႁဵတ်းဝႆႉၵႃႈၼိူဝ်မၢၵ်ႇႁိၼ်လႄႈဢမ်ႇတူင်ႉဢမ်ႇၶွၼ်း။

၄၉ ၵေႃႉဢၼ်လႆႈငိၼ်းၵႂၢမ်းၵဝ်လႄႈဢမ်ႇထွမ်ႇဢမ်ႇဢဝ်ၼၼ်ႉၸမ်းမိူၼ်ၸိူဝ်ႉၼင်ႇၵေႃႉဢၼ်ႁဵတ်းႁိူၼ်းတိူၵ်ႈၵႃႈၼိူဝ်သၢႆးၼၼ်ႉလႄႈဢမ်ႇမီးငဝ်ႈႁၢၵ်ႈမၼ်းၼၼ်ႉဢေႃႈ။မိူဝ်ႈဢၼ်ၼမ်ႉလွင်းမႃးလႄႈထူဝ်းႁိူၼ်းတိူၵ်ႈၼၼ်ႉလူမ်ႉပင်းၵႂႃႇၵမ်းလဵဝ်ဢေႃႈ။တၢင်းဢၼ်လူမ်ႉဢၼ်ပင်းႁိူၼ်းၼၼ်ႉယႂ်ႇၼႃႇဢေႃႈ၊ဝႃႈၼႆမၼ်းၸဝ်ႈႁေႃးလၢတ်ႈဢေႃႈ။