ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁
၄
ၸဝ်ႈယေႇသုလၢတ်ႈတေႃႇမေႈယိင်းသမႃႇရိ
၁ မိူဝ်ႈဢၼ်ၽႃႇရိသေးတင်းလၢႆလႆႈငိၼ်းလွင်ႈဢၼ်ဝႃႈပဵၵ်ႉသမ်ႉၸဝ်ႈယေႇသုတူဝ်မၼ်းၸဝ်ႈဢမ်ႇပၼ်ပပ်ႉတိၸၢမ်ႇသေၵေႃႈယႃႇ
၂ တပႄးမၼ်းၸဝ်ႈတင်းလၢႆပၼ်ပပ်ႉတိၸၢမ်ႇလႄႈၵူၼ်းဢၼ်ၶဝ်ႈပဵၼ်တပႄးမၼ်းၸဝ်ႈ
၃ ယဵင်ႈၶႅၼ်းၼမ်ၼႃႇသေတပႄးယုဝ်းႁၢၼ်ႇၼၼ်ႉၸိုင်မၼ်းၸဝ်ႈဢွၵ်ႇသေၵႃႈၼႂ်းမိူင်းယုတလႄႈ
၄ လတ်းၵႂႃႇၵႃႈၼႂ်းၶိုင်ႈၵၢင်မိူင်းသမႃႇရိၵႂႃႇၵႃႈတီႈမိူင်းၵႃႇလိလႄးဢေႃႈ။
၅ မၼ်းၸဝ်ႈႁွတ်ႈထိုင်ၵႂႃႇၵႃႈတီႈဝဵင်းဢၼ်လႆႈၸိုဝ်သုၶႃႇၼႂ်းၼႄႇသမႃႇရိဢၼ်ၸမ်တီႈလိၼ်ၵႂၢၵ်ႉၼိုင်ႈဢၼ်ယႃႇၵုပ်ႉပၼ်တီႈလုၵ်ႈၸၢႆးမၼ်းယုဝ်းသႅပ်ႉၼၼ်ႉဢေႃႈ။
၆ ၵႃႈတီႈၼၼ်ႉမီးၼမ်ႉမေႃႇယႃႇၵုပ်ႉဢေႃႈ။ပိူဝ်ႈဢၼ်ၵႂႃႇတၢင်းႁိူဝ်ႉၼႃႇလႄႈၸဝ်ႈယေႇသုၼင်ႈယူႇၵႃႈတီႈႁိမ်းၼမ်ႉမေႃႇၼၼ်ႉဢေႃႈ။
၇ ၶိင်ႇၼၼ်ႉပဵၼ်ၶိင်ႇတၢမ်းၶမ်ႈႁူၵ်းၼႃႇရီႇဢေႃႈ။မေႈယိင်းသမႃႇရိၵေႃႉၼိုင်ႈမႃးႁႂ်ႈလႆႈတဵၵ်းၼမ်ႉဢေႃႈ။ၸဝ်ႈယေႇသုၵေႃႈလၢတ်ႈတီႈမေႈယိင်းၼၼ်ႉလႄႈဝႃႈ၊-ပၼ်ၼမ်ႉၵဝ်ၵိၼ်သေၵမ်း၊ဝႃႈၼင်ႇၼႆဢေႃႈ။
၈ ၶိင်ႇၼၼ်ႉၸမ်းတပႄးၸဝ်ႈတင်းလၢႆယင်းတိုၵ်ႉၵႂႃႇၵႃႈၼႂ်းဝဵင်းႁႂ်ႈလႆႈသိုဝ်ႉဢဝ်တၢင်းၵိၼ်တၢင်းၶူပ်းယူႇဢေႃႈ။
၉ မေႈယိင်းသမႃႇရိၼၼ်ႉၵေႃႈလၢတ်ႈလႄႈဝႃႈ၊-သူၸဝ်ႈပဵၼ်ၵူၼ်းယုတၶႃႈဢေႃႈ။ႁဵတ်းႁိုဝ်လႄႈသမ်ႉယွၼ်းၼမ်ႉၵိၼ်တီႈၵဝ်ၶႃႈၵေႃႉဢၼ်ပဵၼ်မေႈယိင်းသမႃႇရိၼႆႉၶႃႈဝႃႈၼင်ႇၼႆဢေႃႈ။လွင်ႈမၼ်းၸမ်းၶဝ်ဢမ်ႇမီးထုင်းၸၢမ်ႇလွင်ႈဢၼ်ၵူၼ်းယုတတၵ်းလႆႈႁဵတ်းၵေႃႉႁဵတ်းသေႈလူၺ်ႈၵၼ်တင်းၵူၼ်းသမႃႇရိၶဝ်ၼၼ်ႉ။
၁၀ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ပေႃးမႂ်းႁူႉၵျေးၸူးၽြႃးပဵၼ်ၸဝ်ႈဢိၵ်ႇတင်းၵေႃႉဢၼ်ယွၼ်းၼမ်ႉၵိၼ်တီႈမႂ်းၼႆႉပဵၼ်ၽူႈလႂ်ဢၼ်ဝႃႈၼၼ်ႉမႂ်းယင်းတၵ်းယွၼ်းၼမ်ႉၵိၼ်ၵႃႈတီႈမၼ်းယူႇဢေႃႈ။မၼ်းၵေႃႈတၵ်းပၼ်ၼမ်ႉဢသၢၵ်ႈတီႈမႂ်းဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်မေႈယိင်းၵေႃႉၼၼ်ႉၵေႃႈလၢတ်ႈလႄႈဝႃႈ၊-
၁၁ ၸဝ်ႈႁဝ်းယင်းဢမ်ႇမီးၵႃႈသင်ပုၼ်ႈဢၼ်တၵ်းလႆႈတဵၵ်းၼမ်ႉ။ၼမ်ႉမေႃႇၼႆႉပဵၼ်ဢၼ်လိုၵ်ႉၼႃႇၶႃႈဢေႃႈ။တၵ်းလႆႈၼမ်ႉဢသၢၵ်ႈၵႃႈတီႈလႂ်မႃးၶႃႈ။
၁၂ ၸဝ်ႈႁဝ်းၼႆႉယဵင်ႈၶႅၼ်းယႂ်ႇမျၢတ်ႈၼႃႇသေပေႃႈႁဝ်းယႃႇၵုပ်ႉဢၼ်ပၼ်ၼမ်ႉမေႃႇၼႆႉတီႈႁဝ်းၶႃႈႁႂ်ႈၸႃႉၸဵမ်ႈတူဝ်မၼ်းဢိၵ်ႇတင်းလုၵ်ႈလၢင်းမၼ်းတင်းတရိၵ်ႉသၢၼ်ႇမၼ်းတင်းလၢႆႁႂ်ႈလႆႈၵိၼ်ၼၼ်ႉၶႃႈႁိုဝ်၊ဝႃႈၼင်ႇၼႆဢေႃႈ။
၁၃ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ၵေႃႉဢၼ်ၵိၼ်ၼမ်ႉၼႆႉၵမ်းလိုၼ်းတၵ်းၶိုၼ်းယၢၵ်ႇၼမ်ႉထႅင်ႈယူႇဢေႃႈ။
၁၄ ၵေႃႉဢၼ်ၵိၼ်ၼမ်ႉဢၼ်ၵဝ်ပၼ်ၼၼ်ႉၸမ်းတၵ်းၵၢင်းလွတ်ႈတင်းတၢင်းဢၼ်ယၢၵ်ႇၼမ်ႉၵူႈၶိင်ႇၵူႈၶႃႇဢေႃႈ။ၼမ်ႉဢၼ်ၵဝ်ပၼ်ၼၼ်ႉတၵ်းပဵၼ်ၼမ်ႉမေႃႇဢၼ်ၸိုမ်းဢွၵ်ႇယူႇၵႃႈၼႂ်းၵေႃႉၼၼ်ႉပုၼ်ႈလွင်ႈၼင်ႇႁိုဝ်တၵ်းပဵၼ်ထႃႇဝရႃႉဢသၢၵ်ႈဢေႃႈ၊ဝႃႈၼင်ႇၼႆဢေႃႈ။
၁၅ မေႈယိင်းၼၼ်ႉၵေႃႈယွၼ်းလႄႈဝႃႈ၊-ၸဝ်ႈ၊ၼင်ႇႁိုဝ်ၵဝ်ၶႃႈတၵ်းၵၢင်းလွတ်ႈတင်းတၢင်းဢၼ်ယၢၵ်ႇၼမ်ႉလႄႈတၵ်းဢမ်ႇလုဝ်ႇမႃးတဵၵ်းၼမ်ႉၵႃႈတီႈၼႆႉထႅင်ႈၸိုင်ၶႅၼ်းတေႃႈပၼ်ၼမ်ႉၼၼ်ႉတီႈၵဝ်ၶႃႈသေၵမ်းၶႃႈ၊မိူဝ်ႈဢၼ်ဝႃႈၼင်ႇၼၼ်ၸိုင်၊ၸဝ်ႈယေႇသုၵေႃႈလၢတ်ႈလႄႈဝႃႈ၊-
၁၆ မႂ်းၵႂႃႇလႄႈႁွင်ႉဢဝ်ၽူဝ်မႂ်းမႃးၵႃႈတီႈလူးၵွၼ်ႇတႃႉ၊ဝႃႈၼင်ႇၼႆဢေႃႈ။
၁၇ မေႈယိင်းၼၼ်ႉၵေႃႈၶိုၼ်းလၢတ်ႈလႄႈဝႃႈ၊-ၵဝ်ၶႃႈဢမ်ႇမီးၽူဝ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်၊ၸဝ်ႈယေႇသုၵေႃႈလၢတ်ႈလႄႈဝႃႈ၊-ၵႂၢမ်းဢၼ်မႂ်းဝႃႈ၊မႂ်းဢမ်ႇမီးၽူဝ်ဢၼ်ဝႃႈၼၼ်ႉမႅၼ်ႈတႄႉတႄႉယဝ်ႉ။
၁၈ လွင်ႈမၼ်းၸမ်းမႂ်းလႆႈမီးၽူဝ်မႃးႁႃႈၵေႃႉယဝ်ႉ။ၵေႃႉဢၼ်ယူႇလူၺ်ႈၵၼ်တင်းမႂ်းတေႃႈလဵဝ်ၼႆႉၵေႃႈပဵၼ်ၽူဝ်မႂ်းဢမ်ႇၸႂ်ႈ။ၼႂ်းတီႈႁႅင်းၼႆႉမႂ်းလၢတ်ႈၵႂၢမ်းဢၼ်မၢၼ်ႇဢၼ်မႅၼ်ႈယဝ်ႉ၊ဝႃႈၼင်ႇၼႆဢေႃႈ။
၁၉ မေႈယိင်းၼၼ်ႉၵေႃႈလဝ်ႈလၢတ်ႈလႄႈဝႃႈ၊-ၸဝ်ႈ၊လွင်ႈဢၼ်ဝႃႈၸဝ်ႈႁဝ်းပဵၼ်ပရေႃးၽႅတ်ႈဢၼ်ဝႃႈၼၼ်ႉၵဝ်ၶႃႈႁူႉၶႃႈယဝ်ႉ။
၂၀ ပူႇမွၼ်ႇႁဝ်းၶႃႈတင်းလၢႆယၢမ်ႈလႆႈၵူဝ်းၵႂၢႆႇၽြႃးပဵၼ်ၸဝ်ႈၵႃႈၼိူဝ်လွႆၼႆႉယူႇၶႃႈဢေႃႈ။သူၸဝ်ႈၸၢင်ႊဝႃႈတၵ်းလႆႈၵူဝ်းၵႂၢႆႇၵႃႈၼႂ်းဝဵင်းယေႇရုသလႅမ်ႇပုၼ်ႉၵူၺ်း၊ဝႃႈၼင်ႇၼႆယူႇၶႃႈ။
၂၁ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-မေႈယိင်းဢိူၺ်း၊ယုမ်ႇၵႂၢမ်းၵဝ်တႃႉ။ၶိင်ႇၵႃႇလႃႉဢၼ်ဢမ်ႇၸႂ်ႈဝႃႈသူတၵ်းလႆႈၵူဝ်းၵႂၢႆႇပေႃႈၸဝ်ႈၵႃႈတီႈၼိူဝ်လွႆၼႆႉၵူၺ်းၵႃႈတီႈၼႂ်းဝဵင်းယေႇရုသလႅမ်ႇပုၼ်ႉၵူၺ်းဢၼ်ဝႃႈၼၼ်ႉယင်းတိုၵ်ႉႁွတ်ႈမႃးယူႇဢေႃႈ။
၂၂ သူၵူဝ်းၵႂၢႆႇလွင်ႈတၢင်းဢၼ်တူဝ်ၸဝ်ႈၵဝ်ႇဢမ်ႇႁူႉၼၼ်ႉဢေႃႈ။ႁဝ်းၵူဝ်းၵႂၢႆႇလွင်ႈတၢင်းဢၼ်တူဝ်ၸဝ်ႈၵဝ်ႇႁူႉၼၼ်ႉဢေႃႈ။လွင်ႈမၼ်းၸမ်းလွင်ႈတၢင်းဢၼ်ၵႄႇၶျွတ်ႈဢဝ်ၼၼ်ႉမီးၵႃႈတီႈၵူၼ်းယုတတင်းလၢႆဢေႃႈ။
၂၃ ၶိင်ႇၵႃႇလႃႉဢၼ်ၶဝ်ၸိူဝ်းဢၼ်ၵူဝ်းၵႂၢႆႇၸိုဝ်ႈၸိုဝ်ႈၸႂ်ႈၸႂ်ႈတင်းလၢႆတၵ်းလႆႈပႃးဢဝ်တင်းဝိၺိၺ်ႇတင်းသႅတ်ႈၸႃႇတြႃးလႄႈၵူဝ်းၵႂၢႆႇပေႃႈၸဝ်ႈၼၼ်ႉႁွတ်ႈမႃးယူႇလႄႈတေႃႈလဵဝ်ၼႆႉၵေႃႈႁွတ်ႈၽႅဝ်ဝႆႉယဝ်ႉဢေႃႈ။လွင်ႈမၼ်းၸမ်းပေႃႈၸဝ်ႈႁႃၶဝ်ၸိူဝ်းဢၼ်ၵူဝ်းၵႂၢႆႇၸိူဝ်ႉၼင်ႇၼၼ်ၼၼ်ႉဢေႃႈ။
၂၄ ၽြႃးပဵၼ်ၸဝ်ႈပဵၼ်ဝိၺိၺ်ႇဢေႃႈ။ၶဝ်ၸိူဝ်းဢၼ်ၵူဝ်းၵႂၢႆႇၽြႃးပဵၼ်ၸဝ်ႈၼၼ်ႉတၵ်းလႆႈပႃးဢဝ်တင်းဝိၺိၺ်ႇတင်းသႅတ်ႈၸႃႇတြႃးလႄႈၵူဝ်းၵႂၢႆႇမၼ်းၸဝ်ႈဢေႃႈ၊ဝႃႈၼင်ႇၼႆဢေႃႈ။
၂၅ မေႈယိင်းၼၼ်ႉၵေႃႈၶိုၼ်းလၢတ်ႈလႄႈဝႃႈ၊-ၸဝ်ႈမေႇသိယတၵ်းၵျွႃးမႃးဢေႃႈ၊ဝႃႈၼႆၵဝ်ၶႃႈႁူႉယူႇၶႃႈဢေႃႈ။မိူဝ်ႈဢၼ်မၼ်းၸဝ်ႈႁွတ်ႈထိုင်မႃးၼၼ်ႉၸိုင်မၼ်းၸဝ်ႈတၵ်းၽုၺ်ႇဢွၵ်ႇၼႄပျႃးတင်းသဵင်ႈတင်းလူင်တီႈႁဝ်းၶႃႈၶႃႈဢေႃႈ၊ဝႃႈၼင်ႇၼႆဢေႃႈ။
၂၆ မေႇသိယၸမ်းၶႂ်ႈဝႃႈၸဝ်ႈၶရိၸ်ႉဢေႃႈ။ၸဝ်ႈယေႇသုၵေႃႈလၢတ်ႈလႄႈဝႃႈ၊-ၵဝ်၊ဢၼ်လၢတ်ႈၵႂၢမ်းတေႃႇမႂ်းယူႇၼႆႉပဵၼ်ၸဝ်ႈၼၼ်ႉယဝ်ႉ၊ဝႃႈၼင်ႇၼႆဢေႃႈ။
၂၇ မိူဝ်ႈၶိင်ႇၼၼ်ႉတပႄးၸဝ်ႈၸိူဝ်းၼၼ်ႉၵေႃႈၶိုၼ်းႁွတ်ႈထိုင်မႃးလႄႈမီးတၢင်းဢၼ်ဢၢမ်းၼႃႇလွင်ႈဢၼ်မၼ်းၸဝ်ႈလၢတ်ႈၵႂၢမ်းတေႃႇၵၼ်ၵင်းမေႈယိင်းသမႃႇရိၼၼ်ႉဢေႃႈ။ၼႂ်းဝႃႈၼၼ်သေၵေႃႈဢလူဝ်ႇမၼ်းၸဝ်ႈမီးၸိူဝ်ႉၼင်ႇႁိုဝ်ႁဵတ်းသင်လႄႈမၼ်းၸဝ်ႈလၢတ်ႈၵႂၢမ်းတေႃႇၵၼ်တင်းမေႈယိင်းသမႃႇရိဝႃႈၼႆၼၼ်ႉၽူႈလႂ်ၵေႃႈဢမ်ႇလဝ်ႈဢမ်ႇထၢမ်။
၂၈ မေႈယိင်းၼၼ်ႉၵေႃႈတမ်းဝႆႉမေႃႈၼမ်ႉမၼ်းသေယဝ်ႉၶိုၼ်းမိူဝ်းၵႂႃႇၵႃႈၼႂ်းဝဵင်းလႄႈလၢတ်ႈတီႈၵူၼ်းတင်းလၢႆလႄႈဝႃႈ၊-
၂၉ ဢွၼ်ၵၼ်မႃးလႄႈတူၺ်းၵေႃႉဢၼ်ၽုၺ်ႇဢွၵ်ႇၼႄပျႃးလွင်ႈတၢင်းၵႃႈဢၼ်ၵဝ်ၶႃႈလႆႈႁဵတ်းပူၼ်ႉမႃးတင်းသဵင်ႈတင်းလူင်ၸိူဝ်းၼၼ်ႉသေၵမ်းၶႃႈ။
၃၀ ၵေႃႉၼႆႉပဵၼ်ၸဝ်ႈၶရိၸ်ႉႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်ၶဝ်ၵေႃႈဢွၼ်ၵၼ်ဢွၵ်ႇသေၵႃႈၼႂ်းဝဵင်းမႃးလႄႈၵႂႃႇၸူးၵႃႈတီႈမၼ်းၸဝ်ႈဢေႃႈ။
၃၁ ၸူဝ်ႈဢၼ်ၶဝ်ဢမ်ႇပႆႇႁွတ်ႈပႆႇထိုင်ၼၼ်ႉတပႄးၸဝ်ႈၸိူဝ်းၼၼ်ႉၵေႃႈတွင်းပၢၼ်ႇလႄႈဝႃႈ၊-ၸဝ်ႈႁဝ်းၶႅၼ်းတေႃႈၵိၼ်တၢင်းၵိၼ်သေၵမ်းၶႃႈ၊မိူဝ်ႈဢၼ်ဝႃႈၼင်ႇၼႆၸိုင်မၼ်းၸဝ်ႈၵေႃႈလၢတ်ႈလႄႈဝႃႈ၊-
၃၂ တၢင်းၵိၼ်ဢၼ်သူဢမ်ႇႁူႉၼၼ်ႉမီးယူႇၵႃႈတီႈၵဝ်ဢေႃႈ၊ဝႃႈၼင်ႇၼႆဢေႃႈ။
၃၃ တပႄးၸဝ်ႈၸိူဝ်းၼၼ်ႉၵေႃႉၼိုင်ႈလႄႈၵေႃႉၼိုင်ႈတွင်ႈထၢမ်ၵၼ်လႄႈဝႃႈ၊-ၸွင်ႇသေၵေႃႉၵေႃႉဢဝ်တၢင်းၵိၼ်မႃးသူင်ႇပၼ်မၼ်းၸဝ်ႈယဝ်ႉႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်၊ၸဝ်ႈယေႇသုၵေႃႈလၢတ်ႈလႄႈဝႃႈ၊-
၃၄ တၢင်းၵိၼ်ၵဝ်ၸမ်းပဵၼ်တၢင်းဢၼ်ႁဵတ်းၸွမ်းဢလူဝ်ႇၸဝ်ႈဢၼ်ပွႆႇၸႂ်ႉၵဝ်မႃးဢိၵ်ႇတင်းတၢင်းဢၼ်ႁဵတ်းႁႂ်ႈတၢင်းႁဵတ်းမၼ်းၸဝ်ႈယဝ်ႉတူဝ်ၼၼ်ႉဢေႃႈ။
၃၅ ၸႃႉၸဵမ်တေႃႈလဵဝ်ၼႆႉၵႂႃႇပေႃးပူၼ်ႉသီႇလိူၼ်ယဝ်ႉၸိုင်တၵ်းပဵၼ်ၶိင်ႇၵႃႇလႃႉဢၼ်တၵ်းပၢတ်ႇၶဝ်ႈဢေႃႈ၊ဝႃႈၼႆသူၸၢင်ႊဝႃႈဢမ်ႇၸႂ်ႈႁိုဝ်။ၵဝ်ဝႃႈတီႈသူၸမ်းမုင်ႈတူၺ်းတူင်ႈၼႃးဢၼ်လိူင်ဝႆႉယူႇၼႂ်းၶိင်ႇတေႃႈလဵဝ်ပုၼ်ႈဢၼ်တၵ်းလႆႈပၢတ်ႇၶဝ်ႈၼၼ်ႉတႃႉ။
၃၆ ၵေႃႉဢၼ်ပၢတ်ႇၶဝ်ႈၼၼ်ႉလႆႈၶၢမ်ႇဢဝ်ၵႃႊမၼ်းၶၼ်မၼ်းလႄႈၸူႉဝႆႉသိမ်းဝႆႉမဵတ်ႉမၼ်းႁူင်းမၼ်းပုၼ်ႈလွင်ႈၼင်ႇႁိုဝ်တၵ်းပဵၼ်ထႃႇဝရႃႉဢသၢၵ်ႈၼၼ်ႉဢေႃႈ။ပေႃးပဵၼ်ၸိူဝ်ႉၼင်ႇၼၼ်ၸိုင်ၵေႃႉဢၼ်ဝၢၼ်ႇဢၼ်ပိုၼ်ဢိၵ်ႇတင်းၵေႃႉဢၼ်ပၢတ်ႇဢၼ်ထိူဝ်ၼၼ်ႉတၵ်းသိူဝ်းပျေႃႇလူၺ်ႈၵၼ်ဢေႃႈ။
၃၇ ၵႂၢမ်းဢၼ်ဝႃႈၵေႃႉၼိုင်ႈဝၢၼ်ႇပိုၼ်ဢေႃႈ၊ၵေႃႉၼိုင်ႈပၢတ်ႇထိူဝ်ဢေႃႈ၊ဝႃႈၼင်ႇၼႆၼၼ်ႉတူၵ်းၼႂ်းတီႈႁႅင်းၼႆႉဢမၢၼ်ႇၶၼ်ပဵၼ်ဢေႃႈ။
၃၈ ၵဝ်ပွႆႇၸႂ်ႉသူမႃးႁႂ်ႈသူလႆႈပၢတ်ႇၶဝ်ႈတီႈဢၼ်သူဢမ်ႇသွမ်ႈၼၼ်ႉဢေႃႈ။ပိူၼ်ႈတၢင်ႇၵေႃႉႁဵတ်းၵၢၼ်ႁဵတ်းငၢၼ်းလႄႈသူလႆႈၶဝ်ႈပႃးၵႃႈၼႂ်းတၢင်းႁဵတ်းၶဝ်ၼၼ်ႉယဝ်ႉ၊ဝႃႈၼင်ႇၼႆဢေႃႈ။
၃၉ ၵွပ်ႈပိူဝ်ႈၵႂၢမ်းမေႈယိင်းဢၼ်ၶၢမ်ႇသၢၵ်ႈသေႇဝႃႈ၊-မၼ်းၽုၺ်ႇဢွၵ်ႇၼႄပျႃးလွင်ႈတၢင်းၵႃႈဢၼ်ၵဝ်ၶႃႈလႆႈႁဵတ်းပူၼ်ႉမႃးယဝ်ႉတင်းသဵင်ႈတင်းလူင်ၼၼ်ႉဢေႃႈ၊ဝႃႈၼင်ႇၼႆၼၼ်ႉလႄႈၵူၼ်းသမႃႇရိဢၼ်ယူႇၼႂ်းဝဵင်းၼၼ်ႉၼမ်ၼႃႇယုမ်ႇမၢတ်ႈမၼ်းၸဝ်ႈဢေႃႈ။
၄၀ ပိူဝ်ႈၼႆလႄႈမိူဝ်ႈဢၼ်ၵူၼ်းသမႃႇရိၸိူဝ်းၼၼ်ႉႁွတ်ႈထိုင်မႃးၵႃႈတီႈမၼ်းၸဝ်ႈၼၼ်ႉၸိုင်ၶဝ်တွင်းပၢၼ်ႇႁႂ်ႈမၼ်းၸဝ်ႈယူႇၵႃႈတီႈၶဝ်ၼၼ်ႉဢေႃႈ။
၄၁ မၼ်းၸဝ်ႈယူႇၵႃႈတီႈၼၼ်ႉသွင်ဝၼ်းဢေႃႈ။ၵူၼ်းတၢင်ႇၵေႃႉၼမ်ၼႃႇၵေႃႈယုမ်ႇမၢတ်ႈၵွပ်ႈပိူဝ်ႈၼုၵ်ႉၵပၢတ်ႈၵႂၢမ်းမၼ်းၸဝ်ႈၼၼ်ႉလႄႈလၢတ်ႈတီႈမေႈယိင်းၼၼ်ႉလႄႈဝႃႈ၊-
၄၂ တေႃႈလဵဝ်ၼႆႉႁဝ်းယုမ်ႇမၢတ်ႈၵွပ်ပိူဝ်ႈၵႂၢမ်းမႂ်းၵူၺ်းဢမ်ႇၸႂ်ႈ။တူဝ်ႁဝ်းလႆႈငိၼ်းၵႂၢမ်းမၼ်းၸဝ်ႈလႄႈႁူႉလွင်ႈဢၼ်ဝႃႈမၼ်းၸဝ်ႈၼႆႉပဵၼ်ၸဝ်ႈၶရိၸ်ႉၸဝ်ႈဢၼ်ၵႄႇၶျွတ်ႈဢဝ်ၵူၼ်းလေႃးၵီႇတင်းလၢႆဢမၢၼ်ႇၶၼ်ပဵၼ်ၼၼ်ႉယဝ်ႉ၊ဝႃႈၼင်ႇၼႆဢေႃႈ။
ႁဵတ်းႁႂ်ႈလုၵ်ႈၸၢႆးဢမၢတ်ႈလူင်ႁၢႆၶႅၼ်း
၄၃ မိူဝ်ႈဢၼ်ပူၼ်ႉသွင်ဝၼ်းယဝ်ႉၸိုင်မၼ်းၸဝ်ႈဢွၵ်ႇသေၵႃႈတီႈၼၼ်ႉလႄႈၵႂႃႇၵႃႈတီႈမိူင်းၵႃႇလိလႄးဢေႃႈ။
၄၄ လွင်ႈမၼ်းၸမ်းၸဝ်ႈယေႇသုတူဝ်ၸဝ်ႈၵဝ်ႇၶၢမ်ႇသၢၵ်ႈသေႇလႄႈဝႃႈ၊-ပရေႃးၽႅတ်ႈဢမ်ႇလႆႈသရေႇၵႃႈၼႂ်းမိူင်းဢၼ်တူဝ်ၸဝ်ႈၵဝ်ႇယူႇၼၼ်ႉ၊ဝႃႈၼင်ႇၼႆဢေႃႈ။
၄၅ မိူဝ်ႈဢၼ်မၼ်းၸဝ်ႈႁွတ်ႈထိုင်ၵႃႈတီႈမိူင်းၵႃႇလိလႄးၼၼ်ႉၸိုင်ၵူၼ်းၵႃႇလိလႄးတင်းလၢႆႁပ်ႉတုင်းဢဝ်မၼ်းၸဝ်ႈဢေႃႈ။လွင်ႈမၼ်းၸမ်းၶဝ်ၸင်ႇပွၵ်ႈသေၵႃႈတီႈပွႆးၼႂ်းဝဵင်းယေႇရုသလႅမ်ႇၼၼ်ႉမႃးလႄႈၶဝ်ယင်းပေႃးလႆႈႁၼ်လွင်ႈတၢင်းဢၼ်မၼ်းၸဝ်ႈႁဵတ်းတင်းသဵင်ႈတင်းလူင်ၵႃႈၼႂ်းပွႆးၼၼ်ႉယဝ်ႉ။
၄၆ မၼ်းၸဝ်ႈသမ်ႉၶိုၼ်းၵႂႃႇၵႃႈတီႈဝဵင်းၵႃႇၼၼႂ်းမိူင်းၵႃႇလိလႄးတီႈဢၼ်မၼ်းၸဝ်ႈႁႂ်ႈၼမ်ႉပဵၼ်ၼမ်ႉၸပိတ်ႉၼၼ်ႉဢေႃႈ။မိူဝ်ႈၼၼ်ႉမီးဢမၢတ်ႈလူင်ၵေႃႉၼိုင်ႈလုၵ်ႈၸၢႆးမၼ်းၸပ်းတၢင်းၶႆႈတၢင်းပဵၼ်ယူႇၵႃႈၼႂ်းဝဵင်းၵပိူဝ်ႇၼေႇဢုမ်ႇဢေႃႈ။
၄၇ မိူဝ်ႈဢၼ်မၼ်းလႆႈငိၼ်းလွင်ႈၸဝ်ႈယေႇသုလုၵ်ႉသေၵႃႈတီႈမိူင်းယုတႁွတ်ႈထိုင်မႃးၵႃႈတီႈမိူင်းၵႃႇလိလႄးယဝ်ႉၼၼ်ႉၸိုင်မၼ်းၵႂႃႇၸူးၵႃႈတီႈမၼ်းၸဝ်ႈသေယဝ်ႉၼင်ႇႁိုဝ်မၼ်းၸဝ်ႈတၵ်းမႃးၵႃႈတီႈလုၵ်ႈၸၢႆးမၼ်းဢၼ်ၸမ်ႈတၵ်းတၢႆၼၼ်ႉလႄႈႁဵတ်းႁႂ်ႈတၢင်းၶႆႈတၢင်းပဵၼ်မၼ်းႁၢႆၼၼ်ႉၸိုင်မၼ်းတွင်းပၢၼ်ႇမၼ်းၸဝ်ႈဢေႃႈ။
၄၈ ၸဝ်ႈယေႇသုၵေႃႈလၢတ်ႈလႄႈဝႃႈ၊-ပေႃးသူဢမ်ႇလႆႈႁၼ်ၼီႉမိၵ်ႈလၵ်ႈၶၼႃႇဢိၵ်ႇတင်းလွင်ႈတၢင်းဢၼ်လီဢၢမ်းတင်းလၢႆၸိုင်သူဢမ်ႇမီးတၢင်းဢၼ်ယုမ်ႇၵူၺ်း၊မိူဝ်ႈဢၼ်ဝႃႈၼင်ႇၼႆၸိုင်၊ဢမၢတ်ႈလူင်ၵေႃႈၶိုၼ်းလဝ်ႈလၢတ်ႈလႄႈဝႃႈ၊-
၄၉ ၸဝ်ႈႁဝ်းၸူဝ်ႈဢၼ်လုၵ်ႈၸၢႆးၵဝ်ၶႃႈဢမ်ႇပႆႇတၢႆၼၼ်ႉၸဝ်ႈႁဝ်းၶႅၼ်းတေႃႈမႃးသေၵမ်းတီႈၶႃႈ၊ဝႃႈၼင်ႇၼႆဢေႃႈ။
၅၀ ၸဝ်ႈယေႇသုၵေႃႈလၢတ်ႈလႄႈဝႃႈ၊-ၵႂႃႇတႃႉ။ဢသၢၵ်ႈလုၵ်ႈၸၢႆးမႂ်းလႆႈၵတ်းယဵၼ်ၶျၢမ်းသႃႇယဝ်ႉ၊ဝႃႈၼင်ႇၼႆဢေႃႈ။ဢမၢတ်ႈလူင်ၼၼ်ႉၵေႃႈယုမ်ႇဢဝ်ၵႂၢမ်းၸဝ်ႈယေႇသုၼၼ်ႉသေယဝ်ႉမိူဝ်းၵႂႃႇဢေႃႈ။
၅၁ ၼႂ်းမိူဝ်ႈဢၼ်မၼ်းယင်းတိုၵ်ႉပႆၸွမ်းတၢင်းၵႂႃႇယူႇၼၼ်ႉၸိုင်ၵူၼ်းဢွၼ်ႇမၼ်းတင်းလၢႆမႃးႁပ်ႉႁူဝ်တၢင်းမၼ်းလႄႈလဝ်ႈလၢတ်ႈဝႃႈ၊-လုၵ်ႈၸၢႆးၸဝ်ႈႁဝ်းဢသၢၵ်ႈၵတ်းယဵၼ်ၶျၢမ်းသႃႇမႃးၶႃႈယဝ်ႉ၊ဝႃႈၼင်ႇၼႆဢေႃႈ။
၅၂ မၼ်းၵေႃႈထၢမ်လႄႈဝႃႈ၊-မၼ်းႁွတ်ႈထိုင်တၢင်းဢၼ်သၢၵ်ႈသႃႇၶႅၼ်းမႃးၶိင်ႇလႂ်မိူဝ်ႈဢၼ်ဝႃႈၼင်ႇၼႆၸိုင်၊ၶဝ်ၵေႃႈလဝ်ႈလၢတ်ႈလႄႈဝႃႈ၊-ၼၢဝ်မၼ်းႁၢႆၵႂႃႇမိူဝ်ႈဝႃးၶိင်ႇၸဵတ်းၼႃႇရီႇၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။
၅၃ ပိူဝ်ႈၼႆလႄႈမၼ်းႁူႉဝႃႈၶိင်ႇၼႃႇရီႇၼၼ်ႉပဵၼ်ၶိင်ႇဢၼ်ၸဝ်ႈယေႇသုလၢတ်ႈဝႃႈ၊-လုၵ်ႈၸၢႆးမႂ်းဢသၢၵ်ႈလႆႈၵတ်းယဵၼ်ၶျၢမ်းသႃႇယဝ်ႉ၊ဝႃႈၼင်ႇၼႆၼၼ်ႉလႄႈၸႃႉၸဵမ်တူဝ်ၸဝ်ႈၵဝ်ႇဢိၵ်ႇတင်းၵူၼ်းႁိူၼ်းၵူၼ်းယေးမၼ်းတင်းသဵင်ႈတင်းလူင်ဢွၼ်ၵၼ်ယုမ်ႇမၢတ်ႈမၼ်းၸဝ်ႈဢေႃႈ။
၅၄ ၼီႉမိၵ်ႈလၵ်ႈၶၼႃႇၸဝ်ႈဢၼ်ၼႆႉၸမ်းပဵၼ်ၼီႉမိၵ်ႈလၵ်ႈၶၼႃႇပွၵ်ႈတုတိယဢၼ်ၸဝ်ႈယေႇသုၼႄပျႃးဝၢႆးသေမၼ်းၸဝ်ႈလုၵ်ႉသေၵႃႈတီႈမိူင်းယုတမႃးၵႃႈတီႈမိူင်းၵႃႇလိလႄးၼၼ်ႉဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ