ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁
၅
ၵူၼ်းၸပ်းတၢင်းပဵၼ်သၢမ်သိပ်းပၢႆပႅတ်ႇပီႊႁၢႆၶႅၼ်း
၁ လိုၼ်းၼၼ်ႉၸင်ႇမီးပွႆးဢၼ်ၵူၼ်းမဵဝ်းယုတၶဝ်ၶၢမ်ႇၼၼ်ႉလႄႈၸဝ်ႈယေႇသုၵႂႃႇၵႃႈတီႈဝဵင်းယေႇရုသလႅမ်ႇဢေႃႈ။
၂ ၵႃႈတီႈႁိမ်းၽၵ်းတူသူဝ်းၼႂ်းဝဵင်းယေႇရုသလႅမ်ႇၼၼ်ႉမီးၼမ်ႉၼွင်ၼွင်ၼိုင်ႈဢၼ်ၸွမ်းၼင်ႇၵႂၢမ်းၽႃႇသႃႇႁေႇပြႄးၶဝ်ႁွင်ႉဝႃႈၼွင်ပေႇသေႇသတၼၼ်ႉဢေႃႈ။
၃ ၼမ်ႉၼွင်ၼၼ်ႉမီးၸၼ်ႉႁႃႈၸၼ်ႉဢေႃႈ။ၵႃႈတီႈၸၼ်ႉၸိူဝ်းၼၼ်ႉၶဝ်ၸိူဝ်းဢၼ်ၸပ်းတၢင်းၶႆႈတၢင်းပဵၼ်လႂ်ဢၼ်တႃမွတ်ႇလႂ်ဢၼ်တိၼ်ပုတ်းလႂ်ဢၼ်တိၼ်ယွမ်ႁဵဝ်ႇလႂ်ၸိူဝ်းၼၼ်ႉၼွၼ်းလႄႈပႂ်ႉတူၺ်းတၢင်းဢၼ်ၼမ်ႉၼႂ်းၼွင်ၼၼ်ႉတၵ်းတူင်ႉတၵ်းၼိုင်ဢေႃႈ။
၄ လွင်ႈမၼ်းၸမ်းမိူဝ်ႈဢၼ်ၶိင်ႇမၼ်းထုၵ်ႇၼၼ်ႉၸိုင်တမၢၼ်ႇၵၢင်ႁၢဝ်ၽြႃးပဵၼ်ၸဝ်ႈလူင်းမႃးၵႃႈတီႈၼမ်ႉၼွင်ၼၼ်ႉလႄႈႁႂ်ႈၼမ်ႉၼႂ်းၼမ်ႉၼွင်ၼၼ်ႉတူင်ႉၼိုင်ဢေႃႈ။မိူဝ်ႈဢၼ်ၼမ်ႉတူင်ႉၼိုင်ၼၼ်ႉၸိုင်ၵေႃႉဢၼ်ၶဝ်ႈၵွႃႇၵႃႈၼႂ်းၼမ်ႉဢွၼ်တၢင်းပိူၼ်ႈၼၼ်ႉတၢင်းၶႆႈတၢင်းပဵၼ်ၵႃႈဢၼ်ၸပ်းတီႈတူဝ်မၼ်းၼၼ်ႉႁွတ်ႈထိုင်တၢင်းဢၼ်ႁၢႆၶႅၼ်းဢေႃႈ။
၅ ၵႃႈတီႈၼၼ်ႉမီးၵူၼ်းဢၼ်ၸပ်းတၢင်းၶႆႈတၢင်းပဵၼ်သၢမ်သိပ်းပၢႆပႅတ်ႇပီႊတဵမ်တဵမ်ၼၼ်ႉၵေႃႉၼိုင်ႈဢေႃႈ။
၆ မိူဝ်ႈဢၼ်ၸဝ်ႈယေႇသုႁၼ်ၵေႃႉၼၼ်ႉၼွၼ်းယူႇၼၼ်ႉၸိုင်မၼ်းၸဝ်ႈႁူႉလွင်ႈဢၼ်ဝႃႈၵေႃႉၼၼ်ႉပဵၼ်ႁိုင်ၼႃႇယဝ်ႉၼၼ်ႉလႄႈမၼ်းၸဝ်ႈထၢမ်မၼ်းလႄႈဝႃႈ၊-ၸွင်ႇမႂ်းၶႂ်ႈႁွတ်ႈထိုင်တၢင်းဢၼ်ယူႇလီၵိၼ်ဝၢၼ်ႁိုဝ်မိူဝ်ႈဢၼ်ဝႃႈၼင်ႇၼႆၸိုင်ၵူၼ်းပဵၼ်ၵေႃႉၼၼ်ႉၵေႃႈလဝ်ႈလၢတ်ႈလႄႈဝႃႈ၊-
၇ ၸဝ်ႈႁဝ်းတီႈၶႃႈ၊ယၢမ်းမိူဝ်ႈဢၼ်ၼမ်ႉတူင်ႉၼိုင်မႃးၼၼ်ႉၵဝ်ၶႃႈဢမ်ႇမီးၵေႃႉဢၼ်တၵ်းဢဝ်ၵဝ်ၶႃႈၶဝ်ႈၵႂႃႇၵႃႈၼႂ်းၼမ်ႉၼွင်ၼႆႉၶႃႈ။မိူဝ်ႈဢၼ်ၵဝ်ၶႃႈယင်းတိုၵ်ႉၶတ်းၸႂ်ၵႂႃႇယူႇၼၼ်ႉပိူၼ်ႈတၢင်ႇၵေႃႉယင်းပေႃးလူင်းၵႂႃႇဢွၼ်တၢင်းၵဝ်ၶႃႈၶႃႈယဝ်ႉ၊ဝႃႈၼင်ႇၼႆဢေႃႈ။
၈ ၸဝ်ႈယေႇသုၵေႃႈလၢတ်ႈလႄႈဝႃႈ၊-လုၵ်ႉတႃႉ။ဢဝ်တီႈၼွၼ်းမႂ်းလႄႈပႆတၢင်းၵႂႃႇတႃႉ၊မိူဝ်ႈဢၼ်ဝႃႈၼင်ႇၼႆၸိုင်၊
၉ ၵေႃႉၼၼ်ႉပဵၼ်ၵူၼ်းလီမႃးၵမ်းလဵဝ်လႄႈဢဝ်တီႈၼွၼ်းမၼ်းသေယဝ်ႉပႆတၢင်းၵႂႃႇဢေႃႈ။ဝၼ်းၼၼ်ႉၸမ်းပဵၼ်ဝၼ်းၵမ်သိၼ်ဢေႃႈ။
၁၀ ပိူဝ်ႈၼႆလႄႈၵူၼ်းယုတၸိူဝ်းၼၼ်ႉလၢတ်ႈတီႈၵေႃႉဢၼ်ႁၢႆၶႅၼ်းၼၼ်ႉလႄႈဝႃႈ၊-မိူဝ်ႈၼႆႉပဵၼ်ဝၼ်းၵမ်သိၼ်ဢေႃႈ။
၁၁ မႂ်းဢမ်ႇထုၵ်ႇလီဢဝ်တီႈၼွၼ်းမႂ်းၵႂႃႇ၊ဝႃႈၼင်ႇၼႆဢေႃႈ။မၼ်းၵေႃႈၶိုၼ်းလၢတ်ႈလႄႈဝႃႈ၊-ၵေႃႉဢၼ်ႁႂ်ႈၵဝ်ၶႃႈၶိုၼ်းလီမႃးၼၼ်ႉလၢတ်ႈတီႈၵဝ်ၶႃႈဝႃႈ၊-ဢဝ်တီႈၼွၼ်းမႂ်းလႄႈပႆတၢင်းၵႂႃႇတႃႉ၊ဝႃႈၼင်ႇၼႆၶႃႈဢေႃႈ၊ဝႃႈၼင်ႇၼႆဢေႃႈ။
၁၂ ၶဝ်ၵေႃႈထၢမ်လႄႈဝႃႈ၊-ၵေႃႉဢၼ်လၢတ်ႈတီႈမႂ်းဝႃႈဢဝ်တီႈၼွၼ်းမႂ်းလႄႈပႆတၢင်းၵႂႃႇတႃႉ၊ဢၼ်ဝႃႈၼၼ်ႉ၊ပဵၼ်ၽူႈလႂ်၊ဝႃႈၼင်ႇၼႆဢေႃႈ။
၁၃ ၵေႃႉၼၼ်ႉပဵၼ်ၽူႈလႂ်ဢၼ်ဝႃႈၼၼ်ႉၵေႃႉဢၼ်ႁၢႆၶႅၼ်းၼၼ်ႉဢမ်ႇႁူႉ။လွင်မၼ်းၸမ်းၸဝ်ႈယေႇသုတဵတ်ႇတဵတ်ႇဢွၵ်ႇသေၵႃႈၼႂ်းၵူၼ်းဢၼ်ၸူႉၵၼ်တုမ်ၸိူဝ်းၼၼ်ႉၵႂႃႇယဝ်ႉဢေႃႈ။
၁၄ လိုၼ်းၼၼ်ႉၸဝ်ႈယေႇသုထူပ်းႁၼ်ၵေႃႉၼၼ်ႉၵႃႈၼႂ်းပိၵ်ႉမၢၼ်ႇၸဝ်ႈလႄႈလၢတ်ႈဝႃႈ၊-မႂ်းမီးတၢင်းဢၼ်ယူႇလီၵိၼ်ဝၢၼ်ယဝ်ႉ။ၼင်ႇႁိုဝ်တၵ်းလႆႈၵၢင်းလွတ်ႈတင်းၽေးဢၼ်ယဵင်ႈၶႅၼ်းႁၢႆႉၼႃႇၼၼ်ႉၸိုင်ၵမ်းလိုၼ်းယႃႇပေၶိုၼ်းႁဵတ်းတူႉၸရိူၵ်ႈဢပျႅတ်ႈထႅင်ႈ၊ဝႃႈၼင်ႇၼႆဢေႃႈ။
၁၅ ၵေႃႉၼၼ်ႉၵေႃႈၵႂႃႇလႄႈမွၵ်ႇလၢတ်ႈၵႃႈတီႈၵူၼ်းယုတၸိူဝ်းၼၼ်ႉလွင်ႈဢၼ်ဝႃႈၵေႃႉဢၼ်ႁႂ်ႈမၼ်းႁၢႆၶႅၼ်းယူႇလီမႃးၼၼ်ႉပဵၼ်ၸဝ်ႈယေႇသုဢၼ်ဝႃႈၼၼ်ႉဢေႃႈ။
ၼႂ်းလုၵ်ႈၸဝ်ႈၼၼ်ႉမီးဢသၢၵ်ႈ
၁၆ ပိူဝ်ႈဢၼ်ၸဝ်ႈယေႇသုႁဵတ်းလွင်ႈတၢင်းၸိူဝ်းၼၼ်ႉၼႂ်းဝၼ်းၵမ်သိၼ်လႄႈၵူၼ်းယုတၸိူဝ်းၼၼ်ႉယိင်ၶႅၼ်းၶႂ်ႈႁႃတၢင်းၽိတ်းတေႃႇမၼ်းၸဝ်ႈဢေႃႈ။
၁၇ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ပေႃႈၵဝ်ၼၼ်ႉႁဵတ်းတၢင်းႁဵတ်းတေႃႇထိုင်ႁွတ်ႈမိူဝ်ႈလဵဝ်ၼႆႉယူႇလႄႈၵဝ်ၵေႃႈႁဵတ်းယူႇဢေႃႈ၊ဝႃႈၼင်ႇၼႆဢေႃႈ။
၁၈ ပိူဝ်ႈဢၼ်မၼ်းၸဝ်ႈယႃႉဝၼ်းၵမ်သိၼ်ၵူၺ်းဢမ်ႇၵႃး၊သမ်ႉယင်းႁွင်ႉၽြႃးပဵၼ်ၸဝ်ႈပဵၼ်ပေႃႈမၼ်းၸဝ်ႈဝႃႈၼႆလႄႈဢဝ်တူဝ်ၸဝ်ႈၵဝ်ႇတႅၵ်ႈတိူင်းၵၼ်တင်းၽြႃးပဵၼ်ၸဝ်ႈၼၼ်ႉလႄႈၵူၼ်းယုတၸိူဝ်းၼၼ်ႉယဵင်ႈၶႅၼ်းၵျၢမ်ႇႁႃႁႂ်ႈလႆႈဢဝ်မၼ်းၸဝ်ႈတၢႆဢေႃႈ။
၁၉ ၸဝ်ႈယေႇသုၶိုၼ်းလၢတ်ႈလႄႈဝႃႈ၊-ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်းၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇလႄႈလုၵ်ႈၸဝ်ႈဢမ်ႇၸၢင်ႊႁဵတ်းသေၸိူဝ်ႉသေပိူင်လႆႈ။ႁဵတ်းၸွမ်းၵႃႈၼင်ႇဢၼ်လႆႈႁၼ်ဢၼ်ပေႃႈၸဝ်ႈႁဵတ်းၼၼ်ႉၵူၺ်းဢေႃႈ။လုၵ်ႈၸဝ်ႈႁဵတ်းၸွမ်းၸိူဝ်ႉၼင်ႇဢၼ်ပေႃႈၸဝ်ႈႁဵတ်းတင်းသဵင်ႈတင်းလူင်ၼၼ်ႉဢေႃႈ။
၂၀ ပေႃႈၸဝ်ႈႁၵ်ႉလုၵ်ႈၸဝ်ႈလႄႈၼႄပျႃးၵႃႈဢၼ်မၼ်းၸဝ်ႈႁဵတ်းတင်းသဵင်ႈတင်းလူင်ၼၼ်ႉတီႈလုၵ်ႈၸဝ်ႈဢေႃႈ။ၼင်ႇႁိုဝ်သူတၵ်းမီးလွင်ႈတၢင်းဢၼ်လီဢၢမ်းၸိုင်မၼ်းၸဝ်ႈတၵ်းၼႄပျႃးလွင်ႈတၢင်းဢၼ်ယဵင်ႈၶႅၼ်းလိူဝ်တွၼ်းၼႃႇသေလွင်ႈတၢင်းၸိူဝ်းၼႆႉတီႈလုၵ်ႈၸဝ်ႈဢေႃႈ။
၂၁ ၸိူဝ်ႉၼင်ႇဢၼ်ပေႃႈၸဝ်ႈႁႂ်ႈၶဝ်ၸိူဝ်းဢၼ်တၢႆၵႂႃႇယဝ်ႉလုၵ်ႉၶိုၼ်းလိပ်းၼၼ်ႉလုၵ်ႈၸဝ်ႈၵေႃႈႁႂ်ႈၶဝ်ၸိူဝ်းဢၼ်မၼ်းၸဝ်ႈမီးဢလူဝ်ႇတင်းသဵင်ႈတင်းလူင်ၼၼ်ႉဢသၢၵ်ႈလိပ်းယူႇဢေႃႈ။
၂၂ ၼင်ႇႁိုဝ်ၵူၼ်းတင်းသဵင်ႈတင်းလူင်တၵ်းရူဝ်ႇသေႇၵူဝ်ယမ်လုၵ်ႈၸဝ်ႈၸိူဝ်ႉၼင်ႇဢၼ်ရူဝ်ႇသေႇၵူဝ်ယမ်ပေႃႈၸဝ်ႈၼၼ်ႉၸိုင်ပေႃႈၸဝ်ႈဢမ်ႇၸီႇယၢင်ႇတြႃးတီႈၽူႈလႂ်သေၵေႃႉသေၵူၼ်း။
၂၃ မၼ်းၸဝ်ႈဢၢပ်ႈပၼ်ဢၶႂၢင်ႉတၢင်းဢၼ်ၸီႇယၢင်ႇတြႃးၵႃႈမီးတင်းသဵင်ႈတင်းလူင်ၼၼ်ႉၵႃႈတီႈလုၵ်ႈၸဝ်ႈဢေႃႈ။ၵေႃႉဢၼ်ဢမ်ႇရူဝ်ႇသေႇၵူဝ်ယမ်လုၵ်ႈၸဝ်ႈၼၼ်ႉပဵၼ်ၵေႃႉဢၼ်ဢမ်ႇရူဝ်ႇသေႇၵူဝ်ယမ်ပေႃႈၸဝ်ႈဢၼ်ပွႆႇၸႂ်ႉလုၵ်ႈၸဝ်ႈမႃးၼၼ်ႉဢေႃႈ။
၂၄ ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်းၵေႃႉဢၼ်ထွမ်ႇဢဝ်ၵႂၢမ်းၵဝ်လႄႈယုမ်ႇမၢတ်ႈၵေႃႉဢၼ်ပွႆႇၸႂ်ႉၵဝ်မႃးၼၼ်ႉလႆႈထႃႇဝရႃႉဢသၢၵ်ႈလႄႈဢမ်ႇလႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈ။ပဵၼ်ၵေႃႉဢၼ်လုၵ်ႉသေၵႃႈတၢင်းတၢႆသေယဝ်ႉၶၢမ်ႈၵႂႃႇၵႃႈတီႈတၢင်းဢၼ်ဢသၢၵ်ႈလိပ်းၶိုၼ်းပုၼ်ႉဢေႃႈ။
၂၅ ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်းၶိင်ႇၵႃႇလႃႉဢၼ်ၶဝ်ၸိူဝ်းဢၼ်တၢႆၵႂႃႇယဝ်ႉၼၼ်ႉတၵ်းလႆႈငိၼ်းသဵင်ၵႂၢမ်းလုၵ်ႈၸဝ်ႈလႄႈၶဝ်ၸိူဝ်းဢၼ်ငိၼ်းၼၼ်ႉတၵ်းၶိုၼ်းလႆႈဢသၢၵ်ႈလိပ်းၼၼ်ႉတၵ်းႁွတ်ႈထိုင်မႃးယူႇလႄႈတေႃႈလဵဝ်ၼႆႉၵေႃႈႁွတ်ႈထိုင်မႃးယူႇယဝ်ႉ။
၂၆ လွင်ႈမၼ်းၸမ်းၵႃႈၼင်ႇဢၼ်ပေႃႈၸဝ်ႈမီးဢသၢၵ်ႈၼႂ်းတူဝ်ၸဝ်ႈၵဝ်ႇၼၼ်ႉမၼ်းၸဝ်ႈပၼ်ဢၶႂၢင်ႉႁႂ်ႈလုၵ်ႈၸဝ်ႈလႆႈမီးဢသၢၵ်ႈၼႂ်းတူဝ်ၸဝ်ႈၵဝ်ႇဢေႃႈ။
၂၇ တီႈလုၵ်ႈၸဝ်ႈၼၼ်ႉပိူဝ်ႈဢၼ်ပဵၼ်လုၵ်ႈၵူၼ်းလႄႈမၼ်းၸဝ်ႈဢၢပ်ႈပၼ်ဢၶႂၢင်ႉတၢင်းဢၼ်ၸီႇယၢင်ႇတြႃးဢေႃႈ။လွင်ႈတီႈႁႅင်းၼႆႉၸိုင်ယႃႇပေမီးတၢင်းဢၼ်ဢၢမ်း။
၂၈ ၶိင်ႇၵႃႇလႃႉဢၼ်ၶဝ်ၸိူဝ်းဢၼ်မီးၼႂ်းသၢင်းၶျႅင်းတင်းသဵင်ႈတင်းလူင်တၵ်းလႆႈငိၼ်းသဵင်ၵႂၢမ်းလုၵ်ႈၸဝ်ႈလႄႈဢွၵ်ႇမႃးၼၼ်ႉတၵ်းႁွတ်ႈထိုင်မႃးဢေႃႈ။
၂၉ ၶဝ်ၸိူဝ်းဢၼ်ၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီၼၼ်ႉတၵ်းလႆႈဢွၵ်ႇမႃးၸူးၵႃႈတီႈတၢင်းဢၼ်လုၵ်ႉၶိုၼ်းတီႈဢၼ်ဢသၢၵ်ႈလိပ်းလႄႈၶဝ်ၸိူဝ်းဢၼ်မီးတၢင်းၵမ်တၢင်းၵျၢင်ႉဢၼ်ႁၢႆႉဢၼ်မိူၵ်ႈၼၼ်ႉတၵ်းလႆႈဢွၵ်ႇမႃးၸူးၵႃႈတီႈတၢင်းဢၼ်လုၵ်ႉၶိုၼ်းတီႈဢၼ်ၸီႇယၢင်ႇဢပျႅတ်ႈဢေႃႈ။
၃၀ ၵဝ်ၼႆႉၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇၵူၺ်းလႄႈဢမ်ႇႁဵတ်းသေၸိူဝ်ႉသေပိူင်လႆႈ။ၵဝ်ၸီႇယၢင်ႇတြႃးၵႃႈၼင်ႇဢၼ်ၵဝ်ငိၼ်းၼၼ်ႉဢေႃႈ။တၢင်းဢၼ်ၵဝ်ၸီႇယၢင်ႇၵေႃႈမႅၼ်ႈၵၼ်တင်းတြႃးၸဝ်ႈဢေႃႈ။လွင်ႈမၼ်းၸမ်းၵဝ်ဢမ်ႇၸွမ်းဢလူဝ်ႇတူဝ်ၸဝ်ႈၵဝ်ႇ။ၵဝ်ၸွမ်းဢလူဝ်ႇပေႃႈၸဝ်ႈဢၼ်ပွႆႇၸႂ်ႉၵဝ်မႃးၼၼ်ႉဢေႃႈ။
တၢင်းဢၼ်ၶၢမ်ႇသၢၵ်ႈသေႇလွင်ႈၸဝ်ႈယေႇသု
၃၁ ပေႃးၵဝ်ၶၢမ်ႇသၢၵ်ႈသေႇလွင်ႈတူဝ်ၸဝ်ႈၵဝ်ႇၸိုင်သၢၵ်ႈသေႇၵဝ်ဢမ်ႇတႄႇ။ၵေႃႉဢၼ်ၶၢမ်ႇသၢၵ်ႈသေႇလွင်ႈၵဝ်ၼၼ်ႉယင်းမီးယူႇပႃးၼိုင်ႈဢေႃႈ။
၃၂ ၵဝ်ႁူႉလွင်ႈဢၼ်သၢၵ်ႈသေႇမၼ်းၸဝ်ႈတႄႇယူႇၼၼ်ႉဢေႃႈ။
၃၃ သူပွႆႇၸႂ်ႉၵႂႃႇၵႃႈတီႈယုဝ်းႁၢၼ်ႇဢေႃႈ။မၼ်းၵေႃႈလႆႈၶၢမ်ႇသၢၵ်ႈသေႇၽၢႆႇသမ်ႇမႃႇတြႃးဢေႃႈ။
၃၄ ၼႂ်းဝႃႈၼၼ်သေၵေႃႈၵဝ်ၶၢမ်ႇဢဝ်သၢၵ်ႈသေႇဢၼ်ၵူၼ်းပၼ်ၼၼ်ႉဢမ်ႇၸႂ်ႈ။ၼင်ႇႁိုဝ်သူတၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼၼ်ႉၵဝ်ၸင်ႇလႆႈလၢတ်ႈၵႂၢမ်းၼႆႉဢေႃႈ။
၃၅ ယုဝ်းႁၢၼ်ႇပဵၼ်ၵွၵ်းၽႆးဢၼ်တႆႈလႄႈလႅင်းဢေႃႈ။သူမီးဢလူဝ်ႇၶႂ်ႈမူၼ်ႈပျေႃႇၼႂ်းဢၼ်လႅင်းမၼ်းၵမ်းဢွၼ်ႇၼိုင်ႈၵူၺ်းဢေႃႈ။
၃၆ သၢၵ်ႈသေႇဢၼ်ယဵင်ႈၶႅၼ်းယႂ်ႇၼႃႇသသေၢၵ်ႈသေႇယုဝ်းႁၢၼ်ႇၼၼ်ႉမီးတီႈၵဝ်ဢေႃႈ။လွင်ႈတၢင်းဢၼ်ပေႃႈၸဝ်ႈဢၢပ်ႈပၼ်ၼႂ်းမိုဝ်းၵဝ်ႁႂ်ႈၵဝ်လႆႈႁဵတ်းႁႂ်ႈယဝ်ႉတူဝ်ဢၼ်ပဵၼ်လွင်ႈတၢင်းဢၼ်ၵဝ်ႁဵတ်းယူႇၸိူဝ်းၼၼ်ႉယူႇၽၢႆႇၵဝ်သေလႄႈၶၢမ်ႇသၢၵ်ႈသေႇလွင်ႈဢၼ်ဝႃႈပေႃႈၸဝ်ႈပွႆႇၸႂ်ႉၵဝ်မႃးဢၼ်ဝႃႈၼၼ်ႉဢေႃႈ။
၃၇ ပေႃႈၸဝ်ႈဢၼ်ပွႆႇၸႂ်ႉၵဝ်မႃးၼၼ်ႉၵေႃႈယူႇၽၢႆႇၵဝ်သေလႄႈၶၢမ်ႇသၢၵ်ႈသေႇယူႇဢေႃႈ။သဵင်ၵႂၢမ်းပေႃႈၸဝ်ႈၵေႃႈသူဢမ်ႇတွၼ်ႉငိၼ်း။
၃၈ ႁၢင်ႊၽၢင်မၼ်းၸဝ်ႈၵေႃႈသူဢမ်ႇတွၼ်ႉႁၼ်။ၼုၵ်ႉၵပၢတ်ႈမၼ်းၸဝ်ႈၵေႃႈဢမ်ႇတႄႇယူႇၼႂ်းသူ။လွင်ႈမၼ်းၸမ်းသူယင်းဢမ်ႇယုမ်ႇမၢတ်ႈၵေႃႉဢၼ်မၼ်းၸဝ်ႈပွႆႇၸႂ်ႉမႃးၼၼ်ႉ။
၃၉ သူသွၵ်ႈသူႁႃၼႂ်းၵျၢမ်းလိၵ်ႈၵွပ်ႈပိူဝ်ႈသူထၢင်ႇသူတၵ်းလႆႈထႃႇဝရႃႉဢသၢၵ်ႈၵႃႈၼႂ်းၵျၢမ်းလိၵ်ႈၼၼ်ႉဢေႃႈ။
၄၀ ၵျၢမ်းလိၵ်ႈၼၼ်ႉပဵၼ်သၢၵ်ႈသေႇၵဝ်ဢေႃႈ။ၼင်ႇႁိုဝ်သူတၵ်းလႆႈဢသၢၵ်ႈၸိုင်သူဢမ်ႇမီးဢလူဝ်ႇၶႂ်ႈမႃးၸူးၵႃႈတီႈၵဝ်။
၄၁ ၵဝ်ဢမ်ႇၶၢမ်ႇဢဝ်မူၼ်သရေႇဢၼ်ၵူၼ်းပၼ်ၼၼ်ႉ။
၄၂ ၼႂ်းဝႃႈၼၼ်သေၵေႃႈၵဝ်ႁူႉလွင်ႈဢၼ်မႅတ်ႈတႃႇတၢင်းႁၵ်ႉၽြႃးပဵၼ်ၸဝ်ႈၼၼ်ႉယင်းဢမ်ႇမီးၵႃႈၼႂ်းႁူဝ်ၸႂ်သူ။
၄၃ ပဵၵ်ႉသမ်ႉၵဝ်ပႃးတင်းဢၶႂၢင်ႉပေႃႈၸဝ်ႈလႄႈႁွတ်ႈမႃးသေၵေႃႈသူဢမ်ႇႁပ်ႉတုင်းဢဝ်ၵဝ်။ပေႃးပိူၼ်ႈတၢင်ႇၵေႃႉပႃးတင်းဢၶႂၢင်ႉတူဝ်ၸဝ်ႈၵဝ်ႇလႄႈႁွတ်ႈမႃးၸိုင်သူၸၢင်ႊႁပ်ႉတုင်းဢဝ်ၵေႃႉၼၼ်ႉဢေႃႈ။
၄၄ ပေႃးသူၵူၺ်းၶၢမ်ႇဢဝ်မူၼ်သရေႇဢၼ်သူၵေႃႉၼိုင်ႈလႄႈၵေႃႉၼိုင်ႈပၼ်ၵၼ်ယူႇၼၼ်ႉၵူၺ်းလႄႈဢမ်ႇႁႃဢဝ်မူၼ်သရေႇဢၼ်ၽြႃးပဵၼ်ၸဝ်ႈပၼ်ၼၼ်ႉၸိုင်သူတၵ်းႁဵတ်းၸိူဝ်ႉၼင်ႇႁိုဝ်လႄႈယုမ်ႇမၢတ်ႈလႆႈ။
၄၅ ယႃႇပေထၢင်ႇၵဝ်တၵ်းဢဝ်ဢပျႅတ်ႈတၢင်ႇသႂ်ႇတီႈသူၵႃႈတီႈၽၢႆႇၼႃႈပေႃႈၸဝ်ႈၼၼ်ႉ။ၵေႃႉဢၼ်ဢဝ်ဢပျႅတ်ႈတၢင်ႇသႂ်ႇၵႃႈတီႈသူၼၼ်ႉယင်းမီးယူႇပႃးၼိုင်ႈဢေႃႈ။ၵေႃႉၼၼ်ႉၸမ်းပဵၼ်မုဝ်းသေႇဢၼ်သူဢိင်ပိုင်ႈၼၼ်ႉဢေႃႈ။
၄၆ ပေႃးသူယုမ်ႇၵႂၢမ်းမုဝ်းသေႇၸိုင်သူယင်းဢမ်ႇယုမ်ႇၵႂၢမ်းၵဝ်လႄႈတၵ်းဢမ်ႇယူႇ။လွင်ႈမၼ်းၸမ်းမုဝ်းသေႇတႅမ်ႈဝႆႉလွင်ႈၵဝ်ဢေႃႈ။
၄၇ ပေႃးသူဢမ်ႇယုမ်ႇၵႂၢမ်းဢၼ်မၼ်းတႅမ်ႈဝႆႉၼၼ်ႉၸိုင်သူတၵ်းႁဵတ်းၸိူဝ်ႉၼင်ႇႁိုဝ်လႄႈယုမ်ႇၵႂၢမ်းၵဝ်လႆႈ၊ဝႃႈၼင်ႇၼႆဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ