မၢတ်ႈထႄႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၂၅
ဢူႉပမႃႇလုၵ်ႈယိင်းသၢဝ်သိပ်းၵေႃႉ
၁ မိူဝ်ႈၼၼ်ႉမိူင်းၵၢင်ႁၢဝ်ၸဝ်ႈၸမ်းမိူၼ်ၸိူဝ်ႉၼင်ႇလုၵ်ႈယိင်းသၢဝ်သိပ်းၵေႃႉဢၼ်ယိပ်းၵမ်ဢဝ်ၵွၵ်းၽႆးသေလႄႈဢွၵ်ႇၵႂႃႇႁႂ်ႈလႆႈႁပ်ႉႁူဝ်တၢင်းၵူၼ်းသွင်ႇမင်ႇၵလႃႇၼၼ်ႉဢေႃႈ။
၂ ၼႂ်းလုၵ်ႈယိင်းသၢဝ်ၸိူဝ်းၼၼ်ႉႁႃႈၵေႃႉပဵၼ်ၵူၼ်းငိူဝ်ႈဢေႃႈ။ ႁႃႈၵေႃႉၸမ်းမီးပိင်ႇၺႃႇသတိဢေႃႈ။
၃ ၶဝ်ၸိူဝ်းဢၼ်ငိူဝ်ႈၼၼ်ႉဢဝ်ၵွၵ်းၽႆးၵူၺ်းလႄႈဢမ်ႇပႃးၼမ်ႉမၼ်း။
၄ ၶဝ်ၸိူဝ်းဢၼ်မီးပိင်ႇၺႃႇသတိၼၼ်ႉၸမ်းဢဝ်ၵွၵ်းၽႆးဢိၵ်ႇတင်းမူၵ်ႇၼမ်ႉမၼ်းဢေႃႈ။
၅ မိူဝ်ႈဢၼ်ၵူၼ်းသွင်ႇမင်ႇၵလႃႇၼၢၼ်းႁွတ်ႈမႃးၼၼ်ႉၸိုင်
လုၵ်ႈယိင်းသၢဝ်ၸိူဝ်းၼၼ်ႉၼွၼ်းလပ်းၵႂႃႇဢေႃႈ။
၆ ၼႂ်းၶိင်ႇတဵင်ႈၶိုၼ်းမီးသဵင်ဢၼ်ႁွင်ႉပၢဝ်ႇလႄႈဝႃႈ၊-တူၺ်းလူႊ၊ၵူၼ်းသွင်ႇမင်ႇၵလႃႇႁွတ်ႈမႃးယဝ်ႉ။
၇ ဢွၵ်ႇၵႂႃႇႁႂ်ႈလႆႈႁပ်ႉႁူဝ်တၢင်းမၼ်းတႃႉ၊ဝႃႈၼင်ႇၼႆလႄႈ၊လုၵ်ႈယိင်းသၢဝ်တင်းသဵင်ႈတင်းလူင်ၸိူဝ်းၼၼ်ႉၵေႃႈလုၵ်ႉလႄႈမႄးႁႅၼ်းၵွၵ်းၽႆးၶဝ်ဢေႃႈ။
၈ ၶဝ်ၸိူဝ်းဢၼ်ငိူဝ်ႈၼၼ်ႉယွၼ်းတီႈၶဝ်ၸိူဝ်းဢၼ်မီးပိင်ႇၺႃႇသတိၼၼ်ႉလႄႈဝႃႈ၊-ၵွၵ်းၽႆးႁဝ်းမွတ်ႇၵႂႃႇယဝ်ႉ။ ပၼ်ၼမ်ႉမၼ်းသူဢိတ်းၼိုင်ႈ၊ဝႃႈၼင်ႇၼႆဢေႃႈ။
၉ ၶဝ်ၸိူဝ်းဢၼ်မီးပိင်ႇၺႃႇသတိၸိူဝ်းၼၼ်ႉၵေႃႈၶိုၼ်းလၢတ်ႈလႄႈဝႃႈ၊-ဢမ်ႇၸႂ်ႈၵူၺ်း။ ၼမ်ႉမၼ်းဢမ်ႇပေႃးဢမ်ႇၵုမ်ႇပုၼ်ႈသူတင်းပုၼ်ႈႁဝ်း။ ပိူဝ်ႈၼႆလႄႈပေႃးသူၵႂႃႇၵႃႈတီႈၶဝ်ၸိူဝ်းဢၼ်ၶၢႆၼမ်ႉမၼ်းၼၼ်ႉလႄႈသိုဝ်ႉဢဝ်ၸိုင်ယဵင်ႈၶႅၼ်းတၵ်းလီဢေႃႈ၊ဝႃႈၼင်ႇၼႆဢေႃႈ။
၁၀ ၼႂ်းမိူဝ်ႈဢၼ်ၶဝ်ၵႂႃႇသိုဝ်ႉၼမ်ႉမၼ်းယူႇၼၼ်ႉၸိုင်၊ၵူၼ်းသွင်ႇမင်ႇၵလႃႇၼၼ်ႉႁွတ်ႈၽႅဝ်မႃးလႄႈလုၵ်ႈယိင်းသၢဝ်ဢၼ်မႄးႁႅၼ်းဝႆႉလီလီငၢမ်းငၢမ်းၸိူဝ်းၼၼ်ႉၶဝ်ႈပွႆးလူၺ်ႈၵၼ်တင်းမၼ်းယဝ်ႉၸင်ႇဢိုတ်းၽၵ်းတူဝႆႉသေဢေႃႈ။
၁၁ လိုၼ်းၼၼ်ႉလုၵ်ႈယိင်းသၢဝ်ဢၼ်ၵိုတ်းဝႆႉၸိူဝ်းၼၼ်ႉၶိုၼ်းႁွတ်ႈမႃးလႄႈလဝ်လၢတ်ႈဝႃႈ၊-
၁၂ ၸဝ်ႈႁဝ်း၊ၸဝ်ႈႁဝ်း၊ၽုၺ်ႇၽၵ်းတူပၼ်ႁဝ်းၶႃႈသေၵမ်းၶႃႈ၊မိူဝ်ႈဢၼ်ဝႃႈၼင်ႇၼႆၸိုင်မၼ်းၵေႃႈၶိုၼ်းလၢတ်ႈလႄႈဝႃႈ၊-ၵဝ်ဝႃႈတီႈၸိုဝ်ႈတီႈၸႂ်ႈၸမ်း၊ၵဝ်ဢမ်ႇႁူႉၸၵ်းသူ၊ဝႃႈၼင်ႇၼႆဢေႃႈ။
၁၃ မိူၼ်ၼင်ႇၼၼ်ပိူဝ်ႈဢၼ်သူဢမ်ႇႁူႉမိူဝ်ႉဝၼ်းၶိင်ႇၼႃႇရီႇၼၼ်ႉလႄႈဢွၼ်ၵၼ်ပႂ်ႉထႃႈယူႇတႃႉ။
ဢူႉပမႃႇငိုၼ်းဢၼ်ဢၢပ်ႈဝႆႉ
၁၄ ဢူႉပမႃႇၸမ်းၵူၼ်းၵေႃႉၼိုင်ႈမၼ်းတၵ်းၵႂႃႇတၢင်ႇဝၢၼ်ႈတၢင်ႇမိူင်းလႄႈမၼ်းႁွင်ႉဢဝ်ၵူၼ်းဢွၼ်ႇမၼ်းတင်းလၢႆမႃးသေယဝ်ႉဢဝ်ဢုၵ်ႉၸႃႇၶူဝ်းလဵင်းမၼ်းဢၢပ်ႈပၼ်ဝႆႉတီႈၶဝ်ဢေႃႈ။
၁၅ ၸွမ်းၼင်ႇၵႃႈဢၼ်ၶဝ်မေႃႁဵတ်းသၢင်ႈႁင်းၽႂ်ႁင်းမၼ်းၼၼ်ႉမၼ်းဢၢပ်ႈပၼ်တီႈၵေႃႉၼိုင်ႈငိုၼ်းတလၢၼ်ႇတၢၼ်ႇႁႃႈဢၼ်ၵႃႈတီႈၵေႃႉၼိုင်ႈငိုၼ်းတလၢၼ်ႇတၢၼ်ႇသွင်ဢၼ်ၵႃႈတီႈၵေႃႉၼိုင်ႈငိုၼ်းတလၢၼ်ႇတၢၼ်ႇဢၼ်ၼိုင်ႈလႄႈဢွၵ်ႇၵႂႃႇဢေႃႈ။
၁၆ ၵေႃႉဢၼ်လႆႈႁပ်ႉဢဝ်တလၢၼ်ႇတၢၼ်ႇႁႃႈဢၼ်ၼၼ်ႉၵႂႃႇႁဵတ်းတၢင်းၵႃႉတၢင်းၶၢႆလႄႈလႆႈဢမႅတ်ႈမၼ်းတလၢၼ်ႇတၢၼ်ႇႁႃႈဢၼ်ဢေႃႈ။
၁၇ မိူၼ်ၼင်ႇၼၼ်ၵေႃႉဢၼ်လႆႈႁပ်ႉဢဝ်တလၢၼ်ႇတၢၼ်ႇသွင်ဢၼ်ၼၼ်ႉၵေႃႈလႆႈဢမႅတ်ႈမၼ်းတလၢၼ်ႇတၢၼ်ႇသွင်ဢၼ်ဢေႃႈ။
၁၈ ၵေႃႉဢၼ်လႆႈႁပ်ႉဢဝ်တလၢၼ်ႇတၢၼ်ႇဢၼ်ၼိုင်ႈၼၼ်ႉၸမ်းၵႂႃႇၶူတ်ႉၶုမ်ၼႂ်းလိၼ်ယဝ်ႉၸင်ႇဢဝ်ငိုၼ်းၼၼ်ႉသိူင်ႇဝႆႉဢေႃႈ။
၁၉ ၶိင်ႇၵႃႇလႃႉႁိုင်ယဝ်ႉၸင်ႇၸဝ်ႈၶဝ်ၶိုၼ်းႁွတ်ႈမႃးလႄႈဢဝ်ၸရၢင်းၶဝ်ဢေႃႈ။ ၵေႃႉဢၼ်လႆႈႁပ်ႉဢဝ်တလၢၼ်ႇတၢၼ်ႇႁႃႈဢၼ်ၼၼ်ႉ
၂၀ သုတ်ႉၸပ်းသုတ်ႉၸူးလႄႈဢဝ်ဢမႅတ်ႈမၼ်းတလၢၼ်ႇတၢၼ်ႇႁႃႈဢၼ်ၼၼ်ႉဢၢပ်ႈပၼ်သေလႄႈလဝ်လၢတ်ႈဝႃႈ၊-ၸဝ်ႈႁဝ်း၊ၸဝ်ႈႁဝ်းဢၢပ်ႈပၼ်တီႈၵဝ်ၶႃႈတလၢၼ်ႇတၢၼ်ႇႁႃႈဢၼ်ၶႃႈဢေႃႈ။ တူၺ်းလူႊၵဝ်ၶႃႈလႆႈဢမႅတ်ႈမၼ်းတလၢၼ်ႇတၢၼ်ႇႁႃႈဢၼ်ၶႃႈယဝ်ႉဝႃႈၼင်ႇၼႆဢေႃႈ။
၂၁ ၸဝ်ႈမၼ်းၵေႃႈလၢတ်ႈဝႃႈ၊-လီယဝ်ႉ။ ၵူၼ်းဢွၼ်ႇဢၼ်လီလႄႈမီးသႅတ်ႈၸႃႇၼႆႉဢိူၺ်း၊မႂ်းႁဵတ်းသႅတ်ႈၸႃႇၵႃႈတီႈၶိူင်ႈပိူင်ဢၼ်လဵၵ်ႉဢၼ်ၵေႇၼႆႉယဝ်ႉ။ ၵဝ်တၵ်းၶၢၼ်းမႂ်းဝႆႉၵႃႈၼိူဝ်ၶိူင်ႈပိူင်ဢၼ်ၼမ်ၼႃႇၼၼ်ႉဢေႃႈ။
၂၂ ၶဝ်ႈလႄႈၸၢမ်ႇၸႃးတၢင်းသိူဝ်းပျေႃႇၸဝ်ႈမႂ်းတႃႉ၊ဝႃႈၼင်ႇၼႆဢေႃႈ။ ၵေႃႉဢၼ်လႆႈႁပ်ႉဢဝ်တလၢၼ်ႇတၢၼ်ႇသွင်ဢၼ်ၼၼ်ႉၵေႃႈသုတ်ႉၸပ်းသုတ်ႉၸူးသေလႄႈလဝ်လၢတ်ႈဝႃႈ၊-
၂၃ ၸဝ်ႈႁဝ်း၊ၸဝ်ႈႁဝ်းဢၢပ်ႈပၼ်တီႈၵဝ်ၶႃႈတလၢၼ်ႇတၢၼ်ႇသွင်ဢၼ်ၶႃႈဢေႃႈ။ တူၺ်းလူႊၵဝ်ၶႃႈလႆႈဢမႅတ်ႈမၼ်းတလၢၼ်ႇတၢၼ်ႇသွင်ဢၼ်ၶႃႈယဝ်ႉ၊ဝႃႈၼင်ႇၼႆဢေႃႈ။ ၸဝ်ႈမၼ်းၵေႃႈလၢတ်ႈလႄႈဝႃႈ၊-လီယဝ်ႉ။ ၵူၼ်းဢွၼ်ႇဢၼ်လီလႄႈမီးသႅတ်ႈၸႃႇၼႆႉဢိူၺ်း၊မႂ်းႁဵတ်းသႅတ်ႈၸႃႇၵႃႈတီႈၶိူင်ႈပိူင်ဢၼ်လဵၵ်ႉဢၼ်ၵေႇၼႆႉယဝ်ႉ။ ၵဝ်တၵ်းၶၢၼ်းမႂ်းဝႆႉၵႃႈၼိူဝ်ၶိူင်ႈပိူင်ဢၼ်ၼမ်ၼႃႇၼၼ်ႉဢေႃႈ။
၂၄ ၶဝ်ႈလႄႈၸၢမ်ႇၸႃးတၢင်းသိူဝ်းပျေႃႇၸဝ်ႈမႂ်းတႃႉ၊ဝႃႈၼင်ႇၼႆဢေႃႈ။ ၵေႃႉဢၼ်လႆႈႁပ်ႉဢဝ်တလၢၼ်ႇတၢၼ်ႇဢၼ်ၼိုင်ႈၼၼ်ႉၵေႃႈသုတ်ႉၸပ်းသုတ်ႉၸူးသေလႄႈလဝ်လၢတ်ႈဝႃႈ၊-ၸဝ်ႈႁဝ်း၊ၵဝ်ၶႃႈႁူႉလွင်ႈဢၼ်ၸဝ်ႈႁဝ်းၼႆႉပဵၼ်ၵေႃႉဢၼ်ၵႅၼ်ႇၶႅင်ၵေႃႉဢၼ်ၸၢင်ႊပၢတ်ႇဢဝ်ၵႃႈၼႂ်းတီႈဢၼ်တူဝ်ၸဝ်ႈၵဝ်ႇဢမ်ႇၽုၵ်ႇဢမ်ႇသွမ်ႈၸၢင်ႊၸူႉဢဝ်သိမ်းဢဝ်ၵႃႈၼႂ်းတီႈဢၼ်တူဝ်ၸဝ်ႈၵဝ်ႇဢမ်ႇဝၢၼ်ႇဢမ်ႇပိုၼ်ၼၼ်ႉၶႃႈဢေႃႈ။
၂၅ ပိူဝ်ႈဢၼ်ၵဝ်ၶႃႈၵူဝ်လႄႈၵဝ်ၶႃႈဢဝ်တလၢၼ်ႇတၢၼ်ႇဢၼ်ၸဝ်ႈႁဝ်းပၼ်ဝႆႉၼၼ်ႉၵႂႃႇသိူင်ႇဝႆႉၵႃႈၼႂ်းလိၼ်ၶႃႈယဝ်ႉ။ တူၺ်းလူႊတေႃႈလဵဝ်ၼႆႉဢၼ်ၸဝ်ႈႁဝ်းပိူင်ႇၼၼ်ႉယင်းမီးယူႇၶႃႈဢေႃႈ၊ဝႃႈၼင်ႇၼႆဢေႃႈ။
၂၆ ၸဝ်ႈမၼ်းၵေႃႈၶိုၼ်းလၢတ်ႈလႄႈဝႃႈ၊-ၵူၼ်းဢွၼ်ႇဢၼ်ၶၢၼ်ႉဢိူၼ်လႄႈႁၢႆႉမိူၵ်ႈၼႆႉဢိူၺ်း၊မႂ်းႁူႉလွင်ႈဢၼ်ၵဝ်ပဵၼ်ၵေႃႉဢၼ်ၸၢင်ႊပၢတ်ႇဢဝ်ၵႃႈၼႂ်းတီႈဢၼ်ၵဝ်ဢမ်ႇၽုၵ်ႇဢမ်ႇသွမ်ႈလႄႈၸၢင်ႊၸူႉဢဝ်သိမ်းဢဝ်ၵႃႈတီႈဢၼ်ၵဝ်ဢမ်ႇဝၢၼ်ႇဢမ်ႇပိုၼ်ၼၼ်ႉယူႇဢိူဝ်ႈ။
၂၇ ပိူဝ်ႈၼႆလႄႈမႂ်းထုၵ်ႇလီဢဝ်ငိုၼ်းၵဝ်ၼႆႉၵႂႃႇဢၢပ်ႈပၼ်ၵႃႈတီႈၶဝ်ၸိူဝ်းဢၼ်လႅၵ်ႈငိုၼ်းၼၼ်ႉဢိူဝ်ႈ။ ပေႃးဢၢပ်ႈပၼ်ၸိုင်မိူဝ်ႈဢၼ်ၵဝ်ၶိုၼ်းမႃးၼၼ်ႉၵဝ်တၵ်းလႆႈဢရၢင်းမၼ်းတင်းၶီႈမၼ်းယူႇဢိူဝ်ႈ။
၂၈ ပိူဝ်ႈၼႆလႄႈၼုၵ်ႈဢဝ်တလၢၼ်ႇတၢၼ်ႇဢၼ်ၼိုင်ႈၵႃႈတီႈၵေႃႉၼႆႉသေလႄႈပၼ်ၵႃႈတီႈၵေႃႉဢၼ်မီးတလၢၼ်ႇတၢၼ်ႇသိပ်းၼိုင်ႈၼၼ်ႉတႃႉ။ လွင်ႈမၼ်းၸမ်းၽူႈလႂ်သေဢမ်ႇဝႃႈၵေႃႉဢၼ်ၸၢင်ႊမီးၼၼ်ႉၵႃႈတီႈၵေႃႉၼၼ်ႉတၵ်းပၼ်ထႅင်ႈလူးၵွၼ်ႇလႄႈမၼ်းတၵ်းတဵမ်ထူၼ်ႈလိူင်ႇၸႂ်ဢေႃႈ။
၂၉ ၽူႈလႂ်သေဢမ်ႇဝႃႈၵေႃႉဢၼ်ဢမ်ႇၸၢင်ႊမီးၼၼ်ႉၵႃႈတီႈၵေႃႉၼၼ်ႉတၵ်းၼုၵ်ႈဢဝ်ၵႃႈဢၼ်မၼ်းမီးၼၼ်ႉလူးၵွၼ်ႇဢေႃႈ။
၃၀ ဢဝ်ၵူၼ်းဢွၼ်ႇဢၼ်ဢမ်ႇလႆႈလွင်ႈၼႆႉႁေႃႈဢွၵ်ႇပႅတ်ႈၵႃႈၼွၵ်ႈၵႃႈၼႂ်းလပ်းသိင်ႇတီႈဢၼ်မီးတၢင်းဢၼ်ႁႆႈႁွင်ႉၵတ်းၶဵဝ်ႈၵတ်းၽၢၼ်ႈၼၼ်ႉတႃႉ၊ဝႃႈၼင်ႇၼႆဢေႃႈ။
ဢူႉပမႃႇသူဝ်းတင်းပေႉ
၃၁ မိူဝ်ႈဢၼ်လုၵ်ႈၵူၼ်းပႃးတင်းမူၼ်ၽုင်းဢႃႇၼူႉၽေႃႇဢိၵ်ႇတင်းတမၢၼ်ႇၵၢင်ႁၢဝ်တင်းလၢႆမႃးၼၼ်ႉၸိုင်မၼ်းၸဝ်ႈတၵ်းၼင်ႈၵႃႈၼိူဝ်ပလၢင်ႇမၼ်းၸဝ်ႈဢၼ်မီးမူၼ်ၽုင်းၼၼ်ႉသေလႄႈ
၃၂ ႁႂ်ႈၵူၼ်းၵူႈၸိူဝ်ႉၵူႈမဵဝ်းၸူႉၵၼ်တုမ်ၵၼ်ၵႃႈတီႈၽၢႆႇၼႃႈမၼ်းၸဝ်ႈသေယဝ်ႉမၼ်းၸဝ်ႈတၵ်းၽႄၶဝ်ဝႆႉႁင်းၽႂ်ႁင်းမၼ်းမိူၼ်ၸိူဝ်ႉၼင်ႇၵူၼ်းလဵင်ႉသူဝ်းဢဝ်သူဝ်းတင်းလၢႆၽၢတ်ႇၵၼ်တင်းပေႉတင်းလၢႆၼၼ်ႉဢေႃႈ။
၃၃ တၵ်းဢဝ်သူဝ်းၸိူဝ်းၼၼ်ႉဝႆႉၵႃႈတီႈၽၢႆႇၶႂႃမိုဝ်းဢဝ်ပေႉၸိူဝ်းၼၼ်ႉဝႆႉၵႃႈတီႈၽၢႆႇသၢႆႉမိုဝ်းမၼ်းဢေႃႈ။ မိူဝ်ႈၼၼ်ႉၶုၼ်လူင်တၵ်းလၢတ်ႈတီႈၶဝ်ၸိူဝ်းဢၼ်မီးၵႃႈတီႈၽၢႆႇၶႂႃၼၼ်ႉလႄႈဝႃႈ၊-
၃၄ သူၸိူဝ်းဢၼ်လႆႈၶၢမ်ႇဢဝ်တၢင်းလီမင်ႇၵလႃႇၵႃႈတီႈပေႃႈၵဝ်တင်းလၢႆၼႆႉဢိူၺ်း၊မႃးလႄႈၶၢမ်ႇဢဝ်ဢမူၺ်ႇမိူင်းၸဝ်ႈဢၼ်မႄးႁႅၼ်းဝႆႉပုၼ်ႈသူၸဵမ်မိူဝ်ႈၵမ်ႇၽႃႇၸင်ႇတႄႇပဵၼ်ၼၼ်ႉတႃႉ။
၃၅ လွင်ႈမၼ်းၸမ်းမိူဝ်ႈဢၼ်ၵဝ်တွင်ႉမႆႈၼၼ်ႉသူလဵင်ႉလူၵဝ်ဢေႃႈ။ မိူဝ်ႈဢၼ်ၵဝ်ယၢၵ်ႇၼမ်ႉၼၼ်ႉသူပၼ်ၼမ်ႉၵဝ်ၵိၼ်ဢေႃႈ။ မိူဝ်ႈဢၼ်ၵဝ်ပဵၼ်ၶႅၵ်ႇၼၼ်ႉသူႁဵတ်းဝၢတ်ႈၶႅၵ်ႇဢေႃႈ။
၃၆ မိူဝ်ႈဢၼ်ၵဝ်ဢမ်ႇမီးၶူဝ်းၼုင်ႈၼၼ်ႉသူပၼ်ၵဝ်ၼုင်ႈဢေႃႈ။ မိူဝ်ႈဢၼ်ၵဝ်မီးတၢင်းၶႆႈတၢင်းပဵၼ်ၼၼ်ႉသူမႃးလူတူၺ်းၵဝ်ဢေႃႈ။ မိူဝ်ႈဢၼ်ၵဝ်မီးၼႂ်းထွင်ႇၼၼ်ႉသူမႃးတီႈၵဝ်ဢေႃႈ။
၃၇ မိူဝ်ႈဢၼ်မၼ်းၸဝ်ႈဝႃႈၸိူဝ်ႉၼင်ႇၼၼ်ၸိုင်ၶဝ်ၸိူဝ်းဢၼ်သိုဝ်ႈတေႃႇတင်းလၢႆၸိူဝ်းၼၼ်ႉၵေႃႈတၵ်းၶိုၼ်းလဝ်လၢတ်ႈလႄႈဝႃႈ၊-ၸဝ်ႈႁဝ်း၊ၼႂ်းၶိင်ႇမိူဝ်ႈလႂ်ႁဝ်းၶႃႈႁၼ်ၸဝ်ႈႁဝ်းတွင်ႉမႆႈလႄႈႁဵတ်းလဵင်ႉႁဵတ်းလူၸဝ်ႈႁဝ်းၶႃႈ။
၃၈ ၼႂ်းၶိင်ႇမိူဝ်ႈလႂ်ႁဝ်းၶႃႈႁၼ်ၸဝ်ႈႁဝ်းယၢၵ်ႇၼမ်ႉလႄႈပၼ်ၸဝ်ႈႁဝ်းၵိၼ်ၼမ်ႉၶႃႈ။ ၼႂ်းၶိင်ႇမိူဝ်ႈလႂ်ႁဝ်းၶႃႈႁၼ်ၸဝ်ႈႁဝ်းပဵၼ်ၶႅၵ်ႇလႄႈႁဵတ်းဝၢတ်ႈၶႅၵ်ႇတီႈၸဝ်ႈႁဝ်းၶႃႈ။ ၼႂ်းၶိင်ႇမိူဝ်ႈလႂ်ႁဝ်းၶႃႈႁၼ်ၸဝ်ႈႁဝ်းဢမ်ႇမီးၶူဝ်းၼုင်ႈလႄႈပၼ်တီႈၸဝ်ႈႁဝ်းၼုင်ႈၶႃႈ။
၃၉ ၼႂ်းၶိင်ႇမိူဝ်ႈလႂ်ႁဝ်းၶႃႈႁၼ်ၸဝ်ႈႁဝ်းမီးတၢင်းၶႆႈတၢင်းပဵၼ်ၸဝ်ႈႁဝ်းမီးၼႂ်းထွင်ႇလႄႈႁဝ်းၶႃႈမႃးတီႈၸဝ်ႈႁဝ်းၶႃႈ၊မိူဝ်ႈဢၼ်ဝႃႈၼင်ႇၼႆၸိုင်ၶုၼ်လူင်ၵေႃႈတၵ်းၶိုၼ်းလၢတ်ႈလႄႈဝႃႈ၊-
၄၀ ၵဝ်ဝႃႈတီႈၸိုဝ်ႈတီႈၸႂ်ႈၸမ်းၵႃႈၼင်ႇဢၼ်သူႁဵတ်းတီႈသေၵေႃႉသေၵူၼ်းဢၼ်လဵၵ်ႉသေပိူၼ်ႈၼႂ်းၼွင်ႉၵဝ်ၸိူဝ်းၼၼ်ႉပဵၼ်တၢင်းဢၼ်သူႁဵတ်းတီႈၵဝ်ယဝ်ႉ၊ဝႃႈၼင်ႇၼႆဢေႃႈ။
၄၁ မိူဝ်ႈၼၼ်ႉၶုၼ်လူင်တၵ်းလၢတ်ႈတီႈၶဝ်ၸိူဝ်းဢၼ်မီးၵႃႈတီႈၽၢႆႇသၢႆႉမၼ်းၸဝ်ႈၼၼ်ႉလႄႈဝႃႈ၊-သူၸိူဝ်းဢၼ်လႆႈၶၢမ်ႇတၢင်းၵိၼ်ႇဝႃႈတင်းလၢႆၼႆႉဢိူၺ်း၊ဢွၵ်ႇသေၵႃႈတီႈၵဝ်လႄႈၵႂႃႇၵႃႈၼႂ်းၽႆးထႃႇဝရႃႉဢၼ်မႄးႁႅၼ်းဝႆႉပုၼ်ႈၸႃႇတၢၼ်ႇမႃႇၼၢတ်ႈဢိၵ်ႇတင်းတမၢၼ်ႇမၼ်းတင်းလၢႆၸိူဝ်းၼၼ်ႉတႃႉ။
၄၂ လွင်ႈမၼ်းၸမ်းမိူဝ်ႈဢၼ်ၵဝ်တွင်ႉမႆႈၼၼ်ႉသူဢမ်ႇလဵင်ႉဢမ်ႇလူၵဝ်။ မိူဝ်ႈဢၼ်ၵဝ်ယၢၵ်ႇၼမ်ႉၼၼ်ႉသူဢမ်ႇပၼ်ၼမ်ႉၵဝ်ၵိၼ်။ မိူဝ်ႈဢၼ်ၵဝ်ပဵၼ်ၶႅၵ်ႇၼၼ်ႉၵေႃႈသူဢမ်ႇႁဵတ်းဝၢတ်ႈၶႅၵ်ႇ။
၄၃ မိူဝ်ႈဢၼ်ၵဝ်ဢမ်ႇမီးၶူဝ်းၼုင်ႈၼၼ်ႉၵေႃႈသူဢမ်ႇပၼ်ၵဝ်ၼုင်ႈ။ မိူဝ်ႈဢၼ်ၵဝ်မီးတၢင်းၶႆႈတၢင်းပဵၼ်လႄႈသင်မိူဝ်ႈဢၼ်ၵဝ်မီးၼႂ်းထွင်ႇၼၼ်ႉလႄႈသင်သူဢမ်ႇလူဢမ်ႇတူၺ်း၊မိူဝ်ႈဢၼ်ဝႃႈၸိူဝ်ႉၼင်ႇၼၼ်ၸိုင်၊ၶဝ်ၸိူဝ်းၼၼ်ႉၵေႃႈတၵ်းၶိုၼ်းလဝ်လၢတ်ႈလႄႈဝႃႈ၊-
၄၄ ၼႂ်းၶိင်ႇမိူဝ်ႈလႂ်ႁဝ်းၶႃႈႁၼ်ၸဝ်ႈႁဝ်းတွင်ႉမႆႈၸဝ်ႈႁဝ်းယၢၵ်ႇၼမ်ႉၸဝ်ႈႁဝ်းပဵၼ်ၶႅၵ်ႇၸဝ်ႈႁဝ်းဢမ်ႇမီးၶူဝ်းၼုင်ႈၸဝ်ႈႁဝ်းမီးတၢင်းၶႆႈတၢင်းပဵၼ်ၸဝ်ႈႁဝ်းမီးၼႂ်းထွင်ႇၸိူဝ်းၼၼ်ႉလႄႈႁဝ်းၶႃႈဢမ်ႇႁဵတ်းလဵင်ႉႁဵတ်းလူတီႈၸဝ်ႈႁဝ်းၶႃႈ၊မိူဝ်ႈဢၼ်ဝႃႈၼင်ႇၼႆၸိုင်
၄၅ မၼ်းၸဝ်ႈၵေႃႈတၵ်းၶိုၼ်းလၢတ်ႈလႄႈဝႃႈ၊-ၵဝ်ဝႃႈတီႈၸိုဝ်ႈတီႈၸႂ်ႈၸမ်းၵႃႈဢၼ်သူဢမ်ႇႁဵတ်းတီႈၵေႃႉဢၼ်လဵၵ်ႉသေပိူၼ်ႈၼႂ်းၶဝ်ၸိူဝ်းၼၼ်ႉပဵၼ်တၢင်းဢၼ်သူဢမ်ႇႁဵတ်းတီႈၵဝ်ယဝ်ႉ၊ဝႃႈၼင်ႇၼႆဢေႃႈ။
၄၆ ၶဝ်ၼၼ်ႉတၵ်းလႆႈၵႂႃႇၵႃႈတီႈဢၼ်လႆႈၶၢမ်ႇဢပျႅတ်ႈတၢမ်ႇထႃႇဝရႃႉပုၼ်ႉဢေႃႈ။ ၶဝ်ၸိူဝ်းဢၼ်သိုဝ်ႈတေႃႇၼၼ်ႉၸမ်းတၵ်းလႆႈၵႂႃႇၵႃႈတီႈဢၼ်ထႃႇဝရႃႉဢသၢၵ်ႈလိပ်းပုၼ်ႉဢေႃႈ၊ဝႃႈၼင်ႇၼႆဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ