ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁
၃
သင်ႇသွၼ်သုင်းမႃႉၼိၵေႃးတိၼ်ႇ
၁ မိူဝ်ႈၼၼ်ႉမီးၽႃႇရိသေးၵေႃႉၼိုင်ႈဢၼ်လႆႈမီးၸိုဝ်ၼိၵေႃးတိၼ်ႇဢၼ်ပဵၼ်ၶုၼ်တီႈလုမ်းလူင်ၼႂ်းၵူၼ်းယုတတင်းလၢႆၼၼ်ႉမၼ်းမႃးတီႈၸဝ်ႈယေႇသုမိူဝ်ႈၶိင်ႇၵၢင်ၶိုၼ်းလႄႈလဝ်ႈလၢတ်ႈလႄႈဝႃႈ၊-
၂ ၸဝ်ႈႁဝ်း၊ႁဝ်းၶႃႈႁူႉၸဝ်ႈႁဝ်းပဵၼ်သြႃႇဢၼ်လုၵ်ႉသေၵႃႈတီႈၽြႃးပဵၼ်ၸဝ်ႈမႃးၼၼ်ႉၶႃႈဢေႃႈ။ပႃးၽြႃးပဵၼ်ၸဝ်ႈဢမ်ႇမီးယူႇလူၺ်ႈၵၼ်တင်းၵေႃႉၼၼ်ႉၸိုင်ၽူႈလႂ်ၵေႃႈတေဢမ်ႇၸၢင်ႊႁဵတ်းလႆႈၼီႉမိၵ်ႈလၵ်ႈၶၼႃႇဢၼ်ၸဝ်ႁဝ်းၼႄပျႃးၸိူဝ်းၼႆႉလႆႈၶႃႈ၊မိူဝ်ႈဢၼ်ဝႃႈၼင်ႇၼႆၸိုင်၊
၃ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ၵဝ်ဝႃႈတီႈၸိုဝ်ႈတီႈၸႂ်ႈၸမ်းၵေႃႉဢၼ်ဢမ်ႇၶၢမ်ႇတၢင်းဢၼ်ၶိုၼ်းၵိူတ်ႇလဵင်ႉၼၼ်ႉတၵ်းဢမ်ႇလႆႈႁၼ်မိူင်းၽြႃးပဵၼ်ၸဝ်ႈ၊ဝႃႈၼင်ႇၼႆဢေႃႈ။
၄ ၼိၵေႃးတိၼ်ႇၵေႃႈလဝ်ႈလၢတ်ႈလႄႈဝႃႈ၊-ၵေႃႉဢၼ်ပေႃးဢသၢၵ်ႈယႂ်ႇယဝ်ႉၼၼ်ႉတၵ်းၶၢမ်ႇတၢင်းဢၼ်ၶိုၼ်းၵိူတ်ႇလဵင်ႉလႆႈထႅင်ႈၸိူဝ်ႉၼင်ႇႁိုဝ်ၶႃႈ။တၵ်းသမ်ႉၶိုၼ်းလူဝ်ႇၶဝ်ႈၵႂႃႇၵႃႈၼႂ်းတွင်ႉမေႈမၼ်းၼၼ်ႉသေလႄႈၶၢမ်ႇတၢင်းဢၼ်ၶိုၼ်းၵိူတ်ႇလဵင်ႉမႃးထႅင်ႈၶႃႈႁိုဝ်၊ဝႃႈၼင်ႇၼႆဢေႃႈ။
၅ ၸဝ်ႈယေႇသုၵေႃႈလၢတ်ႈလႄႈဝႃႈ၊-ၵဝ်ႈဝႃႈတီႈၸိုဝ်ႈတီႈၸႂ်ႈတီႈမႂ်းၸမ်းၵေႃႉဢၼ်ဢမ်ႇၶၢမ်ႇတၢင်းဢၼ်ၵိူတ်ႇလဵင်ႉၵႃႈၼႂ်းၼမ်ႉတင်းဝိၺိၺ်ႇမူတ်းၸၢင်ႇၸဝ်ႈၼၼ်ႉဢမ်ႇလႆႈၶဝ်ႈၵႃႈၼႂ်းမိူင်းၽြႃးပဵၼ်ၸဝ်ႈ၊ဝႃႈၼင်ႇၼႆဢေႃႈ။
၆ ဢၼ်ၶၢမ်ႇတၢင်းဢၼ်ၵိူတ်ႇလဵင်ႉသေၵႃႈၼႂ်းၼိူဝ်ႉလိူတ်ႈၼၼ်ႉပဵၼ်ၼိူဝ်ႉလိူတ်ႈဢေႃႈ။ဢၼ်ၶၢမ်ႇတၢင်းဢၼ်ၵိူတ်ႇလဵင်ႉသေၵႃႈၼႂ်းဝိၺိၺ်ႇမူတ်းၸၢင်ႇၸဝ်ႈၼၼ်ႉပဵၼ်ဝိၺိၺ်ႇဢေႃႈ။
၇ ယႃႇပေမီးတၢင်းဢၼ်လီဢၢမ်းလွင်ႈဢၼ်ၵဝ်ႁေႃးလၢတ်ႈဝႃႈ၊-တၵ်းလႆႈၶၢမ်ႇတၢင်းဢၼ်ၶိုၼ်းၵိူတ်ႇလဵင်ႉထႅင်ႈ၊ဝႃႈၼင်ႇၼႆၼၼ်ႉ။
၈ လူမ်းၸိုင်ၵႂႃႇမႃးၵႃႈၼင်ႇဢၼ်ဢလူဝ်ႇမၼ်းမီးၼၼ်ႉဢေႃႈ။ပဵၵ်ႉသမ်ႉမႂ်းလႆႈငိၼ်းသဵင်မၼ်းသေၵေႃႈမႂ်းဢမ်ႇႁူႉလွင်ႈဢၼ်ပဵၼ်မႃးၵႃႈတီႈလႂ်ၵႂႃႇၵႃႈတီႈလႂ်ၼၼ်ႉ။ပိူင်လဵဝ်ၵၼ်ၵေႃႉဢၼ်ၶၢမ်ႇတၢင်းဢၼ်ၵိူတ်ႇလဵင်ႉသေၵႃႈၼႂ်းဝိၺိၺ်ႇမူတ်းၸၢင်ႇၸဝ်ႈၼၼ်ႉပဵၼ်ၸိူဝ်ႉၼင်ႇၼၼ်ဢေႃႈ၊ဝႃႈၼင်ႇၼႆဢေႃႈ။
၉ ၼိၵေႃးတိၼ်ႇၵေႃႈၶိုၼ်းလဝ်ႈထၢမ်လႄႈဝႃႈ၊-လွင်ႈတီႈႁႅင်းၼႆႉတၵ်းပဵၼ်လႆႈၸိူဝ်ႉၼင်ႇႁိုဝ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်၊
၁၀ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-မႂ်းပဵၼ်ထမ်ႇမႃႉသြႃႇၼႂ်းၵူၼ်းဢိသရေႇလတင်းလၢႆယူႇလႄႈမႂ်းယင်းဢမ်ႇႁူႉလွင်ႈတီႈႁႅင်းၼႆႉႁိုဝ်။
၁၁ ၵဝ်ဝႃႈတီႈၸိုဝ်ႈတီႈၸႂ်ႈၸမ်းႁဝ်းလၢတ်ႈလွင်ႈတၢင်းဢၼ်တူဝ်ၸဝ်ႈၵဝ်ႇႁူႉၼၼ်ႉဢေႃႈ။ႁဝ်းၶၢမ်ႇသၢၵ်ႈသေႇလွင်ႈတၢင်းဢၼ်တူဝ်ၸဝ်ႈၵဝ်ႇႁၼ်ၼၼ်ႉဢေႃႈ။ၼႂ်းဝႃႈၼၼ်သေၵေႃႈလွင်ႈတၢင်းဢၼ်ႁဝ်းၶၢမ်ႇသၢၵ်ႈသေႇၼၼ်ႉသူဢမ်ႇႁပ်ႉဢမ်ႇဢဝ်။
၁၂ ပေႃးၵဝ်လၢတ်ႈလွင်ႈၶိူင်ႈပိူင်လိၼ်မိူင်းၼႆႉတီႈသူလႄႈသူယင်းဢမ်ႇယုမ်ႇၸိုင်မိူဝ်ႈဢၼ်ၵဝ်လၢတ်ႈလွင်ႈၶိူင်ႈပိူင်ၵၢင်ႁၢဝ်တီႈသူၼၼ်ႉသူတၵ်းယုမ်ႇၸိူဝ်ႉၼင်ႇႁိုဝ်။
၁၃ လိူဝ်သေလုၵ်ႈၵူၼ်းဢၼ်လုၵ်ႉသေၵႃႈတီႈမိူင်းၵၢင်ႁၢဝ်မႃးၼၼ်ႉၽူႈလႂ်သေၵေႃႉသေၵူၼ်းဢမ်ႇၶိုၼ်ႈထိုင်ယဝ်ႉၵႃႈၼိူဝ်မိူင်းၵၢင်ႁၢဝ်ပုၼ်ႉ။
၁၄ ၸိူဝ်ႉၼင်ႇဢၼ်မုဝ်းသေႇယုၵ်ႉငူးဝႆႉၵႃႈၼႂ်းထိူၼ်ႇၼၼ်ႉလုၵ်ႈၵူၼ်းတၵ်းလႆႈၶၢမ်ႇတၢင်းဢၼ်ယုၵ်ႉဝႆႉဢေႃႈ။
၁၅ လွင်ႈမၼ်းၸမ်းၼင်ႇႁိုဝ်ၶဝ်ၸိူဝ်းဢၼ်ယုမ်ႇမၢတ်ႈလုၵ်ႈၸဝ်ႈတင်းသဵင်ႈတင်းလူင်ၼၼ်ႉတၵ်းဢမ်ႇလႆႈႁွတ်ႈထိုင်တၢင်းလူႉတၢင်းလႅဝ်လႄႈတၵ်းလႆႈဢသၢၵ်ႈထႃႇဝရႃႉၸိုင်ၸင်ႇပဵၼ်ဢေႃႈ။
၁၆ ၼင်ႇႁိုဝ်ၶဝ်ၸိူဝ်းဢၼ်ယုမ်ႇမၢတ်ႈလုၵ်ႈၽြႃးပဵၼ်ၸဝ်ႈတင်းသဵင်ႈတင်းလူင်ၼၼ်ႉတၵ်းဢမ်ႇလႆႈႁွတ်ႈထိုင်တၢင်းလူႉတၢင်းလႅဝ်လႄႈတၵ်းလႆႈဢသၢၵ်ႈထႃႇဝရႃႉၸိုင်ၽြႃးပဵၼ်ၸဝ်ႈႁၵ်ႉၵူၼ်းလေႃးၵီႇတင်းလၢႆတေႃႇထိုင်ႁွတ်ႈထၼ်ႈပေႃးၸုၼ်ႉပႅတ်ႈလုၵ်ႈၸဝ်ႈပႃးလဵဝ်ဢၼ်မီးတီႈမၼ်းၸဝ်ႈၼၼ်ႉဢေႃႈ။
၁၇ ၽြႃးပဵၼ်ၸဝ်ႈပွႆႇၸႂ်ႉလုၵ်ႈၸဝ်ႈမႃးၵႃႈၼႂ်းလေႃးၵႃႉၼႆႉႁႂ်ႈလႆႈမႃးၸီႇယၢင်ႇဢပျႅတ်ႈတီႈၵူၼ်းလေႃးၵီႇတင်းလၢႆဢမ်ႇၸႂ်ႈ။ပွႆႇၸႂ်ႉမႃးႁႂ်ႈၶဝ်လႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၵွပ်ႈပိူဝ်ႈမၼ်းၸဝ်ႈဢေႃႈ။
၁၈ ၵေႃႉဢၼ်ယုမ်ႇမၢတ်ႈလုၵ်ႈၸဝ်ႈၼၼ်ႉဢမ်ႇလႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈ။ၵေႃႉဢၼ်ဢမ်ႇယုမ်ႇမၢတ်ႈၼၼ်ႉပိူဝ်ႈဢၼ်ဢမ်ႇယုမ်ႇမၢတ်ႈလုၵ်ႈၸဝ်ႈပႃးလဵဝ်ဢၼ်မီးတီႈၽြႃးပဵၼ်ၸဝ်ႈၼၼ်ႉလႄႈၸႃႉၸဵမ်ၶိင်ႇတေႃႈလဵဝ်ၼႆႉလႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈဢေႃႈ။
၁၉ လွင်ႈဢၼ်လႆႈၶၢမ်ႇတၢင်းဢၼ်ၸီႇယၢင်ႇဢပျႅတ်ႈၼၼ်ႉၸမ်းဢၼ်လႅင်းၶဝ်ႈမႃးၵႃႈၼႂ်းလေႃးၵႃႉၼႆႉလႄႈၵူၼ်းတင်းလၢႆၵွပ်ႈပိူဝ်ႈႁဵတ်းဢၼ်ဢမ်ႇလီလႄႈယဵင်ႈၶႅၼ်းၵျိူၵ်ႈဢၼ်လပ်းသိင်ႇၼႃႇသေဢၼ်လႅင်းဢေႃႈ။
၂၀ ၶဝ်ၸိူဝ်းဢၼ်ႁဵတ်းဢၼ်ႁၢႆႉဢၼ်မိူၵ်ႈတင်းသဵင်ႈတင်းလူင်ၼၼ်ႉၶၢၼ်ႉႁၼ်ဢၼ်လႅင်းလႄႈၼင်ႇႁိုဝ်တၢင်းႁဵတ်းတၢင်းသၢင်ႈတူဝ်ၸဝ်ႈၵဝ်ႇၸိူဝ်းၼၼ်ႉတၵ်းဢမ်ႇလႆႈပေႃႇလႆႈဢွၵ်ႇၸိုင်ဢမ်ႇသုတ်ႈဢမ်ႇမႃးၵႃႈတီႈဢၼ်လႅင်း။
၂၁ ၵေႃႉဢၼ်ၵမ်ၵျၢင်ႉသမ်ႇမႃႇတြႃးၼၼ်ႉၸမ်းၼင်ႇႁိုဝ်တၢင်းၵမ်တၢင်းၵျၢင်ႉတူဝ်ၸဝ်ႈၵဝ်ႇတၵ်းလႆႈပေႃႇလႆႈဢွၵ်ႇၸိုင်သုတ်ႈမႃးၵႃႈတီႈဢၼ်လႅင်းဢေႃႈ၊ဝႃႈၼင်ႇၼႆဢေႃႈ။
ယုဝ်းႁၢၼ်ႇၶၢမ်ႇသၢၵ်ႈသေႇလွင်ႈၸဝ်ႈယေႇသု
၂၂ လိုၼ်းၼၼ်ႉၸဝ်ႈယေႇသုဢိၵ်ႇတင်းတပႄးၸဝ်ႈတင်းလၢႆၵႂႃႇဝၢၼ်ႈၼွၵ်ႈၼႃးပၢင်ႇမိူင်းယုတပုၼ်ႉယဝ်ႉၸင်ႇယူႇလူၺ်ႈၵၼ်တင်းၶဝ်ၵႃႈတီႈၼၼ်ႉလႄႈပၼ်ပပ်ႉတိၸၢမ်ႇဢေႃႈ။
၂၃ ယုဝ်းႁၢၼ်ႇပၼ်ပပ်ႉတိၸၢမ်ႇၵႃႈတီႈဢေႇၼုၼ်ႇဢၼ်ၸမ်ၵၼ်တင်းဝဵင်းသႃႇလိမ်ႇၵွပ်ႈပိူဝ်ႈၵႃႈတီႈၼၼ်ႉမီးၼမ်ႉၼမ်ဢေႃႈ။
၂၄ ၵူၼ်းတင်းလၢႆၵေႃႈမႃးလႄႈၶၢမ်ႇဢဝ်ပပ်ႉတိၸၢမ်ႇဢေႃႈ။ၶိင်ႇၼၼ်ႉယုဝ်းႁၢၼ်ႇဢမ်ႇပႆႇတူၵ်းၵႃႈၼႂ်းထွင်ႇ။
၂၅ မိူဝ်ႈၼၼ်ႉတပႄးယုဝ်းႁၢၼ်ႇတင်းလၢႆမီးတီႈဢၼ်တွင်ႈထၢမ်ထဵင်ၵၼ်တင်းၵူၼ်းယုတတင်းလၢႆလူၺ်ႈလွင်ႈတၢင်းဢၼ်မူတ်းသႂ်ၼၼ်ႉဢေႃႈ။
၂၆ ၶဝ်မႃးၵႃႈတီႈယုဝ်းႁၢၼ်ႇလႄႈလဝ်ႈလၢတ်ႈလႄႈဝႃႈ၊-ၸဝ်ႈႁဝ်းၵေႃႉဢၼ်မီးယူႇလူၺ်ႈၵၼ်တင်းၸဝ်ႈႁဝ်းၵႃႈတီႈၽၢႆႇပုၼ်ႉၼမ်ႉႁွင်ႊယေႃးတၢၼ်ႇဢၼ်ၸဝ်ႈႁဝ်းၶၢမ်ႇသၢၵ်ႈသေႇၼၼ်ႉပၼ်ပပ်ႉတိၸၢမ်ႇယူႇၶႃႈဢေႃႈ။
၂၇ ၵူၼ်းတင်းသဵင်ႈတင်းလူင်မႃးၵႃႈတီႈၵေႃႉၼၼ်ႉၶႃႈဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်ယုဝ်းႁၢၼ်ႇၵေႃႈၶိုၼ်းလၢတ်ႈလႄႈဝႃႈ၊-ပေႃးဢမ်ႇၸႂ်ႈလုၵ်ႉသေၵႃႈတီႈမိူင်းၵၢင်ႁၢဝ်ပၼ်မႃးၸိုင်ၵူၼ်းဢမ်ႇႁပ်ႉၶၢမ်ႇဢဝ်လႆႈသေၸိူဝ်ႉသေပိူင်။
၂၈ လွင်ႈဢၼ်ၵဝ်လၢတ်ႈလႄႈဝႃႈ၊-ၵဝ်ဢမ်ႇၸႂ်ႈၸဝ်ႈၶရိၸ်ႉ။ပဵၼ်ၵေႃႉဢၼ်ၶၢမ်ႇတၢင်းဢၼ်ပွႆႇၸႂ်ႉမႃးဢွၼ်တၢင်းၸဝ်ႈၶရိၸ်ႉၵူၺ်းဢေႃႈ၊ဝႃႈၼင်ႇၼႆၼၼ်ႉသူပဵၼ်သၢၵ်ႈသေႇၵဝ်ဢေႃႈ။
၂၉ ၵေႃႉဢၼ်လႆႈလုၵ်ႈယိင်းသၢဝ်ဢၼ်သွင်ႇမင်ႇၵလႃႇၼၼ်ႉပဵၼ်ၵေႃႉဢၼ်သွင်ႇမင်ႇၵလႃႇဢေႃႈ။ၵေႃႉသေႈဢၼ်ယူႇၸမ်ႁိမ်းၵေႃႉဢၼ်သွင်ႇမင်ႇၵလႃႇလႄႈလႆႈငိၼ်းၵႂၢမ်းမၼ်းၼၼ်ႉပိူဝ်ႈဢၼ်လႆႈငိၼ်းၵႂၢမ်းမၼ်းလႄႈမီးၸႂ်ဢၼ်သိူဝ်းပျေႃႇၼႃႇလူင်လၢင်ဢေႃႈ။မိူၼ်ၼင်ႇၼၼ်တၢင်းဢၼ်သိူဝ်းပျေႃႇၵဝ်ၼႆႉတဵမ်ထူၼ်ႈဝႆႉဢေႃႈ။
၃၀ ၸဝ်ႈၼၼ်ႉတၵ်းလႆႈမီးတၢင်းဢၼ်ယႂ်ႇၵႂၢင်ႈမႃးဢေႃႈ။ၵဝ်ၸမ်းတၵ်းလႆႈမီးတၢင်းဢၼ်သုတ်ႈယွမ်းၵႂႃႇဢေႃႈ။
၃၁ ၵေႃႉဢၼ်လုၵ်ႉသေၵႃႈတီႈၼိူဝ်မႃးၼၼ်ႉပဵၼ်ၸိၵ်းပဵၼ်ၸွမ်ပိူၼ်ႈတင်းသဵင်ႈတင်းလူင်ဢေႃႈ။ၵေႃႉဢၼ်ပဵၼ်မႃးၵႃႈတီႈလိၼ်မိူင်းၼႆႉၸၢပ်ႈသႅင်ႇၵၼ်တင်းလိၼ်မိူင်းလႄႈၸၢင်ႊလၢတ်ႈလွင်ႈတၢင်းလိၼ်မိူင်းဢေႃႈ။ၵေႃႉဢၼ်လုၵ်ႉသေၵႃႈၼိူဝ်မိူင်းၵၢင်ႁၢဝ်မႃးၼၼ်ႉပဵၼ်ၸိၵ်းပဵၼ်ၸွမ်ပိူၼ်ႈတင်းသဵင်ႈတင်းလူင်ဢေႃႈ။
၃၂ ၵႃႈဢၼ်မၼ်းၸဝ်ႈလႆႈႁၼ်ၵႃႈဢၼ်မၼ်းၸဝ်ႈလႆႈငိၼ်းၸိူဝ်းၼၼ်ႉၵေႃႈမၼ်းၸဝ်ႈၶၢမ်ႇသၢၵ်ႈသေႇဢေႃႈ။လွင်ႈတၢင်းဢၼ်မၼ်းၸဝ်ႈၶၢမ်ႇသၢၵ်ႈသေႇၼၼ်ႉၽူႈလႂ်သေၵေႃႉသေၵူၼ်းဢမ်ႇၶၢမ်ႇဢမ်ႇဢဝ်။
၃၃ ၵေႃႉဢၼ်ၶၢမ်ႇဢဝ်လွင်ႈတၢင်းဢၼ်မၼ်းၸဝ်ႈၶၢမ်ႇသၢၵ်ႈသေႇၼၼ်ႉၸမ်းတွၵ်ႇတၼ်းသိၵ်ႈဝႃႈ၊-ၽြႃးပဵၼ်ၸဝ်ႈပႂ်ႉသႅတ်ႈၸႃႇဢေႃႈဝႃႈၼင်ႇၼႆဢေႃႈ။
၃၄ ၵေႃႉဢၼ်ၽြႃးပဵၼ်ၸဝ်ႈပွႆႇၸႂ်ႉမႃးၼၼ်ႉၸၢင်ႊလၢတ်ႈၸၢင်ႊဝႃႈၵႂၢမ်းၽြႃးပဵၼ်ၸဝ်ႈဢေႃႈ။လွင်ႈမၼ်းၸမ်းတီႈတႅၵ်ႈတီႈတိူင်းယင်းဢမ်ႇမီးလႄႈၽြႃးပဵၼ်ၸဝ်ႈပၼ်ဝိၺိၺ်ႇမူတ်းၸၢင်ႇၸဝ်ႈဢေႃႈ။
၃၅ ပေႃႈၸဝ်ႈႁၵ်ႉလုၵ်ႈၸဝ်ႈလႄႈဢဝ်ၵႃႈမီးတင်းသဵင်ႈတင်းလူင်ဢၢပ်ႈပၼ်ၼႂ်းမိုဝ်းမၼ်းၸဝ်ႈယဝ်ႉ။
၃၆ ၵေႃႉဢၼ်ယုမ်ႇမၢတ်ႈလုၵ်ႈၸဝ်ႈၼၼ်ႉလႆႈထႃႇဝရႃႉဢသၢၵ်ႈဢေႃႈ။ၵေႃႉဢၼ်ဢမ်ႇယုမ်ႇမၢတ်ႈလုၵ်ႈၸဝ်ႈၼၼ်ႉဢမ်ႇလႆႈထူပ်းဢသၢၵ်ႈ။ၵႃႈၼိူဝ်ၵေႃႉၼၼ်ႉတၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈတႄႇယူႇဢေႃႈ၊ဝႃႈၼင်ႇၼႆဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ