Shan Missions

၁၅

ပတိၺိၺ်ႇၽြႃးပဵၼ်ၸဝ်ႈတီႈဢႃႇပြမ်ႇ

၁ ဝၢႆးၼၼ်ႉၼုၵ်ႈၵပၢတ်ႈထႃႇဝရႃႉၽြႃး ႁွတ်ႈမႃးတီႈဢႃႇပြမ်ႇ ၼႂ်းပျႃႇတိၵ်ႈရူႇပႃႇရူင်ႇလႄႈဝႃႈ၊- ဢႃႇပြမ်ႇ ဢိူၺ်း။ယႃႇပေမႆႈၸႂ်။ၵဝ်ပဵၼ်တီႈႁႄႉတီႈၵင်ႈမႂ်းဢၵျူဝ်းမႂ်း ဢၼ်ယႂ်ႇၼႃႇလူင်လၢင်ၼၼ်ႉဢေႃႈ၊မိူဝ်ႈဢၼ်ဝႃႈၼင်ႇၼႆၸိုင် ဢႃႇပြမ်ႇၵေႃႈလဝ်ႈလၢတ်ႈ လႄႈဝႃႈ၊-

၂ ထႃႇဝရႃႉၽြႃးပဵၼ်ၸဝ်ႈတီႈၶႃႈ။ ၶႃႈၸဝ်ႈယင်းဢမ်ႇ မီးလုၵ်ႈမီးလၢင်း သေၵေႃႉ။ ၵူၼ်းဝဵင်းထမ်ႇမသိတ်ႉ ဢေႇလေႇၸႃႇ ၼႆႉၵူၺ်းတပေဵၼ်ၵေႃႉဢၼ်တၵ်းၶၢမ်ႇဢဝ်ဢမူၺ်ႇၶႃႈၸဝ်ႈ တီႈၶႃႈဢေႃႈ။ၸဝ်ႈႁဝ်းတၵ်းႁဵတ်းၵျေးၸူးဢၼ်လႂ် တီႈၶႃႈၸဝ်ႈတီႈ ၶႃႈ။

၃ ၸဝ်ႈႁဝ်းယင်းဢမ်ႇပၼ်ၸိူဝ်ႉပၼ်ၶိူဝ်းတီႈၶႃႈၸဝ်ႈလႄႈ ၶႃႈၵူၼ်းၸႂ်ႉၵႃႈၼႂ်းႁိူၼ်းၶႃႈၸဝ်ႈၼႆႉတၵ်းပဵၼ်ၵေႃႉဢၼ်လႆႈၶၢမ်ႇဢမူၺ်ႇၶႃႈၸဝ်ႈတီႈၶႃႈ လူင်ပေႇ၊ ဝႃႈၼင်ႇၼႆဢေႃႈ။

၄ ၵမ်းၼၼ်ႉၼုၵ်ႈၵပၢတ်ႈထႃႇဝရႃႉၽြႃးသမ်ႉႁွတ်ႈမႃးတီႈမၼ်းဝႃႈ၊- ၵေႃႉဢၼ်မႂ်းဝႃႈၼၼ်ႉတၵ်းဢမ်ႇလႆႈပဵၼ်ၵေႃႉဢၼ်တၵ်းၶၢမ်ႇဢမူၺ်ႇမႂ်း။ၵေႃႉဢၼ်ၵိူတ်ႇဢွၵ်ႇမႃး ၵႃႈၼႂ်းတွင်ႉမႂ်းၼၼ်ႉၵူၺ်းတၵ်း လႆႈပဵၼ်ၵေႃႉဢၼ်ၶၢမ်ႇဢမူၺ်ႇမႂ်းဢေႃႈ၊ ဝႃႈၼင်ႇၼႆသေယဝ်ႉ ဢဝ်မၼ်းဢွၵ်ႇၵွႃႇၵႃႈၼွၵ်ႈသေလႄႈ ဝႃႈ၊-

၅ ႁႅၼ်တူၺ်းၵၢင်ႁၢဝ်တႃႉ။ပေႃးမႂ်းၼပ်ႉဢၢၼ်ႇလႆႈလၢဝ်ႈၸိူဝ်းၼၼ်ႉၸိုင် ၼပ်ႉဢၢၼ်ႇတႃႉ၊ ဝႃႈၼင်ႇၼႆလႄႈသမ်ႉလၢတ်ႈဝႃႈ၊-ၸိူဝ်ႉၶိူဝ်းမႂ်းတၵ်းလႆႈပဵၼ်ၸိူဝ်ႉ ၼင်ႇလၢဝ်ႈၸိူဝ်းၼၼ်ႉဢေႃႈ၊ဝႃႈၼင်ႇၼႆဢေႃႈ။

၆ ပိူဝ်ႈဢၼ်မၼ်းယုမ်ႇမၢတ်ႈထႃႇဝရႃႉၽြႃးလႄႈ မၼ်းၸဝ်ႈမၢတ်ႈတၢင်းယုမ်ႇမၢတ်ႈမၼ်းၼၼ်ႉ ပဵၼ်ၸိူဝ်ႉၼင်ႇတၢင်းဢၼ်သိုဝ်ႈတေႃႇဢေႃႈ။

၇ ၵမ်းၼၼ်ႉမၼ်းၸဝ်ႈလၢတ်ႈတီႈမၼ်းဝႃႈ၊- ၵဝ်ပဵၼ်ထႃႇဝရႃႉၽြႃးဢၼ်ဢဝ်မႂ်းဢွၵ်ႇသေၵႃႈၼႂ်းဝဵင်း ဢုရတီႈယူႇၵူၼ်းမိူင်း ၶႃႇလတေႇ ၼၼ်ႉမႃးႁႂ်ႈလႆႈပၼ်မိူင်းၼႆႉတီႈမႂ်း ပုၼ်ႈဢၼ် မႂ်းတၵ်းလႆႈၶၢမ်ႇဢမူၺ်ႇ ၼၼ်ႉဢေႃႈ၊

၈ မိူဝ်ႈဢၼ်ဝႃႈၼင်ႇၼႆၸိုင်၊ ဢႃႇပြမ်ႇၵေႃႈလဝ်ႈထၢမ်လႄႈဝႃႈ၊- ထႃႇဝရႃႉၽြႃးပဵၼ်ၸဝ်ႈတီႈၶႃႈ။ ၶႃႈၸဝ်ႈတၵ်းလႆႈႁဵတ်းႁိုဝ်ႁူႉလွင်ႈဢၼ်ၶႃႈၸဝ်ႈတၵ်းလႆႈၶၢမ်ႇဢမူၺ်ႇမိူင်းၼႆႉၼၼ်ႉတီႈၶႃႈ၊ ဝႃႈ ၼင်ႇၼႆဢေႃႈ။

၉ မၼ်းၸဝ်ႈၵေႃႈလၢတ်ႈတီႈမၼ်းလႄႈဝႃႈ၊- ဢဝ်ဝူဝ်းမေႈသိုဝ်ႇတူဝ်ၼိုင်ႈဢၼ်ဢသၢၵ်ႈလႆႈသၢမ်ပီႊ၊ ပေႉမေႈတူဝ်ၼိုင်ႈဢၼ်ဢသၢၵ်ႈလႆႈသၢမ်ပီႊ၊ သူဝ်းပေႃႈတူဝ်ၼိုင်ႈဢၼ်ဢသၢၵ်ႈလႆႈသၢမ်ပီႊ၊ၼူၵ်ႉတူႈတူဝ်ၼိုင်ႈ၊ ၵႃၵႄဢွၼ်ႇတူဝ်ၼိုင်ႈပုၼ်ႈၵဝ် တႃႉ၊ ဝႃႈၼင်ႇၼႆလႄႈ

၁၀ မၼ်းၵေႃႈဢဝ်တူဝ်တင်းသဵင်ႈတင်းလူင်ၸိူဝ်းၼၼ်ႉ ယေႈတူဝ်ယေႈတူဝ်ၽႃႇႁဵတ်းသွင်ၽၢၵ်ႇသွင်ၽၢၵ်ႇလႄႈ ဢဝ်ၼိူဝ်ႉဢၼ်ၽႃႇၼၼ်ႉ ဝႆႉသွင်ၽၢႆႇ၊ယေႈၽၢႆႇယေႈၽၢၵ်ႇဢေႃႈ။

၁၁ ၼူၵ်ႉၸိူဝ်းၼၼ်ႉၸမ်း၊ မၼ်းဢမ်ႇၽႃႇ။ မိူဝ်ႈဢၼ်ၼူၵ်ႉႁၢႆႉလူင်းၸူးၵႃႈၼိူဝ်တူဝ်တၢႆၸိူဝ်းၼၼ်ႉ ဢႃႇပြမ်ႇ ႁေႃႈပႅတ်ႈ ဢေႃႈ။

၁၂ မိူဝ်ႈဢၼ်ၵၢင်ဝၼ်းတူၵ်းၸိုင်၊ တၢင်းၼွၼ်းဢၼ်ၼူၵ်ႇၼႃၼၼ်ႉ တူၵ်းႁွတ်ႈၵႃႈၼိူဝ် ဢႃႇပြမ်ႇလႄႈ တၢင်းဢၼ်တူၵ်းၸႂ်ၵူဝ်ႁႄတၢင်းဢၼ်လပ်းသိင်ႇဢၼ်ယႂ်ႇၼႃႇလူင်လၢင်ၼၼ်ႉ ႁွတ်ႈထိုင်မႃးၵႃႈၼိူဝ်မၼ်းဢေႃႈ။

၁၃ မၼ်းၸဝ်ႈၵေႃႈလၢတ်ႈတီႈ ဢႃႇပြမ်ႇ ဝႃႈ၊-မၢတ်ႈတွင်းလွင်ႈဢၼ်ၸိူဝ်ႉၶိူဝ်းမႂ်း တၵ်းလႆႈပဵၼ်ၶႅၵ်ႇယူႇၵႃႈၼႂ်းမိူင်းဢၼ်ၶဝ်ဢမ်ႇပိူင်ႇၼၼ်ႉသေလႄႈ လႆႈၶၢမ်ႇတၢင်းဢၼ်ႁဵတ်းၶႃႈပိူၼ်ႈ ဢိၵ်ႇတင်း တၢင်းဢၼ်ပိူၼ်ႈၼိၵ်ႈၸၢၵ်ႈငႅၼ်းသေး သီႇပၢၵ်ႇပီႊ တဵမ်တဵမ် ဢေႃႈ၊ဢၼ်ဝႃႈၼၼ်ႉဝႆႉတႃႉ။

၁၄ ၵူၼ်းမဵဝ်းဢၼ်ၸႂ်ႉၵိၼ်ၶဝ်ၼၼ်ႉၵေႃႈၵဝ်တၵ်းၸီႇယၢင်ႇဢေႃႈ။ လိုၼ်းၼၼ်ႉၶဝ်တၵ်းလႆႈ ပႃးဢဝ်ဢုၵ်ႉၸႃႇၼမ်ၼႃႇလူင်လၢင်သေ လႄႈလွတ်ႈဢွၵ်ႇဢေႃႈ။

၁၅ မႂ်းတၵ်းလႆႈၵွႃႇၸူးၵႃႈတီႈပူႇမွၼ်ႇမႂ်းၼိမ်ၼိမ်လီလီဢေႃႈ။ မႂ်းတၵ်းလႆႈၶၢမ်ႇတၢင်းဢၼ်သၢင်းၵျူဝ်ႇ မိူဝ်ႈဢၼ်ဢသၢၵ်ႈမႂ်းၵႄႇထူၼ်ႈယႂ်ႇ ၼႃႇၼၼ်ႉဢေႃႈ။

၁၆ မိူဝ်ႈဢၼ်ၸိူဝ်ႉၶိူဝ်းမႂ်းထိုင်ႁွတ်ႈသီႇသိုပ်ႇယဝ်ႉၼၼ်ႉ ၶဝ်တၵ်းလႆႈၶိုၼ်းမႃး ၵႃႈတီႈမိူင်းၼႆႉထႅင်ႈဢေႃႈ။ လွင်ႈမၼ်းၸမ်း၊တူႉၸရိူၵ်ႈဢပျႅတ်ႈၵူၼ်းဢႃႇမေႃးရိ တင်းလၢႆၸိူဝ်းၼၼ်ႉယင်းဢမ်ႇပႆႇတဵမ်ဝႆႉ။

၁၇ မိူဝ်ႈဢၼ်ၵၢင်ဝၼ်းတူၵ်းလႄႈလပ်းသိင်ႇၼၼ်ႉ မုၵ်ႈၽႆးဢၼ်ဢွၵ်ႇၵွၼ်းၽႆးဢိၵ်ႇတင်း ၵွၵ်းၽႆးဢၼ်တႆႈႁိူဝ်ႈလႅင်းၼၼ်ႉ ပႆၵွႃႇၵႃႈၼႂ်းၵႄႈဝူင်ႈၵၢင်ၼိူဝ်ႉဢၼ်ၽႃႇဝႆႉၸိူဝ်းၼၼ်ႉထၢင်ႇထၢင်ႇသႃးသႃးဢေႃႈ။

၁၈ ဝၼ်းၼၼ်ႉ ထႃႇဝရႃႉၽြႃး ႁဵတ်းပတိၺိၺ်ႇလူၺ်ႈၵၼ်တင်း ဢႃႇပြမ်ႇ လႄႈဝႃႈ၊- ၵဝ်တၵ်းဢဝ်မိူင်းၼႆႉၸႃႉၸဵမ်ၼမ်ႉႁွင်ႊလူင်ဢၼ်ဝႃႈၼမ်ႉႁွင်ႊ ဢုၽရတ်ႉၼၼ်ႉဢိၵ်ႇတင်းၵူၼ်း ၵေႇၼိ၊ၵူၼ်း ၵေႇၼၸိ၊ ၵူၼ်းၵႃႇတမေႃႇၼိ၊ၵူၼ်း ႁိတ်ႉတိ၊ၵူၼ်း ၽေႇရၸိ၊ ၵူၼ်းရေႇၽိမ်ႇ၊ၵူၼ်း ဢႃႇမေႃးရိ၊ၵူၼ်း ၶႃႇၼၼိ၊ ၵူၼ်းၵိရၵႃႇသိ၊ၵူၼ်း ယေႇပုသိ၊ ၸိူဝ်းၼၼ်ႉဢၢပ်ႈပၼ်တီႈၸိူဝ်ႉၶိူဝ်းမႂ်းဢေႃႈ၊ ဝႃႈၼင်ႇၼႆဢေႃႈ။