ဝုတ်ႉထုတမၢၼ်ႇၸဝ်ႈ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇
၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၂၀
မိူင်းမႃႇၵေႇတေႃးၼိတင်းမိူင်းႁေႇလသ
၁ မိူဝ်ႈဢၼ်တၢင်းဢၼ်ယုင်ႈယၢင်ႈဢူၼ်ဢဵၼ်မေႃးမႄးၼၼ်ႉထၢတ်ႇယဵၼ်ယဝ်ႉၸိုင်ပေႃးလုႁွင်ႉဢဝ်တပႄးၸဝ်ႈတင်းလၢႆမႃးလႄႈပၼ်ဢဵၼ်ပၼ်ႁႅင်းတၵ်ႉလၢတ်ႈယဝ်ႉၸင်ႇၵႂႃႇၵႃႈတီႈမိူင်းမႃႇၵေႇတေႃးၼိပုၼ်ႉသေဢေႃႈ။
၂ မၼ်းလႄႇလဵပ်ႈၵႂႃႇၵႃႈတီႈၼၼ်ႉသေယဝ်ႉဢဝ်တင်းၵႂၢမ်းၼမ်ၼႃႇသင်ႇသွၼ်သုင်းမႃႉၶဝ်ယဝ်ႉၸင်ႇႁွတ်ႈထိုင်ၵႃႈတီႈမိူင်းႁေႇလသဢေႃႈ။
၃ မၼ်းယူႇၵႃႈတီႈၼၼ်ႉသၢမ်လိူၼ်သေယဝ်ႉမိူဝ်ႈဢၼ်ဢၢင်ႈဢၢၼ်းတၵ်းၶၢမ်ႈပၢင်ႇလၢႆႇလႄႈၵႂႃႇၵႃႈတီႈမိူင်းသုရိၼၼ်ႉၸိုင်ပိူဝ်ႈဢၼ်ၵူၼ်းယုတတင်းလၢႆၵျၢမ်ႇပွင်လွင်ႈတၢင်းဢၼ်ဢမ်ႇလီတီႈမၼ်းလႄႈ၊မၼ်းသမ်ႉၶိုၼ်းမိူဝ်းၵႂႃႇၸွမ်းသဵၼ်ႈတၢင်းမိူင်းမႃႇၵေႇတေႃးၼိပုၼ်ႉဢေႃႈ။
၄ ၶဝ်ၸိူဝ်းဢၼ်ၸွမ်းလူၺ်ႈၵၼ်တင်းပေႃးလုၵႂႃႇၵႃႈတီႈမိူင်းဢႃႇသိၸိူဝ်းၼၼ်ႉၸမ်းပဵၼ်သေႃႇလပရုလုၵ်ႈၸၢႆးပုရု၊ဢၼ်ပဵၼ်ၵူၼ်းဝဵင်းပေႇရိ၊ဢႃႇရိတ်ႉတႃၶုတင်းသေႇၶုၼ်ႇတုၵူၼ်းဝဵင်းထိၵ်ႈသႃႇလေႃးၼိၵ်ႈ၊ၵႃႇယုၵူၼ်းဝဵင်းတေႇရပေႇ၊တိမေႃးသေႇ၊တုၶိတင်းတရေႃႇၽိမ်ႇ၊ၵူၼ်းမိူင်းဢႃႇသိတင်းလၢႆၸိူဝ်းၼၼ်ႉဢေႃႈ။
ဢုတုၶုၶိုၼ်းလႆႈဢသၢၵ်ႈလိပ်းမႃး
၅ ၶဝ်ၵႂႃႇဢွၼ်တၢင်းႁဝ်းလႄႈပႂ်ႉထႃႈယူႇၵႃႈၼႂ်းဝဵင်းတရေႃႇဢေႃႈ။
၆ ပူၼ်ႉသေဝၼ်းပွႆးၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈၼၼ်ႉယဝ်ႉႁဝ်းၸင်ႇဢွၵ်ႇသေၵႃႈတီႈဝဵင်းၽိလိပ်ႉပိလႄႈၶီႇႁိူဝ်းၵႂႃႇ၊ၼႂ်းႁႃႈဝၼ်း၊ႁွတ်ႈထိုင်ၵႃႈတီႈဢၼ်ၶဝ်မီးၵႃႈၼႂ်းဝဵင်းတရေႃႇၼၼ်ႉသေယဝ်ႉယူႇၸဵတ်းဝၼ်းဢေႃႈ။
၇ ၼႂ်းၸဵတ်းဝၼ်းဝၼ်းပထမမိူဝ်ႈဢၼ်ႁဝ်းၸူႉၵၼ်တုမ်ၵၼ်ႁႂ်ႈလႆႈၵိၼ်ၶဝ်ႈမုၼ်းၼၼ်ႉၸိုင်ပေႃးလုၼၼ်ႉပိူဝ်ႈဢၼ်တၵ်းလႆဢွၵ်ႇတႃပႆတၢင်းဝၼ်းမိူဝ်ႈၽုၵ်ႈၼၼ်ႉလႄႈမၼ်းႁေႃးလၢတ်ႈတေႃႇထိုင်ႁွတ်ႈၶိင်ႇတဵင်ႈၶိုၼ်းဢေႃႈ။
၈ ၵႃႈတီႈဢၼ်ႁဝ်းၸူႉၵၼ်တုမ်ၵၼ်ၼႂ်းလုၵ်းႁၢၼ်ႉၼိူဝ်ၼၼ်ႉမီးၵွၵ်းတႆႈၽႆးၼမ်ၼႃႇဢေႃႈ။မီးၵူၼ်းဢွၼ်ႇၵေႃႉၼိုင်ႈဢၼ်လႆႈၸိုဝ်ဢုတုၶုၼၼ်ႉၼင်ႈယူႇၵႃႈတီႈႁူးလၢင်းတႅၺ်လႄႈၼွၼ်းလပ်းၵႂႃႇလူင်လၢင်ယူႇဢေႃႈ။
၉ ၼႂ်းမိူဝ်ႈဢၼ်ပေႃးလုယင်းတိုၵ်ႉႁေႃးလၢတ်ႈယူႇႁိုင်ၼႃႇၼၼ်ႉၵေႃႉၼၼ်ႉၼွၼ်းလပ်းပူၼ်ႉၵႂႃႇသေယဝ်ႉတူၵ်းသေၵႃႈၼိူဝ်ႁိူၼ်းသၢမ်ႁၢၼ်ႉၵႂႃႇလႄႈၶဝ်ဢွၼ်ၵၼ်ႁွပ်ႇယွင်ႊဢဝ်တူဝ်တၢႆမၼ်းမႃးဢေႃႈ။
၁၀ ပေႃးလုၵေႃႈလူင်းၵႂႃႇႁၢၼ်ႉတႂ်ႈလႄႈဢဝ်တူဝ်မၼ်းၼွၼ်းဢိင်ႈၵႃႈၼိူဝ်တူဝ်တၢႆၼၼ်ႉသေယဝ်ႉၵွတ်ႇႁွပ်ႇလႄႈလၢတ်ႈဝႃႈ၊-ယႃႇပတေူၵ်းၸႂ်။မၼ်းယင်းဢသၢၵ်ႈလိပ်းယူႇဢေႃႈ၊ဝႃႈၼင်ႇၼႆဢေႃႈ။
၁၁ မၼ်းသမ်ႉၶိုၼ်းၶိုၼ်ႈၵႂႃႇႁၢၼ်ႉၼိူဝ်သေယဝ်ႉမိတ်းၶဝ်ႈမုၼ်းၵိၼ်လႄႈလၢတ်ႈၵႂၢမ်းႁိုင်ၼႃႇလူင်လၢင်တေႃႇထိုင်ႁွတ်ႈမိူင်းလႅင်းသေယဝ်ႉဢွၵ်ႇၵႂႃႇသေဢေႃႈ။
၁၂ ၶဝ်ဢဝ်ၵူၼ်းဢွၼ်ႇဢၼ်ဢသၢၵ်ႈၶိုၼ်းလိပ်းမႃးၼၼ်ႉလႄႈမီးတၢင်းဢၼ်ၸႂ်သၢၵ်ႈသႃႇၼႃႇလူင်လၢင်သေယဝ်ႉၶိုၼ်းမိူဝ်းၵႂႃႇဢေႃႈ။
ပေႃးလုၽၢတ်ႇယၢၼ်ဝဵင်းဢေးၽႅတ်ႈ
၁၃ ႁဝ်းၶီႁိူဝ်းသေယဝ်ႉၵႂႃႇဢွၼ်တၢင်းၸူးၵႃႈတီႈဝဵင်းဢတ်ႉသုႁႂ်ႈလႆႈႁပ်ႉပေႃးလုၵႃႈတီႈၼၼ်ႉဢေႃႈ။လွင်ႈမၼ်းၸမ်းပေႃးလုပႆတိၼ်ၵႂႃႇတၢင်းလွႆၸူးၵႃႈတီႈဝဵင်းၼၼ်ႉဢေႃႈ။
၁၄ မိူဝ်ႈဢၼ်မၼ်းထူပ်းၵၼ်တင်းႁဝ်းၵႃႈတီႈဝဵင်းဢတ်ႉသုၼၼ်ႉႁဝ်းႁပ်ႉဢဝ်မၼ်းလႄႈၵႂႃႇၵႃႈတီႈဝဵင်းမိတုလိၼ်ဢေႃႈ။
၁၅ ႁဝ်းၶီႇႁိူဝ်းဢွၵ်ႇသေၵႃႈတီႈဝဵင်းၼၼ်ႉလႄႈဝၼ်းမိူဝ်ႈၽုၵ်ႈလဵပ်ႈၵႂႃႇႁိမ်းၵုၼ်ၶိဢုသေယဝ်ႉလိုၼ်းၼၼ်ႉဝၼ်းၼိုင်ႈသမ်ႉႁွတ်ႈထိုင်ၵႂႃႇၵႃႈတီႈၵုၼ်သမုလႄႈၵိုတ်းသဝ်းယူႇၵႃႈႁိမ်းၸဵင်ႇၵုၼ်တရေႃႇၵုၸိၼၼ်ႉဢေႃႈ။လိုၼ်းၼၼ်ႉဝၼ်းၼိုင်ႈႁဝ်းႁွတ်ႈထိုင်ၵႃႈတီႈဝဵင်းမိလိတ်ႉဢေႃႈ။
၁၆ ပေႃးလုၼၼ်ႉၼင်ႇႁိုဝ်တၵ်းဢမ်ႇလႆႈၵိုတ်းသဝ်းယူႇၵႃႈၼႂ်းမိူင်းဢႃႇသိႁိုင်ႁိုင်ၸိုင်မၼ်းဢမ်ႇဝေႉၶဝ်ၵႃႈတီႈဝဵင်းဢေးၽႅတ်ႈလႄႈၶီႇႁိူဝ်းပူၼ်ႉၵႂႃႇဢေႃႈ။လွင်ႈမၼ်းၸမ်း၊ပေႃးလုႁဵတ်းၼႅတ်ႈၶႂ်ႈႁွတ်ႈထိုင်ဝဵင်းယေႇရုသလႅမ်ႇၼႂ်းဝၼ်းပွႆးပိၼ်ႇတေႇၵုၵ်ႉတေႇၼၼ်ႉဢေႃႈ။
၁၇ မၼ်းၸင်ႇပွႆႇၸႂ်ႉၵူၼ်းလုၵ်ႉသေၵႃႈတီႈဝဵင်းမိလိတ်ႉၵႂႃႇၵႃႈတီႈဝဵင်းဢေးၽႅတ်ႈပုၼ်ႉလႄႈႁွင်ႉဢဝ်ၵူၼ်းဢုပ်ႉၸိူဝ်းၸဝ်ႈတင်းလၢႆႁႂ်ႈလႆႈမႃးထူပ်းမၼ်းဢေႃႈ။
၁၈ မိူဝ်ႈဢၼ်ၶဝ်ႁွတ်ႈမႃးတီႈမၼ်းၼၼ်ႉမၼ်းလၢတ်ႈတေႃႇၶဝ်လႄႈဝႃႈ၊-သူႁူႉလွင်ႈဢၼ်ၵဝ်ၼႆႉၸႃႉၸဵမ်မိူဝ်ႈဝၼ်းဢၼ်တိၼ်ၵဝ်မႃးယဵပ်ႇလိၼ်မိူင်းဢႃႇသိၼႆႉၼၼ်ႉ၊ႁၢၼ်ႉတေႃႇထိုင်ႁွတ်ႈမိူဝ်ႈလဵဝ်ၼႆႉၵဝ်ယူႇလူၺ်ႈၵၼ်တင်းသူၸိူဝ်ႉၼင်ႇႁိုဝ်ၼၼ်ႉယူႇဢေႃႈ။
၁၉ ၵဝ်မီးတင်းၸႂ်ဢၼ်ၶျႃးတႅမ်ႇယူႇ၊ၼမ်ႉတႃတူၵ်းယူႇ၊ၶၢမ်ႇတၢင်းဢၼ်ၸၢမ်းတူၺ်းယႃႉယူၵ်ႉၵွပ်ႈပိူဝ်ႈတၢင်းၵျၢမ်ႇတၢင်းပွင်ၵူၼ်းယုတဢၼ်ဢမ်ႇလီၸိူဝ်းၼၼ်ႉယူႇသေလႄႈပွင်ႁဵတ်းဢမူႉၽြႃးပဵၼ်ၸဝ်ႈယူႇဢေႃႈ။
၂၀ ၵဝ်ယင်းဢမ်ႇဝေႈပႅတ်ႈလွင်ႈတၢင်းဢၼ်တၵ်းပွင်ဢၵျူဝ်းသူၼၼ်ႉၵဝ်ႁေႃးလၢတ်ႈသင်ႇသွၼ်သုင်းမႃႉသူၵႃႈၼႂ်းၵူၼ်းၸူႉၵူၼ်းတုမ်ဢိၵ်ႇတင်းၵႃႈၼႂ်းႁိူၼ်းၼိုင်ႈယဝ်ႉႁိူၼ်းၼိုင်ႈဢေႃႈ။
၂၁ ၵဝ်ၶၢမ်ႇသၢၵ်ႈသေႇၵႃႈတီႈၵူၼ်းယုတတင်းၵူၼ်းႁေႇလသတင်းလၢႆလွင်ႈတြႃးတၢင်းဢၼ်ၶုၵ်းၸႂ်လႆႈမႆႈၸႂ်ၼၼ်ႉလႄႈႁႂ်ႈၶဝ်ၶၢႆႉပုတ်ႉမႃးၵႃႈတီႈၽြႃးပဵၼ်ၸဝ်ႈသေယဝ်ႉယုမ်ႇမၢတ်ႈၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉဢေႃႈ။
၂၂ တေႃႈလဵဝ်ၼႆႉၸွမ်းလူၺ်ႈဝိၺိၺ်ႇၸဝ်ႈၼၼ်ႉလႄႈၵဝ်တၵ်းၵႂႃႇၵႃႈတီႈဝဵင်းယေႇရုသလႅမ်ႇဢေႃႈ။ၵဝ်ဢမ်ႇႁူႉဢမူႉဢၼ်လႂ်တၵ်းႁွတ်ႈထိုင်မႃးၵႃႈၼိူဝ်ၵဝ်ၵႃႈၼႂ်းဝဵင်းၼၼ်ႉ။
၂၃ ၵဝ်ၵူၺ်းႁူႉဝႃႈၵႃႈတီႈၵူႈဝဵင်းဝဵင်းၼၼ်ႉလွင်ႈတၢင်းဢၼ်မတ်ႉၽုၵ်ႇတင်းတၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉပႂ်ႉထႃႈၵဝ်ဝႆႉယူႇဢေႃႈ။လွင်ႈဢၼ်တၢင်းဢၼ်မတ်ႉၽုၵ်ႇဢိၵ်ႇတင်းတၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉပႂ်ႉထႃႈၵဝ်ဝႆႉယူႇဢေႃႈ၊ဝႃႈၼႆဝိၺိၺ်ႇမူတ်းၸၢင်ႇၸဝ်ႈပၼ်သတိတီႈၵဝ်ယူႇဢေႃႈ၊
၂၄ ၼႂ်းဝႃႈၼၼ်သေၵေႃႈလိူဝ်သေတၢင်းဢၼ်ၶုၼ်ႇလႅၼ်ႈတေႃႇတီႈသုတ်းႁဵတ်းႁႂ်ႈဢမူႉၸဝ်ႈယဝ်ႉတူဝ်လီငၢမ်းဢၼ်ၸဝ်ႈယေႇသုဢၢပ်ႈပၼ်တီႈၵဝ်ဢၼ်တၵ်းလႆႈၶၢမ်ႇသၢၵ်ႈသေႇသတၢင်းသိူဝ်းပျေႃႇဢၼ်ၸၢပ်ႈသႅင်ႇၵၼ်တင်းၵျေးၸူးၸဝ်ႈၼၼ်ႉၵဝ်ဢမ်ႇမၢတ်ႈဢသၢၵ်ႈၵဝ်ထိူၵ်ႈတၢၼ်ႇဢီသင်။
၂၅ တေႃႈလဵဝ်ၼႆႉၸမ်း၊ၵဝ်ႁူႉလွင်ႈဢၼ်ဝႃႈ၊ၼႂ်းသူၸိူဝ်းဢၼ်ၵဝ်လႆႈႁေႃးလၢတ်ႈလွင်ႈမိူင်းၽြႃးပဵၼ်ၸဝ်ႈပၼ်ၼၼ်ႉသေၵေႃႉသေၵူၼ်း၊ၵမ်းလိုၼ်းတၵ်းဢမ်ႇလႆႈႁၼ်ၵဝ်ထႅင်ႈသေပွၵ်ႈၼၼ်ႉဢေႃႈ။
၂၆ ပိူဝ်ႈၼႆလႄႈဝၼ်းမိူဝ်ႈၼႆႉၵဝ်လၢတ်ႈလႅင်းလႅင်းတီႈသူလႄႈဝႃႈ၊ၵဝ်ၵၢင်းလွတ်ႈတင်းလိူတ်ႈၵူၼ်းတင်းသဵင်ႈတင်းလူင်ယဝ်ႉ။
၂၇ လွင်ႈမၼ်းၸမ်းၵဝ်ယင်းဢမ်ႇၵိုတ်းသဝ်းလႄႈႁေႃးလၢတ်ႈဢလူဝ်ႇၽြႃးပဵၼ်ၸဝ်ႈတင်းသဵင်ႈတင်းမူတ်းၼၼ်ႉၵႃႈတီႈသူယဝ်ႉ။
၂၈ ပိူဝ်ႈၼႆလႄႈသူဝႆႉသတိသေလႄႈဢုပ်ႉထိင်းတူဝ်ၸဝ်ႈၵဝ်ႇဢိၵ်ႇတင်းၽုင်သူဝ်းဢၼ်ဝိၺိၺ်ႇမူတ်းၸၢင်ႇၸဝ်ႈဢၢပ်ႈပၼ်တီႈသူႁႂ်ႈသူလႆႈဢုပ်ႉထိင်းႁဵတ်းလဵင်ႉႁဵတ်းလူဢၼ်ပဵၼ်ၸိူဝ်းၸဝ်ႈၽြႃးပဵၼ်ၸဝ်ႈဢၼ်မၼ်းၸဝ်ႈဢဝ်တင်းလိူတ်ႈတူဝ်ၸဝ်ႈၵဝ်ႇသိုဝ်ႉဢဝ်ၼၼ်ႉတႃႉ။
၂၉ ၵဝ်ႁူႉလွင်ႈဢၼ်ဝႃႈဝၢႆးသေၵဝ်ဢမ်ႇမီးယဝ်ႉၼၼ်ႉမႃထိူၼ်ႇဢၼ်လိူင်းဢၼ်ၵႅမ်းတင်းလၢႆယင်းတေဢမ်ႇဢိတ်းလူၽုင်သူဝ်းလႄႈတၵ်းၶဝ်ႈမႃးယႃႉၵဝ်းဢေႃႈ။
၃၀ ၵႃႈၼႂ်းသူၼၼ်ႉၵေႃႈတေမီးမႃးၵူၼ်းဢၼ်လၢတ်ႈၵႂၢမ်းဢၼ်ၽိတ်းဢၼ်ပိူင်ႈလႄႈၸူဝ်းဢဝ်တပႄးၸဝ်ႈတင်းလၢႆႁႂ်ႈလႆႈၸွမ်းပႃႈလင်ၶဝ်ၵႂႃႇၼၼ်ႉဢေႃႈ။
၃၁ ပိူဝ်ႈၼႆလႄႈဝႆႉသတိလီလီတႃႉ။ၶုၵ်းၸႂ်လႆႈတၢင်းဢၼ်ၵဝ်ပႃးတင်းၼမ်ႉတႃသေလႄႈသင်ႇသွၼ်သုင်းမႃႉပၼ်သူၵူႈၵေႃႉၵၢင်ဝၼ်းၵၢင်ၶိုၼ်းဢမ်ႇထၢတ်ႇသၢမ်ပီႊတဵမ်တဵမ်ၼၼ်ႉတႃႉ။
၃၂ ပီႈၼွင်ႉၶဝ်ဢိူၺ်း၊တေႃႈလဵဝ်ၼႆႉၵဝ်ဢဝ်သူဢၢပ်ႈၵႃႈတီႈၽြႃးပဵၼ်းၸဝ်ႈဢိၵ်ႇတင်းၵႃႈတီႈၵျေးၸူးတြႃးမၼ်းၸဝ်ႈဢၼ်တႄႇႁဵတ်းသူလႆႈလႄႈပၼ်ဢမူၺ်ႇတီႈသူၼႂ်းၶဝ်ၸိူဝ်းဢၼ်မူတ်းၸၢင်ႇတင်းသဵင်ႈတင်းလူင်ၼၼ်ႉဢေႃႈ။
၃၃ ၵဝ်ဢမ်ႇမီးၸႂ်ဢၼ်ၶႂ်ႈလႆႈငိုၼ်းၶမ်းၶူဝ်းၼုင်ႈတၢင်းမႆႊတီႈသေၵေႃႉသေၵူၼ်း။
၃၄ သူႁူႉယူႇလွင်ႈဢၼ်ၵဝ်ဢဝ်တင်းမိုဝ်းၵဝ်လႄႈႁဵတ်းလဵင်ႉႁဵတ်းလူတူဝ်ၸဝ်ႈၵဝ်ႇဢိၵ်ႇတင်းၶဝ်ၸိူဝ်းဢၼ်ပႃးလူၺ်ႈၵၼ်တင်းၵဝ်ၸိူဝ်းၼၼ်ႉယူႇဢေႃႈ။
၃၅ ၼႂ်းလွင်ႈတၢင်းဢၼ်ၵဝ်ႁဵတ်းၵူႈၸိူဝ်ႉၵူႈပိူင်ၵဝ်လႆႈၼႄပျႃႉလွင်ႈတၢင်းဢၼ်သူတၵ်းလႆႈႁဵတ်းတၢင်းႁဵတ်းလႄႈၸွႆႈထႅမ်မႃႉၸႃႉၶဝ်ၸိူဝ်းဢၼ်ႁႅင်းၵေႇၼၼ်ႉဢေႃႈ။ၶုၵ်းၸႂ်လႆႈၶႆႈၸႂ်ထူပ်းၵႂၢမ်းဢၼ်ၸဝ်ႈယေႇသုဝႃႈ၊-
၃၆ တၢင်းဢၼ်ၽေးၸွၼ်းယိုၼ်ႈမႅင်ႇၼၼ်ႉယဵင်ႈၶႅၼ်းမီးမင်ႇၵလႃႇယႂ်ႇၼႃႇသေတၢင်းဢၼ်ႁပ်ႉၶၢမ်ႇဢဝ်ၼၼ်ႉဢေႃႈ၊ဝႃႈၼင်ႇၼႆၼၼ်ႉတႃႉ။
မၼ်းဝႃႈၸိူဝ်ႉၼင်ႇယဝ်ႉၶုပ်ႉၶဝ်ႇလႄႈသူးတွင်းလူၺ်ႈၵၼ်တင်းၶဝ်တင်းသဵင်ႈတင်းလူင်ဢေႃႈ။
၃၇ ၶဝ်တင်းသဵင်ႈတင်းလူင်ၼၼ်ႉႁွင်ႉႁႆႈၼႃႇလူင်လၢင်လႄႈၵွတ်ႇၶေႃးမၼ်းယူႇ၊ၼူမ်မၼ်းယူႇ၊မီးၸႂ်ဢၼ်ယဵင်ႈၶႅၼ်းငိၼ်းၽၢၼ်ၼႃႇၵွပ်ႈပိူဝ်ႈၵႂၢမ်းဢၼ်မၼ်းဝႃႈ၊
၃၈ ၵမ်းလိုၼ်းၶဝ်တၵ်းဢမ်ႇလႆႈႁၼ်ၼႃႈမၼ်းထႅင်ႈယဝ်ႉ၊ဝႃႈၼႆၼၼ်ႉဢေႃႈ။ၶဝ်ၸင်ႇဢွၼ်ၵၼ်သူင်ႇမၼ်းၵႂႃႇတေႃႇထိုင်ႁွတ်ႈတီႈႁိူဝ်းပုၼ်ႉဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ