Shan Missions

ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ

Chapter   ၁    ၂    ၃    ၄    ၅    ၆    ၇    ၈    ၉    ၁၀    ၁၁    ၁၂    ၁၃    ၁၄    ၁၅    ၁၆    ၁၇    ၁၈    ၁၉    ၂၀    ၂၁   

၁၇ 

ၸဝ်ႈယေႇသုသူးတွင်း

၁ ၸဝ်ႈယေႇသုဝႃႈၸိူဝ်ႉၼင်ႇၼၼ်ယဝ်ႉၸင်ႇႁႅၼ်တူၺ်းၵႃႈၼိူဝ်ၵၢင်ႁၢဝ်သေလႄႈဝႃႈ၊-ဢူဝ်း၊ပေႃႈတီႈၶႃႈ။ၶိင်ႇၵႃႇလႃႉႁွတ်ႈထိုင်မႃးၶႃႈယဝ်ႉ။ၼင်ႇႁိုဝ်လုၵ်ႈၸဝ်ႈတၵ်းႁႂ်ႈမူၼ်ၽုင်းၸဝ်ႈႁဝ်းထၢင်ႇသႃးမႃးၼၼ်ႉၸိုင်ႁႂ်ႈမူၼ်ၽုင်းလုၵ်ႈၸဝ်ႈထၢင်ႇသႃးသေၵမ်းၶႃႈ။

၂ ၵႃႈၼင်ႇဢၼ်ၸဝ်ႈႁဝ်းပၼ်ဢၶႂၢင်ႉတၼ်းၶူဝ်းတီႈလုၵ်ႈၸဝ်ႈႁႂ်ႈလႆႈဢုပ်ႉပိူင်ႇၵူၼ်းမဵဝ်းတင်းသဵင်ႈတင်းလူင်လႄႈႁႂ်ႉႈလႆႈပၼ်ထႃႇဝရႃႉဢသၢၵ်ႈတီႈၶဝ်ၸိူဝ်းဢၼ်ၸဝ်ႈႁဝ်းဢၢပ်ႈပၼ်ၼႂ်းမိုဝ်းလုၵ်ႈၸဝ်ႈၵႃႈမီးၸိူဝ်းၼၼ်ႉၸိုင်ႁႂ်ႈမူၼ်ၽုင်းလုၵ်ႈၸဝ်ႈထၢင်ႇသႃးမႃးသေၵမ်းတီႈၶႃႈ။

၃ ထႃႇဝရႃႉဢသၢၵ်ႈၸမ်းပဵၼ်တၢင်းဢၼ်ႁူႉၸၵ်းၸဝ်ႈႁဝ်းဢၼ်ပဵၼ်ၽြႃးပဵၼ်ၸဝ်ႈဢၼ်ၸိုဝ်ႈဢၼ်ၸႂ်ႈသူႇလဵဝ်ဢိၵ်ႇတင်းၸဝ်ႈယေႇသုၶရိၸ်ႉဢၼ်ၸဝ်ႈႁဝ်းပွႆႇၸႂ်ႉမႃးၼၼ်ႉဢေႃႈ။

၄ ၵဝ်ၶႃႈႁႂ်ႈမူၼ်ၽုင်းၸဝ်ႈႁဝ်းထၢင်ႇသႃးမႃးၵႃႈၼိူဝ်လိၼ်မိူင်းၼႆႉၵွပ်ႈပိူဝ်ႈၵဝ်ၶႃႈႁဵတ်းႁႂ်ႈလွင်ႈတၢင်းဢၼ်ၸဝ်ႈႁဝ်းဢၢပ်ႈဝႆႉတီႈၵဝ်ၶႃႈၼၼ်ႉယဝ်ႉတူဝ်လီငၢမ်းယဝ်ႉၶႃႈဢေႃႈ။

၅ ၵွပ်ႈၼႆလႄႈပေႃႈၸဝ်ႈတီႈၶႃႈတေႃႈလဵဝ်ၼႆႉၶႅၼ်းတေႃႈဢဝ်တင်းမူၼ်ၽုင်းသရေႇဢၼ်ၵဝ်ၶႃႈမီးၵႃႈတီႈၸဝ်ႈႁဝ်းၸူဝ်ႈဢၼ်ၵမ်ႇၽႃႇၼႆႉဢမ်ႇပႆႇတႄႇပႆႇပဵၼ်ၼၼ်ႉယုၵ်ႉယွင်ႈၵဝ်ၶႃႈဝႆႉလူၺ်ႈၵၼ်တင်းၸဝ်ႈႁဝ်းသေၵမ်းတီႈၶႃႈ။

၆ ၵဝ်ၶႃႈႁႂ်ႈၶဝ်ၸိူဝ်းဢၼ်ၸဝ်ႈႁဝ်းဢၢပ်ႈပၼ်တီႈၵဝ်ၶႃႈၵႃႈၼႂ်းလေႃးၵႃႉၼႆႉၸိူဝ်းၼၼ်ႉႁူႉႁၼ်ၼႃႇမႃႉၸိုဝ်သဵင်ၸဝ်ႈႁဝ်းတီႈၶႃႈယဝ်ႉ။ၸဝ်ႈႁဝ်းဢုပ်ႉပိူင်ႇၶဝ်လႄႈဢဝ်ၶဝ်ဢၢပ်ႈပၼ်တီႈၵဝ်ၶႃႈၶႃႈဢေႃႈ။

၇ ၶဝ်ၼၼ်ႉပႂ်ႉၸွမ်းၵႂၢမ်းၼုၵ်ႉၵပၢတ်ႈတြႃးၸဝ်ႈႁဝ်းတီႈၶႃႈဢေႃႈ။တေႃႈလဵဝ်ၼႆႉၶဝ်ႁူႉလွင်ႈဢၼ်ၵႃႈဢၼ်ၸဝ်ႈႁဝ်းပၼ်တီႈၵဝ်ၶႃႈတင်းသဵင်ႈတင်းလူင်ၼၼ်ႉလုၵ်ႉသေၵႃႈတီႈၸဝ်ႈႁဝ်းမႃးၼၼ်ႉၶႃႈဢေႃႈ။

၈ လွင်ႈမၼ်းၸမ်းပိူဝ်ႈဢၼ်ၵဝ်ၶႃႈဢဝ်ၵႂၢမ်းၵႃႈဢၼ်ၸဝ်ႈႁဝ်းပၼ်တီႈၵဝ်ၶႃႈတင်းသဵင်ႈတင်းလူင်ၼၼ်ႉပၼ်တီႈၶဝ်လႄႈၶဝ်ၶၢမ်ႇဢဝ်သေယဝ်ႉၶဝ်ႁူႉလွင်ႈဢၼ်ၵဝ်ၶႃႈလုၵ်ႉသေၵႃႈတီႈၸဝ်ႈႁဝ်းမႃးဢမၢၼ်ႇၶၼ်ပဵၼ်လႄႈယုမ်ႇလွင်ႈဢၼ်ဝႃႈၸဝ်ႈႁဝ်းပွႆႇၸႂ်ႉၵဝ်ၶႃႈမႃးၼၼ်ႉတီႈၶႃႈဢေႃႈ။

၉ ၵဝ်ၶႃႈသူးတွင်းပုၼ်ႈၶဝ်ယူႇၶႃႈဢေႃႈ။ၵဝ်ၶႃႈသူးတွင်းပုၼ်ႈလေႃးၵႃႉၼႆႉဢမ်ႇၸႂ်ႈၶႃႈ။ၵွပ်ႈပိူဝ်ႈၶဝ်ၸိူဝ်းဢၼ်ၸဝ်ႈႁဝ်းပၼ်တီႈၵဝ်ၶႃႈၼၼ်ႉပဵၼ်ၵူၼ်းၸဝ်ႈႁဝ်းလႄႈၵဝ်ၶႃႈသူးတွင်းပုၼ်ႈၶဝ်ၼၼ်ႉယူႇတီႈၶႃႈဢေႃႈ။

၁၀ လွင်ႈတၢင်းဢၼ်ၸၢပ်ႈသႅင်ႇၵၼ်တင်းၵဝ်ၶႃႈၵႃႈမီးတင်းသဵင်ႈတင်းလူင်ၸိူဝ်းၼၼ်ႉၸၢပ်ႈသႅင်ႇၵၼ်တင်းၸဝ်ႈႁဝ်ႈတီႈၶႃႈဢေႃႈ။လွင်ႈတၢင်းဢၼ်ၸၢပ်ႈသႅင်ႇၵၼ်တင်းၸဝ်ႈႁဝ်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉၵေႃႈၸၢပ်ႈသႅင်ႇၵၼ်တင်းၵဝ်ၶႃႈလႄႈမူၼ်ၽုင်းၵဝ်ၶႃႈထၢင်ႇသႃးမႃးၵွပ်ႈပိူဝ်ႈလွင်ႈတၢင်းၸိူဝ်းၼၼ်ႉတီႈၶႃႈဢေႃႈ။

၁၁ ၸႃႉၸဵမ်တေႃႈလဵဝ်ၼႆႉၵႂႃႇၵဝ်ၶႃႈတၵ်းဢမ်ႇမီးၼႂ်းလေႃးၵႃႉၼႆႉယဝ်ႉ။ၶဝ်ၸမ်းတၵ်းမီးယူႇၼႂ်းလေႃးၵႃႉၼႆႉလူးၵွၼ်ႇဢေႃႈ။ၵဝ်ၶႃႈတၵ်းလႆႈမႃးၵႃႈတီႈၸဝ်ႈႁဝ်းတီႈၶႃႈဢေႃႈ။ဢူဝ်း၊ပေႃႈဢၼ်မူတ်းၸၢင်ႇတီႈၶႃႈ။ၼင်ႇႁိုဝ်ၶဝ်ၸိူဝ်းဢၼ်ၸဝ်ႈႁဝ်းပၼ်တီႈၵဝ်ၶႃႈတင်းလၢႆၼၼ်ႉတၵ်းပဵၼ်ဢၼ်လဵဝ်ၵၼ်ၸိူဝ်ႉၼင်ႇဢၼ်ၸဝ်ႈႁဝ်းတင်းၵဝ်ၶႃႈပဵၼ်ဢၼ်လဵဝ်ၵၼ်ၼၼ်ႉၸိုင်ႁႂ်ႈၶဝ်တႄႇယူႇၼႂ်းၼႃႇမႃႉၸိုဝ်သဵင်ၸဝ်ႈႁဝ်းသေၵမ်းၶႃႈ။

၁၂ မိူဝ်ႈဢၼ်ၵဝ်ၶႃႈယင်းမီးယူႇလူၺ်ႈၵၼ်တင်းၶဝ်ၼႂ်းလေႃးၵႃႉၼႆႉၼၼ်ႉၸိုင်ၵဝ်ၶႃႈႁႂ်ႈၶဝ်တႄႇယူႇၼႂ်းၼႃႇမႃႉၸိုဝ်သဵင်ၸဝ်ႈႁဝ်းတီႈၶႃႈယဝ်ႉ။ၵဝ်ၶႃႈပႂ်ႉတူၺ်းၶဝ်ၸိူဝ်းဢၼ်ၸဝ်ႈႁဝ်းဢၢပ်ႈပၼ်တီႈၵဝ်ၶႃႈတင်းလၢႆၼၼ်ႉတီႈၶႃႈယဝ်ႉ။ၼႂ်းၶဝ်ၼၼ်ႉလိူဝ်သေၵေႃႉဢၼ်ပဵၼ်လုၵ်ႈတၢင်းလူႉတၢင်းလႅဝ်ၼၼ်ႉၽူႈလႂ်သေၵေႃႉသေၵူၼ်းဢမ်ႇႁွတ်ႈထိုင်တၢင်းလူႉတၢင်းလႅဝ်တီႈၶႃႈ။လွင်ႈၵေႃႉဢၼ်ႁွတ်ႈထိုင်တၢင်းလူႉတၢင်းလႅဝ်ၸမ်းၼင်ႇႁိုဝ်ၵျၢမ်းလိၵ်ႈတၵ်းတဵမ်ထူၼ်ႈၸိုင်ၸင်ႇပဵၼ်တီႈၶႃႈဢေႃႈ။

၁၃ တေႃႈလဵဝ်ၼႆႉၵဝ်ၶႃႈတၵ်းလႆႈမႃးၵႃႈတီႈၸဝ်ႈႁဝ်းလႄႈၼင်ႇႁိုဝ်ၶဝ်ၼႆႉတၵ်းမီးတၢင်းဢၼ်ႁႂ်ႈတၢင်းၸူမ်းတၢင်းသိူဝ်းၵဝ်ၶႃႈတၵ်းလႆႈတဵမ်ထူၼ်ႈဝႆႉၵႃႈၼႂ်းၶဝ်ၸိုင်ၵဝ်ၶႃႈလၢတ်ႈၵႂၢမ်းၼႆႉတီႈၶႃႈဢေႃႈ။

၁၄ ၵဝ်ၶႃႈပၼ်ၼုၵ်ႉၵပၢတ်ႈတြႃးၸဝ်ႈႁဝ်းတီႈၶဝ်တီႈၶႃႈယဝ်ႉ။ပိူဝ်ႈဢၼ်ၶဝ်ဢမ်ႇသိူၵ်ႈသမ်ႇၵၼ်တင်းလေႃးၵႃႉၼႆႉမိူၼ်ၸိူဝ်ႉၼင်ႇဢၼ်ၵဝ်ၶႃႈဢမ်ႇသိူၵ်ႈသမ်ႇၵၼ်တင်းလေႃးၵႃႉၼႆႉၼၼ်ႉလႄႈလေႃးၵႃႉၼႆႉၸင်းၶဝ်တီႈၶႃႈဢေႃႈ။

၁၅ ၵဝ်ၶႃႈယွၼ်းလွင်ႈၼင်ႇႁိုဝ်ၸဝ်ႈႁဝ်းတၵ်းၼုၵ်ႈဢဝ်ၶဝ်ဢွၵ်ႇသေၵႃႈၼႂ်းလေႃးၵႃႉၼႆႉဢမ်ႇၸႂ်ႈတီႈၶႃႈ။ၵဝ်ၶႃႈယွၼ်းလွင်ႈၼင်ႇႁိုဝ်ၸဝ်ႈႁဝ်းတၵ်းပႂ်ႉတူၺ်းလႄႈႁႂ်ႈၶဝ်ၵၢင်းလွတ်ႈတင်းတၢင်းဢၼ်ဢမ်ႇလီဢမ်ႇငၢမ်းၼၼ်ႉၵူၺ်းၶႃႈဢေႃႈ။

၁၆ ၶဝ်ဢမ်ႇသိူၵ်ႈသမ်ႇၵၼ်တင်းလေႃးၵႃႉၼႆႉမိူၼ်ၸိူဝ်ႉၼင်ႇၵဝ်ၶႃႈဢမ်ႇသိူၵ်ႈသမ်ႇၼၼ်ႉတီႈၶႃႈဢေႃႈ။

၁၇ ႁႂ်ႈၶဝ်မူတ်းၸၢင်ႇၼႂ်းသမ်ႇမႃႇတြႃးၸဝ်ႈႁဝ်းၼၼ်ႉသေၵမ်းတီႈၶႃႈ။

၁၈ ၼုၵ်ႉၵပၢတ်ႈၸဝ်ႈႁဝ်းၼၼ်ႉပဵၼ်သမ်ႇမႃႇတြႃးတီႈၶႃႈဢေႃႈ။ၸိူဝ်ႉၼင်ႇဢၼ်ၸဝ်ႈႁဝ်းပွႆႇၸႂ်ႉၵဝ်ၶႃႈမႃးၼႂ်းလေႃးၵႃႉၼႆႉၼၼ်ႉၵဝ်ၶႃႈပွႆႇၸႂ်ႉၶဝ်ၵႂႃႇၼႂ်းလေႃးၵႃႉတီႈၶႃႈဢေႃႈ။

၁၉ ၼင်ႇႁိုဝ်ၶဝ်တၵ်းမူတ်းၸၢင်ႇၼႂ်းသမ်ႇမႃႇတြႃးၼၼ်ႉၸိုင်ၵဝ်ၶႃႈၼႆႉႁႂ်ႈတူဝ်ၸဝ်ႈၵဝ်ႇမူတ်းၸၢင်ႇပုၼ်ႈၶဝ်တီႈၶႃႈဢေႃႈ။

၂၀ ၵဝ်ၶႃႈသူးတွင်းပုၼ်ႈၶဝ်ၵူၺ်းဢမ်ႇၸႂ်ႈတီႈၶႃႈ။ပုၼ်ႈၶဝ်ၸိူဝ်းဢၼ်တၵ်းယုမ်ႇမၢတ်ႈၵဝ်ၶႃႈၵွပ်ႈပိူဝ်ႈၵႂၢမ်းဢၼ်ၶဝ်ႁေႃးလၢတ်ႈၼၼ်ႉတီႈၶႃႈဢေႃႈ။

၂၁ လွင်ႈၼင်ႇႁိုဝ်ၶဝ်တင်းသဵင်ႈတင်းလူင်တၵ်းလႆႈပဵၼ်ဢၼ်လဵဝ်ၵၼ်မိူၼ်ၸိူဝ်ႉၼင်ႇၸဝ်ႈႁဝ်းမီးယူႇၼႂ်းၵဝ်ၶႃႈလႄႈၵဝ်ၶႃႈၵေႃႈမီးယူႇၼႂ်းၸဝ်ႈႁဝ်း၊ၶဝ်ၸိူဝ်းၼၼ်ႉၵေႃႈမီးယူႇၼႂ်းႁဝ်းၶႃႈသေယဝ်ႉ၊ႁႂ်ႈလေႃးၵႃႉၼႆႉတၵ်းလႆႈယုမ်ႇလွင်ႈဢၼ်ဝႃႈၸဝ်ႈႁဝ်းပွႆႇၸႂ်ႉၵဝ်ၶႃႈမႃး၊ဢၼ်ဝႃႈၼၼ်ႉၸိုင်၊ၵဝ်ၶႃႈသူးတွင်းတီႈၶႃႈဢေႃႈ။

၂၂ လွင်ႈၼင်ႇႁိုဝ်ၶဝ်တၵ်းပဵၼ်ဢၼ်လဵဝ်ၵၼ်မိူၼ်ၸိူဝ်ႉၼင်ႇဢၼ်ႁဝ်းၶႃႈပဵၼ်ဢၼ်လဵဝ်ၵၼ်ၼၼ်ႉၵဝ်ၶႃႈဢဝ်မူၼ်ၽုင်းသရေႇဢၼ်ၸဝ်ႈႁဝ်းပၼ်တီႈၵဝ်ၶႃႈၼၼ်ႉပၼ်တီႈၶဝ်တီႈၶႃႈယဝ်ႉ။

၂၃ ၵဝ်ၶႃႈတၵ်းမီးယူႇၼႂ်းၶဝ်လႄႈၸဝ်ႈႁဝ်းၵေႃႈတၵ်းမီးယူႇၼႂ်းၵဝ်ၶႃႈဢေႃႈ။ၼင်ႇႁိုဝ်တၵ်းႁႂ်ႈၶဝ်ၸေးၸုမ်ႇပဵၼ်ဢၼ်လဵဝ်ၵၼ်သေယဝ်ႉႁႂ်ႈလေႃးၵႃႉၼႆႉႁူႉလွင်ႈဢၼ်ၸဝ်ႈႁဝ်းပွႆႇၸႂ်ႉၵဝ်ၶႃႈမႃးဢိၵ်ႇတင်းလွင်ႈဢၼ်ၸဝ်ႈႁဝ်းႁၵ်ႉၶဝ်မိူၼ်ၸိူဝ်ႉၼင်ႇဢၼ်ၸဝ်ႈႁဝ်းႁၵ်ႉၵဝ်ၶႃႈၼၼ်ႉၶႃႈဢေႃႈ။

၂၄ ဢူဝ်း၊ပေႃႈၸဝ်ႈတီႈၶႃႈ။ပိူဝ်ႈဢၼ်ၸဝ်ႈႁဝ်းႁၵ်ႉၵဝ်ၶႃႈၸႃႉၸဵမ်မိူဝ်ႈၸူဝ်ႈဢၼ်ၵမ်ႇၽႃႇၼႆႉဢမ်ႇပႆႇတႄႇပႆႇပဵၼ်ၼၼ်ႉလႄႈလွင်ႈၼင်ႇႁိုဝ်ၶဝ်ၸိူဝ်းဢၼ်ၸဝ်ႈႁဝ်းပၼ်တီႈၵဝ်ၶႃႈၼၼ်ႉတၵ်းလႆႈႁၼ်မူၼ်ၽုင်းဢၼ်ၸဝ်ႈႁဝ်းပၼ်တီႈၵဝ်ၶႃႈၼၼ်ႉၸိုင်ၵဝ်ၶႃႈမီးဢလူဝ်ႇၶႂ်ႈႁႂ်ႈၶဝ်မီးလူၺ်ႈၵၼ်တင်းၵဝ်ၶႃႈၵႃႈၼႂ်းတီႈဢၼ်ၵဝ်ၶႃႈတၵ်းမီးၼၼ်ႉတီႈၶႃႈဢေႃႈ။

၂၅ ဢူဝ်း၊ပေႃႈၸဝ်ႈဢၼ်သိုဝ်ႈတေႃႇၼၼ်ႉတီႈၶႃႈ။ပဵၵ်ႉသမ်ႉလေႃးၵႃႉၼႆႉဢမ်ႇႁူႉၸဝ်ႈႁဝ်းသေၵေႃႈၵဝ်ၶႃႈႁူႉတီႈၶႃႈဢေႃႈ။ၶဝ်ၼၼ်ႉၵေႃႈႁူႉလွင်ႈဢၼ်ၸဝ်ႈႁဝ်းပွႆႇၸႂ်ႉၵဝ်ၶႃႈမႃးၼၼ်ႉတီႈၶႃႈဢေႃႈ။

၂၆ လွင်ႈၼင်ႇႁိုဝ်မႅတ်ႈတႃႇဢၼ်ၸဝ်ႈႁဝ်းႁၵ်ႉၵဝ်ၶႃႈၼၼ်ႉတၵ်းမီးယူႇၼႂ်းၶဝ်လႄႈၵဝ်ၶႃႈၼႆႉၵေႃႈတၵ်းမီးယူႇၼႂ်းၶဝ်ၼၼ်ႉၸိုင်ၵဝ်ၶႃႈၸီႉမွၵ်ႇၼႄပျႃးၼႃႇမႃႉၸိုဝ်သဵင်ၸဝ်ႈႁဝ်းတီႈၶဝ်ယဝ်ႉတီႈၶႃႈလႄႈတၵ်းၸီႉမွၵ်ႇၼႄပျႃးလူးၵွၼ်ႇတီႈၶႃႈဢေႃႈ၊ဝႃႈၼင်ႇၼႆဢေႃႈ။