Shan Missions

လိၵ်ႈဢေႃးဝႃႇတႃႉရူဝ်းမ

Chapter   ၁       ၂       ၃       ၄       ၅       ၆       ၇       ၈       ၉       ၁၀       ၁၁       ၁၂       ၁၃       ၁၄       ၁၅       ၁၆     

၁၆ 

တၢင်းဢၼ်ယွင်ႈယေႃးလႄႈတၢင်းဢၼ်တၵ်ႉလၢတ်ႈ

၁ ၵဝ်ၶႂ်ႈႁႂ်ႈၽိပေႇ၊ဢၼ်ပဵၼ်ၼွင်ႉယိင်းႁဝ်း၊မေႈယိင်းဢၼ်ပွင်ႁဵတ်းၵၢၼ်ၸိူဝ်းၸဝ်ႈၼႂ်းဝဵင်းၵိၼ်ႇၶျေႇၼၼ်ႉၶဝ်ႈပႃးၼႂ်းသူဢေႃႈ။

၂ လွင်ႈၼင်ႇႁိုဝ်သူတၵ်းထွၵ်ႈလူၺ်ႈၸဝ်ႈၽြႃးသေလႄႈႁပ်ႉတုင်းဢဝ်မၼ်းၵႃႈၼင်ႇဢၼ်ၵူၼ်းမူတ်းၸၢင်ႇတင်းလၢႆထုၵ်ႇလီႁဵတ်းၼၼ်ႉဢိၵ်ႇတင်းဢၼ်ၸွႆႈထႅမ်မၼ်းၵႃႈဢၼ်မၼ်းတၵ်းလူဝ်ႇတၢင်းၸွႆႈတၢင်းထႅမ်ၼၼ်ႉဢေႃႈ။လွင်ႈမၼ်းၸမ်းမၼ်းပဵၼ်ၵေႃႉဢၼ်ၸွႆႈထႅမ်ၵဝ်တင်းၵူၼ်းၼမ်ၼႃႇဢေႃႈ။

၃ တၵ်ႉလၢတ်ႈပိတ်ႉၵိလတင်းဢႃႇၵုလဢၼ်ပဵၼ်ၵေႃႉဢၼ်ပွင်ႁဵတ်းဢမူႉၸဝ်ႈယေႇသုၶရိၸ်ႉႁူမ်ႈၵၼ်တင်းၵဝ်၊ၵေႃႉဢၼ်ဝၢင်းပၼ်ၶေႃးတူဝ်ၸဝ်ႈၵဝ်ႇပုၼ်ႈဢသၢၵ်ႈၵဝ်ၼၼ်ႉတႃႉ။

၄ ၶဝ်မီးၵျေးၸူးဢေႃႈ၊ဝႃႈၼႆ၊ၵဝ်ၵေႃႉလဵဝ်ၵူၺ်းဝႃႈဢမ်ႇၸႂ်ႈ။ၸိူဝ်းၸဝ်ႈၵူၼ်းတၢင်ႇၸိူဝ်ႉတၢင်ႇၶိူဝ်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉၵေႃႈဝႃႈဢေႃႈ။

၅ တၵ်ႉလၢတ်ႈၸိူဝ်းၸဝ်ႈဢၼ်ၸူႉလုမ်းတုမ်ၵၼ်ၼႂ်းႁိူၼ်းၼၼ်ႉတႃႉ။တၵ်ႉလၢတ်ႈဢေႇပေႇၼိတ်ႉၵေႃႉဢၼ်ၵဝ်ႁၵ်ႉဢၼ်ပဵၼ်မၢၵ်ႇဢၼ်မၢၵ်ႇဢွၼ်တၢင်းပိူၼ်ႈပုၼ်ႈၸဝ်ႈၶရိၸ်ႉၼႂ်းမိူင်းဢႃႇသိၼၼ်ႉတႃႉ။

၆ တၵ်ႉလၢတ်ႈမႃႇရိဢၼ်ၶတ်းၸႂ်ပွင်ႁဵတ်းပုၼ်ႈသူၼၼ်ႉတႃႉ။တၵ်ႉလၢတ်ႈဢၼ်ႇတြေႃႇၼိတ်ႉတင်းယုၼိ၊ဢၼ်ပဵၼ်ပီႈၼွင်ႉၵဝ်ဢၼ်လႆႈၶၢမ်ႇတူၵ်းၵႅၼ်း

၇ လူၺ်ႈၵၼ်တင်းၵဝ်ဢၼ်ပဵၼ်ၵေႃႉဢၼ်ၸိုဝ်ႈဢွၵ်ႇသဵင်ဢွၵ်ႇၼႂ်းတမၢၼ်ႇၸဝ်ႈတင်းလၢႆဢၼ်မီးၼႂ်းၸဝ်ႈၶရိၸ်ႉဢွၼ်တၢင်းၵဝ်၊ၼၼ်ႉတႃႉ။

၈ တၵ်ႉလၢတ်ႈဢမ်ႇပလိၵေႃႉဢၼ်ၵဝ်ႁၵ်ႉၼႂ်းၸဝ်ႈၽြႃးၼၼ်ႉတႃႉ။

၉ တၵ်ႉလၢတ်ႈဢုရၽၢၼ်ႇဢၼ်ပွင်ႁဵတ်းဢမူႉၸဝ်ႈၶရိၸ်ႉလူၺ်ႈၵၼ်တင်းႁဝ်းဢိၵ်ႇတင်းသႃႇတႃႇၶုဢၼ်ၵဝ်ႁၵ်ႉၼၼ်ႉတႃႉ။

၁၀ တၵ်ႉလၢတ်ႈဢပေႇလေႇဢၼ်ၸဝ်ႈၶရိၸ်ႉထုၵ်ႇၸႂ်ၵျိူၵ်ႈၸႂ်ၼၼ်ႉတႃႉ။တၵ်ႉလၢတ်ႈၵူၼ်းႁိူၼ်းၵူၼ်းယေးဢႃႇရိတ်ႉတေႃႇပုလုၼၼ်ႉတႃႉ။

၁၁ တၵ်ႉလၢတ်ႈႁေႇရူဝ်ႇတျူၼ်ႇဢၼ်ပဵၼ်ပီႈၼွင်ႉၵဝ်ၼၼ်ႉတႃႉ။ၼႂ်းၵူၼ်းႁိူၼ်းၵူၼ်းယေးၼႃႇၵိသုၼၼ်ႉတၵ်ႉလၢတ်ႈၶဝ်ၸိူဝ်းဢၼ်မီးၼႂ်းၸဝ်ႈၽြႃးၼၼ်ႉတႃႉ။

၁၂ တၵ်ႉလၢတ်ႈတရုၽေႇၼိတင်းတရုၽူဝ်ႇသမေႈယိင်းဢၼ်ပွင်ႁဵတ်းဢမူႉၸဝ်ႈၽြႃးၼၼ်ႉတႃႉ။တၵ်ႉလၢတ်ႈပေႇရုသိ၊မေႈယိင်းဢၼ်လီႁၵ်ႉဢၼ်ပွင်ႁဵတ်းဢမူႉၸဝ်ႈၽြႃးၼႃႇလူင်လၢင်ၼၼ်ႉတႃႉ။

၁၃ တၵ်ႉလၢတ်ႈရုၽု၊ဢၼ်ၸဝ်ႈၽြႃးလိူၵ်ႈၵဵပ်းဢဝ်ဢိၵ်ႇတင်းမေႈမၼ်းဢၼ်ပဵၼ်ၼင်ႇမေႈၵဝ်ၼၼ်ႉတႃႉ။

၁၄ တၵ်ႉလၢတ်ႈဢႃႇသုၼ်ႇၵိတ်ႉ၊ၽလေႇၵုၼ်ႇ၊ႁေႇရမိတ်ႉ၊ပၢတ်ႇရေႃႇပ၊ႁေႇရမၢတ်ႇ၊ဢိၵ်ႇတင်းပီႈၼွင်ႉတင်းလၢႆဢၼ်ယူႇလူၺ်ႈၵၼ်တင်းၶဝ်ၸိူဝ်းၼၼ်ႉတႃႉ။

၁၅ တၵ်ႉလၢတ်ႈၽိလေႃႇၵုတ်ႉယုလိ၊ၼေႇရု၊တင်းၼွင်ႉယိင်းမၼ်းတင်းဢေႃႇလုမ်ႇပ၊ဢိၵ်ႇတင်းၵူၼ်းမူတ်းၸၢင်ႇတင်းလၢႆဢၼ်ယူႇလူၺ်ႈၵၼ်တင်းၶဝ်ၸိူဝ်းၼၼ်ႉတႃႉ။

၁၆ ၵေႃႉၼိုင်ႈလႄႈၵေႃႉၼိုင်ႈဢဝ်တင်းတၢင်းၼူမ်မူတ်းၸၢင်ႇသေလႄႈတၵ်ႉလၢတ်ႈၵၼ်တႃႉ။ၸိူဝ်းၸဝ်ႈၸဝ်ႈယေႇသုၶရိၸ်ႉၵႃႈမီးတင်းသဵင်ႈတင်းလူင်တၵ်ႉၼၢႆသူဢေႃႈ။

၁၇ ပီႈၼွင်ႉၶဝ်ဢိူၺ်း၊မၢတ်ႈတွင်းဝႆႉၶဝ်ၸိူဝ်းဢၼ်ၸၢင်ႊႁဵတ်းလွင်ႈတၢင်းဢၼ်ၽႄၵိုင်းၶႂၢႆးၵိုင်းလွင်းတၢင်းဢၼ်ၽိတ်းပိူင်ႈတင်းလၢႆဢၼ်ၶတ်းၵၼ်တင်းတၢင်းဢၼ်သင်ႇဢၼ်သွၼ်ဢၼ်သူလႆႈႁပ်ႉၶၢမ်ႇဢဝ်ယဝ်ႉၼၼ်ႉသေလႄႈဝေႈပႅတ်ႈၶဝ်တႃႉ၊ဝႃႈၼႆ၊ၵဝ်ပၼ်သတိတီႈသူဢေႃႈ။

၁၈ လွင်ႈမၼ်းၸမ်းၶဝ်ၸိူဝ်းဢၼ်ပဵၼ်ၸိူဝ်ႉၼင်ႇၼၼ်ၼၼ်ႉဢမ်ႇပွင်ဢမ်ႇႁဵတ်းဢမူႉၸဝ်ႈႁဝ်းၸဝ်ႈၶရိၸ်ႉ။ၶဝ်ပွင်ႁဵတ်းဢမူႉတွင်ႉၶဝ်ၵူၺ်းလႄႈၸၢင်ႊဢဝ်တင်းၵႂၢမ်းလေႃးၵဝုတ်ႉဢိၵ်ႇတင်းၵႂၢမ်းဢၼ်ၸၢင်ႊၶျေႃးၸၢင်ႊဝွၼ်းၼၼ်ႉသေယဝ်ႉပႅတ်ႉလႅၼ်ၶဝ်ၸိူဝ်းဢၼ်ၸႂ်လီၸႂ်ငၢမ်းၼၼ်ႉဢေႃႈ။

၁၉ ၵွပ်ႈပိူဝ်ႈလွင်ႈတၢင်းဢၼ်သူယုမ်ႇမၢတ်ႈထွမ်ႇဢဝ်ၼၼ်ႉၸွတ်ႇတူဝ်ၼႂ်းၵူၼ်းတင်းသဵင်ႈတင်းလူင်လႄႈၵဝ်မီးတၢင်းဢၼ်သိူဝ်းပျေႃႇယူႇဢေႃႈ။ၼႂ်းဝႃႈၼၼ်သေၵေႃႈၵဝ်မီးဢလူဝ်ႇၶႂ်ႈႁႂ်ႈသူမီးပိင်ႇၺႃႇၼႂ်းတၢင်းဢၼ်လီလႄႈၵၢင်းလွတ်ႈတင်းဢပျႅတ်ႈၼႂ်းတၢင်းဢၼ်ႁၢႆႉဢေႃႈ။

၂၀ ဢမ်ႇႁိုင်ဢမ်ႇၼၢၼ်းၽြႃးပဵၼ်ၸဝ်ႈၸဝ်ႈတၢင်းၼိမ်ၼၼ်ႉတၵ်းၶိုတ်ႈၸႃႇတၢၼ်ႇမႃႇၼၢတ်ႈႁႂ်ႈလႅဝ်ၵႃႈတႂ်ႈတိၼ်သူဢေႃႈ။ႁႂ်ႈၵျေးၸူးၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉမီးၼိူဝ်သူတင်းသဵင်ႈတင်းလူင်သေၵမ်းလူၺ်ႈ။ဢႃႈမိၼ်ႈ။

၂၁ ၸႃႉၸဵမ်တိမေႃးသေႇဢၼ်ပွင်ႁဵတ်းဢမူႉၸဝ်ႈလူၺ်ႈၵၼ်တင်းၵဝ်လႄႈလုၵိ၊ယႃႇသုၼ်ႇ၊သေႃႇသိပတႃႇ၊ဢၼ်ပဵၼ်ပီႈၼွင်ႉၵဝ်တင်းလၢႆႇၼၼ်ႉတၵ်ႉၼၢႆသူဢေႃႈ။

၂၂ ၵဝ်ၶႃႈတေႇရတိဢၼ်တႅမ်ႈလိၵ်ႈၼႆႉထွၵ်ႈလူၺ်ႈၸဝ်ႈၽြႃးသေလႄႈတၵ်ႉၼၢႆသူၶႃႈဢေႃႈ။

တၢင်းဢၼ်ႁဵတ်းထေႃးပၼႃႇ

၂၃ ၵႃႇယုဢၼ်ၸၢင်ႊႁပ်ႉတုင်းဢဝ်ၵဝ်ဢိၵ်ႇတင်းၵူၼ်းဢၼ်ၶဝ်ႈၸိူဝ်းၸဝ်ႈတင်းသဵင်ႈတင်းလူင်လႄႈႁဵတ်းဝၢတ်ႈၶႅၵ်ႇၼႆႉတၵ်ႉၼၢႆသူဢေႃႈ။ဢေႇရၢတ်ႉတုဢၼ်ပဵၼ်ၸရေးဝဵင်းဢိၵ်ႇတင်းၼွင်ႉႁဝ်းၵွႃႇတု၊တၵ်ႉၼၢႆသူဢေႃႈ။

၂၄ ႁႂ်ႈၵျေးၸူးၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉမီးၼိူဝ်သူတင်းသဵင်ႈတင်းလူင်သေၵမ်းလူၺ်ႈ။ဢႃႈမိၼ်ႈ။

၂၅ ႁႂ်ႈၸဝ်ႈဢၼ်တတ်ႈၼိုင်ႇလႆႈႁဵတ်းႁႂ်ႈသူလႆႈမၼ်ႈၶိူင်ႇၵွပ်ႈပိူဝ်ႈတြႃးသတၢင်းသိူဝ်းပျေႃႇဢၼ်ဝႃႈတၢင်းဢၼ်ႁေႃးလၢတ်ႈလွင်ႈၸဝ်ႈယေႇသုၶရိၸ်ႉဢၼ်မႅၼ်ႈၵၼ်တင်းၵျေးၸူးတၢင်းဢၼ်ၽုၺ်ႇပၼ်ဢၼ်လိုၵ်ႉဢၼ်လမ်ႇဢၼ်သိူင်ႇဝႆႉမႅပ်းဝႆႉၵၢပ်ႈၵႃႇလႃႉဢွၼ်တၢင်းၼၼ်ႉလႄႈ

၂၆ တေႃႈလဵဝ်ၼႆႉလႆႈထၢင်ႇသႃးမႃးၼႂ်းၵျၢမ်းပရေႃးၽႅတ်ႈတင်းလၢႆၸွမ်းၼင်ႇပိင်းၺၢပ်ႈထႃႇဝရႃႉၽြႃးပဵၼ်ၸဝ်ႈလႆႈၽုၺ်ႇဢွၵ်ႇၼႄပျႃးတီႈမဵဝ်းၵူၼ်းတင်းလၢႆလွင်ႈၼင်ႇႁိုဝ်ၶဝ်တၵ်းယုမ်ႇမၢတ်ႈထွမ်ႇဢဝ်ၼၼ်ႉ

၂၇ ႁႂ်ႈၽြႃးပဵၼ်ၸဝ်ႈဢၼ်တဵမ်ဝႆႉဝႆႉတင်းပိင်ႇၺႃႇသူႇလဵဝ်ပႃးလဵဝ်ၵူၺ်းၼၼ်ႉမူၼ်ၽုင်းယႂ်ႇၼႃႇၵွပ်ႈၸဝ်ႈယေႇသုၶရိၸ်ႉၵူႈၵမ်ႇၽႃႇသိူပ်ႇသိူပ်ႇတၢမ်ႈတၢမ်ႈသေၵမ်းလူၺ်ႈ။ဢႃႈမိၼ်ႈ။