Shan Missions

ၵျၢမ်းငဝ်ႈၵမ်ႇၽႃႇ

၁   ၂   ၃   ၄   ၅   ၆   ၇   ၈   ၉   ၁၀   ၁၁   ၁၂   ၁၃   ၁၄   ၁၅   ၁၆   ၁၇   ၁၈   ၁၉   ၂၀   ၂၁   ၂၂   ၂၃   ၂၄   ၂၅   ၂၆   ၂၇   ၂၈   ၂၉

၃၀   ၃၁   ၃၂   ၃၃   ၃၄   ၃၅   ၃၆   ၃၇   ၃၈   ၃၉   ၄၀   ၄၁   ၄၂   ၄၃   ၄၄   ၄၅   ၄၆   ၄၇   ၄၈   ၄၉   ၅၀   

၃၉

 ယုဝ်းသႅပ်ႉတင်းမေးပေႃးတိၽႃႇ

၁ ယုဝ်းသႅပ်ႉ ၼၼ်ႉလႆႈၶၢမ်ႇတၢင်းဢၼ် ဢဝ်လူင်းၵွႃႇႁွတ်ႈထိုင်ၵႃႈတီႈမိူင်းဢေႇၵႅပ်ႉတု လႄႈပေႃးတိၽႃႇၵူဝ်ႇရၢၼ်ႇတေႃႇမူးၵေႃႉၼိုင်ႈ ဢၼ်ပဵၼ်ဢမၢတ်ႈၶုၼ်ႁေႃၶမ်းၽႃႇရေႃး ၵူၼ်းဢေႇၵႅပ်ႉတု ၼၼ်ႉသိုဝ်ႉဢဝ်မၼ်းၵႃႈၼႂ်းမိုဝ်းၵူၼ်းဢိသမေႇလ ၸိူဝ်းၼၼ်ႉဢေႃႈ။

၂ ထႃႇဝရႃႉၽြႃးမီးယူႇလူၺ်ႈၵၼ်တင်း ယုဝ်းသႅပ်ႉ လႄႈမၼ်းၵျၢမ်ႇပွင်ၸိူဝ်ႉၼင်ႇႁိုဝ်ၵေႃႈ ၸၢင်ႊပဵၼ်ဢေႃႈ။မၼ်းလႆႈယူႇၵႃႈၼႂ်းႁိူၼ်းၸဝ်ႈမၼ်း ၵူၼ်းဢေႇၵႅပ်ႉတု ၼၼ်ႉဢေႃႈ။

၃ ၸဝ်ႈမၼ်းၵေႃႈႁူႉႁၼ်လွင်ႈဢၼ်ထႃႇဝရႃႉၽြႃးမီးယူႇလူၺ်ႈၵၼ်တင်းမၼ်းလႄႈ ႁႂ်ႈတၢင်းၵျၢမ်ႇတၢင်းပွင်မၼ်း ၸၢင်ႊတဵမ်ဝႆႉပဵၼ်မႃးၵႃႈၼႂ်းၵႃႈဢၼ်မၼ်းႁဵတ်းၵူႈၸိူဝ်ႉၵူႈပိူင်ၼၼ်ႉဢေႃႈ။

၄ ပိူဝ်ႈၼႆလႄႈယုဝ်းသႅပ်ႉ ထူပ်းၵျေးၸူးသိုဝ်ႈၼႃႈတႂ်ႈတႃၸဝ်ႈမၼ်းလႄႈၶၢမ်ႇတၢင်းၸႂ်ႉတၢင်းသွႆ ပၢႆတိၼ်ပၢႆမိုဝ်းၸဝ်ႈမၼ်းယူႇဢေႃႈ။ၸဝ်ႈမၼ်းၵေႃႈၶၢၼ်းမၼ်းဝႆႉၵႃႈၼႂ်းဢရႃႇၵေႃႉဢၼ်ဢုပ်ႉႁိူၼ်းလႄႈ ဢဝ်ဢုၵ်ႉၸႃႇၵႃႈမီး တင်းသဵင်ႈတင်းလူင်ဢၢပ်ႈပၼ်ၵႃႈၼႂ်းမိုဝ်းမၼ်းဢေႃႈ။

၅ ၸႃႉၸဵမ်ၶိင်ႇၵႃႇလႃႉ မိူဝ်ႈဢၼ်ၸဝ်ႈမၼ်းႁႂ်ႈမၼ်းဢုပ်ႉႁိူၼ်းဢိၵ်ႇတင်း ဢုၵ်ႉၸႃႈၵႃႈမီးတင်းသဵင်ႈတင်းလူင်ၸိူဝ်းၼၼ်ႉလႄႈ ထႃႇဝရႃႉၽြႃးပၼ်တၢင်းလီတီႈႁိူၼ်းၵူၼ်းဢေႇၵႅပ်ႉတု ၼၼ်ႉၵွပ်ႈပိူဝ်ႈယုဝ်းသႅပ်ႉၼၼ်ႉဢေႃႈ။တၢင်းလီမင်ႇၵလႃႇထႃႇဝရႃႉၽြႃးႁွတ်ႈထိုင်ၵႃႈၼိူဝ်ဢုၵ်ႉၸႃႇ ၵႃႈဢၼ်ၸဝ်ႈမၼ်း မီးၵႃႈၼႂ်းႁိူၼ်းဢိၵ်ႇ တင်းၵႃႈၼႂ်းတူင်ႈၼႃးဢေႃႈ။

၆ ၸဝ်ႈမၼ်းဢဝ်ဢုၵ်ႉၸႃႇၵႃႈမီးတင်းသဵင်ႈတင်းလူင်ဢၢပ်ႈပၼ်ၵႃႈၼႂ်းမိုဝ်းယုဝ်းသႅပ်ႉ သေလႄႈၼွၵ်ႇသေတၢင်းၵိၼ်တၢင်းၶူပ်းဢၼ်တူဝ်မၼ်းၵိၼ်ၶူပ်းၼၼ်ႉ မၼ်းယင်းဢမ်ႇမႆႈၸႂ်လႅင်ၸႂ်ၵႃႈသင်လႄႈတမ်းၸႂ်တႄႉတႄႉဢေႃႈ။ ယုဝ်းသႅပ်ႉ ၼၼ်ႉမီးႁၢင်ႊၽၢင်ယဵၼ်ႇလႄႈ ၼိူဝ်ႉၼင်ၵေႃႈႁၢင်ႊလီဢေႃႈ။

၇ ဝၢႆးၼၼ်ႉ မေးၸဝ်ႈမၼ်း မီးတၢင်းဢၼ်ထုၵ်ႇတႃၼိူဝ်ယုဝ်းသႅပ်ႉ လႄႈလၢတ်ႈဝႃႈ၊-ၼွၼ်းလူၺ်ႈၵၼ်တင်း ၵဝ်သေၵမ်း၊ဝႃႈၼင်ႇၼႆဢေႃႈ။

၈ မၼ်းၵေႃႈထဵင်ပႅတ်ႈလႄႈလၢတ်ႈတီႈမေးၸဝ်ႈမၼ်းၼၼ်ႉဝႃႈ၊-တူၺ်းၶႃႈလူႊ။ၸဝ်ႈၵဝ်ၶႃႈယင်းဢမ်ႇဝႆႉၵိုတ်းဢုၵ်ႉၸႃႇၵႃႈသင်ဢၼ်မီးၵႃႈၼႂ်းႁိူၼ်းၼႆႉလႄႈ ဢဝ်ဢုၵ်ႉၸႃႇၵႃႈဢၼ်မီးတီႈမၼ်းၸဝ်ႈတင်းမူတ်း ဢၢပ်ႈပၼ်ၵႃႈၼႂ်းမိုဝ်းၵဝ်ၶႃႈယဝ်ႉ။

၉ ၵႃႈၼႂ်းႁိူၼ်းၼႆႉၵေႃႈၵေႃႉဢၼ်ယႂ်ႇသေၵဝ်ၶႃႈဢမ်ႇမီးယဝ်ႉ။ လိူဝ်သေၸဝ်ႈၼၢင်းဢၼ်ပဵၼ်မေးၸဝ်ႈၼႆႉ၊ မၼ်းၸဝ်ႈဢမ်ႇႁႄႉဢမ်ႇၶႅၼ်ၵႃႈသင် တီႈၵဝ်ၶႃႈ။ပေႃးပဵၼ်ၸိူဝ်ႉၼင်ႇၼႆၸိုင်၊ၵဝ်ၶႃႈတၵ်းႁဵတ်းဢမူႉဢပျႅတ်ႈဢၼ်ယႂ်ႇၼႆႉလႄႈ ၽိတ်းပိူင်ႈၽြႃးပဵၼ်ၸဝ်ႈလႆႈၸိူဝ်ႉၼင်ႇႁိုဝ်ၶႃႈ၊ဝႃႈၼင်ႇၼႆဢေႃႈ။

၁၀ ပိၵ်ႉသမ်ႉမၼ်းၼၼ်ႉ တိုၵ်းယူင်းၸူဝ်းဢဝ် ယုဝ်းသႅပ်ႉၸိူဝ်ႉၼင်ႇၼၼ် ၵူႈဝၼ်းသေၵေႃႈ ယုဝ်းသႅပ်ႉ ဢမ်ႇထွမ်ႇဢမ်ႇဢဝ်ၵႂၢမ်းမၼ်းၼၼ်ႉလႄႈ ဝႄႈပႅတ်ႈဢမူႉတၢင်းဢၼ်ယူႇလူၺ်ႈ ၼွၼ်းလူၺ်ႈၵၼ်တင်း မေးၸဝ်ႈမၼ်းၼၼ်ႉဢေႃႈ။

၁၁ဝၼ်းၼိုင်ႈ မၼ်းၶဝ်ႈၵႃႈၼႂ်းႁိူၼ်းႁႂ်ႈလႆႈလူႈတူၺ်းၵၢၼ်ငၢၼ်းမၼ်းၼၼ်ႉ မိူဝ်ႈဢၼ်ၵူၼ်းၸၢႆးၵႃႈတီႈႁိူၼ်းၼၼ်ႉဢမ်ႇမီးသေၵေႃႉသေၵူၼ်းၼၼ်ႉၸိုင်၊ မေး ၸဝ်ႈမၼ်းၼၼွ် တိုတ်ႉၸၼ်ဢဝ်ၶူဝ်းၼုင်ႈမၼ်းလႄႈလၢတ်ႈဝႃႈ၊-

၁၂ ၼွၼ်းလူၺ်ႈၵၼ်တင်းၵဝ်သေၵမ်း၊ဝႃႈၼင်ႇၼႆလႄႈ မၼ်းလႅၼ်ႈပၢႆႇဢွၵ်ႇၵွႃႇၵႃႈၼွၵ်ႈဢေႃႈ။ၶူဝ်းၼုင်ႈမၼ်းၸမ်း ၵိုတ်းဝႆႉၼႂ်းမိုဝ်းမေးၸဝ်ႈမၼ်းၼၼ်ႉဢေႃႈ။

၁၃ မေးၸဝ်ႈမၼ်းမိူဝ်ႈဢၼ်ႁၼ်ၶူဝ်းယုဝ်းသႅပ်ႉ မီးၼႂ်းမိုဝ်းမၼ်းၼၼ်ႉၸိုင် မၼ်းႁွင်ႉဢဝ်ၵူၼ်းၸၢႆးၵႃႈၼႂ်းႁိူၼ်းမၼ်းၸိူဝ်းၼၼ်ႉလႄႈလၢတ်ႈဝႃႈ၊-

၁၄ တူၺ်းလူႊ။ၸဝ်ႈၼၼ်ႉဢဝ်ၵူၼ်းႁေႇပႄးၵေႃႉၼႆႉ သႂၢင်းဝႆႉၼႂ်းႁိူၼ်းႁႂ်ႈမၼ်းလႆႈႁဵတ်းဢမ်ႇၼပ်ႉဢမ်ႇၶၢၼ်း တီႈၵဝ်ယဝ်ႉလူင်ပေႇ။မၼ်းၶဝ်ႈမႃးႁႂ်ႈလႆႈႁဵတ်းတၢင်းဢၼ်ၼွၼ်းလူၺ်ႈၵၼ်တင်းၵဝ်လႄႈ ၵဝ်လႆႈႁဵတ်းတင်းသဵင်ဢၼ်ယႂ်ႇ ၼႃႇႁွင်ႉသႅၼ်ႇဢိူဝ်ႈ။

၁၅ မိူဝ်ႈဢၼ်မၼ်းငိၼ်းၵဝ်ႁဵတ်းတင်းသဵင်ဢၼ်ယႂ်ႇၼႃႇႁွင်ႉသႅၼ်ႇၼၼ်ႉ မၼ်းလွၼ်ႈပႅတ်ႈၶူဝ်းၼုင်ႈမၼ်းဝႆႉၵႃႈတီႈႁိမ်းၵဝ်ၼႆႉလႄႈ လႅၼ်ႈပၢႆဢွၵ်ႇၵွႃႇၵႃႈၼွၵ်ႈယဝ်ႉ၊ဝႃႈၼင်ႇၼႆဢေႃႈ။

၁၆ မၼ်းဢဝ်ၶူဝ်းၼုင်ႈ ယုဝ်းသႅပ်ႉ ၼၼ်ႉသိမ်းဝႆႉတီႈတူဝ်ၸဝ်ႈၵဝ်ႇ တေႃႇထိုင်ႁွတ်ႈၸဝ်ႈမၼ်းၶိုၼ်းႁွတ်ႈထိုင် မႃးၵႃႈတီႈႁိူၼ်းဢေႃႈ။

၁၇ မၼ်းသမ်ႉမွၵ်ႇလၢတ်ႈၵႂၢမ်းၸိူဝ်ႉၼင်ႇၼႆလႄႈဝႃႈ၊-ၶႃႈဢၼ်ပဵၼ်ၵူၼ်းႁေႇပႄး ဢၼ်ၸဝ်ႈႁဝ်းဢဝ်သႂၢင်းဝႆႉၵႃႈၼႂ်းႁိူၼ်းၼၼ်ႉ ၶဝ်ႈမႃးႁႂ်ႈလႆႈႁဵတ်းဢမ်ႇၼပ်ႉဢမ်ႇၶၢၼ်း တီႈၵဝ်ၶႃႈၶႃႈဢေႃႈ။ မိူဝ်ႈဢၼ်ၵဝ်ၶႃႈ ႁဵတ်းတင်းသဵင်ဢၼ်ယႂ်ႇၼႃႇ ႁွင်ႉသႅၼ်ႇၼၼ်ႉ မၼ်းလွၼ်ႈပႅတ်ႈၶူဝ်းၼုင်လႄႈလႅၼ်ႈပၢႆဢွၵ်ႇၵွႃႇၵႃႈၼွၵ်ႈၶႃႈဢေႃႈ၊ဝႃႈၼင်ႇၼႆဢေႃႈ။

၁၉ မိူဝ်ႈဢၼ်ၸဝ်ႈမၼ်းငိၼ်းၵႂၢမ်း ဢၼ်မေးမၼ်းလၢတ်ႈဝႃႈ၊-ၶႃႈၸဝ်ႈႁဝ်းၼၼ်ႉႁဵတ်းတီႈၵဝ်ၶႃႈၸိူဝ်ႉၼင်ႇၼႆၶႃႈယဝ်ႉ၊ဝႃႈၼင်ႇၼႆၼၼ်ႉ မၼ်းၸႂ်မႆႈၶႂ်ႈၸႃႉလႄႈ

၂၀ ဢဝ် ယုဝ်းသႅပ်ႉ ၵွႃႇၶင်ဝႆႉၵႃႈၼႂ်းထွင်ႇတီႈဢၼ်ၵူၼ်းဢၼ်လႆႈၶၢမ်ႇတၢင်းဢၼ်ၶုၼ်ႁေႃၶမ်းၶျုၵ်ႈဝႆႉၸိူဝ်းၼၼ်ႉ ယူႇၼၼ်ႉဢေႃႈ။

၂၁ ၵူၺ်းၵႃႈထႃႇဝရႃႉၽြႃးမီးယူႇလူၺ်ႈၵၼ်တင်း ယုဝ်းသႅပ်ႉ လႄႈဢိတ်းလူႁဵတ်းၵျေးၸူးတီႈ မၼ်းႁႂ်ႈမၼ်းလႆႈၼႃႈလႆႈတႃၵႃႈတီႈထွင်ႇမူးဢေႃႈ။

၂၂ ပိူဝ်ႈၼႆလႄႈ ထွင်ႇမူးၼၼ်ႉဢဝ်ၶဝ်ႈၸိူဝ်းဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉၵႃႈတီႈၼႂ်းထွင်ႇၼၼ်ႉ တင်းသဵင်ႈတင်းလူင်ဢၢပ်ႈပၼ်ၵႃႈၼႂ်းမိုဝ်း ယုဝ်းသႅပ်ႉ လႄႈႁႂ်ႈမၼ်း ပဵၼ်ၵေႃႉဢၼ်လႆႈၸီႇယၢင်ႇ လွင်ႈတၢင်းၵႃႈဢၼ်ၶဝ်ႁဵတ်းၵႃႈၼႂ်းထွင်ႇ တင်းသဵင်ႈတင်းလူင်ၼၼ်ႉ ဢေႃႈ။

၂၃ လိုၼ်းၼၼ်ႉထွင်ႇမူးဢမ်ႇၶိုၼ်းဝၢႆႇလူႈဝၢႆႇတူၺ်းလွင်ႈတၢင်းဢၼ်ဢၢပ်ႈဝႆႉၵႃႈၼႂ်းမိုဝ်းမၼ်းၼၼ်ႉ။လွင်ႈမၼ်းၸမ်း၊ ထႃႇဝရႃႉၽြႃးမီးယူႇလူၺ်ႈၵၼ်တင်းမၼ်းလႄႈ

ႁႂ်ႈၵႃႈဢၼ်မၼ်းၵျၢမ်ႇပွင်သၢင်ႈႁဵတ်းၼၼ်ႉ တဵမ်ဝႆႉပဵၼ်မႃးဢေႃႈ။