Shan Missions

မၢတ်ႈထႄႇ

Chapter   ၁     ၂     ၃     ၄     ၅     ၆     ၇     ၈     ၉     ၁၀     ၁၁     ၁၂     ၁၃     ၁၄     ၁၅     ၁၆     ၁၇     ၁၈     ၁၉     ၂၀     ၂၁     ၂၂     ၂၃     ၂၄     ၂၅     ၂၆     ၂၇     ၂၈ 

၁၀

ၸဝ်ႈယေႇသုပွႆႇၸႂ်ႉတပႄးၸဝ်ႈသိပ်းသွင်ၵေႃႉၵႂႃႇ

၁ မၼ်းၸဝ်ႈႁွင်ႉဢဝ်တပႄးၸဝ်ႈသိပ်းသွင်ၵေႃႉယဝ်ႉၸင်ႇဢၢပ်ႈပၼ်တၼ်းၶူဝ်းတီႈၶဝ်ႁႂ်ႈၶဝ်လႆႈႁေႃႈၽီႁၢႆႉတင်းလၢႆဢွၵ်ႇပႅတ်ႈႁႂ်ႈၶဝ်လႆႈႁဵတ်းႁႂ်ႈတၢင်းၶႆႈတၢင်းပဵၼ်ၵူႈၸိူဝ်ႉၵူႈပိူင်ႁၢႆၶႅၼ်းဢေႃႈ။ 

၂ ၸိုဝ်သဵင်တပႄးၸဝ်ႈသိပ်းသွင်ၵေႃႉၸိူဝ်းၼၼ်ႉၸမ်း၊-သိမုၼ်ႇဢၼ်လႆႈႁွင်ႉဝႃႈပေႇတရုတင်းၼွင်ႉၸၢႆးမၼ်းဢၼ်ႇတရေႇ၊ယႃႇၵုပ်ႉဢၼ်ပဵၼ်လုၵ်ႈၸၢႆးၸေႇပေႇတေးတင်းၼွင်ႉၸၢႆးမၼ်း

၃ ယုဝ်းႁၢၼ်ႇ၊ၽိလိပ်ႉပု၊ပႃႇထေႃးလမႄး၊ထုဝ်းမ၊မၢတ်ႈထႄႇဢၼ်ပဵၼ်ၵူၼ်းၵဵပ်းၶွၼ်ႇ၊ယႃႇၵုပ်ႉဢၼ်ပဵၼ်လုၵ်ႈၸၢႆးဢႃႇလၽႄႇ၊လေႇပေႇဢၼ်လႆႈၸိုဝ်မႂ်ႇဝႃႈထၢတ်ႈတေႇ၊

၄ သိမုၼ်ႇဢၼ်ပဵၼ်ၵူၼ်းၵႃႇၼၼိတ်ႈတင်းယုတဢိသၵႃႇရေႇဢုတ်ႉဢၼ်ပဵၼ်ၵေႃႉဢၼ်ဢဝ်မၼ်းၸဝ်ႈဢၢပ်ႈၵႃႈၼႂ်းမိုဝ်းရၢၼ်ႇသူႇၼၼ်ႉဢေႃႈ။ 

၅ ၸဝ်ႈယေႇသုပွႆႇၸႂ်ႉတပႄးၸဝ်ႈသိပ်းသွင်ၵေႃႉၸိူဝ်းၼၼ်ႉၵႂႃႇလႄႈသင်ႇလၢတ်ႈဝႃႈ၊-သူယႃႇပေၵႂႃႇၵႃႈတီႈဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်းမီးၼၼ်ႉ။ ယႃႇပေၶဝ်ႈၵႃႈၼႂ်းဝၢၼ်ႈၼႂ်းဝဵင်းၵူၼ်းသမႃႇရိ။ 

၆ ၵႂႃႇၵႃႈတီႈသူဝ်းဢၼ်ႁၢႆၵႂႃႇဢၼ်ပဵၼ်ၸိူဝ်ႉၶိူဝ်းဢိသရေႇလၸိူဝ်းၼၼ်ႉဢွၼ်တၢင်းတႃႉ။ 

၇ ၼႂ်းမိူဝ်ႈဢၼ်သူယင်းတိုၵ်ႉၵႂႃႇယူႇၼၼ်ႉမိူင်းၵၢင်ႁၢဝ်ၸဝ်ႈၸမ်တၵ်းတႄႇပဵၼ်ယဝ်ႉဝႃႈၼႆမွၵ်ႇလၢတ်ႈတႃႉ။ 

၈ ႁႂ်ႈၶဝ်ၸိူဝ်းဢၼ်ၸဵပ်းဢၼ်သႅပ်ႇၼၼ်ႉႁၢႆၶႅၼ်းတႃႉ။ ႁႂ်ႈၶဝ်ၸိူဝ်းဢၼ်ပဵၼ်တုတ်ႈၼၼ်ႉမူတ်းသႂ်တႃႉ။ ႁႂ်ႈၶဝ်ၸိူဝ်းဢၼ်တၢႆၼၼ်ႉလုၵ်ႉၶိုၼ်းတႃႉ။ ႁေႃႈၽီႁၢႆႉတင်းလၢႆဢွၵ်ႇပႅတ်ႈတႃႉ။ သူယင်းဢမ်ႇပၼ်ၵႃႊမၼ်းၶၼ်မၼ်းလႄႈလႆႈၶၢမ်ႇဢဝ်ယဝ်ႉ။ 

၉ ယင်းဢမ်ႇဢဝ်ၵႃႊၶၼ်မၼ်းလႄႈပၼ်တႃႉ။ ယႃႇပေဢဝ်ၶမ်း၊ငိုၼ်းတွင်း၊သႂ်ႇၼႂ်းသၢႆဢႅဝ်သူၵႂႃႇ။ 

၁၀ ပုၼ်ႈဢၼ်တၵ်းၵႂႃႇတၢင်းၸိုင်ယႃႇပေဢဝ်ထူင်ပႃးသိူဝ်ႈသွင်ၽိုၼ်၊သွၵ်းတိၼ်၊ၶွၼ်ႉတဝ်ႉတင်းလၢႆၵႂႃႇ။ လွင်ႈမၼ်းၸမ်းၵေႃႉဢၼ်ႁဵတ်းတၢင်းႁဵတ်းၼၼ်ႉထိူၵ်ႈၶၢမ်ႇတၢင်းဢၼ်လဵင်ႉလူယူႇဢေႃႈ။ 

၁၁ မိူဝ်ႈဢၼ်သူၶဝ်ႈၵႃႈၼႂ်းဝၢၼ်ႈလႂ်ဝဵင်းလႂ်ၵေႃႈၵႃႈၼႂ်းဝၢၼ်ႈၼႂ်းဝဵင်းၼၼ်ႉၽူႈလႂ်တၵ်းၵိုင်ႇတၵ်းထိူၵ်ႈဝႃႈၼႆတွင်ႈထၢမ်လႄႈယူႇၵႃႈတီႈၵေႃႉၼၼ်ႉတေႃႇထိုင်ၸူဝ်ႈဢၼ်ဢမ်ႇပႆႇဢွၵ်ႇၵႃႈၼႂ်းဝၢၼ်ႈၼႂ်းဝဵင်းၼၼ်ႉတႃႉ။ 

၁၂ မိူဝ်ႈဢၼ်ၶဝ်ႈၵႃႈၼႂ်းႁိူၼ်းၼၼ်ႉၸိုင်တၵ်ႉလၢတ်ႈတႃႉ။ 

၁၃ ပေႃးႁိူၼ်းၼၼ်ႉၵိုင်ႇထိူၵ်ႈၸိုင်ႁႂ်ႈမင်ႇၵလႃႇဢၼ်သူပၼ်ၼၼ်ႉႁွတ်ႈထိုင်ၵႃႈၼိူဝ်ႁိူၼ်းၼၼ်ႉတႃႉ။ ပေႃးဢမ်ႇၵိုင်ႇဢမ်ႇထိူၵ်ႈၸိုင်ႁႂ်ႈမင်ႇၵလႃႇဢၼ်သူပၼ်ၼၼ်ႉၶိုၼ်းမႃးၵႃႈတီႈသူတႃႉ။ 

၁၄ ၽူႈလႂ်သေဢမ်ႇဝႃႈၵေႃႉဢၼ်ဢမ်ႇႁပ်ႉတုင်းဢဝ်သူဢမ်ႇထွမ်ႇဢဝ်ၵႂၢမ်းသူၼၼ်ႉမိူဝ်ႈဢၼ်သူဢွၵ်ႇသေၵႃႈတီႈႁိူၼ်းၼၼ်ႉဝဵင်းၼၼ်ႉၸိုင်သၼ်ႇသၼ်ႇမုၼ်ႈလိၼ်ဢၼ်ၸပ်းတိၼ်သူၼၼ်ႉပႅတ်ႈတႃႉ။ 

၁၅ ၵဝ်ဝႃႈတီႈၸိုဝ်ႈတီႈၸႂ်ႈၸမ်းၼႂ်းဝၼ်းဢၼ်ၸီႇယၢင်ႇတြႃးၼၼ်ႉဝဵင်းၼၼ်ႉတၵ်းလႆႈၶၢမ်ႇၼႃႇသေဝဵင်းသေႃးတုမ်ႇတင်းဝဵင်းၵေႃးမေႃ:ရဢေႃႈ။ 

၁၆ ၵဝ်ပွႆႇၸႂ်ႉသူၵႂႃႇမိူၼ်ၸိူဝ်ႉၼင်ႇပွႆႇၸႂ်ႉသူဝ်းၵႂႃႇၵႃႈၼႂ်းၽုင်မႃထိူၼ်ႇၼၼ်ႉဢေႃႈ။ ပိူဝ်ႈၼႆလႄႈသူမီးတၢင်းဢၼ်လၵ်းလႅမ်ၸိူဝ်ႉၼင်ႇငူးတႃႉ။ မီးတၢင်းဢၼ်ၸႂ်မူတ်းသႂ်ၸိူဝ်ႉၼင်ႇၼူၵ်ႉတူႈတႃႉ။ 

၁၇ ႁဵတ်းသတိလွင်ႈၵူၼ်းတင်းလၢႆတႃႉ။ လွင်ႈမၼ်းၸမ်းၶဝ်တၵ်းဢဝ်သူဢၢပ်ႈၵႃႈတီႈလုမ်းလူင်ဢေႃႈ။ 

၁၈ တၵ်းပေႃႉယႅၼ်ႉသူၵႃႈၼႂ်းၸရွပ်ႈႁေႃးတြႃးတင်းလၢႆဢေႃႈ။ ၵွပ်ႈပိူဝ်ႈၵဝ်လႄႈတၵ်းဢဝ်သူၵႂႃႇသူင်ႇၵႃႈတီႈၶုၼ်လူင်တင်းၶုၼ်ႁေႃၶမ်းတင်းလၢႆလႄႈႁႂ်ႈပဵၼ်သၢၵ်ႈသေႇဝႆႉတီႈၶဝ်တင်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။ 

၁၉ မိူဝ်ႈဢၼ်ၶဝ်ဢဝ်သူဢၢပ်ႈၼၼ်ႉတၵ်းလႆႈၶိုၼ်းလၢတ်ႈၸိူဝ်ႉၼင်ႇႁိုဝ်တၵ်းလႆႈလၢတ်ႈၵႃႈသင်၊ဝႃႈၼႆယႃႇပေမႆႈၸႂ်။ ၵႂၢမ်းဢၼ်တၵ်းလႆႈလၢတ်ႈၼၼ်ႉသူတၵ်းလႆႈမိူဝ်ႈၼၼ်ႉၵမ်းလဵဝ်ဢေႃႈ။ 

၂၀ လွင်ႈမၼ်းၸမ်းၵႂၢမ်းၼၼ်ႉပဵၼ်သူလၢတ်ႈၵူၺ်းဢမ်ႇၸႂ်ႈ။ ပဵၼ်ဝိၺိၺ်ႇမူတ်းၸၢင်ႇၸဝ်ႈလၢတ်ႈၵႃႈၼႂ်းသူၼၼ်ႉဢေႃႈ။ 

၂၁ မိူဝ်ႈၼၼ်ႉပီႈၼွင်ႉၵၼ်ၵေႃႉၼိုင်ႈလႄႈၵေႃႉၼိုင်ႈတၵ်းဢဝ်ၵၼ်ဢၢပ်ႈႁႂ်ႈလႆႈတၢႆဢေႃႈ။ ပေႃႈတၵ်းဢဝ်လုၵ်ႈလၢင်းဢၢပ်ႈဢေႃႈ။ လုၵ်ႈလၢင်းၵေႃႈတၵ်းႁဵတ်းတၢင်းၽိတ်းသႂ်ႇတီႈပေႃႈမႄႈလႄႈႁႂ်ႈတၢႆဢေႃႈ။ 

၂၂ ၵူၼ်းတင်းသဵင်ႈတင်းလူင်ၵေႃႈတၵ်းၸင်းသူၵွပ်ႈပိူဝ်ႈၼႃႇမႃႉၸိုဝ်သဵင်ၵဝ်ဢေႃႈ။ ၽူႈလႂ်သေဢမ်ႇဝႃႈၵေႃႉဢၼ်မၼ်ႈၶိူင်ႇတေႃႇထိုင်ႁွတ်ႈတီႈသုတ်းၼၼ်ႉၵေႃႉၼၼ်ႉတၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ဢေႃႈ။ 

၂၃ ပေႃးၶဝ်ၼိၵ်ႈၸၢၵ်ႈငႅၼ်းသေးသူၵႃႈၼႂ်းဝဵင်းၼိုင်ႈၸိုင်ပၢႆႊၵႂႃႇၵႃႈတီႈတၢင်ႇဝဵင်းတႃႉ။ ၵဝ်ဝႃႈတီႈၸိုဝ်ႈတီႈၸႂ်ႈၸမ်းၸူဝ်ႈဢၼ်သူလႄႇလဵပ်ႈၵႃႈၼႂ်းဝၢၼ်ႈၼႂ်းဝဵင်းဢိသရေႇလၵႃႈမီးတင်းသဵင်ႈတင်းလူင်ဢမ်ႇပႆႇၸေးပႆႇၸွတ်ႇၼၼ်ႉလုၵ်ႈၵူၼ်းတၵ်းမႃးဢေႃႈ။ 

၂၄ တပႄးဢမ်ႇပူၼ်ႉလိူဝ်သသြေႃႇ။ ၶႃႈဢမ်ႇပူၼ်ႉလိူဝ်သေၸဝ်ႈ။ ပေႃးတပႄးပဵၼ်ၸိူဝ်ႉၼင်ႇသြႃႇ၊ၶႃႈပဵၼ်ၸိူဝ်ႉၼင်ႇၸဝ်ႈၸိုင်တိူၵ်ႈပေႃးတိူၵ်ႈထုၵ်ႇယဝ်ႉဢေႃႈ။ 

၂၅ ပေႃးႁွင်ႉၸဝ်ႈႁိူၼ်းပေႇလၸေႇပုလၸိုင်ယဵင်ႈၶႅၼ်းတၵ်းႁွင်ႉၵူၼ်းႁိူၼ်းၵူၼ်းယေးမၼ်းတင်းလၢႆဢေႃႈ။ ပိူဝ်ႈၼႆလႄႈယႃႇပေၵူဝ်ၶဝ်။ 

၂၆ လွင်ႈဢၼ်ႁူမ်ႇဝႆႉယဝ်ႉတင်းသဵင်ႈတင်းလူင်ဢၼ်တၵ်းဢမ်ႇလႆႈၶၢမ်ႇတၢင်းဢၼ်ပိုတ်ႇဢွၵ်ႇၼႄပျႃႉၼၼ်ႉဢမ်ႇမီးသေၸိူဝ်ႉသေပိူင်။ လွင်ႈတၢင်းဢၼ်သိူင်ႇဝႆႉလပ်ႉဝႆႉတင်းသဵင်ႈတင်းလူင်ဢၼ်တၵ်းဢမ်ႇလႆႈၶၢမ်ႇတၢင်းဢၼ်လႆႈႁူႉလႆႈႁၼ်ၼၼ်ႉဢမ်ႇမီးသေၸိူဝ်ႉသေပိူင်။ 

၂၇ လွင်ႈဢၼ်ၵဝ်လၢတ်ႈတီႈသူၵႃႈၼႂ်းဢၼ်လပ်းသိင်ႇၼၼ်ႉၵႂႃႇလၢတ်ႈၵႃႈၼႂ်းဢၼ်လႅင်းတႃႉ။ လွင်ႈတၢင်းဢၼ်သူငိၼ်းႁိမ်းႁူၼၼ်ႉႁွင်ႉသႅၼ်ႇၵုႈၼိူဝ်ၸွမ်ႁိူၼ်းတႃႉ။ 

၂၈ ပိူင်ၼိုင်ႈၸမ်းယႃႇပေၵူဝ်ၶဝ်ၸိူဝ်းဢၼ်ဢဝ်တၢႆလႆႈတူဝ်ၶၢၼ်ႇထႃႇၵူၺ်းလႄႈဢမ်ႇဢဝ်ၸႂ်ဝိၺိၺ်ႇတၢႆလႆႈၼၼ်ႉ။ ၵူဝ်ၵေႃႉဢၼ်ယႃႉပႅတ်ႈလႆႈၸႂ်ဝိၺိၺ်ႇတင်းတူဝ်ၶၼ်ႇထႃႇၵႃႈၼႂ်းငႃႈရၢႆးၼၼ်ႉတႃႉ။ 

၂၉ ဢဝ်တင်းၵႃႊမၼ်းၶၼ်မၼ်းဢႃႇသရိၶႅပ်းၼိုင်ႈလႄႈသိုဝ်ႉဢဝ်လႆႈၼူၵ်ႉဢႅၼ်ႇၽႃႉသွင်တူဝ်ဢမ်ႇၸႂ်ႈႁိုဝ်။ ပေႃးဢၶႂၢင်ႉပေႃႈသူယင်းဢမ်ႇမီးၸိုင်ၼူၵ်ႉၸိူဝ်းၼၼ်ႉတၵ်းဢမ်ႇလႆႈတူၵ်းၵႃႈၼိူဝ်လိၼ်သေတူဝ်။ 

၃၀ ၶူၼ်ႁူဝ်သူၵေႃႈၼပ်ႉဢၢၼ်ႇဝႆႉယူႇတင်းသဵင်ႈတင်းလူင်ယူႇဢေႃႈ။ 

၃၁ ပိူဝ်ႈၼႆလႄႈယႃႇပေၵူဝ်။ သူယဵင်ႈၶႅၼ်းမျၢတ်ႈၼႃႇသေၼူၵ်ႉဢႅၼ်ႇၽႃႉၸိူဝ်းၼၼ်ႉဢေႃႈ။ 

၃၂ ၽူႈလႂ်သေဢမ်ႇဝႃႈၵေႃႉဢၼ်ႁပ်ႉတုင်းဢဝ်ၵဝ်ၵႃႈတီႈၽၢႆႇၼႃႈၵူၼ်းတင်းလၢႆၼၼ်ႉၵေႃႉၼၼ်ႉၵဝ်တၵ်းႁပ်ႉတုင်းဢဝ်မၼ်းၵႃႈတီႈၽၢႆႇၼႃႈပေႃႈၵဝ်ဢၼ်မီးယူႇၵႃႈၼိူဝ်ၵၢင်ႁၢဝ်ပုၼ်ႉဢေႃႈ။ 

၃၃ ၽူႈလႂ်သေဢမ်ႇဝႃႈၵေႃႉဢၼ်ထဵင်ပႅတ်ႈၵဝ်ၽၢႆႇၼႃႈၵူၼ်းတင်းလၢႆၼၼ်ႉၵေႃႉၼၼ်ႉၵဝ်တၵ်းထဵင်ပႅတ်ႈမၼ်းၵႃႈတီႈၽၢႆႇၼႃႈပေႃႈၵဝ်ဢၼ်မီးယူႇၵႃႈၼိူဝ်ၵၢင်ႁၢဝ်ၼၼ်ႉဢေႃႈ။ 

၃၄ သူယႃႇပေထၢင်ႇၵဝ်မႃးႁႂ်ႈလႆႈသူင်ႇတၢင်းၼိမ်ၵႃႈၼိူဝ်လိၼ်မိူင်းၼႆႉ။ ၵဝ်မႃးႁႂ်ႈလႆႈသူင်ႇတၢင်းၼိမ်ဢမ်ႇၸႂ်ႈ။ 

၃၅ ၵဝ်မႃးႁႂ်ႈလႆႈသူင်ႇလၢပ်ႇလႅဝ်းဢေႃႈ။ ၵဝ်မႃးႁႂ်ႈပေႃႈတင်းလုၵ်ႈၸၢႆးမႄႈတင်းလုၵ်ႈယိင်းဢွၵ်ႇၼၢႆးတင်းလုၵ်ႈပႂ်ႉၽၢတ်ႇၵၼ်ၽႄၵၼ်ဢေႃႈ။ ၵူၼ်းႁိူၼ်းၵူၼ်းယေးတူဝ်ၸဝ်ႈၵဝ်ႇတၵ်းပဵၼ်ရၢၼ်ႇသူႇတူဝ်ၸဝ်ႈၵဝ်ႇတင်းလၢႆဢေႃႈ။ 

၃၆ ၵေႃႉဢၼ်ႁၵ်ႉပေႃႈမႄႈမၼ်းၼႃႇသေၵဝ်ၼၼ်ႉဢမ်ႇၵိုင်ႇထိူၵ်ႈၵၼ်တင်းၵဝ်။ 

၃၇ ၵေႃႉဢၼ်ႁၵ်ႉလုၵ်ႈလၢင်းမၼ်းၼႃႇသေၵဝ်ၼၼ်ႉဢမ်ႇၵိုင်ႇထိူၵ်ႈၵၼ်တင်းၵဝ်။ 

၃၈ ၵေႃႉဢၼ်ဢမ်ႇႁၢပ်ႇဢဝ်သဝ်လၵ်းဝႃးမိုဝ်းတူဝ်ၸဝ်ႈၵဝ်ႇလႄႈၸွမ်းပႃႈလင်ၵဝ်ၼၼ်ႉဢမ်ႇၵိုင်ႇဢမ်ႇထိူၵ်ႈၵၼ်တင်းၵဝ်။ 

၃၉ ၵေႃႉဢၼ်ထူပ်းႁၼ်ဢသၢၵ်ႈတူဝ်ၸဝ်ႈၵဝ်ႇၼၼ်ႉတၵ်းသုမ်းဢသၢၵ်ႈဢေႃႈ။ ၵေႃႉဢၼ်ၶၢမ်ႇသုမ်းဢသၢၵ်ႈတူဝ်ၸဝ်ႈၵဝ်ႇၵွပ်ႈပိူဝ်ႈၵဝ်ၼၼ်ႉတၵ်းထူပ်းဢသၢၵ်ႈဢေႃႈ။ 

၄၀ ၵေႃႉဢၼ်ႁပ်ႉတုင်းဢဝ်သူၼၼ်ႉႁပ်ႉတုင်းဢဝ်ၵဝ်ဢေႃႈ။ ၵေႃႉဢၼ်ႁပ်ႉတုင်းဢဝ်ၵဝ်ၼၼ်ႉႁပ်ႉတုင်းဢဝ်ၵေႃႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ။ 

၄၁ ၵေႃႉဢၼ်ဢိင်ၸိုဝ်သဵင်ပရေႃးၽႅတ်ႈသေလႄႈႁပ်ႉတုင်းဢဝ်ပရေႃးၽႅတ်ႈၼၼ်ႉတၵ်းလႆႈၶၢမ်ႇသူးလၢပ်ႈပရေႃးၽႅတ်ႈဢေႃႈ။ ၵေႃႉဢၼ်ဢိင်ၸိုဝ်သဵင်ၵူၼ်းသိုဝ်ႈတေႃႇၼၼ်ႉတၵ်းလႆႈၶၢမ်ႇသူးလၢပ်ႈၵူၼ်းသိုဝ်ႈတေႃႇဢေႃႈ။ 

၄၂ ၽူႈလႂ်သေဢမ်ႇဝႃႈပေႃးပၼ်ၼမ်ႉၵတ်းၵွၵ်းၼိုင်ႈၵူၺ်းတီႈၵူၼ်းလဵၵ်ႉၵူၼ်းၼွႆႉဢွၼ်သေၵေႃႉၵေႃႉၵွပ်ႈပိူဝ်ႈဝႃႈမၼ်းပဵၼ်တပႄးၵဝ်ၼၼ်ႉၵဝ်ဝႃႈတီႈၸိုဝ်ႈတီႈၸႂ်ႈၸမ်းၵေႃႉၼၼ်ႉယင်းဢမ်ႇလႆႈႁပ်ႉၶၢမ်ႇသူးလၢပ်ႈမၼ်းလႄႈတၵ်းဢမ်ႇလႆႈယူႇ၊ဝႃႈၼင်ႇၼႆဢေႃႈ။