ဝုတ်ႉထုတမၢၼ်ႇၸဝ်ႈ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇
၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၂၄
လႆႈၶၢမ်ႇၶုၼ်ၽေးလိတ်ႉၸႅတ်ႈထၢမ်
၁ လိုၼ်းၼၼ်ႉမိူဝ်ႈဢၼ်ပူၼ်ႉႁႃႈဝၼ်းယဝ်ႉၸိုင်ၶုၼ်ယိတ်ႉပရေႃးႁိၵ်ႈဢႃႇၼၼိဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆဢိၵ်ႇတင်းၵေႃႉဢၼ်မေႃလၢတ်ႈၵႂၢမ်းဢၼ်လႆႈၸိုဝ်တေႇရတုလုၼၼ်ႉလူင်းမႃးၵႃႈတီႈဝဵင်းၵေႇသရိလႄႈလဝ်ႈလၢတ်ႈလွင်ႈပေႃးလုတီႈၶုၼ်ဢေႃႈ။
၂ ၶဝ်ႁွင်ႉဢဝ်ပေႃးလုမႃးသေယဝ်ႉတေႇရတုလုၼၼ်ႉလၢတ်ႈၵႂၢမ်းဢၼ်တၢင်ႇဢပျႅတ်ႈတီႈမၼ်းလႄႈဝႃႈ၊-ၶုၼ်ၽေးလိတ်ႉဢၼ်မျၢတ်ႈၼႃႇၶႃႈဢိူၺ်း၊ပိူဝ်ႈဢၼ်ႁဝ်းၶႃႈဢိင်ပိုင်ႈၸဝ်ႈႁဝ်းလႄႈႁဝ်းၶႃႈၸင်ႇလႆႈယူႇၼိမ်ၼိမ်လီလီၶႃႈဢေႃႈ။ၵူၼ်းမဵဝ်းၼႆႉလႆႈၶၢမ်ႇၵျေးၸူးဢၼ်ယႂ်ႇမျၢတ်ႈၼႃႇဢၼ်ၸဝ်ႈႁဝ်းႁဵတ်းပွင်လူတူၺ်းၼၼ်ႉဢေႃႈ။
၃ ၼႂ်းၵူႈၸိူဝ်ႉၵူႈပိူင်ၵူႈတီႈၵူႈလႅၼ်ႁဝ်းၶႃႈမီးတင်းၸႂ်ဢၼ်ၸၢင်ႊႁူႉၸၢင်ႊႁၼ်ၼႃႇလူင်လၢင်သေလႄႈလႆႈၶၢမ်ႇဢဝ်ၵျေးၸူးၸဝ်ႈႁဝ်းၶႃႈဢေႃႈ။
၄ ၼင်ႇႁိုဝ်ၵဝ်ၶႃႈတၵ်းဢမ်ႇပဵၼ်တၢင်းဢၼ်ယႃႉယူၵ်ႉၸဝ်ႁဝ်းႁိုင်ၼႃႇၼၼ်ႉၸိုင်ၵဝ်ၶႃႈတွင်းပၢၼ်ႇႁႂ်ႈၸဝ်ႈႁဝ်းဢဝ်တင်းၸႂ်ဢၼ်ၼိမ်လီလႄႈထွမ်ႇဢဝ်ၵႂၢမ်းဢၼ်ၵဝ်ၶႃႈတၵ်းလဝ်ႈလၢတ်ႈပွတ်းဢွၼ်ႇၼိုင်ႈၼႆႉသေၵမ်းၶႃႈဢေႃႈ။
၅ ႁဝ်းၶႃႈထူပ်းႁၼ်လွင်ႈဢၼ်ၵေႃႉၼႆႉပဵၼ်ၵူၼ်းဢၼ်ႁူၵ်ႉဢၼ်ႁၢႆႉလႄႈၸၢင်ႊတိုၵ်းယူင်းၸူဝ်းဢဝ်ၵူၼ်းယုတတင်းသဵင်ႈတင်းလူင်ၵူႈတီႈၵူႈလႅၼ်ႈႁႂ်ႈလႆႈဢူၼ်ဢဵၼ်မေႃးမႄးၵၼ်လႄႈမၼ်းပဵၼ်ၵူၼ်းဢွၼ်ႁူဝ်ၶဝ်ၸိူဝ်းဢၼ်ၶဝ်ႈၼႂ်းၽႃႇသႃႇၼႃႇၸရႅတ်ႉၼၼ်ႉၶႃႈယဝ်ႉ။
၆ မၼ်းႁဵတ်းႁႂ်ႈပိၵ်ႉမၢၼ်ႇၸဝ်ႈၵူဝ်ႈၵိူၵ်ႇၶႃႈဢေႃႈ။ႁဝ်းၶႃႈတီႉဢဝ်မၼ်းလႄႈၼႂ်းမိူဝ်ႈဢၼ်မီးဢလူဝ်ႇၶႂ်ႈၸီႇယၢင်ႇမၼ်းၸွမ်းၼင်ႇတြႃးႁဝ်းၶႃႈၼၼ်ႉၵႄႇသိုၵ်းလုသိမႃးလႄႈႁိမ်ၼုၵ်ႈဢဝ်မၼ်း
၇ ဢွၵ်ႇသေၵႃႈၼႂ်းမိုဝ်းႁဝ်းၶႃႈၵႂႃႇသေလႄႈၸီႇယၢင်ႇႁႂ်ႈၶဝ်ၸိူဝ်းဢၼ်ႁဵတ်းဢမူႉတီႈမၼ်းၼၼ်ႉမႃးၵႃႈတီႈၸဝ်ႈႁဝ်းၶႃႈၼႆႉၶႃႈယဝ်ႉ။
၈ ပေႃးတူဝ်ၸဝ်ႈႁဝ်းၸႅတ်ႈထၢမ်မၼ်းၸိုင်ၸဝ်ႈႁဝ်းတၵ်းလႆႈႁူႉလွင်ႈတၢင်းဢၼ်ႁဝ်းၶႃႈတၢင်ႇဢပျႅတ်ႈတီႈမၼ်းတင်းသဵင်ႈတင်းလူင်ၸိူဝ်းၼႆႉသေၶျႃႇလီငၢမ်းယူႇၶႃႈဢေႃႈ၊ဝႃႈၼင်ႇၼႆဢေႃႈ။
၉ ၵူၼ်းယုတၸိူဝ်းၼၼ်ႉၵေႃႈလႆႈၸႂ်လႄႈဝႃႈ၊-ၵႂၢမ်းၼႆႉမႅၼ်ႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၀ ၶုၼ်ၼၼ်ႉဢဝ်မိုဝ်းၼႄလႄႈပၼ်ဢၶႂၢင်ႉႁႂ်ႈပေႃးလုလဝ်ႈလၢတ်ႈလႄႈပေႃးလုၵေႃႈလဝ်ႈလၢတ်ႈလႄႈဝႃႈ၊-ပိူဝ်ႈဢၼ်ၵဝ်ၶႃႈႁူႉလွင်ႈဢၼ်ၸဝ်ႈႁဝ်းပဵၼ်ၵေႃႉဢၼ်လႆႈၸီႇယၢင်ႇၵူၼ်းမဵဝ်းၼႆႉပီႊမိူင်းၼမ်ၼႃႇယဝ်ႉလႄႈၵဝ်ၶႃႈယဵင်ႈၶႅၼ်းမီးၸႂ်ဢၼ်ၸိုၼ်ႈဢၼ်ၸၢင်ႇႁတ်းလဝ်ႈလၢတ်ႈၵႂၢမ်းဢၼ်ၽေႇဢပျႅတ်ႈတူဝ်ၸဝ်ႈၵဝ်ႇယူႇၶႃႈဢေႃႈ။
၁၁ ၸဝ်ႈႁဝ်းႁူႉလွင်ႈဢၼ်ၸႃႉၸဵမ်မိူဝ်ႈဢၼ်ၵဝ်ၶႃႈၶိုၼ်းၵႂႃႇၵႃႈတီႈဝဵင်းယေႇရုသလႅမ်ႇႁႂ်ႈလႆႈၵူဝ်းၵႂၢႆႇၼၼ်ႉႁၢၼ်ႉတေႃႇထိုင်ႁွတ်ႈမိူဝ်ႈလဵဝ်ၼႆႉမီးသိပ်းသွင်ဝၼ်းၵူၺ်းၶႃႈဢေႃႈ။
၁၂ ၵဝ်ၶႃႈဢမ်ႇၽိတ်းဢမ်ႇထဵင်ၵၼ်တင်းသေၵေႃႉသေၵူၼ်းၵႃႈၼႂ်းပိၵ်ႉမၢၼ်ႇၸဝ်ႈၼၼ်ႉၶႃႈ။ၵဝ်ၶႃႈဢမ်ႇတိုၵ်ယူင်းၸူဝ်းဢဝ်ၵူၼ်းႁႂ်ႈလႆႈၵူၼ်ဢဵၼ်မေႃးမႄးၵႃႈၼႂ်းၸရွပ်ႈႁေႃးတြႃး၊ၵႃႈၼႂ်းဝၢၼ်ႈၼႂ်းဝဵင်းၼၼ်ႉၶႃႈ။
၁၃ ၶဝ်ႇဢမ်ႇၸၢင်ႊၼႄပျႃႉသၢၵ်ႈသေႇၵႃႈတီႈဢမူႉဢၼ်ၶဝ်တၢင်ႇဢပျႅတ်ႈၵႃႈၼိူဝ်ၵဝ်ၶႃႈလႆႈၶႃႈ။
၁၄ ၼႂ်းဝႃႈၼၼ်သေၵေႃႈၵဝ်ၶႃႈယိုၼ်ဝႃႈၵဝ်ၶႃႈပဵၼ်ၵေႃႉဢၼ်ၸွမ်းၼင်သဵၼ်ႈတၢင်းဢၼ်ၶဝ်ၸၢင်ႊႁွင်ႉဝႃႈဢယူႇတိၵ်ႉထီႉၼၼ်ႉသေလႄႈၵူဝ်းၵႂၢႆႇၽြႃးပဵၼ်းၸဝ်ႈဢၼ်ပူႇပေႃႈႁဝ်းတင်းလၢႆၵူဝ်းၵႂၢႆႇၼၼ်ႉၶႃႈဢေႃႈ။ၵဝ်ၶႃႈယုမ်ႇၵႃႈဢၼ်ၸီႇယၢင်ႇတႅမ်ႈဝႆႉၼႂ်းၵျၢမ်းပိင်းၺၢပ်ႈတိတင်းၵျၢမ်းဢၼႃႇၵၢတ်ႈတိၸိူဝ်းၼၼ်ႉယူႇၶႃႈဢေႃႈ။
၁၅ ၵဝ်ၶႃႈဢိင်ပိုင်ႈၽြႃးပဵၼ်ၸဝ်ႈသေလႄႈမုင်ႈထႃႈမွင်းထႃႈမိူၼ်ၸိူဝ်ႉၼင်ႇၶဝ်မုင်ႈထႃႈမွင်းထႃႈလွင်ႈၵူၼ်းဢၼ်သိုဝ်ႈတေႃႇၵူၼ်းဢၼ်ဢမ်ႇသိုဝ်ႈတေႃႇၵႃႈမီးတၵ်းလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉယူႇၶႃႈဢေႃႈ။
၁၆ ပိူဝ်ႈၼႆလႄႈၵဝ်ၶႃႈၶတ်းၸႂ်ႁႂ်ႈႁူဝ်ၸႂ်တူဝ်ၸဝ်ႈၵဝ်ႇၵၢင်းလွတ်ႈတင်းဢၶႂၢင်ႉတၢင်းဢၼ်တၢင်ႇဢပျႅတ်ႈတီႈတူဝ်ၸဝ်ႈၵဝ်ႇဝႃႈ၊-ၽိတ်းၽြႃးပဵၼ်ၸဝ်ႈယဝ်ႉ၊ၽိတ်းၵူၼ်းယဝ်ႉ၊ဝႃႈၼင်ႇၼႆၼၼ်ႉယူႇတႃႇသေႇၶႃႈဢေႃႈ။
၁၇ မိူဝ်ႈဢၼ်ပူၼ်ႉမႃးပီႊမိူင်းၼမ်ၼႃႇၼၼ်ႉ၊ၵဝ်ၶႃႈပႃးဢဝ်တင်းတၢင်းဢၼ်ဝူၼ်ႉဝၵ်ႉၽေးၸွၼ်းဢိၵ်ႇတင်းတၢင်းဢၼ်ပုၵ်ႉၸေႃႇၽြႃးပဵၼ်ၸဝ်ႈတင်းလၢႆမႃးၵႃႈတီႈၸိူဝ်ႉၶိူဝ်းၵူၼ်းမဵဝ်းၵဝ်ၶႃႈလႄႈၶဝ်လႆႈထူပ်းႁၼ်ၵဝ်ၶႃႈယင်းဢမ်ႇမီးလူၺ်ႈၵၼ်တင်းၵူၼ်းၸူႉၵူၼ်းတုမ်ယင်းဢမ်ႇႁဵတ်းတၢင်းဢၼ်ယုင်ႈယၢင်ႈဢူၼ်ဢဵၼ်မေႃးမႄးလႄႈၵဝ်ၶႃႈႁဵတ်းတၢင်းဢၼ်မူတ်းသႂ်ၵႃႈၼႂ်းပိၵ်ႉမၢၼ်ႇၸဝ်ႈၶႃႈဢေႃႈ။
၁၈ ၵူၺ်းၵႃႈၵူၼ်းယုတဢၼ်လုၵ်ႉသေၵႃႈတီႈမိူင်းဢႃႇသိမႃးၸိူဝ်းၼၼ်ႉၵမ်ႈၽွင်ႈႁဵတ်းတၢင်းဢၼ်ယုင်ႈယၢင်ႈဢူၼ်ဢဵၼ်မေႃးမႄးၶႃႈဢေႃႈ။
၁၉ ပေႃးၶဝ်မီးတီႈတၢင်ႇဢပျႅတ်ႈၼိူဝ်ၵဝ်ၶႃႈၸိုင်တူဝ်ၶဝ်ထုၵ်ႇလီမႃးၵႃႈတီႈၸဝ်ႈႁဝ်းလႄႈတၢင်ႇဢပျႅတ်ႈယူႇၶႃႈဢေႃႈ။
၂၀ ဢမ်ႇၼၼ်ၵေႃႈမိူဝ်ႈဢၼ်ၵဝ်ၶႃႈၸုၵ်းယူႇၵႃႈတီႈၽၢႆႇၼႃႈဢရႃႇသိလုမ်းလူင်ၼၼ်ႉႁႂ်ႈၶဝ်လၢတ်ႈၼႄဢၼ်ၶဝ်ႁၼ်တၢင်းၽိတ်းၼိူဝ်ၵဝ်ၶႃႈၸိူင်ႉႁိုဝ်ၼၼ်ႉသေၵမ်းၶႃႈ။
၂၁ ၵဝ်ၶႃႈလႆႈၶၢမ်ႇတၢင်းဢၼ်ၸီႇယၢင်ႇၸႅတ်ႈထၢမ်လူၺ်ႈလွင်ႈၵူၼ်းတင်းလၢႆတၵ်းလုၵ်ႉၶိုၼ်းလိပ်းၼၼ်ႉၵႃႈတီႈၽၢႆႇၼႃႈသူၸဝ်ႈဝၼ်းမိူဝ်ႈၼႆႉၶႃႈဢေႃႈ၊ဝႃႈၼင်ႇၼႆဢေႃႈ။
ၶုၼ်ၽေးလိတ်ႉၼၼ်ႉပဵၼ်ၵေႃႉဢၼ်ယဵင်ႈၶႅၼ်းႁူႉလွင်ႈသဵၼ်ႈတၢင်းၼၼ်ႉလႄႈယင်းဢမ်ႇၸီႇယၢင်ႇၵမ်းလဵဝ်။ၶၢႆႉမိူဝ်ႈၶၢႆႉဝၼ်းလႄႈလၢတ်ႈတီႈၶဝ်လႄႈဝႃႈ၊-မိူဝ်ႈဢၼ်ၵႄႇသိုၵ်းလုသိလူင်းမႃးၼၼ်ႉၵဝ်တၵ်းၸႅတ်ႈထၢမ်ၸႅတ်ႈတူၺ်းဢမူႉသူၼႆႉထႅင်ႈလူးၵွၼ်ႇ၊ဝႃႈၼင်ႇၼႆဢေႃႈ။
၂၃ ၸဝ်ႈၶုၼ်ၼၼ်ႉသင်ႇလၢတ်ႈဝႆႉတီႈတပ်ႉမူးလွင်ႈဢၼ်တၵ်းဢမ်ႇလႆႈဢဝ်ပေႃးလုဝႆႉတီႈၵိတ်ႇတီႈၵႅၼ်းလႄႈတၵ်းႁႂ်ႈလႆႈပႂ်ႉမၼ်းယူႇလီလီဢိၵ်ႇတင်းတၵ်းဢမ်ႇလႆႈႁႄႉၶႅၼ်ပီႈၼွင်ႉမၼ်းဢၼ်မႃးႁဵတ်းလဵင်ႉႁဵတ်းလူမၼ်းၼၼ်ႉဢေႃႈ။
၂၄ လိုၼ်းၼၼ်ႉဢမ်ႇပေႃးႁိုင်ၶုၼ်ၽေးလိတ်ႉဢိၵ်ႇတင်းမေးမၼ်းတြႃႇသိလဢၼ်ပဵၼ်ၵူၼ်းယုတၼၼ်ႉမႃးႁွင်ႉဢဝ်ပေႃးလုလႄႈထွမ်ႇဢဝ်ၵႂၢမ်းဢၼ်ၸၢပ်ႈသႅင်ႇၵၼ်တင်းတၢင်းဢၼ်ယုမ်ႇမၢတ်ႈၸဝ်ႈၶရိၸ်ႉၼၼ်ႉဢေႃႈ။
၂၅ မိူဝ်ႈဢၼ်ပေႃးလုႁေႃးလၢတ်ႈလွင်ႈတြႃးတၢင်းဢၼ်သိုဝ်ႈတေႃႇတြႃးတၢင်းဢၼ်ၶျုၵ်ႈၵႃႇမၵုင်ႇတြႃးတၢင်းဢၼ်ၸီႇယၢင်ႇၸႅတ်ႈထၢမ်ဢၼ်တၵ်းမႃးၵမ်းလိုၼ်းၸိူဝ်းၼၼ်ႉလႄႈၶုၼ်ၽေးလိတ်ႉၼၼ်ႉမီးတၢင်းဢၼ်ၵူဝ်ႁႄၼႃႇလူင်လၢင်လႄႈဝႃႈ၊-တေႃႈလဵဝ်ၼႆႉမႂ်းၵႂႃႇလူးၵွၼ်ႇတႃႉ။ၵမ်းလိုၼ်းမိူဝ်ႈဢၼ်ၵဝ်တၼ်းၼၼ်ႉၵဝ်ၸင်ႇတၵ်းႁွင်ႉမႂ်းထႅင်ႈလူးၵွၼ်ႇဝႃႈၼင်ႇၼႆလႄႈမုင်ႈမွင်းလွင်ႈဢၼ်ပေႃးလုတၵ်းပၼ်ငိုၼ်းမၼ်းတႃႇႁႂ်ႈတူဝ်ၸဝ်ႈၵဝ်ႇလႆႈလွတ်ႈၼၼ်ႉဢေႃႈ။
၂၆ ပိူဝ်ႈၼႆလႄႈဢမ်ႇႁိုင်ဢမ်ႇႁိုင်မၼ်းႁွင်ႉဢဝ်ပေႃးလုမႃးလႄႈလၢတ်ႈၵႂၢမ်းတေႃႇၵၼ်တင်းမၼ်းဢေႃႈ။
၂၇ မိူဝ်ႈဢၼ်တဵမ်သွင်ပီႊယဝ်ႉပေႃႇၵိၽိတ်ႉတုလႆႈဢရႃႇၶုၼ်ၽေးလိတ်ႉဢေႃႈ။ၶုၼ်ၽေးလိတ်ႉၼၼ်ႉမီးၸႂ်ဢၼ်ၶႂ်ႈပၼ်ၼႃႈတီႈၵူၼ်းယုတတင်းလၢႆလႄႈမၼ်းႁႂ်ႈပေႃးလုၶၢမ်ႇတူၵ်းၵႅၼ်းယူႇၵႃႈၼႂ်းထွင်ႇဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ