ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁
၁၆
၁ ၼင်ႇႁိုဝ်သူတၵ်းၸႂ်ဢမ်ႇလူႉၸိုင်ၵဝ်ႁေႃးလၢတ်ႈၵႂၢမ်းၼႆႉဢေႃႈ။
၂ ၶဝ်တၵ်းႁေႃႈသူဢွၵ်ႇသေၵႃႈၼႂ်းၸရွပ်ႈႁေႃးတြႃးတင်းလၢႆပႅတ်ႈဢေႃႈ။ၶိင်ႇၵႃႇလႃႉဢၼ်ပိူၼ်ႈတၢင်ႇၵေႃႉတေဢဝ်သူတၢႆလႄႈတေဝႃႈမၼ်းႁဵတ်းဢမူႉၽြႃးဢေႃႈ၊ဢၼ်ဝႃႈၼၼ်ႉတၵ်းႁွတ်ႈထိုင်မႃးယူႇဢေႃႈ။
၃ ၵွပ်ႈပိူဝ်ႈၶဝ်ဢမ်ႇႁူႉပေႃႈၸဝ်ႈတင်းၵဝ်လႄႈၶဝ်တၵ်းႁဵတ်းၸိူဝ်ႉၼင်ႇၼၼ်ဢေႃႈ။ၵဝ်ႁေႃးလၢတ်ႈၸိူဝ်ႉၼင်ႇၼႆဝႆႉတီႈသူလွင်ႈၼင်ႇႁိုဝ်သူတၵ်းၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်ၵဝ်လၢတ်ႈဝႆႉယဝ်ႉဢွၼ်တၢင်းၼၼ်ႉဢေႃႈ။
၄ ပိူဝ်ႈဢၼ်ၵဝ်မီးယူႇလူၺ်ႈၵၼ်တင်းသူလႄႈမိူဝ်ႈဢွၼ်တၢင်းၵဝ်ဢမ်ႇပႆႇတွၼ်ႉလၢတ်ႈၸိူဝ်ႉၼင်ႇၼႆသေပွၵ်ႈ။
ဢမူႉတေႃႇမျၢတ်ႈဝိၺိၺ်ႇမူတ်းၸၢင်ႇၸဝ်ႈ
၅ တေႃႈလဵဝ်ၼႆႉၸိုင်ၵဝ်တၵ်းလႆႈၵႂႃႇၵႃႈတီႈၵေႃႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ။ၵဝ်တၵ်းၵႂႃႇၵႃႈတီႈလႂ်ဝႃႈၼႆသူဢမ်ႇလဝ်ႈဢမ်ႇထၢမ်။
၆ ပိူဝ်ႈဢၼ်ၵဝ်ႁေႃးလၢတ်ႈလွင်ႈတၢင်းၸိူဝ်းၼႆႉတီႈသူလႄႈသူႁွတ်ႈထိုင်တၢင်းဢၼ်ၸႂ်လဵၵ်ႉဢေႃႈ။
၇ ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်းပေႃးၵဝ်ၵႂႃႇၸိုင်တၵ်းမီးဢၵျူဝ်းပုၼ်ႈသူဢေႃႈ။လွင်ႈမၼ်းၸမ်းပေႃးၵဝ်ဢမ်ႇၵႂႃႇၸိုင်သြႃႇဢုပိတ်ႉသေႇဢမ်ႇမႃးတီႈသူ။ပေႃးၵဝ်ၵႂႃႇၸင်ႇၵဝ်တၵ်းပွႆႇၸႂ်ႉမၼ်းၸဝ်ႈမႃးတီႈသူဢေႃႈ။
၈ မိူဝ်ႈဢၼ်မၼ်းၸဝ်ႈႁွတ်ႈမႃးၼၼ်ႉမၼ်းၸဝ်ႈတၵ်းၽုၺ်ႇဢွၵ်ႇၼႄပျႃးတူႉၸရိူၵ်ႇဢပျႅတ်ႈဢိၵ်ႇတင်းလွင်ႈတၢင်းဢၼ်သိုဝ်ႈတေႃႇလွင်ႈတၢင်းဢၼ်ၸီႇယၢင်ႇဢပျႅတ်ႈလေႃးၵႃႉၼႆႉၼၼ်ႉဢေႃႈ။
၉ လွင်ႈတူႉၸရိူၵ်ႈဢပျႅတ်ႈၸမ်းပိူဝ်ႈဢၼ်ၶဝ်ဢမ်ႇယုမ်ႇမၢတ်ႈၵဝ်ၼၼ်ႉဢေႃႈ။
၁၀ လွင်ႈတၢင်းဢၼ်သိုဝ်ႈတေႃႇၸမ်းပိူဝ်ႈဢၼ်ၵဝ်တၵ်းၵႂႃႇၵႃႈတီႈပေႃႈၸဝ်ႈပုၼ်ႉလႄႈၵမ်းလိုၼ်းသူတၵ်းဢမ်ႇလႆႈႁၼ်ၵဝ်ၼၼ်ႉဢေႃႈ။
၁၁ လွင်ႈတၢင်းဢၼ်ၸီႇယၢင်ႇဢပျႅတ်ႈၸမ်းၶုၼ်ဢၼ်ဢုပ်ႉပိူင်ႇလေႃးၵႃႉၼႆႉၼၼ်ႉလႆႈၶၢမ်ႇတၢင်းဢၼ်သေႉသွမ်းဢေႃႈ။
၁၂ ၵဝ်မီးၵႂၢမ်းဢၼ်လီလၢတ်ႈလီဝႃႈၼမ်ၼႃႇတီႈသူသေၵေႃႈတေႃႈလဵဝ်ၼႆႉသူဢမ်ႇၶၢမ်ႇဢမ်ႇဢဝ်လႆႈ။
၁၃ ၵူၺ်းၵႃႈမိူဝ်ႈဢၼ်ဝိၺိၺ်ႇမူတ်းၸၢင်ႇၸဝ်ႈဢၼ်တဵမ်ဝႆႉတင်းသမ်ႇမႃႇတြႃးၼၼ်ႉႁွတ်ႈထိုင်မႃးၼၼ်ႉၸိုင်မၼ်းၸဝ်ႈတၵ်းၼႄတၢင်းသူၵႂႃႇၵႃႈၼႂ်းသမ်ႇမႃႇတြႃးတင်းသဵင်ႈတင်းလူင်ၼၼ်ႉဢေႃႈ။မၼ်းၸဝ်ႈတၵ်းႁေႃးလၢတ်ႈၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇဢမ်ႇၸႂ်ႈ။မၼ်းၸဝ်ႈတၵ်းႁေႃးလၢတ်ႈၵႃႈဢၼ်မၼ်းၸဝ်ႈလႆႈငိၼ်းတင်းသဵင်ႈတင်းလူင်ၼၼ်ႉဢေႃႈ။လွင်ႈတၢင်းဢၼ်တၵ်းပဵၼ်မႃးၵမ်းလိုၼ်းၸိူဝ်းၼၼ်ႉၵေႃႈမၼ်းၸဝ်ႈတၵ်းလၢတ်ႈပၼ်တီႈသူဢေႃႈ။
၁၄ မၼ်းၸဝ်ႈတၵ်းႁႂ်ႈမူၼ်ၽုင်းၵဝ်ထၢင်ႇသႃးမႃးဢေႃႈ။လွင်ႈမၼ်းၸမ်းမၼ်းၸဝ်ႈတၵ်းဢဝ်လွင်ႈတၢင်းဢၼ်ၸၢပ်ႈသႅင်ႇၵၼ်တင်းၵဝ်ၼၼ်ႉလၢတ်ႈပၼ်တီႈသူဢေႃႈ။
၁၅ ၵႃႈဢၼ်ၸၢပ်ႈသႅင်ႇၵၼ်တင်းပေႃႈၸဝ်ႈတင်းသဵင်ႈတင်းလူင်ၸိူဝ်းၼၼ်ႉၸၢပ်ႈသႅင်ႇၵၼ်တင်းၵဝ်ဢေႃႈ။ပိူဝ်ႈၼႆလႄႈၵဝ်လၢတ်ႈလႄႈဝႃႈ၊-မၼ်းၸဝ်ႈတၵ်းဢဝ်လွင်ႈတၢင်းဢၼ်ၸၢပ်ႈသႅင်ႇၵၼ်တင်းၵဝ်ၼၼ်ႉလၢတ်ႈပၼ်တီႈသူဢေႃႈ၊ဝႃႈၼင်ႇၼႆဢေႃႈ။
၁၆ ႁိုင်ၵမ်းဢွၼ်ႇၼိုင်ႈၵူၺ်းယဝ်ႉလႄႈသူတၵ်းဢမ်ႇလႆႈႁၼ်ၵဝ်။သမ်ႉႁိုင်ၵမ်းဢွၼ်ႇၼိုင်ႈၵူၺ်းယဝ်ႉလႄႈသူတၵ်းၶိုၼ်းလႆႈႁၼ်ၵဝ်ဢေႃႈ၊ဝႃႈၼင်ႇၼႆဢေႃႈ။
တၢင်းၸႂ်လဵၵ်ႉၶိုၼ်းပဵၼ်တၢင်းၸူမ်းသိူဝ်း
တပႄးၸဝ်ႈၵမ်ႈၽွင်ႈၵေႃႈၵေႃႉၼိုင်ႈလႄႈၵေႃႉၼိုင်ႈလၢတ်ႈၵၼ်လႄႈဝႃႈ၊-
၁၇ ၵႂၢမ်းဢၼ်မၼ်းၸဝ်ႈဝႃႈႁိုင်ၵမ်းဢွၼ်ႇၼိုင်ႈၵူၺ်းယဝ်ႉလႄႈသူတၵ်းဢမ်ႇလႆႈႁၼ်ၵဝ်။သမ်ႉႁိုင်ၵမ်းဢွၼ်ႇၼိုင်ႈၵူၺ်းယဝ်ႉလႄႈသူတၵ်းၶိုၼ်းလႆႈႁၼ်ၵဝ်ဢေႃႈ၊ဝႃႈၼင်ႇၼႆၼၼ်ႉဢိၵ်ႇတင်းၵႂၢမ်းဢၼ်မၼ်းၸဝ်ႈသမ်ႉဝႃႈၵဝ်တၵ်းၵႂႃႇၵႃႈတီႈပေႃႈၸဝ်ႈပုၼ်ႉဢေႃႈ၊ဝႃႈၼင်ႇၼႆၼၼ်ႉၸမ်းပဵၼ်ၸိူဝ်ႉၼင်ႇႁိုဝ်။
၁၈ ဢၼ်မၼ်းၸဝ်ႈဝႃႈ၊-ႁိုင်ၵမ်းဢွၼ်ႇၼိုင်ႈၵူၺ်း၊ဝႃႈၼင်ႇၼႆၼၼ်ႉၶႂ်ႈဝႃႈပွင်ႇၸိူဝ်ႉၼင်ႇႁိုဝ်။ႁဝ်းၶႃႈဢမ်ႇႁူႉပွင်ႇၵႂၢမ်းဢၼ်မၼ်းၸဝ်ႈလၢတ်ႈၼႆႉ၊ဝႃႈၼင်ႇၼႆဢေႃႈ။
၁၉ မိူဝ်ႈဢၼ်ၸဝ်ႈယေႇသုႁူႉလွင်ႈဢၼ်တပႄးၸဝ်ႈၸိူဝ်းၼၼ်ႉၶႂ်ႈလဝ်ႈထၢမ်မၼ်းၸဝ်ႈၼၼ်ႉၸိုင်မၼ်းၸဝ်ႈလၢတ်ႈလႄႈဝႃႈ၊-သူၵေႃႉၼိုင်ႈလႄႈၵေႃႉၼိုင်ႈၶႆႈၸႂ်ဝူၼ်ႉၸႂ်လူၺ်ႈလွင်ႈၵႂၢမ်းဢၼ်ၵဝ်လၢတ်ႈဝႃႈ၊-ႁိုင်ၵမ်းဢွၼ်ႇၼိုင်ႈၵူၺ်းယဝ်ႉလႄႈသူတၵ်းဢမ်ႇလႆႈႁၼ်ၵဝ်။သမ်ႉႁိုင်ၵမ်းဢွၼ်ႇၼိုင်ႈၵူၺ်းယဝ်ႉလႄႈသူတၵ်းၶိုၼ်းလႆႈႁၼ်ၵဝ်ဢေႃႈ၊ဝႃႈၼင်ႇၼႆၼၼ်ႉႁိုဝ်။
၂၀ ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်းသူတၵ်းလႆႈမီးတၢင်းဢၼ်ႁႆႈႁွင်ႉပွင်ႉၶင်းဢေႃႈ။လေႃးၵႃႉၼႆႉတၵ်းမီးတၢင်းဢၼ်ၸူမ်းသိူဝ်းဢေႃႈ။သူၸမ်းပဵၵ်ႉသမ်ႉမီးတၢင်းဢၼ်ၸႂ်လဵၵ်ႉသေၵေႃႈတၢင်းဢၼ်ၸႂ်လဵၵ်ႉၼၼ်ႉၵမ်းလိုၼ်းတၵ်းပဵၼ်တၢင်းဢၼ်ၸူမ်းသိူဝ်းဢေႃႈ။
၂၁ ၽူႈယိင်းၸိုင်ၼႂ်းမိူဝ်ႈဢၼ်ယင်းတိုၵ်ႉၵိူတ်ႇလဵင်ႉလုၵ်ႈယူႇၼၼ်ႉပိူဝ်ႈဢၼ်ထိုင်ၶိင်ႇဢၼ်လႆႈၵိူတ်ႇလဵင်ႉလႄႈမီးတၢင်းဢၼ်ၸဵပ်းသႅပ်ႇၼႃႇဢေႃႈ။ၵိူတ်ႇလဵင်ႉမႃးသေယဝ်ႉပိူဝ်ႈဢၼ်ၵိူတ်ႇလဵင်ႉမႃးၵူၼ်းၵေႃႉၼိုင်ႈၵႃႈၼႂ်းလေႃးၵႃႉၼႆႉလႄႈမၼ်းမီးတၢင်းဢၼ်ၸူမ်းသိူဝ်းလႄႈလိုမ်းပႅတ်ႈဝူၺ်ႇတၼႃႇဢၼ်လႆႈၶၢမ်ႇမိူဝ်ႈဢွၼ်တၢင်းၼၼ်ႉဢေႃႈ။
၂၂ မိူၼ်ၸိူဝ်ႉၼင်ႇၼၼ်မိူဝ်ႈလဵဝ်ၼႆႉပဵၵ်ႉသမ်ႉသူမီးတၢင်းဢၼ်ၸႂ်လဵၵ်ႉသေၵေႃႈၵမ်းလိုၼ်းၵဝ်တၵ်းထူပ်းႁၼ်သူလႄႈသူတၵ်းမီးတၢင်းဢၼ်ႁူဝ်ၸႂ်သိူဝ်းပျေႃႇဢေႃႈ။ၽူႈလႂ်သေၵေႃႉသေၵူၼ်းတၵ်းဢမ်ႇႁိမ်ဢဝ်တၢင်းသိူဝ်းပျေႃႇသူၼၼ်ႉလႆႈ။
၂၃ ၼႂ်းဝၼ်းၼၼ်ႉသူတၵ်းဢမ်ႇတွင်ႈဢမ်ႇထၢမ်ၵဝ်သေၸိူဝ်ႉသေပိူင်။ၵဝ်ဝႃႈတီႈၸိုဝ်ႈတီႈၸႂ်ႈတီႈသူၸမ်းၵႃႈဢၼ်သူဢိင်ပိုင်ႈၼႃႇမႃႉၸိုဝ်သဵင်ႈၵဝ်သေလႄႈယွၼ်းၵႃႈတီႈပေႃႈၸဝ်ႈတင်းသဵင်ႈတင်းလူင်ၼၼ်ႉပေႃႈၸဝ်ႈတၵ်းပၼ်ဢေႃႈ။
၂၄ တေႃႇထိုင်ႁွတ်ႈမိူဝ်ႈလဵဝ်ၼႆႉသူယင်းဢမ်ႇပႆႇဢိင်ပိုင်ႈၸိုဝ်သဵင်ၵဝ်သေလႄႈယွၼ်းသေၸိူဝ်ႉသေပိူင်လူးၵွၼ်ႇ။ၼင်ႇႁိုဝ်လွင်ႈတၢင်းဢၼ်သူသိူဝ်းပျေႃႇၼၼ်ႉတၵ်းလႆႈၸေးၸုမ်ႇၸိုင်ယွၼ်းတႃႉ။
၂၅ ပေႃးယွၼ်းၸိုင်တၵ်းလႆႈဢေႃႈ။ၵဝ်ဢဝ်တင်းဢူႉပမႃႇႁေႃးလၢတ်ႈလွင်ႈတၢင်းၸိူဝ်းၼႆႉဢေႃႈ။ၶိင်ႇၵႃႇလႃႉဢၼ်တၵ်းဢမ်ႇဢဝ်တင်းဢူႉပမႃႇလႄႈႁေႃးလၢတ်ႈၼၼ်ႉတၵ်းႁွတ်ႈထိုင်မႃးယူႇဢေႃႈ။
၂၆ ၵဝ်တၵ်းၽုၺ်ႇဢွၵ်ႇၼႄပျႃးလွင်ႈပေႃႈၸဝ်ႈတီႈသူလႅင်းလႅင်းဢေႃႈ။မိူဝ်ႈၶိင်ႇၵႃႇလႃႉၼၼ်ႉသူတၵ်းဢိင်ပိုင်ႈၼႃႇမႃႉၸိုဝ်သဵင်ၵဝ်သေလႄႈသူးတွင်းဢေႃႈ။
၂၇ ၵဝ်ဢမ်ႇဝႃႈၵဝ်တၵ်းယွၼ်းတီႈပေႃႈၸဝ်ႈပုၼ်ႈသူ။လွင်ႈမၼ်းၸမ်းပိူဝ်ႈဢၼ်သူႁၵ်ႉၵဝ်လႄႈယုမ်ႇလွင်ႈဢၼ်ၵဝ်လုၵ်ႉသေၵႃႈတီႈၽြႃးပဵၼ်ၸဝ်ႈမႃးၼၼ်ႉလႄႈတူဝ်ပေႃႈၸဝ်ႈႁၵ်ႉသူဢေႃႈ။
၂၈ ၵဝ်လုၵ်ႉသေၵႃႈတီႈပေႃႈၸဝ်ႈလႄႈမႃးၼႂ်းလေႃးၵႃႉၼႆႉယဝ်ႉ။ၵဝ်သမ်ႉတၵ်းဢွၵ်ႇသေၵႃႈၼႂ်းလေႃးၵႃႉၼႆႉလႄႈၵႂႃႇၵႃႈတီႈပေႃႈၸဝ်ႈပုၼ်ႉလူးၵွၼ်ႇဢေႃႈ၊ဝႃႈၼင်ႇၼႆဢေႃႈ။
၂၉ တပႄးၸဝ်ႈၸိူဝ်းၼၼ်ႉၵေႃႈလဝ်ႈလၢတ်ႈလႄႈဝႃႈ၊-ၸဝ်ႈႁဝ်း၊တေႃႈလဵဝ်ၼႆႉၸဝ်ႈႁဝ်းယင်းဢမ်ႇဢဝ်တင်းဢူႉပမႃႇလႄႈႁေႃးလၢတ်ႈလႅင်းလႅင်းယဝ်ႉ။
၃၀ တေႃႈလဵဝ်ၼႆႉႁဝ်းၶႃႈႁူႉလွင်ႈဢၼ်ၸဝ်ႈႁဝ်းႁူႉၸႅင်ႈတင်းသဵင်ႈတင်းမူတ်းဢိၵ်ႇတင်းလွင်ႈဢၼ်ၸဝ်ႈႁဝ်းဢမ်ႇလူဝ်ႇၽူႈလႂ်သေၵေႃႉသေၵူၼ်းႁႂ်ႈလႆႈတွင်ႈထၢမ်တီႈၸဝ်ႈႁဝ်းၼၼ်ႉၶႃႈ။ထွၵ်ႈလူၺ်ႈလွင်ႈတီႈႁႅင်းၼႆႉလႄႈႁဝ်းၶႃႈယုမ်ႇလွင်ႈဢၼ်ၸဝ်ႈႁဝ်းလုၵ်ႉသေႈၵႃႈတီႈၽြႃးပဵၼ်ၸဝ်ႈမႃးၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။
၃၁ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-တေႃႈလဵဝ်ၼႆႉသူယုမ်ႇယဝ်ႉႁိုဝ်။တူၺ်းလူႊ။
၃၂ ၶိင်ႇၵႃႇလႃႉဢၼ်သူတၵ်းလႆႈၽၢတ်ႇၽႄၵၼ်လႅၼ်ႈပၢႆႊၵႂႃႇၵႃႈတီႈတီႈယူႇတူဝ်ၸဝ်ႈၵဝ်ႇႁင်းၽႂ်ႁင်းမၼ်းလႄႈၸုၼ်ႉပႅတ်ႈႁႂ်ႈၵဝ်ၵိုတ်းၵျၢၼ်ႇယူႇၵေႃႉလဵဝ်ၵူၺ်းၼၼ်ႉတၵ်းႁွတ်ႈထိုင်မႃးလႄႈတေႃႈလဵဝ်ၼႆႉၵေႃႈႁွတ်ႈမႃးယူႇယဝ်ႉ။ၼႂ်းဝႃႈၼၼ်သေၵေႃႈၵဝ်မီးယူႇၵေႃႉလဵဝ်ၵူၺ်းဢမ်ႇၸႂ်ႈ။
၃၃ ပေႃႈၸဝ်ႈၼၼ်ႉမီးယူႇလူၺ်ႈၵၼ်တင်းၵဝ်ဢေႃႈ။ၼင်ႇႁိုဝ်သူတၵ်းမီးတၢင်းၼိမ်ၵႃႈၼႂ်းၵဝ်ၸိုင်ၵဝ်ႁေႃးလၢတ်ႈၵႂၢမ်းၼႆႉယဝ်ႉ။သူတၵ်းလႆႈၶၢမ်ႇတုၵ်ႉၶႃႉၵႃႈၼႂ်းလေႃးၵႃႉၼႆႉဢေႃႈ။ၼႂ်းဝႃႈၼၼ်သေၵေႃႈယႃႇပေမႆႈၸႂ်ၶီၸႂ်။ၵဝ်ပႄႉၼႅင်ႇလေႃးၵႃႉၼႆႉယဝ်ႉ၊ဝႃႈၼင်ႇၼႆဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ