ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁
၇
ၸဝ်ႈယေႇသုၵႂႃႇၶဝ်ႈပွႆးသုမ်ႉထဵင်
၁ လိုၼ်းၼၼ်ႉၸဝ်ႈယေႇသုလႄႇလဵပ်ႈၵႃႈၼႂ်းမိူင်းၵႃႇလိလႄးၼၼ်ႉယူႇဢေႃႈ။ၵွပ်ႈပိူဝ်ႈဢၼ်ၵူၼ်းယုတတင်းလၢႆၵျၢမ်ႇႁႃႁႂ်ႈလႆႈဢဝ်မၼ်းၸဝ်ႈတၢႆၼၼ်ႉလႄႈမၼ်းၸဝ်ႈဢမ်ႇမီးဢလူဝ်ႇၶႂ်ႈလႄႇလဵပ်ႈၵႃႈၼႂ်းမိူင်းယုတ။
၂ မိူဝ်ႈဢၼ်ၸမ်တၵ်းႁွတ်ႈထိုင်ပွႆးဢၼ်ၵူၼ်းမဵဝ်းယုတၶဝ်ၶၢမ်ႇဢၼ်ပဵၼ်ပွႆးသုမ်ႉထဵင်ၼၼ်ႉၸိုင်ၼွင်ႉၸၢႆးၸဝ်ႈတင်းလၢႆလၢတ်ႈတီႈမၼ်းၸဝ်ႈလႄႈဝႃႈ၊-ၼင်ႇႁိုဝ်တပႄးတပၢၼ်းမႂ်းတင်းလၢႆတၵ်းလႆႈႁၼ်လွင်ႈတၢင်းဢၼ်မႂ်းႁဵတ်းၸိူဝ်းၼၼ်ႉၸိုင်မႂ်းဢွၵ်ႇသေၵႃႈတီႈၼႆႉလႄႈၵႂႃႇၵႃႈတီႈမိူင်းယုတပုၼ်ႉတႃႉ။
၃ ၵေႃႉဢၼ်ၶႂ်ႈႁူင်ႁၢင်းသႃႇၸွတ်ႇၼၼ်ႉဢမ်ႇထုၵ်ႇလီႁဵတ်းၵႃႈတီႈဢၼ်ပိူၼ်ႈဢမ်ႇႁူႉဢမ်ႇႁၼ်ၼၼ်ႉ။
၄ ၵႂႃႇႁဵတ်းၼႄပျႃႉတူဝ်ၸဝ်ႈၵဝ်ႇထၢင်ႇထၢင်ႇသႃးသႃးၵႃႈၼႂ်းလေႃးၵႃႉၼႆႉသေၵမ်း၊ဝႃႈၼႆဢေႃႈ။
၅ ပိူဝ်ႈဢၼ်ၼွင်ႉၸၢႆးၸဝ်ႈၸိူဝ်းၼၼ်ႉဢမ်ႇယုမ်ႇမၢတ်ႈမၼ်းၸဝ်ႈလႄႈၶဝ်ၸင်ႇဝႃႈၸိူဝ်ႉၼင်ႇၼႆဢေႃႈ။
၆ ၸဝ်ႈယေႇသုၵေႃႈလၢတ်ႈလႄႈဝႃႈ၊-ၶိင်ႇၵဝ်ဢမ်ႇပႆႇႁွတ်ႈပႆႇထိုင်။ပုၼ်ႈသူၸမ်းၶိင်ႇထုၵ်ႇဝႆႉမီးယူႇၵူႈၶိင်ႇၵူႈၶႃႇဢေႃႈ။
၇ ၵူၼ်းလေႃးၵီႇတင်းလၢႆဢမ်ႇၸင်းသူ။ၸင်းၵဝ်ဢေႃႈ။လွင်ႈမၼ်းၸမ်းၵဝ်ၶၢမ်ႇသၢၵ်ႈသေႇလွင်ႈတၢင်းၵမ်တၢင်းၵျၢင်ႉၶဝ်ဢၼ်ႁၢႆႉမိူၵ်ႈၼၼ်ႉဢေႃႈ။
၈ သူၵႂႃႇၵႃႈတီႈပွႆးပုၼ်ႉတႃႉ။ပိူဝ်ႈဢၼ်ၶိင်ႇၵဝ်ဢမ်ႇပႆႇႁွတ်ႈပႆႇထိုင်လႄႈၵဝ်ဢမ်ႇၵႂႃႇၵႃႈတီႈပွႆးၼၼ်ႉလူးၵွၼ်ႇ၊
၉ ဝႃႈၼင်ႇၼႆသေယဝ်ႉယူႇၵႃႈၼႂ်းမိူင်းၵႃႇလိလႄးၼၼ်ႉဢေႃႈ။
၁၀ ဝၢႆးသေၼွင်ႉၸၢႆးၸဝ်ႈၸိူဝ်းၼၼ်ႉၵႂႃႇၵႃႈတီႈပွႆးယဝ်ႉၸိုင်မၼ်းၸဝ်ႈၸင်ႇၵႂႃႇတဵတ်ႇတဵတ်ႇဢမ်ႇထၢင်ႇဢမ်ႇသႃးဢေႃႈ။
၁၁ ၵူၼ်းယုတတင်းလၢႆႁႃမၼ်းၸဝ်ႈၵႃႈၼႂ်းပွႆးလႄႈတွင်ႈထၢမ်ဝႃႈ၊-မၼ်းၸဝ်ႈမီးၵႃႈတီႈလႂ်၊ဝႃႈၼင်ႇၼႆဢေႃႈ။
၁၂ ၵႂပ်ႈပိူဝ်ႈလွင်ႈမၼ်းၸဝ်ႈၼၼ်ႉလႄႈၵူၼ်းၸူႉၵူၼ်းတုမ်ၸိူဝ်းၼၼ်ႉပဵၼ်ဢူၵ်းဢူၵ်းဢင်ႇဢင်ႇၵၼ်ယူႇဢေႃႈ။ၵမ်ႈၽွင်ႈဝႃႈမၼ်းပဵၼ်ၵူၼ်းလီဢေႃႈ၊ဝႃႈၼင်ႇၼႆဢေႃႈ။ၵမ်ႈၽွင်ႈသမ်ႉဝႃႈဢမ်ႇၸႂ်ႈၵူၼ်းလီ။မၼ်းပႅတ်ႉလႅၼ်ၵူၼ်းတင်းလၢႆဢေႃႈ၊ဝႃႈၼင်ႇၼႆဢေႃႈ။
၁၃ ၼႂ်းဝႃႈၼၼ်သေၵေႃႈပိူဝ်ႈဢၼ်ၵူဝ်ၵူၼ်းယုတၸိူဝ်းၼၼ်ႉလႄႈၽူႈလႂ်သေၵေႃႉသေၵူၼ်းဢမ်ႇႁတ်းလၢတ်ႈလွင်ႈမၼ်းၸဝ်ႈလႅင်းလႅင်း။
ၸဝ်ႈယေႇသုသင်ႇသွၼ်သုင်းမႃႉၼႂ်းပွႆး
၁၄ မိူဝ်ႈဢၼ်ယင်းတိုၵ်ႉၶၢမ်ႇပွႆးယူႇၼၼ်ႉၸိုင်ၸဝ်ႈယေႇသုၵႂႃႇၵႃႈၼႂ်းပိၵ်ႉမၢၼ်ႇၸဝ်ႈသေလႄႈသင်ႇသွၼ်သုင်းမႃႉပၼ်ဢေႃႈ။
၁၅ ၵူၼ်းယုတၸိူဝ်းၼၼ်ႉဢၢမ်းၼႃႇလႄႈဝႃႈ၊-ၵေႃႉၼႆႉယင်းဢမ်ႇလႆႈသွၼ်ဢဝ်။ႁဵတ်းၸိူဝ်ႉၼင်ႇႁိုဝ်လႄႈမၼ်းမေႃႁေႃး၊ဝႃႈၼင်ႇၼႆဢေႃႈ။
၁၆ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-တေႇသၼႃႇဢၼ်ၵဝ်ႁေႃးလၢတ်ႈၼႆႉပဵၼ်တေႇသၼႃႇၵဝ်ဢမ်ႇၸႂ်ႈ။ပဵၼ်တေႇသၼႃႇၵေႃႉႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ။
၁၇ ပေႃးသေၵေႃႉသေၵူၼ်းမီးဢလူဝ်ႇၶႂ်ႈႁဵတ်းၸွမ်းဢလူဝ်ႇၸဝ်ႈၸိုင်မၼ်းတၵ်းႁူႉလွင်ႈဢၼ်ဝႃႈတေႇသၼႃႇၼႆႉပဵၼ်တေႇသၼႃႇၽြႃးပဵၼ်ၸဝ်ႈႁိုဝ်၊ဢမ်ႇၼၼ်ပဵၼ်တၢင်းဢၼ်ၵဝ်ႁေႃးလၢတ်ႈၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇၵူၺ်းႁိုဝ်၊ဢၼ်ဝႃႈၼၼ်ႉဢေႃႈ။
၁၈ ၵေႃႉဢၼ်ႁေႃးလၢတ်ႈၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇၼၼ်ႉၸၢင်ႊႁႃမူၼ်သရေႇတူဝ်ၸဝ်ႈၵဝ်ႇဢေႃႈ။ၵေႃႉဢၼ်ႁႃမူၼ်သရေႇၵေႃႉဢၼ်ပွႆႇၸႂ်ႉတူဝ်ၸဝ်ႈၵဝ်ႇမႃးၼၼ်ႉၸမ်းပဵၼ်ၵေႃႉဢၼ်လီယုမ်ႇဢေႃႈ။ၼႂ်းၵေႃႉၼၼ်ႉဢမ်ႇမီးတၢင်းဢၼ်ဢမ်ႇတြႃး။
၁၉ မုဝ်းသေႇပၼ်ပိင်းၺၢပ်ႈတြႃးတီႈသူဢမ်ႇၸႂ်ႈႁိုဝ်။တြႃးၸိူဝ်းၼၼ်ႉသူဢမ်ႇၵမ်ဢမ်ႇၵျၢင်ႉသေၵေႃႉသေၵူၼ်း။ႁဵတ်းသင်လႄႈသူၵျၢမ်ႇႁႃႁႂ်ႈလႆႈဢဝ်ၵဝ်တၢႆ၊ဝႃႈၼင်ႇၼႆဢေႃႈ။
၂၀ ၵူၼ်းၸူႉၵူၼ်းတုမ်ၸိူဝ်းၼၼ်ႉၵေႃႈလၢတ်ႈလႄႈဝႃႈ၊-မႂ်းပဵၼ်ၵေႃႉဢၼ်ၽီႁၢႆႉၶဝ်ႈဢိူဝ်ႈ။ၽူႈလႂ်ၵျၢမ်ႇႁႃႁႂ်ႈလႆႈဢဝ်မႂ်းတၢႆ၊ဝႃႈၼင်ႇၼႆဢေႃႈ။
၂၁ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ၵဝ်ႁဵတ်းလွင်ႈတၢင်းဢၼ်ၼိုင်ႈၵူၺ်းလႄႈသူၵႃႈမီးတင်းသဵင်ႈတင်းလူင်မီးတၢင်းဢၼ်ဢၢမ်းၼႃႇဢေႃႈ။
၂၂ မုဝ်းသေႇပၼ်တြႃးတၢင်းဢၼ်ထိူဝ်ႁိမ်းၼၼ်ႉတီႈသူဢေႃႈ။ၼႂ်းဝႃႈၼၼ်သေၵေႃႈလႆႈႁဵတ်းၸွမ်းၵွပ်ႈပိူဝ်ႈမုဝ်းသေႇဢမ်ႇၸႂ်ႈ။ပဵၼ်တၢင်းဢၼ်လႆႈႁဵတ်းၸွမ်းပူႇမွၼ်ႇသူၸိူဝ်းၼၼ်ႉဢေႃႈ။ပိူဝ်ႈၼႆလႄႈသူပၼ်တၢင်းဢၼ်ထိူဝ်ႁိမ်းၼႂ်းဝၼ်းၵမ်သိၼ်ဢေႃႈ။
၂၃ လွင်ႈၼင်ႇႁိုဝ်တြႃးမုဝ်းသေႇတၵ်းဢမ်ႇလႆႈလူႉၼၼ်ႉပေႃးၵူၼ်းလႆႈၶၢမ်ႇတၢင်းဢၼ်ထိူဝ်ႁိမ်းၼႂ်းဝၼ်းၵမ်သိၼ်ၸိုင်မိူဝ်ႈဢၼ်ၵဝ်ႁႂ်ႈၵူၼ်းတင်းတူဝ်တင်းၶိင်းလီမႃးၼႂ်းဝၼ်းၵမ်သိၼ်ၼၼ်ႉသူတၵ်းလႆႈမီးတၢင်းဢၼ်ၸႂ်မႆႈၶႂ်ႈၸႃႉၵႃႈတီႈၵဝ်လူးၵွၼ်ႇႁိုဝ်။
၂၄ ယႃႇပေၸီႇယၢင်ႇၸွမ်းၼင်ႇႁၢင်ႊၽၢင်။ၸီႇယၢင်ႇၸွမ်းၼင်ႇတြႃးတႃႉ၊ဝႃႈၼင်ႇၼႆဢေႃႈ။
ၸွင်ႇၸဝ်ႈယေႇသုၸႂ်ႈၸဝ်ႈၶရိၸ်ႉႁိုဝ်
၂၅ မိူဝ်ႈၼၼ်ႉၵူၼ်းဝဵင်းယေႇရုသလႅမ်ႇၵမ်ႈၽွင်ႈၵေႃႈလၢတ်ႈလႄႈဝႃႈ၊-ၵေႃႉၼႆႉပဵၼ်ၵေႃႉဢၼ်ၶဝ်ႁႃႁႂ်ႈလႆႈဢဝ်တၢႆၼၼ်ႉဢမ်ႇၸႂ်ႈႁိုဝ်။
၂၆ တူၺ်းလူႊ။မၼ်းႁေႃးလၢတ်ႈထၢင်ႇထၢင်ႇသႃးသႃးယူႇၵေႃႈၶဝ်ယင်းဢမ်ႇလၢတ်ႈႁႄႉလၢတ်ႈၶႅၼ်ၵႃႈသင်တီႈမၼ်းလူင်ပေႇ။ၸွင်ႇၶုၼ်တင်းလၢႆယိုၼ်လွင်ႈဢၼ်ဝႃႈမၼ်းပဵၼ်ၸဝ်ႈၶရိၸ်ႉဢမၢၼ်ႇၶၼ်ပဵၼ်ယဝ်ႉႁိုဝ်။
၂၇ ႁဝ်းႁူႉမၼ်းလုၵ်ႉၵႃႈတီႈလႂ်မႃးၼၼ်ႉယူႇဢေႃႈ။ဝႃႈတႄႉမၼ်းမိူဝ်ႈဢၼ်ၸဝ်ႈၶရိၸ်ႉမႃးၼၼ်ႉမၼ်းၸဝ်ႈလုၵ်ႉၵႃႈတီႈလႂ်မႃးဝႃႈၼႆၽူႈလႂ်တၵ်းဢမ်ႇႁူႉ၊ဝႃႈၼင်ႇၼႆဢေႃႈ။
၂၈ ၼႂ်းမိူဝ်ႈဢၼ်ၸဝ်ႈယေႇသုသင်ႇသွၼ်သုင်းမႃႉပၼ်ၼႂ်းပိၵ်ႉမၢၼ်ႇၸဝ်ႈယူႇၼၼ်ႉၸိုင်မၼ်းၸဝ်ႈလၢတ်ႈလႄႈဝႃႈ၊-သူႁူႉၵဝ်ယူႇဢေႃႈ။ၵဝ်လုၵ်ႉၵႃႈတီႈလႂ်မႃးဝႃႈၼႆၵေႃႈသူႁူႉယူႇဢေႃႈ။ၼႂ်းဝႃႈၼၼ်သေၵေႃႈၵဝ်မႃးၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇဢမ်ႇၸႂ်ႈ။ၵေႃႉဢၼ်ပွႆႇၸႂ်ႉၵဝ်မႃးၼၼ်ႉတဵမ်ထူၼ်ႈဝႆႉတင်းသႅတ်ႈၸႃႇဢေႃႈ။
၂၉ ၵေႃႉၼၼ်ႉၸိုင်သူဢမ်ႇႁူႉ။ၵဝ်ႁူႉဢေႃႈ။လွင်ႈမၼ်းၸမ်းၵဝ်လုၵ်ႉသေၵႃႈတီႈၵေႃႉၼၼ်ႉမႃးဢေႃႈ။ၵေႃႉၼၼ်ႉပွႆႇၸႂ်ႉၵဝ်မႃးဢေႃႈ၊ဝႃႈၼႆမိူဝ်ႈဢၼ်မၼ်းၸဝ်ႈဝႃႈၼင်ႇၼႆၼၼ်ႉၸိုင်ၶဝ်ႁႃႁႂ်ႈလႆႈတီႉဢဝ်မၼ်းၸဝ်ႈဢေႃႈ။
၃၀ ၼႂ်းဝႃႈၼၼ်သေၵေႃႈပိူဝ်ႈဢၼ်ၶိင်ႇမၼ်းၸဝ်ႈဢမ်ႇပႆႇႁွတ်ႈပႆႇထိုင်လႄႈၽူႈလႂ်သေၵေႃႉသေၵူၼ်းဢမ်ႇတီႉဢမ်ႇဢဝ်မၼ်းၸဝ်ႈလႆႈ။
၃၁ ၶဝ်ၸိူဝ်းဢၼ်ပႃးၼႂ်းၵူၼ်းၸူႉၵူၼ်းတုမ်ၸိူဝ်းၼၼ်ႉၵမ်ႈၽွင်ႈယုမ်ႇမၢတ်ႈမၼ်းၸဝ်ႈလႄႈဝႃႈ၊-မိူဝ်ႈဢၼ်ၸဝ်ႈၶရိၸ်ႉမႃးၼၼ်ႉၸိုင်မၼ်းၸဝ်ႈတၵ်းၼႄပျႃးၼီႉမိၵ်ႈလၵ်ႈၶၼႃႇဢၼ်ယဵင်ႈၶႅၼ်းၼမ်ၼႃႇသေၼီႉမိၵ်ႈလၵ်ႈၶၼႃႇဢၼ်ၵေႃႉၼႆႉၼႄပျႃးၼၼ်ႉလူးၵွၼ်ႇႁိုဝ်၊ဝႃႈၼင်ႇၼႆဢေႃႈ။
၃၂ မိူဝ်ႈဢၼ်ၽႃႇရိသေးတင်းလၢႆလႆႈႁၼ်ၵူၼ်းၸူႉၵူၼ်းတုမ်ၸိူဝ်းၼၼ်ႉပဵၼ်ဢူၵ်းဢူၵ်းဢင်ႇဢင်ႇၵၼ်ယူႇၵွပ်ႈပိူဝ်ႈမၼ်းၸဝ်ႈၼၼ်ႉၸိုင်ယိတ်ႉပရေႃးႁိၵ်ႈလူင်ဢိၵ်ႇတင်းၽႃႇရိသေးၸိူဝ်းၼၼ်ႉပွႆႇၸႂ်ႉၵူၼ်းဢွၼ်ႇတင်းလႆႈၵႂႃႇႁႃႁႂ်ႈလႆႈတီႉဢဝ်မၼ်းၸဝ်ႈဢေႃႈ။
၃၃ ၸဝ်ႈယေႇသုၵေႃႈလၢတ်ႈလႄႈဝႃႈ၊-ၵဝ်တၵ်းယူႇလူၺ်ႈၵၼ်တင်းသူႁိုင်ၵမ်းဢွၼ်ႇၼိုင်ႈၵူၺ်းသေယဝ်ႉတၵ်းလႆႈၵႂႃႇၵႃႈတီႈၵေႃႉဢၼ်ပွႆႇၸႂ်ႉၵဝ်မႃးၼၼ်ႉဢေႃႈ။
၃၄ သူတၵ်းႁႃၵဝ်ဢေႃႈ။ပဵၵ်ႉသမ်ႉႁႃသေၵေႃႈသူတၵ်းဢမ်ႇႁၼ်။တီႈဢၼ်ၵဝ်မီးၼၼ်ႉၵေႃႈသူဢမ်ႇမႃးလႆႈမိူဝ်ႈဢၼ်ဝႃႈၼင်ႇၼႆၸိုင်ၵူၼ်းယုတၸိူဝ်းၼၼ်ႉၵေႃႉၼိုင်ႈလႄႈၵေႃႉၼိုင်ႈလၢတ်ႈၵၼ်လႄႈဝႃႈ၊-
၃၅ ၼင်ႇႁိုဝ်ႁဝ်းတၵ်းဢမ်ႇႁၼ်ၸိုင်မၼ်းတၵ်းၵႂႃႇၵႃႈတီႈလႂ်။တၵ်းၵႂႃႇၵႃႈတီႈၶဝ်ၸိူဝ်းဢၼ်ၽၢတ်ႇၽႄၵၼ်ဢၼ်ယူႇၵူႈတီႈၵူႈလႅၼ်ၼႂ်းၵူၼ်းႁေႇလသတင်းလၢႆၸိူဝ်းၼၼ်ႉလႄႈႁေႃးလၢတ်ႈတြႃးတီႈၶဝ်ႁိုဝ်။
၃၆ ၵႂၢမ်းဢၼ်မၼ်းလၢတ်ႈဝႃႈ၊-သူတၵ်းႁႃၵဝ်ဢေႃႈ။ပဵၵ်ႉသမ်ႉႁႃသေၵေႃႈသူတၵ်းဢမ်ႇႁၼ်။ၵႃႈတီႈဢၼ်ၵဝ်မီးၼၼ်ႉၵေႃႈသူဢမ်ႇမႃးလႆႈ၊ဝႃႈၼင်ႇၼႆၼၼ်ႉၶႂ်ႈဝႃႈၸိူဝ်ႉၼင်ႇႁိုဝ်ဝႃႈၼင်ႇၼႆဢေႃႈ။
၃၇ ဝၼ်းဢၼ်ယႂ်ႇမျၢတ်ႈဢၼ်ပဵၼ််ဝၼ်းလိုၼ်းလင်သုတ်းပွႆးၼၼ်ႉၸဝ်ႈယေႇသုလုၵ်ႉၸုၵ်းသေလႄႈလၢတ်ႈဝႃႈ၊-ပေႃးသေၵေႃႉသေၵူၼ်းယၢၵ်ႇၼမ်ႉၸိုင်မႃးတီႈၵဝ်လႄႈၵိၼ်တႃႉ။
၃၈ ၵေႃႉဢၼ်ယုမ်ႇမၢတ်ႈၵဝ်ၼၼ်ႉၵႃႈၼင်ႇဢၼ်ၵျၢမ်းလိၵ်ႈမႃးၼၼ်ႉၼမ်ႉၵႄးဢသၢၵ်ႈတၵ်းလႆဢွၵ်ႇသေၵႃႈၼႂ်းႁူဝ်ၸႂ်မၼ်းဢေႃႈ၊ဝႃႈၼင်ႇၼႆဢေႃႈ။
၃၉ လွင်ႈတၢင်းဢၼ်ဝႃႈၸိူဝ်ႉၼင်ႇၼႆၸမ်းမၼ်းၸဝ်ႈၶႂ်ႈဝႃႈၶဝ်ၸိူဝ်းဢၼ်ယုမ်ႇမၢတ်ႈတင်းလၢႆတၵ်းလႆႈၶၢမ်ႇဢဝ်ဝိၺိၺ်ႇမူတ်းၸၢင်ႇၸဝ်ႈၼၼ်ႉဢေႃႈ။ပိူဝ်ႈဢၼ်မူၼ်ၽုင်းၸဝ်ႈယေႇသုဢမ်ႇပႆႇပေႃႇပႆႇဢွၵ်ႇလႄႈတီႈဢၼ်တၵ်းပၼ်ဝိၺိၺ်ႇမူတ်းၸၢင်ႇၸဝ်ႈၼၼ်ႉဢမ်ႇပႆႇမီး။
၄၀ ၶဝ်ၸိူဝ်းဢၼ်ငိၼ်းၵႂၢမ်းမၼ်းၸဝ်ႈၸိူဝ်းၼၼ်ႉၵမ်ႈၽွင်ႈၵေႃႈဝႃႈ၊-ၵေႃႉၼႆႉပဵၼ်ပရေႃးၽႅတ်ႈဢၼ်တၵ်းမႃးၼၼ်ႉၸႂ်ႈတႄႉယဝ်ႉ၊ဝႃႈၼင်ႇၼႆဢေႃႈ။
၄၁ ၵမ်ႈၽွင်ႈၵေႃႈဝႃႈ၊-ၵေႃႉၼႆႉပဵၼ်ၸဝ်ႈၶရိၸ်ႉဢေႃႈ၊ဝႃႈၼင်ႇၼႆဢေႃႈ။ၵမ်ႈၽွင်ႈၵေႃႈဝႃႈၸဝ်ႈၶရိၸ်ႉတၵ်းပေႃႇဢွၵ်ႇမႃးၵႃႈၼႂ်းမိူင်းၵႃႇလိလႄးႁိုဝ်။ၵျၢမ်းလိၵ်ႈမီးမႃးလႄႈဝႃႈ၊-
၄၂ ၸဝ်ႈၶရိၸ်ႉၼၼ်ႉတၵ်းလႆႈပေႃႇဢွၵ်ႇမႃးၵႃႈၼႂ်းၸိူဝ်ႉၶိူဝ်းတႃႇဝိတ်ႉတီႈဢၼ်တႃႇဝိတ်ႉယူႇဝဵင်းပႅတ်ႉလိႁႅမ်ႇၼၼ်ႉဢေႃႈ၊ဝႃႈၼင်ႇၼႆဢမ်ႇၸႂ်ႈႁိုဝ်၊ဝႃႈၼင်ႇၼႆဢေႃႈ။
၄၃ ၼင်ႇၼၼ်လႄႈၵူၼ်းၸိူဝ်းၼၼ်ႉမီးတၢင်းဢၼ်ၽၢတ်ႇၽႄၵၼ်ၵွပ်ႈပိူဝ်ႈမၼ်းၸဝ်ႈဢေႃႈ။
၄၄ ၵူၼ်းၵမ်ႈၽွင်ႈမီးဢလူဝ်ႇၶႂ်ႈတီႉဢဝ်မၼ်းၸဝ်ႈဢေႃႈ။ၼႂ်းဝႃႈၼၼ်သေၵေႃႈၽူႈလႂ်သေၵေႃႉသေၵူၼ်းဢမ်ႇတီႉဢမ်ႇဢဝ်မၼ်းၸဝ်ႈ။
ၵူၼ်းလူင်ယုတဢမ်ႇယုမ်ႇမၢတ်ႈ
၄၅ မိူဝ်ႈၼၼ်ႉၵူၼ်းဢွၼ်ႇၸိူဝ်းၼၼ်ႉၶိုၼ်းမိူဝ်းၸူးၵႃႈတီႈယိတ်ႉပရေႃးႁိၵ်ႈလူင်ဢိၵ်ႇတင်းၽႃႇရိသေးၸိူဝ်းၼၼ်ႉဢေႃႈ။ၶုၼ်ၸိူဝ်းၼၼ်ႉၵေႃႈတွင်ႈထၢမ်လႄႈဝႃႈ၊ႁဵတ်းႁိုဝ်လႄႈသူဢမ်ႇဢဝ်မၼ်းမႃးမိူဝ်ႈဢၼ်ဝႃႈၼင်ႇၼႆၸိုင်ၵူၼ်းဢွၼ်ႇၸိူဝ်းၼၼ်ႉၵေႃႈလဝ်ႈလၢတ်ႈလႄႈဝႃႈ၊-
၄၆ ၽူႈလႂ်သေၵေႃႉသေၵူၼ်းဢမ်ႇပႆႇတွၼ်ႉႁေႃးတွၼ်ႉလၢတ်ႈမိူၼ်ၸိူဝ်ႉၼင်ႇဢၼ်မၼ်းၸဝ်ႈႁေႃးလၢတ်ႈၼၼ်ႉသေပွၵ်ႈၶႃႈ၊ဝႃႈၼင်ႇၼႆဢေႃႈ။
၄၇ ၽႃႇရိသေးၸိူဝ်းၼၼ်ႉၵေႃႈၶိုၼ်းလၢတ်ႈလႄႈဝႃႈသူၵေႃႈလႆႈၶၢမ်ႇတၢင်းဢၼ်မၼ်းပႅတ်ႉလႅၼ်ယဝ်ႉႁိုဝ်။
၄၈ ၼႂ်းၶုၼ်တင်းၽႃႇရိသေးတင်းလၢႆၼႆႉၸွင်ႇမီးၵေႃႉဢၼ်ယုမ်ႇမၢတ်ႈမၼ်းသေၵေႃႉသေၵူၼ်းႁိုဝ်။
၄၉ ၵူၺ်းၵႃႈၵူၼ်းဢၼ်ဢမ်ႇႁူႉတြႃးၼမ်ၼႃႇၸိူဝ်းၼႆႉပဵၼ်ၶဝ်ၸိူဝ်းဢၼ်လႆႈၶၢမ်ႇတၢင်းၵိၼ်ႇတၢင်းဝႃႈယဝ်ႉ၊ဝႃႈၼင်ႇၼႆဢေႃႈ။
၅၀ ၼိၵေႃးတိၼ်ႇဢၼ်ပဵၼ်ၵေႃႉဢၼ်ၶဝ်ႈပႃးၵႃႈၼႂ်းၶုၼ်ၸိူဝ်းၼၼ်ႉၵေႃႉၼိုင်ႈဢၼ်မႃးၵႃႈတီႈမၼ်းၸဝ်ႈၼႂ်းၶိင်ႇၵၢင်ၶိုၼ်းၼၼ်ႉလၢတ်ႈလႄႈဝႃႈ၊-
၅၁ ယင်းဢမ်ႇပႆႇၸႅတ်ႈတူၺ်းဢမူႉမၼ်းလႄႈတၵ်းၸီႇယၢင်ႇမၼ်းၼၼ်ႉၸွင်ႇတြႃးဢူႉပတေႇႁဝ်းမီးႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်၊ၶဝ်ၵေႃႈၶိုၼ်းလၢတ်ႈလႄႈဝႃႈ၊-
၅၂ မႂ်းၵေႃႈပဵၼ်ၵူၼ်းမိူင်းၵႃႇလိလႄးႁိုဝ်။ၸႅတ်ႈထၢမ်ႁႃတူၺ်းလႄႈႁႂ်ႈလႆႈႁူႉလွင်ႈဢၼ်ဝႃႈဢမ်ႇမီးပရေႃးၽႅတ်ႈသပေႃးဢၼ်ပေႃႇဢွၵ်ႇမႃးၵႃႈၼႂ်းမိူင်းၵႃႇလိလႄးဢၼ်ဝႃႈၼၼ်ႉတႃႉ၊
၅၃ ဝႃႈၼင်ႇၼႆသေယဝ်ႉၶိုၼ်းမိူဝ်းၵႂႃႇၵႃႈတီႈႁိူၼ်းတူဝ်ၸဝ်ႈၵဝ်ႇႁင်းၽႂ်ႁင်းမၼ်းဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ