Shan Missions

ၵျၢမ်းငဝ်ႈၵမ်ႇၽႃႇ

၁   ၂   ၃   ၄   ၅   ၆   ၇   ၈   ၉   ၁၀   ၁၁   ၁၂   ၁၃   ၁၄   ၁၅   ၁၆   ၁၇   ၁၈   ၁၉   ၂၀   ၂၁   ၂၂   ၂၃   ၂၄   ၂၅   ၂၆   ၂၇   ၂၈   ၂၉

၃၀   ၃၁   ၃၂   ၃၃   ၃၄   ၃၅   ၃၆   ၃၇   ၃၈   ၃၉   ၄၀   ၄၁   ၄၂   ၄၃   ၄၄   ၄၅   ၄၆   ၄၇   ၄၈   ၄၉   ၅၀   

၁၆

ႁႃႇၵရတင်းဢိသမေႇလ

၁ ၸႃႇရေႇ၊ မေးဢႃႇပြမ်ႇ ၼၼ်ႉဢမ်ႇမီးတၢင်းဢၼ်ၵိူတ်ႇလဵင်ႉလုၵ်ႈလဵင်ႉလၢင်းလႄႈ တီႈမၼ်းၼၼ်ႉမီးမေႈယိင်းၶႃႈဢၼ်လႆႈၸိုဝ် ႁႃႇၵရ ဢၼ်ပဵၼ်ၵူၼ်းမိူင်း ဢေႇၵႅပ်ႉတု ၼၼ်ႉၵေႃႉၼိုင်ႈဢေႃႈ။

၂ ၸႃႇရေႇ ၵေႃႈလၢတ်ႈတီႈ ဢႃႇပြမ်ႇ လႄႈဝႃႈ၊-ထႃႇဝရႃႉၽြႃးဢမ်ႇပၼ်ဢၶႂၢင်ႉ တၢင်းဢၼ်ၵိူတ်ႇလဵင်ႉလုၵ်ႈလဵင်ႉလၢင်းတီႈၵဝ်ၶႃႈ။ပိူဝ်ႈၼႆလႄႈၶဝ်ႈၸူးၵႃႈတီႈမေႈယိင်းၶႃႈၵဝ်ၶႃႈတႃႉ။ၵဝ်ၶႃႈၸၢင်ႊၶေးတၵ်းလႆႈလုၵ်ႈလႆႈလၢင်းတီႈမၼ်းၼၼ်ႉၶႃႈဢေႃႈ၊ဝႃႈၼင်ႇၼႆလႄႈ ဢႃႇပြမ်ႇ ၵေႃႈထွမ်ႇဢဝ်ၵႂၢမ်း ၸႃႇရေႇ ၼၼ်ႉဢေႃႈ။

၃ ၼင်ႇၼၼ်လႄႈ ဢႃႇပြမ်ႇယူႇၵႃႈၼႂ်းမိူင်း ၶႃႇၼၼ်ႇသိပ်းသွင်ပီႊယဝ်ႉ၊ ၸႃႇရေႇ၊ မေးဢႃႇပြမ်ႇ ၼၼ်ႉၸင်ႇဢဝ်မေႈယိင်းၶႃႈမၼ်း ႁႃႇၵရ ဢၼ်ပဵၼ်ၵူၼ်းမိူင်းဢေႇၵႅပ်ႉတု ၼၼ်ႉသေလႄႈဢၢပ်ႈပၼ်တီႈၽူဝ်မၼ်းဢႃႇပြမ်ႇ ႁႂ်ႈလႆႈဢဝ်ႁဵတ်းမေးဢေႃႈ။

၄ဢႃႇပြမ်ႇ ၵေႃႈၶဝ်ႈၸူးၵႃႈတီႈႁႃႇၵရ လႄႈႁႃႇၵရ ပႃးပတိၵ်ႈသၼ်ႇထေႇဢေႃႈ။ ၶႃႈၼၼ်ႉမိူဝ်ႈဢၼ်မၼ်းႁူႉလွင်ႈဢၼ် မၼ်းပႃးပတိၵ်ႈသၼ်ႇထေႇၼၼ်ႉၸိုင်၊ မၼ်းႁဵတ်းဢမ်ႇပေႃးၼင်ႇႁိုဝ်တီႈၸဝ်ႈ ၼၢင်းမၼ်းဢေႃႈ။

၅ ၸႃႇရေႇ ၵေႃႈလၢတ်ႈတီႈ ဢႃႇပြမ်ႇလႄႈဝႃႈ၊-ႁႂ်ႈဢပျႅတ်ႈဢၼ်ၵဝ်ၶႃႈလႆႈၶၢမ်ႇၼႆႉမီးၵႃႈၼိူဝ်ၸဝ်ႈသေၵမ်းလူၺ်ႈ။ၵဝ်ၶႃႈဢဝ်မေႈယိင်းၶႃႈၵဝ်ၶႃႈဢၢပ်ႈပၼ်ၵႃႈၼႂ်းဝၢင်ႈ ႁူဝ်ဢူၵ်းၸဝ်ႈယဝ်ႉ။ မိူဝ်ႈဢၼ်မၼ်းႁူႉလွင်ႈဢၼ် မၼ်းပႃးပတိၵ်ႈသၼ်ႇထေႇၼၼ်ႉ မၼ်းႁဵတ်းဢမ်ႇပေႃးၼင်ႇႁိုဝ်တီႈၵဝ်ၶႃႈလူင်ပေႇ။ႁႂ်ႈထႃႇဝရႃႉၽြႃးၸီႇယၢင်ႇဢမူႉဝူင်ႈၵၢင်ၵဝ်ၶႃႈတင်းၸဝ်ႈႁဝ်းသေၵမ်းလူၺ်ႈ၊ဝႃႈၼင်ႇၼႆဢေႃႈ။

၆ ဢႃႇပြမ်ႇ ၵေႃႈ လၢတ်ႈတီႈ ၸႃႇရေႇ ဝႃႈ၊- တူၺ်းလူႊ၊မေႈယိင်းၶႃႈမႂ်းၼၼ်ႉမီးယူႇၼႂ်းမိုဝ်းမႂ်းဢေႃႈ။မႂ်းၶႂ်ႈႁဵတ်းၸိူဝ်ႉၼင်ႇႁိုဝ်တီႈမၼ်းၵေႃႈႁဵတ်းတႃႉ၊ မိူဝ်ႈဢၼ်ဝႃႈၼင်ႇၼႆၸိုင်၊ ၸႃႇရေႇ ၼိၵ်ႈၸၢၵ်ႈငႅၼ်းသေးမေႈယိင်းၶႃႈၼၼ်ႉလႄႈ မေႈယိင်းၶႃႈၼၼ်ႉဢွၵ်ႇပၢႆသေၵႃႈတီႈၸဝ်ႈၼၢင်းမၼ်းၵွႃႇတၢင်ႇတီႈသေဢေႃႈ။

၇ တမၢၼ်ႇၵၢင်ႁၢဝ်ထႃႇဝရႃႉၽြႃး ထူပ်းႁၼ်မၼ်းၵႃႈတီႈႁိမ်းၼမ်ႉမေႃႇဢွၵ်ႇႁူးၵႃႈတီႈထိူၼ်ႇတီႈသဵၼ်ႈတၢင်းဢၼ်ၵွႃႇၸူးဝဵင်းသုရၼၼ်ႉလႄႈ ထၢမ်မၼ်း ဝႃႈ၊-

၈ ႁႃႇၵရ၊မေႈယိင်းၶႃႈ ၸႃႇရေႇ ဢိူၺ်း။ မႂ်းလုၵ်ႉၵႃႈတီႈလႂ်မႃး။တၵ်းၵွႃႇၵႃႈတီႈလႂ်၊မိူဝ်ႈဢၼ်ဝႃႈၼင်ႇၼႆၸိုင်၊မၼ်းၵေႃႈၶိုၼ်းလဝ်ႈလၢတ်ႈလႄႈဝႃႈ၊- ၶႃႈၸဝ်ႈဢွၵ်ႇပၢႆသေၵႃႈတီႈၸဝ်ႈၼၢင်းၶႃႈၸဝ်ႈ ၸႃႇရေႇ မႃးၶႃႈဢေႃႈ၊ဝႃႈၼင်ႇၼႆဢေႃႈ။

၉ တမၢၼ်ႇၵၢင်ႁၢဝ်ထႃႇဝရႃႉၽြႃးၵေႃႈလၢတ်ႈတီႈမၼ်းလႄႈဝႃႈ၊- ၶိုၼ်းမိူဝ်းၸူးၵႃႈတီႈၸဝ်ႈၼၢင်းမႂ်းသေလႄႈ ၶၢမ်ႇတၢင်းဢၼ်မၼ်းဢုပ်ႉပိူင်ႇလူးၵွၼ်ႇတႃႉ၊ ဝႃႈၼင်ႇၼႆဢေႃႈ။

၁၀ ၵမ်းၼၼ်ႉ တမၢၼ်ႇၵၢင်ႁၢဝ်ထႃႇဝရႃႉၽြႃးသမ်ႉလၢတ်ႈထႅင်ႈလႄႈဝႃႈ၊- ၵဝ်တၵ်းႁႂ်ႈၸိူဝ်ႉၶိူဝ်းမႂ်းယႂ်ႇၽႄႈၼမ်ၵိုၼ်းမႃး တေႃႇထိုင်ႁွတ်ႈထၼ်ႈပေႃးဢမ်ႇၼပ်ႉဢမ်ႇဢၢၼ်ႇလႆႈဢေႃႈ၊ ဝႃႈၼင်ႇၼႆဢေႃႈ။

၁၁ တမၢၼ်ႇၵၢင်ႁၢဝ်ထႃႇဝရႃႉၽြႃး သမ်ႉလၢတ်ႈတီႈမၼ်းထႅင်ႈလႄႈဝႃႈ၊- တူၺ်းလူႊ၊ မႂ်းပႃးပတိၵ်ႉသၼ်ႇထေႇလႄႈတၵ်းၵိူတ်ႇလဵင်ႉမႃးလုၵ်ႈၸၢႆးဢေႃႈ။ လုၵ်ႈၸၢႆးၼၼ်ႉၸိုင်မႂ်းတၵ်းလႆႈႁွင်ႉႁိၵ်ႈၸိုဝ်ႈမၼ်းဝႃႈ ဢိသမေႇလ ဢေႃႈ။ လွင်ႈမၼ်းၸမ်း၊ ထႃႇဝရႃႉၽြႃးလႆႈႁူႉလႆႈ ငိၼ်းလွင်ႈတုၵ်ႉၶႃႉတၢင်းၽၢၼ်မႂ်းယဝ်ႉ။

၁၂ မၼ်းတၵ်းပဵၼ်ၸိူဝ်ႉၼင်ႇမႃႉလီႈ ဢၼ်လိူင်းဢၼ်ၵျၢမ်းၼၼ်ႉၵႃႈၼႂ်းၵူၼ်းတင်းလၢႆဢေႃႈ။ ၶႅၼ်မၼ်းမိုဝ်းမၼ်းတၵ်းႁဵတ်းၽေးရၢၼ်ႇယူႇၽၢႆႇၼိုင်ႈတင်း ၵူၼ်းတင်းသဵင်ႈတင်းလူင်လႄႈၶႅၼ်မိုဝ်းၵူၼ်းတင်းသဵင်ႈတင်းလူင်ၵေႃႈတၵ်းႁဵတ်းၽေးရၢၼ်ႇယူႇ ၽၢႆႇၼိုင်ႈတင်းမၼ်းဢေႃႈ။မၼ်းတၵ်းလႆႈ ယူႇၶတ်းၵၼ်တင်းပီႈၼွင်ႉမၼ်းတင်းသဵင်ႈတင်းလူင်ၼၼ်ႉဢေႃႈ၊ ဝႃႈၼင်ႇၼႆဢေႃႈ။

၁၃ ႁႃႇၵရ ႁွင်ႉႁိၵ်ႈၸိုဝ်ႈထႃႇဝရႃႉၽြႃးဢၼ်မွၵ်ႇလၢတ်ႈၸိူဝ်ႉၼင်ႇၼၼ်တီႈမၼ်းၼၼ်ႉဝႃႈ၊- ၸဝ်ႈႁဝ်းပဵၼ်ၽြႃးဢၼ်ႁၼ်ၶႃႈၸဝ်ႈၼၼ်ႉယဝ်ႉ။ တေႃႈမိူဝ်ႈလဵဝ်ၼႆႉ ၵဝ်ၶႃႈလႆႈႁၼ်ၸဝ်ႈဢၼ်ႁၼ်ၵဝ်ၼၼ်ႉယဝ်ႉ။

၁၄ ၵွပ်ႈၼႆလႄႈ ၼမ်ႉမေႃႇၼၼ်ႉ လႆႈႁွင်ႉႁိၵ်ႈၸိုဝ်ႈ ပေႇလႁေႇရွႆႇဢေႃႈ။မီးဝူင်ႈၵၢင်ဝဵင်း ၵႃႇတေႇသ တင်းဝဵင်း ပေႇရိတ်ႉဢေႃႈ။

၁၅ဝၢႆးၼၼ်ႉ ႁႃႇၵရ ၵိူတ်ႇလဵင်ႉလုၵ်ႈၸၢႆးဢေႃႈ။ဢႃႇပြမ်ႇ ၵေႃႈႁွင်ႉႁိၵ်ႈလုၵ်ႈၸၢႆးဢၼ် ႁႃႇၵရ ၵိူတ်ႇလဵင်ႉမႃးၼၼ်ႉၸိုဝ်ႈဝႃႈ ဢိသမေႇလ ဢေႃႈ။ ဢႃႇပြမ်ႇ ၼၼ်ႉမိူဝ်ႈဢၼ် ႁႃႇၵရ ၵိူတ်ႇလဵင်ႉလုၵ်ႈၸၢႆး ဢိသမေႇလ ၼၼ်ႉ၊ဢသၢၵ်ႈမၼ်းမီးပႅတ်ႇသိပ်းပၢႆႁူၵ်းပီႊဢေႃႈ။