မၢတ်ႈထႄႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈
၁၃
ၵႂၢမ်းဢူႉပမႃႇဢၼ်ဝၢၼ်ႇၸိူဝ်ႉဝၢၼ်ႇၽၼ်း
၁ ဝၼ်းၼၼ်ႉၸဝ်ႈယေႇသုဢွၵ်ႇသေၵႃႈၼႂ်းႁိူၼ်းၵႂႃႇလႄႈၼင်ႈယူႇၵႃႈႁိမ်းၼမ်ႉၼွင်ဢေႃႈ။
၂ ၵူၼ်းၸူႉၵူၼ်းတုမ်ၼမ်ၼႃႇၸူႉၵၼ်တုမ်ၵၼ်တီႈမၼ်းၸဝ်ႈထၼ်ႈပေႃးမၼ်းၸဝ်ႈလႆႈၶဝ်ႈၼင်ႈယူႇၵႃႈၼႂ်းႁိူဝ်းဢေႃႈ။ ပရိၵ်ႈသၢတ်ႈတင်းသဵင်ႈတင်းလူင်ၵေႃႈၸုၵ်းယူႇၵႃႈၼိူဝ်ၽၢင်ႇၼမ်ႉဢေႃႈ။
၃ မိူဝ်ႈၼၼ်ႉမၼ်းၸဝ်ႈလၢတ်ႈၵႂၢမ်းဢူႉပမႃႇၼမ်ၼႃႇတီႈၶဝ်လႄႈဝႃႈ၊-တူၺ်းလူႊ၊ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉဢွၵ်ႇၵႂႃႇႁႂ်ႈလႆႈဝၢၼ်ႇၸိူဝ်ႉဝၢၼ်ႇၽၼ်းဢေႃႈ။
၄ ၼႂ်းတၢင်းဢၼ်မၼ်းဝၢၼ်ႇၸိူဝ်ႉဝၢၼ်ႇၽၼ်းၼၼ်ႉမဵတ်ႉၽၼ်းၵမ်ႈၽွင်ႈတူၵ်းၵႃႈတီႈႁိမ်းတၢင်းလႄႈၼူၵ်ႉတင်းလၢႆမႃးၵဵပ်းၵိၼ်ပႅတ်ႈဢေႃႈ။
၅ မဵတ်ႉၽၼ်းၵမ်ႈၽွင်ႈတူၵ်းၵႃႈၼႂ်းတီႈဢၼ်မၢၵ်ႇႁိၼ်ၼမ်လႄႈလိၼ်ၵေႇၼႃႇၼၼ်ႉဢေႃႈ။
၆ ၵွပ်ႈပိူဝ်ႈဢမ်ႇမီးလိၼ်ဢၼ်လိုၵ်ႉၼၼ်ႉလႄႈပဵၵ်ႉသမ်ႉဢွၵ်ႇတူၼ်ႈမႃးၵမ်းလဵဝ်သေၵေႃႈ၊မိူဝ်ႈဢၼ်ဝၼ်းဢွၵ်ႇလႅတ်ႇမႆႈမႃးၼၼ်ႉၵွပ်ႈပိူဝ်ႈႁၢၵ်ႈမၼ်းဢမ်ႇမီးလႄႈႁဵဝ်ႇႁႅင်ႈၵႂႃႇဢေႃႈ။
၇ မဵတ်ႉၽၼ်းၵမ်ႈၽွင်ႈတူၵ်းၵႃႈၼႂ်းတူၼ်ႈၼၢမ်လႄႈတူၼ်ႈၼၢမ်ၸိူဝ်းၼၼ်ႉယႂ်ႇမႃးႁူမ်ႇမုင်းငႅၼ်းသေးဢေႃႈ။
၈ မဵတ်ႉၽၼ်းၵမ်ႈၽွင်ႈတူၵ်းၵႃႈၼႂ်းတီႈဢၼ်လိၼ်လီလႄႈမၢၵ်ႇမၢၵ်ႇမၼ်းမႃးၵမ်ႈၽွင်ႈပၢၵ်ႇပုၼ်ႊၵမ်ႈၽွင်ႈႁူၵ်းသိပ်းပုၼ်ႊၵမ်ႈၽွင်ႈသၢမ်သိပ်းပုၼ်ႊဢေႃႈ။
၉ ၵေႃႉဢၼ်မီးႁူၸၢင်ႊငိၼ်းၼၼ်ႉႁႂ်ႈငိၼ်းသေၵမ်းလူၺ်ႈ၊ဝႃႈၼင်ႇၼႆဢေႃႈ။
၁၀ တပႄးၸဝ်ႈတင်းလၢႆသုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈလဝ်ထၢမ်ဝႃႈ၊-ႁဵတ်းသင်လႄႈၸဝ်ႈႁဝ်းဢဝ်ၵႂၢမ်းဢူႉပမႃႇႁေႃးလၢတ်ႈတီႈၵူၼ်းၸိူဝ်းၼႆႉၶႃႈ၊မိူဝ်ႈဢၼ်ဝႃႈၼင်ႇၼႆၸိုင်မၼ်းၸဝ်ႈၵေႃႈၶိုၼ်းလၢတ်ႈလႄႈဝႃႈ၊-
၁၁ သူမီးဢၶႂၢင်ႉဢၼ်လႆႈႁူႉလွင်ႈတၢင်းဢၼ်လိုၵ်ႉဢၼ်လမ်ႇမိူင်းၵၢင်ႁၢဝ်ၸဝ်ႈယူႇဢေႃႈ။
၁၂ ၶဝ်ၸမ်းဢမ်ႇမီးဢၶႂၢင်ႉ။ ၽူႈလႂ်သေဢမ်ႇဝႃႈၵေႃႉဢၼ်မီးၼၼ်ႉတီႈၵေႃႉၼၼ်ႉၼင်ႇႁိုဝ်မၼ်းတၵ်းတဵမ်ထူၼ်ႈလိူင်ႇၸႂ်ၸိုင်တၵ်းပၼ်ထႅင်ႈလူးၵွၼ်ႇဢေႃႈ။ ၽူႈလႂ်သေဢမ်ႇဝႃႈၵေႃႉဢၼ်ဢမ်ႇမီးၼၼ်ႉၵႃႈတီႈၵေႃႉၼၼ်ႉတၵ်းၼုၵ်ႈဢဝ်ၵႃႈဢၼ်မၼ်းမီးၼၼ်ႉလူးၵွၼ်ႇဢေႃႈ။
၁၃ ၶဝ်ႁၼ်ယူႇသေၵေႃႈဢမ်ႇႁၼ်။ ငိၼ်းယူႇသေၵေႃႈဢမ်ႇငိၼ်းဢမ်ႇႁူႉဢမ်ႇၸႅင်ႈလႄႈၵဝ်လႆႈဢဝ်တင်းၵႂၢမ်းဢူႉပမႃႇႁေႃးလၢတ်ႈတီႈၶဝ်ဢေႃႈ။
၁၄ ၵႂၢမ်းဢၼႃႇၵၢတ်ႈတိဢၼ်ပရေႃးၽႅတ်ႈဢိသႃႇယႁေႃးလၢတ်ႈဝႆႉဝႃႈ၊-သူငိၼ်းယူႇသေၵေႃႈတၵ်းဢမ်ႇႁူႉဢမ်ႇၸႅင်ႈ။
၁၅ ႁၼ်ယူႇသေၵေႃႈတၵ်းဢမ်ႇမၢတ်ႈဢမ်ႇတွင်း။ လွင်ႈမၼ်းၸမ်းႁူဝ်ၸႂ်ၶဝ်ၼႃယူႇ၊ႁူၶဝ်ၶၢၼ်ႉငိၼ်းယူႇ၊မၢၵ်ႇတႃၶဝ်လပ်းယူႇဢေႃႈ။ ပေႃးဢမ်ႇၼၼ်တႃၶဝ်တၵ်းႁၼ်ႁူၶဝ်တၵ်းငိၼ်းႁူဝ်ၸႂ်ၶဝ်တၵ်းႁူႉၸႅင်ႈတၢင်းၵမ်တၢင်းၵျၢင်ႉၶဝ်တၵ်းၶၢႆႉပုတ်ႈဝၢႆႇမႃးၸူးၵဝ်လႄႈတၢင်းၶႆႈတၢင်းပဵၼ်ႁၢႆဢေႃႈ၊ဝႃႈၼႆၼၼ်ႉတဵမ်ထူၼ်ႈၼႂ်းၵူၼ်းၸိူဝ်းၼႆႉယဝ်ႉဢေႃႈ။
၁၆ မၢၵ်ႇတႃသူၼၼ်ႉပိူဝ်ႈဢၼ်ႁၼ်လႄႈႁူသူၼၼ်ႉၵေႃႈပိူဝ်ႈဢၼ်ငိၼ်းလႄႈမီးမင်ႇၵလႃႇဢေႃႈ။
၁၇ ၵဝ်ဝႃႈတီႈၸိုဝ်ႈတီႈၸႂ်ႈၸမ်းလွင်ႈတၢင်းဢၼ်သူလႆႈႁၼ်ၸိူဝ်းၼႆႉၸိုင်ပဵၵ်ႉသမ်ႉပရေႃးၽႅတ်ႈဢိၵ်ႇတင်းၵူၼ်းဢၼ်သိုဝ်ႈတေႃႇတင်းလၢႆမီးဢလူဝ်ႇၶႂ်ႈႁၼ်သေၵေႃႈဢမ်ႇလႆႈႁၼ်။
၁၈ လွင်ႈတၢင်းဢၼ်သူလႆႈငိၼ်းၸိူဝ်းၼႆႉၸိုင်ပဵၵ်ႉသမ်ႉၶဝ်မီးဢလူဝ်ႇၶႂ်ႈငိၼ်းသေၵေႃႈဢမ်ႇလႆႈငိၼ်း။ ထွမ်ႇလွင်ႈၵႂၢမ်းဢူႉပမႃႇၵူၼ်းဢၼ်ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉတႃႉ။
၁၉ ၽူႈလႂ်သေဢမ်ႇဝႃႈမိူဝ်ႈဢၼ်ငိၼ်းၵႂၢမ်းတြႃးမိူင်းၸဝ်ႈလႄႈဢမ်ႇလူင်ႉဢမ်ႇလႅင်းၼၼ်ႉၵေႃႉဢၼ်ႁၢႆႉၼၼ်ႉမႃးလႄႈႁိမ်ႁူင်ႇထူၺ်ႈထွၼ်ဢဝ်မဵတ်ႉၽၼ်းဢၼ်ဝၢၼ်ႇၵႃႈၼႂ်းႁူဝ်ၸႂ်မၼ်းၼၼ်ႉဢွၵ်ႇပႅတ်ႈဢေႃႈ။ ဢၼ်ၼႆႉၸမ်းပဵၼ်လွင်ႈဢၼ်မဵတ်ႉၽၼ်းတူၵ်းၵႃႈတီႈႁိမ်းတၢင်းၼၼ်ႉဢေႃႈ။
၂၀ လွင်ႈဢၼ်မဵတ်ႉၽၼ်းတူၵ်းၵႃႈၼႂ်းတီႈဢၼ်မၢၵ်ႇႁိၼ်ၼမ်ၼႃႇၼၼ်ႉၸမ်းပဵၼ်ၵေႃႉဢၼ်လႆႈငိၼ်းၵႂၢမ်းတြႃးယဝ်ႉလႄႈပဵၵ်ႉသမ်ႉမၼ်းမီးၸႂ်ဢၼ်သိူဝ်းၸူမ်းၼႃႇလႄႈႁပ်ႉတုင်းဢဝ်ၵမ်းလဵဝ်သေၵေႃႈ
၂၁ ဢမ်ႇမီးႁၢၵ်ႈမၼ်းၵႃႈၼႂ်းမၢၵ်ႇႁူဝ်ၸႂ်မၼ်းလႄႈတႄႇယူႇၵမ်းဢွၼ်ႇၼိုင်ႈၵူၺ်းသေယဝ်ႉမိူဝ်ႈဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးၵွပ်ႈပိူဝ်ႈၵႂၢမ်းတြႃးၼၼ်ႉၸိုင်ၸႂ်လူႉၵမ်းလဵဝ်ဢေႃႈ၊ၶႂ်ႈဝႃႈၼင်ႇၼႆဢေႃႈ။
၂၂ လွင်ႈဢၼ်မဵတ်ႉၽၼ်းတူၵ်းၵႃၼႂ်းတူၼ်ႈၼၢမ်ၼၼ်ႉၸမ်းပဵၼ်ၵေႃႉဢၼ်လႆႈငိၼ်းၵႂၢမ်းတြႃးၸဝ်ႈလႄႈတၢင်းဢၼ်မႆႈၸႂ်ၶီၸႂ်လူၺ်ႈလွင်ႈလေႃးၵီႇတၢင်းဢၼ်ဢုၵ်ႉၸႃႇၸေးၸိမ်ႇပႅတ်ႉလႅၼ်ၼၼ်ႉမုင်းႁူမ်ႇငႅၼ်းသေးၵႂၢမ်းတြႃးလႄႈဢမ်ႇမၢၵ်ႇမၢၵ်ႇမၼ်းလႆႈ၊ၶႂ်ႈဝႃႈၼင်ႇၼႆဢေႃႈ။
၂၃ လွင်ႈမဵတ်ႉၽၼ်းဢၼ်တူၵ်းၵႃႈတီႈလိၼ်ဢၼ်လီၼၼ်ႉၸမ်းပဵၼ်ၵေႃႉဢၼ်လႆႈငိၼ်းၵႂၢမ်းတြႃးယဝ်ႉလႄႈလူင်ႉလႅင်းသေယဝ်ႉမၢၵ်ႇမႃးမၢၵ်ႇမၼ်းၵမ်ႈၽွင်ႈပၢၵ်ႇပုၼ်ႊၵမ်ႈၽွင်ႈႁူၵ်းသိပ်းပုၼ်ႊၵမ်ႈၽွင်ႈသၢမ်သိပ်းပုၼ်ႊ၊ၶႂ်ႈဝႃႈၼင်ႇၼႆယဝ်ႉ၊ဝႃႈၼႆမၼ်းၸဝ်ႈႁေႃးလၢတ်ႈဢေႃႈ။
ၵႂၢမ်းဢူႉပမႃႇမဵတ်ႉၶဝ်ႈၽီၵႃႈၼႂ်းၼႃး
၂၄ မၼ်းၸဝ်ႈႁေႃးလၢတ်ႈၵႂၢမ်းဢူႉပမႃႇတၢင်ႇၸိူဝ်ႉတၢင်ႇဢၼ်ထႅင်ႈလႄႈဝႃႈ၊-မိူင်းၵၢင်ႁၢဝ်ၸမ်းမိူၼ်ၸိူဝ်ႉၼင်ႇၵေႃႉဢၼ်ဝၢၼ်ႇမဵတ်ႉၶဝ်ႈၵျုင်ႇဢၼ်လီၵႃႈၼႂ်းၼႃးၼၼ်ႉဢေႃႈ။
၂၅ ၼႂ်းမိူဝ်ႈဢၼ်ၵူၼ်းမၼ်းတင်းလၢႆယင်းတိုၵ်ႉၼွၼ်းလပ်းယူႇၼၼ်ႉရၢၼ်ႇသူႇမၼ်းမႃးလႄႈဝၢၼ်ႇမဵတ်ႉၶဝ်ႈၽီၵႃႈၼႂ်းၶဝ်ႈၵျုင်ႇမၼ်းလႄႈဢွၵ်ႇပၢႆႊဢေႃႈ။
၂၆ မိူဝ်ႈဢၼ်ၶဝ်ႈၵျုင်ႇဢွၵ်ႇတူၼ်ႈပဵၼ်ႁူင်းမႃးၼၼ်ႉတူၼ်ႈၶဝ်ႈၽီၼၼ်ႉၵေႃႈဢွၵ်ႇမႃးဢေႃႈ။
၂၇ ၶႃႈၸဝ်ႈၼႃးၸိူဝ်းၼၼ်ႉၵႂႃႇလၢတ်ႈတီႈၸဝ်ႈၼႃးလႄႈဝႃႈ၊-ၸဝ်ႈႁဝ်းဝၢၼ်ႇမဵတ်ႉဢၼ်လီၵႃႈၼႂ်းၼႃးဢမ်ႇၸႂ်ႈၶႃႈႁိုဝ်း။ တူၼ်ႈၶဝ်ႈၽီၼၼ်ႉသမ်ႉလုၵ်ႉၵႃႈတီႈလႂ်မႃးၶႃႈ၊မိူဝ်ႈဢၼ်ဝႃႈၼင်ႇၼႆၸိုင်ၸဝ်ႈၼႃးၵေႃႈလၢတ်ႈလႄႈဝႃႈ၊-
၂၈ လွင်ႈၼႆႉပဵၼ်ရၢၼ်ႇသူႇႁဵတ်းဢိူဝ်ႈ၊ဝႃႈၼင်ႇၼႆဢေႃႈ။ ၶႃႈၸိူဝ်းၼၼ်ႉၵေႃႈလဝ်လၢတ်ႈလႄႈဝႃႈ၊-ၸွင်ႇၸဝ်ႈႁဝ်းမီးဢလူဝ်ႇၶႂ်ႈႁႂ်ႈႁဝ်းၶႃႈၵႂႃႇလိူၵ်ႈထူၺ်ႈပႅတ်ႈတူၼ်ႈၶဝ်ႈၽီၸိူဝ်းၼၼ်ႉၶႃႈႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်ၸဝ်ႈၼႃးၵေႃႈလၢတ်ႈဝႃႈ၊-
၂၉ ဢမ်ႇၸႂ်ႈၵူၺ်း။ ပေႃးသူၵႂႃႇထူၺ်ႈတူၼ်ႈၶဝ်ႈၽီၼၼ်ႉပႅတ်ႈၸိုင်ၵူဝ်သူတၵ်းထူၺ်ႈၺႃးတူၼ်ႈၶဝ်ႈၵျုင်ႇဢိူဝ်ႈ။
၃၀ ႁႂ်ႈတူၼ်ႈသွင်ၸိူဝ်ႉသွင်မဵဝ်းၼၼ်ႉယႂ်ႇမႃးလူၺ်ႈၵၼ်တေႃႇထိုင်ႁွတ်ႈၶိင်ႇဢၼ်တၵ်းပၢတ်ႇၶဝ်ႈၼၼ်ႉတႃႉ။
ၼႂ်းၶိင်ႇဢၼ်တၵ်းပၢတ်ႇၶဝ်ႈၼၼ်ႉၵဝ်တၵ်းလၢတ်ႈတီႈၶဝ်ၸိူဝ်းဢၼ်ပၢတ်ႇၼၼ်ႉလႄႈဝႃႈ၊-သူလိူၵ်ႈထူၺ်ႈဢဝ်တူၼ်ႈၶဝ်ႈၽီတင်းလၢႆၼၼ်ႉဢွၼ်တၢင်းလႄႈမတ်ႉဝႆႉႁႂ်ႈလႆႈၸုတ်ႇၽႆးပႅတ်ႈတႃႉ။ ၶဝ်ႈၵျုင်ႇၸမ်းဢဝ်သိမ်းဝႆႉၵႃႈၼႂ်းယွင်ၼႂ်းယေးတႃႉ၊ဝႃႈၼႆ၊မၼ်းၸဝ်ႈႁေႃးလၢတ်ႈဢေႃႈ။
ၵႂၢမ်းဢူႉပမႃႇၽၼ်းၽၵ်းၵၢတ်ႇတင်းၸိူဝ်ႉပႅင်ႈ
၃၁ မၼ်းၸဝ်ႈလၢတ်ႈၵႂၢမ်းဢူႉပမႃႇတၢင်ႇၸိူဝ်ႉတၢင်ႇဢၼ်ထႅင်ႈလႄႈဝႃႈ၊-မိူင်းၵၢင်ႁၢဝ်မိူၼ်ၸိူဝ်ႉၼင်ႇၽၼ်းၽၵ်းၵၢတ်ႇမဵတ်ႉၼိုင်ႈဢၼ်ၵူၼ်းၵေႃႉၼိုင်ႈဢဝ်ၽုၵ်ႇသွမ်ႈၵႃႈၼႂ်းသူၼ်ၼၼ်ႉဢေႃႈ။
၃၂ ၽၼ်းၽၵ်းၵၢတ်ႇၼၼ်ႉပဵၵ်ႉသမ်ႉလဵၵ်ႉၼႃႇသမေဵတ်ႉတင်းလၢႆသေၵေႃႈမိူဝ်ႈဢၼ်ယႂ်ႇမႃးၼၼ်ႉယႂ်ႇသေတူၼ်ႈယိူဝ်ႈတူၼ်ႈယႃႈတင်းလၢႆလႄႈၸၢင်ႊပဵၼ်တူၼ်ႈဢၼ်ၼူၵ်ႉၵၢင်ႁၢဝ်တင်းလၢႆမႃးလိုဝ်ႈမႃးသဝ်းၵႃႈတီႈၵိင်ႇမၼ်းၶႃႊမၼ်းဢေႃႈ၊ဝႃႈၼင်ႇၼႆဢေႃႈ။
၃၃ မၼ်းၸဝ်ႈလၢတ်ႈၵႂၢမ်းဢူႉပမႃႇတၢင်ႇၸိူဝ်ႉတၢင်ႇဢၼ်ထႅင်ႈလႄႈဝႃႈ၊-မိူင်းၵၢင်ႁၢဝ်ၸဝ်ႈမိူၼ်ၸိူဝ်ႉၼင်ႇၸိူဝ်ႉပႅင်ႈဢၼ်မႄႈယိင်းၵေႃႉၼိုင်ႈဢဝ်သႂ်ႇၼႂ်းၽွင်ၶဝ်ႈမုၼ်းသၢမ်တၢင်တေႃႇထိုင်ႁွတ်ႈထၼ်ႈပေႃးၸိူဝ်ႉပႅင်ႈၼၼ်ႉႁႂ်ႈၽွင်ၶဝ်ႈမုၼ်းပွင်းၶိုၼ်ႈၼၼ်ႉယဝ်ႉ၊ဝႃႈၼင်ႇၼႆဢေႃႈ။
၃၄ ၸဝ်ႈယေႇသုဢဝ်တင်းၵႂၢမ်းဢူႉပမႃႇႁေႃးလၢတ်ႈလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉတီႈပရိၵ်ႈသၢတ်ႈတင်းလၢႆဢေႃႈ။
၃၅ မၼ်းၸဝ်ႈဢမ်ႇႁေႃးဢမ်ႇလၢတ်ႈၵႂၢမ်းဢၼ်ၵၢင်းလွတ်ႈတင်းဢူႉပမႃႇၼၼ်ႉတီႈၶဝ်။ ဢၼ်ၵႂၢမ်းပရေႃးၽႅတ်ႈႁေႃးလၢတ်ႈဝႆႉဝႃႈ၊-ၵဝ်တၵ်းပိုတ်ႇပၢၵ်ႇမွၵ်ႇလၢတ်ႈၵႂၢမ်းဢူႉပမႃႇဢေႃႈ။ ၵဝ်တၵ်းၽုၺ်ႇၼႄလွင်ႈတၢင်းဢၼ်သိူင်ႇဝႆႉလပ်ႉဝႆႉၸဵမ်မိူဝ်ႈၵမ်ႇၽႃႇၸင်ႇတႄႇၼၼ်ႉဢေႃႈ၊ဝႃႈၼႆၼၼ်ႉလႆႈတဵမ်ထူၼ်ႈယဝ်ႉဢေႃႈ။
ဢထိၵ်ႈပႄႇဢူႉပမႃႇမဵတ်ႉၶဝ်ႈၽီ
၃၆ လိုၼ်းၼၼ်ႉမၼ်းၸဝ်ႈယၢၼ်ၵူၼ်းၸူႉၵူၼ်းတုမ်ၸိူဝ်းၼၼ်ႉသေလႄႈၶဝ်ႈၵႃႈၼႂ်းႁိူၼ်းယဝ်ႉၸင်ႇတပႄးၸဝ်ႈတင်းလၢႆသုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈလဝ်လၢတ်ႈလႄႈဝႃႈ၊-ၽုၺ်ႇဢွၵ်ႇၼႄပျုးဢထိၵ်ႈပႄႇၵႂၢမ်းဢူႉပမႃႇမဵတ်ႉၶဝ်ႈၽီဢၼ်ဝၢၼ်ႇၵႃႈၼႂ်းၼႃးၼၼ်ႉတီႈႁဝ်းၶႃႈသေၵမ်းၶႃႈ၊မိူဝ်ႈဢၼ်ဝႃႈၼင်ႇၼႆၸိုင်
၃၇ မၼ်းၸဝ်ႈၵေႃႈၶိုၼ်းလၢတ်ႈလႄႈဝႃႈ၊-ၵေႃႉဢၼ်ဝၢၼ်ႇၸိူဝ်ႉဝၢၼ်ႇၽၼ်းၶဝ်ႈၵျုင်ႇဢၼ်လီၼၼ်ႉပဵၼ်လုၵ်ႈၵူၼ်းဢေႃႈ။ ၼႃးၸမ်းပဵၼ်လေႃးၵၼႆႉဢေႃႈ။
၃၈ မဵတ်ႉၶဝ်ႈၵျုင်ႇဢၼ်လီၸမ်းပဵၼ်လုၵ်ႈမိူင်းၸဝ်ႈတင်းလၢႆဢေႃႈ။ မဵတ်ႉၶဝ်ႈၽီၸမ်းပဵၼ်လုၵ်ႈၵေႃႉဢၼ်ႁၢႆႉတင်းလၢႆဢေႃႈ။ ရၢၼ်ႇသူႇဢၼ်ဝၢၼ်ႇမဵတ်ႉၶဝ်ႈၽီၸမ်းပဵၼ်ၸႃႇတၢၼ်ႇမႃႇၼၢတ်ႈဢေႃႈ။
၃၉ ၶိင်ႇဢၼ်ပၢတ်ႇၶဝ်ႈၸမ်းပဵၼ်ၶိင်ႇဢၼ်ၸၢတ်ႈၼႆႉတၵ်းသုတ်းတၵ်းသဵင်ႈၼၼ်ႉဢေႃႈ။ ၶဝ်ၸိူဝ်းဢၼ်ပၢတ်ႇၶဝ်ႈၸမ်းပဵၼ်တမၢၼ်ႇၵၢင်ႁၢဝ်တင်းလၢႆဢေႃႈ။
၄၀ ၸိူဝ်ႉၼင်ႇဢၼ်လိူၵ်ႈထူၺ်ႈဢဝ်တူၼ်ႈၶဝ်ႈၽီသေလႄႈၸုတ်ႇၽႆးၼၼ်ႉတၵ်းပဵၼ်ၵႃႈၼႂ်းတီႈသုတ်းၸၢတ်ႈၼႆႉဢေႃႈ။
၄၁ လုၵ်ႈၵူၼ်းတၵ်းပွႆႇၸႂ်ႉတမၢၼ်ႇၵၢင်ႁၢဝ်မၼ်းၸဝ်ႈမႃးသေယဝ်ႉၶဝ်ၼၼ်ႉတၵ်းလိူၵ်ႈထူၺ်ႈပႅတ်ႈတၢင်းဢၼ်ႁဵတ်းႁႂ်ႈၽိတ်းပိူင်ႈဢိၵ်ႇတင်းၵူၼ်းဢၼ်ႁဵတ်းဢၼ်ဢမ်ႇတြႃးၵႃႈမီးတင်းသဵင်ႈတင်းလူင်ၵႃႈၼႂ်းမိူင်းၸဝ်ႈလႄႈ
၄၂ ၶျႃးတူၵ်းသႂ်ႇၵႃႈၼႂ်းမုၵ်ႉၽႆးတီႈဢၼ်လႆႈႁႆႈလႆႈႁွင်ႉတီႈဢၼ်လႆႈၵတ်းၶဵဝ်ႈၵတ်းၽၢၼ်ႈၼၼ်ႉဢေႃႈ။
၄၃ မိူဝ်ႈၼၼ်ႉၵူၼ်းဢၼ်သိုဝ်ႈတေႃႇတင်းလၢႆတၵ်းႁိူဝ်ႈလႅင်းၸိူဝ်ႉၼင်ႇၵၢင်ဝၼ်းၵႃႈၼႂ်းမိူင်းပေႃႈၸဝ်ႈပုၼ်ႉဢေႃႈ။ ၵေႃႉဢၼ်မီးႁူၸၢင်ႊလီငိၼ်းၼၼ်ႉႁႂ်ႈငိၼ်းသေၵမ်းလူၺ်ႈ။
ၽၼ်ႇတႃႇဢၼ်သိူင်ႇဝႆႉလပ်ႉဝႆႉတင်းပူးလေး
၄၄ ၼႄးၼိုင်ႈၸမ်းမိူင်းၵၢင်ႁၢဝ်ၸဝ်ႈမိူၼ်ၸိူဝ်ႉၼင်ႇၽၼ်ႇတႃႇဢၼ်သိူင်ႇဝႆႉလပ်ႉဝႆႉၵႃႈၼႂ်းတူင်ႈၼႃးၼၼ်ႉဢေႃႈ။ ၵေႃႉဢၼ်ထူပ်းႁၼ်ၽၼ်ႇတႃႇၼၼ်ႉသမ်ႉၶိုၼ်းႁူမ်ႇဝႆႉသေလႄႈမီးတင်းၸႂ်ဢၼ်သိူဝ်းၸူမ်းၼႃႇၵႂႃႇၶၢႆပႅတ်ႈၵႃႈဢၼ်မၼ်းမီးၼၼ်ႉသေယဝ်ႉသိုဝ်ႉဢဝ်တူင်ႈၼႃးၼၼ်ႉဢေႃႈ။
၄၅ ၼႄးၼိုင်ႈၸမ်းမိူင်းၵၢင်ႁၢဝ်ၸဝ်ႈမိူၼ်ၸိူဝ်ႉၼင်ႇၵူၼ်းၵေႃႉၼိုင်ႈဢၼ်ႁႃဢဝ်ပူးလေးဢၼ်မျၢတ်ႈၼႃႇၼၼ်ႉဢေႃႈ။
၄၆ မၼ်းၼၼ်ႉမိူဝ်ႈဢၼ်ထူပ်းႁၼ်ပူးလေးဢၼ်ထိူၵ်ႈၵႃႊၶၼ်ယႂ်ႇၼႃႇၼၼ်ႉမၼ်းၵႂႃႇၶၢႆပႅတ်ႈၵႃႈဢၼ်မၼ်းမီးၸိူဝ်းၼၼ်ႉသေယဝ်ႉသိုဝ်ႉဢဝ်ပူးလေးၼၼ်ႉဢေႃႈ။
ၵႂၢမ်းဢူႉပမႃႇၶႄဢၼ်ဝၢၼ်ႇတူၵ်း
၄၇ ၼႄးၼိုင်ႈၸမ်းမိူင်းၵၢင်ႁၢဝ်ၸဝ်ႈမိူၼ်ၸိူဝ်ႉၼင်ႇၶႄဢၼ်ဝၢၼ်ႇတူၵ်းၵႃႈၼႂ်းပၢင်ႇလၢႆႇလႄႈႁူမ်ႇမႅၼ်ႈၵူႈၸိူဝ်ႉၵူႈပိူင်ၼၼ်ႉဢေႃႈ။
၄၈ မိူဝ်ႈဢၼ်တဵမ်ဝႆႉယဝ်ႉၼၼ်ႉၶဝ်တိုတ်ႉၸၼ်ဢဝ်တၢင်ႇၼိူဝ်ၵုင်းလႄႈလိူၵ်ႈၵဵပ်းဢဝ်ဢၼ်လီတင်းလၢႆသႂ်ႇဝႆႉၵႃႈၼႂ်းပဵတ်ႈၼႂ်းမုင်လႄႈဢဝ်ဢၼ်ဢမ်ႇလီတင်းလၢႆထိမ်ႈဢွၵ်ႇပႅတ်ႈၵႃႈၼွၵ်ႈဢေႃႈ။
၄၉ မိူၼ်ၸိူဝ်ႉၼင်ႇၼၼ်ၼႂ်းတီႈသုတ်းၸၢတ်ႈၼႆႉၼၼ်ႉတမၢၼ်ႇၵၢင်ႁၢဝ်တင်းလၢႆတၵ်းလူင်းမႃးသေယဝ်ႉလိူၵ်ႈၵဵပ်းၽႄဢဝ်ၵူၼ်းဢၼ်ႁၢႆႉတင်းလၢႆဢွၵ်ႇသေၵႃႈၼႂ်းၵူၼ်းဢၼ်သိုဝ်ႈတေႃႇတင်းလၢႆသေလႄႈ
၅၀ ၶျႃးတူၵ်းသႂ်ႇၵႃႈၼႂ်းမုၵ်ႉၽႆးတီႈဢၼ်လႆႈႁႆႈလႆႈႁွင်ႉတီႈဢၼ်လႆႈၵတ်းၶဵဝ်ႈၵတ်းၽၢၼ်ႈၼၼ်ႉဢေႃႈ။
၅၁ လွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉသူႁူႉႁိုဝ်၊ဝႃႈၼႆမိူဝ်ႈဢၼ်မၼ်းၸဝ်ႈထၢမ်ၶဝ်ၼၼ်ႉၸိုင်ၶဝ်ၵေႃႈလဝ်လၢတ်ႈလႄႈဝႃႈ၊-
၅၂ ၸႂ်ႈၶႃႈယဝ်ႉၸဝ်ႈ၊ဝႃႈၼင်ႇၼႆဢေႃႈ။ မၼ်းၸဝ်ႈၵေႃႈလၢတ်ႈလႄႈဝႃႈ၊-ပိူဝ်ႈၼႆလႄႈၵူၼ်းထုတ်ႇၵျၢမ်းတင်းလၢႆဢၼ်လႆႈသွၼ်ဢဝ်လွင်ႈမိူင်းၵၢင်ႁၢဝ်ၸဝ်ႈယဝ်ႉၼၼ်ႉၶဝ်မိူၼ်ၸိူဝ်ႉၼင်ႇၸဝ်ႈႁိူၼ်းဢၼ်ဢဝ်ဢၼ်မႂ်ႇတင်းဢၼ်ၵဝ်ႇဢွၵ်ႇသေၵႃႈၼႂ်းတိူၵ်ႈၽၼ်ႇတႃႇဢုၵ်ႉၸႃႇမၼ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၅၃ မၼ်းၸဝ်ႈႁေႃးလၢတ်ႈၵႂၢမ်းဢူႉပမႃႇၸိူဝ်းၼႆႉယဝ်ႉၸင်ႇဢွၵ်ႇသေၵႃႈတီႈၼၼ်ႉၵႂႃႇဢေႃႈ။
ပရေႃးၽႅတ်ႈဢၼ်ဢမ်ႇလႆႈသရေႇ
၅၄ မၼ်းၸဝ်ႈႁွတ်ႈထိုင်ၵႃႈတီႈဝဵင်းၸဝ်ႈၵဝ်ႇလႄႈသင်ႇသွၼ်သုင်းမပၼ်ၵႃႈၼႂ်းၸရွပ်ႈႁေႃးတြႃးထၼ်ႈပေႃးႁႂ်ႈၶဝ်ၵႂင်ၸႂ်ယုင်ႈၸႂ်ၼႃႇဢေႃႈ။ ၶဝ်ၵေႃႈတွင်ႉထၢမ်လႄႈဝႃႈ၊-ၵေႃႉၼႆႉလႆႈပိင်ႇၺႃႇဢိၵ်ႇတင်းတၼ်းၶုဝ်းၼႆႉၵႃႈတီႈလႂ်မႃး။
၅၅ မၼ်းပဵၼ်လုၵ်ႈလၢၵ်ႈသမႃးဢမ်ႇၸႂ်ႈႁိုဝ်။ မႄႈမၼ်းပဵၼ်မႃႇရိဢမ်ႇၸႂ်ႈႁိုဝ်။ ၼွင်ႉၸၢႆးမၼ်းပဵၼ်ယႃႇၵုပ်ႉ၊ယုဝ်းသႅပ်ႉ၊သိမုၼ်ႇတင်းယုတ၊ဢမ်ႇၸႂ်ႈႁိုဝ်။
၅၆ ၼွင်ႉယိင်းမၼ်းတင်းလၢႆၵေႃႈယူႇၸမ်ၵၼ်တင်းႁဝ်းယူႇဢမ်ႇၸႂ်ႈႁိုဝ်။ ၵူၼ်းၵေႃႉၼႆႉလႆႈလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉၵႃႈတီႈလႂ်မႃး၊ဝႃႈၼႆလႄႈၶဝ်ၸႂ်လူႉဢေႃႈ။
၅၇ ၸဝ်ႈယေႇသုၵေႃႈလၢတ်ႈတီႈၶဝ်လႄႈဝႃႈ၊-ပရေႃးၽႅတ်ႈၸိုင်ဢမ်ႇလႆႈသရေႇၵႃႈတီႈဝဵင်းတူဝ်ၸဝ်ႈၵဝ်ႇၵႃႈတီႈႁိူၼ်းတူဝ်ၸဝ်ႈၵဝ်ႇၼၼ်ႉ၊ဝႃႈၼင်ႇၼႆဢေႃႈ။ ပိူဝ်ႈဢၼ်ၶဝ်ဢမ်ႇယုမ်ႇမၢတ်ႈလႄႈမၼ်းၸဝ်ႈဢမ်ႇၼႄပျုးတၼ်းၶူဝ်းမၼ်းၸဝ်ႈၼမ်ၼမ်ၵႃႈတီႈၼၼ်ႉ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ