Shan Missions

ၵျၢမ်းငဝ်ႈၵမ်ႇၽႃႇ

၁   ၂   ၃   ၄   ၅   ၆   ၇   ၈   ၉   ၁၀   ၁၁   ၁၂   ၁၃   ၁၄   ၁၅   ၁၆   ၁၇   ၁၈   ၁၉   ၂၀   ၂၁   ၂၂   ၂၃   ၂၄   ၂၅   ၂၆   ၂၇   ၂၈   ၂၉

၃၀   ၃၁   ၃၂   ၃၃   ၃၄   ၃၅   ၃၆   ၃၇   ၃၈   ၃၉   ၄၀   ၄၁   ၄၂   ၄၃   ၄၄   ၄၅   ၄၆   ၄၇   ၄၈   ၄၉   ၅၀   

၂၀

 ဢႃႇပြႁမ်ႇတင်းဢၽိမလိၵ်ႉ

၁ ၵမ်းၼၼ်ႉ ဢႃႇပြႁမ်ႇ ၸွမ်းတၢင်းၵွႃႇၸူးၵႃႈတီႈမိူင်းပွတ်းတၢင်းၸၢၼ်းလႄႈ ယူႇၵႃႈၼႂ်းဝူင်ႈၵၢင်ဝဵင်းၵႃႇတေႇသ တင်းဝဵင်း သုရ လႄႈသွၼ်ႈပိုင်ႈယူႇၵႃႈ ၼႂ်းဝဵင်း ၵေႇရ ဢေႃႈ။

၂ မိူဝ်ႈၼၼ်ႉ ဢႃႇပြႁမ်ႇ လၢတ်ႈလွင်ႈမေးမၼ်း ၸႃႇရႃႇ ၼၼ်ႉတီႈပိူၼ်ႈလႄႈဝႃႈ၊-မၼ်းပဵၼ်ၼွင်ႉယိင်းၵဝ်ဢေႃႈ၊ဝႃႈၼင်ႇၼႆလႄႈ ဢၽိမလိၵ်ႉ ၶုၼ်လူင်ဝဵင်း ၵေႇမ ၼၼ်ႉပွႆႇၸႂ်ႉၶႃႈမၼ်းၵူၼ်း မၼ်းမႃးဢဝ် ၸႃႇရႃႇ ၵွႃႇဢေႃႈ။

၃ ၼႂ်းၶိင်ႇၵၢင်ၶိုၼ်းၽြႃးပဵၼ်ၸဝ်ႈပေႃႇမႃးၵႃႈၼႂ်းတၢင်းဢၼ် ဢၽိမလိၵ်ႉ ၼွၼ်းၽၼ်ႁၼ်ၼၼ်ႉလႄႈဝႃႈ၊-တူၺ်းလူႊ၊မႂ်းပဵၼ်ၵူၼ်းတၢႆၵွပ်ႈပိူဝ်ႈမေးပိူၼ်ႈယဝ်ႉ၊ဝႃႈၼင်ႇၼႆ ဢေႃႈ။

၄ ဢၽိမလိၵ်ႉ ၵေႃႈၵွပ်ႈပိူဝ်ႈဢၼ်ဢမ်ႇပႆႇလႆႈတိူဝ်ႉလႆႈထုၵ်ႇၵၼ်တၵ်းမၼ်း မေႈယိင်းၼၼ်ႉလႄႈလဝ်ႈ လၢတ်ႈဝႃႈ၊-ၸဝ်ႈၽြႃးတီႈၶႃႈ။ ၸဝ်ႈႁဝ်းတၵ်းဢဝ်ၵူၼ်းမဵဝ်းဢၼ်သိုဝ်ႈတေႃႇတၢႆၶႃႈႁိုဝ်။ ၵေႃႉၼၼ်ႉလၢတ်ႈတီႈၶႃႈၸဝ်ႈဝႃႈ၊-

၅ မေႈယိင်းၼၼ်ႉပဵၼ်ၼွင်ႉယိင်းၵဝ်ဢေႃႈ၊ ဝႃႈၼင်ႇၼႆဢမ်ႇၸႂ်ႈၶႃႈႁိုဝ်။ တူဝ်မေႈယိင်းၼၼ်ႉၵေႃႈဝႃႈ၊-မၼ်းပဵၼ်ပီႈၸၢႆးၵဝ်ဢေႃႈ၊ဝႃႈၼင်ႇၼႆဢမ်ႇၸႂ်ႈၶႃႈႁိုဝ်။ ၶႃႈၸဝ်ႈ မီးသၽေႃးဢၼ်သိုဝ်ႈတေႃႇ ဢိၵ်ႇတင်း မိုဝ်းဢၼ်မူတ်းၸၢင်ႇလႄႈ ၸင်ႇႁဵတ်းလွင်ႈၼႆႉတီႈၶႃႈယဝ်ႉ၊ ဝႃႈၼင်ႇၼႆ ဢေႃႈ။

၆ ၽြႃးပဵၼ်ၸဝ်ႈၵေႃႈလၢတ်ႈၼႂ်းတၢင်းၼွၼ်းၽၼ်ႁၼ်မၼ်းၼၼ်ႉလႄႈဝႃႈ၊-ၸႂ်ႈတႄႉတႄႉယဝ်ႉ။ၵဝ်ႁူႉလွင်ႈဢၼ် မႂ်းမီးသၽေႃး ဢၼ်သိုဝ်ႈတေႃႇလႄႈႁဵတ်းၼၼ်ႉယူႇဢေႃႈ။ ၼင်ႇႁိုဝ်မႂ်းတၵ်းဢမ်ႇလႆႈၽိတ်းပိူင်ႈၵဝ်ၸိုင်၊ၵဝ်ႁႄႉၶႅၼ်မႂ်းဢေႃႈ။ ပိူဝ်ႈၼႆလႄႈၵဝ်ဢမ်ႇပၼ်ဢၶႂၢင်ႉ တၢင်းဢၼ်တိူဝ်ႉထုၵ်ႇၵၼ်တင်းမေႈယိင်း ၼၼ်ႉ။

၇ တေႃႈလဵဝ်ၼႆႉဢဝ်မေးမၼ်းၶိုၼ်းပၼ်တီႈမၼ်းတႃႉ။ မၼ်းပဵၼ်ပရေႃးၽႅတ်ႈဢေႃႈ။ မၼ်းတၵ်းသူးတွင်းပုၼ်ႈမႂ်းလႄႈ ဢသၢၵ်ႈမႂ်းတၵ်းလႆႈၵတ်းယဵၼ်ၶျၢမ်းသႃႇဢေႃႈ။ ပေႃးမႂ်းယင်းဢမ်ႇၶိုၼ်းၸိုင်၊ၸႃႉၸဵမ်မႂ်းလႄႈ ၶဝ်ၸိူဝ်းဢၼ်ၸၢပ်ႈသႅင်ႇၵၼ်တင်းမႂ်းတင်းသဵင်ႈတင်းလူင် တၵ်းလႆႈတၢႆဢမၢၼ်ႇၶၼ်ပဵၼ်ဢေႃႈ၊ဝႃႈၼင်ႇၼႆဢေႃႈ။

၈ ၶိင်ႇၵၢင်ၼႂ်ၸဝ်ႉၸဝ်ႉ ဢၽိမလိၵ်ႉ လုၵ်ႉလႄႈႁွင်ႉဢဝ်ၶႃႈမၼ်းၵူၼ်းမၼ်း တင်းသဵင်ႈတင်းလူင် သေယဝ်ႉမွၵ်ႇလၢတ်ႈ လွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉတီႈၶဝ်လႄႈ ၶဝ်ၵေႃႈၵူဝ်ႁႄၼႃႇလူင်လၢင် ဢေႃႈ။

၉ ဢၽိမလိၵ်ႉ ႁွင်ႉဢဝ် ဢႃႇပြႁမ်ႇလႄႈဝႃႈ၊-မႂ်းႁဵတ်းတီႈၵဝ်ၸိူဝ်ႉၼင်ႇႁိုဝ်ယဝ်ႉ။ၵွပ်ႈပိူဝ်ႈၵဝ်ၽိတ်းပိူင်ႈၸိူဝ်ႉၼင်ႇႁိုဝ်တီႈမႂ်းလႄႈ မႂ်းႁႂ်ႈဢပျႅတ်ႈဢၼ်ယႂ်ႇၼႃႇလူင်လၢင်ၼၼ်ႉႁွတ်ႈမႃးတီႈၵဝ် ဢိၵ်ႇတင်းမိူင်းၵဝ်။ ဢမူႉဢၼ်ဢမ်ႇထုၵ်ႇလီႁဵတ်းၼၼ်ႉမႂ်းႁဵတ်းတီႈ ၵဝ်ယဝ်ႉလူင်ပေႇ။

၁၀ မႂ်းမီးလွင်ႈတၢင်းၵႃႈသင်လႄႈႁဵတ်းၸိူဝ်ႉၼင်ႇၼႆမိူဝ်ႈဢၼ်ဝႃႈၼင်ႇၼႆၸိုင်၊ ဢႃႇပြႁမ်ႇၶိုၼ်းလၢတ်ႈလႄႈဝႃႈ၊-

၁၁ ၵွပ်ႈပိူဝ်ႈၵဝ်ၶႃႈထၢင်ႇၵူၼ်းၵႃႈတီႈၼႆႉ ဢမ်ႇမီးတၢင်းဢၼ်ၵူဝ်ႁႄၽြႃးပဵၼ်ၸဝ်ႈတၵ်းဢဝ်ၵဝ်ၶႃႈတၢႆၵွပ်ႈပိူဝ်ႈမေးၵဝ်ၶႃႈလႄႈ ၵဝ်ၶႃႈ ၸင်ႇလႆႈႁဵတ်းမႅၼ်ႈၸိူဝ်ႉၼင်ႇၼႆၶႃႈယဝ်ႉ။

၁၂ ၵူၺ်းၵႃႈမၼ်းပဵၼ်ၼွင်ႉယိင်းၵဝ်ၶႃႈ ဢမၢၼ်ႇၶၼ်ပဵၼ်ယူႇၶႃႈဢေႃႈ။ မၼ်းပဵၼ်လုၵ်ႈယိင်းပေႃႈၵဝ်ၶႃႈၶႃႈဢေႃႈ။

၁၃ ပဵၼ်လုၵ်ႈယိင်းမေႈၵဝ်ၶႃႈဢမ်ႇၸႂ်ႈၶႃႈ။ မေးၵဝ်ၶႃႈၵေႃႈၸႂ်ၶႃႈဢေႃႈ။ မိူဝ်ႈဢၼ်ၽြႃးပဵၼ်ၸဝ်ႈႁွင်ႉဢဝ်ၵဝ်ၶႃႈ ႁႂ်ႈဢွၵ်ႇသေၵႃႈၼႂ်းႁိူၼ်းၵဝ်ၶႃႈလႄႈၵွႃႇၼၼ်ႉၸိုင်၊ၵဝ်ၶႃႈသင်ႇလၢတ်ႈတီႈမၼ်းဝႆႉလႄႈဝႃႈ၊- ၵျေးၸူးဢၼ်မႂ်းတၵ်းလႆႈႁဵတ်းတီႈၵဝ်ၸမ်း ႁွတ်ႈထိုင်ၵႃႈတီႈလႂ်ၵေႃႈမႂ်းတၵ်းလႆႈလၢတ်ႈဝႃႈ ၵဝ်ပဵၼ်ပီႈၸၢႆးမႂ်းဢေႃႈ၊ဝႃႈၼင်ႇၼႆဝႆႉၶႃႈယဝ်ႉ၊ဝႃႈၼင်ႇၼႆဢေႃႈ။

၁၄ မိူဝ်ႈၼၼ်ႉ ဢၽိမလိၵ်ႉ ၵေႃႈဢဝ်သူဝ်းလႂ်၊ ဝူဝ်းလႂ်၊ၶႃႈၵူၼ်းၸၢႆးလႂ်ၶႃႈၵူၼ်းယိင်းလႂ်သေလႄႈ ပၼ်တီႈဢႃႇပြႁမ်ႇ ဢေႃႈ။မေးမၼ်းၸႃႇရႃႇၼၼ်ႉၵေႃႈၶိုၼ်း ဢဝ်ပၼ်တီႈမၼ်းသေဢေႃႈ။

၁၅ ဢၽိမလိၵ်ႉၵေႃႈလၢတ်ႈလႄႈဝႃႈ၊-လိၼ်ၵဝ်မီးၵႃႈတီႈၽၢႆႇၼႃႈမႂ်းဢေႃႈ။ ၵႃႈၼင်ႇဢၼ်မႂ်းမီးဢလူဝ်ႇၼၼ်ႉ မႂ်းၶႂ်ႈယူႇတီႈလႂ်ၵေႃႈ ယူႇတႃႉ၊ဝႃႈၼင်ႇၼႆဢေႃႈ။

၁၆ တီႈ ၸႃႇရႃႇ ၵေႃႈမၼ်းလၢတ်ႈလႄႈဝႃႈ၊-ၵဝ်ပၼ်ငိုၼ်းႁဵင်ၼိုင်ႈတီႈပီႈၸၢႆးမႂ်းပုၼ်ႈဢၼ်တၵ်းပဵၼ်ဢၼ်ႁူမ်ႇၼႃႈမႂ်း ၽၢႆႇၼႃႈၵူၼ်းၸိူဝ်းဢၼ်မီးလူၺ်ႈၵၼ်တင်းမႂ်းၸိူဝ်းၼၼ်ႉယဝ်ႉ။ မႂ်းလႆႈၶၢမ်ႇတၢင်းဢၼ် ဝၢင်းၶွင်ႉပၼ်တင်းသဵင်တင်းမူတ်းယဝ်ႉ၊ဝႃႈၼင်ႇၼႆဢေႃႈ။

၁၇ ဢႃႇပြႁမ်ႇ ၵေႃႈသူးတွင်းတီႈၽြႃးပဵၼ်ၸဝ်ႈလႄႈၽြႃးပဵၼ်ၸဝ်ႈ ႁႂ်ႈတၢင်းၶႆႈတၢင်းပဵၼ် ဢၽိမလိၵ်ႉဢိၵ်ႇတင်း မေးမၼ်း တင်းၽူႈယိင်းၶႃႈမၼ်းၸိူဝ်းၼၼ်ႉႁၢႆသေယဝ်ႉႁႂ်ႈၶဝ်ၵိူတ်ႇလဵင်ႉလုၵ်ႈလဵင်ႉလၢင်းဢေႃႈ။

၁၈ လွင်ႈမၼ်းၸမ်း၊ ၵွပ်ႈပိူဝ်ႈ ၸႃႇရႃႇ မေးဢႃႇပြႁမ်ႇ ၼၼ်ႉ ထႃႇဝရႃႉၽြႃးၸီႇယၢင်ႇႁႂ်ႈမေႈယိင်းၼႂ်းႁိူၼ်း ဢၽိမလိၵ်ႉ တင်းလၢႆဢမ်ႇပႃးပတိၵ်ႉသၼ်ႇထေႇလႆႈသေၵေႃႉၼၼ်ႉဢေႃႈ။