Shan Missions

ဝုတ်ႉထုတမၢၼ်ႇၸဝ်ႈ

Chapter      ၁          ၂          ၃          ၄         ၅          ၆          ၇          ၈          ၉          ၁၀          ၁၁         ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁          ၂၂         ၂၃          ၂၄          ၂၅         ၂၆          ၂၇          ၂၈         

၁၇ 

တီႈဝဵင်းထိၵ်ႈသႃႇလေႃးၼိၵ်ႈ

၁ လိုၼ်းၼၼ်ႉၶဝ်လႄႇၵႂႃႇၵႃႈတီႈဝဵင်းဢမ်ႇၽိပေႃႇလိတင်းဝဵင်းဢႃႇပေႃးလေႃႇၼိလႄႈႁွတ်ႈထိုင်ၵႃႈတီႈဝဵင်းထိၵ်ႈသႃႇလေႃးၼိၵ်ႈပုၼ်ႉဢေႃႈ။ၵႃႈတီႈၼၼ်ႉမီးၸရွပ်ႈႁေႃးတြႃးၵူၼ်းယုတၶဝ်ဢေႃႈ။

၂ ပေႃးလုၵေႃႈၵႃႈၼင်ႇဢၼ်ထုင်းၸၢမ်ႇၶဝ်မီးၼၼ်ႉမၼ်းၶဝ်ႈၵႃႈၼႂ်းၸရွပ်ႈၼၼ်ႉသေယဝ်ႉဢိင်ပိုင်ႈၵျၢမ်းလိၵ်ႈလႄႈတိူင်ႇပၢင်ႇၵၼ်တင်းၶဝ်ဝၼ်းၵမ်သိၼ်သၢမ်ပၢတ်ႈလႄႈ

၃ ၽုၺ်ႇဢွၵ်ႇၼႄပျႃႉလႅင်းလႅင်းလွင်ႈဢၼ်ၸဝ်ႈၶရိၸ်ႉတၵ်းလႆႈၶၢမ်ႇတၢႆလႄႈတၵ်းလႆႈလုၵ်ႉၶိုၼ်းလိပ်းဢိၵ်ႇတင်းလွင်ႈဢၼ်ၸဝ်ႈယေႇသုပဵၼ်ၸဝ်ႈၶရိၸ်ႉၼၼ်ႉဢေႃႈ။

၄ ၵူၼ်းၵမ်ႈၽွင်ႈယုမ်ႇမၢတ်ႈလႄႈႁဵတ်းၵေႃႉႁဵတ်းသေႈလူၺ်ႈၵၼ်တင်းပေႃးလုတင်းသီႇလဢေႃႈ။ၵူၼ်းႁေႇလသဢၼ်ရူဝ်ႇသေႇၵူဝ်ယမ်ၽြႃးၸိူဝ်းၼၼ်ႉၼမ်ၼႃႇဢိၵ်ႇတင်းမေႈယိင်းဢၼ်ဢွၵ်ႇၸိုဝ်ဢွၵ်ႇသဵင်ၼမ်ၼႃႇၸိူဝ်းၼၼ်ႉၵေႃႈယုမ်ႇမၢတ်ႈဢေႃႈ။

၅ ၵူၼ်းယုတတင်းလၢႆပဵၼ်ဢၼ်သီႇၵေႉႁေႈတႃလႄႈႁွင်ႉဢဝ်ၵူၼ်းၸိူဝ်းဢၼ်ႁၢႆႉဢၼ်မိူၵ်ႈဢၼ်မဝ်မၢင်ႊၵမ်ႈၽွင်ႈသေယဝ်ႉႁႂ်ႈၶဝ်ၸူႉၵၼ်တုမ်ၵၼ်သေလႄႈႁဵတ်းဢူၼ်ဢဵၼ်မေႃးမႄးၵႃႈၼႂ်းဝဵင်းၼၼ်ႉဢေႃႈ။

၆ ၶဝ်ဢီးၽၢင်ႈႁိူၼ်းယႃႇသုၼ်ႇလႄႈႁႂ်ႈလႆႈႁႃတိုတ်ႉၸၼ်ဢဝ်ၶဝ်ဢွၵ်ႇၵႃႈတီႈၽၢႆႇၼႃႈၵူၼ်းတင်းလၢႆဢေႃႈ။မိူဝ်ႈဢၼ်ၶဝ်ဢမ်ႇထူပ်းဢမ်ႇႁၼ်သွင်ၶႃၼၼ်ႉၸိုင်ၶဝ်တိုတ်ႉၸၼ်ဢဝ်ယႃႇသုၼ်ႇတင်းပီႈၼွင်ႉမၼ်းၵမ်ႈၽွင်ႈၵႂႃႇၵႃႈတီႈၶုၼ်ဝဵင်းၼၼ်ႉသေယဝ်ႉႁွင်ႉသႅၼ်ႇဝႃႈ၊-ၵူၼ်းၸိူဝ်းဢၼ်ၶႂၢမ်ႈပိၼ်ႈမိူင်းလေႃးၵီႇၼၼ်ႉႁွတ်ႈမႃးၵႃႈတီႈၼႆႉၶႃႈယဝ်ႉ။

၇ ယႃႇသုၼ်ႇၼႆႉၵေႃႈမၼ်းႁပ်ႉတုင်းဢဝ်ၶဝ်ၶႃႈယဝ်ႉ။ၶဝ်တင်းသဵင်ႈတင်းလူင်ႁဵတ်းဢၼ်ဢမ်ႇမႅၼ်ႈၵၼ်တင်းဢမိင်ႉၶုၼ်ႁေႃၶမ်းၵေႇသႃႇလႄႈၶဝ်ဝႃႈ၊-ၸဝ်ႈယေႇသုပဵၼ်ၶုၼ်ႁေႃၶမ်းတၢင်ႇပႃးဢေႃႈ၊ဝႃႈၼင်ႇၼႆသေယဝ်ႉ

၈ ၶဝ်ယႃႉယူၵ်ႉႁူဝ်ၸႂ်ၶုၼ်တင်းလၢႆဢိၵ်ႇတင်းၵူၼ်းၸူႉၵူၼ်းတုမ်ဢၼ်ငိၼ်းၵႂၢမ်းၶဝ်ၼၼ်ႉၶႃႈဢေႃႈဝႃႈၼင်ႇၼႆဢေႃႈ

၉ ဝၢႆးသေၶဝ်ဢဝ်ဢႃမႃႉၶၢမ်ႇပုၼ်ႈယႃႇသုၼ်ႇတင်းၵူၼ်းဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉယဝ်ႉၸင်ႇပွႆႇၶဝ်ၵႂႃႇသေဢေႃႈ။

တီႈဝဵင်းပေႇရိသေႇ

၁၀ ၼႂ်းၶိင်ႇၵၢင်ၶိုၼ်းပီႈၼွင်ႉၸိူဝ်းၼၼ်ႉဢဝ်ပေႃးလုတင်းသီႇလဢွၵ်ႇၵႂႃႇၵႃႈတီႈဝဵင်းပေႇရိသေႇၵမ်းလဵဝ်ဢေႃႈ။မိူဝ်ႈဢၼ်ႁွတ်ႈထိုင်ၵႃႈတီႈဝဵင်းၼၼ်ႉၸိုင်ၶဝ်သမ်ႉၶဝ်ႈၵႃႈၼႂ်းၸရွပ်ႈႁေႃးတြႃးၵူၼ်းယုတဢေႃႈ။

၁၁ ပိူဝ်ႈဢၼ်ၵူၼ်းဝဵင်းၸိူဝ်းၼၼ်ႉလီၼႃႇသေၵူၼ်းဝဵင်းထိၵ်ႈသႃႇလေႃးၼိၵ်ႈလႄႈၶဝ်းတင်းၸေႇတၼႃႇဢၼ်လီၼႃႇသေယဝ်ႉၶၢမ်ႇဢဝ်ၼုၵ်ႉၵပၢတ်ႈတြႃးၸဝ်ႈယူႇသေလႄႈလူတူၺ်းၵျၢမ်းလိၵ်ႈၵူႈဝၼ်းႁႂ်ႈလႆႈႁူႉလွင်ႈဢၼ်ၸႂ်ႈႁိုဝ်ဢမ်ႇၸႂ်ႈႁိုဝ်ၼၼ်ႉဢေႃႈ။

၁၂ ပိူဝ်ႈၼႆလႄႈၵူၼ်းယုတၼမ်ၼႃႇယုမ်ႇမၢတ်ႈဢေႃႈ။ၵူၼ်းႁေႇလသၸဵမ်ယိင်းၸဵမ်ၸၢႆးၼမ်ၼႃႇဢၼ်မီးသရေႇၸိူဝ်းၼၼ်ႉၵေႃႈယုမ်ႇမၢတ်ႈဢေႃႈ။

၁၃ မိူဝ်ႈဢၼ်ၵူၼ်းယုတဢၼ်ပဵၼ်ၵူၼ်းဝဵင်းထိၵ်ႈသႃႇလေႃးၼိၵ်ႈၸိူဝ်းၼၼ်ႉလႆႈငိၼ်းလွင်ႈဢၼ်ပေႃးလုႁေႃးလၢတ်ႈၼုၵ်ႉၵပၢတ်ႈတြႃးၽြႃးပဵၼ်ၸဝ်ႈယူႇၵႃႈၼႂ်းဝဵင်းပေႇရိၼၼ်ႉၸိုင်ၶဝ်သမ်ႉမႃးၵႃႈတီႈဝဵင်းၼၼ်ႉသေယဝ်ႉတိုၵ်းယူင်းၸူဝ်းဢဝ်ၵူၼ်းတင်းလၢႆဢေႃႈ။

၁၄ မိူဝ်ႈၼၼ်ႉပီႈၼွင်ႉၸိူဝ်းၼၼ်ႉသမ်ႉဢဝ်ပေႃးလုဢွၵ်ႇၵႂႃႇၸွမ်းသဵၼ်ႈတၢင်းပၢင်ႇလၢႆႇဢေႃႈ။သီႇလတင်းတိမေႃးသေႇၵိုတ်းသဝ်းယူႇၵႃႈတီႈၼၼ်ႉဢေႃႈ။

၁၅ ၶဝ်ၸိူဝ်းဢၼ်ၵႂႃႇသူင်ႇပေႃးလုၼၼ်ႉၵႂႃႇသူင်ႇၵႃႈတီႈဝဵင်းဢႃႇထိၼ်ႇသေယဝ်ႉဢဝ်ၵႂၢမ်းဢၼ်ပေႃးလုသင်ႇဝႆႉႁႂ်ႈသီႇလတင်းတိမေႃးသေႇၸဵဝ်းမႃးၵႃႈတီႈမၼ်းၶၼ်ၶၼ်ၽႂ်းၽႂ်းဢေႃႈ။

တီႈဝဵင်းဢႃႇထိၼ်ႇ

၁၆ ပေႃးလုၼၼ်ႉၼႂ်းမိူဝ်ႈဢၼ်မၼ်းပႂ်ႉထႃႈသီႇလတင်းတိမေႃးသေႇၵႃႈၼႂ်းဝဵင်းဢႃႇထိၼ်ႇယူႇၼၼ်ႉမၼ်းႁၼ်ဝဵင်းၼၼ်ႉတဵမ်ဝႆႉတင်းရူၵ်ႉထူႉလႄႈမီးတၢင်းဢၼ်မႆႈၸႂ်ၶီၸႂ်ဢေႃႈ။

၁၇ ပိူဝ်ႈၼႆလႄႈမၼ်းႁဵတ်းတၢင်းဢၼ်တိူင်ႇပၢင်ႇလၢတ်ႈၸႃၵၼ်တင်းၵူၼ်းယုတတင်းၵူၼ်းဢၼ်ၵူဝ်းၵႂၢႆႇၽြႃးပဵၼ်ၸဝ်ႈတင်းလၢႆၵႃႈတီႈၼႂ်းၸရွပ်ႈႁေႃးတြႃးဢိၵ်ႇတင်းၶဝ်ၸိူဝ်းဢၼ်မၼ်းထူပ်းႁၼ်ၵူႈဝၼ်းၵႃႈတီႈၼႂ်းၵၢတ်ႇၸိူဝ်းၼၼ်ႉဢေႃႈ။

၁၈ မိူဝ်ႈၼၼ်ႉပိင်ႇၺႃႇသိဢေႇပိၵုရုတင်းသတေႃႇဢိၵ်ႉၵမ်ႈၽွင်ႈလၢတ်ႈၶဵင်ႇၵၼ်တင်းပေႃးလုဢေႃႈ။ၵမ်ႈၽွင်ႈဝႃႈ၊-ၵူၼ်းဢၼ်ဢမ်ႇလႆႈလွင်ႈၵေႃႉၼႆႉၶႂ်ႈဝႃႈၸိူဝ်ႉၼင်ႇႁိုဝ်၊ဝႃႈၼင်ႇၼႆဢေႃႈ။ၵမ်ႈၽွင်ႈၵေႃႈဝႃႈ၊-ၵေႃႉၼႆႉမိူၼ်ၸိူဝ်ႉၼင်ႇႁၢင်ႊပဵၼ်ၵေႃႉဢၼ်ႁေႃးလၢတ်ႈလွင်ႈၸဝ်ႈၽြႃးတၢင်ႇဝၢၼ်ႈတၢင်ႇမိူင်းၼၼ်ႉဢေႃႈ၊ဝႃႈၼင်ႇၼႆဢေႃႈ။လွင်ႈဢၼ်ဝႃႈၼင်ႇၼႆၼၼ်ႉၸမ်းပေႃးလုၼၼ်ႉ၊မၼ်းႁေႃးလၢတ်ႈတြႃးသတၢင်းသိူဝ်းပျေႃႇလွင်ႈၸဝ်ႈယေႇသုဢိၵ်ႇတင်းလွင်ႈတြႃးတၢင်းဢၼ်လုၵ်ႉၶိုၼ်းလိပ်းၼၼ်ႉဢေႃႈ။

၁၉ မိူဝ်ႈၼၼ်ႉၶဝ်ႁွင်ႉဢဝ်ပေႃးလုၵႂႃႇၵႃႈၼိူဝ်လွႆဢႃႇရေႇသေယဝ်ႉလၢတ်ႈဝႃႈ၊-လွင်ႈဢၼ်ဢယူႇဝႃႇတႃႉဢၼ်မႂ်းဢၢၼ်းႁေႃးလၢတ်ႈၼၼ်ႉပဵၼ်ၸိူဝ်ႉၼင်ႇႁိုဝ်ၼၼ်ႉႁဝ်းဢမ်ႇထုၵ်ႇလီႁူႉႁိုဝ်။

၂၀ မႂ်းလၢတ်ႈလွင်ႈတၢင်းဢၼ်ႁဝ်းဢမ်ႇတွၼ်ႉႁူႉဢမ်ႇတွၼ်ႉငိၼ်းၼၼ်ႉဢိူဝ်း။လွင်ႈတၢင်းၸိူဝ်းၼၼ်ႉၸမ်းၶႂ်ႈဝႃႈၸိူဝ်ႉၼင်ႇႁိုဝ်၊ဝႃႈၼႆ၊ႁဝ်းၶႂ်ႈႁူႉယူႇဢေႃႈ၊ဝႃႈၼင်ႇၼႆဢေႃႈ။

၂၁ ၵူၼ်းဝဵင်းဢႃႇထိၼ်ႇတင်းသဵင်ႈတင်းလူင်ဢိၵ်ႇတင်းၶႅၵ်ႇဢၼ်ယူႇၼႂ်းဝဵင်းၼၼ်ႉလိူဝ်သေတၢင်းဢၼ်ဢုပ်ႇလၢတ်ႈဢိၵ်ႇတင်းတၢင်းတၢင်းဢၼ်ထွမ်ႇငိၼ်းသတၢင်းသဵင်ၶၢဝ်ႇဢၼ်မႂ်ႇၼၼ်ႉၶဝ်ယင်းဢမ်ႇႁဵတ်းသင်လႄႈယူႇဢေႃႈ။

၂၂ မိူဝ်ႈၼၼ်ႉပေႃးလုလုၵ်ႉၸုၵ်းၵႃႈၼိူဝ်လွႆဢႃႇရေႇသေယဝ်ႉႁေႃးလၢတ်ႈဝႃႈ၊-ၵူၼ်းဝဵင်းဢႃႇထိၼ်ႇၶဝ်ဢိူၺ်း၊ၵဝ်ႁၼ်လွင်ႈဢၼ်သူၸၢင်ႊရူဝ်ႇသေႇၵူဝ်ယမ်ၽြႃးတင်းလၢႆၼႃႇလူင်လၢင်ၵႃႈၼႂ်းလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉဢေႃႈ။

၂၃ လွင်ႈမၼ်းၸမ်းၼႂ်းမိူဝ်ႈဢၼ်ၵဝ်ပႆၸွမ်းတၢင်းလႄႈလွမ်တူၺ်းၽြႃးသူၸိူဝ်းၼၼ်ႉၵဝ်ယင်းလႆႈႁၼ်ယိၸ်ႉပလၢင်ႇဢၼ်ၼိုင်ႈဢၼ်တႅမ်ႈသႂ်ႇတူဝ်လိၵ်ႈဢႅၵ်ႉၶယႃႇလႄႈဝႃႈ၊-ပုၼ်ႈၽြႃးပဵၼ်ၸဝ်ႈဢၼ်ႁဝ်းဢမ်ႇႁူႉၼၼ်ႉ၊ဝႃႈၼင်ႇၼႆဢေႃႈ။ၵဝ်ႁေႃးလၢတ်ႈတီႈသူလွင်ႈၸဝ်ႈၽြႃးဢၼ်သူယင်းဢမ်ႇႁူႉလႄႈၵူဝ်းၵႂၢႆႇၼၼ်ႉဢေႃႈ။

၂၄ ၽြႃးပဵၼ်ၸဝ်ႈဢၼ်ၽၢၼ်ႇသၢင်းႁဵတ်းပဵၼ်ၸႃႉၸဵမ်လေႃးၵထၢတ်ႈတင်းၵႃႈဢၼ်မီးၼႂ်းမၼ်းၼႆႉၼၼ်ႉပဵၼ်ၸဝ်ႈဢၼ်ဢုပ်ႉပိူင်ႇၵၢင်ႁၢဝ်တင်းလိၼ်မိူင်းလႄႈမၼ်းၸဝ်ႈဢမ်ႇၵိင်းဝၢပ်ႈယူႇၵႃႈၼႂ်းပိၵ်ႉမၢၼ်ႇဢၼ်ဢဝ်တင်းမိုဝ်းၵူၼ်းႁဵတ်းၼၼ်ႉ။

၂၅ မၼ်းၸဝ်ႈၼၼ်ႉဢမ်ႇၶၢမ်ႇဢဝ်တၢင်းဢၼ်မိုဝ်းၵူၼ်းႁဵတ်းလဵင်ႉႁဵတ်းလူၼၼ်ႉ။ၸိူဝ်ႉၼင်ႇဢၼ်မၼ်းၸဝ်ႈပဵၼ်ၸဝ်ႈဢၼ်ပၼ်ၸႃႉၸဵမ်ၸီႇဝႃႉဢသၢၵ်ႈတၢင်းဢၼ်ထူၺ်ႈၸႂ်ၶဝ်ႈထူၺ်ႈၸႂ်ဢွၵ်ႇဢိၵ်ႇတင်းၵႃႈမီးၵူႈၸိူဝ်ႉၵူႈပိူင်တီႈၵူၼ်းတင်းသဵင်ႈတင်းလူင်ၼၼ်ႉမၼ်းၸဝ်ႈဢမ်ႇလူဝ်ႇသေၸိူဝ်ႉသေပိူင်။

၂၆ မၼ်းၸဝ်ႈဢဝ်ၵူၼ်းၵေႃႉၼိုင်ႈလႄႈႁဵတ်းပဵၼ်ၵူၼ်းၵူႈၸိူဝ်ႉၵူႈၶိူဝ်းႁႂ်ႈလႆႈယူႇၵႃႈၼိူဝ်လိၼ်မိူင်းတင်းသဵင်ႈတင်းမူတ်းလႄႈမၵ်းၶၢၼ်းမၢတ်ႈမၢႆၶိင်ႇၵႃႇလႃႉပုၼ်ႈၶဝ်ဝႆႉယူႇဢေႃႈ။

၂၇ လွင်ႈမၼ်းၸမ်းၵူၼ်းႁဝ်းၼႆႉထုၵ်ႇလီသွၵ်ႈႁႃၽြႃးပဵၼ်ၸဝ်ႈလႄႈမီးလွင်ႈဢၼ်ၸၢင်ႊၶေးတၵ်းထူပ်းႁၼ်ယူႇဢေႃႈ။ၼႂ်းဝႃႈၼၼ်သေၵေႃႈၽြႃးပဵၼ်ၸဝ်ႈမီးၵႆၵၼ်တင်းၽူႈလႂ်ဢမ်ႇၸႂ်ႈ။

၂၈ ႁဵတ်းႁိုဝ်လႄႈဝႃႈၼႆၸမ်းႁဝ်းၼႆႉၵွပ်ႈပိူဝ်ႈမၼ်းၸဝ်ႈလႄႈဢသၢၵ်ႈလိပ်းယူႇ၊တူင်ႉၼိုင်ယူႇ၊ပဵၼ်ယူႇဢေႃႈ။ၼင်ႇၼၼ်လႄႈၼႂ်းသူၼႆႉသြႃႇလၢင်ႇၵႃႇၵမ်ႈၽွင်ႈၸၢပ်ႈလႄႈဝႃႈ၊-ႁဝ်းၵေႃႈပဵၼ်ၸိူဝ်ႉၶိူဝ်းၽြႃးဢေႃႈ၊ဝႃႈၼင်ႇၼႆဢေႃႈ။

၂၉ ပိူဝ်ႈဢၼ်ႁဝ်းၼႆႉပဵၼ်ၸိူဝ်ႉၶိူဝ်းၽြႃးပဵၼ်ၸဝ်ႈလႄႈႁဝ်းဢမ်ႇလီထၢင်ႇၽြႃးပဵၼ်ၸဝ်ႈမိူၼ်ၵၼ်တင်းရူၵ်ႉထူႉၶမ်း၊ရူၵ်ႉထူႉငိုၼ်း၊ရူၵ်ႉထူႉမၢၵ်ႇႁိၼ်၊ဢၼ်ၵူၼ်းႁဝ်းဢဝ်တင်းပိင်ႇၺႃႇၶႆႈၸႂ်ၸိၵ်ႉၵူးၵျၢမ်ႇပွင်ႈလႄႈတွင်ႈႁဵတ်းဢွၵ်ႇပဵၼ်မႃးဝႆႉၼၼ်ႉ။

၃၀ ပိူဝ်ႈၼႆလႄႈပဵၵ်ႉသမ်ႉၽြႃးပဵၼ်ၸဝ်ႈဢမ်ႇဝႆႉဢမူႉၶိင်ႇၵႃႇလႃႉဢၼ်မိူၵ်ႈလပ်းသိင်ႇၼၼ်ႉသေၵေႃႈတေႃႈလဵဝ်ၼႆႉမၼ်းၸဝ်ႈပိင်းၺၢပ်ႈဝႆႉတီႈၵူၼ်းၸိူဝ်းဢၼ်မီးၵူႈတီႈၵူႈလႅၼ်တင်းသဵင်ႈတင်းလူင်ၼၼ်ႉလႄႈဝႃႈ၊-ႁၼ်ဢပျႅတ်ႈတူဝ်ၸဝ်ႈၵဝ်ႇလႄႈၶုၵ်းၸႂ်လႆႈမႆႈၸႂ်တႃႉ၊ဝႃႈၼင်ႇၼႆဢေႃႈ။

၃၁ လွင်ႈမၼ်းၸမ်း၊မၼ်းၸဝ်ႈမၵ်းၶၢၼ်းမိူဝ်ႉဝၼ်းဢၼ်တၵ်းဢဝ်ၵေႃႉဢၼ်မၼ်းၸဝ်ႈၶၢၼ်းဝႆႉၼၼ်ႉႁႂ်ႈလႆႈၸီႇယၢင်ႇၵူၼ်းလေႃးၵီႇတင်းလၢႆၸွမ်းၼင်ႇတြႃးတၢင်းဢၼ်သိုဝ်ႈတေႃႇၼၼ်ႉဝႆႉယဝ်ႉ။ပိူဝ်ႈဢၼ်မၼ်းၸဝ်ႈႁႂ်ႈၵေႃႉၼၼ်ႉလုၵ်ႉၵႃႈတၢင်းတၢႆၶိုၼ်းလိပ်းလႄႈမၼ်းၸဝ်ႈၼႄပျႃးသၢၵ်ႈသေႇဢၼ်လီယုမ်ႇတီႈၵူၼ်းတင်းသဵင်ႈတင်းလူင်ယဝ်ႉ၊ဝႃႈၼႆပေႃးလုႁေႃးလၢတ်ႈဢေႃႈ။

၃၂ မိူဝ်ႈဢၼ်ၶဝ်ငိၼ်းလွင်ႈတၢင်းဢၼ်ၵူၼ်းတၢႆလုၵ်ႉၶိုၼ်းလိပ်းၼၼ်ႉၸိုင်ၶဝ်ၵမ်ႈၽွင်ႈၶူဝ်ဢေႃႈ။ၵမ်ႈၽွင်ႈဝႃႈ၊-ႁဝ်းတၵ်းထွမ်ႇလွင်ႈတီႈႁႅင်းၼႆႉထႅင်ႈလူးၵွၼ်ႇ၊ဝႃႈၼင်ႇၼႆဢေႃႈ။

၃၃ ၵူၺ်းၵႃႈမိူဝ်ႈဢၼ်ၶဝ်ဝႃႈၸိူဝ်ႉၼင်ႇၼႆၼၼ်ႉပေႃးလုဢွၵ်ႇသေၵႃႈၼႂ်းၶဝ်ၼၼ်ႉၵႂႃႇဢေႃႈ။

၃၄ ၵူၼ်းၵမ်ႈၽွင်ႈၸပ်းယူႇၵႃႈတီႈႁိမ်းပေႃးလုလႄႈႁွတ်ႈထိုင်တၢင်းဢၼ်ယုမ်ႇမၢတ်ႈဢေႃႈ။ဢၼ်ပႃးၵႃႈၼႂ်းၶဝ်ၼၼ်ႉၸမ်းပဵၼ်တယေႃႇၼုသိ၊ဢၼ်ပဵၼ်ၶုၼ်လွႆဢႃႇရေႇ၊ၵေႃႉၼိုင်ႈ၊မေႈယိင်းဢၼ်လႆႈၸိုဝ်တမႃႇရိၵေႃႉၼိုင်ႈ၊ဢိၵ်ႇတင်းၵူၼ်းတၢင်ႇၵေႃႉဢေႃႈ။