Shan Missions

လိၵ်ႈဢေႃးဝႃႇတႃႉရူဝ်းမ

Chapter   ၁       ၂       ၃       ၄       ၅       ၆       ၇       ၈       ၉       ၁၀       ၁၁       ၁၂       ၁၃       ၁၄       ၁၅       ၁၆     

၁၂ 

တၢင်းႁဵတ်းဢၼ်ၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈ

၁ ပီႈၼွင်ႉၶဝ်ဢိူၺ်း၊ထွၵ်ႈလူၺ်ႈၵရူႉၼႃႇၽြႃးပဵၼ်ၸဝ်ႈသေလႄႈၵဝ်တိုၵ်းယူင်းသူၼင်ႇႁိုဝ်သူတၵ်းႁဵတ်းတၢင်းဢၼ်ဢဝ်တူဝ်ၶိင်းသူသၢၵ်ႈၵၢပ်ႈၵႃႈတီႈၽြႃးပဵၼ်ၸဝ်ႈၸိူဝ်ႉၼင်ႇယိၸ်ႉဢၼ်ပုၵ်ႉၸေႃႇဢၼ်ဢသၢၵ်ႈလိပ်းမူတ်းၸၢင်ႇထုၵ်ႇၸႂ်ၽြႃးပဵၼ်ၸဝ်ႈၼၼ်ႉဢေႃႈ။ၼႆႉပဵၼ်ဝၢတ်ႈဢၼ်ၸၢပ်ႈသႅင်ႇၵၼ်တင်းဝိၺိၺ်ႇဢေႃႈ။ယႃႇပေၸပ်းၸွမ်းပုင်ႇႁၢင်ႊလေႃးၵီႇ။

၂ ၶိုၼ်းဝူၼ်ႉမႄးႁူဝ်ၸႂ်လႄႈလႅၵ်ႈလၢႆၶၢႆႉပုတ်ႉသေၵမ်း။လိုၼ်းၼၼ်ႉၸင်ႇတေလႆႈၸၢမ်းတူၺ်းလႄႈႁူႉလွင်ႈတၢင်းဢၼ်လီဢၼ်မျၢတ်ႈတၢင်းဢၼ်ထုၵ်ႇၸႂ်တၢင်းဢၼ်ၸေးၸုမ်ႇဢလူဝ်ႇၽြႃးပဵၼ်ၸဝ်ႈၼၼ်ႉဢေႃႈ။

တၢင်းႁဵတ်းဢၼ်ၸၢပ်ႈသႅင်ႇၵၼ်တင်းၸိူဝ်းၸဝ်ႈ

၃ ၼင်ႇႁိုဝ်သူတၵ်းဢမ်ႇထၢင်ႇတူဝ်ၸဝ်ႈၵဝ်ႇလိူဝ်တွၼ်းၼႃႇသေဢၼ်တူဝ်ၸဝ်ႈၵဝ်ႇထုၵ်ႇလီထၢင်ႇၼၼ်ႉလႄႈတူဝ်ၸဝ်ႈၵဝ်ႇတၵ်းထၢင်ႇမႅၼ်ႈၸွမ်းၵႃႈၼင်ႇဢၼ်ၽြႃးပဵၼ်ၸဝ်ႈမႅင်ႇပၼ်တၢင်းယုမ်ႇမၢတ်ႈတီႈၵူၼ်းၵူႈၵေႃႉႁင်းၽႂ်ႁင်းမၼ်းၼၼ်ႉၸိုင်ၵဝ်ဢိင်ပိုင်ႈၵျေးၸူးၸဝ်ႈဢၼ်ၵဝ်ႈလႆႈၶၢမ်ႇဢဝ်ၼၼ်ႉသေလႄႈသင်ႇလၢတ်ႈဝႆႉတီႈၶဝ်ၸိူဝ်းဢၼ်မီးယူႇၵႃႈၼႂ်းသူၵႃႈမီးတင်းသဵင်ႈတင်းလူင်ၼႆႉဢေႃႈ။

၄ ဢူႉပမႃႇၸမ်းၸိူဝ်ႉၼင်ႇတူဝ်ၶိင်းဢၼ်ၼိုင်ႈမီးဢင်ႇၵႃႇၼမ်ၼႃႇလႄႈဢင်ႇၵႃႇၸိူဝ်းၼၼ်ႉဢမ်ႇႁဵတ်းလွင်ႈတၢင်းဢၼ်ၼိုင်ႈၵူၺ်း။

၅ မိူၼ်ၼင်ႇၼၼ်ႁဝ်းဢၼ်ပဵၼ်ၵူၼ်းၼမ်ၼႃႇၼႆႉပဵၼ်တူဝ်ဢၼ်လဵဝ်ၼႂ်းၸဝ်ႈၶရိၸ်ႉလႄႈပဵၼ်ဢင်ႇၵႃႇၼင်ႇၵၼ်ၵၼ်ဢေႃႈ။

၆ ၸွမ်းၵႃႈၼင်ႇၵျေးၸူးမၼ်းၸဝ်ႈမီးၼိူဝ်ႁဝ်းၼၼ်ႉႁဝ်းမီးသူႉၵျေးၸူးဢၼ်ပႅၵ်ႇပိူင်ႈၵၼ်ႁင်းၽႂ်ႁင်းမၼ်းဢေႃႈ။ပေႃးမီးသူႉၵျေးၸူးပရေႃးၽႅတ်ႈၸိုင်ႁႂ်ႈမၼ်းႁဵတ်းပရေႃၽႅတ်ႈၸွမ်းၵႃႈၼင်ႇတၢင်းယုမ်ႇမၢတ်ႈမၼ်းၼၼ်ႉတႃႉ။

၇ ပေႃးမီးသူၵျေးၸူးဢၼ်ၸွႆႈထႅမ်ၸိုင်ႁႂ်ႈမၼ်းၸွႆႈထႅမ်တႃႉ။ပေႃးမီးသူႉၵျေးၸူးဢၼ်သင်ႇသွၼ်ၸိုင်ႁႂ်ႈမၼ်းသင်ႇသွၼ်တႃႉ။

၈ ပေႃးမီးသူႉၵျေးၸူးဢၼ်ပၼ်ဢဵၼ်ပၼ်ႁႅင်းၸိုင်ႁႂ်ႈမၼ်းပၼ်ဢဵၼ်ပၼ်ႁႅင်းတႃႉ။ပေႃးမီးသူႉၵျေးၸူးဢၼ်ၽေၸွၼ်းယိုၼ်မႅင်ႇၸိုင်ႁႂ်ႈမၼ်းပႃးၸႂ်ၸေႇတၼႃႇယႂ်ႇယႂ်ႇၼမ်ၼမ်လႄႈၽေၸွၼ်းယိုၼ်မႅင်ႇတႃႉ။ပေႃးမီးသူႉၵျေးၸူးဢၼ်ဢွၼ်ႁူဝ်ထူဝ်းတၢင်းၸိုင်ႁႂ်ႈမၼ်းဢွၼ်ႁူဝ်လီလီငၢမ်းငၢမ်းတႃႉ။ပေႃးမီးသူႉၵျေးၸူးဢၼ်ၼႄၵရူႉၼႃႇၸိုင်ႁႂ်ႈမၼ်းမီးၸႂ်ဢၼ်ၸူမ်းသိူဝ်းလႄႈၼႄၵရူႉၼႃႇတႃႉ။

တၢင်းႁဵတ်းဢၼ်ၸၢပ်ႈသႅင်ႇၵၼ်တင်းၵူၼ်း

၉ တၢင်းႁၵ်ႉမႅတ်ႈတႃႇၸမ်းၵၢင်းလွတ်ႈတင်းတၢင်းဢၼ်ထိမ်ႇဢၼ်မႅပ်းဢေႃႈ။လီႁင်ႈတၢင်းဢၼ်ႁၢႆႉဢၼ်မိူၵ်ႈတႃႉ။ၸပ်းၸွမ်းတၢင်းဢၼ်လီဢၼ်ငၢမ်းတႃႉ။

၁၀ ၼႂ်းတၢင်းဢၼ်ပီႈၼွင်ႉၵၼ်ႁၵ်ႉၵၼ်ၼၼ်ႉမၢတ်ႈပဵၼ်ၸိူဝ်ႉၼင်ႇၵေႃႉသေႈပၵတိသေလႄႈၵေႃႉၼိုင်ႈလႄႈၵေႃႉၼိုင်ႈၸူမ်းပႅင်းၵၼ်တႃႉ။ယွင်ႈယေႃးပိူၼ်ႈတၢင်ႇၵေႃႉလိူဝ်သေယွင်ႈတူဝ်ၸဝ်ႈၵဝ်ႇၼၼ်ႉတႃႉ။

၁၁ ၼႂ်းတၢင်းဢၼ်ၵႆႉၶတ်းႁဵတ်းၼၼ်ႉယႃႇပေမီးတၢင်းဢၼ်ၶၢၼ်ႉဢၼ်ဢိူၼ်။

၁၂ ၵႆႉၶတ်းလႄႈၸွမ်းဢလူဝ်ႇၽြႃးပဵၼ်ၸဝ်ႈတႃႉ။ၼႂ်းတၢင်းဢၼ်မုင်ႈထႃႈမွင်းထႃႈၼၼ်ႉသိူဝ်းပျေႃႇတႃႉ။ၼႂ်းတုၵ်ႉၶႃႉတၢင်းၽၢၼ်ၼၼ်ႉယိူၼ်ႉၶၢမ်ႇတႃႉ။ၼႂ်းတၢင်းဢၼ်ႁဵတ်းသူးတွင်းပထၼႃႇၼၼ်ႉႁဵတ်းတႃႇသေႇဢမ်ႇထၢတ်ႇတႃႉ။

၁၃ မိူဝ်ႈဢၼ်ၵူၼ်းမူတ်းၸၢင်ႇၸဝ်ႈၽြႃးမီးတၢင်းလူဝ်ႇၼၼ်ႉၽေးၸွၼ်းယိုၼ်ႈမႅင်ႇတႃႉ။

၁၄ ၶတ်းၸႂ်ႁဵတ်းဝၢတ်ႈၶႅၵ်ႇတႃႉ။သူင်ႇမႅတ်ႈတႃႇပၼ်ၶဝ်ၸိူဝ်းဢၼ်ၼိၵ်ႈၸၢၵ်ႈငႅၼ်းသေးသူၼၼ်ႉတႃႉ။

၁၅ ယႃႇပေၵိၼ်ႇပလေႃႇၶဝ်။သူင်ႇပၼ်မႅတ်ႈတႃႇတႃႉ။ၸူမ်းသိူဝ်းလူၺ်ႈၵၼ်တင်းၶဝ်ၸိူဝ်းဢၼ်ၸူမ်းသိူဝ်းၼၼ်ႉတႃႉ။ႁႆႈႁွင်ႉလူၺ်ႈၵၼ်တင်းၶဝ်ၸိူဝ်းဢၼ်ႁႆႈႁွင်ႉၼၼ်ႉတႃႉ။

၁၆ ၵေႃႉၼိုင်ႈလႄႈၵေႃႉၼိုင်ႈယူႇထုၵ်ႇထုၵ်ႇမေႃမေႃၵၼ်တႃႉ။ယႃႇပေမီးၸႂ်မႃႇၼႃႉပဵၼ်သုင်တေႃႇၵၼ်။ႁဵတ်းၵေႃႉႁဵတ်းသေႈလူၺ်ႈၵၼ်တင်းၶဝ်ၸိူဝ်းဢၼ်တူၵ်းတႅမ်ႇၼၼ်ႉတႃႉ။ယႃႇပေမၢတ်ႈတူဝ်ၸဝ်ႈၵဝ်ႇၶိူၵ်ႈၶမ်ႇၼႃႇသေပိူၼ်ႈ။

၁၇ ယႃႇပေဢဝ်ဢၼ်ၸႃႉတွပ်ႇတႅၼ်းဢၼ်ၸႃႉတေႃႇၽူႈလႂ်သေၵေႃႉသေၵူၼ်း။ဝႆႉသတိလႄႈႁဵတ်းတၢင်းဢၼ်မၢၼ်ႇဢၼ်မႅၼ်ႈၵႃႈတီႈၽၢႆႇၼႃႈၵူၼ်းတင်းသဵင်ႈတင်းလူင်တႃႉ။

၁၈ ပေႃးပဵၼ်လႆႈၸိုင်ၵႃႈၼင်ႇဢၼ်တတ်ႈၼိုင်ႇလႆႈၼၼ်ႉယူႇထုၵ်ႇမေႃၵၼ်တင်းၵူၼ်းတင်းသဵင်ႈတင်းလူင်တႃႉ။ၵေႃႉႁၵ်ႉၶဝ်ဢိူၺ်း၊ပေႃးပိူၼ်ႈၽိတ်းပိူင်ႈသူၸိုင်သူယႃႇပေၶိုၼ်းတွပ်ႇသူၺ်ႈ။ပၼ်ဢၶႂၢင်ႉတီႈတၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈတႃႉ။

၁၉ ၵျၢမ်းလိၵ်ႈမႃးလႄႈဝႃႈၸမ်း၊-ၵဝ်ပိူင်ႇၸီႇယၢင်ႇဢပျႅတ်ႈတြႃးဢေႃႈ။ၵဝ်တၵ်းၶိုၼ်းတွပ်ႇတႅၼ်းပၼ်ၵႃႈၼင်ႇဢၼ်ဢပျႅတ်ႈမီးၼၼ်ႉဢေႃႈ၊ဝႃႈၼႆထႃႇဝရႃႉၽြႃးမီးဢမိင်ႉဢေႃႈ။

၂၀ ပိူဝ်ႈၼႆလႄႈပေႃးရၢၼ်ႇသူႇမႂ်းဢိုပ်းယၢၵ်ႈၸိုင်လဵင်ႉလူမၼ်းတႃႉ။ပေႃးမၼ်းတွင်ႉမႆႈၼမ်ႉၸိုင်ပၼ်မၼ်းၵိၼ်တႃႉ။ပေႃးမႂ်းႁဵတ်းၸိူဝ်ႉၼင်ႇၼၼ်ၸိုင်၊မိူၼ်ၼင်ႇမႂ်းၵွင်ႊထၢၼ်ႇၽႆးဝႆႉၵႃႈၼိူဝ်ႁူဝ်မၼ်းၼၼ်ႉယဝ်ႉ။

၂၁ ယႃႇပေၶၢမ်ႇတၢင်းဢၼ်ႁၢႆႉဢၼ်မိူၵ်ႈပႄႉၼႅင်ႇသူ။ဢဝ်တၢင်းဢၼ်လီဢၼ်ငၢမ်းလႄႈပႄႉၼႅင်ႇတၢင်းဢၼ်ႁၢႆႉဢၼ်မိူၵ်ႈတႃႉ။