Shan Missions

ၵျၢမ်းငဝ်ႈၵမ်ႇၽႃႇ

၁   ၂   ၃   ၄   ၅   ၆   ၇   ၈   ၉   ၁၀   ၁၁   ၁၂   ၁၃   ၁၄   ၁၅   ၁၆   ၁၇   ၁၈   ၁၉   ၂၀   ၂၁   ၂၂   ၂၃   ၂၄   ၂၅   ၂၆   ၂၇   ၂၈   ၂၉

၃၀   ၃၁   ၃၂   ၃၃   ၃၄   ၃၅   ၃၆   ၃၇   ၃၈   ၃၉   ၄၀   ၄၁   ၄၂   ၄၃   ၄၄   ၄၅   ၄၆   ၄၇   ၄၈   ၄၉   ၅၀   

၂၂

ဢႃႇပြႁမ်ႇလႆႈၶၢမ်ႇတၢင်းဢၼ်ၸၢမ်းတူၺ်း

၁ ဝၢႆးၼၼ်ႉ ၽြႃးပဵၼ်ၸဝ်ႈၸၢမ်းတူၺ်း ဢႃႇပြႁမ်ႇလႄႈႁွင်ႉ ဢႃႇပြႁမ်ႇ လႄႈဝႃႈ၊-ဢႃႇပြႁမ်ႇ ဢိူၺ်း၊ဝႃႈၼင်ႇၼႆလႄႈ ဢႃႇပြႁမ်ႇ ၵေႃႈလဝ်ႈလၢတ်ႈလႄႈဝႃႈ၊-ၶႃႈၸဝ်ႈမီးယူႇတီႈၶႃႈဢေႃႈ၊ဝႃႈၼင်ႇၼႆဢေႃႈ။

၂ မၼ်းၸဝ်ႈၵေႃႈလၢတ်ႈလႄႈဝႃႈ၊-မႂ်းဢဝ်လုၵ်ႈၸၢႆးမႂ်းဢိၸၵ်ႉ ဢၼ်မႂ်းမီးၵေႃႉလဵဝ်ၵူၺ်း၊ ဢၼ်မႂ်းႁၵ်ႉၼႃႇၼၼ်ႉသေလႄႈၵွႃႇၵႃႈတီႈမိူင်း မေႃႇရိ ပုၼ်ႉတႃႉ။ ဢဝ်မၼ်းႁဵတ်းယိၸ်ႉဢၼ်တုတ်ႇၽႆးလႄႈ ပုၵ်ႉၸေႃႇၵႃႈၼိူဝ်လွႆ ဢၼ်ၵဝ်တၵ်းၼႄပၼ်တီႈမႂ်းၼၼ်ႉတႃႉ၊ဝႃႈၼင်ႇၼႆဢေႃႈ။

၃ ဢႃႇပြႁမ်ႇ ၵေႃႈလုၵ်ႉၶိင်ႇၵၢင်ၼႂ်ၸဝ်ႉၸဝ်ႉသေယဝ်ႉႁၢင်ႈၵွပ်မႃႉလီႈမၼ်းလႄႈ ႁွင်ႉဢဝ်ၵူၼ်းၸႂ်ႉၵူၼ်းသွႆမၼ်းသွင်ၵေႃႉဢိၵ်ႇတင်းလုၵ်ႈၸၢႆးမၼ်း ဢိၸၵ်ႉ ၼၼ်ႉသေယဝ်ႉ ၽႃႇၽိုၼ်း ပုၼ်ႈဢၼ်တၵ်းတုတ်ႇယိၸ်ႉယဝ်ႉၸင်ႇ လုၵ်ႉၵွႃႇၸူးၵႃႈတီႈဢၼ်ၽြႃးပဵၼ်ၸဝ်ႈမီး ဢမိင်ႉဝႆႉၼၼ်ႉဢေႃႈ။

၄ ၼႂ်းဝၼ်းဢၼ်ထူၼ်ႈထိုင်သၢမ်ဝၼ်းၼၼ်ႉဢႃႇပြႁမ်ႇ ယူႇတီႈဢၼ်ၵႆမုင်ႈတူၺ်းလႄႈလႆႈႁၼ် တီႈဢၼ်တၵ်းလႆႈပုၵ်ႉၸေႃႇၼၼ်ႉသေယဝ်ႉ၊ မၼ်းလၢတ်ႈတီႈၵူၼ်းၸႂ်ႉၵူၼ်းသွႆမၼ်း သွင်ၵေႃႉၼၼ်ႉ လႄႈဝႃႈ၊-

၅ သူပႂ်ႉယူႇၵႃႈတီႈၼႆႉလူၺ်ႈၵၼ်တင်းမႃႉလီႈတႃႉ။ ၵဝ်တင်းလုၵ်ႈၸၢႆးဢွၼ်ႇၵဝ်တၵ်းၵွႃႇၵႃႈတီႈပုၼ်ႉလႄႈႁဵတ်းတၢင်းဢၼ်ၵူဝ်း ၵွႃႇသေယဝ်ႉၸင်ႇတၵ်းၶိုၼ်းမႃးၵႃႈတီႈသူဢေႃႈ၊ ဝႃႈၼင်ႇၼႆဢေႃႈ။

၆ မိူဝ်ႈၼၼ်ႉ ဢႃႇပြႁမ်ႇ ဢဝ်ၽိုၼ်းဢၼ်တၵ်းတုတ်ႇယိၸ်ႉၼၼ်ႉတၢင်ႇသႂ်ႇၵႃႈၼိူဝ်လုၵ်ႈၸၢႆးမၼ်း ဢိၸၵ်ႉသေယဝ်ႉ၊မၼ်းယိပ်းၵမ်ၽႆးတင်းမိတ်ႈလႄႈ သွင်ၶႃ ၵွႃႇလူၺ်ႈၵၼ်ဢေႃႈ။

၇ ၵမ်းၼၼ်ႉ ဢိၸၵ်ႉ ႁွင်ႉ ဢႃႇပြႁမ်ႇ လႄႈဝႃႈ၊-ပေႃႈဢိူၺ်း၊ဝႃႈၼင်ႇၼႆလႄႈ ဢႃႇပြႁမ်ႇၵေႃႈဢိူဝ်ႈလႄႈဝႃႈ၊- လုၵ်ႈၸၢႆးၵဝ်ဢိူၺ်း။ ၵဝ်မီးယူႇဢေႃႈ၊ဝႃႈၼင်ႇၼႆဢေႃႈ။ ဢိၸၵ်ႉ ၵေႃႈဝႃႈ၊-တူၺ်းလူႊ၊ ၽႆးတင်းၽိုၼ်းၸိုင်၊ ႁဝ်းပႃးမႃးယူႇဢေႃႈ။သူဝ်းဢွၼ်ႇပုၼ်ႈဢၼ်တၵ်းတုတ်ႇယိၸ်ႉၼၼ်ႉမီးၵႃႈလႂ်၊ မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်၊

၈ ဢႃႇပြႁမ်ႇ ၵေႃႈလၢတ်ႈလႄႈဝႃႈ၊- လုၵ်ႈၸၢႆးၵဝ်ဢိူၺ်း။သူဝ်းဢွၼ်ႇ ပုၼ်ႈယိၸ်ႉဢၼ်တၵ်းတုတ်ႇၽႆးၼၼ်ႉၽြႃးပဵၼ်ၸဝ်ႈတၵ်းမႄးႁႅၼ်းဝႆႉယူႇဢေႃႈ၊ ဝႃႈၼင်ႇ ၼႆဢေႃႈ။

၉ ၼင်ႇၼၼ်လႄႈသွင်ၶႃၵွႃႇလူၺ်ႈၵၼ်ႁွတ်ႈထိုင်ၵႃႈတီႈဢၼ် ၽြႃးပဵၼ်ၸဝ်ႈမီးဢမိင်ႉဝႆႉၼၼ်ႉသေယဝ်ႉ၊ ဢႃႇပြႁမ်ႇ တႄႇႁဵတ်းယိၸ်ႉပလၢင်ႇ ၵႃႈတီႈၼၼ်ႉလႄႈ ဢဝ်ၽိုၼ်းသိူဝ်ႇယဝ်ႉၸင်ႇမၼ်းမတ်ႉၽုၵ်ႈလုၵ်ႈၸၢႆးမၼ်း ဢိၸၵ်ႉ သေယဝ်ႉ၊ တၢင်ႇၵႃႈၼိူဝ်ၽိုၼ်း ဢၼ်မီးၵႃႈၼိူဝ်ယိၸ်ႉပလၢင်ႇၼၼ်ႉဢေႃႈ။

၁၀ မၼ်းယိုၼ်းမိုဝ်းသေလႄႈ ယိပ်းၵမ်ဢဝ်မိတ်ႈႁႂ်ႈလႆႈဢဝ်လုၵ်ႈၸၢႆးမၼ်းတၢႆဢေႃႈ။

၁၁ မိူဝ်ႈၼၼ်ႉ တမၢၼ်ႇၵၢင်ႁၢဝ်ထႃႇဝရႃႉၽြႃး ယူႇၵႃႈၼိူဝ်ၵၢင်ႁၢဝ်ႁွင်ႉလႄႈဝႃႈ၊- ဢႃႇပြႁမ်ႇ ဢိူၺ်း။ဢႃႇပြႁမ်ႇ ဢိူၺ်း။ဝႃႈၼင်ႇၼႆဢေႃႈ။ ဢႃႇပြႁမ်ႇလဝ်ႈလၢတ်ႈဝႃႈ၊- ၵဝ်ၶႃႈမီးယူႇတီႈၶႃႈဢေႃႈ၊ ဝႃႈ ၼင်ႇၼႆသေယဝ်ႉ၊မၼ်းၸဝ်ႈလၢတ်ႈလႄႈဝႃႈ၊-

၁၂ ယႃႇပေတိူဝ်ႉပေထုၵ်ႇလုၵ်ႈၸၢႆးဢွၼ်ႇၼၼ်ႉ။ ယႃႇပေႁဵတ်းၵႃႈသင်တီႈမၼ်းလႃးလႃး။ တေႃႈလဵဝ်ၼႆႉၵဝ်ႁူႉလွင်ႈဢၼ်မႂ်းၵူဝ်ယမ်ၽြႃးပဵၼ်ၸဝ်ႈၼၼ်ႉဢေႃႈ။ လွင်ႈမၼ်းၸမ်း၊မႂ်းဢမ်ႇတွပ်ႇဢမ်ႇထဵင် တၢင်းဢၼ်ၵဝ်ယွၼ်းဢဝ်လုၵ်ႈၸၢႆးမႂ်း ဢၼ်မီးၵေႃႉလဵဝ်ၵူၺ်းတီႈမႂ်း ၼၼ်ႉ၊ဝႃႈၼင်ႇၼႆဢေႃႈ။

၁၃ မိူဝ်ႈၼၼ်ႉ ဢႃႇပြႁမ်ႇ မုင်ႈတူၺ်းလႄႈ ႁၼ်သူဝ်းပေႃႈတူဝ်ၼိုင်ႈ ဢၼ်ၶမ်ယူႇၵႃႈၼႂ်းယုမ်းၵႃႈတီႈၽၢႆႇလင်မၼ်းၼၼ်ႉဢေႃႈ။ ဢႃႇပြႁမ်ႇ ၵွႃႇတီႉဢဝ်သူဝ်းပေႃႈၼၼ်ႉသေလႄႈႁဵတ်းယိၸ်ႉပုၼ်ႈဢၼ်တၵ်းတုတ်ႇၽႆးပုၵ်ႉၸေႃႇ တၢင်တူဝ် လုၵ်ႈ ၸၢႆးမၼ်းဢေႃႈ။

၁၄ တီႈၼၼ်ႉၸိုင်၊ ဢႃႇပြႁမ်ႇႁွင်ႉႁိၵ်ႈၸိုဝ်ႈဝႃႈ ယေႇႁေႃႇဝႃႇယိရေႇ ဢေႃႈ။ မႅၼ်ႈၼင်ႇၼၼ်လႄႈၶဝ်ယၢမ်ႈၵႆႉဝႃႈ၊-မၼ်းၸဝ်ႈတၵ်းမႄးႁႅၼ်းဝႆႉၵႃႈၼိူဝ်လွႆထႃႇဝရႃႉၽြႃးၼၼ်ႉဢေႃႈ၊ ဝႃႈၼင်ႇၼႆယူႇ တေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။

၁၅ ဝၢႆးၼၼ်ႉ တမၢၼ်ႇၵၢင်ႁၢဝ်ထႃႇဝရႃႉၽြႃး သမ်ႉယူႇၵႃႈၼိူဝ်ၵၢင်ႁၢဝ်လႄႈႁွင်ႉဢႃႇပြႁမ်ႇ လႄႈဝႃႈ၊-

၁၆ ၵဝ်တိူင်ႇတူဝ်ၸဝ်ႈၵဝ်ႇဝႃႈ၊- ၵွပ်ႈပိူဝ်ႈဢၼ်မႂ်းဢမ်ႇတွပ်ႇဢမ်ႇထဵင်လွင်ႈလုၵ်ႈၸၢႆးမႂ်း ဢၼ်မီးတီႈမႂ်းၵေႃႉလဵဝ်ၵူၺ်းၼၼ်ႉလႄႈ ႁဵတ်းလွင်ႈတၢင်းၼႆႉတီႈၵဝ်ၼၼ်ႉလႄႈ ၵဝ်တၵ်းပၼ်တၢင်းလီတီႈမႂ်းသေႇသေႇဢေႃႈ။

၁၇ ၸိူဝ်ႉၶိူဝ်းမႂ်းၵေႃႈ ၵဝ်တၵ်းႁႂ်ႈယႂ်ႇၽႄႈၼမ်ၵိုၼ်းမႃးယူႇသေႇသေႇ မိူၼ်ၸိူဝ်ႉၼင်ႇလၢဝ်ႈၵၢင်ႁၢဝ်ဢိၵ်ႇတင်းမိူၼ်ၸိူဝ်ႉၼင်ႇ မဵတ်ႉႁိၼ်မဵတ်ႉသၢႆးၼမ်ႉသမ်ႇမုၵ်ႉတြႃႇၼၼ်ႉဢေႃႈ။ ၸိူဝ်ႉၶိူဝ်းမႂ်းတၵ်းလႆႈဢုပ်ႉပိူင်ႇၽၵ်းတူ ဝဵင်းရၢၼ်ႇသူႇမၼ်းတၢင်းလၢႆဢေႃႈ။

၁၈ ၵႃႈၼႂ်းၸိူဝ်ႉၶိူဝ်းမႂ်းၼႆႉ ၵူၼ်းမဵဝ်းတင်းသဵင်ႈတင်းလူင် တၵ်းလႆႈၶၢမ်ႇတၢင်း လီမင်ႇၵလႃႇဢေႃႈ၊ ဝႃႈၼင်ႇၼႆဢေႃႈ။

၁၉ မိူဝ်ႈၼၼ်ႉ ဢႃႇပြႁမ်ႇ ၶိုၼ်းမႃးၸူးၵႃႈတီႈဢၼ်ၵူၼ်းၸႂ်ႉၵူၼ်းသွႆမၼ်းမီးၼၼ်ႉလႄႈၶဝ်ဢွၼ်ၵၼ်လုၵ်ႉလႄႈၵွႃႇလူၺ်ႈၵၼ်ၸူးၵႃႈတီႈ ပေႇရသေႇၽ ဢေႃႈ။ဢႃႇပြႁမ်ႇ ယူႇၵႃႈတီႈ ပေႇၵရသေႇၽ ၼၼ်ႉဢေႃႈ။

 လုၵ်ႈၸၢႆးၼႃႇႁေႃႇ

၂၀ ဝၢႆးၼၼ်ႉ ၵႂၢမ်းသတၢင်းသဵင်ၶၢဝ်ႇဢၼ် ဢႃႇပြႁမ်ႇလႆႈငိၼ်းၸမ်း၊ မိလၶႃႇ ၵိူတ်ႇလဵင်ႉလုၵ်ႈလၢင်းတီႈ ပီႈၸၢႆးမႂ်းၼႃႇၶေႃႇၼၼ်ႉယဝ်ႉ။

၂၁ လုၵ်ႈၸၢႆးၵေႃႉယႂ်ႇဢုၸ တင်းၼွင်ႉၸၢႆးမၼ်း ပုၸ၊ ၵေႇမူၺ်ႇလ ဢၼ်ပဵၼ်ပေႃႈ ဢႃႇရၢမ်ႇ၊ ၶေႇသိတ်ႉ၊ ႁႃႇၸေႃႇ၊ ပိလတႃႇ သ၊ယိတလၢပ်ႉ၊

၂၂ ပေႇသူၺ်ႇလ၊ ဢၼ်ပဵၼ်လုၵ်ႈၸၢႆးပႅတ်ႈ ၵေႃႉဢၼ် မိလၶႃႇ ၵိူတ်ႇလဵင်ႉတီႈ ၼႃႇၶေႃႇ၊ပီႈၸၢႆး ဢႃႇပြႁမ်ႇ ၼၼ်ႉဢေႃႈ။ ပေႇသူၺ်ႇလ ၸမ်း ပဵၼ်ပေႃႈ ရေႇပိၵ်ႉၵ ဢေႃႈ။

၂၃ မေးၼွႆႉ ၼႃႇၶေႃႇ ဢၼ်လႆႈၸိုဝ် ရုမႃႇ ၼၼ်ႉၵေႃႈ ၵိူတ်ႇလဵင်ႉ လုၵ်ႈၸၢႆးတေႇၽၵႃႇႁမ်ႇ၊တႁႃႇသ၊မႃႇၶႃႇ ၸိူဝ်းၼၼ်ႉဢေႃႈ။