Mar 8

ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆

၈

ၸဝ်ႈယေႇသုလဵင်ႉလူၵူၼ်းသီႇႁဵင်

၁ မိူဝ်ႈၼၼ်ႉပိူဝ်ႈဢၼ်ၵူၼ်းဢၼ်ၸူႉဢၼ်တုမ်ၸိူဝ်းၼၼ်ႉမီးၼမ်ၼႃႇလူင်လၢင်လႄႈဢမ်ႇမီးတၢင်းၵိၼ်တၢင်းၶူပ်းၼၼ်ႉၸိုင်မၼ်းၸဝ်ႈႁွင်ႉဢဝ်တပႄးၸဝ်ႈၸိူဝ်းၼၼ်ႉမႃးလႄႈလၢတ်ႈဝႃႈ၊-

၂ ၵဝ်ဢိတ်းလူၵူၼ်းၸူႉၵူၼ်းတုမ်ၸိူဝ်းၼႆႉဢိူဝ်ႈ။ ၶဝ်မီးယူႇလူၺ်ႈၵၼ်တင်းၵဝ်မီးသၢမ်ဝၼ်းတဵမ်တဵမ်ယဝ်ႉ။

၃ ၶဝ်ဢမ်ႇမီးတၢင်းၵိၼ်ၵႃႈသင်သေဢိတ်း။ ၵမ်ႈၽွင်ႈလုၵ်ႉသေၵႃႈတီႈဢၼ်ၵႆမႃးလႄႈၸူဝ်ႈဢၼ်ၶဝ်ဢမ်ႇပႆႇလႆႈၵိၼ်တၢင်းၵိၼ်ၼၼ်ႉၵဝ်ဢမ်ႇၶႂ်ႈႁႂ်ႈၶဝ်မိူဝ်းၵႂႃႇ။ ၶဝ်တၵ်းႁိူဝ်ႉတၵ်းဢူၼ်ႈၵႃႈၼႂ်းၵၢင်တၢင်းဢေႃႈ၊ဝႃႈၼင်ႇၼႆဢေႃႈ။

၄ တပႄးၸဝ်ႈတင်းလၢႆၵေႃႈၶိုၼ်းလဝ်ႈလၢတ်ႈလႄႈဝႃႈ၊-ၵႃႈၼႂ်းထိူၼ်ႇၼႆႉတၵ်းလႆႈတၢင်းၵိၼ်ၵႃႈတီႈလႂ်မႃးႁႂ်ႈၵူၼ်းၸိူဝ်းၼႆႉပေႃးတေလႆႈၵိၼ်ဢိမ်ႇၵိၼ်တဵမ်ၼၼ်ႉၶႃႈ၊မိူဝ်ႈဢၼ်ဝႃႈၼင်ႇၼႆၸိုင်မၼ်းၸဝ်ႈၵေႃႈထၢမ်လႄႈဝႃႈ၊-

၅ သူမီးၶဝ်ႈမုၼ်းလၢႆႁူၺ်ႇ၊ဝႃႈၼင်ႇၼႆလႄႈၶဝ်ၵေႃႈၶိုၼ်းလဝ်ႈလၢတ်ႈလႄႈဝႃႈ၊-မီးၶဝ်ႈမုၼ်းၸဵတ်းႁူၺ်ႇၶႃႈဢေႃႈ၊ဝႃႈၼင်ႇၼႆဢေႃႈ။

၆ မိူဝ်ႈၼၼ်ႉမၼ်းၸဝ်ႈမီးဢမိင်ႉႁႂ်ႈၵူၼ်းၸူႉၵူၼ်းတုမ်ၸိူဝ်းၼၼ်ႉၼင်ႈယူႇၵႃႈၼိူဝ်လိၼ်ဢေႃႈ။ မၼ်းၸဝ်ႈဢဝ်ၶဝ်ႈမုၼ်းၸဵတ်းႁူၺ်ႇၼၼ်ႉသေလႄႈယွင်ႈယေႃးၵျေးၸူးၸဝ်ႈယဝ်ႉၸင်ႇမိတ်းၶဝ်ႈမုၼ်းပၼ်တီႈတပႄးၸဝ်ႈတင်းလၢႆႁႂ်ႈၶဝ်သႂ်ႇတမ်းပၼ်ၵႃႈတီႈၽၢႆႇၼႃႈၵူၼ်းၸိူဝ်းၼၼ်ႉဢေႃႈ။

၇ တပႄးၸဝ်ႈၸိူဝ်းၼၼ်ႉၵေႃႈဢဝ်သႂ်ႇတမ်းပၼ်ၵႃႈတီႈၽၢႆႇၼႃႈၵူၼ်းၸူႉၵူၼ်းတုမ်ၸိူဝ်းၼၼ်ႉဢေႃႈ။ တူဝ်ပႃဢွၼ်ႇၵေႃႈၶဝ်မီးဢိတ်းၼိုင်ႈလႄႈမၼ်းၸဝ်ႈယွင်ႈယေႃးၵျေးၸူးၸဝ်ႈယဝ်ႉၸင်ႇမီးဢမိင်ႉႁႂ်ႈသႂ်ႇတမ်းပၼ်ၵႃႈတီႈၽၢႆႇၼႃႈၵူၼ်းၸိူဝ်းၼၼ်ႉဢေႃႈ။

၈ ၶဝ်ၼၼ်ႉဢွၼ်ၵၼ်ၵိၼ်ဢိမ်ႇယဝ်ႉၸင်ႇၵဵပ်းသိမ်းဢဝ်ဢၼ်ၵိုတ်းဢၼ်ၵျၢၼ်ႇဢၼ်ႁၵ်းဢၼ်ႁိၵ်းၸိူဝ်းၼၼ်ႉတင်းသဵင်ႈလႆႈၸဵတ်းပဵတ်ႈဢေႃႈ။

၉ ၵူၼ်းၸိူဝ်းဢၼ်ၵိၼ်ၼၼ်ႉမီးသီႇႁဵင်ၸမ်ၸမ်ဢေႃႈ။

၁၀ မၼ်းၸဝ်ႈႁႂ်ႈၶဝ်မိူဝ်းယဝ်ႉၸင်ႇၶဝ်ႈၵႃႈၼႂ်းႁိူဝ်းလူၺ်ႈၵၼ်တင်းတပႄးမၼ်းၸဝ်ႈၸိူဝ်းၼၼ်ႉသေယဝ်ႉႁွတ်ႈထိုင်ၵႃႈတီႈဝၢၼ်ႈၼွၵ်ႈၼႃးပၢင်ႇဝဵင်းတႃႇလမၼုထ

ပုၼ်ႉဢေႃႈ။

၁၁ မိူဝ်ႈၼၼ်ႉၽႃႇရိသေးတင်းလၢႆဢွၵ်ႇမႃးလႄႈတွင်ႈထၢမ်ထဵင်ၵၼ်တင်းမၼ်းၸဝ်ႈသေလႄႈယွၼ်းၼီႉမိၵ်ႈလၵ်ႈၶၼႃႇဢၼ်ပဵၼ်မႃးၵႃႈၼိူဝ်ၽႃႉၵၢင်ႁၢဝ်ႁႂ်ႈလႆႈၸၢမ်းတူၺ်းယႃႉယူၵ်ႉမၼ်းၸဝ်ႈဢေႃႈ။

၁၂ မၼ်းၸဝ်ႈထူၺ်ႈၸႂ်ယႂ်ႇၼႂ်းႁူဝ်ၸႂ်သေလႄႈလၢတ်ႈဝႃႈ၊-ႁဵတ်းႁိုဝ်လႄႈၵူၼ်းမဵဝ်းၼႆႉယွၼ်းၼီႉမိၵ်ႈလၵ်ႈၶၼႃႇၸိုဝ်ႉၼင်ႇႁိုဝ်။ ၵဝ်ဝႃႈတီႈၸိုဝ်ႈတီႈၸႂ်ႈၸမ်းဢမ်ႇလႆႈၼႄပျႃးၼီႉမိၵ်ႈလၵ်ႈၶၼႃႇတီႈၵူၼ်းမဵဝ်းၼႆႉ၊ဝႃႈၼင်ႇၼႆသေယဝ်ႉ၊

၁၃ ဢွၵ်ႇသေၵႃႈၼႂ်းတီႈဢၼ်ၶဝ်မီးၼၼ်ႉၵႂႃႇလႄႈသမ်ႉၶိုၼ်းၶဝ်ႈၵႃႈၼိူဝ်ႁိူဝ်းယဝ်ႉၸင်ႇၶိုၼ်းမိူဝ်းၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉဢေႃႈ။

ၸိူဝ်ႉပႅင်ႈၽႃႇရိသေး

၁၄ တပႄးၸဝ်ႈတင်းလၢႆလိုမ်းပႃးဢဝ်ၶဝ်ႈမုၼ်းၵႂႃႇလႄႈၵႃႈၼိူဝ်ႁိူဝ်းၼၼ်ႉၶဝ်မီးၶဝ်ႈမုၼ်းႁူၺ်ႇၼိုင်ႈၵူၺ်းဢေႃႈ။

၁၅ မၼ်းၸဝ်ႈၵေႃႈပိင်းၺၢပ်ႈလႄႈဝႃႈ၊-ႁဵတ်းသတိလႄႈဝေႈပႅတ်ႈၸိူဝ်ႉပႅင်ႈၽႃႇရိသေးတင်းလၢႆဢိၵ်ႇတင်းၸိူဝ်ႉပႅင်ႈႁေႇရုတ်ႉၼၼ်ႉတႃႉ၊ဝႃႈၼင်ႇၼႆဢေႃႈ။

၁၆ ၶဝ်ၵေႃႈၵေႃႉၼိုင်ႈလႄႈၵေႃႉၼိုင်ႈတွင်ႈထၢမ်လၢတ်ႈၸႃၵၼ်လႄႈဝႃႈ၊-ပိူဝ်ႈဢၼ်ႁဝ်းဢမ်ႇပႃးၶဝ်ႈမုၼ်းမႃးလႄႈမၼ်းၸဝ်ႈၸင်ႇဝႃႈၸိူဝ်ႉၼႆယဝ်ႉ၊ဝႃႈၼင်ႇ

ၼႆဢေႃႈ။

၁၇ ၸဝ်ႈယေႇသုႁူႉသေယဝ်ႉလၢတ်ႈလႄႈဝႃႈ၊-ႁဵတ်းသင်လႄႈၵေႃႉၼိုင်ႈလႄႈၵေႃႉၼိုင်ႈတွင်ႈထၢမ်လၢတ်ႈၸႃၵၼ်ၵွပ်ႈပိူဝ်ႈဢၼ်ဢမ်ႇပႃးၶဝ်ႈမုၼ်းမႃးၼၼ်ႉ။ တေႃႇထိုင်ႁွတ်ႈမိူဝ်ႈလဵဝ်ၼႆႉသူယင်းဢမ်ႇပႆႇဢဝ်သႂ်ႇၸႂ်လႄႈႁူႉလူးၵွၼ်ႇႁိုဝ်။ ႁူဝ်ၸႂ်သူယင်းၵႅၼ်ႇၶႅင်ယူႇလူးၵွၼ်ႇႁိုဝ်။

၁၈ မီးတႃသေၵေႃႈဢမ်ႇႁၼ်ႁိုဝ်။ မီးႁူသေၵေႃႈဢမ်ႇငိၼ်းႁိုဝ်။ ဢမ်ႇၶုၵ်းၸႂ်လႆႈၶႆႈၸႂ်ထူပ်းလႄႈယူႇလူးၵွၼ်ႇႁိုဝ်။

၁၉ မိူဝ်ႈဢၼ်ၵဝ်ဢဝ်ၶဝ်ႈမုၼ်းႁႃႈႁူၺ်ႇမိတ်းပၼ်တီႈၵူၼ်းႁႃႈႁဵင်ၼၼ်ႉသူၵဵပ်းသိမ်းဢဝ်ဢၼ်ႁၵ်းဢၼ်ႁိၵ်းမၼ်းလႆႈလၢႆပဵတ်ႈ၊ဝႃႈၼင်ႇၼႆလႄႈၶဝ်ၵေႃႈလဝ်ႈလၢတ်ႈလႄႈဝႃႈ၊-လႆႈသိပ်းသွင်ပဵတ်ႈၶႃႈဢေႃႈ၊ဝႃႈၼင်ႇၼႆဢေႃႈ။

၂၀ မၼ်းၸဝ်ႈၵေႃႈသမ်ႉထၢမ်ထႅင်ႈလႄႈဝႃႈ၊-မိူဝ်ႈဢၼ်ၵဝ်ဢဝ်ၶဝ်ႈမုၼ်းၸဵတ်းႁူၺ်ႇမိတ်းပၼ်တီႈၵူၼ်းသီႇႁဵင်ၼၼ်ႉသူၵဵပ်းသိမ်းဢဝ်ဢၼ်ႁၵ်းဢၼ်ႁိၵ်းမၼ်းလႆႈလၢႆပဵတ်ႈ၊ဝႃႈၼင်ႇၼႆလႄႈၶဝ်ၵေႃႈလဝ်ႈလၢတ်ႈလႄႈဝႃႈ၊-လႆႈၸဵတ်းပဵတ်ႈၶႃႈဢေႃႈ၊ဝႃႈၼင်ႇၼႆဢေႃႈ။

၂၁ မၼ်းၸဝ်ႈၵေႃႈလၢတ်ႈလႄႈဝႃႈ၊-ပေႃးပဵၼ်ၸိူဝ်ႉၼင်ႇၼၼ်ၸိုင်ႁဵတ်းသင်လႄႈသူယင်းဢမ်ႇႁူႉလႄႈယူႇၸိူဝ်ႉၼႆ၊ဝႃႈၼင်ႇၼႆဢေႃႈ။

ၵူၼ်းတႃမွတ်ႇႁၢႆၶႅၼ်း

၂၂ ၶဝ်ၼၼ်ႉႁွတ်ႈထိုင်ၵႃႈတီႈဝဵင်းပိတ်ႉၸေႇတပုၼ်ႉသေယဝ်ႉပိူၼ်ႈဢဝ်ၵူၼ်းတႃမွတ်ႇၵေႃႉၼိုင်ႈမႃးၵႃႈတီႈမၼ်းၸဝ်ႈလႄႈတွင်းပၢၼ်ႇႁႂ်ႈမၼ်းၸဝ်ႈတိူဝ်ႉၵေႃႉၼၼ်ႉဢေႃႈ။

၂၃ မၼ်းၸဝ်ႈၸုင်ဢဝ်မိုဝ်းၵူၼ်းတႃမွတ်ႇၼၼ်ႉဢွၵ်ႇၵႂႃႇၵႃႈၼွၵ်ႈဝဵင်းယဝ်ႉၸင်ႇထုမ်ႇၼမ်ႉလၢႆးသႂ်ႇတႃမၼ်းလႄႈဢဝ်မိုဝ်းမၼ်းၸဝ်ႈတၢင်ႇၵႃႈၼိူဝ်မၼ်းသေယဝ်ႉထၢမ်ဝႃႈ၊ၸွင်ႇမႂ်းႁၼ်သေၸိူဝ်ႉသေပိူင်ႁိုဝ်၊ဝႃႈၼင်ႇၼႆဢေႃႈ။

၂၄ ၵေႃႉၼၼ်ႉၵေႃႈမုင်ႈတူၺ်းသေလႄႈလဝ်ႈလၢတ်ႈဝႃႈ၊-ၵဝ်ၶႃႈႁၼ်ၵူၼ်းတင်းလၢႆၶႃႈဢေႃႈ။ ၵဝ်ၶႃႈႁၼ်ၵူၼ်းၸိူဝ်းၼၼ်ႉပဵၼ်ၸိူဝ်ႉၼင်ႇတူၼ်ႈမႆႉလႄႈပႆတၢင်းၵႂႃႇယူႇၶႃႈဢေႃႈ၊ဝႃႈၼင်ႇၼႆဢေႃႈ။

၂၅ လိုၼ်းၼၼ်ႉမၼ်းၸဝ်ႈဢဝ်မိုဝ်းတၢင်ႇၵႃႈၼိူဝ်မၢၵ်ႇတႃမၼ်းယဝ်ႉၸင်ႇမၼ်းၼၼ်ႉႁၼ်မႃးၸႅင်ႈၸႅင်ႈလႅင်းလႅင်းလႄႈပဵၼ်ၸိူဝ်ႉၼင်ႇပၵ်းၵဝ်ႇပိူင်ၵဝ်ႇယူႇသေလႄႈလႆႈႁၼ်တင်းသဵင်ႈတင်းလူင်လီလီငၢမ်းငၢမ်းဢေႃႈ။

၂၆ မၼ်းၸဝ်ႈၵေႃႈႁႂ်ႈမၼ်းၵႂႃႇၵႃႈတီႈႁိူၼ်းမၼ်းသေလႄႈသင်ႇလၢတ်ႈဝႃႈ၊-ယႃႇပေၶဝ်ႈၵႃႈၼႂ်းဝၢၼ်ႈပုၼ်ႉ။ ယႃႇပလေၢတ်ႈတီႈၽူႈလႂ်သေၵေႃႉသေၵူၼ်းၵႃႈၼႂ်းဝၢၼ်ႈၼၼ်ႉ၊ဝႃႈၼင်ႇၼႆဢေႃႈ။

ပေႇတရုယိုၼ်ၸဝ်ႈယေႇသုပဵၼ်ၸဝ်ႈၶရိၸ်ႉ

၂၇ ၼႂ်းမိူဝ်ႈဢၼ်ၸဝ်ႈယေႇသုဢိၵ်ႇတင်းတပႄးၸဝ်ႈတင်းလၢႆၵႂႃႇၵႃႈတီႈဝၢၼ်ႈၼွၵ်ႈၼႃးပၢင်ႇဝဵင်းၵေႇသရိၽိလိပ်ႉပုယူႇၼၼ်ႉၸိုင်မၼ်းၸဝ်ႈထၢမ်တီႈတပႄးမၼ်းၸဝ်ႈၸိူဝ်းၼၼ်ႉလႄႈဝႃႈ၊-ၵူၼ်းတင်းလၢႆဝႃႈၵဝ်ပဵၼ်ၽူႈလႂ်၊ဝႃႈၼင်ႇၼႆလႄႈၶဝ်ၵေႃႈလဝ်ႈလၢတ်ႈလႄႈဝႃႈ၊-

၂၈ ၵမ်ႈၽွင်ႈဝႃႈၸဝ်ႈႁဝ်းပဵၼ်ယုဝ်းႁၢၼ်ႇဢၼ်ပၼ်ပပ်ႉတိၸၢမ်ႇၼၼ်ႉၶႃႈဢေႃႈ။ ၵမ်ႈၽွင်ႈသမ်ႉဝႃႈပဵၼ်ဢေးလိယ၊ဝႃႈၼႆၶႃႈဢေႃႈ။ ၵမ်ႈၽွင်ႈသမ်ႉဝႃႈပဵၼ်ပရေႃးၽႅတ်ႈသပေႃးပႃးၶႃႈဢေႃႈ၊ဝႃႈၼင်ႇၼႆဢေႃႈ။

၂၉ မၼ်းၸဝ်ႈသမ်ႉထၢမ်လႄႈဝႃႈ၊-သူသမ်ႉဝႃႈၵဝ်ပဵၼ်ၽူႈလႂ်၊မိူဝ်ႈဢၼ်ဝႃႈၼင်ႇၼႆၸိုင်ပေႇတရုၵေႃႈလဝ်ႈလၢတ်ႈလႄႈဝႃႈ၊-ၸဝ်ႈႁဝ်းပဵၼ်ၸဝ်ႈၶရိၸ်ႉ

ၶႃႈဢေႃႈ၊ဝႃႈၼင်ႇၼႆဢေႃႈ။

၃၀ ၼင်ႇႁိုဝ်တၵ်းဢမ်ႇမွၵ်ႇလၢတ်ႈလွင်ႈမၼ်းၸဝ်ႈတီႈၽူႈလႂ်သေၵေႃႉသေၵူၼ်းၼၼ်ႉမၼ်းၸဝ်ႈပိင်းၺၢပ်ႈဝႆႉတီႈတပႄးၸဝ်ႈၸိူဝ်းၼၼ်ႉဢေႃႈ။

ၸဝ်ႈယေႇသုပျႃႇတိၵ်ႈဝႆႉလွင်ႈတၵ်းၶၢမ်ႇတၢင်းတၢႆ

၃၁ လိူဝ်သေၼၼ်ႉမၼ်းၸဝ်ႈၸႃႉၼႄပျႃးလွင်ႈဢၼ်လုၵ်ႈၵူၼ်းတၵ်းလႆႈၶၢမ်ႇၼမ်ၼႃႇလူင်လၢင်၊လွင်ႈဢၼ်တၵ်းလႆႈၶၢမ်ႇတၢင်းဢၼ်ပႄႇပႅတ်ႈၵႃႈၼႂ်းၵူၼ်းဢၼ်ပဵၼ်ၵႄႇပဵၼ်ႁူဝ်ယိတ်ႉပရေႃးႁိၵ်ႈလူင်တင်းၵူၼ်းထုတ်ႇၵျၢမ်းတင်းလၢႆလွင်ႈဢၼ်တၵ်းလႆႈၶၢမ်ႇတၢင်းတၢႆလွင်ႈတၢင်းဢၼ်တၵ်းလုၵ်ႉၶိုၼ်းလိပ်းၼႂ်းဝၼ်းဢၼ်ထူၼ်ႈထိုင်သၢမ်ဝၼ်းၼၼ်ႉ၊တီႈတပႄးၸဝ်ႈၸိူဝ်းၼၼ်ႉဢေႃႈ။

၃၂ မၼ်းၸဝ်ႈလၢတ်ႈၵႂၢမ်းၼၼ်ႉလႅင်းလႅင်းဢေႃႈ။ ပေႇတရုႁွင်ႉဢဝ်မၼ်းၸဝ်ႈၵႂႃႇႁူမ်ႈၵၼ်တင်းမၼ်းလႄႈလၢတ်ႈၵႂၢမ်းတၢင်ႇဢပျႅတ်ႈၼိူဝ်မၼ်းၸဝ်ႈဢေႃႈ။

၃၃ မၼ်းၸဝ်ႈဝၢႆႇၼႃႈတူၺ်းတပႄးၸဝ်ႈတင်းလၢႆသေလႄႈသင်ႇသွၼ်သုင်းမႃႉပၼ်တီႈပေႇတရုလႄႈဝႃႈ၊-ၸႃႇတၢၼ်ႇမႃႇၼၢတ်ႈဢိူၺ်း။ သုတ်ႉပႃႈလင်ၵဝ်တႃႉ။ ၸႂ်မႂ်းဢမ်ႇၸပ်းဢမ်ႇၸွႆးလွင်ႈတၢင်းဢၼ်ၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈ။ ၸႂ်ၸပ်းၸႂ်ၸွႆးလွင်ႈတၢင်းဢၼ်ၸၢပ်ႈသႅင်ႇၵၼ်တင်းၵူၼ်းၼၼ်ႉၵူၺ်းဢေႃႈ၊ဝႃႈၼင်ႇၼႆဢေႃႈ။

၃၄ ၵမ်းၼၼ်ႉမၼ်းၸဝ်ႈႁွင်ႉဢဝ်ပရိၵ်ႈသၢတ်ႈဢိၵ်ႇတင်းတပႄးၸဝ်ႈတင်းလၢႆယဝ်ႉၸင်ႇလၢတ်ႈလႄႈဝႃႈ၊-ၽူႈလႂ်သေဢမ်ႇဝႃႈၵေႃႉဢၼ်မီးဢလူဝ်ႇၶႂ်ႈၸွမ်းမႃးပႃႈလင်

ၵဝ်ၼၼ်ႉႁႂ်ႈၵေႃႉၼၼ်ႉပႄႇပႅတ်ႈတူဝ်ၸဝ်ႈၵဝ်ႇသေလႄႈႁၢပ်ႇဢဝ်သဝ်လၵ်းဝႃးမိုဝ်းတူဝ်ၸဝ်ႈၵဝ်ႇသေယဝ်ႉၸွမ်းပႃႈလင်ၵဝ်တႃႉ။

၃၅ လွင်ႈမၼ်းၸမ်းၽူႈလႂ်သေဢမ်ႇဝႃႈၵေႃႉဢၼ်မီးဢလူဝ်ႇၶႂ်ႈၵႄႇသႄႇဢဝ်တူဝ်

ၸဝ်ႈၵဝ်ႇၼၼ်ႉၵေႃႉၼၼ်ႉတၵ်းသုမ်းဢသၢၵ်ႈဢေႃႈ။ ၽူႈလႂ်သေဢမ်ႇဝႃႈၵေႃႉဢၼ်သုမ်းဢသၢၵ်ႈၵွပ်ႈပိူဝ်ႈၵဝ်ဢိၵ်ႇတင်းၵွပ်ႈပိူဝ်တြႃးသတၢင်းသိူဝ်းပျေႃႇၼၼ်ႉၵေႃႉၼၼ်ႉတၵ်းၵႄႇသႄႇဢဝ်ဢသၢၵ်ႈတူဝ်ၸဝ်ႈၵဝ်ႇဢေႃႈ။

၃၆ ၵူၼ်းသေၵေႃႉသေၵူၼ်းပဵၵ်ႉသမ်ႉလႆႈဢုပ်ႉပိူင်ႇလေႃးၵႃႉၼႆႉတင်းသဵင်ႈတင်းလူင်သေၵေႃႈပေႃးသုမ်းဝိၺိၺ်ႇတူဝ်ၸဝ်ႈၵဝ်ႇၸိုင်တၵ်းမီးဢၵျူဝ်းၵႃႈသင်။

၃၇ ၵေႃႉၼၼ်ႉတၵ်းဢဝ်ဢုၵ်ႉၸႃႇဢၼ်လႂ်သေလႄႈထူတ်ႇဢဝ်ဝိၺိၺ်ႇတူဝ်ၸဝ်ႈၵဝ်ႇလႆႈ။

၃၈ ၽူႈလႂ်သေဢမ်ႇဝႃႈၵေႃႉဢၼ်ဢူၵ်းဢၢႆၵွပ်ႈပိူဝ်ႈၵဝ်ဢိၵ်ႇတင်းၵွပ်ႈပိူဝ်ႈၵႂၢမ်းၵဝ်ၵႃႈၼႂ်းၵူၼ်းမဵဝ်းဢၼ်ႁၢႆႉဢၼ်မိူၵ်ႈလႄႈလဵၼ်ႈၽူဝ်ဢွၼ်ႇၼၼ်ႉၵေႃႉၼၼ်ႉလုၵ်ႈၵူၼ်းတၵ်း

ဢူၵ်းဢၢႆမၼ်းမိူဝ်ႈဢၼ်မၼ်းၸဝ်ႈပႃးတင်းမူၼ်ၽုင်းဢႃႇၼူႉၽေႃႇပေႃႈၸဝ်ႈဢိၵ်ႇတင်းတမၢၼ်ႇၵၢင်ႁၢဝ်ဢၼ်မူတ်းၸၢင်ႇတင်းလၢႆလႄႈၵျွႃးလူင်းမႃးၼၼ်ႉဢေႃႈ။

ထမ်ႇမ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ