Shan Missions

       ၵျၢမ်းငဝ်ႈၵမ်ႇၽႃႇ

၁   ၂   ၃   ၄   ၅   ၆   ၇   ၈   ၉   ၁၀   ၁၁   ၁၂   ၁၃   ၁၄   ၁၅   ၁၆   ၁၇   ၁၈   ၁၉   ၂၀   ၂၁   ၂၂   ၂၃   ၂၄   ၂၅   ၂၆   ၂၇   ၂၈   ၂၉

၃၀   ၃၁   ၃၂   ၃၃   ၃၄   ၃၅   ၃၆   ၃၇   ၃၈   ၃၉   ၄၀   ၄၁   ၄၂   ၄၃   ၄၄   ၄၅   ၄၆   ၄၇   ၄၈   ၄၉   ၅၀   
 

၂၈

၁ မိူဝ်ႈၼၼ်ႉ ဢိၸၵ်ႉ ႁွင်ႉႇဢဝ် ယႃႇၵုပ်ႉ လႄႈပၼ်တၢင်းလီသေယဝ်ႉသင်ႇလၢတ်ႈလႄႈဝႃႈ၊- မႂ်းဢမ်ႇလႆႈဢဝ်မေးၵႃႈၼႂ်းလုၵ်ႈယိင်းၸိူဝ်ႉၶိူဝ်း ၶႃႇၼၢၼ်ႇ ၼႆႉ။

၂ လုၵ်ႉလႄႈၵွႃႇၸူးၵႃႈတီႈ ပႃႇတၢၼ်ႇဢႃႇရၢမ်ႇ၊ တီႈဢၼ်ပူႇမႂ်း ပေႇသူၺ်ႇလ ယူႇၼၼ်ႉတႃႉ။ ဢဝ်မေးၵႃႈၼႂ်းလုၵ်ႈယိင်းလုင်းမႂ်း လႃႇပၢၼ်ႇၼၼ်ႉသေၵေႃႉ ၵေႃႉတႃႉ။

၃ ႁႂ်ႈၽြႃးပဵၼ်ၸဝ်ႈ၊ၸဝ်ႈဢၼၼ်ႇတႃႉတၼ်းၶူဝ်းပၼ်တၢင်းလီတီႈမႂ်းလႄႈ ႁႂ်ႈမႂ်းၵိူတ်ႇလဵင်ႉလုၵ်ႈလဵင်ႉလၢင်းလႄႈယႂ်ႇၽႄႈၼမ်ၵိုၼ်း၊ ႁႂ်ႈမႂ်းလႆႈပဵၼ်တီႈၸူႉ တီႈတုမ်မဵဝ်းၵူၼ်းၼမ်ၼႃႇသေၵမ်းလူၺ်ႈ။

၄ လွင်ႈၼင်ႇႁိုဝ်မႂ်းတၵ်းလႆႈၶၢမ်ႇဢမူၺ်ႇ မိူင်းတီႈဢၼ်မႂ်းပဵၼ်ၶႅၵ်ႇယူႇတေႃႈလဵဝ် ဢၼ်ၽြႃးပဵၼ်ၸဝ်ႈပၼ်တီႈ ဢႃႇပြႁမ်ႇ ၼၼ်ႉၸိုင်၊ႁႂ်ႈမၼ်းၸဝ်ႈပၼ်တၢင်းလီမင်ႇၵလႃႇတီႈမႂ်းဢိၵ်ႇတင်းတီႈၸိူဝ်ႉၶိူဝ်းမႂ်းသေၵမ်းလူၺ်ႈ၊ ဝႃႈ ၼင်ႇၼႆဢေႃႈ။

၅ ၼင်ႇၼၼ်လႄႈဢိၸၵ်ႉပွႆႇ ယႃႇၵုပ်ႉၵွႃႇသေဢေႃႈ။မၼ်းၵေႃႈၵွႃႇၸူးၵႃႈတီႈ ပႃႇတၢၼ်ႇဢႃႇရၢမ်ႇ တီႈယူႇ လႃႇပၢၼ်ႇလုၵ်ႈၸၢႆး ပေႇသုၺ်ႇလၵူၼ်းသုရိ ပီႈၸၢႆးရေႇပိၵ်ႉၵမေႈယႃႇၵုပ်ႉတင်းဢေးသေႃးၼၼ်ႉဢေႃႈ။

၆ ဢေးသေႃး ႁူႉႁၼ်လွင်ႈဢၼ် ဢိၸၵ်ႉ ပၼ်တၢင်းလီတီႈ ယႃႇၵုပ်ႉ ၸိူဝ်ႉၼင်ႇၼၼ်သေယဝ်ႉပွႆႇမၼ်းၵွႃႇၸူးၵႃႈတီႈ ပႃႇတၢၼ်ႇဢႃႇရၢမ်ႇ ႁႂ်ႈလႆႈဢဝ်မေးၵႃႈတီႈၼၼ်ႉဢိၵ်ႇတင်း လွင်ႈဢၼ်သင်ႇလၢတ်ႈဝႆႉတီႈမၼ်းၼႂ်းမိူဝ်ႈဢၼ် ပၼ်တၢင်းလီယူႇၼၼ်ႉလႄႈဝႃႈ၊-ဢမ်ႇလႆႈဢဝ်မေး ၵႃႈၼႂ်းလုၵ်ႈယိင်းၵူၼ်းၸိူဝ်ႉၶိူဝ်း ၶႃႇၼၼ်ႇ၊ ဝႃႈၼင်ႇၼႆၼၼ်ႉ

၇ တင်းလွင်ႈဢၼ် ယႃႇၵုပ်ႉထွမ်ႇဢဝ်ၵႂၢမ်းပေႃႈၵႂၢမ်း မေႈလႄႈ ၵွႃႇၸူးၵႃႈတီႈ ပႃႇတၢၼ်ႇဢႃႇရၢမ်ႇ ၼၼ်ႉတင်းလွင်ႈဢၼ်လုၵ်ႈယိင်းၸိူဝ်ႉၶိူဝ်း ၶႃႇၼၢၼ်ႇ

၈ ဢမ်ႇထုၵ်ႇတႃပေႃႈမၼ်း ဢိၸၵ်ႉၼၼ်ႉသေယဝ်ႉ ဢေးသေႃး ၵွႃႇၸူးၵႃႈတီႈဢိသမေႇလလႄႈ

၉ ၼွၵ်ႈသေမေးဢၼ်ဢဝ်ဢွၼ်တၢင်းၸိူဝ်းၼၼ်ႉမၼ်းသမ်ႉဢဝ်မႁႃႇလတ်ႉ ဢၼ်ပဵၼ် ၼွင်ႉယိင်းၼပႃႇယုတ်ႉ လုၵ်ႈယိင်း ဢိသမေႇလ ဢၼ်ပဵၼ်လုၵ်ႈၸၢႆး ဢႃႇပြႁမ်ႇ ၼၼ်ႉထႅင်ႈဢေႃႈ။

 တၢင်းၼွၼ်းၽၼ်ယႃႇၵုပ်ႉတီႈပေႇသလ

၁၀ ယႃႇၵုပ်ႉ ဢွၵ်ႇသေၵႃႈၼႂ်းဝဵင်း ပေႇရသေႇၽ လႄႈၼႂ်းမိူဝ်ႈဢၼ်ယင်းတိုၵ်ႉၸွမ်းတၢင်း ၵွႃႇၸူးၵႃႈတီႈမိူင်းၶႃႇရၢၼ်ႇ ယူႇၼၼ်ႉၸိုင်ႁွတ်ႈထိုင်တီႈၼိုင်ႈလႄႈ

၁၁ ပိူဝ်ႈဢၼ်ၵၢင်ဝၼ်းၶမ်ႈၵွႃႇယဝ်ႉၼၼ်ႉ မၼ်းမီးတၢင်းၵျၢမ်ႇတၢင်းပွင်ၶႂ်ႈႁႂ်ႈပူၼ်ႉၶိုၼ်းၵႃႈတီႈၼၼ်ႉလႄႈ ဢဝ်မၢၵ်ႇႁိၼ်ၵႃႈတီႈၼၼ်ႉႁဵတ်းမွၼ်ႁူဝ်သေလႄႈ ၼွၼ်း ဢေႃႈ။

၁၂ တၢင်းဢၼ်မၼ်းၼွၼ်းၽၼ်ႁၼ်ၸမ်း၊ ၶူဝ်လႆပုၵ်းတင်ႈယူႇၵႃႈၼိူဝ်လိၼ်မိူင်းၼႆႉလႄႈ ပၢႆမၼ်းၶိုတ်းထိုင်ၵႃႈတီႈၼိူဝ်ၽႃႉၵၢင်ႁၢဝ်ဢေႃႈ။တမၢၼ်ႇၵၢင်ႁၢဝ်ၽြႃးပဵၼ်ၸဝ်ႈတင်းလၢႆၵေႃႈ ၶိုၼ်ႈၶိုၼ်ႈလူင်း လူင်းယူႇၵႃႈၼိူဝ်ၶူဝ်လႆၼၼ်ႉဢေႃႈ။

၁၃ ထႃႇဝရႃႉၽြႃးၸုၵ်းယူႇၵႃႈၼိူဝ်ႈၶူဝ်လႆႈၼၼ်ႉသေလႄႈဝႃႈ၊-ၵဝ်ပဵၼ်ထႃႇဝရႃႉၽြႃးဢၼ်ဝႃႈၽြႃး ဢႃႇပြႁမ်ႇ၊ ၽြႃးဢိၸၵ်ႉၼၼ်ႉဢေႃႈ။ ၵဝ်တၵ်းပၼ်လိၼ်ဢၼ်မႂ်းၼွၼ်းယူႇၼႆႉတီႈမႂ်းဢိၵ်ႇတင်းၸိူဝ်ႉၶိူဝ်းမႂ်းဢေႃႈ။

၁၄ ၸိူဝ်ႉၶိူဝ်းမႂ်းတၵ်းယႂ်ႇၽႄႈၼမ်ၵိုၼ်းမႃး မိူၼ်ၸိူဝ်ႉၼင်ႇမုၼ်ႈလိၼ်ဢေႃႈ။တၵ်းၸွတ်ႇတူဝ်ႈၵွႃႇ ၽၢႆႇတၢင်းတူၵ်းၽၢႆႇတၢင်းဢွၵ်ႇၽၢႆႇတၢင်းႁွင်ႇ ၽၢႆႇတၢင်းၸၢၼ်း သီႇၼႃႈသီႇၽၢႆႇဢေႃႈ။ ၵႃႈၼႂ်းမႂ်းဢိၵ်ႇတင်းၸိူဝ်ႉၶိူဝ်းမႂ်းၼၼ်ႉၵူၼ်းမဵဝ်းတင်းသဵင်ႈတင်းလူင်တၵ်းလႆႈၶၢမ်ႇ တၢင်းလီမင်ႇ ၵလႃႇဢေႃႈ။

၁၅ ၵဝ်မီးယူႇလူၺ်ႈၵၼ်တင်းမႂ်းဢေႃႈ။ၵဝ်တၵ်းၸွမ်းပႂ်ႉမႂ်းယူႇ ၼႂ်းတၢင်းဢၼ်မႂ်းၵွႃႇၵူႈတီႈၵူႈလႅၼ်ၼၼ်ႉလႄႈ သမ်ႉဢဝ်မႂ်းၶိုၼ်းမႃးၸူးၵႃႈတီႈမိူင်းၼႆႉလူးၵွၼ်ႇဢေႃႈ။ၸူဝ်ႈဢၼ်ၵဝ်ဢမ်ႇပႆႇႁဵတ်းၸွမ်းၵႃႈၼင်ႇဢၼ်ၵဝ်လၢတ်ႈဝႆႉတီႈမႂ်းၼၼ်ႉၸိုင် ၵဝ်တၵ်း ဢမ်ႇပႅတ်ႈမႂ်းဝႆႉၵူၺ်း၊ဝႃႈၼင်ႇၼႆဢေႃႈ။

၁၆ ယႃႇၵုပ်ႉၼၼ်ႉတိုၼ်ႇမႃး ၵႃႈၼႂ်းတၢင်းဢၼ်မၼ်းၼွၼ်းၽၼ်ၼၼ်ႉသေယဝ်ႉလၢတ်ႈဝႃႈ၊-ထႃႇဝရႃႉၽြႃးမီးယူႇၵႃႈတီႈၼႆႉဢမၢၼ်ႇၶၼ်ပဵၼ်ဢေႃႈ။ၵဝ်ဢမ်ႇႁူႉလွင်ႈဢၼ်မၼ်းၸဝ်ႈမီးၼၼ်ႉဝႃႈၼင်ႇၼႆလႄႈ ႁွတ်ႈထိုင်တၢင်းဢၼ် တူၵ်းၸႂ်ၵူဝ်ႁႄၼႃလူင်လၢင်သေလႄႈဝႃႈ၊-

၁၇ ၵႃႈတီႈၼႆႉၸမ်း ပဵၼ်တီႈဢၼ်လီၵူဝ်လီႁႄၼႃႇလူင်လၢင်တႄႉတႄႉလူင်ပေႇ။ၵႃႈတီႈၼႆႉၸမ်း၊ပဵၼ်ၸိူဝ်ႉၼင်ႇတၢင်ႇတီႈတၢင်ႇလႅၼ်ဢမ်ႇၸႂ်ႈ၊ပဵၼ်ပိၵ်ႉမၢၼ်ႇၽြႃးပဵၼ်ၸဝ်ႈ၊ပဵၼ်ၽၵ်းတူၵၢင်ႁၢဝ်လူင်ပေႇ၊ ဝႃႈၼင်ႇၼႆဢေႃႈ။

၁၈ ၶိင်ႇၵၢင်ၼႂ်ၸဝ်ႉၸဝ်ႉ ယႃႇၵုပ်ႉ လုၵ်ႉလႄႈဢဝ်မၢၵ်ႇႁိၼ်ဢၼ်မၼ်းမွၼ်ႁူဝ်ၼၼ်ႉ ပူၵ်းတင်ႈဝႆႉႁႂ်ႈပဵၼ်သဝ်တီႈမၢတ်ႈတီႈတွင်းသေယဝ်ႉ ဢဝ်ၼမ်ႉမၼ်းထွၵ်ႇသႂ်ႇ ၵႃႈၼိူဝ်ပၢႆမၼ်းဢေႃႈ။

၁၉ တီႈၼၼ်ႉၸိုင်မၼ်းႁွင်ႉႁိၵ်ႈၸိုဝ်ဝႃႈ ပေႇသလဢေႃႈ။ၸိုဝ်ႈၵဝ်ႇသဵင်ၵဝ်ႇဝဵင်းၼၼ်ႉ ၸမ်းႁွင်ႉႁိၵ်ႈၸိုဝ်ႈ လုၸ ဢေႃႈ။

၂၀ မိူဝ်ႈၼၼ်ႉ ယႃႇၵုပ်ႉႁဵတ်းသႅတ်ႉၸႃႇၵတိလႄႈဝႃႈ၊-ပေႃးၽြႃးပဵၼ်ၸဝ်ႈတၵ်းမီးယူႇလူၺ်ႈၵၼ်တင်းၵဝ် ပေႃးမၼ်းၸဝ်ႈတၵ်းၸွမ်းပႂ်ႉၵဝ်ၼႂ်းတၢင်းဢၼ်ၵဝ်ၵွႃႇ ၵူႈတီႈၵူႈလႅၼ်ၼၼ်ႉ လႄႈ

၂၁ ပၼ်တၢင်းၵိၼ်တၢင်းၶူပ်းပုၼ်ႈဢၼ်တၵ်းၵိၼ်တၵ်းၶူပ်းဢိၵ်ႇတင်းၶူဝ်းၼုင်ႈတၢင်းမႆႊပုၼ်ႈဢၼ်တၵ်းၼုင်ႈတၵ်းမႆႊ ပေႃးၵဝ်သမ်ႉလႆႈၶိုၼ်းႁွတ်ႈထိုင်ၵႃႈတီႈႁိူၼ်းပေႃႈၵဝ် ၼိမ်ၼိမ်လီလီထႅင်ႈၸိုင် ၵမ်း ၼၼ်ႉ ထႃႇဝရႃႉၽြႃးတၵ်းလႆႈပဵၼ်ၽြႃးၵဝ်လႄႈမၢၵ်ႇႁိၼ်ဢၼ်ၵဝ်ပူၵ်းတင်ႈဝႆႉႁႂ်ႈပဵၼ်သဝ် တီႈမၢတ်ႈတီႈတွင်းၼႆႉၵေႃႈတၵ်းလႆႈပဵၼ် ပိၵ်ႉမၢၼ်ႇၽြႃးပဵၼ်ၸဝ်ႈဢေႃႈ။ ၂၂ တၵ်းဢဝ်ၼႂ်းၵႃႈဢၼ်ၸဝ်ႈႁဝ်းဢိတ်းလူပၼ်ၼၼ်ႉ သိပ်းပုၼ်ႊပုၼ်ႊၼိုင်ႈပုၵ်ႉၸေႃႇတီႈၸဝ်ႈႁဝ်းတီႈၶႃႈဢေႃႈ၊ဝႃႈၼင်ႇၼႆဢေႃႈ။