လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁ ၂ ၁၃ ၁၄ ၁၅ ၁၆
၉
လွင်ႈတၢင်းလွတ်ႈလႅဝ်းၵူၼ်းယုမ်ႇမၢတ်ႈ
၁ ၵဝ်ပဵၼ်ၵူၼ်းလွတ်ႈလႅဝ်းဢမ်ႇၸႂ်ႈႁိုဝ်။ၵဝ်ပဵၼ်တမၢၼ်ႇၸဝ်ႈဢမ်ႇၸႂ်ႈႁိုဝ်။ၵဝ်လႆႈႁၼ်ၸဝ်ႈယေႇသုၶရိၸ်ႉယဝ်ႉဢမ်ႇၸႂ်ႈႁိုဝ်။သူပဵၼ်တၢင်းလႆႈဢၼ်ၵဝ်ႁဵတ်းၼႂ်းၸဝ်ႈၽြႃးၼၼ်ႉဢမ်ႇၸႂ်ႈႁိုဝ်။
၂ ပဵၵ်ႉသမ်ႉၵဝ်ယင်းဢမ်ႇပဵၼ်တမၢၼ်ႇၸဝ်ႈတီႈပိူၼ်ႈတၢင်ႇၵေႃႉသေၵေႃႈၵဝ်ပဵၼ်တမၢၼ်ႇၸဝ်ႈတီႈသူဢမၢၼ်ႇၶၼ်ပဵၼ်ဢေႃႈ။
၃ လွင်ႈမၼ်းၸမ်းသူပဵၼ်တၼ်းသိၵ်ႈၵဝ်ဢၼ်ပဵၼ်သၢၵ်ႈသေႇဝႃႈၵဝ်ပဵၼ်တမၢၼ်ႇၸဝ်ႈၼၼ်ႉဢေႃႈ။
၄ ၼႆႉပဵၼ်တၢင်းဢၼ်ႁႄႉၶႅၼ်ၵဝ်ၼႂ်းလွင်ႈတၢင်းဢၼ်ၶဝ်ၸႅတ်ႈထၢမ်ၸႅတ်ႈတူၺ်းၵဝ်ၼၼ်ႉဢေႃႈ။ၸွင်ႇႁဝ်းဢမ်ႇမီးဢၶႂၢင်ႉတၵ်းလႆႈၵိၼ်ၶူပ်းႁိုဝ်။
၅ ၼႂ်းမိူဝ်ႈဢၼ်ႁဝ်းတေႇသႃႉၸႃႇရီႇလႄႇလဵပ်ႈၵႂႃႇယူႇၼၼ်ႉၸိုင်ၸွင်ႇႁဝ်းဢမ်ႇမီးဢၶႂၢင်ႉႁွင်ႉပႃးၵေႃႉဢၼ်ပဵၼ်မေးမိူၼ်ၸိူဝ်ႉၼင်ႇတမၢၼ်ႇၸဝ်ႈၶဝ်၊ၼွင်ႉၸဝ်ႈၽြႃးၶဝ်တင်းၵေႇၽၶဝ်ႁဵတ်းၼၼ်ႉႁိုဝ်။
၆ ၸွင်ႇၵဝ်တင်းပႃႇၼပၵူၺ်းတၵ်းလႆႈႁဵတ်းၵၢၼ်လဵင်ႉတွင်ႉႁိုဝ်။
၇ ၵူၼ်းသိုၵ်းၵေႃႉလႂ်ဢဝ်ၸရိပ်ႈတူဝ်ၸဝ်ႈၵဝ်ႇလႄႈထၢမ်းသိုၵ်း။ၽူႈလႂ်ၽုၵ်ႇသူၼ်ဢူးယဵၼ်ႇလႄႈဢမ်ႇၵိၼ်မၢၵ်ႇမၼ်း။
၈ ၽူႈလႂ်လဵင်ႉသူဝ်းလႄႈဢမ်ႇၵိၼ်ၼမ်ႉၼူမ်းမၼ်း။ၸွမ်းလူၺ်ႈသၽေႃးၵူၼ်းလႄႈၵဝ်ဝႃႈၸိူဝ်ႉၼင်ႇၼႆႁိုဝ်။ပိင်းၺၢပ်ႈတြႃးၵေႃႈဝႃႈၸိူဝ်ႉၼင်ႇၼႆယူႇဢမ်ႇၸႂ်ႈႁိုဝ်။
၉ ဢၼ်မႃးၼႂ်းၵျၢမ်းပိင်းၺၢပ်ႈတိမုဝ်းသေႇလႄႈဝႃႈၸမ်းတေဢမ်ႇလႆႈမတ်ႉသူပ်းဝူဝ်းဢၼ်ယဵပ်ႇၶဝ်ႈၼူတ်ႈၶဝ်ႈၼၼ်ႉဝႃႈၼင်ႇၼႆဢေႃႈ။
၁၀ ၽြႃးပဵၼ်ၸဝ်ႈၶႆႈၸႂ်ပုၼ်ႈဝူဝ်းၼၼ်ႉၵူၺ်းႁိုဝ်။မၼ်းၸဝ်ႈပိင်းၺၢပ်ႈၸိူဝ်ႉၼင်ႇၼႆပုၼ်ႈႁဝ်းဢမ်ႇၸႂ်ႈႁိုဝ်။ၵေႃႉဢၼ်ထႆၼႃးၵေႃႉဢၼ်ယဵပ်ႇၶဝ်ႈမီးတၢင်းဢၼ်မုင်ႈထႃႈမွင်းထႃႈတေလႆႈမႅင်ႇဢဝ်ၶဝ်ႈၵၼ်လႄႈႁဵတ်းဢေႃႈ။
၁၁ ပေႃးႁဝ်းၽုၵ်ႇမဵတ်ႉတြႃးၼႂ်းသူလႄႈသမ်ႉပၢတ်ႇဢဝ်မၢၵ်ႇတြႃးၼႂ်းသူၸိုင်ၸွင်ႇပဵၼ်ဢၼ်ၼမ်ၼႃႇၽႅဝ်ႁိုဝ်။ပေႃးပိူၼ်ႈတၢင်ႇၵေႃႉယင်းလႆႈဢၶႂၢင်ႉမႅင်ႇဢဝ်တီႈသူၸိုင်ႁဝ်းယဵင်ႈၶႅၼ်းမီးဢၶႂၢင်ႉဢမ်ႇၸႂ်ႈႁိုဝ်။
၁၂ ၼႂ်းဝႃႈၼၼ်သေၵေႃႈႁဝ်းဢမ်ႇသုင်းတိုဝ်းဢၶႂၢင်ႉၼၼ်ႉလႄႈႁဵတ်းႁႂ်ႈပဵၼ်တၢင်းဢၼ်ႁႄႉၶႅၼ်တြႃးသတၢင်းသိူဝ်းပျေႃႇၸဝ်ႈၶရိၸ်ႉႁဝ်းယိူၼ်ႉၶၢမ်ႇၼႂ်းလွင်ႈတၢင်းၵူႈၸိူဝ်ႉၵူႈပိူင်ဢေႃႈ။
၁၃ ၸွင်ႇသူဢမ်ႇႁူႉလွင်ႈဢၼ်ၶဝ်ၸိူဝ်းဢၼ်ႁဵတ်းၵၢၼ်ၼႂ်းပိၵ်ႉမၢၼ်ႇၸဝ်ႈၼၼ်ႉလႆႈဢိင်ပိၵ်ႉမၢၼ်ႇၸဝ်ႈလႄႈၵိၼ်၊ၶဝ်ၸိူဝ်းဢၼ်ႁဵတ်းၵၢၼ်တီႈယိၸ်ႉပလၢင်ႇၼၼ်ႉလႆႈဢိင်ယိၸ်ႉပလၢင်ႇလႄႈၵိၼ်ၼၼ်ႉႁိုဝ်။
၁၄ မိူၼ်ၼင်ႇၼၼ်ၶဝ်ၸိူဝ်းဢၼ်ႁေႃးလၢတ်ႈတြႃးသတၢင်းသိူဝ်းပျေႃႇၼၼ်ႉတၵ်းလႆႈဢိင်တြႃးသတၢင်းသိူဝ်းပျေႃႇလႄႈလဵင်ႉဢသၢၵ်ႈဢေႃႈ၊ဝႃႈၼႆၸဝ်ႈၽြႃးပိင်းၺၢပ်ႈဝႆႉဢေႃႈ။
လႆႈသုမ်းတၢင်းလွတ်ႈလႅဝ်း
၁၅ ၼႂ်းဝႃႈၼၼ်သေၵေႃႈၵဝ်ဢမ်ႇသုင်းတိုဝ်းဢၶႂၢင်ႉၼၼ်ႉလႃးလႃး။ၵဝ်တႅမ်ႈၵႂၢမ်းၼႆႉႁႂ်ႈသူလႆႈႁဵတ်းတီႈၵဝ်ၸိူဝ်ႉၼင်ႇၼၼ်ဢမ်ႇၸႂ်ႈ။လွင်ႈမၼ်းၸမ်းတၢင်းဢၼ်ၵဝ်တၢႆၼၼ်ႉယဵင်ႈၶႅၼ်းလီသေတၢင်းဢၼ်လႆႈၶၢမ်ႇပိူၼ်ႈယႃႉဢၶႂၢင်ႉတၢင်းဢၼ်ၵဝ်လႆႈဢုပ်ႇဝၢဝ်းၼႆႉဢေႃႈ။
၁၆ မိူဝ်ႈဢၼ်ၵဝ်ႁေႃးလၢတ်ႈတြႃးသတၢင်းသိူဝ်းပျေႃႇၼၼ်ႉၵဝ်ဢမ်ႇလႆႈဢုပ်ႇဝၢဝ်း။လွင်ႈမၼ်းၸမ်းၵဝ်လႆႈၶၢမ်ႇတၢင်းဢၼ်ပွႆႇၸႂ်ႉမႃးႁႂ်ႈလႆႈႁေႃးလၢတ်ႈဢေႃႈ။ပေႃးၵဝ်ဢမ်ႇႁေႃးလၢတ်ႈလႄႈယူႇၸိုင်ၵဝ်မီးဢႃႉမင်ႇၵလႃႇဢေႃႈ။
၁၇ ပိူဝ်ႈၼႆလႄႈပေႃးၵဝ်ႁေႃးလၢတ်ႈလၢႆလၢႆၸိုင်ၵဝ်လႆႈသူးလၢပ်ႈဢေႃႈ။ပေႃးဢမ်ႇႁေႃးလၢတ်ႈလၢႆလၢႆၸိုင်ၵဝ်ပဵၼ်ၵေႃႉဢၼ်ႁဵတ်းသၢင်ႈၸွမ်းၼင်ႇပုၼ်ႈၽွၼ်းၵူၺ်းဢေႃႈ။
၁၈ ပိူဝ်ႈၼႆလႄႈဢၵျူဝ်းၵဝ်ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းမိူဝ်ႈဢၼ်ၵဝ်ႁေႃးလၢတ်ႈတြႃးသတၢင်းသိူဝ်းပျေႃႇလၢႆလၢႆၼၼ်ႉၵဝ်ဢမ်ႇသုင်းတိုဝ်းဢၶႂၢင်ႉဢၼ်ၵဝ်မီးၼႂ်းတၢင်းဢၼ်ၵဝ်ႁေႃးလၢတ်ႈၼၼ်ႉ။ၵဝ်ဢမ်ႇႁႂ်ႈၶဝ်ၸိူဝ်းဢၼ်လႆႈထွမ်ႇဢဝ်တြႃးသတၢင်းသိူဝ်းပျေႃႇၼၼ်ႉ၁၉ လႆႈပၼ်ၵႃႊၶၼ်မၼ်း။
၁၉ ၼႆႉပဵၼ်ဢၵျူဝ်းၵဝ်ဢေႃႈ။ပဵၵ်ႉသမ်ႉၵဝ်ပဵၼ်ၵူၼ်းလွတ်ႈလႅဝ်းလႄႈဢမ်ႇပဵၼ်ၶႃႈၵူၼ်းၵေႃႉလႂ်သေၵေႃႈၼင်ႇႁိုဝ်တၵ်းယဵင်ႈၶႅၼ်းလႆႈၵူၼ်းၼမ်ၼႃႇၸိုင်ၵဝ်ၶၢမ်ႇပဵၼ်ၶႃႈတီႈၵူၼ်းတင်းသဵင်ႈတင်းလူင်ဢေႃႈ။
၂၀ ၼင်ႇႁိုဝ်တၵ်းလႆႈၵူၼ်းယုတတင်းလၢႆၸိုင်ၵဝ်လႆႈပဵၼ်ၸိူဝ်ႉၼင်ႇၵူၼ်းယုတတီႈၵူၼ်းယုတၸိူဝ်းၼၼ်ႉဢေႃႈ။ပဵၵ်ႉသမ်ႉၵဝ်ဢမ်ႇဢိင်ပိုင်ႈပိင်းၺၢပ်ႈတြႃးသေၵေႃႈၼင်ႇႁိုဝ်တၵ်းလႆႈၶဝ်ၸိူဝ်းဢၼ်ဢိင်ပိုင်ႈပိင်းၺၢပ်ႈတြႃးၼၼ်ႉၸိုင်ၵဝ်လႆႈပဵၼ်ၸိူဝ်ႉၼင်ႇၵေႃႉဢၼ်ဢိင်ပိုင်ႈပိင်းၺၢပ်ႈတြႃးတီႈၶဝ်ၸိူဝ်းဢၼ်ဢိင်ပိုင်ႈပိင်းၺၢပ်ႈတြႃးၼၼ်ႉဢေႃႈ။
၂၁ ပဵၵ်ႉသမ်ႉၵဝ်ဢမ်ႇလွတ်ႈပိင်းၺၢပ်ႈတြႃးၽြႃးပဵၼ်ၸဝ်ႈလႄႈၵမ်ၵျၢင်ႉတြႃးၸဝ်ႈၶရိၸ်ႉယူႇသေၵေႃႈၼင်ႇႁိုဝ်တၵ်းလႆႈၶဝ်ၸိူဝ်းဢၼ်ဢမ်ႇမီးပိင်းၺၢပ်ႈတြႃးၼၼ်ႉၸိုင်ၵဝ်လႆႈပဵၼ်ၸိူဝ်ႉၼင်ႇၵေႃႉဢၼ်ဢမ်ႇမီးပိင်းၺၢပ်ႈတြႃးၼႂ်းၶဝ်ၸိူဝ်းဢၼ်ဢမ်ႇမီးပိင်းၺၢပ်ႈတြႃးၼၼ်ႉဢေႃႈ။
၂၂ ၼင်ႇႁိုဝ်တၵ်းလႆႈၶဝ်ၸိူဝ်းဢၼ်ႁႅင်းလဵၵ်ႉႁႅင်းၵေႇၼၼ်ႉၸိုင်ၵဝ်ပဵၼ်ၸိူဝ်ႉၼင်ႇၵေႃႉဢၼ်ႁႅင်းလဵၵ်ႉႁႅင်းၵေႇၼႂ်းၶဝ်ၸိူဝ်းဢၼ်ႁႅင်းလဵၵ်ႉႁႅင်းၵေႇၼၼ်ႉဢေႃႈ။ၼင်ႇႁိုဝ်တၵ်းလႆႈၵႄႇသႄႇၶျွတ်ႈဢဝ်ၵူၼ်းၵမ်ႈၽွင်ႈၵွပ်ႈပိူဝ်ႈလွင်ႈၵဝ်ပဵၼ်လွင်ႈတၢင်းတင်းသဵင်ႈတင်းလူင်ၼႂ်းလွင်ႈတၢင်းတင်းသဵင်ႈတင်းလူင်တီႈၵူၼ်းတင်းသဵင်ႈတင်းလူင်ဢေႃႈ။
၂၃ ၵဝ်ႁဵတ်းတင်းသဵင်ႈတင်းလူင်ၸိူဝ်ႉၼင်ႇၼၼ်ပုၼ်ႈတြႃးသတၢင်းသိူဝ်းပျေႃႇၼင်ႇႁိုဝ်ၵဝ်တၵ်းလႆႈတၢင်းလီမင်ႇၵလႃႇၼႂ်းတြႃးသတၢင်းသိူဝ်းပျေႃႇၼၼ်ႉဢေႃႈ။
၂၄ ၸွင်ႇသူဢမ်ႇႁူႉႁိုဝ်၊ၼႂ်းတၢင်းလႅၼ်ႈၶႄႉၵၼ်ၵႃႈတီႈတလၢင်းလႅၼ်ၶႄႉၼၼ်ႉၵူၼ်းလႅၼ်ၶႄႉတင်းလႆႈလႅၼ်ႈသေၵေႃႈၵေႃႉလဵဝ်ၵူၺ်းတၵ်းလႆႈသူးလၢပ်ႈၼၼ်ႉႁိုဝ်။
၂၅ လႅၼ်ႈႁႂ်ႈလႆႈသူးလၢပ်ႈတႃႉ။ၶဝ်ၸိူဝ်းဢၼ်ၶႄႉၶဵင်ႇၵၼ်ၵႃႈၼႂ်းပွႆးၶႄႉၶႅင်ႇၼၼ်ႉလႆႈၽိုၵ်းလႅၼ်ႇတႄႉတႄႉဢေႃႈ။ၶဝ်ႁဵတ်းၸိူဝ်ႉၼင်ႇၼၼ်ၼင်ႇႁိုဝ်တၵ်းလႆႈသရၽူႇဢၼ်ၸၢင်ႊႁဵဝ်ႇၸၢင်ႊႁႅင်ႈလူႉလႅဝ်ၼၼ်ႉၵူၺ်းဢေႃႈ။ႁဝ်းႁဵတ်းၸိူဝ်ႉၼင်ႇၼၼ်ၼင်ႇႁိုဝ်တၵ်းလႆႈသရၽူႇဢၼ်ဢမ်ႇၸၢင်ႊႁဵဝ်ႇၸၢင်ႊႁႅင်ႈလူႉလႅဝ်ၼၼ်ႉဢေႃႈ။
၂၆ ပိူဝ်ႈၼႆလႄႈၵဝ်ဢမ်ႇၶုၼ်ႇလႅၼ်ႈလၢႆလၢႆလွၵ်ႇလွၵ်ႇမိူၼ်ၼင်ႇဢမ်ႇမီးတၢင်းဢဵၼ်းဢၢၼ်း။မိူဝ်ႈဢၼ်ၵဝ်တူပ်းလၵ်းပူၺ်းၵေႃႈၵဝ်တူပ်းတဵင်လူမ်းဢႃႇၵႃႇသႃႉၵၢင်ႁၢဝ်လၢႆလၢႆဢမ်ႇၸႂ်ႈ။
၂၇ ၵဝ်လႆႈၽိုၵ်းလႅၼ်ႇတီႈတူဝ်ၵဝ်ႁႂ်ႈလႆႈပဵၼ်ၶႃႈလႄႈမိူဝ်ႈဢၼ်ၵဝ်ႁေႃးလၢတ်ႈတီႈပိူၼ်ႈယဝ်ႉၼၼ်ႉၵဝ်တၵ်းဢမ်ႇလႆႈသုမ်းဢၶႂၢင်ႉဢၼ်တေလႆႈသူးၼၼ်ႉဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ