ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁
၁၉
ၸဝ်ႈယေႇသုၶၢမ်ႇတၢင်းတၢႆ
၁ မိူဝ်ႈၼၼ်ႉၶုၼ်ပိလၢတ်ႉဢဝ်ၸဝ်ႈယေႇသုလႄႈပေႃႉယႅၼ်ႉသေယဝ်ႉၵူၼ်းသိုၵ်းတင်းလၢႆၵေႃႈဢဝ်ပၢၼ်းၵုမ်း
၂ ဢၼ်ဢဝ်တင်းၼၢမ်သၢၼ်ႁဵတ်းၼၼ်ႉသုပ်းသႂ်ႇၵႃႈၼိူဝ်ႁူဝ်မၼ်းၸဝ်ႈလႄႈဢဝ်ၶူဝ်းၼုင်ႈဢၼ်လႅင်ႊၵမ်ႇၼုင်ႈပၼ်မၼ်းၸဝ်ႈဢေႃႈ။ၶဝ်ဢွၼ်ၵၼ်မႃးၸူးၵႃႈတီႈမၼ်းၸဝ်ႈသေလႄႈဝႃႈ၊-
၃ ၶုၼ်ႁေႃၶမ်းယုတဢိူၺ်း၊ႁႂ်ႈမီးမင်ႇၵလႃႇသေၵမ်း၊ဝႃႈၼင်ႇၼႆသေယဝ်ႉယႅၼ်ႉထုပ်ႈမၼ်းၸဝ်ႈဢေႃႈ။
၄ ၶုၼ်ပိလၢတ်ႉၵေႃႈသမ်ႉၶိုၼ်းဢွၵ်ႇမႃးလႄႈလၢတ်ႈဝႃႈ၊-ၼင်ႇႁိုဝ်သူတၵ်းႁူႉလွင်ႈဢၼ်ဝႃႈၵဝ်ဢမ်ႇထူပ်းဢမ်ႇႁၼ်ဢပျႅတ်ႈၵႃႈသင်သေၸိူဝ်ႉသေပိူင်ၵႃႈတီႈၵေႃႉၼႆႉဢၼ်ဝႃႈၼၼ်ႉၵဝ်ဢဝ်မၼ်းဢွၵ်ႇၼႄတီႈသူဢေႃႈ၊
၅ ဝႃႈၼင်ႇၼႆသေယဝ်ႉဢဝ်ၸဝ်ႈယေႇသုဢၼ်တိုဝ်းပၢၼ်းၵုမ်းၼၢမ်လႄႈၼုင်ႈၶူဝ်းဢၼ်လႅင်ႊၵမ်ႇၼၼ်ႉဢွၵ်ႇၼႄဢေႃႈ။
၆ ၶုၼ်ပိလၢတ်ႉၵေႃႈလၢတ်ႈတီႈၶဝ်လႄႈဝႃႈ၊-တူၺ်းၵူၼ်းၵေႃႉၼႆႉလူး၊ဝႃႈၼင်ႇၼႆဢေႃႈ။ယိတ်ႉပရေႃးႁိၵ်ႈလူင်ဢိၵ်ႇတင်းၵူၼ်းဢွၼ်ႇၸၢႆးၸိူဝ်းၼၼ်ႉႁၼ်မၼ်းၸဝ်ႈသေယဝ်ႉႁွင်ႉသႅၼ်ႇလႄႈဝႃႈ၊ဢဝ်မၼ်းတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းသေၵမ်းၶႃႈ၊တွၵ်ႇဝႆႉသေၵမ်းၶႃႈဝႃႈၼင်ႇၼႆဢေႃႈ။ၶုၼ်ပိလၢတ်ႉၵေႃႈလၢတ်ႈလႄႈဝႃႈ၊-သူဢဝ်မၼ်းတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းတႃႉ။
၇ ၵဝ်ဢမ်ႇႁၼ်ဢပျႅတ်ႈတီႈမၼ်း၊မိူဝ်ႈဢၼ်ဝႃႈၼင်ႇၼႆၸိုင်ၵူၼ်းယုတၸိူဝ်းၼၼ်ႉၵေႃႈလဝ်ႈလၢတ်ႈလႄႈဝႃႈ၊-ႁဝ်းၶႃႈမီးထမ်ႇမသၢတ်ႈယူႇၶႃႈ။ပိူဝ်ႈဢၼ်ၵေႃႉၼႆႉႁဵတ်းၸိူဝ်ႉၼင်ႇႁၢင်ႊပဵၼ်လုၵ်ႈၽြႃးပဵၼ်ၸဝ်ႈလႄႈၸွမ်းၼင်ႇထမ်ႇမသၢတ်ႈႁဝ်းမီးၼၼ်ႉမၼ်းထိူၵ်ႈၶၢမ်ႇတၢင်းတၢႆၶႃႈဢေႃႈ၊ဝႃႈၼင်ႇၼႆဢေႃႈ။
၈ မိူဝ်ႈဢၼ်ငိၼ်းၵႂၢမ်းၼၼ်ႉၸိုင်ၶုၼ်ပိလၢတ်ႉယဵင်ႈၶႅၼ်းၵူဝ်ၼႃႇလႄႈသမ်ႉၶိုၼ်းၶဝ်ႈၵႃႈၼႂ်းႁေႃသေယဝ်ႉထၢမ်ၸဝ်ႈယေႇသုဝႃႈ၊-
၉ မႂ်းလုၵ်ႉၵႃႈတီႈလႂ်မႃး၊ဝႃႈၼင်ႇၼႆဢေႃႈ။ၸဝ်ႈယေႇသုဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း။
၁၀ ၵမ်းၼၼ်ႉၶုၼ်ပိလၢတ်ႉၵေႃႈလၢတ်ႈလႄႈဝႃႈ၊-မႂ်းဢမ်ႇလၢတ်ႈၵႂၢမ်းတေႃႇၵဝ်ႁိုဝ်။ၵဝ်ပိူင်ႇပွႆႇမႂ်းလွတ်ႈၵဝ်ပိူင်ႇဢဝ်မႂ်းတွၵ်ႇၵႃႈၼိူဝ်သဝ်လၵ်းဝႃးမိုဝ်းဢၼ်ဝႃႈၼၼ်ႉမႂ်းဢမ်ႇႁူႉႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်၊
၁၁ ၸဝ်ႈယေႇသုၵေႃႈၶိုၼ်းလၢတ်ႈလႄႈဝႃႈ၊-ပေႃးဢမ်ႇလႆႈဢၶႂၢင်ႉၵႃႈတီႈၼိူဝ်ၸိုင်ၶုၼ်လူင်ဢမ်ႇပိူင်ႇႁဵတ်းတီႈၵဝ်လႆႈသေၸိူဝ်ႉသေပိူင်။ပိူဝ်ႈၼႆလႄႈၵေႃႉဢၼ်ဢဝ်ၵဝ်ဢၢပ်ႈၼႂ်းမိုဝ်းၶုၼ်လူင်ၼၼ်ႉယဵင်ႈၶႅၼ်းမီးဢပျႅတ်ႈဢၼ်ယႂ်ႇၼႃႇဢေႃႈ၊ဝႃႈၼင်ႇၼႆဢေႃႈ။
၁၂ ၸႃႉၸဵမ်မိူဝ်ႈၼၼ်ႉလႄႈၶုၼ်ပိလၢတ်ႉၵျၢမ်ႇႁႃၼႄးလၢႆးဢၼ်တၵ်းလႆႈပွႆႇမၼ်းၸဝ်ႈလွတ်ႈၼၼ်ႉဢေႃႈ။ၵူၼ်းယုတၸိူဝ်းၼၼ်ႉၵေႃႈႁွင်ႉသႅၼ်ႇလႄႈဝႃႈ၊-ပေႃးၸဝ်ႈႁဝ်းပွႆႇၵေႃႉၼႆႉလွတ်ႈၸိုင်ၸဝ်းႁဝ်းဢမ်ႇၸႂ်ႈၵေႃႉသေႈၶုၼ်ႁေႃၶမ်းၵေႇသႃႇၶႃႈယဝ်ႉ။ၵေႃႉဢၼ်ဝႃႈမၼ်းပဵၼ်ၶုၼ်ႁေႃၶမ်းၼၼ်ႉပဵၼ်ရၢၼ်ႇသူႇၶုၼ်ႁေႃၶမ်းၵေႇသႃႇၶႃႈဢေႃႈ၊ဝႃႈၼင်ႇၼႆဢေႃႈ။
၁၃ မိူဝ်ႈဢၼ်ငိၼ်းၵႂၢမ်းၼၼ်ႉၸိုင်ၶုၼ်ပိလၢတ်ႉဢဝ်ၸဝ်ႈယေႇသုဢွၵ်ႇၵႂႃႇၵႃႈၼွၵ်ႈသေယဝ်ႉၼင်ႈၵႃႈၼိူဝ်ပလၢင်ႇတြႃးတီႈဢၼ်လႆႈႁွင်ႉႁိၵ်ႈၸိုဝ်မၢၵ်ႇႁိၼ်သိုဝ်ႈဢၼ်ၸွမ်းၼင်ႇၵႂၢမ်းၽႃႇသႃႇႁေႇပြႄးႁွင်ႉႁိၵ်ႈၵၢပ်ႉပထၼၼ်ႉဢေႃႈ။
၁၄ ဝၼ်းၼၼ်ႉၸမ်းပဵၼ်ဝၼ်းၽိတ်ႈပွႆးပႃသၶႃႇလႄႈပဵၼ်ၶိင်ႇႁူၵ်းၼႃႇရီႇၸမ်ၸမ်ဢေႃႈ။ၶုၼ်ပိလၢတ်ႉၵေႃႈလၢတ်ႈတီႈၵူၼ်းယုတၸိူဝ်းၼၼ်ႉလႄႈဝႃႈ၊-တူၺ်းၶုၼ်ႁေႃၶမ်းသူၼႆႉလူး၊
၁၅ မိူဝ်ႈဢၼ်ဝႃႈၼင်ႇၼႆၸိုင်၊ၶဝ်ၸိူဝ်းၼၼ်ႉၵေႃႈႁွင်ႉသႅၼ်ႇလႄႈဝႃႈ၊-ဢဝ်မၼ်းဢွၵ်ႇပႅတ်ႈသေၵမ်းၶႃႈ။ဢဝ်ဢွၵ်ႇပႅတ်ႈသေၵမ်းၶႃႈ။ဢဝ်တွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းသေၵမ်းၶႃႈ၊ဝႃႈၼင်ႇၼႆဢေႃႈ။ၶုၼ်ပိလၢတ်ႉၵေႃႈၶိုၼ်းထၢမ်လႄႈဝႃႈ၊-ၵဝ်တၵ်းလႆႈဢဝ်ၶုၼ်ႁေႃၶမ်းသူတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်ယိတ်ႉပရေႃးႁိၵ်ႈလူင်ၸိူဝ်းၼၼ်ႉၵေႃႈၶိုၼ်းလၢတ်ႈလႄႈဝႃႈ၊-တီႈႁဝ်းၶႃႈၼႆႉလိူဝ်သေၶုၼ်ႁေႃၶမ်းၵေႇသႃႇၼၼ်ႉႁဝ်းဢမ်ႇမီးၶုၼ်ႁေႃၶမ်းသပေႃးၶႃႈ၊ဝႃႈၼင်ႇၼႆဢေႃႈ။
၁၆ မိူဝ်ႈၼၼ်ႉၶုၼ်ပိလၢတ်ႉၸင်ႇဢဝ်ၸဝ်ႈယေႇသုဢၢပ်ႈပၼ်ၵႃႈၼႂ်းမိုဝ်းၶဝ်ႁႂ်ႈၶဝ်လႆႈဢဝ်မၼ်းၸဝ်ႈၵႂႃႇတွၵ်ႇၵႃႈၼိူဝ်သဝ်လၵ်းဝႃးမိုဝ်းလႄႈၶဝ်ၵေႃႈဢဝ်မၼ်းၸဝ်ႈဢွၵ်ႇၵႂႃႇဢေႃႈ။
၁၇ မၼ်းၸဝ်ႈႁၢပ်ႇဢဝ်သဝ်လၵ်းဝႃးမိုဝ်းတူဝ်ၸဝ်ႈၵဝ်ႇသေလႄႈဢွၵ်ႇၵႂႃႇၸူးၵႃႈတီႈဢၼ်လႆႈႁွင်ႉႁိၵ်ႈၸိုဝ်ၵွင်းၵွၵ်းႁူဝ်ၼၼ်ႉဢေႃႈ။တီႈၼၼ်ႉၸမ်းၸွမ်းၼင်ႇၵႂၢမ်းၽႃႇသႃႇႁေႇပြႄးႁွင်ႉဝႃႈၵေႃးလၵေႃးထဝႃႈၼႆဢေႃႈ။
၁၈ ၶဝ်ဢဝ်မၼ်းၸဝ်ႈဢိၵ်ႇတင်းၵူၼ်းတၢင်ႇတီႈသွင်ၵေႃႉတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းၵႃႈတီႈၼၼ်ႉဢေႃႈ။ၸဝ်ႈယေႇသုၸမ်းတူၵ်းၵႃႈတီႈၶိုင်ႈၵၢင်ၶဝ်သွင်ၵေႃႉၼၼ်ႉဢေႃႈ။
၁၉ ၶုၼ်ပိလၢတ်ႉၵေႃႈတႅမ်ႈလိၵ်ႈသေလႄႈဢဝ်ၸပ်းဝႆႉၵႃႈၼိူဝ်သဝ်လၵ်းဝႃးမိုဝ်းမၼ်းၸဝ်ႈဢေႃႈ။လိၵ်ႈဢၼ်တႅမ်ႈဝႆႉၼၼ်ႉဝႃႈ၊-ၸဝ်ႈယေႇသုၵူၼ်းဝဵင်းၼႃႇၸရႅတ်ႉၶုၼ်ႁေႃၶမ်းယုတ၊ဝႃႈၼင်ႇၼႆဢေႃႈ။
၂၀ ၵွပ်ႈပိူဝ်ႈတီႈဢၼ်ၶဝ်ဢဝ်ၸဝ်ႈယေႇသုတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းၼၼ်ႉၸမ်ၵၼ်တင်းဝဵင်းလႄႈလိၵ်ႈၼၼ်ႉၵေႃႈဢဝ်တင်းၵႂၢမ်းႁေႇပြႄးၵႂၢမ်းႁေႇလသတင်းၵႂၢမ်းရူဝ်းမတႅမ်ႈဝႆႉလႄႈၵူၼ်းယုတၼမ်ၼႃႇၽတ်းတူၺ်းဢေႃႈ။
၂၁ ပိူဝ်ႈၼႆလႄႈယိတ်ႉပရေႃးႁိၵ်ႈလူင်ၸိူဝ်းၼၼ်ႉၶဝ်ႈၸူးၵႃႈတီႈၶုၼ်ပိလၢတ်ႉသေလႄႈလဝ်ႈလၢတ်ႈလႄႈဝႃႈ၊-ၶႅၼ်ႈတေႃႈယႃႇပေတႅမ်ႈဝႃႈ၊-ၶုၼ်ႁေႃၶမ်းယုတဝႃႈၼႆၶႃႈ။ၸဝ်ႈႁဝ်းၶႅၼ်းတေႃႈတႅမ်ႈဝႆႉလွင်ႈဢၼ်မၼ်းဝႃႈ၊-ၵဝ်ပဵၼ်ၶုၼ်ႁေႃၶမ်းယုတဢေႃႈ၊ဝႃႈၼႆၼၼ်ႉသေၵမ်းၶႃႈ၊
၂၂ မိူဝ်ႈဢၼ်ဝႃႈၼင်ႇၼႆၸိုင်၊ၶုၼ်ပိလၢတ်ႉၵေႃႈၶိုၼ်းလၢတ်ႈလႄႈဝႃႈ၊-ဢၼ်ၵဝ်တႅမ်ႈဝႆႉယဝ်ႉၼၼ်ႉၵဝ်တႅမ်ႈဝႆႉယဝ်ႉ၊ဝႃႈၼင်ႇၼႆဢေႃႈ။
၂၃ ၵူၼ်းသိုၵ်းၸိူဝ်းၼၼ်ႉၵေႃႈဢဝ်ၸဝ်ႈယေႇသုတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းသေယဝ်ႉသိၵ်ႇၶူဝ်းၼုင်ႈမၼ်းၸဝ်ႈႁဵတ်းသီႇပွတ်းသေလႄႈမႅင်ႇၵၼ်ဢဝ်ယေႈၵေႃႉယေႈပွတ်းဢေႃႈ။
၂၄ သိူဝ်ႈလွင်ႁိူဝ်ႇလွင်ၶႆးမၼ်းၸဝ်ႈဢၼ်ဢမ်ႇယဵပ်ႉလႄႈၸႃႉၸဵမ်တီႈသုတ်းတၢင်းၼိူဝ်တေႃႇထိုင်တီႈသုတ်းတၢင်းတႂ်ႈပဵၼ်ၽိုၼ်လဵဝ်ၼၼ်ႉၸမ်းၶဝ်ၵေႃႉၼိုင်ႈလႄႈၵေႃႉၼိုင်ႈလၢတ်ႈၵၼ်လႄႈဝႃႈ၊-သိူဝ်ႈၼႆႉတႃႉႁဝ်းယႃႇပေသိၵ်ႇ။
ႁဝ်းတူၵ်းၸႃႇၵွၵ်ႈလႄႈဢဝ်တႃႉႁဝ်း၊ဝႃႈၼင်ႇၼႆဢေႃႈ။
၂၅ လွင်ႈၼႆႉၸမ်း၊ၼင်ႇႁိုဝ်ၵႂၢမ်းဢၼ်မႃးၼႂ်းၵျၢမ်းလိၵ်ႈလႄႈဝႃႈ၊-ၶဝ်ဢဝ်ၶူဝ်းၼုင်ႈၵဝ်ၶႃႈၽႄမႅင်ႇၵၼ်လႄႈဢဝ်သိူဝ်ႈၵဝ်ၶႃႈတူၵ်းၸႃႇၵွၵ်ႈတီႈၶႃႈဢေႃႈ၊ဢၼ်ဝႃႈၼၼ်ႉတၵ်းလႆႈတဵမ်ထူၼ်ႈၸိုင်ၸင်ႇပဵၼ်ဢေႃႈ။
မေႈၸဝ်ႈဢိၵ်ႇတင်းၼွင်ႉယိင်းၸဝ်ႈ၊မႃႇရိ၊ဢၼ်ပဵၼ်မေးၵလေႃႇၽ၊ဢိၵ်ႇတင်းမႃႇရိမႃႇၵတလၸိူဝ်းၼၼ်ႉၸုၵ်းယူႇၵႃႈတီႈႁိမ်းသဝ်လၵ်းဝႃးမိုဝ်းၸဝ်ႈယေႇသုဢေႃႈ။
၂၆ ပိူဝ်ႈၼႆလႄႈမိူဝ်ႈဢၼ်ၸဝ်ႈယေႇသုႁၼ်မေႈၸဝ်ႈတင်းတပႄးၸဝ်ႈဢၼ်မၼ်းၸဝ်ႈႁၵ်ႉၼၼ်ႉၸုၵ်းယူႇၵႃႈတီႈႁိမ်းၼၼ်ႉၸိုင်မၼ်းၸဝ်ႈလၢတ်ႈတီႈမေႈၸဝ်ႈလႄႈဝႃႈ၊-မေႈယိင်းဢိူၺ်း၊တူၺ်းလုၵ်ႈၸၢႆးမႂ်းသေၵမ်း၊ဝႃႈၼင်ႇၼႆသေယဝ်ႉ
၂၇ သမ်ႉလၢတ်ႈတီႈတပႄးၸဝ်ႈၼၼ်ႉလႄႈဝႃႈ၊-တူၺ်းမေႈမႂ်းသေၵမ်း၊ဝႃႈၼင်ႇၼႆဢေႃႈ။ၸႃႉၸဵမ်မိူဝ်ႈၼၼ်ႉၵႂႃႇတပႄးၸဝ်ႈၼၼ်ႉဢဝ်မေႈၸဝ်ႈၵႂႃႇယူႇၵႃႈတီႈႁိူၼ်းမၼ်းဢေႃႈ။
၂၈ လိုၼ်းၼၼ်ႉမိူဝ်ႈဢၼ်ၸဝ်ႈယေႇသုႁူႉလွင်ႈဢၼ်လွင်ႈတၢင်းၵႃႈမီးတင်းသဵင်ႈတင်းလူင်ယဝ်ႉတူဝ်မူတ်းယဝ်ႉၼၼ်ႉၸိုင်ၼင်ႇႁိုဝ်ၵျၢမ်းလိၵ်ႈတၵ်းတဵမ်ထူၼ်ႈၸိုင်မၼ်းၸဝ်ႈလၢတ်ႈလႄႈဝႃႈ၊-ၵဝ်တွင်ႉမႆႈၼမ်ႉဢေႃႈ၊ဝႃႈၼင်ႇၼႆဢေႃႈ။
၂၉ ၵႃႈတီႈၼၼ်ႉမီးမေႃႈဢၼ်တဵမ်ဝႆႉတင်းၼမ်ႉပုင်းယေႇလုၵ်ႉၼိုင်ႈဢေႃႈ။ၶဝ်ဢဝ်ႁဵပ်းၼမ်ႉဢၼ်တဵမ်ဝႆႉတင်းၼမ်ႉပုင်းယေႇၼၼ်ႉသႂ်ႇၵႃႈတီႈပၢႆၵိင်ႇမႆႉႁုတ်ႈသူပ်းသေလႄႈဢဝ်ၸပ်းသႂ်ႇၵႃႈတီႈသူပ်းမၼ်းၸဝ်ႈဢေႃႈ။
၃၀ ဝၢႆးသေၶၢမ်ႇဢဝ်ၼမ်ႉပုင်းယေႇယဝ်ႉၸဝ်ႈယေႇသုဝႃႈ၊-လွင်ႈတၢင်းယဝ်ႉတူဝ်ယဝ်ႉ၊ဝႃႈၼင်ႇၼႆသေယဝ်ႉၵူမ်ႈႁူဝ်မၼ်းၸဝ်ႈတူၵ်းလႄႈၸုၼ်ႉဢသၢၵ်ႈမၼ်းၸဝ်ႈသေဢေႃႈ။
ပိူဝ်ႈဢၼ်ဝၼ်းၼၼ်ႉပဵၼ်ဝၼ်းၽိတ်ႈလႄႈဝၼ်းမိူဝ်ႈၽုၵ်ႈၵေႃႈပဵၼ်ဝၼ်းၵမ်သိၼ်ဢၼ်ယႂ်ႇမျၢတ်ႈၼႃႇၼၼ်ႉလႄႈ
၃၁ ၼင်ႇႁိုဝ်တူဝ်တၢႆၸိူဝ်းၼၼ်ႉတၵ်းဢမ်ႇလႆႈမီးၵႃႈၼိူဝ်သဝ်လၵ်းဝႃးမိုဝ်းၼႂ်းဝၼ်းၵမ်သိၼ်ၸိုင်ၵူၼ်းယုတၸိူဝ်းၼၼ်ႉၶဝ်ႈၸူးၵႃႈတီႈၶုၼ်ပိလၢတ်ႉသေယဝ်ႉယွၼ်းဢၶႂၢင်ႉႁႂ်ႈလႆႈႁၵ်းတိၼ်ၶဝ်သေလႄႈဢဝ်တူဝ်တၢႆပႅတ်ႈဢေႃႈ။
၃၂ မိူဝ်ႈၼၼ်ႉၵူၼ်းသိုၵ်းၸိူဝ်းၼၼ်ႉၵႂႃႇႁၵ်းတိၼ်ၵေႃႉၼိုင်ႈသေယဝ်ႉသမ်ႉႁၵ်းတိၼ်တၢင်ႇၵေႃႉဢၼ်ဢဝ်တွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းလူၺ်ႈၵၼ်တင်းမၼ်းၸဝ်ႈၼၼ်ႉဢေႃႈ။
၃၃ မိူဝ်ႈဢၼ်ၶဝ်ႁွတ်ႈထိုင်ၵႃႈတီႈၸဝ်ႈယေႇသုၸိုင်ၶဝ်ႁူႉႁၼ်လွင်ႈဢၼ်ဢသၢၵ်ႈမၼ်းၸဝ်ႈဢမ်ႇမီးယဝ်ႉၼၼ်ႉလႄႈၶဝ်ယင်းဢမ်ႇႁၵ်းတိၼ်မၼ်းၸဝ်ႈ။
၃၄ ၵူၺ်းၵႃႈၵူၼ်းသိုၵ်းၵေႃႉၼိုင်ႈဢဝ်ႁွၵ်ႇတႅင်းသႂ်ႇပဵမ်ႉမၼ်းၸဝ်ႈလႄႈလိူတ်ႈတင်းၼမ်ႉလႆဢွၵ်ႇမႃးၵမ်းလဵဝ်ဢေႃႈ။
၃၅ ၵေႃႉဢၼ်ႁၼ်လွင်ႈတၢင်းၼၼ်ႉၶၢမ်ႇသၢၵ်ႈသေႇဢေႃႈ။တၢင်းဢၼ်မၼ်းၶၢမ်ႇသၢၵ်ႈသေႇၼၼ်ႉၵေႃႈပဵၼ်ဢၼ်မၢၼ်ႇဢၼ်မႅၼ်ႈဢေႃႈ။ၼင်ႇႁိုဝ်သူတၵ်းယုမ်ႇမၢတ်ႈၸိုင်မၼ်းႁူႉလွင်ႈဢၼ်ၵႂၢမ်းဢၼ်မၼ်းၸဝ်ႈလၢတ်ႈၼၼ်ႉပဵၼ်ဢၼ်မၢၼ်ႇဢၼ်မႅၼ်ႈဢေႃႈ။
၃၆ လွင်ႈတၢင်းၸိူဝ်းၼၼ်ႉၸမ်းလွင်ႈၼင်ႇႁိုဝ်ၵျၢမ်းလိၵ်ႈဢၼ်မီးဝႆႉဝႃႈ၊-လုပ်ႇမၼ်းတၵ်းဢမ်ႇလႆႈႁၵ်း၊ဝႃႈၼင်ႇၼႆၼၼ်ႉတၵ်းတဵမ်ထူၼ်ႈၸိုင်၊ၸင်ႇပဵၼ်ဢေႃႈ။
၃၇ ၵျၢမ်းလိၵ်ႈသမ်ႉမီးထႅင်ႈလႄႈဝႃႈၸမ်း၊-ၶဝ်တင်းလၢႆဢွၼ်ၵၼ်တူၺ်းႁၼ်ၵေႃႉဢၼ်ၶဝ်တႅင်းပွင်ႇၼၼ်ႉဢေႃႈ၊ဝႃႈၼင်ႇၼႆဢေႃႈ။
၃၈ လိုၼ်းၼၼ်ႉယုဝ်းသႅပ်ႉဢၼ်ပဵၼ်ၵူၼ်းဝဵင်းဢရိမသေႇ၊ၵူၼ်းယုတ၊ဢၼ်ပဵၼ်တပႄးၸဝ်ႈဢၼ်ဢမ်ႇထၢင်ႇဢမ်ႇသႃး၊ၵွပ်ႈပိူဝ်ႈလႆႈၵူဝ်ၵူၼ်းယုတၼၼ်ႉမၼ်းၶဝ်ႈၸူးၵႃႈတီႈၶုၼ်ပိလၢတ်ႉသေလႄႈယွၼ်းဢၶႂၢင်ႉႁႂ်ႈလႆႈဢဝ်တူဝ်တၢႆၸဝ်ႈယေႇသုဢေႃႈ။မိူဝ်ႈဢၼ်ၶုၼ်ပိလၢတ်ႉပၼ်ဢၶႂၢင်ႉယဝ်ႉၼၼ်ႉမၼ်းၵႂႃႇဢဝ်တူဝ်တၢႆၸဝ်ႈယေႇသုဢေႃႈ။
၃၉ ၼိၵေႃးတိၼ်ႇဢၼ်ယၢမ်ႈမႃးတီႈမၼ်းၸဝ်ႈၼႂ်းၶိင်ႇၵၢင်ၶိုၼ်းၼၼ်ႉၵေႃႈဢဝ်ယႃႈႁွမ်ဢၼ်လေႃးၵၼ်တင်းမုရၢၼ်ႇတင်းဢၵျေႃႇဢၼ်ၼမ်ႉၼၵ်းမၼ်းမီးသေသၢမ်သိပ်းၸွႆႉၼၼ်ႉမႃးဢေႃႈ။
၄၀ ၶဝ်ဢဝ်တူဝ်တၢႆၸဝ်ႈယေႇသုလႄႈဢဝ်ၼၢမ်ႇသႃႇဢိၵ်ႇတင်းၽႃႈပိၵ်ႈၶဵၼ်းႁေႃႇၸွမ်းၼင်ႇထုင်းၸၢမ်ႇၵူၼ်းယုတၼၼ်ႉၶဝ်ႁဵတ်းတၢင်းဢၼ်မႄးႁႅၼ်းဢၼ်ၸၢပ်ႈသႅင်ႇၵၼ်တင်းတၢင်းဢၼ်သၢင်းၵျူဝ်ႇၼၼ်ႉဢေႃႈ။
၄၁ ၵႃႈတီႈႁိမ်းဢၼ်ဢဝ်မၼ်းၸဝ်ႈတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းၼၼ်ႉမီးသူၼ်ဢူးယဵၼ်ႇဢေႃႈ။ၵႃႈၼႂ်းသူၼ်ဢူးယဵၼ်ႇၼၼ်ႉမီးၶုမ်သၢင်းၶျႅင်းၶုမ်ၼိုင်ႈဢၼ်ဢမ်ႇပႆႇတွၼ်ႉသၢင်းၵျူဝ်ႇၽူႈလႂ်သေၵေႃႉၼၼ်ႉဢေႃႈ။
၄၂ ဝၼ်းၼၼ်ႉပဵၼ်ဝၼ်းၽိတ်ႈၵူၼ်းယုတၵူၺ်းဢမ်ႇၵႃးၶုမ်သၢင်းၶျႅင်းၼၼ်ႉၵေႃႈမီးၸမ်ၵႃႈတီႈႁိမ်းၼၼ်ႉလႄႈၶဝ်ဢဝ်တူဝ်တၢႆၸဝ်ႈယေႇသုၽင်ၵႃႈၼႂ်းၶုမ်သၢင်းၶျႅင်းၼၼ်ႉဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ