ၵျၢမ်းငဝ်ႈၵမ်ႇၽႃႇ
၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈ ၂၉
၃၀ ၃၁ ၃၂ ၃၃ ၃၄ ၃၅ ၃၆ ၃၇ ၃၈ ၃၉ ၄၀ ၄၁ ၄၂ ၄၃ ၄၄ ၄၅ ၄၆ ၄၇ ၄၈ ၄၉ ၅၀
၃၀
၁ ရႃႇၶေႇလ ၼၼ်ႉ မိူဝ်ႈဢၼ်ႁူႉလွင်ႈဢၼ်မၼ်းဢမ်ႇၵိူတ်ႇလဵင်ႉလုၵ်ႈလဵင်ႉလၢင်း တီႈ ယႃႇၵုပ်ႉႉ လႆႈၼၼ်ႉၸိုင် မီးၸႂ်ဢၼ် သီႇၵေႉႁႄႈတႃပီႈၼၢင်းမၼ်းလႄႈလၢတ်ႈတီႈ ယႃႇၵုပ်ႉ လႄႈဝႃႈ၊-ပၼ်လုၵ်ႈတီႈၵဝ်သေၵမ်း။ပေႃးဢမ်ႇၼၼ်ၵဝ်တၵ်းတၢႆယဝ်ႉ၊ ဝႃႈၼင်ႇၼႆ ဢေႃႈ။
၂ ယႃႇၵုပ်ႉ ၵေႃႈဢွၵ်ႇတေႃးသႃႉ ၸႂ်မႆႈတီႈရႃႇၶေႇလ လႄႈလၢတ်ႈဝႃႈ၊-ၵဝ်ပဵၼ်တၢင်တူဝ်ၽြႃးပဵၼ်ၸဝ်ႈ ဢၼ်ဢမ်ႇပၼ်ဢၶႂၢင်ႉတၢင်းဢၼ်မႂ်းၵိူတ်ႇလဵင်ႉလုၵ်ႈလဵင်ႉလၢင်းၼၼ်ႉႁိုဝ်၊ဝႃႈၼင်ႇၼႆဢေႃႈ။
၃ ရႃႇၶေႇလ ၵေႃႈလၢတ်ႈလႄႈဝႃႈ၊-ၵဝ်ၶႃႈမီးမေႈယိင်းၶႃႈၵဝ်ၶႃႈ ပိလႁႃႇ ဢေႃႈ။ၶဝ်ႈၸူးၵႃႈတီႈမၼ်းသေၵမ်း။မၼ်းတၵ်းၵိူတ်ႇလဵင်ႉလုၵ်ႈလဵင်ႉလၢင်းၵႃႈၼိူဝ်ႁူဝ်ၶဝ်ႇၵဝ်ၶႃႈလႄႈ ၵဝ်ၶႃႈတၵ်းလႆႈလုၵ်ႈလၢင်းၵႃႈတီႈ ၼၼ်ႉၶႃႈဢေႃႈ၊ ဝႃႈၼင်ႇၼႆလႄႈ
၄ ဢဝ်မေႈယိင်းၶႃႈမၼ်း ပိလႁႃႇ ၼၼ်ႉဢၢပ်ႈပၼ်ႁႂ်ႈပဵၼ်မေး ယႃႇၵုပ်ႉလႄႈ ယႃႇၵုပ်ႉ ၵေႃႈၶဝ်ႈၸူးၵႃႈတီႈမၼ်းဢေႃႈ။
၅ ပိလႁႃႇ ပႃးပတိၵ်ႉသၼ်ႇထေႇလႄႈ ၵိူတ်ႇလဵင်ႉလုၵ်ႈၸၢႆးမႃးတီႈ ယႃႇၵုပ်ႉ သေယဝ်ႉ၊ ရႃႇၶေႇလ လၢတ်ႈ ဝႃႈ၊-
၆ ၽြႃးပဵၼ်ၸဝ်ႈၸီႇယၢင်ႇတြႃးၽၢႆႇၵဝ်ယဝ်ႉ။မၼ်းၸဝ်ႈထွမ်ႇဢဝ်ၵႂၢမ်းၵဝ်လႄႈ ပၼ်လုၵ်ႈၸၢႆးတီႈၵဝ်ယဝ်ႉ၊ဝႃႈၼင်ႇၼႆလႄႈ ႁွင်ႉႁိၵ်ႈၸိုဝ်ႈလုၵ်ႈၸၢႆးၼၼ်ႉဝႃႇတၢၼ်ႇ ဢေႃႈ။
၇ ၵမ်းၼၼ်ႉ ပိလႁႃႇ မေႈယိင်းၶႃႈရႃႇၶေႇလ ၼၼ်ႉသမ်ႉပႃးပတိၵ်ႉသၼ်ႇထေႇလႄႈၵိူတ်ႇလဵင်ႉလုၵ်ႈၸၢႆးမႃးတီႈ ယႃႇၵုပ်ႉထူၼ်ႈထိုင်သွင်ပွၵ်ႈသေယဝ်ႉ၊ရႃႇၶေႇလ လၢတ်ႈဝႃႈ၊-
၈ ၵဝ်လႆႈၵၼ်ႉၶဵင်ႇၵၼ်တင်းပီႈၼၢင်းၵဝ်လႄႈပႄႉၼႅင်ႇယဝ်ႉ၊ ဝႃႈၼင်ႇၼႆလႄႈႁွင်ႉႁိၵ်ႈၸိုဝ်ႈလုၵ်ႈၸၢႆးၼၼ်ႉဝႃႈ ၼပ်ႉထလိ ဢေႃႈ။
၉ လေႇဢႃႇ ၼၼ်ႉမိူဝ်ႈဢၼ်ႁူႉႁၼ်လွင်ႈဢၼ်လုၵ်ႈမၼ်းထၢတ်ႇၵွႃႇလႄႈဢမ်ႇၵိူတ်ႇလဵင်ႉထႅင်ႈၼၼ်ႉၸိုင် မၼ်းဢဝ်မေႈယိင်းၶႃႈမၼ်းၸိလပ ဢၢပ်ႈပၼ်ႁႂ်ႈပဵၼ် မေး ယႃႇၵုပ်ႉ ဢေႃႈ။
၁၀ မေႈယိင်းၶႃႈ လေႇဢႃႇ ၼၼ်ႉၵိူတ်ႇလဵင်ႉလုၵ်ႈၸၢႆးမႃးတီႈယႃႇၵုပ်ႉ သေယဝ်ႉလေႇဢႃႇ လၢတ်ႈလႄႈဝႃႈ၊-
၁၁ ဢၼ်လီဢၼ်ငၢမ်းမႃးယဝ်ႉ၊ဝႃႈၼင်ႇၼႆလႄႈႁွင်ႉႁိၵ်ႈၸိုဝ်လုၵ်ႈၸၢႆးၼၼ်ႉဝႃႈ ၵတ်ႉ ဢေႃႈ။
၁၂ ၸိလပ မေႈယိင်းၶႃႈ လေႇဢႃႇ ၼၼ်ႉသမ်ႉၵိူတ်ႇလဵင်ႉလုၵ်ႈၸၢႆးမႃးတီႈ ယႃႇၵုပ်ႉ ထူၼ်ႈထိုင်သွင်ပွၵ်ႈသေယဝ်ႉ၊ လေႇဢႃႇ လၢတ်ႈဝႃႈ၊- မင်ႇၵလႃႇမီးတီႈၵဝ်ဢေႃႈ။
၁၃ လွင်ႈမၼ်းၸမ်း၊လုၵ်ႈယိင်းၵူၼ်းတင်းလၢႆတၵ်းႁွင်ႉႁိၵ်ႈၵဝ်ဝႃႈ၊-ၵေႃႉဢၼ်မီးမင်ႇၵလႃႇဢေႃႈ၊ဝႃႈၼင်ႇၼႆလႄႈ ႁွင်ႉႁိၵ်ႈၸိုဝ်ႈလုၵ်ႈၸၢႆးၼၼ်ႉဝႃႈဢႃႇသႃႇ ဢေႃႈ။
၁၄ လိုၼ်းၼၼ်ႉၶိင်ႇၵႃႇလႃႉ မိူဝ်ႈဢၼ်ၸူႉသိမ်းၶဝ်ႈၵျုင်ႇၼၼ်ႉ ရူႇပိၼ်ႇ ဢွၵ်ႇၵွႃႇလႄႈ ထူပ်းႁၼ်မၢၵ်ႇယႃႈဢၶျူဝ်ႇၵႃႈတီႈတူင်ႈၼႃးသေယဝ်ႉဢဝ်ပႃးမႃးၸူးၵႃႈတီႈမေႈမၼ်း လေႇဢႃႇ ဢေႃႈ။ရႃႇၶေႇလ ယွၼ်းတီႈ လေႇဢႃႇ လႄႈဝႃႈ၊- မၢၵ်ႇယႃႈဢၶျူဝ်ႇဢၼ်လုၵ်ႈၸၢႆးမႂ်းလႆႈမႃးၼၼ်ႉ ပၼ်တီႈၵဝ်ၵမ်ႈၽွင်ႈသေၵမ်း၊ဝႃႈၼင်ႇၼႆသေယဝ်ႉ၊ လေႇဢႃႇ ၵေႃႈလၢတ်ႈ လႄႈဝႃႈ၊-
၁၅ မႂ်းထၢင်ႇမႂ်းဢဝ်ၽူဝ်ၵဝ်လႄႈ ဢမ်ႇမီးဢတႂၢၵ်ႈ ၵႃႈသင်ႁိုဝ်။မၢၵ်ႇယႃႈဢၶျူဝ်လုၵ်ႈၸၢႆးၵဝ်ၵေႃႈမႂ်းတၵ်းဢဝ်လူင်ပေႇ၊ မိူဝ်ႈဢၼ်ဝႃႈၼင်ႇၼႆၸိုင်ရႃႇၶေႇလ ၵေႃႈလၢတ်ႈလႄႈဝႃႈ၊-ပေႃးပဵၼ်ၸိူဝ်ႉၼင်ႇၼၼ်ၸိုင် ၵွပ်ႈပိူဝ်ႈ မၢၵ်ႇယႃႈဢၶျူဝ်ႇလုၵ်ႈၸၢႆးမႂ်းၼၼ်ႉ ၽူဝ်ႁဝ်းတၵ်းလႆႈၼွၼ်းလူၺ်ႈၵၼ်တင်းမႂ်းၶိုၼ်း ၼႆႉဢေႃႈ၊ဝႃႈၼင်ႇၼႆဢေႃႈ။
၁၆ ၶိင်ႇႁူဝ်ၶမ်ႈမိူဝ်ႈဢၼ်ယႃႇၵုပ်ႉလုၵ်ႉသေၵႃႈတီႈတူင်ႈၼႃး မႃးၼၼ်ႉၸိုင်လေႇဢႃႇ ဢွၵ်ႇၵွႃႇ ႁႂ်ႈလႆႈႁပ်ႉႁူဝ်တၢင်းမၼ်းလႄႈလၢတ်ႈဝႃႈ၊-ၸဝ်ႈတၵ်းလႆႈၶဝ်ႈၸူးၵႃႈတီႈၵဝ်ၶႃႈဢေႃႈ။ၵဝ်ၶႃႈဢဝ်တင်းမၢၵ်ႇယႃႈဢၶျူဝ်ႇဢၼ်လုၵ်ႈၸၢႆးၵဝ်ၶႃႈလႆႈမႃးၼၼ်ႉ ၸၢင်ႈငႃးဢဝ်ၸဝ်ႈၶႃႈဢေႃႈဝႃႈၼင်ႇၼႆလႄႈ ၶိုၼ်းၼၼ်ႉ လႆႈၼွၼ်းလူၺ်ႈၵၼ် တင်းမၼ်းၼၼ်ႉဢေႃႈ။
၁၇ ၽြႃးပဵၼ်ၸဝ်ႈထွမ်ႇဢဝ်ၵႂၢမ်းလေႇဢႃႇ လႄႈမၼ်းပႃးပတိၵ်ႉသၼ်ႇထေႇသေယဝ်ႉမိူဝ်ႈဢၼ်ၵိူတ်ႇလဵင်ႉလုၵ်ႈၸၢႆးမႃးတီႈ ယႃႇၵုပ်ႉ ထူၼ်ႈထိုင်ႁႃႈပွၵ်ႈၼၼ်ႉၸိုင်၊ လေႇဢႃႇ လၢတ်ႈလႄႈဝႃႈ၊-
၁၈ ၵွပ်ႈပိူဝ်ႈဢၼ်ၵဝ်ဢဝ်မေႈယိင်းၶႃႈၵဝ် ဢၢပ်ႈပၼ်တီႈၽူဝ်ၵဝ်လႄႈ ၽြႃးပဵၼ်ၸဝ်ႈပၼ်ၵႃႊမၼ်းၶၼ်မၼ်းတီႈၵဝ်ယဝ်ႉ၊ဝႃႈၼင်ႇၼႆလႄႈ ႁွင်ႉႁိၵ်ႈၸိုဝ်ႈလုၵ်ႈၸၢႆး ၼၼ်ႉဝႃႈ ဢိသၶႃႇ ဢေႃႈ။
၁၉ ၵမ်းၼၼ်ႉ လေႇဢႃႇသမ်ႉပႃးပတိၵ်ႉသၼ်ႇထေႇထႅင်ႈလႄႈ မိူဝ်ႈဢၼ်ၵိူတ်ႇလဵင်ႉလုၵ်ႈၸၢႆးမႃးတီႈ ယႃႇၵုပ်ႉ ထူၼ်ႈထိုင်ႁူၵ်းပွၵ်ႈၼၼ်ႉ ၸိုင် လေႇဢႃႇ လၢတ်ႈလႄႈဝႃႈ၊-
၂၀ ၽြႃးပဵၼ်ၸဝ်ႈပၼ်လၢၵ်ႈသွင်ႇ ဢၼ်သွင်ႇမင်ႇၵလႃႇဢၼ်လီဢၼ်ငၢမ်းယဝ်ႉ။ၵွပ်ႈပိူဝ်ႈဢၼ်ၵဝ်လႆႈၵိူတ်ႇလဵင်ႉ လုၵ်ႈၸၢႆးႁူၵ်းၵေႃႉတီႈၽူဝ်ၵဝ်လႄႈ တေႃႈလဵဝ်ၼႆႉ မၼ်းတၵ်းယူႇလူၺ်ႈၵၼ်တင်းၵဝ်သေႇသေႇဢေႃႈ၊ ဝႃႈၼင်ႇၼႆလႄႈႁွင်ႉႁိၵ်ႈၸိုဝ်ႈလုၵ်ႈၸၢႆးၼၼ်ႉဝႃႈ ၸေႇပုလုၼ်ႇ ဢေႃႈ။
၂၁ လိုၼ်းၼၼ်ႉ မၼ်းၵိူတ်ႇလဵင်ႉလုၵ်ႈယိင်းမႃးလႄႈႁွင်ႉႁိၵ်ႈၸိုဝ်ႈဝႃႈ တိၼႃႇ ဢေႃႈ။
၂၂မိူဝ်ႈၼၼ်ႉၽြႃးပဵၼ်ၸဝ်ႈၶုၵ်းၸႂ်လႆႈၶႆႈၸႂ်ထူပ်းရႃႇၶေႇလ ဢေႃႈ။မၼ်းၸဝ်ႈထွမ်ႇဢဝ်ၵႂၢမ်းမၼ်းလႄႈပၼ်ဢၶႂၢင်ႉဢၼ်ၵိူတ်ႇလဵင်ႉလုၵ်ႈလဵင်ႉလၢင်း တီႈမၼ်း ဢေႃႈ။
၂၃ မၼ်းပႃးပတိၵ်ႉသၼ်ႇထေႇလႄႈၵိူတ်ႇလဵင်ႉလုၵ်ႈၸၢႆးမႃးသေယဝ်ႉလၢတ်ႈဝႃႈ၊-ၽြႃးပဵၼ်ၸဝ်ႈပႄႇပႅတ်ႈလွင်ႈတၢင်းဢၼ်သေႉဢၼ်သွမ်း ဢၼ်ၵဝ်လႆႈၶၢမ်ႇ ၼၼ်ႉသေၵႃႈတီႈၵဝ်ယဝ်ႉ၊ ဝႃႈၼင်ႇၼႆသေယဝ်ႉ၊
၂၄ ႁွင်ႉႁိၵ်ႈၸိုဝ်ႈလုၵ်ႈၸၢႆးၼၼ်ႉဝႃႈ ယုဝ်းသႅပ်ႉ လႄႈသမ်ႉဝႃႈထႃႇဝရႃႉၽြႃးတၵ်းထၢပ်ႈထႅင်ႈလႄႈ ပၼ်လုၵ်ႈၸၢႆးတၢင်ႇၵေႃႉတီႈၵဝ်လူးၵွၼ်ႇဢေႃႈ၊ ဝႃႈၼင်ႇၼႆဢေႃႈ။
ၽုင်သူဝ်းယႃႇၵုပ်ႉယႂ်ႇၽႄၼမ်ၵိုၼ်းမႃး
၂၅ ဝၢႆးသေ ရႃႇၶေႇလ ၵိူတ်ႇလဵင်ႉ ယုဝ်းသႅပ်ႉ ယဝ်ႉၼၼ်ႉ ယႃႇၵုပ်ႉ လၢတ်ႈတီႈ လႃႇပၢၼ်ႇ လႄႈဝႃႈ၊-ပွႆႇၵဝ်ၶႃႈႁႂ်ႈၵဝ်ၶႃႈလႆႈၶိုၼ်းမိူဝ်းၸူးၵႃႈတီႈမိူင်းတီႈ ယူႇၵဝ်ႇၵဝ်ၶႃႈၼၼ်ႉသေၵမ်း။
၂၆ ပၼ်ဢၶႂၢင်ႉႁႂ်ႈၵဝ်ၶႃႈလႆႈဢဝ်ၵွႃႇမေးၵဝ်ၶႃႈဢိၵ်ႇတင်း လုၵ်ႈလၢင်းၵဝ်ၶႃႈဢၼ်ၵဝ်ၶႃႈၶၢမ်ႇတၢင်းၸႂ်ႉတၢင်းသွႆလႄႈ လႆႈမႃးၸိူဝ်းၼၼ်ႉ သေၵမ်း။
၂၇ ၸဝ်ႈႁူႉလွင်ႈတၢင်းၸႂ်ႉတၢင်းသွႆဢၼ်ၵဝ်ၶႃႈလႆႈၶၢမ်ႇၵႃႈတီႈၸဝ်ႈၼၼ်ႉယူႇၶႃႈဢေႃႈ၊ ဝႃႈၼင်ႇၼႆလႄႈ လႃႇပၢၼ်ႇ ၵေႃႈလၢတ်ႈတီႈမၼ်းလႄႈဝႃႈ၊-ပေႃးၵဝ်ထူပ်းၵျေးၸူးသိုဝ်ႈၼႃႈတႂ်ႈတႃမႂ်းၸိုင်၊ ယူႇလူးၵွၼ်ႇသေၵမ်း။ ၵဝ်ႁူႉသၢႆငၢႆလွင်ႈဢၼ်ထႃႇဝရႃႉၽြႃးပၼ်တၢင်းလီတီႈၵဝ်ၵွပ်ႈပိူဝ်ႈမႂ်းၼၼ်ႉယဝ်ႉ၊ ဝႃႈၼင်ႇၼႆ လႄႈသမ်ႉလၢတ်ႈလႄႈဝႃႈ၊-
၂၈ မွၵ်ႇလၢတ်ႈၵႃႊၶၼ်ဢၼ်ၵဝ်တၵ်းလႆႈပၼ်ၼၼ်ႉသေၵမ်း။ၵဝ်တၵ်းပၼ်ဢေႃႈ၊ဝႃႈၼင်ႇၼႆသေယဝ်ႉ၊ ယႃႇၵုပ်ႉ ၵေႃႈလၢတ်ႈဝႃႈ၊-
၂၉ ၸဝ်ႈႁူႉလွင်ႈဢၼ် ၵဝ်ၶႃႈၶၢမ်ႇတၢင်းၸႂ်ႉတၢင်းသွႆၸဝ်ႈၸိူဝ်ႉၼင်ႇႁိုဝ်ဢိၵ်ႇတင်း လွင်ႈဢၼ်တရိၵ်ႉသၢၼ်ႇၸဝ်ႈမီးယူႇၵႃႈတီႈၵဝ်ၶႃႈ ၸိူဝ်ႉၼင်ႇႁိုဝ်ၼၼ်ႉယူႇၶႃႈဢေႃႈ။
၃၀ၸူဝ်ႈဢၼ်ၵဝ်ၶႃႈဢမ်ႇပႆႇႁွတ်ႈမႃးၼၼ်ႉၸိုင်ဢုၵ်ႉၸႃႇၸဝ်ႈၵေႇၼႃႇၶႃႈဢေႃႈ။ ၵမ်းၼႆႉယႂ်ႇၽႄႈၼမ်ၵိုၼ်းမႃးၼမ်ၼႃႇလူင်လၢင်ဢေႃႈ။ထႃႇဝရႃႉၽြႃးပၼ်တၢင်းလီတီႈၸဝ်ႈ ၼႂ်းတၢင်းဢၼ်ၵဝ်ၶႃႈၵွႃႇမႃးသၢင်ႈႁဵတ်းၼၼ်ႉၶႃႈယဝ်ႉ။ တေႃႈလဵဝ်ၼႆႉၵဝ်ၶႃႈ တၵ်းလႆႈလုမ်းလႃးၵူၼ်းႁိူၼ်းၵူၼ်းယေးတူဝ်ၸဝ်ႈၵဝ်ႇ မိူဝ်ႈလႂ်ၶႃႈ၊ ဝႃႈၼင်ႇၼႆဢေႃႈ။
၃၁ မၼ်းၵေႃႈၶိုၼ်းထၢမ်လႄႈဝႃႈ၊-ၵဝ်တၵ်းလႆႈပၼ်ၵႃႈသင်တီႈမႂ်း၊ဝႃႈၼင်ႇၼႆလႄႈ ယႃႇၵုပ်ႉၵေႃႈလၢတ်ႈလႄႈဝႃႈ၊-ဢမ်ႇလႆႈပၼ်ၵႃႈသင်လႃးလႃး။ ပေႃးၸဝ်ႈၶႂ်ႈႁဵတ်းၵျေးၸူးသေၸိူဝ်ႉသေပိူင်တီႈၵဝ်ၶႃႈၸိုင် ၵဝ်ၶႃႈတၵ်းၶိုၼ်းလဵင်ႉလူ ပႂ်ႉထိင်းၽုင်သူဝ်းၽုင်ပေႉၸဝ်ႈတင်း လၢႆထႅင်ႈလူးၵွၼ်ႇၶႃႈဢေႃႈ။
၃၂ ဝၼ်းမိူဝ်ႈၼႆႉၵဝ်ၶႃႈတၵ်းၵွႃႇၵႃႈတီႈၼႂ်းၽုင်သူဝ်းၽုင်ပေႉၸဝ်ႈ ၵူႈတီႈၵူႈလႅၼ်လႄႈ ၽႄဢဝ်သူဝ်းဢၼ်လၢႆးဢၼ်လဵၼ်းလႂ်၊ ဢၼ်ပဵၼ်ၸုမ်ႈဝႆႉလႂ်၊ သူဝ်းဢၼ်ၵမ်ႇလႂ်၊ၵူႈတူဝ်ဢွၵ်ႇသေၵႃႈၼႂ်းၽုင်သူဝ်း၊ ပေႉဢၼ်လၢႆးဢၼ်လဵၼ်းလႂ်၊ဢၼ်ပဵၼ်ၸုမ်ႈဝႆႉလႂ် ၵူႈတူဝ်ဢွၵ်ႇသေၵႃႈၼႂ်းၽုင်ပေႉလႄႈႁႂ်ႈတူဝ်ၸိူဝ်ႉၼင်ၼၼ်ၼၼ်ႉပဵၼ်ၵႃႊၶၼ်ၵဝ်ႈၶႃႈတႃႉ။
၃၃ပိူဝ်ႈၼႆလႄႈၶိင်ႇၵႃႇလႃႉၵမ်းလိုၼ်း ပုၼ်ႉၼၼ်ႉမိူဝ်ႈဢၼ်ၵႃႊၶၼ်ၵဝ်ၶႃႈႁွတ်ႈထိုင် ၵႃႈတီႈၽၢႆႇၼႃႈၸဝ်ႈၼၼ်ႉၸိုင် တၢင်းသိုဝ်တေႃႇၵဝ်ၶႃႈတၵ်းပႂ်ႉၸွႆႈပႂ်ႉထႅမ်ၵဝ်ၶႃႈဢေႃႈ။ႁႂ်ႈမၢတ်ႈပေႉဢၼ်ဢမ်ႇလၢႆးဢမ်ႇလဵၼ်းလႂ် ဢၼ်ဢမ်ႇပဵၼ်ၸုမ်ႈဝႆႉလႂ် ဢိၵ်ႇတင်း သူဝ်းဢၼ်ဢမ်ႇၵမ်ႇလႂ် ဢၼ်မီးတီႈၵဝ်ၶႃႈၼၼ်ႉ ပဵၼ်ၸိူဝ်ႉၼင်ႇတူဝ်ဢၼ်ၵဝ်ၶႃႈလၵ်ႉဢဝ်လိူတ်ႈဢဝ်ၵူႈတူဝ်တႃႉ ဝႃႈၼင်ႇၼႆဢေႃႈ။
၃၄ လႃႇပၢၼ်ႇ ၵေႃႈလႆႈၸႂ်လႄႈဝႃႈ၊-ႁႂ်ႈပဵၼ်ၵႃႈၼင်ႇဢၼ်မႂ်းဝႃႈၼၼ်ႉတႃႉ၊ ဝႃႈၼင်ႇၼႆ လႄႈ
၃၅ ၼႂ်းဝၼ်းၼၼ်ႉမၼ်းၽႄဢဝ်ပေႉပေႃႈၵႃႈဢၼ်လၢႆးဢၼ်လဵၼ်းလႂ် ပေႉမေႈၵႃႈဢၼ်လၢႆးဢၼ်လဵၼ်းလႂ် ပေႉၵႃႈဢၼ်ပႃးဢၼ်ၽိူၵ်ႇလႂ်သူဝ်းၵႃႈဢၼ်ၵမ်ႇလႂ်ဢွၵ်ႇသေလႄႈ ဢၢပ်ႈပၼ်ၵႃႈၼႂ်းမိုဝ်းလုၵ်ႈၸၢႆးမၼ်း ၸိူဝ်းၼၼ်ႉဢေႃႈ။
၃၆ မၼ်းတႅပ်းတတ်းတီႈဢၼ်မၼ်းယူႇဢိၵ်ႇတင်းတီႈဢၼ် ယႃႇၵုပ်ႉ ယူႇၼၼ်ႉႁႂ်ႈလႆႈယၢၼ်ၵၼ်ၶၢဝ်းတၢင်းသၢမ်ဝၼ်းဢေႃႈ။ယႃႇၵုပ်ႉ လဵင်ႉသူဝ်းတင်းပေႉ လႃႇပၢၼ်ႇ ဢၼ်ၵိုတ်းဢၼ်ၵျၢၼ်ႇဝႆႉၸိူဝ်းၼၼ်ႉဢေႃႈ။
၃၇ မိူဝ်ႈၼၼ်ႉ ယႃႇၵုပ်ႉ ဢဝ်ၶွၼ်ႉၵွမ်းၵိင်ႇတူၼ်ႈလိပၼႃႇဢၼ်လိပ်းလႂ်တူၼ်ႈလူႉၸႃႉလႂ်တင်းတူၼ်ႈ ဢႃႇရမုၼ်ႇလႂ်သေလႄႈ ထိူဝ်ၶွၵ်းပႅတ်ႈပိူၵ်ႇမၼ်းႁႂ်ႈဢၼ်ၽိူၵ်ႇဢၼ်ၶဵဝ်ဢွၵ်ႇပဵၼ်ၶၼ်ႈပဵၼ်ပွင်ႈဝႆႉသေယဝ်ႉ မီးတၢင်းၵျၢမ်ႇတၢင်းပွင်ဝႃႈ သူဝ်းပေႉဢၼ်မႃးၵိၼ်ၼမ်ႉၵႃႈတီႈၼၼ်ႉၸိူဝ်းၼၼ်ႉ တၵ်းဝၢင်ၵၼ်လႄႈၵိူတ်ႇလဵင်ႉလုၵ်ႈမႃးၼႂ်းမိူဝ်ႈဢၼ်မႃးၵိၼ်ၼမ်ႉၼၼ်ႉဢေႃႈ၊ ဝႃႈၼင်ႇၼႆသေယဝ်ႉ
၃၈ ဢဝ်ၶွၼ်ႉဢၼ်ၶွၵ်းပိူၵ်ႇယဝ်ႉၸိူဝ်းၼၼ်ႉပၵ်းဝႆႉၵႃႈတီႈၽၢႆႇၼႃႈသူဝ်းပေႉၸိူဝ်းၼၼ်ႉ ၵႃႈတီႈႁိမ်းႁၢင်းၵိၼ်ၼမ်ႉ တင်းၵွၵ်းၵိၼ်ၼမ်ႉတင်းလၢႆတီႈဢၼ်ၽုင် သူဝ်းၽုင်ပေႉၵိၼ်ၼၼ်ႉဢေႃႈ။
၃၉ သူဝ်းပေႉၸိူဝ်းၼၼ်ႉဝၢင်ၵၼ်လႄႈ ၵိူတ်ႇလဵင်ႉလုၵ်ႈမႃး ၵႃႈတီႈၽၢႆႇၼႃႈၶွၼ်ႉၵွမ်းၸိူဝ်းၼၼ်ႉသေယဝ်ႉ ၵိူတ်ႇလဵင်ႉလုၵ်ႈတူဝ်ဢၼ်လၢႆး ဢၼ်လဵၼ်းလႂ်ဢၼ်ပဵၼ်ၸုမ်ႈလႂ်မႃးဢေႃႈ။
၄၀ ယႃႇၵုပ်ႉၽႄဢဝ်သူဝ်းဢွၼ်ႇတင်းပေႉဢွၼ်ႇတင်းလၢႆ ဢွၵ်ႇဝႆႉတီႈၼိုင်ႈလႄႈ ႁႂ်ႈသူဝ်းပေႉတင်းလၢႆဝၢႆႇၼႃႈၸူးတူဝ်ဢၼ်လၢႆးဢၼ်လဵၼ်းလႂ်တူဝ်ဢၼ်ၵမ်ႇလႂ် ဢၼ်မီးၵႃႈၼႂ်းၽုင်သူဝ်းၽုင်ပေႉ လႃႇပၢၼ်ႇ ၼၼ်ႉဢေႃႈ။ၽုင်တရိၵ်ႈသၢၼ်ႇမၼ်း တင်း ၽုင်တရိၵ်ႈသၢၼ်ႇလႃႇပၢၼ်ႇ ၵေႃႈ ဢမ်ႇပၼ်လေႃးလႄးလူၺ်ႈၵၼ်လႄႈၽႄဝႆႉၽုင်လႂ်ၽုင်ၼၼ်ႉဢေႃႈ။
၄၁ မိူဝ်ႈဢၼ်တူဝ်ဢၼ်ႁႅင်းယႂ်ႇဝၢင်ၵၼ်ၼၼ်ႉၸိုင်၊ ယႃႇၵုပ်ႉ ၸင်ႇဢဝ်ၶွၼ်ႉၵွမ်းၸိူဝ်းၼၼ်ႉဝႆႉၵႃႈတီႈႁိမ်းႁၢင်းၵိၼ်ၼမ်ႉ ၵႃႈတီႈသိုဝ်ႈၼႃႈတႂ်ႈတႃၶဝ်ႁႂ်ႈၶဝ်ဝၢင်ၵၼ်လႄႈ ၵိူတ်ႇလဵင်ႉ လုၵ်ႈၵႃႈတီႈၶွၼ်ႉၵွမ်းၸိူဝ်းၼၼ်ႉဢေႃႈ။
၄၂ ၵႃႈတီႈၽၢႆႇၼႃႈတူဝ်ဢၼ်ႁႅင်းလဵၵ်ႉၼၼ်ႉၸိုင် မၼ်းဢမ်ႇပၵ်းဢမ်ႇဝႆႉ။ပိူဝ်ႈၼႆလႄႈတူဝ်ဢၼ်ႁႅင်းလဵၵ်ႉၸိူဝ်းၼၼ်ႉပဵၼ်တူဝ်ပုၼ်ႈ လႃႇပၢၼ်ႇ ဢေႃႈ။တူဝ်ဢၼ်ႁႅင်းယႂ်ႇတင်းလၢႆၸမ်းပဵၼ်တူဝ်ပုၼ်ႈယႃႇၵုပ်ႉဢေႃႈ။
၄၃ ၼင်ႇၼၼ်လႄႈတီႈ ယႃႇၵုပ်ႉ ၼၼ်ႉဢုၵ်ႉၸႃႇယႂ်ႇၽႄၼမ်ၵိုၼ်းမႃးလႄႈမီးသူဝ်းပေႉ၊ၶႃႈၵူၼ်းယိင်း၊ၶႃႈၵူၼ်းၸၢႆး၊ ၵလႃႇဢုၵ်ႉ၊မႃႉလီႈၼမ်ၼႃႇဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ