Shan Missions

လိၵ်ႈဢေႃးဝႃႇတႃႉရူဝ်းမ

Chapter   ၁       ၂       ၃       ၄       ၅       ၆       ၇       ၈       ၉       ၁၀       ၁၁       ၁၂       ၁၃       ၁၄       ၁၅       ၁၆     

၃

၁ ပေႃးပဵၼ်ၸိူဝ်ႉၼင်ႇၼႆၸိုင်ၵွပ်ႈပဵၼ်ၵူၼ်းယုတလႄႈလႆႈဢၵျူဝ်းၸိူဝ်ႉၼင်ႇႁိုဝ်။တၢင်းဢၼ်ထိူဝ်ႁိမ်းၼၼ်ႉပၼ်ဢၵျူဝ်းၵႃႈသင်။

၂ မီးဢၵျူဝ်းၵူႈၸိူဝ်ႉၵူႈပိူင်ၼမ်ၼႃႇဢေႃႈ။ဢၵျူဝ်းဢၼ်မျၢတ်ႈတွၼ်းလိူဝ်ၸမ်းၶဝ်လႆႈၶၢမ်ႇတၢင်းဢၼ်ဢၢပ်ႈပၼ်ၼုၵ်ႉၵပၢတ်ႈၽြႃးပဵၼ်ၸဝ်ႈဢေႃႈ။

၃ ၼႂ်းၶဝ်ၵမ်ႈၽွင်ႈပေႃးဢမ်ႇမီးသႅတ်ႈၸႃႇၸိုင်တၵ်းပဵၼ်ၸိူဝ်ႉၼင်ႇႁိုဝ်။တၢင်းဢၼ်ၶဝ်ဢမ်ႇမီးသႅတ်ႈၸႃႇၼၼ်ႉတၵ်းႁဵတ်းႁႂ်ႈသႅတ်ႈၸႃႇၽြႃးပဵၼ်ၸဝ်ႈလူႉႁိုဝ်။ဢမ်ႇပဵၼ်ၸိူဝ်ႉၼင်ႇၼၼ်။

၄ ပဵၵ်ႉသမ်ႉၵူၼ်းတင်းသဵင်ႈတင်းလူင်ပႅတ်ႉလႅၼ်သေၵေႃႈ၊သႅတ်ႈၸႃႇၽြႃးပဵၼ်ၸဝ်ႈတႄႇယူႇၵႃႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ၊-ၵႂၢမ်းဢမိင်ႉၸဝ်ႈႁဝ်းၼၼ်ႉႁႂ်ႈၸဝ်ႈႁဝ်းသိုဝ်ႈတေႃႇလႄႈပႄႉၼႅင်ႇၼႂ်းတၢင်းဢၼ်ၸီႇယၢင်ႇတြႃးၼၼ်ႉဢေႃႈ၊ဝႃႈၼင်ႇၼႆၼၼ်ႉဢေႃႈ။

၅ ပေႃးဢမူႉဢၼ်ဢမ်ႇတြႃးႁဝ်းၼႆႉႁဵတ်းႁႂ်ႈတြႃးတၢင်းသိုဝ်ႈတေႃႇၽြႃးပဵၼ်ၸဝ်ႈယိင်ႈၶႅၼ်းထၢင်ႇသႃးမႃးၸိုင်ႁဝ်းတၵ်းလႆႈဝႃႈၸိူဝ်ႉၼင်ႇႁိုဝ်။ၸွင်ႇတေဝႃႈၼႂ်းတၢင်းဢၼ်ၽြႃးပဵၼ်ၸဝ်ႈပၼ်တၢမ်ႇၼၼ်ႉမၼ်းၸဝ်ႈႁဵတ်းဢၼ်ဢမ်ႇတြႃးဝႃႈၼႆႁိုဝ်။ဢၼ်ၵဝ်ဝႃႈၸိူဝ်ႉၼင်ႇၼႆၼႆႉၵဝ်ဝႃႈၸွမ်းၼင်ႇသၽေႃးၵူၼ်းၵူၺ်းဢေႃႈ။

၆ ဢမ်ႇၸႂ်ႈၸိူဝ်ႉၼင်ႇၼၼ်။ပေႃးပဵၼ်ၸိူဝ်ႉၼင်ႇၼၼ်ၸိုင်ၽြႃးပဵၼ်ၸဝ်ႈတၵ်းၸႅတ်ႈထၢမ်ၸီႇယၢင်ႇၵူၼ်းလေႃးၵႃႉတင်းလၢႆၸိူဝ်ႉၼင်ႇႁိုဝ်။

၇ မၢင်ႈၵေႃႉတေဝႃႈပေႃးတၢင်းဢၼ်ၵဝ်ၽိတ်းပိူင်ႈၼၼ်ႉႁဵတ်းႁႂ်ႈသႅတ်ႈၸႃႇၽြႃးပဵၼ်ၸဝ်ႈယိင်ႈၶႅၼ်းထၢင်ႇသႃးမႃးႁဵတ်းႁႂ်ႈမုၼ်ၵုင်ႇသရေႇမၼ်းၸဝ်ႈယိင်ႈၶႅၼ်းယႂ်ႇမႃးၸိုင်ႁဵတ်းသင်လႄႈသမ်ႉၸီႇယၢင်ႇၵဝ်မိူၼ်ၼင်ႇၵူၼ်းဢၼ်မီးဢပျႅတ်ႈၼၼ်ႉ၊ဝႃႈၼႆႁိုဝ်။

၈ ႁဵတ်းသင်လႄႈဢမ်ႇဝႃႈမိူၼ်ၸိူဝ်ႉၼင်ႇၵူၼ်းၵမ်ႈၽွင်ႈသေႉသွမ်းႁဝ်းလႄႈဝႃႈ၊-ဢွၼ်ၵၼ်ႁဵတ်းဢၼ်ဢမ်ႇလီဢမ်ႇငၢမ်းလႄႈႁႂ်ႈဢၵျူဝ်းဢၼ်လီဢၼ်ငၢမ်းႁွတ်ႈမႃးတီးႁဝ်းတႃႉႁဝ်း၊ဝႃႈၼင်ႇၼႆၼၼ်ႉ။ၶဝ်ၸိူဝ်းဢၼ်ဝႃႈၸိူဝ်ႉၼင်ႇၼႆၼၼ်ႉထိူၵ်ႈၶၢမ်ႇတၢမ်ႇဢပျႅတ်ႈဢေႃႈ။

လေႃးၵႃႉမီးဢပျႅတ်ႈၽၢႆႇၼႃႈၽြႃးပဵၼ်ၸဝ်ႈ

၉ ႁဝ်းတၵ်းလႆႈဝႃႈၸိူဝ်ႉၼင်ႇႁိုဝ်။ႁဝ်းၼႆႉယဵင်ႈၶႅၼ်းမျၢတ်ႈႁိုဝ်။ဢမ်ႇၸႂ်ႈသေဢိတ်း။လွင်ႈမၼ်းၸမ်းႁဝ်းပေႃးလႆႈႁူႉလွင်ႈဢၼ်ဝႃႈ၊ၵူၼ်းယုတဢိၵ်ႇတင်းၵူၼ်းႁေႇလသတင်းသဵင်ႈတင်းလူင်မီးဢပျႅတ်ႈဢေႃႈ။

၁၀ ဢၼ်မႃးၼႂ်းၵျၢမ်းလိၵ်ႈလႄႈဝႃႈၸမ်း၊-ၵေႃႉဢၼ်သိုဝ်ႈတေႃႇၼၼ်ႉဢမ်ႇမီး။

၁၁ ဢမ်ႇမီးသေၵေႃႉ။ၵေႃႉဢၼ်ႁူႉဢမ်ႇမီး။ၵေႃႉဢၼ်ႁႃၽြႃးပဵၼ်ၸဝ်ႈဢမ်ႇမီး။ၵူၼ်းတင်းသဵင်ႈတင်းလူင်ၽိတ်းတၢင်းၵႂႃႇယဝ်ႉ။

၁၂ ပဵၼ်ၵေႃႉဢၼ်ဢမ်ႇလႆႈလွင်ႈမိူၼ်မိူၼ်ၵၼ်ယဝ်ႉ။ၵေႃႉဢၼ်ၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းဢမ်ႇမီး။

၁၃ ဢမ်ႇမီးသေၵေႃႉ။ၵူင်ၶေႃးၶဝ်ၼၼ်ႉပဵၼ်ၶုမ်ပႃႇႁဵဝ်ႈဢၼ်ၽုၺ်ႇဝႆႉဢေႃႈ။ၶဝ်ဢဝ်လိၼ်ႉၶဝ်ၸၢင်ႊပႅတ်ႉၸၢင်ႊလႅၼ်ဢေႃႈ။ၼႂ်းသီႇသူပ်းၶဝ်ၼၼ်ႉမီးၵွင်ႉမီးယၢင်ႊငူးႁၢႆႉဢေႃႈ။

၁၄ သူပ်းၶဝ်ၼၼ်ႉတဵမ်ဝႆႉတင်းၵႂၢမ်းဢၼ်ၵိၼ်ႇလႃႇဢိၵ်ႇတင်းၵႂၢမ်းဢၼ်ႁၢႆႉဢၼ်ၵျၢမ်းၼႃႇဢေႃႈ။

၁၅ တိၼ်ၶဝ်ၼၼ်ႉၸၢင်ႊၵႂႃႇၶၼ်ၶၼ်ၽႂ်းၽႂ်းႁႂ်ႈလႆႈဢဝ်ဢသၢၵ်ႈၵူၼ်းတၢႆဢေႃႈ။

၁၆ ၼႂ်းသဵၼ်ႈတၢင်းဢၼ်ၶဝ်ၵႂႃႇၼၼ်ႉမီးတၢင်းလူႉတၢင်းလႅဝ်ဢိၵ်ႇတင်းတုၵ်ႉၶႃႉတၢင်းၽၢၼ်ဢေႃႈ။

၁၇ ၶဝ်ဢမ်ႇႁူႉဢမ်ႇၸႅင်ႈသဵၼ်ႈတၢင်းဢၼ်ၵတ်းယဵၼ်ၶျၢမ်းသႃႇၼၼ်ႉ။

၁၈ လွင်ႈဢၼ်တၵ်းလႆႈရူဝ်ႇသေႇၵူဝ်ယမ်ၽြႃးပဵၼ်ၸဝ်ႈၼၼ်ႉဢမ်ႇမီးသိုဝ်ႈၼႃႈတႂ်ႈတႃၶဝ်၊ဝႃႈၼင်ႇၼႆဢေႃႈ။

၁၉ ၵႂၢမ်းၵႃႈဢၼ်ပႃးၼႂ်းၵျၢမ်းပိင်းၺၢပ်ႈတြႃးတင်းသဵင်ႈတင်းလူင်ၼၼ်ႉၸၢပ်ႈသႅင်ႇၵၼ်တင်းၶဝ်ၸိူဝ်းဢၼ်ၶၢမ်ႇဢဝ်ပိင်းၺၢပ်ႈတြႃးၼၼ်ႉဢေႃႈ၊ဝႃႈၼႆႁဝ်းႁူႉယူႇဢေႃႈ။ပိူဝ်ႈဢၼ်ပဵၼ်ၼင်ႇၼႆလႄႈသူပ်းၵူၼ်းတင်းသဵင်ႈတင်းလူင်တၵ်းလႆႈမီးတၢင်းဢၼ်ဢိုတ်းဝႆႉလႄႈၵူၼ်းလေႃးၵီႇတင်းသဵင်ႈတင်းလူင်တၵ်းပဵၼ်ၵေႃႉဢၼ်ထုၵ်ႇဢပျႅတ်ႈၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။

၂၀ ပိူဝ်ႈဢၼ်ပိင်းၺၢပ်ႈတြႃးပဵၼ်လွင်ႈဢၼ်ႁႂ်ႈဢပျႅတ်ႈတူႉၸရိူၵ်ႈတင်းလၢႆထၢင်ႇသႃးမႃးလႄႈၽူႈလႂ်ၵေႃႈတၵ်းဢမ်ႇႁွတ်ႈထိုင်တၢင်းသိုဝ်ႈတေႃႇၵႃႈတီႈၽၢႆႇၼႃႈၽြႃးပဵၼ်ၸဝ်ႈလႆႈၵွပ်ႈပိူဝ်ႈတၢင်းၵမ်တၢင်းၵျၢင်ႉပိင်းၺၢပ်ႈတြႃးၼၼ်ႉ။

တၢင်းယုမ်ႇမၢတ်ႈပဵၼ်တၢင်းၵႄႇၶျွတ်ႈ

၂၁ တေႃႈလဵဝ်ၼႆႉၸမ်းမႅၼ်ႈၸွမ်းၼင်ႇၵျၢမ်းပိင်းၺၢပ်ႈတိတင်းၵျၢမ်းဢၼႃႇၵၢတ်ႈတိတင်းလၢႆၶၢမ်ႇသၢၵ်ႈသေႇဝႆႉၼၼ်ႉတြႃးတၢင်းသိုဝ်ႈတေႃႇၽြႃးပဵၼ်ၸဝ်ႈဢၼ်ဢမ်ႇၸၢပ်ႈသႅင်ႇၵၼ်တင်းပိင်းၺၢပ်ႈတြႃးၼၼ်ႉ

၂၂ ႁွတ်ႈထိုင်မႃးၵႃႈၼိူဝ်ၶဝ်ၸိူဝ်းဢၼ်ယုမ်ႇမၢတ်ႈၸဝ်ႈယေႇသုၶရိၸ်ႉတင်းသဵင်ႈတင်းလူင်ၼၼ်ႉထၢင်ႇသႃးမႃးယဝ်ႉ။

၂၃ တၢင်းဢၼ်ပႅၵ်ႇပိူင်ႈၵၼ်ဢမ်ႇမီး။ပဵၼ်ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်း၊ၵူၼ်းတင်းသဵင်ႈတင်းလူင်ႁဵတ်းမႅၼ်ႈတူႉၸရိူၵ်ႈဢပျႅတ်ႈလႄႈသရေႇလူႉၵႃႈတီႈၽၢႆႇၼႃႈၽြႃးပဵၼ်ၸဝ်ႈယဝ်ႉ။

၂၄ ယင်းဢမ်ႇပၼ်ၵႃႊမၼ်းၶၼ်မၼ်းလႄႈႁဝ်းလႆႈႁွတ်ႈထိုင်တၢင်းသိုဝ်ႈတေႃႇၵွပ်ႈပိူဝ်ႈၵျေးၸူးၽြႃးပဵၼ်ၸဝ်ႈၼႂ်းတၢင်းဢၼ်ၸဝ်ႈယေႇသုၶရိၸ်ႉၵႄႇၶျွတ်ႈဢဝ်ၼၼ်ႉဢေႃႈ။

၂၅ မၼ်းၸဝ်ႈၼၼ်ႉၽြႃးပဵၼ်ၸဝ်ႈၶၢၼ်းဝႆႉႁႂ်ႈလႆႈပဵၼ်လွင်ႈဢၼ်ၽေႇဢပျႅတ်ႈၵွပ်ႈပိူဝ်ႈတၢင်းယုမ်ႇမၢတ်ႈၼႂ်းလိူတ်ႈမၼ်းၸဝ်ႈၼၼ်ႉဢေႃႈ။လွင်ႈၼင်ႇႁိုဝ်တၵ်းႁႂ်ႈတြႃးတၢင်းသိုဝ်ႈတေႃႇၸဝ်ႈထၢင်ႇသႃးမႃးၼၼ်ႉမၼ်းၸဝ်ႈၸင်ႇႁဵတ်းၸိူဝ်ႉၼင်ႇၼႆဢေႃႈ။လွင်ႈမၼ်းၸမ်းမၼ်းၸဝ်ႈလႆႈယိူၼ်ႉၶၢမ်ႇလႄႈဢမ်ႇပၼ်တၢမ်ႇတူႉၸရိူၵ်ႈဢပျႅတ်ႈဢၼ်ႁဝ်းႁဵတ်းပူၼ်ႉမႃးယဝ်ႉၸိူဝ်းၼၼ်ႉ။

၂၆ လွင်ႈၼင်ႇႁိုဝ်တၵ်းႁႂ်ႈတြႃးတၢင်းသိုဝ်ႈတေႃႇၸဝ်ႈထၢင်ႇသႃးမႃးၼႂ်းၶိင်ႇၵႃႇလႃႉတေႃႈလဵဝ်ၼႆႉၼၼ်ႉမၼ်းၸဝ်ႈသိုဝ်ႈတေႃႇလႄႈႁႂ်ႈၶဝ်ၸိူဝ်းဢၼ်ယုမ်ႇမၢတ်ႈမၼ်းၸဝ်ႈၼၼ်ႉၵေႃႈသိုဝ်ႈတေႃႇဢေႃႈ။

၂၇ ပေႃးပဵၼ်ၸိူဝ်ႉၼင်ႇၼႆၸိုင်ၵွပ်ႈသင်လႄႈႁဝ်းတၵ်းလႆႈဢုပ်ႇဝၢဝ်း။ၵွပ်ႈပိူဝ်ႈတြႃးဢၼ်လႂ်။ၵွပ်ႈပိူဝ်ႈတြႃးတၢင်းၵမ်တၢင်းၵျၢင်ႉႁိုဝ်။

၂၈ ဢမ်ႇၸႂ်ႈ။ပဵၼ်ၵွပ်ႈပိူဝ်ႈတြႃးတၢင်းယုမ်ႇမၢတ်ႈၼၼ်ႉၵူၺ်းဢေႃႈ။ပိူဝ်ႈၼႆလႄႈၵူၼ်းႁဝ်းၼႆႉလႆႈႁွတ်ႈထိုင်တၢင်းသိုဝ်ႈတေႃႇၵွပ်ႈပိူဝ်ႈတၢင်းၵမ်တၢင်းၵျၢင်ႉပိင်းၺၢပ်ႈတြႃးဢမ်ႇၸႂ်။ပဵၼ်ၵွပ်ႈပိူဝ်ႈတၢင်းယုမ်ႇမၢတ်ႈဢေႃႈ၊ဝႃႈၼႆႁဝ်းလႆႈဢဝ်ၼင်ႇၼႆဢေႃႈ။

၂၉ ၽြႃးပဵၼ်ၸဝ်ႈပဵၼ်ၽြႃးၵူၼ်းယုတတင်းလၢႆၵူၺ်းႁိုဝ်။ပဵၼ်ၽြႃးၵူၼ်းတၢင်ႇၸိုဝ်ႉတၢင်ႇၶိူဝ်းတင်းလၢႆယူႇဢမ်ႇၸႂ်ႈႁိုဝ်။ၸႂ်ႈတႄႉ။ပဵၼ်ၽြႃးၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆယူႇဢေႃႈ။

၃၀ ၸိူဝ်ႉၼင်ႇဢၼ်မီးၽြႃးပဵၼ်ၸဝ်ႈသူႇလဵဝ်ပႃးလဵဝ်ၵူၺ်းၼၼ်ႉမၼ်းၸဝ်ႈတၵ်းႁဵတ်းႁႂ်ႈၵေႃႉဢၼ်ၶၢမ်ႇတၢင်းဢၼ်ထိူဝ်ႁိမ်းဢိၵ်ႇတင်းၵေႃႉဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းသွင်ၸိူဝ်ႉသွင်မဵဝ်းၼၼ်ႉႁွတ်ႈထိုင်ၼႂ်းတၢင်းဢၼ်သိုဝ်ႈတေႃႇၵွပ်ႈပိူဝ်ႈတၢင်းယုမ်ႇမၢတ်ႈဢေႃႈ။

၃၁ ပေႃးပဵၼ်ၸိူဝ်ႉၼင်ႇၼႆၸိုင်၊ၵွပ်ႈပိူဝ်ႈတၢင်းယုမ်ႇမၢတ်ႈလႄႈႁဝ်းပႄႇပႅတ်ႈပိင်းၺၢပ်ႈတြႃးႁိုဝ်။ဢမ်ႇပႄႇပႅတ်ႈလႃးလႃး။ယဵင်ႈၶႅၼ်းႁႂ်ႈတႄႇယူႇဢေႃႈ။