ၵျၢမ်းၶၢဝ်ႇငၢဝ်ႊသတၢင်းသိူဝ်းပျေႃႇယုဝ်းႁၢၼ်ႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁
၂၁
ၸဝ်ႈယေႇသုၼႄၼီႉမိၵ်ႈလၵ်ႈၶၼႃႇ
၁ လိုၼ်းၼၼ်ႉၸဝ်ႈယေႇသုၼႄပျႃးတူဝ်မၼ်းၸဝ်ႈတီႈတပႄးၸဝ်ႈၵမ်ႈၽွင်ႈၵႃႈတီႈႁိမ်းၼွင်တိပေႇရိဢေႃႈ။
၂ လွင်ႈတၢင်းဢၼ်မၼ်းၸဝ်ႈၼႄပျႃးၼၼ်ႉၸမ်းသိမုၼ်ႇပေႇတရုဢိၵ်ႇတင်းထုဝ်းမဢၼ်လႆႈၸိုဝ်တိတုမုတင်းၼႃႇသၼေႇလၵူၼ်းဝဵင်းၵႃႇၼမိူင်းၵႃႇလိလႄးတင်းလုၵ်ႈၸၢႆးၸေႇပေႇတေးတင်းလၢႆတင်းတပႄးၸဝ်ႈတၢင်ႇၵေႃႉသွင်ၵေႃႉၸိူဝ်းၼၼ်ႉဢွၵ်ႇၵႂႃႇဝၢၼ်ႇၶႄတီႉပႃဢေႃႈ။
၃ ၶဝ်ဢွၵ်ႇၵႂႃႇသေယဝ်ႉၶဝ်ႈၵႃႈၼႂ်းႁိူဝ်းဝၢၼ်ႇၶႄတီႉပႃၼႂ်းၶိုၼ်းၼၼ်ႉတင်းၶိုၼ်းၵေႃႈဢမ်ႇလႆႈသေတူဝ်။
၄ မိူဝ်ႈဢၼ်ထိုင်ၶိင်ႇၵၢင်ၼႂ်ၸိုင်ၸဝ်ႈယေႇသုၸုၵ်းယူႇၵႃႈတီႈႁိမ်းၽင်ႇၼွင်ဢေႃႈ။ၼႂ်းဝႃႈၼၼ်သေၵေႃႈတပႄးၸဝ်ႈၸိူဝ်းၼၼ်ႉဢမ်ႇႁူႉလွင်ႈဢၼ်ဝႃႈပဵၼ်ၸဝ်ႈယေႇသု။
၅ ၸဝ်ႈယေႇသုၵေႃႈထၢမ်ၶဝ်လႄႈဝႃႈ၊-လုၵ်ႈၶဝ်ဢိူၺ်း၊ၸွင်ႇမီးတၢင်းၵိၼ်သေၸိူဝ်ႉသေပိူင်ႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်ၶဝ်ၵေႃႈၶိုၼ်းလၢတ်ႈလႄႈဝႃႈ၊-
ဢမ်ႇမီးၶႃႈ၊ဝႃႈၼင်ႇၼႆဢေႃႈ။
၆ ၵမ်းၼၼ်ႉမၼ်းၸဝ်ႈၵေႃႈလၢတ်ႈလႄႈဝႃႈ၊-ဝၢၼ်ႇၶႄသူတူၵ်းၵႃႈၼႂ်းၼမ်ႉၵႃႈတီႈၽၢႆႇၶႂႃႁိူဝ်းသူတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်တၵ်းလႆႈဢေႃႈ၊ဝႃႈၼႆဢေႃႈ။ၵႃႈၼင်ႇဢၼ်မၼ်းၸဝ်ႈဝႃႈၼၼ်ႉၶဝ်ဝၢၼ်ႇၶႄတူၵ်းလႄႈႁူမ်ႇမႅၼ်ႈၺႃးပႃၼမ်ၼႃႇလူင်လၢင်ထၼ်ႈပေႃးတိုတ်ႉၸၼ်ဢဝ်ၶႄပေႃးဢမ်ႇလႆႈဢေႃႈ။
၇ မိူဝ်ႈၼၼ်ႉတပႄးၸဝ်ႈဢၼ်ၸဝ်ႈယေႇသုႁၵ်ႉၼၼ်ႉလၢတ်ႈတီႈပေႇတရုလႄႈဝႃႈ၊-ၼၼ်ႉပဵၼ်ၸဝ်ႈႁဝ်းၶႃႈဢိူဝ်း၊ဝႃႈၼင်ႇၼႆဢေႃႈ။သိမုၼ်ႇပေႇတရုၼၼ်ႉမိူဝ်ႈဢၼ်ငိၼ်းလွင်ႈဢၼ်ဝႃႈပဵၼ်မၼ်းၸဝ်ႈၼၼ်ႉၸိုင်ပိူဝ်ႈဢၼ်မၼ်းဢမ်ႇၼုင်ႈသိူဝ်ႈဝႆႉလႄႈမၼ်းၸင်ႇၼုင်ႈသိူဝ်ႈထၢပ်ႈၼိူဝ်သေယဝ်ႉလူင်းၵႂႃႇၵႃႈၼႂ်းၼမ်ႉၼွင်ဢေႃႈ။
၈ တပႄးၸဝ်ႈတၢင်ႇၵေႃႉၸိူဝ်းၼၼ်ႉပိူဝ်ႈဢၼ်ဢမ်ႇၸမ်ဢမ်ႇၵႆၵၼ်တင်းၽင်ႇၼမ်ႉယၢၼ်သေသွင်ပၢၵ်ႇသွၵ်ႇၼိုင်ႈၵူၺ်းၼၼ်ႉလႄႈၶဝ်တိုတ်ႉၸၼ်ၶႄဢိၵ်ႇတင်းပႃၸိူဝ်းၼၼ်ႉယူႇသေလႄႈၶီႇၵႃႈၼိူဝ်ႁိူဝ်းမႃးဢေႃႈ။
၉ မိူဝ်ႈဢၼ်ၶဝ်ႁွတ်ႈထိုင်ၵႃႈၼိူဝ်ၵုင်းၸိုင်ၶဝ်ထူပ်းႁၼ်ၵွင်ထၢၼ်ႇၽႆးဢိၵ်ႇတင်းပႃဢၼ်ပိင်ႈဝႆႉႁၢင်းဝႆႉတင်းၶဝ်ႈမုၼ်းဢေႃႈ။ၸဝ်ႈယေႇသုၵေႃႈလၢတ်ႈလႄႈဝႃႈ၊-
၁၀ ဢဝ်ပႃဢၼ်သူလႆႈမႃးတေႃႈလဵဝ်ၼႆႉၵမ်ႈၽွင်ႈတႃႉ၊ဝႃႈၼင်ႇၼႆဢေႃႈ။
၁၁ သိမုၼ်ႇပေႇတရုၶိုၼ်ႈၵႃႈၼိူဝ်ႁိူဝ်းသေယဝ်ႉတိုတ်ႉၸၼ်ၶႄဢၼ်တဵမ်ဝႆႉတင်းပႃလူင်ပၢၵ်ႇပၢႆႁႃႈသိပ်းပၢႆသၢမ်တူဝ်ၼၼ်ႉတၢင်ႇၵႃႈၼိူဝ်ၵုင်းဢေႃႈ။ပဵၵ်ႉသမ်ႉၼမ်ထၢၼ်ႇၼၼ်ႉသေၵေႃႈၶႄၶဝ်ယင်းဢမ်ႇမီးတင်းဢၼ်သိၵ်ႇဢၼ်ၶၢတ်ႇ။
၁၂ ၸဝ်ႈယေႇသုၵေႃႈလၢတ်ႈတီႈၶဝ်လႄႈဝႃႈ၊-မႃးလႄႈၵိၼ်ၶဝ်ႈၼႂ်တႃႉ၊ဝႃႈၼင်ႇၼႆဢေႃႈ။ပိူဝ်ႈဢၼ်တပႄးၸဝ်ႈၸိူဝ်းၼၼ်ႉႁူႉပဵၼ်မၼ်းၸဝ်ႈလႄႈၶဝ်ဢမ်ႇႁတ်းထၢမ်ဝႃႈၸဝ်ႈႁဝ်းပဵၼ်ၽူႈလႂ်။
၁၃ ၸဝ်ႈယေႇသုဢဝ်ၶဝ်ႈမုၼ်းတင်းပႃပၼ်ၶဝ်ဢေႃႈ။
၁၄ တၢင်းဢၼ်မၼ်းၸဝ်ႈၼႄပျႃးတူဝ်မၼ်းၸဝ်ႈတီႈတပႄးၸဝ်ႈပွၵ်ႈၼႆႉၸမ်းပဵၼ်ပွၵ်ႈတတိယဝၢႆးသေမၼ်းၸဝ်ႈလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉဢေႃႈ။
ၸဝ်ႈယေႇသုပၼ်ပုၼ်ႈၽွၼ်းပေႇတရု
၁၅ ဝၢႆးသေၵိၼ်ၶဝ်ႈၼႂ်ယဝ်ႉၸဝ်ႈယေႇသုထၢမ်သိမုၼ်ႇပေႇတရုလႄႈဝႃႈ၊-သိမုၼ်ႇ၊လုၵ်ႈၸၢႆးယုဝ်းၼ၊ဢိူၺ်း။မႂ်းႁၵ်ႉၵဝ်ၼႃႇသေၸိူဝ်းၼႆႉႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်မၼ်းၵေႃႈၶိုၼ်းလၢတ်ႈလႄႈဝႃႈ၊-ၸႂ်ႈၶႃႈယဝ်ႈၸဝ်ႈ။ၸဝ်ႈႁဝ်းႁူႉလွင်ႈဢၼ်ၵဝ်ၶႃႈႁၵ်ႉၸဝ်ႈႁဝ်းၼၼ်ႉယူႇၶႃႈဢေႃႈ၊ဝႃႈၼင်ႇၼႆလႄႈမၼ်းၸဝ်ႈၵေႃႈလၢတ်ႈလႄႈဝႃႈ၊-လဵင်ႉထိင်းသူဝ်းဢွၼ်ႇၵဝ်တင်းလၢႆတႃႉ၊ဝႃႈၼင်ႇၼႆဢေႃႈ။
၁၆ မၼ်းၸဝ်ႈၵေႃႈသမ်ႉထၢမ်ထႅင်ႈပွၵ်ႈသွင်လႄႈဝႃႈ၊-သိမုၼ်ႇ၊လုၵ်ႈၸၢႆးယုဝ်းၼ၊ဢိူၺ်း၊မႂ်းႁၵ်ႉၵဝ်ႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်၊မၼ်းၵေႃႈလဝ်ႈလၢတ်ႈလႄႈဝႃႈ၊-ၸႂ်ႈၶႃႈယဝ်ႉၸဝ်ႈ။ၸဝ်ႈႁဝ်းႁူႉလွင်ႈဢၼ်ၵဝ်ၶႃႈႁၵ်ႉၸဝ်ႈႁဝ်းၼၼ်ႉယူႇၶႃႈဢေႃႈ၊ဝႃႈၼင်ႇၼႆလႄႈ၊မၼ်းၸဝ်ႈၵေႃႈလၢတ်ႈလႄႈဝႃႈ၊-ပႂ်ႉလူလုမ်းလႃးသူဝ်းၵဝ်တင်းလၢႆတႃႉ၊ဝႃႈၼင်ႇၼႆဢေႃႈ။
၁၇ မၼ်းၸဝ်ႈၵေႃႈသမ်ႉထၢမ်ထႅင်ႈပွၵ်ႈသၢမ်လႄႈဝႃႈ၊-သိမုၼ်ႇ၊လုၵ်ႈၸၢႆးယုဝ်းၼ၊ဢိူၺ်း၊ၸွင်ႇမႂ်းႁၵ်ႉၵဝ်ႁိုဝ်၊မိူဝ်ႈဢၼ်ဝႃႈၼင်ႇၼႆၸိုင်ပိူဝ်ႈဢၼ်မၼ်းၸဝ်ႈထၢမ်ထူၼ်ႈထိုင်သၢမ်ပွၵ်ႈဝႃႈ၊-မႂ်းႁၵ်ႉၵဝ်ႁိုဝ်၊ဝႃႈၼင်ႇၼႆၼၼ်ႉလႄႈပေႇတရုတိူဝ်ႉၸႂ်လႄႈလဝ်ႈလၢတ်ႈဝႃႈ၊-ၸဝ်ႈႁဝ်း၊ၸဝ်ႈႁဝ်းႁူႉလွင်ႈတၢင်းၵူႈၸိူဝ်ႉၵူႈပိူင်ယူႇၶႃႈဢေႃႈ။ၸဝ်ႈႁဝ်းႁူႉလွင်ႈဢၼ်ၵဝ်ၶႃႈႁၵ်ႉၸဝ်ႈႁဝ်းၼၼ်ႉယူႇၶႃႈဢေႃႈ၊ဝႃႈၼင်ႇၼႆလႄႈၸဝ်ႈယေႇသုၵေႃႈလၢတ်ႈလႄႈဝႃႈ၊-လဵင်ႉထိင်းသူဝ်းၵဝ်တင်းလၢႆတႃႉ။
၁၈ ၵဝ်ဝႃႈတီႈၸိုဝ်ႈတီႈၸႂ််ႈတီႈမႂ်းၸမ်းမိူဝ်ႈဢၼ်ဢသၢၵ်ႈမႂ်းယင်းတိုၵ်ႉၼုမ်ႇၼၼ်ႉၸိုင်မႂ်းၸၢင်ႊဝဵၼ်းႁေႃႇတူဝ်ၸဝ်ႈၵဝ်ႇလႄႈၵႂႃႇမႃးတီႈဢၼ်မႂ်းမီးဢလူဝ်ႇၼၼ်ႉယူႇဢေႃႈ။မိူဝ်ႈဢၼ်မႂ်းထဝ်ႈယဝ်ႉၼၼ်ႉၸိုင်မႂ်းတၵ်းယဵတ်ႇမိုဝ်းသွင်ၶွၼ်လႄႈပိူၼ်ႈတၢင်ႇၵေႃႉတၵ်းဝဵၼ်းႁေႃႇမႂ်းသေယဝ်ႉတၵ်းဢဝ်မႂ်းၵႂႃႇတီႈဢၼ်မႂ်းဢမ်ႇၶႂ်ႈၵႂႃႇၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၉ လွင်ႈဢၼ်မၼ်းၸဝ်ႈလၢတ်ႈၸိူဝ်ႉၼင်ႇၼၼ်ၼၼ်ႉၸမ်းမၼ်းၸဝ်ႈၼႄပၼ်လွင်ႈဢၼ်ပေႇတရုတၵ်းလႆႈတၢႆၸိူဝ်ႉၼင်ႇႁိုဝ်လႄႈႁႂ်ႈမူၼ်ၽုင်းၽြႃးပဵၼ်ၸဝ်ႈထၢင်ႇသႃးမႃးၼၼ်ႉဢေႃႈ။မၼ်းၸဝ်ႈလၢတ်ႈၸိူဝ်ႉၼင်ႇၼၼ်သေယဝ်ႉသမ်ႉၶိုၼ်းလၢတ်ႈတီႈမၼ်းလႄႈဝႃႈ၊-ၸွမ်းပႃႈလင်ၵဝ်တႃႉ၊ဝႃႈၼင်ႇၼႆဢေႃႈ။
၂၀ ပေႇတရုၼၼ်ႉဝၢႆႇတူၺ်းလႄႈလႆႈႁၼ်တပႄးၸဝ်ႈဢၼ်ၸဝ်ႈယေႇသုႁၵ်ႉၼႃႇ၊ဢၼ်လႆႈဢိင်ၵႃႈႁိမ်းႁူဝ်ဢူၵ်းမၼ်းၸဝ်ႈၼႂ်းမိူဝ်ႈဢၼ်ၵိၼ်ၶဝ်ႈၶမ်ႈ၊ဢၼ်လဝ်ႈထၢမ်လွင်ႈၵေႃႉဢၼ်တၵ်းဢဝ်မၼ်းၸဝ်ႈဢၢပ်ႈၼၼ်ႉပဵၼ်ၽူႈလႂ်ဢၼ်ဝႃႈၼၼ်ႉ၊ၸွမ်းပႃႈလင်မၼ်းၸဝ်ႈယူႇၼၼ်ႉၸိုင်၊ပေႇတရုထၢမ်လႄႈဝႃႈ၊-
၂၁ ၸဝ်ႈႁဝ်း၊တီႈၵေႃႉၼႆႉၶႃႈလႃႇ၊တၵ်းပဵၼ်ၸိူဝ်ႉၼင်ႇႁိုဝ်ၶႃႈ၊မိူဝ်ႈဢၼ်ဝႃႈၼင်ႇၼႆၸိုင်၊ၸဝ်ႈယေႇသုၵေႃႈလၢတ်ႈလႄႈဝႃႈ၊-ပေႃးၵဝ်မီးဢလူဝ်ႇၶႂ်ႈႁႂ်ႈၵေႃႉၼႆႉလႆႈယူႇတေႃႇထိုင်ႁွတ်ႈၶိင်ႇၵႃႇလႃႉဢၼ်ၵဝ်တၵ်းၶိုၼ်းမႃးၼၼ်ႉၸိုင်ဢမ်ႇၸၢပ်ႈသႅင်ႇၵၼ်တင်းမႂ်း။မႂ်းၸမ်းၸွမ်းပႃႈလင်ၵဝ်တႃႉ၊ဝႃႈၼင်ႇၼႆဢေႃႈ။
၂၂ ပိူဝ်ႈၼႆလႄႈၵႂၢမ်းဢၼ်ဝႃႈတပႄးၸဝ်ႈၼၼ်ႉတၵ်းဢမ်ႇလႆႈတၢႆဝႃႈၼင်ႇၼႆၼၼ်ႉၸွတ်ႇတူဝ်ၵႂႃႇၵႃႈၼႂ်းပီႈၼႂ်းၼွင်ႉတင်းလၢႆဢေႃႈ။ၼႂ်းဝႃႈၼၼ်သေၵေႃႈၸဝ်ႈယေႇသုၶႂ်ႈဝႃႈၵေႃႉၼၼ်ႉဢမ်ႇလႆႈတၢႆ၊ဝႃႈၼႆဢမ်ႇၸႂ်ႈ။
၂၃ မၼ်းၸဝ်ႈၶႂ်ႈဝႃႈပေႃးၵဝ်မီးဢလူဝ်ႇၶႂ်ႈႁႂ်ႈၵေႃႉၼၼ်ႉလႆႈယူႇတေႃႇထိုင်ႁွတ်ႈၶိင်ႇၵႃႇလႃႉဢၼ်ၵဝ်တၵ်းၶိုၼ်းမႃးၼၼ်ႉၵေႃႈဢမ်ႇၸၢပ်ႈသႅင်ႇၵၼ်တင်းမႂ်း၊ဝႃႈၼင်ႇၼႆၼၼ်ႉၵူၺ်းဢေႃႈ။
၂၄ တပႄးၸဝ်ႈၼႆႉၶၢမ်ႇသၢၵ်ႈသေႇဝႆႉလွင်ႈတၢင်းၸိူဝ်းၼႆႉလႄႈပဵၼ်ၵေႃႉဢၼ်တႅမ်ႈဝႆႉလွင်ႈတၢင်းၸိူဝ်းၼႆႉဢေႃႈ။လွင်ႈဢၼ်မၼ်းၶၢမ်ႇသၢၵ်ႈသေႇၼႆႉပဵၼ်ဢၼ်ၸိုဝ်ႈဢၼ်ၸႂ်ႈၼၼ်ႉႁဝ်းႁူႉဢေႃႈ။
၂၅ လွင်ႈတၢင်းဢၼ်ၸဝ်ႈယေႇသုႁဵတ်းတၢင်ႇၸိူဝ်ႉတၢင်ႇဢၼ်ၸိူဝ်းၼၼ်ႉယင်းမီးၼမ်ၼႃႇလူးၵွၼ်ႇဢေႃႈ။ပေႃးတႅမ်ႈဝႆႉလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼၼ်ႉႁင်းၽႂ်ႁင်းမၼ်းၸိုင်ၵျၢမ်းလိၵ်ႈတၵ်းၼမ်ၵိုၼ်းၼႃႇတေႃႇထိုင်ႁွတ်ႈထၼ်ႈပေႃးတၵ်းလူၼ်ႉတၵ်းလိူဝ်လိၼ်မိူင်းဢေႃႈ၊ဝႃႈၼင်ႇၼႆၵဝ်ထၢင်ႇဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ