ၵျၢမ်းငဝ်ႈၵမ်ႇၽႃႇ
၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈ ၂၉
၃၀ ၃၁ ၃၂ ၃၃ ၃၄ ၃၅ ၃၆ ၃၇ ၃၈ ၃၉ ၄၀ ၄၁ ၄၂ ၄၃ ၄၄ ၄၅ ၄၆ ၄၇ ၄၈ ၄၉ ၅၀
၄၀
ဝုၼ်ႇသၢၵ်ႈၵွၵ်းၵိၼ်တင်းဝုၼ်ႇသၢၵ်ႈတၢင်းၵိၼ်
၁ ဝၢႆးၼၼ်ႉ ဝုၼ်ႇသၢၵ်ႈၵွၵ်းၵိၼ်တင်းဝူၼ်ႇသၢၵ်ႈတၢင်းၵိၼ်ၶုၼ်ႁေႃၶမ်းဢေႇၵႅပ်ႉတု မီးတၢင်းဢၼ်ၽိတ်းပိူင်ႈ ၵႃႈတီႈၶုၼ်ႁေႃၶမ်းၼၼ်ႉဢေႃႈ။
၂ ၶုၼ်ႁေႃၶမ်းၽႃႇရေႃးၸႂ်မႆႈၶႂ်ႈၸႃႉတီႈ ဝုၼ်ႇမၼ်းသွင်ၵေႃႉၼၼ်ႉလႄႈဢဝ် သွင်ၶႃၶျုၵ်ႈဝႆႉၼႂ်းထွင်ႇၵူဝ်ႇရၢၼ်ႇတေႃႇမူး
၃ တီႈဢၼ်ယုဝ်းသႅပ်ႉ လႆႈၶၢမ်ႇတၢင်းဢၼ်ၶျုၵ်ႈဝႆႉၼၼ်ႉဢေႃႈ။
၄ ၵူဝ်ႇရၢၼ်ႇတေႃႇမူးၼၼ်ႉ ဢဝ်သွင်ၶႃဢၢပ်ႈပၼ်တီႈယုဝ်းသႅပ်ႉ လႄႈ ယုဝ်းသႅပ်ႉ လႆႈလူႈလႆႈတူၺ်းသွင်ၶႃႈဢေႃႈ။ သွင်ၶႃႈၼၼ်ႉၵေႃႈလႆႈၶၢမ်ႇတၢင်းဢၼ်ၶျုၵ်ႈဝႆႉၶိင်ႇၵႃႇလႃႉႁိုင်ၼႃႇဢေႃႈ။
၅ ဝုၼ်ႇသၢၵ်ႈၵွၵ်းၵိၼ်တင်း ဝုၼ်ႇသၢၵ်ႈတၢင်းၵိၼ်ၶုၼ်ႁေႃၶမ်းမိူင်းဢေႇၵႅပ်ႉတု ဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉၵႃႈၼႂ်းထွင်ႇသွင်ၵေႃႉၼၼ်ႉ ၼွၼ်းၽၼ်ႁၼ်တၢင်းဢၼ်မီးဢထိၵ်ႈပေႇ ဢၼ်ၸၢပ်ႈသႅင်ႇၵၼ်တင်း တူဝ်ၸဝ်ႈၵဝ်ႇႁင်းၽႂ်ႁင်းမၼ်းၼၼ်ႉဢေႃႈ။
၆ ထိုင်ႁွတ်ႈၶိင်ႇၵၢင်ၼႂ် ယုဝ်းသႅပ်ႉ ၶဝ်ႈၵွႃႇၸူးၵႃႈတီႈၶဝ်လႄႈလႆႈႁၼ်ၼႃႈၶဝ်ႁဵဝ်ႇၸွပ်ႈယူႇလႄႈ မၼ်းထၢမ်ၶဝ် လႄႈဝႃႈ၊-
၇ မိူဝ်ႈၼႆႉႁဵတ်းသင်လႄႈၼႃႈသူႁဵဝ်ႇၸွပ်ႈယူႇ၊ ဝႃႈၼင်ႇၼႆဢေႃႈ။
၈ ၶဝ်ၵေႃႈလၢတ်ႈလႄႈဝႃႈ၊-ႁဝ်းလႆႈၼွၼ်းၽၼ်ႁၼ်ယဝ်ႉ။ၵေႃႉဢၼ်တၵ်းၽုၺ်ႇဢွၵ်ႇၼႄဢထိၵ်ႈပေႇၼွၼ်းၽၼ်ႁဝ်းဢမ်ႇမီး၊ မိူဝ်ႈဢၼ်ဝႃႈၼင်ႇၼႆၸိုင် ယုဝ်းသႅပ်ႉ ၵေႃႈလၢတ်ႈတီႈသွင်ၶႃႈလႄႈဝႃႈ၊-ဢၼၢၵ်ႈဢထိၵ်ႈပေႇမၼ်းတင်းလၢႆၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈဢမ်ႇၸႂ်ႈႁိုဝ်။ ပိူဝ်ႈၼႆလႄႈၶႅၼ်းတေႃႈမွၵ်ႇလၢတ်ႈလွင်ႈမၼ်းပၼ်တီႈၵဝ်ၶႃႈ သေၵမ်း၊ဝႃႈၼင်ႇၼႆဢေႃႈ။
၉ မိူဝ်ႈၼၼ်ႉ ဝူၼ်ႇသၢၵ်ႈၵွၵ်းၵေႃႈမွၵ်ႇလၢတ်ႈတၢင်းဢၼ်မၼ်းၼွၼ်းၽၼ်ႁၼ်ၼၼ်ႉတီႈ ယုဝ်းသႅပ်ႉ လႄႈဝႃႈ၊-ၼႂ်းတၢင်းဢၼ်ၵဝ်ၽၼ်ႁၼ်ၼၼ်ႉ ၵႃႈတီႈၽၢႆႇၼႃႈ ၵဝ်မီးၶိူဝ်းမၢၵ်ႇၸပိတ်ႉဢေႃႈ။
၁၀ ၵႃႈတီႈၶိူဝ်းမၢၵ်ႇၸပိတ်ႉၼၼ်ႉမီးၵိင်ႇသၢမ်ၵိင်ႇဢေႃႈ။ၵႃႈတီႈၵိင်ႇၸိူဝ်းၼၼ်ႉပဵၼ်မိူၼ်ၸိူဝ်ႉၼင်ႇၵူႇမွၵ်ႇဝႆႉဢေႃႈ။ဢၼ်ၵီႈၵေႃႈၵီႈယူႇဢေႃႈ။ပုၵ်ႉမၢၵ်ႇမၼ်းတင်းလၢႆၵေႃႈပဵၼ်မၢၵ်ႇၸပိတ်ႉဢၼ်သုၵ်းဢေႃႈ။ၵဝ်ယိပ်းၵမ်ႈဢဝ်ၵွၵ်းၶုၼ်ႁေႃၶမ်းၽႃႇရေႃးသေလႄႈ
၁၁ ဢဝ်မၢၵ်ႇၸပိတ်ႉၼၼ်ႉမိပ်ႇသႂ်ႇၵႃႈၼႂ်းၵွၵ်းမၼ်းၸဝ်ႈသေယဝ်ႉ လႆႈသၢၵ်ႈပၼ်ၵႃႈၼႂ်းမိုဝ်းၶုၼ်ႁေႃၶမ်းၽႃႇရေႃးၶႃႈဢေႃႈ၊၊ ဝႃႈၼင်ႇၼႆဢေႃႈ။
၁၂ ယုဝ်းသႅပ်ႉ ၵေႃႈလၢတ်ႈတီႈမၼ်းလႄႈဝႃႈ၊-ဢၼၢၵ်ႈဢထိၵ်ႈပေႇမၼ်းၸမ်း၊ ၵိင်ႇသၢမ်ၵိင်ႇၼၼ်ႉပဵၼ်သၢမ်ဝၼ်းဢေႃႈ။ပေႃးလႆႈသၢမ်ဝၼ်းယဝ်ႉၸိုင်ၶုၼ်ႁေႃၶမ်း ၽႃႇရေႃးတၵ်းၶိုၼ်းယုၵ်ႉယွင်ႈႁူဝ်မႂ်းလႄႈ ၶိုၼ်းပၼ်ဢရႃႇၸဝ်ႈဝုၼ်ႇ ၸိူဝ်ႉၼင်ႇ ပၵ်းၵဝ်ႇပိူင်ၵဝ်ႇၼၼ်ႉဢေႃႈ။
၁၃ ၸဝ်ႈသမ်ႉၶိုၼ်းတၵ်းလႆႈၶိုၼ်းသၢၵ်ႈၵွၵ်းၶုၼ်ႁေႃၶမ်းၽႃႇရေႃး ၵႃႈၼႂ်းမိုဝ်းမၼ်းၸဝ်ႈၼၼ်ႉမိူၼ်ၸိူဝ်ႉၼင်ႇပၵ်းၵဝ်ႇပိူင်ၵဝ်ႇမိူဝ်ႈဢၼ်ၸဝ်ႈလႆႈပဵၼ်ဝုၼ်ႇသၢၵ်ႈၵွၵ်းၵိၼ်ၸဝ်ႈ မိူဝ်ႈဢွၼ်ၼႆႉၼၼ်ႉဢေႃႈ။
၁၄ မိူဝ်ႈဢၼ် ၸဝ်ႈလႆႈၵတ်းယဵၼ်ၶျၢမ်းသႃႇၼၼ်ႉၸိုင်၊ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်းၵဝ်ၶႃႈလႄႈ ႁဵတ်းၵျေးၸူးတီႈၵဝ်ၶႃႈသေၵမ်းၶႃႈ။လဝ်ႈလၢတ်ႈလွင်ႈၵဝ်ၶႃႈတီႈၶုၼ်ႁေႃၶမ်းၽႃႇရေႃးလႄႈ ၼုၵ်ႈဢဝ်ၵဝ်ၶႃႈ ဢွၵ်ႇသေၵႃႈတီႈထွင်ႇၼႆႉသေၵမ်ႈၶႃႈ။
၁၅ ၶဝ်လၵ်ႉဢဝ်ၵဝ်ၶႃႈဢွၵ်ႇသေၵႃႈၼႂ်းမိူင်းႁေႇပႄး မႃးဢမၢၼ်ႇၶၼ်ပဵၼ်ဢေႃႈ။ ၵႃႈတီႈမိူင်းၼႆႉၵေႃႈၵဝ်ၶႃႈယင်းဢမ်ႇမီးဢပျႅတ်ႈၵႃႈသင်လႄႈ ၶဝ်ဢဝ်ၵဝ်ၶႃႈၶင်ဝႆႉၵႃႈၼႂ်းထွင်ႇၼႆႉၶႃႈယဝ်ႉ၊ဝႃႈၼင်ႇၼႆဢေႃႈ။
၁၆ ဝုၼ်ႇသၢၵ်ႈတၢင်းၵိၼ်ၶုၼ်ႁေႃၶၼ်းၼၼ်ႉၵေႃႈ မိူဝ်ႈဢၼ်ႁူႉႁၼ်ဢထိၵ်ႈပေႇၼွၼ်းၽၼ်ၼၼ်ႉ ပဵၼ်ဢၼ်လီလႄႈမၼ်းၵေႃႈလၢတ်ႈတီႈယုဝ်းသႅပ်ႉ လႄႈဝႃႈ၊-ၵဝ်ၵေႃႈ လႆႈၼွၼ်းၽၼ်ႁၼ်တူဝ်ၸဝ်ႈၵဝ်ႇလႆႈဢဝ်ပဵတ်ႈၽိူၵ်ႇသၢမ်လုၵ်ႈတၢင်ႇၵႃႈၼိူဝ်ႁူဝ်ၶႃႈဢေႃႈ။
၁၇ ၼႂ်းပဵတ်ႈလုၵ်ႈၼိူဝ်သုတ်းပိူၼ်ႈၼၼ်ႉ မီးတၢင်းၵိၼ်တၢင်းၶူပ်းဢၼ်လိုင်ႈၼၼ်ႉ ၵူႈၸိူဝ်ႉၵူႈပိူင်ပုၼ်ႈၶုၼ်ႁေႃၶမ်းၽႃႇရေႃးတၵ်းၵိၼ်ၼၼ်ႉဢေႃႈ။မိူဝ်ႈၼၼ်ႉၼူၵ်ႉတင်းလၢႆဢွၼ်ၵၼ်ၵိၼ်ပႅတ်ႈတၢင်းၵိၼ်ဢၼ် တၢင်ႇၼိူဝ်ႁူဝ်ၵဝ်ၶႃႈၼၼ်ႉၶႃႈဢေႃႈ၊ဝႃႈၼင်ႇၼႆဢေႃႈ။
၁၈ ယုဝ်းသႅပ်ႉ ၶိုၼ်းလၢတ်ႈလႄႈဝႃႈ၊-ဢၼၢၵ်ႈဢထိၵ်ႈပေႇမၼ်းၸမ်း ပဵတ်ႈၽိူၵ်ႇသၢမ်လုၵ်ႈၼၼ်ႉပဵၼ်သၢမ် ဝၼ်းဢေႃႈ။
၁၉ ပေႃးလႆႈသၢမ်ဝၼ်းယဝ်ႉၸိုင်ၶုၼ်ႁေႃၶမ်းၽႃႇရေႃး တၵ်းယွင်ႊဢဝ်ႁူဝ်မႂ်းသေလႄႈဢဝ်ႁွႆးဝႆႉၵႃႈတီႈတူၼ်ႈမႆႉဢေႃႈ။ၼူၵ်ႉတင်းလၢႆတၵ်းဢွၼ်ၵၼ်မႃးသၵ်းၵိၼ်ၼိူဝ်ႉမႂ်းဢေႃႈ၊ဝႃႈၼင်ႇၼႆဢေႃႈ။
၂၀ လိုၼ်းၼၼ်ႉလႆႈသၢမ်ဝၼ်း ၼႂ်းၶိင်ႇဝၼ်းဢၼ်ၶုၼ်ႁေႃၶမ်းၽႃႇရေႃး ၵိူတ်ႇလဵင်ႉၼၼ်ႉမၼ်းၸဝ်ႈၶၢမ်ႇပွႆးဢၸႅၼ်ႇပုၼ်ႈၶႃႈပုၼ်ႈၵူၼ်းမၼ်းၸဝ်ႈ တင်းသဵင်ႈတင်းလူင်သေလႄႈ ယုၵ်ႉယွင်ႈႁူဝ်ဝုၼ်ႇသၢၵ်ႈၵွၵ်းၵိၼ်ဢိၵ်ႇတင်း ဝုၼ်ႇသၢၵ်ႈတၢင်းၵိၼ်ၶုၼ်ၸိူဝ်းၼၼ်ႉၵႃႈၼႂ်းၶႃႈ ၵူၼ်းမၼ်းၸဝ်ႈလႄႈ
၂၁ ဢဝ်ဝုၼ်ႇသၢၵ်ႈၵွၵ်းၵိၼ်ၶိုၼ်းၶၢၼ်းဝႆႉဢရႃႇၵဝ်ႇမၼ်း ၸိူဝ်ႉၼင်ႇဢွၼ်တၢင်းၼၼ်ႉလႄႈ မၼ်းၵေႃႈလႆႈသၢၵ်ႈၵွၵ်းၵႃႈၼႂ်းမိုဝ်း ၶုၼ်ႁေႃၶမ်းၽႃႇရေႃး မိူၼ်ၸိူဝ်ႉၼင်ႇပၵ်းၵဝ်ႇပိူင်ၵဝ်ႇၼၼ်ႉဢေႃႈ။ ဝုၼ်ႇသၢၵ်ႈတၢင်းၵိၼ်တၢင်းၶူပ်းၶုၼ်ၼၼ်ႉလႆႈၶမ်ႇႁွႆးဝႆႉမႅၼ်ႈၸွမ်းၵႃႈၼင်ႇဢၼ်ယုဝ်းသႅပ်ႉ ၽုၺ်ႇဢွၵ်ႇၼႄဢၼၢၵ်ႈဢထိၵ်ႈပေႇ တီႈမၼ်းၼၼ်ႉဢေႃႈ။
၂၂ ၵူၺ်းၵႃႈဝုၼ်ႇသၢၵ်ႈၵွၵ်းၵိၼ်ၶုၼ်ၼၼ်ႉ ယင်းဢမ်ႇၶုၵ်းၸႂ်လႆႈၶႆႈၸႂ်ထူပ်းယုဝ်းသႅပ်ႉလႄႈ လူင်လိုမ်းမၼ်းဝႆႉဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ