ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆
၆
ပရေႃးၽႅတ်ႈဢၼ်ဢမ်ႇလႆႈသရေႇ
၁ မၼ်းၸဝ်ႈဢွၵ်ႇသေၵႃႈတီႈၼၼ်ႉၵႂႃႇလႄႈႁွတ်ႈထိုင်ၵႃႈတီႈဝဵင်းၸဝ်ႈၵဝ်ႇပုၼ်ႉဢေႃႈ။ တပႄးၸဝ်ႈတင်းလၢႆၵေႃႈၸွမ်းမၼ်းၸဝ်ႈၵႂႃႇဢေႃႈ။
၂ မိူဝ်ႈဢၼ်ႁွတ်ႈထိုင်ဝၼ်းၵမ်သိၼ်ၼၼ်ႉမၼ်းၸဝ်ႈသင်ႇသွၼ်သုင်းမႃႉၵႃႈၼႂ်းၸရွပ်ႈႁေႃးတြႃးဢေႃႈ။ ၵူၼ်းၼမ်ၼႃႇလႆႈ
ငိၼ်းသေယဝ်ႉၵႂင်ၸႂ်ယုင်ႈၸႂ်လႄႈလၢတ်ႈလႄႈဝႃႈ၊-ၵူၼ်းၵေႃႉၼႆႉလႆႈလွင်ႈတၢင်းၸိူဝ်းၼႆႉၵႃႈတီႈလႂ်မႃး။ ပိင်ႇၺႃႇဢၼ်မၼ်းလႆႈၼႆႉပဵၼ်ပိင်ႇၺႃႇဢၼ်လႂ်။ တၼ်းၶူဝ်းၸိူဝ်းၼႆႉပဵၼ်မႃးၼႂ်းမိုဝ်းမၼ်းၸိူဝ်ႉၼင်ႇႁိုဝ်။
၃ မၼ်းပဵၼ်လၢၵ်ႈသမႃးဢမ်ႇၸႂ်ႈႁိုဝ်။ ပဵၼ်လုၵ်ႈၸၢႆးမႃႇရိဢမ်ႇၸႂ်ႈႁိုဝ်။ ပဵၼ်ပီႈၸၢႆးယႃႇၵုပ်ႉ၊ယုဝ်းသေႇ၊ယုတ၊သိမုၼ်ႇၶဝ်ၸိူဝ်းၼၼ်ႉဢမ်ႇၸႂ်ႈႁိုဝ်။ ၼွင်ႉယိင်းမၼ်းတင်းလၢႆၵေႃႈမီးယူႇလူၺ်ႈၵၼ်တင်းႁဝ်းဢမ်ႇၸႂ်ႈႁိုဝ်၊ဝႃႈၼင်ႇၼႆလႄႈ၊ၸီႉၼႄးမၼ်းၸဝ်ႈဢေႃႈ။
၄ ၸဝ်ႈယေႇသုၵေႃႈလၢတ်ႈတီႈၶဝ်လႄႈဝႃႈ၊-ပရေႃးၽႅတ်ႈၼၼ်ႉလိူဝ်သေၵႃႈတီႈဝဵင်းတူဝ်ၸဝ်ႈၵဝ်ႇ၊ၵႃႈတီႈပီႈၼွင်ႉတူဝ်ၸဝ်ႈၵဝ်ႇ၊ၵႃႈတီႈႁိူၼ်းတူဝ်ၸဝ်ႈၵဝ်ႇၼၼ်ႉဢမ်ႇၵၢင်းလွတ်ႈတင်းမူၼ်သရေႇ၊ဝႃႈၼင်ႇၼႆဢေႃႈ။
၅ ၵႃႈတီႈၼၼ်ႉလိူဝ်သေတၢင်းဢၼ်ဢဝ်မိုဝ်းတၢင်ႇၵႃႈၼိူဝ်ၵူၼ်းဢၼ်ဢမ်ႇယူႇလီၵမ်ႈၽွင်ႈလႄႈႁႂ်ႈတၢင်းၶႆႈတၢင်းပဵၼ်ၶဝ်ႁၢႆၶႅၼ်းၼၼ်ႉ
၆ မၼ်းၸဝ်ႈဢမ်ႇၼႄပျႃးတၼ်းၶူဝ်းဢၼ်လႂ်။ ပိူဝ်ႈဢၼ်ၶဝ်ဢမ်ႇယုမ်ႇမၢတ်ႈလႄႈမၼ်းၸဝ်ႈမီးၸႂ်ဢၢမ်းၼႃႇလူင်လၢင်ဢေႃႈ။ မၼ်းၸဝ်ႈတေႇသႃႉၸႃႇရီႇလႄႇလဵပ်ႈၵႃႈၼႂ်းဝၢၼ်ႈၼႂ်းဝဵင်းဢၼ်မီးယူႇၵႃႈတီႈႁိမ်းႁွမ်းၸိူဝ်းၼၼ်ႉသေယဝ်ႉသင်ႇသွၼ်သုင်းမႃႉပၼ်ဢေႃႈ။
ၸဝ်ႈယေႇသုပွႆႇၸႂ်ႉတပႄးၸဝ်ႈသိပ်းသွင်ပႃးၵႂႃႇ
၇ မၼ်းၸဝ်ႈႁွင်ႉဢဝ်တပႄးၸဝ်ႈသိပ်းသွင်ပႃးတင်းလၢႆယဝ်ႉၸင်ႇပၼ်ဢၶႂၢင်ႉႁႂ်ႈၶဝ်လႆႈပႄႉၼႅင်ႇၽီဢၼ်ၵူဝ်ႈၵိူၵ်ႇတင်းလၢႆလႄႈပွႆႇၸႂ်ႉၶဝ်ၵႂႃႇသွင်ၵေႃႉသွင်ၵေႃႉၸွမ်းၵၼ်လႄႈသင်ႇလၢတ်ႈဝႃႈ၊-
၈ လိူဝ်သေၶွၼ်ႉတဝ်ႉဢၼ်ၼိုင်ႈပုၼ်ႈဢၼ်တၵ်းၵႂႃႇတၢင်းၼၼ်ႉသူယႃႇပေဢဝ်ၵႃႈသင်ၵႂႃႇ။ ယႃႇပေဢဝ်ထူင်ပႃး၊ၶဝ်ႈမုၼ်း၊ဢိၵ်ႇတင်းငိုၼ်းတွင်းသႂ်ႇၵႃႈၼႂ်းသၢႆဢႅဝ်သူၵႂႃႇ။
၉ တိုဝ်းၶႅပ်းတိၼ်တႃႉ။ ယႃႇပေပႃးသိူဝ်ႈသွင်ၽိုၼ်၊ဝႃႈၼင်ႇ
ၼႆဢေႃႈ။
၁၀ လိူဝ်သေၼၼ်ႉမၼ်းၸဝ်ႈမီးဢမိင်ႉတီႈၶဝ်ၼၼ်ႉလႄႈဝႃႈ၊-မိူဝ်ႈဢၼ်သူၶဝ်ႈၵႃႈၼႂ်းႁိူၼ်းၽႂ်သေဢမ်ႇဝႃႈယူႇၵႃႈတီႈႁိူၼ်းၼၼ်ႉတေႃႇထိုင်ႁွတ်ႈၶိုၼ်းဢွၵ်ႇတႃႉ။
၁၁ ႁိူၼ်းလႂ်သေဢမ်ႇဝႃႈဢၼ်ဢမ်ႇႁပ်ႉတုင်းဢဝ်သူဢမ်ႇထွမ်ႇဢဝ်ၵႂၢမ်းသူၼၼ်ႉမိူဝ်ႈဢၼ်သူယင်းတိုၵ်ႉဢွၵ်ႇသေၵႃႈတီႈႁိူၼ်းၼၼ်ႉၵႂႃႇယူႇၼၼ်ႉၸိုင်သၼ်ႇမုၼ်ႈလိၼ်ဢၼ်ၸပ်းတိၼ်သူၼၼ်ႉပႅတ်ႈလႄႈႁႂ်ႈပဵၼ်သၢၵ်ႈသေႇတီႈၶဝ်ၼၼ်ႉတႃႉ၊ဝႃႈၼင်ႇၼႆဢေႃႈ။
၁၂ ၶဝ်ၵေႃႈဢွၵ်ႇၵႂႃႇလႄႈႁေႃးလၢတ်ႈလွင်ႈတၢင်းဢၼ်တၵ်းလႆႈၶုၵ်းၸႂ်လႆႈမႆႈၸႂ်ၼၼ်ႉဢေႃႈ။
၁၃ ၶဝ်ႁေႃႈၽီႁၢႆႉၼမ်ၼႃႇဢွၵ်ႇပႅတ်ႈဢေႃႈ။ ၶဝ်ဢဝ်ၼမ်ႉမၼ်းတႃးၶဝ်ၸိူဝ်းဢၼ်ဢမ်ႇယူႇလီၼၼ်ႉလႄႈႁႂ်ႈတၢင်းၶႆႈတၢင်းပဵၼ်ၶဝ်ႁၢႆၶႅၼ်းဢေႃႈ။
ယုဝ်းႁၢၼ်ႇလႆႈၶၢမ်ႇတၢင်းဢၼ်တႅပ်းႁုဝ်
၁၄ မိူဝ်ႈၼၼ်ႉပိူဝ်ႈဢၼ်ၸိုဝ်သဵင်မၼ်းၸဝ်ႈႁူင်ႁၢင်းသႃႇၸွတ်ႇၵႂႃႇလႄႈၶုၼ်လူင်ႁေႇရုတ်ႉငိၼ်းသေယဝ်ႉလၢတ်ႈဝႃႈ၊-ယုဝ်းႁၢၼ်ႇဢၼ်ပၼ်ပပ်ႉတိၸၢမ်ႇၼၼ်ႉလုၵ်ႉၵႃႈတၢင်းတၢႆၶိုၼ်းလိပ်းမႃးယဝ်ႉ။ ပိူဝ်ႈၼႆၸင်ႇတၼ်းၶူဝ်းၼမ်ၼႃႇၼႆႉၸင်ႇလႆႈႁဵတ်းပွင်ယူႇၵႃႈၼႂ်းမၼ်းဢိူဝ်ႈ၊ဝႃႈၼင်ႇၼႆဢေႃႈ။
၁၅ ၵူၼ်းၵမ်ႈၽွင်ႈၵေႃႈဝႃႈ၊-မၼ်းပဵၼ်ဢေးလိယဢေႃႈ၊ဝႃႈၼင်ႇၼႆဢေႃႈ။ ၵမ်ႈၽွင်ႈသမ်ႉဝႃႈ၊-ပဵၼ်ပရေႃးၽႅတ်ႈမိူၼ်ၸိူဝ်ႉၼင်ႇပရေႃးၽႅတ်ႈဢွၼ်တၢင်းၸိူဝ်းၼၼ်ႉသပေႃးပႃးဢေႃႈ၊ဝႃႈၼင်ႇၼႆဢေႃႈ။
၁၆ ၵူၺ်းၵႃႈမိူဝ်ႈဢၼ်ၶုၼ်လူင်ႁေႇရုတ်ႉငိၼ်းၼၼ်ႉမၼ်းလၢတ်ႈဝႃႈ၊-ၵေႃႉၼႆႉပဵၼ်ယုဝ်းႁၢၼ်ႇဢၼ်ၵဝ်ႁႂ်ႈတႅပ်းႁူဝ်မၼ်းၼၼ်ႉဢိူဝ်ႈ။
မၼ်းလုၵ်ႉၵႃႈတၢင်းတၢႆၶိုၼ်းလိပ်းမႃးယဝ်ႉဝႃႈၼင်ႇၼႆဢေႃႈ။
၁၇ လွင်ႈမၼ်းၸမ်းမိူဝ်ႈဢွၼ်တၢင်းၼၼ်ႉၶုၼ်လူင်ႁေႇရုတ်ႉသိမ်းဢဝ်ႁေႇရူဝ်းတိ၊ဢၼ်ပဵၼ်မေးၼွင်ႉၸၢႆးမၼ်းၽိလိပ်ႉပုၼၼ်ႉဢေႃႈ။
၁၈ ၵွပ်ႈပိူဝ်ႈႁေႇရူဝ်းတိၼၼ်ႉမၼ်းပွႆႇၸႂ်ႉၵူၼ်းၵႂႃႇတီႉဢဝ်ယုဝ်းႁၢၼ်ႇသေလႄႈမတ်ႉၶင်ဝႆႉၵႃႈၼႂ်းထွင်ႇဢေႃႈ။
၁၉ ၵွပ်ႈပိူဝ်ႈယုဝ်းႁၢၼ်ႇလႆႈလၢတ်ႈတီႈၶုၼ်လူင်ႁေႇရုတ်ႉဝႃႈ၊-ၸဝ်ႈႁဝ်းဢမ်ႇထုၵ်ႇလီသိမ်းဢဝ်မေးၼွင်ႉၸၢႆးၸဝ်ႈၵဝ်ႇ၊ဝႃႈၼင်ႇၼႆလႄႈႁေႇရုဝ်းတိၼၼ်ႉဝႆႉၸႂ်ၶႂ်ႈဢဝ်ယုဝ်းႁၢၼ်ႇတၢႆဢေႃႈ။
၂၀ ၵူၺ်းၵႃႈဢမ်ႇပဵၼ်လႆႈ။ လွင်ႈမၼ်းၸမ်းၶုၼ်လူင်ႁေႇရုတ်ႉႁူႉလွင်ႈဢၼ်ဝႃႈယုဝ်းႁၢၼ်ႇပဵၼ်ၵေႃႉဢၼ်မူတ်းၸၢင်ႇၵေႃႉဢၼ်သိုဝ်ႈတေႃႇလႄႈရူဝ်ႇသေႇၵူဝ်ယမ်မၼ်းဢေႃႈ။ ပႂ်ႉလူပႂ်ႉတူၺ်းမၼ်းဢေႃႈ။ ပဵၵ်ႉသမ်ႉမီးတၢင်ဢၼ်ၵႂင်ႈၸႂ်ယုင်ႈၸႂ်ၵွပ်ႈပိူဝ်ႈၵႂၢမ်းမၼ်းၸိူဝ်းၼၼ်ႉသေၵေႃႈမၼ်းမီးၸႂ်ဢၼ်ၶႂ်ႈထွမ်ႇငိၼ်းၵႂၢမ်းမၼ်းဢေႃႈ။
၂၁ မိူဝ်ႈဢၼ်ဢၶိင်ႇမၼ်းႁွတ်ႈမႃးပဵၼ်ဝၼ်းဢၼ်ၶုၼ်လူင်ႁေႇရုတ်ႉၶၢမ်ႇပွႆးဢၸႅၼ်ႇဝၼ်းၵိူတ်ႇလဵင်ႉမၼ်းၼၼ်ႉၸိုင်ၶဝ်ႁဵတ်းလဵင်ႉႁဵတ်းလူမူးမၢတ်ႈၽွင်းမိူင်းဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၵူၼ်းသိုၵ်းတင်းၶဝ်ၸိူဝ်းဢၼ်ပဵၼ်ၵူၼ်းယႂ်ႇၵူၼ်းလူင်ၵႃႈၼႂ်းမိူင်းၵႃႇလိလႄးၼၼ်ႉၸိုင်၊
၂၂ လုၵ်ႈယိင်းႁေႇရူဝ်းတိၵႃႈၼႄပၼ်လႄႈၸႃႉၸဵမ်ၶုၼ်လူင်ႁေႇရုတ်ႉတင်းၶဝ်ၸိူဝ်းဢၼ်ၼင်ႈယူႇလူၺ်ႈၵၼ်တင်းမၼ်းၵႃႈတီႈႁိမ်းၽိူၼ်တီႈၵိၼ်ၸိူဝ်းၼၼ်ႉထုၵ်ႇၸႂ်ၵျိူၵ်ႈၸႂ်ၼႃႇလူင်လၢင်ထၼ်ႈပေႃးၶုၼ်လုင်မီးဢမိင်ႉလၢတ်ႈတီႈမေႈယိင်းဢွၼ်ႇၼၼ်ႉလႄႈဝႃႈ၊-ၵႃႈဢၼ်မႂ်းၶႂ်ႈလႆႈၼၼ်ႉယွၼ်းတႃႉ။ ၵဝ်တၵ်းပၼ်မႂ်းဢေႃႈ၊ဝႃႈၼင်ႇၼႆဢေႃႈ။
၂၃ ၶုၼ်လူင်သမ်ႉယင်းၵိၼ်ႇလၢတ်ႈလႄႈဝႃႈ၊-ၵႃႈဢၼ်မႂ်းယွၼ်းတေႃႇထိုင်ႁွတ်ႈမိူင်းၽၢၵ်ႇၼိုင်ႈၵေႃႈၵဝ်တၵ်းပၼ်တီႈမႂ်းဢိူဝ်ႈ၊ဝႃႈၼင်ႇၼႆဢေႃႈ။
၂၄ မေႈယိင်းဢွၼ်ႇၼၼ်ႉၵေႃႈဢွၵ်ႇၵႂႃႇလႄႈထၢမ်တီႈမေႈမၼ်းလႄႈဝႃႈ၊-တၵ်းလႆႈယွၼ်းဢဝ်ၵႃႈသင်ဝႃႈၼင်ႇၼႆဢေႃႈ။ မေႈမၼ်းၵေႃႈဝႃႈ၊-ယွၼ်း
ဢဝ်ႁူဝ်ယုဝ်းႁၢၼ်ႇဢၼ်ပၼ်ပပ်ႉတိၸၢမ်ႇၼၼ်ႉတႃႉ၊ဝႃႈၼင်ႇၼႆဢေႃႈ။
၂၅ မေႈယိင်းဢွၼ်ႇၼၼ်ႉၵေႃႈၶဝ်ႈၵႃႈတီႈၶုၼ်လူင်ၶၼ်ၶၼ်ၽႂ်းၽႂ်းၵမ်းလဵဝ်သေယဝ်ႉလဝ်ႈယွၼ်းလႄႈဝႃႈ၊-ၵဝ်ၶႃႈၶႂ်ႈလႆႈႁူဝ်ယုဝ်းႁၢၼ်ႇ
ဢၼ်ပၼ်ပပ်ႉတိၸၢမ်ႇၼၼ်ႉသႂ်ႇၵႃႈၼႂ်းပၢၼ်ႉမႃးၶၼ်ၶၼ်ၽႂ်းၽႂ်းတီႈၶႃးဢေႃႈ၊ဝႃႈၼင်ႇၼႆဢေႃႈ။
၂၆ ၶုၼ်လူင်ၼၼ်ႉပဵၵ်ႉသမ်ႉၸႂ်လဵၵ်ႉၼႃႇသေၵေႃႈၵွပ်ႈပိူဝ်ႈမၼ်းယင်းပေႃးလႆႈၵိၼ်ႇလႆႈဝႃႈယဝ်ႉၽၢႆႇၼႃႈၶဝ်ၸိူဝ်းဢၼ်ၼင်ႈယူႇလူၺ်ႈၵၼ်တင်းမၼ်းၸိူဝ်းၼၼ်ႉလႄႈမၼ်းဢမ်ႇႁတ်းထဵင်ပႅတ်ႈမေႈယိင်းဢွၼ်ႇၼၼ်ႉလႄႈမၼ်းပွႆႇပၼ်ဢမိင်ႉပွႆႇၸႂ်ႉၵူၼ်းပႂ်ႉၵေႃႉၼိုင်ႈႁႂ်ႈလႆႈၵႂႃႇၵမ်းလဵဝ်လႄႈဝႃႈ၊-
၂၇ ဢဝ်ႁူဝ်မၼ်းမႃးတႃႉ၊ဝႃႈၼင်ႇၼႆလႄႈၵူၼ်းပႂ်ႉၼၼ်ႉၵေႃႈၵႂႃႇတႅပ်းဢဝ်ႁူဝ်ယုဝ်းႁၢၼ်ႇၵႃႈၼႂ်းထွင်ႇၼၼ်ႉဢေႃႈ။
၂၈ ဢဝ်ႁူဝ်မၼ်းသႂ်ႇၵႃႈၼႂ်းပၢၼ်ႉမႃးလႄႈပၼ်တီႈမေႈယိင်းဢွၼ်ၼၼ်ႉယဝ်ႉၸင်ႇမေႈယိင်းဢွၼ်ႇၼၼ်ႉၵေႃႈပၼ်တီႈမေႈမၼ်းဢေႃႈ။
၂၉ တပႄးယုဝ်းႁၢၼ်ႇတင်းလၢႆၵေႃႈမိူဝ်ႈဢၼ်လႆႈငိၼ်းလွင်ႈၼၼ်ႉၸိုင်ၶဝ်မႃးဢဝ်တူဝ်တၢႆမၼ်းလႄႈသၢင်းၵျူဝ်ႇဢေႃႈ။
ၸဝ်ႈယေႇသုလဵင်ႉလူၵူၼ်းႁႃႈႁဵင်
၃၀ တမၢၼ်ႇၸဝ်ႈတင်းလၢႆမႃးၸူႉၵၼ်တုမ်ၵၼ်ၵႃႈတီႈၸဝ်ႈယေႇသုလႄႈလဝ်ႈလၢတ်ႈလွင်ႈတၢင်းၵႃႈဢၼ်ၶဝ်ႁဵတ်းဢိၵ်ႇတင်းၵႃႈဢၼ်ၶဝ်သင်ႇသွၼ်ပၼ်ၸိူဝ်းၼၼ်ႉတီႈ
မၼ်းၸဝ်ႈဢေႃႈ။ မၼ်းၸဝ်ႈၵေႃႈလၢတ်ႈလႄႈဝႃႈ၊-
၃၁ သူမႃးၵႃႈတီႈဢၼ်သိတ်ႇယဵၼ်တီႈဢၼ်ပိူၼ်ႈဢမ်ႇမီးၼၼ်ႉလႄႈလိုဝ်ႈၵမ်းဢွၼ်ႇၼိုင်ႈလူးၵွၼ်ႇတႃႉ၊ဝႃႈၼင်ႇၼႆဢေႃႈ။ လွင်ႈမၼ်းၸမ်းၵူၼ်းၼမ်ၼႃႇၵႂႃႇၵႂႃႇမႃးမႃးယူႇလႄႈတမၢၼ်ႇၸဝ်ႈတင်းလၢႆၸိူဝ်းၼၼ်ႉမၢင်ႉၼႃႇထၼ်ႈပေႃးဢမ်ႇတၼ်းၵိၼ်တၢင်းၵိၼ်တၢင်းၶူပ်းလႆႈဢေႃႈ။
၃၂ ပိူဝ်ႈၼႆလႄႈၶဝ်ၶီႇႁိူဝ်းၵႂႃႇၵႃႈတီႈဢၼ်သိတ်ႇယဵၼ်တီႈဢၼ်ပိူၼ်ႈဢမ်ႇမီးၼၼ်ႉဢေႃႈ။
၃၃ ၵူၼ်းၼမ်ၼႃႇမိူဝ်ႈဢၼ်ႁၼ်ၶဝ်ၵႂႃႇၼၼ်ႉၸိုင်တွင်းၶဝ်လႄႈဢွၼ်ၵၼ်ဢွၵ်ႇသေၵႃႈၼႂ်းဝၢၼ်ႈၵႃႈၼႂ်းဝဵင်းတင်းသဵင်ႈတင်းလူင်သေယဝ်ႉပႆတိၼ်ၶုၼ်ႇလႅၼ်ႈၵႂႃႇႁွတ်ႈထိုင်ဢွၼ်တၢင်းၶဝ်ဢေႃႈ။
၃၄ မၼ်းၸဝ်ႈလူင်းႁိူဝ်းလႄႈမိူဝ်ႈဢၼ်ႁၼ်ၵူၼ်းၸူႉၵူၼ်းတုမ်ၼမ်ၼႃႇၼၼ်ႉၸိုင်မီးၸႂ်ဢၼ်ဢိတ်းလူၶဝ်ၵွပ်ႈပိူဝ်ႈဢၼ်ၶဝ်ၸိူဝ်းၼၼ်ႉပဵၼ်ၸိူဝ်ႉၼင်ႇသူဝ်းဢၼ်ဢမ်ႇမီးၵေႃႉဢၼ်လဵင်ႉဢၼ်လူၼၼ်ႉဢေႃႈ။ မၼ်းၸဝ်ႈသင်ႇသွၼ်သုင်းမႃႉပၼ်ၶဝ်ၼမ်ၼႃႇဢေႃႈ။
၃၅ မိူဝ်ႈဢၼ်ႁွတ်ႈထိုင်ၶိင်ႇႁူဝ်ၶမ်ႈၸိုင်တပႄးၸဝ်ႈတင်းလၢႆသုတ်ႉၸပ်းသုတ်ႉၸူးတီႈမၼ်းၸဝ်ႈသေလႄႈလဝ်ႈလၢတ်ႈလႄႈဝႃႈ၊-ၵႃႈတီႈၼႆႉပဵၼ်တီႈထိူၼ်ႇၶႃႈဢေႃႈ။ ၶိင်ႇၵေႃႈသဵင်ႈတေႃႈလဵဝ်ၶႃႈယဝ်ႉ။ ၼင်ႇႁိုဝ်ၵူၼ်းၸိူဝ်းၼႆႉတၵ်းလႆႈၵႂႃႇၵႃႈတီႈဝၢၼ်ႈႁိမ်းႁွမ်းလႄႈသိုဝ်ႉတၢင်းၵိၼ်ၸိုင်ၸဝ်ႈႁဝ်းႁႂ်ႈၶဝ်ၵႂႃႇသေၵမ်းၶႃႈ။
၃၆ ၶဝ်ဢမ်ႇမီႈသင်ဢၼ်တၵ်းလႆႈၵိၼ်ၶႃႈဝႃႈၼင်ႇၼႆလႄႈမၼ်းၸဝ်ႈၵေႃႈၶိုၼ်းလၢတ်ႈဝႃႈ၊-သူပၼ်ပုၼ်ႈဢၼ်ၶဝ်တၵ်းၵိၼ်
ၼၼ်ႉတႃႉ၊ဝႃႈၼင်ႇၼႆဢေႃႈ။
၃၇ ၶဝ်ၵေႃႈလဝ်ႈလၢတ်ႈလႄႈဝႃႈ၊-ႁဝ်းၶႃႈတၵ်းလႆႈဢဝ်တေႇၼႃႇရီႇသွင်ပၢၵ်ႇၶႅပ်းလႄႈၵႂႃႇသိုဝ်ႉၶဝ်ႈမုၼ်းပၼ်ၶဝ်ၵိၼ်ၶႃႈႁိုဝ်၊ဝႃႈၼင်ႇၼႆဢေႃႈ။
၃၈ မၼ်းၸဝ်ႈၵေႃႈလၢတ်ႈလႄႈဝႃႈ၊-ၵႃႈတီႈသူၼႆႉမီးၶဝ်ႈမုၼ်းလၢႆႁူၺ်ႇ။ ၵႂႃႇတူၺ်းလူႊ၊ဝႃႈၼႆဢေႃႈ။ ၵႃႈၼင်ႇဢၼ်မၼ်းၸဝ်ႈဝႃႈၼၼ်ႉၶဝ်ၶိုၼ်းလဝ်ႈလၢတ်ႈလႄႈဝႃႈ၊-မီးၶဝ်ႈမုၼ်းႁႃႈႁူၺ်ႇတင်းပႃသွင်တူဝ်ၶႃႈဢေႃႈ၊ဝႃႈၼင်ႇၼႆဢေႃႈ။
၃၉ ၵမ်းၼၼ်ႉ မၼ်းၸဝ်ႈမီးဢမိင်ႉႁႂ်ႈၵူၼ်းတင်းသဵင်ႈတင်းလူင်ၸိူဝ်းၼၼ်ႉႁဵတ်းပဵၼ်မုၵ်ႉပဵၼ်ၸုမ်းသေလႄႈၼင်ႈၵႃႈၼိူဝ်ယိူဝ်ႈလိပ်းယိူဝ်ႈၶဵဝ်ၵၢင်ပၢင်ႇၼၼ်ႉဢေႃႈ။
၄၀ ၶဝ်ၼၼ်ႉၼင်ႈယူႇယေႈမုၵ်ႉယေႈပၢၵ်ႇယေႈမုၵ်ႉႁႃႈသိပ်းပဵၼ်မုၵ်ႉ
ပဵၼ်ၸုမ်းဝႆႉဢေႃႈ။
၄၁ မၼ်းၸဝ်ႈဢဝ်ၶဝ်ႈမုၼ်းႁႃႈႁူၺ်ႇတင်းပႃသွင်တူဝ်ၼၼ်ႉသေယဝ်ႉႁႅၼ်တူၺ်းၵႃႈၼိူဝ်ၵၢင်ႁၢဝ်လႄႈယွင်ႈယေႃးၵျေးၸူးၸဝ်ႈယဝ်ႉၸင်ႇမိတ်းၶဝ်ႈမုၼ်းလႄႈပၼ်တီႈတပႄးၸဝ်ႈတင်းလၢႆႁႂ်ႈသႂ်ႇတမ်းပၼ်ၵႃႈတီႈၽၢႆႇၼႃႈၵူၼ်းၸိူဝ်းၼၼ်ႉဢေႃႈ။
၄၂ ပႃသွင်တူဝ်ၵေႃႈမၼ်းၸဝ်ႈမႅင်ႇပၼ်ၶဝ်တင်းသဵင်ႈတင်းလူင်ၸိူဝ်းၼၼ်ႉဢေႃႈ။
၄၃ ၵူၼ်းတင်းသဵင်ႈတင်းလူင်ၸိူဝ်းၼၼ်ႉၵိၼ်ဢိမ်ႇယဝ်ႉ
ၸင်ႇၶဝ်သမ်ႉၵဵပ်းသိမ်းဢဝ်ၶဝ်ႈမုၼ်းတင်းပႃဢၼ်ႁၵ်းဢၼ်ႁိၵ်းဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉလႆႈတဵမ်သိပ်းသွင်ပဵတ်ႈဢေႃႈ။
၄၄ ၵူၼ်းၸၢႆးၵူၺ်းၵူၺ်းဢမ်ႇဢၢၼ်ႇပႃးမေႈယိင်းၵူၼ်းဢၼ်ၵိၼ်ၶဝ်ႈမုၼ်းၸိူဝ်း
ၼၼ်ႉမီးသေၵူၼ်းႁႃႈႁဵင်ဢေႃႈ။
ၸဝ်ႈယေႇသုပႆၵႂႃႇၼိူဝ်ၼမ်ႉၼွင်
၄၅ မၼ်းၸဝ်ႈၼၼ်ႉဝၢႆးသေႁႂ်ႈၵူၼ်းၸူႉၵူၼ်းတုမ်ၸိူဝ်းၼၼ်ႉမိူဝ်းၵႂႃႇယဝ်ႉၼၼ်ႉၸိုင်တိုၵ်းယူင်းတပႄးၸဝ်ႈတင်းလၢႆႁႂ်ႈၶဝ်ၶီႇႁိူဝ်းၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉတီႈဝဵင်းပိတ်ႉၸေႇတၼၼ်ႉဢွၼ်တၢင်းမၼ်းၸဝ်ႈဢေႃႈ။
၄၆ ဝၢႆးၼၼ်ႉမၼ်းၸဝ်ႈၶိုၼ်ႈၵႂႃႇၵႃႈၼိူဝ်လွႆႁႂ်ႈလႆႈသူးတွင်းႁဵတ်းပထၼႃႇဢေႃႈ။
၄၇ မိူဝ်ႈဢၼ်ႁွတ်ႈထိုင်ၶိင်ႇၵၢင်ၶိုၼ်းၸိုင်ႁိူဝ်းတပႄးၸဝ်ႈၸိူဝ်းၼၼ်ႉမီးယူႇၵႃႈၼႂ်းၵၢင်ၼွင်ဢေႃႈ။ မၼ်းၸဝ်ႈပႃးလဵဝ်ၵူၺ်းမီးယူႇၵႃႈၼိူဝ်လွႆဢေႃႈ။
၄၈ ၶိင်ႇၼၼ်ႉမၼ်းၸဝ်ႈႁူႉႁၼ်တပႄးၸဝ်းၸိူဝ်းၼၼ်ႉမီးတၢင်းဢၼ်ၽၢႆးႁိူဝ်းယၢပ်ႇၸႂ်ၼႃႇလူင်လၢင်ၵွပ်ႈပိူဝ်ႈလူမ်းဢမ်ႇထုၵ်ႇၵႃႈၼႂ်းၼွင်ၼၼ်ႉဢေႃႈ။
၄၉ ၶိင်ႇၵၢင်ၶိုၼ်းဢၼ်ႁႆႇသၢမ်မွင်းၼၼ်ႉမၼ်းၸဝ်ႈပႆၵႂႃႇၵႃႈၼိူဝ်ၼမ်ႉၼွင်ၵႂႃႇၸူးၵႃႈတီႈဢၼ်တပႄးၸဝ်ႈၸိူဝ်းၼၼ်ႉမီးၼၼ်ႉလႄႈႁဵတ်းမိူၼ်ၼင်ႇႁၢင်ႊတၵ်းပူၼ်ႉၶဝ်ၵႂႃႇဢေႃႈ။
၅၀ ၶဝ်ၸိူဝ်းၼၼ်ႉမိူဝ်ႈဢၼ်ႁၼ်မၼ်းၸဝ်ႈပႆယူႇၵႃႈၼိူဝ်ၼမ်ႉၼွင်ၸိူဝ်ႉၼင်ႇၼၼ်ယူႇၼၼ်ႉၸိုင်ၶဝ်ထၢင်ႇၼႂ်းၸႂ်ဝႃႈပဵၼ်ၽဵတ်ႇ၊ဝႃႈၼင်ႇၼႆလႄႈႁွင်ႉသႅၼ်ႇဢေႃႈ။ ၶဝ်တင်းသဵင်ႈတင်းလူင်ၸိူဝ်းၼၼ်ႉမိူဝ်ႈဢၼ်ႁၼ်မၼ်းၸဝ်ႈၼၼ်ႉၸိုင်တူၵ်းၸႂ်ဢေႃႈ။ မၼ်းၸဝ်ၵေႃႈတၵ်ႉလၢတ်ႈၶဝ်ၵမ်းလဵဝ်လႄႈဝႃႈ၊-ႁႂ်ႈမီးၸႂ်ဢၼ်မၼ်ႈၶိူင်ႇတႃႉ။ ပဵၼ်ၵဝ်ဢိူဝ်း။
၅၁ ယႃႇပေၵူဝ်ပေႁႄ၊ဝႃႈၼင်ႇၼႆဢေႃႈ။ မိူဝ်ႈဢၼ်မၼ်းၸဝ်ႈၶိုၼ်ႈၵႂႃႇၵႃႈၼိူဝ်ႁိူဝ်းၶဝ်ၼၼ်ႉလူမ်းၼၼ်ႉယဵၼ်ၵႂႃႇၵမ်းလဵဝ်ဢေႃႈ။ ၶဝ်ၸိူဝ်းၼၼ်ႉၵႂင်ၸႂ်ယုင်ႈၸႂ်လႄႈ
ဢၢမ်းၼႃႇလူင်လၢင်ထၼ်ႈပေႃးဢမ်ႇမီးတီႈဢၼ်တၵ်းတႅၵ်ႈတိူင်းလႆႈယဝ်ႉ။
၅၂ လွင်ႈမၼ်းၸမ်းပိူဝ်ႈဢၼ်ႁူဝ်ၸႂ်ၶဝ်ၵႅၼ်ႇၶႅင်လႄႈၶဝ်ယင်းဢမ်ႇမၢတ်ႈဢမ်ႇတွင်းလွင်ႈၶဝ်ႈမုၼ်းႁႃႈႁူၺ်ႇဢၼ်လဵင်ႉၵူၼ်းႁႃႈႁဵင်ၼၼ်ႉဢေႃႈ။
၅၃ ၶဝ်ၶၢမ်ႈၵႂႃႇၵႃႈတီႈၽင်ႇၼမ်ႉၽၢႆႇပုၼ်ႉသေယဝ်ႉႁွတ်ႈထိုင်ၵႃႈတီႈမိူင်းၵိၼ်ႇၼီႇသႃႇရိတ်ႉလႄႈသိူၵ်ႈႁိူဝ်းၶဝ်ဢေႃႈ။
၅၄ မိူဝ်ႈဢၼ်လူင်းသေၵႃႈၼိူဝ်ႁိူဝ်းၼၼ်ႉၸိုင်ၵူၼ်းတင်းလၢႆႁူႉၵမ်းလဵဝ်လွင်ႈဢၼ်ဝႃႈပဵၼ်မၼ်းၸဝ်ႈၼၼ်ႉလႄႈ
၅၅ ၶဝ်လႅၼ်ႈၵႂႃႇၵႃႈတီႈႁိမ်းႁွမ်းၵူႈတီႈၵူႈလႅၼ်သေယဝ်ႉဢဝ်ၵူၼ်းၶႆႈၵူၼ်းပဵၼ်တင်းလၢႆတၢင်ႇၵႃႈၼိူဝ်ၵူႇတီႈၼွၼ်းယဝ်ႉၸင်ႇႁၢမ်ၵႂႃႇၸူးတီႈမၼ်းၸဝ်ႈဢေႃႈ။
၅၆ မိူဝ်ႈဢၼ်မၼ်းၸဝ်ႈၶဝ်ႈၵႃႈၼႂ်းဝၢၼ်ႈၼွၵ်ႈၼႃးပၢင်ႇၵႃႈၼႂ်းဝဵင်းတင်းလၢႆတီႈလႂ်ၵေႃႈ
ၵႃႈတီႈၼၼ်ႉၶဝ်ဢဝ်ၵူၼ်းၶႆႈၵူၼ်းပဵၼ်တင်းလၢႆဝႆႉၵႃႈၼႂ်းၵၢတ်ႇလႄႈဢွၼ်ၵၼ်ယွၼ်းဢၶႂၢင်ႉႁႂ်ႈလႆႈတိူဝ်ႉယိပ်းပူးၶူဝ်းမၼ်းၸဝ်ႈၵူၺ်းဢေႃႈ။ ၵူၼ်းပဵၼ်ဢၼ်လႆႈတိူဝ်ႉလႆႈယိပ်းပူးၶူဝ်းမၼ်းၸဝ်ႈတင်းသဵင်ႈတင်းလူင်ၸိူဝ်းၼၼ်ႉလႆႈႁၢႆၶႅၼ်းဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ