ၵျၢမ်းငဝ်ႈၵမ်ႇၽႃႇ
၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈ ၂၉
၃၀ ၃၁ ၃၂ ၃၃ ၃၄ ၃၅ ၃၆ ၃၇ ၃၈ ၃၉ ၄၀ ၄၁ ၄၂ ၄၃ ၄၄ ၄၅ ၄၆ ၄၇ ၄၈ ၄၉ ၅၀
၂၇
ယႃႇၵုပ်ႉလႆႈတၢင်းလီတီႈဢိၸၵ်ႉ
၁ ဝၢႆးၼၼ်ႉ ဢိၸၵ်ႉ ထဝ်ႈၼႃႇလႄႈတႃမူဝ်းၼႃႇထၼ်ႈပေႃးဢမ်ႇႁၼ်လႆႈယဝ်ႉလႄႈ မၼ်းႁွင်ႉဢဝ်လုၵ်ႈၸၢႆးမၼ်းၵေႃႉယႂ်ႇ ဢေးသေႃး ၼၼ်ႉလႄႈဝႃႈ၊-လုၵ်ႈၸၢႆးၵဝ်ဢိူၺ်း၊မိူဝ်ႈဢၼ်ဝႃႈၼင်ႇၼႆၸိုင် မၼ်းၵေႃႈဢိူဝ်ႈလႄႈဝႃႈ၊-ၵဝ်ၶႃႈမီးယူႇၶႃႈဢေႃႈ၊ဝႃႈၼင်ႇၼႆဢေႃႈ။
၂ ပေႃႈမၼ်းၵေႃႈလၢတ်ႈလႄႈဝႃႈ၊- တေႃႈလဵဝ်ၼႆႉၵဝ်ၵေႃႈထဝ်ႈၼႃႇယဝ်ႉ။တၵ်းတၢႆဝၼ်းလႂ်ဢမ်ႇႁူႉ။ ၼင်ႇႁိုဝ်ဝိၺိၼ်ႇၵဝ်တၵ်းပၼ်တၢင်းလီတီႈမႂ်း ၸူဝ်ႈဢၼ် ၵဝ်ဢမ်ႇပႆႇတၢႆၼႆႉၸိုင်
၃ ဢဝ်လၢၵ်ႈၼၢၵ်ႈမႂ်းဢၼ်ဝႃႈပိုၼ်ဢိၵ်ႇတင်း ၵၢင်ႇမႂ်းၼၼ်ႉသေယဝ်ႉ ၵွႃႇၵႃႈတီႈထိူၼ်ႇပုၼ်ႉလႄႈ ႁႃဢဝ်ႁႂ်ႈလႆႈၼိူဝ်ႉတူဝ်ထိူၼ်ႇပုၼ်ႈ ၵဝ်သေယဝ်ႉ၊
၄ ႁုင်ၽၵ်းၼိူဝ်ႉဢၼ်ဝၢၼ်ဝၢၼ်ဢၼ်ၵဝ်ယၢမ်ႈမၵ်ႉၼၼ်ႉသေလႄႈ ဢဝ်မႃးၵႃႈတီႈၵဝ်ႁႂ်ႈၵဝ်လႆႈၵိၼ်တႃႉ၊ဝႃႈၼင်ႇၼႆဢေႃႈ။
၅ ရေႇပိၵ်ႉၵ ငိၼ်းၵႂၢမ်းဢၼ် ဢိၸၵ်ႉ လၢတ်ႈတီႈလုၵ်ႈၸၢႆးလူင်မၼ်း ဢေးသေႃး ၸိူဝ်ႉၼင်ႇၼၼ်လႄႈၼႂ်းမိူဝ်ႈဢၼ် ဢေးသေႃး ယင်းတိုၵ်ႉၵွႃႇၵႃႈတီႈထိူၼ်ႇႁႃ
၆ ႁႂ်ႈလႆႈဢဝ်ၼိူဝ်ႉတူဝ်ထိူၼ်ႇယူႇၼၼ်ႉ ရေႇပိၵ်ႉၵ ႁွင်ႉဢဝ်လုၵ်ႈၸၢႆးမၼ်း ယႃႇၵုပ်ႉလႄႈဝႃႈ၊-တူၺ်းလူႊ။ၵဝ်လႆႈငိၼ်းပေႃႈမႂ်းလၢတ်ႈတီႈပီႈဢၢႆႈမႂ်း ဢေးသေႃး ၼၼ်ႉဝႃႈ၊-
၇ လွင်ႈၼင်ႇႁိုဝ်ၵဝ်တၵ်းလႆႈၵိၼ်လႄႈပၼ်တၢင်းလီတီႈမႂ်း ၵႃႈတီႈၽၢႆႇၼႃႈထႃႇဝရႃႉၽြႃးၸူဝ်ဢၼ်ၵဝ်ဢမ်ႇပႆႇတၢႆၼႆႉၸိုင်၊ ဢဝ်ၼိူဝ်ႉတူဝ်ထိူၼ်ႇမႃးလႄႈ ႁုင်ၽၵ်းၼိူဝ်ႉဢၼ်ဝၢၼ်ဝၢၼ်ပုၼ်ႈၵဝ်တႃႉ၊ ဝႃႈၼင်ႇၼႆယဝ်ႉ။
၈ ပိူဝ်ႈၼႆလႄႈ လုၵ်ႈၸၢႆးၵဝ်ဢိူၺ်း၊ထွမ်ႇဢဝ်ၵႂၢမ်းဢၼ်ၵဝ်သင်ႇလၢတ်ႈဝႆႉၼႆႉတႃႉ။
၉ တေႃႈလဵဝ်ၼႆႉမႂ်းၵွႃႇၵႃႈတီႈၽုင်ပေႉၼၼ်ႉလႄႈ ဢဝ်ပေႉဢွၼ်ႇဢၼ်လီသွင်တူဝ်မႃးတီႈၵဝ်တႃႉ။ ၵဝ်တၵ်းဢဝ်လႄႈႁုင်ၽၵ်းၼိူဝ်ႉဢၼ်ဝၢၼ်ဝၢၼ် ဢၼ်ပေႃႈမႂ်းမၵ်ႉၼၼ်ႉ ဢေႃႈ။
၁၀ လွင်ႈၼင်ႇႁိုဝ် မၼ်းတၵ်းပၼ်တၢင်းလီတီႈမႂ်းၸူဝ်ႈဢၼ်မၼ်းဢမ်ႇပႆႇတၢႆၼႆႉၸိုင် မႂ်းတၵ်းလႆႈဢဝ်တၢင်းၵိၼ်တၢင်းၶူပ်းၼၼ်ႉ ၵွႃႇသူင်ႇၵႃႈတီႈပေႃႈမႂ်းႁႂ်ႈ မၼ်း ၵိၼ်တၵ်းၶူပ်းဢေႃႈ၊ဝႃႈၼင်ႇၼႆဢေႃႈ။
၁၁ ယႃႇၵုပ်ႉၵေႃႈလၢတ်ႈတီႈမေႈမၼ်းရေႇပိၵ်ႉၵလႄႈဝႃႈ၊-တူၺ်းလူႊ။ပီႈဢၢႆႈၵဝ်ၶႃႈ ဢေးသေႃး ၼၼ်ႉပဵၼ်ၵေႃႉဢၼ်မီးၶူၼ်ၶႃႈဢေႃႈ။ ၵဝ်ၶႃႈၸမ်း၊ပဵၼ်ၵေႃႉဢၼ် မိုၼ်ႈလီၶျေႃးလီၶႃႈဢေႃႈ။
၁၂ ပေႃႈၵဝ်ၶႃႈၸၢင်ႊၶေးတၵ်းလုပ်ႈၵမ်တူၺ်းၵဝ်ၶႃႈဢေႃႈ။ပေႃးပဵၼ်ၸိူဝ်ႉၼင်ႇၼၼ်ၸိုင်ၵဝ်ၶႃႈတၵ်းပဵၼ်ၸိူဝ်ႉၼင်ႇ ၵေႃႉဢၼ်ၸၢင်ႊပႅတ်ႉၸၢင်ႊလႅၼ်ၼၼ်ႉတီႈမၼ်းသေယဝ်ႉ ၵဝ်ၶႃႈၵေႃႈယင်းဢမ်ႇလႆႈမင်ႇၵလႃႇလႄႈ တၵ်းလႆႈဢႃႉမင်ႇၵလႃႇတၢင်းဢၼ်ၵိၼ်ႇဢၼ်ဝႃႈၶႃႈဢေႃႈ၊ဝႃႈၼင်ႇၼႆ ဢေႃႈ။
၁၃ မေႈမၼ်းၵေႃႈလၢတ်ႈလႄႈဝႃႈ၊လုၵ်ႈၸၢႆးၵဝ်ဢိူၺ်း။ ႁႂ်ႈဢႃႉမင်ႇၵလႃႇတၢင်းဢၼ်ၵိၼ်ႇဢၼ်ဝႃႈ ဢၼ်မႂ်းလႆႈၶၢမ်ႇၼၼ်ႉႁွတ်ႈထိုင်ၵႃႈၼိူဝ်ၵဝ်တႃႉ။
၁၄ ၵူၺ်းၵႃႈထွမ်ႇဢဝ်ၵႂၢမ်းၵဝ်လႄႈ ဢဝ်ပေႉဢွၼ်ႇမႃးတီႈၵဝ်တႃႉ၊ ဝႃႈၼင်ႇၼႆလႄႈမၼ်းၵေႃႈၵွႃႇသေယဝ်ႉ ဢဝ်ပေႉဢွၼ်ႇမႃးၵႃႈတီႈမေႈမၼ်းလႄႈ မေႈမၼ်းၵေႃႈႁုင်ၽၵ်းၼိူဝ်ႉဢၼ်ဝၢၼ်ဝၢၼ် ဢၼ်ပေႃႈမၼ်းမၵ်ႉၼၼ်ႉဢေႃႈ။
၁၅ မိူဝ်ႈၼၼ်ႉ ရေႇပိၵ်ႉၵ ဢဝ်ၶူဝ်းၼုင်ႈ ဢေးသေႃးလုၵ်ႈၸၢႆးၵေႃႉယႂ်ႇ ဢၼ်လီၼႃႇလူင်လၢင်ဢၼ်မီးၵႃႈၼႂ်းႁိူၼ်းမၼ်းၼၼ်ႉ ႁႂ်ႈလုၵ်ႈၸၢႆးၵေႃႉလဵၵ်ႉ ယႃႇၵုပ်ႉ ၼုင်ႈလႄႈဢဝ်ၼင်ပေႉဢွၼ်ႇ
၁၆ ႁေႃႇသႂ်ႇၵႃႈတီႈမိုဝ်းမၼ်းဢိၵ်ႇတင်းၶေႃးမၼ်း တီႈဢၼ်မိုၼ်ႈၶျေႃးၼၼ်ႉ သေယဝ်ႉ
၁၇ ဢဝ်ၽၵ်းၼိူဝ်ႉဢၼ်ဝၢၼ်ဝၢၼ် ဢိၵ်ႇတင်းၶဝ်ႈမုၼ်းဢၼ်မၼ်းႁုင်ၼၼ်ႉ ဢၢပ်ႈပၼ်ၵႃႈၼႂ်းမိုဝ်းလုၵ်ႈၸၢႆးမၼ်း ယႃႇၵုပ်ႉ ၼၼ်ႉဢေႃႈ။
၁၈ ယႃႇၵုပ်ႉ ၵေႃႈၵွႃႇၵႃႈတီႈပေႃႈမၼ်းလႄႈ ႁွင်ႉဝႃႈ၊-ပေႃႈဢိူၺ်း၊ဝႃႈၼင်ႇၼႆဢေႃႈ။ပေႃႈၵေႃႈဢိူဝ်ႈလႄႈဝႃႈ၊- လုၵ်ႈၸၢႆးၵဝ်ဢိူၺ်း၊ၵဝ်မီးယူႇဢေႃႈ။ မႂ်းပဵၼ် ၽူႈလႂ်၊ဝႃႈၼင်ႇၼႆဢေႃႈ။
၁၉ ယႃႇၵုပ်ႉ ၵေႃႈလၢတ်ႈတီႈပေႃႈမၼ်းလႄႈဝႃႈ၊- ၵဝ်ၶႃႈပဵၼ် ဢေးသေႃး လုၵ်ႈၸၢႆးလူင်ပေႃႈႁဝ်းၶႃႈဢေႃႈ။ ၵဝ်ၶႃႈႁဵတ်းၸွမ်းၵႃႈၼင်ႇဢၼ်ပေႃႈႁဝ်းသင်ႇလၢတ်ႈဝႆႉၼၼ်ႉၶႃႈယဝ်ႉ။လုၵ်ႉလႄႈၼင်ႈသေၵမ်း။ ၼင်ႇႁိုဝ်ဝိၺိၼ်ႇပေႃႈႁဝ်းတၵ်းပၼ်တၢင်းလီတီႈၵဝ်ၶႃႈၸိုင်၊ ၵိၼ်ၽၵ်းၼိူဝ်ႉတူဝ်ထိူၼ်ႇၵဝ်ၶႃႈၼႆႉသေၵမ်း၊ဝႃႈၼင်ႇၼႆဢေႃႈ။
၂၀ ဢိၸၵ်ႉၵေႃႈထၢမ်တီႈလုၵ်ႈၸၢႆးမၼ်းလႄႈဝႃႈ၊-လုၵ်ႈၸၢႆးၵဝ်ဢိူၺ်း၊ လွင်ႈဢၼ်မႂ်းၸဵဝ်းထူပ်းႁၼ်တူဝ်ထိူၼ်ႇဝႆးထၢၼ်ႇၼႆႉၸမ်း၊ပဵၼ်ၸိူဝ်ႉၼင်ႁိုဝ်၊ မိူဝ်ႈဢၼ်ဝႃႈၼင်ႇၼႆၸိုင် မၼ်းၵေႃႈၶိုၼ်းလၢတ်ႈလႄႈဝႃႈ၊-
၂၁ ပိူဝ်ႈဢၼ်ထႃႇဝရႃႉၽြႃး၊ ၽြႃးပဵၼ်ၸဝ်ႈပေႃႈႁဝ်းပၼ်ဢၶႂၢင်ႉတီႈၵဝ်ၶႃႈလႄႈၵဝ်ၶႃႈၸင်ႇၸဵဝ်းထူပ်းၶႃႈဢေႃႈ၊ ဝႃႈၼင်ႇၼႆဢေႃႈ။ ဢိၸၵ်ႉ ၵေႃႈလၢတ်ႈတီႈယႃႇၵုပ်ႉ လႄႈဝႃႈ၊-လုၵ်ႈၸၢႆးၵဝ်ဢိူၺ်း၊ၼင်ႇႁိုဝ်ၵဝ်တၵ်းလႆႈလုပ်ႈၵမ်းတူၺ်းမႂ်းလႄႈ ႁူႉလွင်ႈဢၼ်ဝႃႈမႂ်းၸႂ်ႈလုၵ်ႈၸၢႆးၵဝ် ဢေးသေႃး တႄႉႁိုဝ်ဢမ်ႇၸႂ်ႈတႄႉႁိုဝ်ၼၼ်ႉၸိုင် သုတ်ႉမႃးၵႃႈတီႈႁိမ်းၵဝ်ၼႆႉလူး၊မိူဝ်ႈဢၼ် ဝႃႈၼင်ႇၼႆၸိုင်
၂၂ ယႃႇၵုပ်ႉ ၵေႃႈသုတ်ႉၸမ်ၵႃႈတီႈႁိမ်းပေႃႈမၼ်းလႄႈ ပေႃႈမၼ်းၵေႃႈလုပ်ႈၵမ်တူၺ်းလႄႈဝႃႈ၊- သဵင်မၼ်းပဵၼ်သဵင် ယႃႇၵုပ်ႉ ဢေႃႈ။ မိုဝ်းမၼ်းသမ်ႉပဵၼ်မိုဝ်း ဢေးသေႃး ဢေႃႈ၊ဝႃႈၼင်ႇၼႆဢေႃႈ။
၂၃ ပိူဝ်ႈဢၼ်မိုဝ်းမၼ်းမီးၶူၼ်မိူၼ်ၸိူဝ်ႉ ၼင်ႇမိုဝ်းပီႈဢၢႆႈမၼ်း ဢေးသေႃး ၼၼ်ႉလႄႈပေႃႈမၼ်းယင်းဢမ်ႇႁူႉသၢႆငၢႆလွင်ႈဢၼ်ဝႃႈမၼ်းပဵၼ် ယႃႇၵုပ်ႉ ၼၼ်ႉလႄႈပၼ်တၢင်းလီတီႈမၼ်းဢေႃႈ။
၂၄ ၵူၺ်းၵႃႈ ပေႃႈမၼ်းသမ်ႉၶိုၼ်းထၢမ်ထႅင်ႈလႄႈဝႃႈ၊-မႂ်းပဵၼ်လုၵ်ႈၸၢႆးလူင်ၵဝ်တႄႉႁိုဝ်၊ မိူဝ်ႈဢၼ်ဝႃႈၼင်ႇၼႆၸိုင်၊ မၼ်းၵေႃႈလၢတ်ႈလႄႈဝႃႈ၊- ၸႂ်ႈၶႃႈယဝ်ႉ၊ဝႃႈၼင်ႇၼႆဢေႃႈ။
၂၅ ပေႃႈမၼ်းၵေႃႈလၢတ်ႈလႄႈဝႃႈ၊-ဢဝ်မႃးတမ်းပၼ် ၵႃႈတီႈႁိမ်းၵဝ်ၼႆႉတႃႉ။ ၼင်ႇႁိုဝ်ဝိၺိၼ်ႇၵဝ်တၵ်းပၼ်တၢင်းလီတီႈမႂ်းၸိုင် ၵဝ်တၵ်းၵိၼ်ၽၵ်းၼိူဝ်ႉတူဝ်ထိူၼ်ႇလုၵ်ႈၸၢႆးၵဝ်ဢေႃႈ၊ ဝႃႈၼင်ႇၼႆလႄႈ ယႃႇၵုပ်ႉ ၵေႃႈဢဝ်တမ်းပၼ်ၵႃႈတီႈႁိမ်းပေႃႈမၼ်းလႄႈပေႃႈမၼ်းၵေႃႈၵိၼ်ဢေႃႈ။ၼမ်ႉၸပိတ်ႉၵေႃႈမၼ်းဢဝ်မႃးပၼ်လႄႈ ပေႃႈမၼ်းၵေႃႈၵိၼ်ဢေႃႈ။
၂၆လိုၼ်းၼၼ်ႉပေႃႈမၼ်း ဢိၸၵ်ႉ ၵေႃႈလၢတ်ႈလႄႈဝႃႈ၊- လုၵ်ႈၸၢႆးၵဝ်ဢိူၺ်း၊သုတ်ႉမႃးလႄႈၼူမ်ႈၵဝ်တႃႉ၊မိူဝ်ႈဢၼ်ဝႃႈၼင်ႇၼႆၸိုင်၊ ယႃႇၵုပ်ႉ ၵေႃႈသုတ်ႉၸူး လႄႈၼူမ်ႈပေႃႈမၼ်းဢေႃႈ။
၂၇ ပေႃႈမၼ်းၵေႃႈၶၢမ်ႇဢဝ်ဢၢႆၶူဝ်းၼုင်ႈမၼ်းသေလႄႈ ပၼ်တၢင်းလီတီႈမၼ်းလႄႈဝႃႈ၊- တူၺ်းလူႊ၊ဢၢႆႁွမ်လုၵ်ႈၸၢႆးၵဝ်ၼႆႉ မိူၼ်ၸိူဝ်ႉၼင်ႇဢၢႆႁွမ်တူင်ႈၼႃး ဢၼ်ထႃႇဝရႃႉၽြႃးပၼ် တၢင်းလီၼၼ်ႉဢေႃႈ။
၂၈ ပိူဝ်ႈၼႆလႄႈႁႂ်ႈၽြႃးပဵၼ်ၸဝ်ႈပၼ်ၼမ်ႉၼႆႉၵႃႈတီႈၽႃႉၵၢင်ႁၢဝ်၊ ၶွၼ်ႇၼမ်ႉမၼ်းလိၼ်၊ၶဝ်ႈပိူၵ်ႇ၊ၶဝ်ႈသၢၼ်တင်းၼမ်ႉၸပိတ်ႉၼမ်ၼႃႇ တီႈမႂ်းသေၵမ်းလူၺ်ႈ။ ႁႂ်ႈၸိူဝ်ႉၶိူဝ်းၵူၼ်းတင်းလၢႆလႆႈၶၢမ်ႇႁဵတ်းၶႃႈတီႈမႂ်းလႄႈႁႂ်ႈမဵဝ်းၵူၼ်းတင်းလၢႆ လႆႈၵူမ်ႈႁူဝ် ၵႃႈတီႈၽၢႆႇၼႃႈမႂ်းသေၵမ်းလူၺ်ႈ။
၂၉ ႁႂ်ႈမႂ်းလႆႈပဵၼ်ၸဝ်ႈတီႈပီႈၼွင်ႉမႂ်းလႄႈႁႂ်ႈလုၵ်ႈၸၢႆးမေႈမႂ်းတင်းလၢႆ လႆႈၵူမ်ႈႁူဝ်ၵွမ်းႁူဝ်ၵႃႈတီႈၽၢႆႇၼႃႈမႂ်းသေၵမ်းလူၺ်ႈ။ ႁႂ်ႈၶဝ်ၸိူဝ်းဢၼ်ၵိၼ်ႇဝႃႈမႂ်း တင်းသဵင်ႈတင်းလူင်ၼၼ်ႉလႆႈၶၢမ်ႇတၢင်းၵိၼ်ႇတၢင်းဝႃႈသေၵမ်းလူၺ်ႈ။ ႁႂ်ႈၶဝ်ၸိူဝ်းဢၼ်ပၼ်တၢင်းလီတီႈမႂ်း တင်းသဵင်ႈတင်းလူင်ၼၼ်ႉလႆႈၶၢမ်ႇတၢင်းလီသေၵမ်းလူၺ်ႈ၊ ဝႃႈၼင်ႇၼႆဢေႃႈ။
၃၀ၼင်ႇၼၼ်လႄႈ ဢိၸၵ်ႉ ပၼ်တၢင်းလီမင်ႇၵလႃႇတီႈ ယႃႇၵုပ်ႉ ယဝ်ႉတူဝ်ႈယဝ်ႉလႄႈၼႂ်းမိူဝ်ႈဢၼ်ယႃႇၵုပ်ႉ ယင်းတိုၵ်ႉဢွၵ်ႇသေၵႃႈတီႈပေႃႈမၼ်း ဢိၸၵ်ႉၵွႃႇယူႇၼၼ်ႉၸိုင် ပီႈဢၢႆႈမၼ်း ဢေးသေႃး လုၵ်ႉသေၵႃႈတီႈဢၼ်မၼ်းႁဵတ်းမူးသိူဝ်းၼၼ်ႉလႄႈ ႁွတ်ႈမႃး ၵမ်းလဵဝ်ဢေႃႈ။
၃၁ မၼ်းၵေႃႈႁုင်ၽၵ်းၼိူဝ်ႉဢၼ်ဝၢၼ်ဝၢၼ်လႄႈဢဝ်မႃးတီႈပေႃႈမၼ်းသေယဝ်ႉ လၢတ်ႈတီႈပေႃႈမၼ်းလႄႈဝႃႈ၊-ၼင်ႇႁိုဝ်ဝိၺိၼ်ႇပေႃႈႁဝ်းတၵ်းပၼ်တၢင်းလီတီႈၵဝ်ၶႃႈၸိုင် လုၵ်ႉလႄႈၵိၼ်ၽၵ်းၼိူဝ်ႉတူဝ်ထိူၼ်ႇလုၵ်ႈၸၢႆးပေႃႈႁဝ်းၼႆႉသေၵမ်း၊ ဝႃႈၼင်ႇ ၼႆဢေႃႈ။
၃၂ ပေႃႈမၼ်း ဢိၸၵ်ႉ ၵေႃႈထၢမ်မၼ်းလႄႈဝႃႈ၊-မႂ်းပဵၼ်ၽူႈလႂ်၊မိူဝ်ႈဢၼ်ဝႃႈၼင်ႇၼႆၸိုင်၊မၼ်းၵေႃႈလၢတ်ႈလႄႈဝႃႈ၊-ၵဝ်ၶႃႈပဵၼ် ဢေးသေႃး လုၵ်ႈ ၸၢႆးပေႃႈႁဝ်းၵေႃႉယႂ်ႇၼၼ်ႉၶႃႈဢေႃႈ၊ ဝႃႈၼင်ႇၼႆလႄႈ ဢိၸၵ်ႉ ၼၼ်ႉမီးတၢင်းဢၼ်သၼ်ႇသၼ်ႇသၢႆသၢႆၼႃႇလူင်လၢင်သေလႄႈဝႃႈ၊-
၃၃ ၵေႃႉဢၼ်လႆႈၼိူဝ်ႉတူဝ်ထိူၼ်ႇသေယဝ်ႉ ဢဝ်မႃးၸူးၵႃႈတီႈၵဝ်လႄႈၵဝ်လႆႈၵိၼ်ထၼ်ႈပေႃးမူတ်းပေႃးသဵင်ႈ ၸဵမ်မိူဝ်ႈၸူဝ်ႈဢၼ်မႂ်းဢမ်ႇပႆႇႁွတ်ႈမႃးၼၼ်ႉလႄႈ ၵဝ်လႆႈပၼ်မႅၼ်ႈတၢင်းလီတီႈမၼ်းၵွႃႇၼၼ်ႉပဵၼ်ၽူႈလႂ်။မၼ်းတၵ်းလႆႈၶၢမ်ႇတၢင်းလီမင်ႇၵလႃႇဢမၢၼ်ႇၶၼ်ပဵၼ်ဢေႃႈ၊ ဝႃႈၼင်ႇၼႆဢေႃႈ။
၃၄ ဢေးသေႃး ၼၼ်ႉမိူဝ်ႈဢၼ်လႆႈငိၼ်းၵႂၢမ်းဢၼ်ပေႃႈမၼ်းလၢတ်ႈ ၸိူဝ်ႉၼင်ႇၼၼ်ၼၼ်ႉၸိုင်၊ ႁဵတ်းတင်းသဵင်ဢၼ်ႁႅင်းယႂ်ႇၼႃႇႁွင်ႉႁႆႈလႄႈဝႃႈ၊- ဢူဝ်းပေႃႈဢူၺ်း၊ တီႈၵဝ်ၶႃႈၵေႃႈပၼ်တၢင်းလီသေၵမ်းၶႃႈ၊ ပၼ်သေၵမ်းၶႃႈ၊ ဝႃႈၼင်ႇၼႆ သေလႄႈပေႃႈမၼ်းၵေႃႈလၢတ်ႈဝႃႈ၊-
၃၅ ၼွင်ႉၸၢႆးမႂ်းႁဵတ်းပရီ့ယေႇသေလႄႈ မႃးဢဝ်တၢင်းလီမင်ႇၵလႃႇ မႂ်းၵွႃႇယဝ်ႉ၊ ဝႃႈၼင်ႇၼႆဢေႃႈ။
၃၆ ဢေးသေႃး ၵေႃႈမၼ်းလၢတ်ႈလႄႈဝႃႈ၊- မၼ်းထုၵ်ႇလီႁွင်ႉႁိၵ်ႈၸိုဝ်ႈယႃႇၵုပ်ႉ ဢမ်ႇၸႂ်ႈၶႃႈႁိုဝ်။မၼ်းပႅတ်ႉလႅၼ်ၵဝ်ၶႃႈသွင်ပွၵ်ႈလႄႈပႄႉၼႅင်ႇၶႃႈယဝ်ႉ။မိူဝ်ႈဢွၼ်တၢင်းၼၼ်ႉၵေႃႈမၼ်းဢဝ်ဢရႃႇလုၵ်ႈတူၼ်ႈၵွႃႇၶႃႈယဝ်ႉ။တေႃႈလဵဝ်ၼႆႉၵေႃႈ မၼ်းသမ်ႉဢဝ်တၢင်းလီမင်ႇၵလႃႇၵဝ်ၶႃႈၵွႃႇၶႃႈယဝ်ႉ၊ဝႃႈၼင်ႇၼႆသေယဝ်ႉသမ်ႉထၢမ်လႄႈဝႃႈ၊-ဢမ်ႇႁႂ်ႈတၢင်းလီမင်ႇၵလႃႇ ဢၼ်ၵိုတ်းဝႆႉပုၼ်ႈၵဝ်ၶႃႈသေ ပႃးႁိုဝ်၊ဝႃႈၼင်ႇၼႆဢေႃႈ။
၃၇ ဢိၸၵ်ႉ ၵေႃႈၶိုၼ်းလၢတ်ႈတီႈ ဢေးသေႃး လႄႈဝႃႈ၊- တူၺ်းလူႊ၊ၵဝ်လႆႈႁႂ်ႈမၼ်းပဵၼ်ၸဝ်ႈမႂ်းယဝ်ႉ။ၵဝ်လႆႈႁႂ်ႈပီႈၼွင်ႉမၼ်းတင်းသဵင်ႈတင်းလူင်ၶၢမ်ႇႁဵတ်းၶႃႈတီႈမၼ်းယဝ်ႉ။လႆႈဢဝ်တင်းၶဝ်ႈပိူၵ်ႇၶဝ်ႈသၢၼ် ဢိၵ်ႇတင်းၼမ်ႉၸပိတ်ႉၵမ်ႉထွၵ်ႇၸွႆႈထႅမ်မၼ်းယဝ်ႉ။ ပိူဝ်ႈၼႆလႄႈလုၵ်ႈၸၢႆးၵဝ်ဢိူၺ်း၊ ၵဝ်တၵ်းႁဵတ်းၸိူဝ်ႉၼင်ႇႁိုဝ်လႆႈပုၼ်ႈမႂ်း၊မိူဝ်ႈဢၼ်ဝႃႈၼင်ႇၼႆၸိုင် ဢေးသေႃး ၵေႃႈလၢတ်ႈတီႈ ပေႃႈမၼ်းလႄႈဝႃႈ၊-
၃၈ ဢူဝ်းပေႃႈ၊တၢင်းလီမင်ႇၵလႃႇဢမ်ႇၵိုတ်းသေၸိူဝ်ႉသေပိူင်ၶႃႈႁိုဝ်။ ဢူဝ်းပေႃႈ၊တီႈၵဝ်ၶႃႈၵေႃႈပၼ်တၢင်းလီသေၵမ်းၶႃႈ၊ ပၼ်သေၵမ်းၶႃႈ၊ ဝႃႈၼင်ႇၼႆလႄႈသမ်ႉႁွင်ႉသႅၼ်ႇထႅင်ႈလႄႈ ႁႆႈ ဢေႃႈ။
၃၉ ပေႃႈမၼ်းဢိၸၵ်ႉသမ်ႉၶိုၼ်းလၢတ်ႈလႄႈဝႃႈ၊-တူၺ်းလူႊ၊ တီႈယူႇမႂ်းတၵ်းလႆႈမီးၵႃႈတီႈဢၼ်ၵႆၵၼ်တင်းၶွၼ်ႇၼမ်ႉမၼ်းလိၼ်ဢိၵ်ႇတင်း ၼမ်ႉၼၢႆးၵႃႈ တီႈၼိူဝ်ၽႃႉၵၢင်ႁၢဝ်ဢေႃႈ။
၄၀ တၵ်းလႆႈဢဝ်တင်းလၢပ်ႇတင်းလႅဝ်းသေလႄႈလဵင်ႉဢသၢၵ်ႈမႂ်းဢေႃႈ။တၵ်းလႆႈၶၢမ်ႇႁဵတ်းၶႃႈတီႈၼွင်ႉၸၢႆးမႂ်းဢေႃႈ။ၵမ်းလိုၼ်းမိူဝ်ႈဢၼ်သမ်ႉၶိုၼ်းပႄႉၼႅင်ႇမၼ်းၼၼ်ႉ မႂ်းတၵ်းႁၵ်းပႅတ်ႈၵၢၼ်းဢၼ်မၼ်းတၢင်ႇၼၼ်ႉသေၵႃႈ တီႈၶေႃးမႂ်းဢေႃႈ၊ဝႃႈၼင်ႇၼႆဢေႃႈ။
ယႃႇၵုပ်ႉပၢႆၵွႃႇတီႈလႃႇပၢၼ်ႇ
၄၁ ၵွပ်ႈပိူဝ်ႈ တၢင်းလီမင်ႇၵလႃႇ ဢၼ်ပေႃႈမၼ်းပၼ်တီႈ ယႃႇၵုပ်ႉ ၼၼ်ႉလႄႈ ဢေးသေႃး ၸင်း ယႃႇၵုပ်ႉလႄႈလၢတ်ႈၼႂ်းၸႂ်ဝႃႈ၊- ၶိင်ႇၵႃႇလႃႉဢၼ်တၵ်းလႆႈမႆႈၸႂ်ထိုင်ၸႂ်ၵွပ်ႈပိူဝ်ႈပေႃႈၵဝ်ၼၼ်ႉ ၸမ်တၵ်းႁွတ်ႈထိုင်ယဝ်ႉ။ မိူဝ်ႈၼၼ်ႉ ၵဝ်တၵ်းဢဝ်ၼွင်ႉၸၢႆးၵဝ်ယႃႇၵုပ်ႉ တၢႆပႅတ်ႈဢေႃႈ၊ဝႃႈၼင်ႇၼႆဢေႃႈ။
၄၂ ၵႂၢမ်းဢၼ် ဢေးသေႃး လၢတ်ႈၼၼ်ႉႁွတ်ႈထိုင်ၵႃႈတီႈႁူမေႈၶဝ် ရေႇပိၵ်ႉၵ လႄႈ ရေႇပိၵ်ႉၵ ၵေႃႈႁွင်ႉဢဝ် ယႃႇၵုပ်ႉ လႄႈဝႃႈ၊-တူၺ်းလူႊ၊ ပီႈဢၢႆႈမႂ်းဢေးသေႃး ၵျၢမ်ႇပွင်တၵ်းဢဝ်မႂ်းတၢႆလႄႈႁႂ်ႈလႆႈပျေႇ ၸႂ်မၼ်းၼႂ်းဢမူႉမႂ်းၼၼ်ႉယဝ်ႉ။
၄၃ ပိူဝ်ႈၼႆလႄႈလုၵ်ႈၸၢႆးၵဝ်ဢိူၺ်း၊ထွမ်ႇဢဝ်ၵႂၢမ်းၵဝ်တႃႉ။ လုၵ်ႉလႄႈပၢႆၵွႃႇၸူးၵႃႈတီႈဝဵင်းၶႃႇရၼ်ႇ တီႈဢၼ်ပီႈၸၢႆးၵဝ် လႃႇပၼ်ႇ ယူႇၼၼ်ႉတႃႉ။
၄၄ မိူဝ်ႈဢၼ်ပီႈဢၢႆႈမႂ်းပျေႇၸႂ်လႄႈလိုမ်းလွင်ႈဢၼ် မႂ်းႁဵတ်းတီႈမၼ်းၼၼ်ႉယဝ်ႉၼၼ်ႉၸင်ႇ၊ၵဝ်တၵ်းပွႆႇၸႂ်ႉၵွႃႇဢဝ်မႂ်းၶိုၼ်းမႃးသေ ၵႃႈတီႈၼႆႉ ဢေႃႈ။
၄၅ ၼႂ်းဝၼ်းလဵဝ်ၵူၺ်းႁဵတ်းသင်လႄႈၵဝ်တၵ်းလႆႈသုမ်းလုၵ်ႈၸၢႆးၵဝ်တင်းသွင်ၵေႃႉၼႆႉ၊ ဝႃႈၼင်ႇၼႆ ဢေႃႈ။
၄၆ ၵမ်းၼၼ်ႉ ရေႇပိၵ်ႉၵ လၢတ်ႈတီႈ ဢိၸၵ်ႉလႄဝႃႈ၊-ၵဝ်ၶႃႈငိၼ်းမိူဝ်ႇငိၼ်းၸၢၼ်ႈဢသၢၵ်ႈတူဝ်ၸဝ်ႈၵဝ်ႇၵွပ်ႈပိူဝ်ႈလုၵ်ႈယိင်းၵူၼ်း ႁေႇသ ၸိူဝ်းၼႆႉၼႃႇလူင်လၢင်ဢေႃႈ။ ပေႃး ယႃႇၵုပ်ႉ ပဵၼ်ႁိူၼ်းပဵၼ်ယေးလူၺ်ႈၵၼ်တင်းလုၵ်ႈယိင်းၵူၼ်း ႁေႇသ ဢၼ်မိူၼ်ၸိူဝ်ႉၼင်ႇၶဝ် ဢၼ်ပဵၼ်လုၵ်ႈယိင်းၵူၼ်းမိူင်းၼႆႉၸိူဝ်းၼႆႉၸိုင်၊ၵဝ်ၶႃႈဢသၢၵ်ႈလိပ်းယူႇၵေႃႈ တၵ်းမီးဢၵျူဝ်း
ၵႃႈသင်ၶႃႈ၊ဝႃႈၼင်ႇၼႆဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ