ၵျၢမ်းငဝ်ႈၵမ်ႇၽႃႇ
၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂၀ ၂၁ ၂၂ ၂၃ ၂၄ ၂၅ ၂၆ ၂၇ ၂၈ ၂၉
၃၀ ၃၁ ၃၂ ၃၃ ၃၄ ၃၅ ၃၆ ၃၇ ၃၈ ၃၉ ၄၀ ၄၁ ၄၂ ၄၃ ၄၄ ၄၅ ၄၆ ၄၇ ၄၈ ၄၉ ၅၀
၄၉
ယႃႇၵုပ်ႉပၼ်တၢင်းလီတီႈလုၵ်ႈၸၢႆးမၼ်း
၁ မိူဝ်ႈၼၼ်ႉ ယႃႇၵုပ်ႉ ႁွင်ႉဢဝ်လုၵ်ႈၸၢႆးမၼ်းတင်းလၢႆလႄႈလၢတ်ႈဝႃႈ၊-သူဢွၼ်ၵၼ်ၸူႉၵၼ်တုမ်ၵၼ်တႃႉ။ၵဝ်တၵ်းမွၵ်ႇလၢတ်ႈ လွင်ႈတၢင်းဢၼ်တၵ်းပဵၼ်မႃးတီႈသူၵႃႈတီႈၶိင်ႇၵႃႇလႃႉၵမ်းလိုၼ်းၼၼ်ႉဢေႃႈ။
၂ လုၵ်ႈၸၢႆး ယႃႇၵုပ်ႉ ၶဝ်ဢိူၺ်း၊ ဢွၼ်ၵၼ်ၸူႉၵၼ်တုမ်ၵၼ်လႄႈထွမ်ႇငိၼ်းတႃႉ။ထွမ်ႇဢဝ်ၵႂၢမ်းပေႃႈသူဢိသရေႇလ ၼႆႉတႃႉ။
၃ ရုပိၼ်ႇ ဢိူၺ်း၊မႂ်းၼႆႉပဵၼ်လုၵ်ႈတူၼ်ႈၵဝ်၊ႁႅင်းၵဝ်၊ၵေႃႇၸႃႉဢဵၼ်ႁႅင်းၵဝ် ပၢႆၸိၵ်းၸွမ်မုၼ်ၽုင်းၵဝ်ပၢႆၸိၵ်း ၸွမ်တၼ်းၶူဝ်းၵဝ်ဢေႃႈ။
၄ ၼႂ်းဝႃႈၼၼ်သေၵေႃႈ မႂ်းမီးသၽေႃးဢၼ်ၸၢင်ႊလိူတ်ႇၸိူဝ်ႉၼင်ႇၼမ်ႉလႄႈဢမ်ႇလႆႈႁွတ်ႈထိုင်တၢင်းဢၼ်မျၢတ်ႈလီသေပိူၼ်ႈ။လွင်ႈမၼ်းၸမ်း မႂ်းၶိုၼ်ႈၵႃႈၼိူဝ်တီႈၼွၼ်းပေႃႈမႂ်းလႄႈ ႁဵတ်းႁႂ်ႈၵူဝ်ႈၵိူၵ်ႇဢေႃႈ။ မႂ်းၶိုၼ်ႈၵႃႈၼိူဝ်ၵူႇတီႈ ၼွၼ်းၵဝ်ၼၼ်ႉယဝ်ႉလူင်ပေႇ။
၅ သိမုၼ်ႇ တင်း လေႇဝိပဵၼ်ပီႈၼွင်ႉၵၼ်ဢေႃႈ။ၶိူင်ႈပိူင်ဢၼ်ၸၢင်ႊႁဵတ်းဢႃႉထမ်ႇမႃႉၸိူဝ်းၼၼ်ႉပဵၼ်လၢပ်ႇပဵၼ်လႅဝ်းၶႃႈဢေႃႈ။
၆ ဝိၺိၼ်ႇၵဝ်ဢိူၺ်း၊ ယႃႇပေၶဝ်ႈၵႃႈၼႂ်းတၢင်းဢၼ်ၶဝ်ၵျၢမ်ႇပွင်ထိမ်ႇမႅပ်းၼၼ်ႉ။ မုၼ်ၽုင်းၵဝ်ဢိူၺ်း၊ ယႃႇပေႁဵတ်းမုၵ်ႉႁဵတ်းၸိူဝ်း ၼႂ်းတီႈဢၼ်ၶဝ်ၸူႉၶဝ်တုမ်ၼၼ်ႉ။လွင်ႈမၼ်းၸမ်း၊ၶဝ်ၼၼ်ႉၸႂ်လမ်သႆႈၵမ်ႇလႄႈ ဢဝ်ဢ သၢၵ်ႈၵူၼ်းတၢႆယဝ်ႉ။
၇ ၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇလႄႈၽၼ်းဢဵၼ်တွင်ႇၼွင်ႈဝူဝ်းယဝ်ႉ။ႁႂ်ႈတၢင်းဢၼ်ၶဝ်ၸႂ်မႆႈၶႂ်ႈၸႃႉၼၼ်ႉ ၶၢမ်ႇတၢင်းၵိၼ်ႇတၢင်းဝႃႈၵွပ်ႈပိူဝ်ႈဢၼ်ႁႅင်းၼႃႇ ႁႂ်ႈတေႃးသႃႉၶဝ်ၼၼ်ႉၶၢမ်ႇတၢင်းၵိၼ်ႇတၢင်းဝႃႈ ၵွပ်ႈပိူဝ်ႈဢၼ်လိူင်းၵျၢမ်းၼႃႇၼၼ်ႉသေၵမ်းလူၺ်ႈ။ ၵဝ်တၵ်းႁႂ်ႈၶဝ်မၢၵ်ႇမိူဝ်ၵွႃႇၵႃႈၼႂ်းမဵဝ်းယႃႇၵုပ်ႉ ဢေႃႈ။ၵဝ်တၵ်းႁႂ်ႈၶဝ်ပိဝ်သဵၼ်ၵွႃႇၵႃႈၼႂ်းၸိူဝ်ႉၶိူဝ်း ဢိသရေႇလ ဢေႃႈ။
၈ ယုတဢိူၺ်း၊ ပီႈၼွင်ႉမႂ်းတင်းလၢႆတၵ်းဢွၼ်ၵၼ်ယွင်ႈယေႃးမႂ်းဢေႃႈ။မိုဝ်းမႂ်းတၵ်းလႆႈမီးၵႃႈၼိူဝ်ၶေႃးရၢၼ်ႇသူႇမႂ်းဢေႃႈ။လုၵ်ႈၸၢႆးပေႃႈမႂ်းတင်းလၢႆတၵ်းဢွၼ်ၵၼ် ၵူမ်ႈႁူဝ်ၵွမ်းႁူဝ်ၵႃႈတီႈၽၢႆႇၼႃႈမႂ်းဢေႃႈ။
၉ ယုတ ဢူၺ်း၊မႂ်းပဵၼ်ၼင်ႇသၢင်ႇသီႈႁၢတ်ႈပၢၼ်ၵၢင်ဢေႃႈ။လုၵ်ႈၸၢႆးၵဝ်ဢိူၺ်း၊ မႂ်းလုၵ်ႉသေၵႃႈတီႈဢၼ်လႄႇလဵပ်ႈၶူပ်းၵိၼ်ၼၼ်ႉလႄႈၶိုၼ်းမႃးၼၼ်ႉဢေႃႈ။မိူၼ်သၢင်ႇသီႈဢၼ်မူပ်ႇဝႆႉၼၼ်ႉဢေႃႈ။ မိူၼ်ၸိူဝ်ႉၼင်ႇသၢင်ႇသီႈတူဝ်မေႈဢၼ်ၶုပ်ႉမူပ်ႇလိူၼ်းဢႅဝ်ယူႇၼၼ်ႉဢေႃႈ။
၁၀ ၽူႈလႂ်တၵ်းႁတ်းႁဵတ်းႁႂ်ႈမၼ်းတိုၼ်ႇ။တေႃႇထိုင်ႁွတ်ႈၸူဝ်ႈဢၼ်သိလေႃႇ ဢမ်ႇပႆႇႁွတ်ႈမႃးၼၼ်ႉၸိုင်၊ၵၼ်းႁွၵ်ႇရႃႇၸႃႉဢမ်ႇလႆႈၶၢႆႉသေၵႃႈတီႈယုတ ၶွၼ်ႉဢႃႇၼႃႇဢမ်ႇလႆႈၶၢႆႉသေၵႃႈၼႂ်းဝူင်ႈၵၢင်တိၼ်မၼ်း။ၵူၼ်းမဵဝ်းတင်းလၢႆ တၵ်းဢွၼ်ၵၼ်ႁပ်ႉဢဝ်ထွမ်ႇဢဝ် ၵႃႈတီႈ သိလေႃႇ ၼၼ်ႉဢေႃႈ။
၁၁ မၼ်းတၵ်းဢဝ်မႃႉလီႈမၼ်းမတ်ႉလဵင်ႉၵႃႈတီႈၶိူဝ်းမၢၵ်ႇၸပိတ်ႉ၊ တၵ်းဢဝ်မႃႉလီႈဢွၼ်ႇမၼ်းမတ်ႉလဵင်ႉၵႃႈတီႈၶိူဝ်းမၢၵ်ႇၸပိတ်ႉ ဢၼ်မျၢတ်ႈလီသေပိူၼ်ႈၼၼ်ႉသေလႄႈ တၵ်းဢဝ်ၶူဝ်းၼုင်ႈမၼ်းလွႆး သႂ်ႇၵႃႈၼႂ်းလိူတ်ႈမၢၵ်ႇၸပိတ်ႉဢေႃႈ။
၁၂ မၢၵ်ႇတႃမၼ်းတၵ်းလႅင်ႊၸၢင်းႁၢင်းလူၺ်ႈၼမ်ႉၸပိတ်ႉဢေႃႈ။ ၶဵဝ်ႈမၼ်းၵေႃႈတၵ်းၽိူၵ်ႇၶၢဝ်လူၺ်ႈၼမ်ႉၼူမ်းဢေႃႈ။
၁၃ ၸေႇပုလုၼ်ႇ တၵ်းယူႇၵႃႈတီႈႁိမ်းၽင်ႇၼမ်ႉပၢင်ႇလၢႆလႄႈ မီးၵႃႈတီႈၽင်ႇၼမ်ႉတႃႈႁိူဝ်းသၢင်းၽေႃးဢေႃႈ။လႅၼ်လိၼ်မၼ်းၵေႃႈ တၵ်းၵႂၢင်ႈတေႃႇထိုင်ႁွတ်ႈဝဵင်း ၸိတုင်ႇပုၼ်ႉဢေႃႈ။
၁၄ ဢိသၶႃႇ ၶုပ်ႉမူပ်ႇၵႃႈၼႂ်းၵၢင်သိုင်ႇၵၢင်ၶွၵ်ႈယူႇသေလႄႈ ပဵၼ်မႃႉလီႈဢၼ်ႁႅင်းယႂ်ႇၼႃႇ ဢေႃႈ။
၁၅ မၼ်းထူပ်းႁၼ်ပဵၼ်တီႈဢၼ်ၵတ်းၸႂ်ယဵၼ်ၶေႃးပဵၼ်ဢၼ်လီငၢမ်းလႄႈ လိၼ်ၼၼ်ႉၵေႃႈပဵၼ်ဢၼ်သႃႇယႃႇၼၼ်ႉၸိုင် မၼ်းဢဝ်ႁူဝ်မႃႇၵူမ်ႈတုင်းဢဝ်ႁႂ်ႈဢဝ်ၵၢၼ်းတၢင်ႇသႂ်ႇသေလႄႈ ပဵၼ်ၶႃႈဢၼ်ပၼ်ၶွၼ်ႇ ဢေႃႈ။
၁၆ တၢၼ်ႇၸမ်းတၵ်းၸီႇယၢင်ႇၵူၼ်းမၼ်းတင်းလၢႆမိူၼ်ၸိူဝ်ႉၼင်ႇၸိူဝ်ႉၶိူဝ်းဢိသရေႇလ သေၶိူဝ်းၶိူဝ်းၼၼ်ႉ ဢေႃႈ။
၁၇ တၢၼ်ႇၸမ်း၊တၵ်းပဵၼ်ငူးဢၼ်မီးယူႇႁိမ်းတႃႈ ႁိမ်းတၢင်းၼၼ်ႉဢေႃႈ။
၁၈ တၵ်းပဵၼ်ငူးႁၢႆႉဢၼ်ၸၢင်ႊယူႇၵႃႈတီႈၵႄႈတၢင်းလႄႈ တွတ်ႇတိၼ်မႃႉႁႂ်ႈၵေႃႉဢၼ်ၶီႇမႃႉၼၼ်ႉလူမ်ႉပိၼ်ႈတူၵ်းၵွႃႇတၢင်းလင်ဢေႃႈ။ဢူဝ်ႈထႃႇဝရႃႉၽြႃးတီႈၶႃႈ။ ၶႃႈၸဝ်ႈမုင်ႈထႃႈမွင်းထႃႈၵျေးၸူးတၢင်းဢၼ်ၸဝ်ႈႁဝ်းၵႄႇၶျွတ်ႈဢဝ်ၼၼ်ႉယူႇ တီႈၶႃႈ ယဝ်ႉ။
၁၉ ၵတ်ႉၸမ်း၊တၵ်းလႆႈၶၢမ်ႇတၢင်းဢၼ်မုၵ်ႉၵူၼ်းသိုၵ်းမႃးလေႃႇၽင်ႈမၼ်းလႄႈ မၼ်းၵေႃႈတၵ်းလေႃႇ ၽၢင်ႈသူၼ်ႈတိၼ်ၶဝ်ဢေႃႈ။
၂၀ ဢႃႇသႃႇ ၸမ်း၊တၵ်းမီးတၢင်းၵိၼ်တၢင်းၶူပ်းပဵၼ်ၶႆပဵၼ်မၼ်းလႄႈ မၼ်းတၵ်းဢဝ်တၢင်းၵိၼ်တၢင်းၶူပ်းဢွၵ်ႇပၼ် ဢၼ်ၶုၼ်ႁေႃၶမ်း တၵ်းၵိၼ်ၼၼ်ႉဢေႃႈ။
၂၁ ၼပ်ႉထလိၸမ်း၊ပဵၼ်ၸိူဝ်ႉၼင်ႇယိူင်းတူဝ်မေႈဢွၼ်ႇဢၼ်ပွႆႇဝႆႉၼၼ်ႉယဝ်ႉ။မၼ်းၸၢင်ႊလၢတ်ႈပၼ်ၵႂၢမ်းလီၵႂၢမ်းဝၢၼ်ဢေႃႈ။
၂၂ ယုဝ်းသႅပ်ႉ ပဵၼ်တူၼ်ႈဢၼ်ၸၢင်ႊမၢၵ်ႇမၢၵ်ႇမၼ်းၼၼ်ႉဢေႃႈ။ပဵၼ်တူၼ်ႈဢၼ်ၸၢင်ႊမၢၵ်ႇၵႃႈတီႈႁိမ်းၼမ်ႉမေႃႇဢေႃႈ။ၵိင်ႇမၼ်းၶႃႊမၼ်းတင်းလၢႆ ၶၢမ်ႈပူၼ်ႉၵႃႈ ၼိူဝ်လမ်းဢုတ်ႇဢေႃႈ။
၂၃ ၸဝ်ႈၵၢင်ႇၸဝ်ႈၵူင်ႊႁႂ်ႈမၼ်းၸဵပ်းၸႂ်ၶူမ်ၸႂ်လႄႈဢွၼ်ၵၼ်ပိုတ်းယိုဝ်းသႂ်ႇမၼ်း ၼိၵ်ႈၸၢၵ်ႈငႅၼ်းသေးမၼ်းဢေႃႈ။
၂၄ ၼႂ်းဝႃႈၼၼ်သေၵေႃႈၵၢင်ႇမၼ်းၵူင်ႊမၼ်းၼၼ်ႉႁႅင်းဢမ်ႇဢူၼ်ႈ။ၶႅၼ်မၼ်းမိုဝ်းမၼ်းၵေႃႈၶၼ်ၽႂ်းယူႇ၊ ၵွပ်ႈပိူဝ်ႈမိုဝ်းၽြႃးဢၼ်တၼ်းၶူဝ်းယႂ်ႇၼႃႇၵႃႈၼႂ်းမဵဝ်းယႃႇၵုပ်ႉ၊ ၵွပ်ႈပိူဝ်ႈမၢၵ်ႇႁိၼ်မၢၵ်ႇၽႃမဵဝ်းဢိသရေႇလ ဢၼ်ဝႃႈၸဝ်ႈလဵင်ႉ ထိင်းသူဝ်း၊
၂၅ ၵွပ်ႈပိူဝ်ႈၽြႃးပဵၼ်ၸဝ်ႈပေႃႈမႂ်း ဢၼ်ၸွႆႈထႅမ်မႂ်း ၵွပ်ႈပိူဝ်ႈၸဝ်ႈဢၼၼ်ႇတႃႉတၼ်းၶူဝ်းဢၼ်ပၼ်တၢင်းလီတီႈမႂ်းၼၼ်ႉ ႁႂ်ႈမင်ႇၵလႃႇဢၼ်မီးၵႃႈၼိူဝ်ၽႃႉၵၢင်ႁၢဝ်၊မင်ႇၵလႃႇ ဢၼ်မီးၵႃႈတႂ်ႈတီႈဢၼ်လိုၵ်ႉဢၼ်လမ်ႇ မင်ႇၵလႃႇဢၼ်ၸၢပ်ႈသႅင်ႇၵၼ်တင်းတဝ်ႈၼူမ်းဢိၵ်ႇတင်း တွင်ႉတင်းပုမ်ၸိူဝ်းၼၼ်ႉႁွတ်ႈ ထိုင်ၵႃႈၼိူဝ်မႂ်းသေၵမ်းလူၺ်ႈ။
၂၆ တၢင်းလီမင်ႇၵလႃႇဢၼ်ပေႃႈမႂ်းပၼ်ၼႆႉ မျၢတ်ႈလီလိူဝ်တွၼ်းၼႃႇသေတၢင်းလီမင်ႇၵလႃႇ ဢၼ်ပူႇမွၼ်ႇၵဝ်ပၼ်ၸိူဝ်းၼၼ်ႉတေႃႇထိုင်ႁွတ်ႈၵႃႈတီႈႁိမ်းလွႆထႃႇဝရႃႉပုၼ်ႉဢေႃႈ။ႁႂ်ႈတၢင်းလီမင်ႇၵလႃႇၸိူဝ်းၼၼ်ႉ ႁွတ်ႈထိုင်ၵႃႈၼိူဝ်ႁူဝ် ယုဝ်းသႅပ်ႉ ၵႃႈၼိူဝ်သီမွမ်ၸွမ်ႁူဝ်ၵေႃႉဢၼ်ပဵၼ်ၵူၼ်းယႂ်ႇၵူၼ်းလူင် ၵႃႈၼႂ်းပီႈၼွင်ႉမၼ်းတင်းလၢႆၼၼ်ႉသေၵမ်းလူၺ်ႈ။
၂၇ ယႃႇမိၼ်ႇၸမ်း၊ ပဵၼ်မႃထိူၼ်ႇဢၼ်ၸၢင်ႊႁိမ်ႁုင်ၶူပ်းၵိၼ်ဢေႃႈ။ၶိင်ႇၵၢင်ၼႂ် မၼ်းၸၢင်ႊၶူပ်းၸၢင်ႊၵိၼ်ဢၼ်မၼ်းတီႉလႆႈၼၼ်ႉလႄႈ ၶိင်ႇၵၢင်ၶမ်ႈမၼ်းၸၢင်ႊမႅင်ႇၸၢင်ႊၽႄဢၼ်မၼ်းႁိမ်ႁုင်လႆႈၼၼ်ႉဢေႃႈ၊ ဝႃႈၼင်ႇၼႆဢေႃႈ။
၂၈ၶဝ်ၸိူဝ်းၼႆႉပဵၼ် ဢိသရေႇလသိပ်းသွင်မဵဝ်းဢေႃႈ။ၵႂၢမ်းၸိူဝ်းၼႆႉၵေႃႈ ပဵၼ်ၵႂၢမ်းဢၼ်ပေႃႈၶဝ်မွၵ်ႇလၢတ်ႈလႄႈပၼ်တၢင်းလီတီႈၶဝ်ၼၼ်ႉဢေႃႈ။ၵႃႈၼင်ႇမင်ႇၵလႃႇ ဢၼ်ၶဝ်လႆႈၶၢမ်ႇဢဝ်ႁင်းၽႂ်ႁင်းမၼ်းၼၼ်ႉမၼ်းပၼ်တၢင်းလီတီႈၶဝ်ဢေႃႈ။
ဢသၢၵ်ႈယႃႇၵုပ်ႉသုတ်းသဵင်ႈ
၂၉ ၵမ်းၼၼ်ႉ မၼ်းသမ်ႉသင်လၢတ်ႈတီႈၶဝ်လႄႈဝႃႈ၊-ၵဝ်တၵ်းလႆႈၵွႃႇ ၵႃႈတီႈဢၼ်ပူႇမွၼ်ႇၵဝ်တင်းလၢႆၸူႉတုမ်ၼၼ်ႉဢေႃႈ။ဢဝ်ၵဝ်လႄႈသၢင်းၵျူဝ်ႇလူၺ်ႈၵၼ်တင်းပေႃႈၵဝ်တင်းလၢႆ ၵႃႈၼႂ်းႁူးလဝ်ႇဢၼ်မီးၵႃႈတီႈ တူင်ႈၼႃး ဢေႇၽရုၼ်ႇ ၵူၼ်းႁိတ်ႉတိ၊
၃၀ ႁူးလဝ်ႇဢၼ်မီးၵႃႈၼႂ်းတူင်ႈၼႃးမၵ်ႉပေႇလ ၽၢႆႇဝၼ်းဢွၵ်ႇမမ်ႇရေႇၼႂ်းမိူင်းၶႃႇၼၼ်ႇ ဢၼ် ဢႃႇပြႁမ်ႇ သိုဝ်ႉဢဝ်လူၺ်ႈၵၼ်တင်းတူင်ႈၼႃးၵႃႈတီႈဢေႇၽရုၼ်ႇ၊ ၵူၼ်းႁိတ်ႉတိပုၼ်ႈဢၼ် တၵ်းပဵၼ်ပႃႇႁဵဝ်ႈ ဢၼ်မၼ်းတၵ်းပိူင်ႇၼၼ်ႉသေၵမ်း။
၃၁ ၵႃႈတီႈၼၼ်ႉၶဝ်သၢင်းၵျူဝ်ႇဢႃႇပြႁမ်ႇတင်းမေးမၼ်းၸႃႇရႃႇ ယဝ်ႉ။ၵႃႈတီႈၼၼ်ႉဢိၸၵ်ႉ တင်းရေႇပိၵ်ႉၵ ၵေႃႈၶဝ်သၢင်းၵျူဝ်ႇယဝ်ႉ။
၃၂ ၵႃႈတီႈၼၼ်ႉလေႇဢႃႇ ၵေႃႈသၢင်းၵျူဝ်ႇယဝ်ႉ။တူင်ႈၼႃးဢိၵ်ႇတင်းႁူးလဝ်ႇဢၼ်မီးတူင်ႈၼႃးၼၼ်ႉၸိုင် ၶဝ်လႆႈသိုဝ်ႉဢဝ်ၵႃႈတီႈၵူၼ်းႁသေ တင်းလၢႆၼၼ်ႉယဝ်ႉ၊ဝႃႈၼင်ႇၼႆဢေႃႈ။
၃၃ ယႃႇၵုပ်ႉ သင်ႇလၢတ်ႈဝႆႉတင်းသဵင်ႈတင်းမူတ်းတီႈလုၵ်ႈမၼ်းလၢင်းမၼ်းၸိူဝ်ႉၼင်ႇၼၼ်သေယဝ်ႉ ယုၵ်ႉဢဝ် တိၼ်မၼ်းတၢင်ႇၵႃႈၼိူဝ်ၵူႇတီႈၼွၼ်းသေလႄႈ ၶျုၵ်ႈၸႂ်တၢႆလႄႈႁွတ်ႈထိုင်ၵႃႈတီႈ ဢၼ်ၵူၼ်းမဵဝ်းမၼ်းၸူႉတုမ်ၼၼ်ႉဢေႃႈ။
ထမ်ႇမ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ