ၵျၢမ်းၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉ ၂ ၀ ၂၁ ၂၂ ၂၃ ၂၄
၁၅
ဢူႉပမႃႇသူဝ်းဢၼ်ႁၢႆၵႂႃႇ
၁ ၵူၼ်းၵဵပ်းၶွၼ်ႇဢိၵ်ႇတင်းၵူၼ်းႁၢႆႉတင်းသဵင်ႈတင်းလူင်သုတ်ႉၸမ်တီႈမၼ်းၸဝ်ႈႁႂ်ႈလႆႈထွမ်ႇလႆႈငိၼ်းလႄႈၽႃႇရိသေးဢိၵ်ႇတင်းၵူၼ်းထုတ်ႇၵျၢမ်းတင်းလၢႆၵေႃႈသေႉသွမ်းတၢင်ႇဢပျႅတ်ႈလႄႈဝႃႈ၊-
၂ ၵေႃႉၼႆႉႁပ်ႉတုင်းဢဝ်ၵူၼ်းဢၼ်မီးဢပျႅတ်ႈတင်းလၢႆလႄႈၵိၼ်ၶူပ်းလူၺ်ႈၵၼ်တင်းၶဝ်လူင်ပေႇ၊ဝႃႈၼင်ႇၼႆဢေႃႈ။
၃ မိူဝ်ႈၼၼ်ႉမၼ်းၸဝ်ႈလၢတ်ႈၵႂၢမ်းဢူႉပမႃႇတီႈၶဝ်ၼၼ်ႉလႄႈဝႃႈ၊-ပေႃးဝႃႈၼႂ်းသူၼႆႉသေၵေႃႉၵေႃႉမၼ်းမီးသူဝ်းပၢၵ်ႇၼိုင်ႈလႄႈသူဝ်းမၼ်းတူဝ်ၼိုင်ႈႁၢႆၵႂႃႇၸိုင်
၄ မၼ်းယင်းဢမ်ႇပွႆႇဝႆႉသူဝ်းၵဝ်ႈသိပ်းပၢႆၵဝ်ႈတူဝ်ၵႃႈၼႂ်းထိူၼ်ႇသေယဝ်ႉၵႂႃႇႁႃသူဝ်းတူဝ်ၼိုင်ႈဢၼ်ႁၢႆၵႂႃႇၼၼ်ႉတေႃႇထိုင်ႁွတ်ႈထၼ်ႈပေႃးၶိုၼ်းထူပ်းၶိုၼ်းႁၼ်ႁိုဝ်။
၅ မၼ်းတေၵႂႃႇႁႃတေႃႇၶိုၼ်းထူပ်းႁၼ်ယဝ်ႉၸင်ႇမီးၸႂ်ဢၼ်သိူဝ်းၸူမ်းလႄႈႁၢပ်ႇတၢင်ႇၼိူဝ်ႁူဝ်မႃႇမၼ်းမႃးႁွတ်ႈထိုင်ၶိုၼ်းၵႃႈတီႈႁိူၼ်းမၼ်းယဝ်ႉၸိုင်ႁွင်ႉဢဝ်ပီႈၼွင်ႉၸိူဝ်ႉၶိူဝ်းမၼ်းဢိၵ်ႇတင်းၵူၼ်းႁိမ်းႁိူၼ်းႁိမ်းယေးတင်းလၢႆမႃးလႄႈလၢတ်ႈဝႃႈ၊-
၆ ၵဝ်ၶိုၼ်းထူပ်းႁၼ်သူဝ်းဢၼ်ႁၢႆၵႂႃႇၼၼ်ႉယဝ်ႉ။သိူဝ်းပျေႃႇလူၺ်ႈၵၼ်တင်းၵဝ်တႃႉ၊ဝႃႈၼင်ႇၼႆဢမ်ႇၸႂ်ႈႁိုဝ်။
၇ ၵဝ်ဝႃႈတီႈသူၸမ်းၼႂ်းမိူင်းၵၢင်ႁၢဝ်ၼၼ်ႉတၢင်းဢၼ်သိူဝ်းပျေႃႇၵႂပ်ႈပိူဝ်ႈၵူၼ်းဢၼ်မီးဢပျႅတ်ႈၵေႃႉၼိုင်ႈၶုၵ်းၸႂ်လႆႈမႆႈၸႂ်ၼၼ်ႉယဵင်ႈၶႅၼ်းယႂ်ႇၼႃႇသေတၢင်းဢၼ်သိူဝ်းပျေႃႇၵႂပ်ႈပိူဝ်ႈၵူၼ်းသိုဝ်ႈတေႃႇၵဝ်ႈသိပ်းပၢႆၵဝ်ႈၵေႃႉဢၼ်ဢမ်ႇမီးလွင်ႈတၢင်းဢၼ်တၵ်းလႆႈၶုုၵ်းၸႂ်လႆႈမႆႈၸႂ်သင်ၼၼ်ႉဢေႃႈ။
ဢူႉပမႃႇငိုၼ်းၶႅပ်းဢၼ်ႁၢႆၵႂႃႇ
၈ ၼႄးၼိုင်ႈၸမ်းမေႈယိင်းၵေႃႉၼိုင်ႈမၼ်းမီးငိုၼ်းသိပ်းၶႅပ်းလႄႈပေႃးငိုၼ်းမၼ်းၶႅပ်းၼိုင်ႈႁၢႆၵႂႃႇၸိုင်မၼ်းယင်းဢမ်ႇတႆႈၵွၵ်းၽႆးသေယဝ်ႉပတ်းၽဵဝ်ႈႁိူၼ်းတင်းႁိူၼ်းႁႃၸေးၸေးၸွတ်ႇၸွတ်ႇတေႃႇထိုင်ႁွတ်ႈထၼ်ႈပေႃးၶိုၼ်းႁၼ်လႄႈတၵ်းယူႇႁိုဝ်။
၉ မိူဝ်ႈဢၼ်ၶိုၼ်းႁၼ်ယဝ်ႉၸိုင်မၼ်းၸင်ႇႁွင်ႉဢဝ်ပီႈၼွင်ႉမၼ်းၸိူဝ်ႉၶိူဝ်းမၼ်းဢိၵ်ႇတင်းၵူၼ်းႁိမ်းႁိူၼ်းႁိမ်းယေးတင်းလၢႆမႃးလႄႈလၢတ်ႈဝႃႈ၊-ၵဝ်ၶိုၼ်းႁၼ်ငိုၼ်းၶႅပ်းၼိုင်ႈဢၼ်ႁၢႆၵႂႃႇၼၼ်ႉယဝ်ႉ။သိူဝ်းပျေႃႇလူၺ်ႈၵၼ်တင်းၵဝ်တႃႉ၊ဝႃႈၼင်ႇၼႆဢမ်ႇၸႂ်ႈႁိုဝ်။
၁၀ မိူၼ်ၼင်ႇၼၼ်ၵဝ်ဝႃႈတီႈသူၸမ်းၵႃႈတီႈၽၢႆႇၼႃႈတမၢၼ်ႇၵၢင်ႁၢဝ်ၽြႃးပဵၼ်ၸဝ်ႈတင်းလၢႆၼၼ်ႉမီးတၢင်းဢၼ်သိူဝ်းပျေႃႇၵႂပ်ႈပိူဝ်ႈၵူၼ်းဢၼ်မီးဢပျႅတ်ႈၵေႃႉၼိုင်ႈၶုၵ်းၸႂ်လႆႈမႆႈၸႂ်ၼၼ်ႉဢေႃႈ၊ဝႃႈၼင်ႇၼႆဢေႃႈ။
ဢူႉပမႃႇလုၵ်ႈၸၢႆးဢၼ်ႁၢႆၵႂႃႇ
၁၁ မၼ်းၸဝ်ႈသမ်ႉလၢတ်ႈထႅင်ႈလႄႈဝႃႈၸမ်း၊-တီႈပေႃႈၵေႃႉၼိုင်ႈမီးလုၵ်ႈၸၢႆးသွင်ၵေႃႉဢေႃႈ။လုၵ်ႈၸၢႆးၵေႃႉလဵၵ်ႉၼၼ်ႉလၢတ်ႈတီႈပေႃႈမၼ်းလႄႈဝႃႈ၊-
၁၂ ပေႃႈဢိူၺ်း၊ပၼ်ဢုၵ်ႉၸႃႇၶူဝ်းလဵင်းတီႈၵဝ်ၶႃႈဢၼ်ၵဝ်ၶႃႈထုၵ်ႇလီလႆႈၼၼ်ႉသေၵမ်းၶႃႈ၊ဝႃႈၼင်ႇၼႆလႄႈပေႃႈမၼ်းၵေႃႈၽႄမႅင်ႇပၼ်ဢုၵ်ႉၸႃႇၶူဝ်းလဵင်းတင်းလၢႆတီႈမၼ်းဢေႃႈ။
၁၃ လိုၼ်းၼၼ်ႉဢမ်ႇပေႃးႁိုင်လုၵ်ႈၸၢႆးၵေႃႉလဵၵ်ႉၼၼ်ႉဢဝ်ဢုၵ်ႉၸႃႇၶူဝ်းလဵင်းမၼ်းသေယဝ်ႉဢွၵ်ႇၵႂႃႇၵႃႈတီႈမိူင်းဢၼ်ၵႆၼႃႇၼၼ်ႉလႄႈႁဵတ်းၸွမ်းၵႃႇမၵုင်ႇပူၼ်ႉလိူဝ်လႄႈဢဝ်ဢုၵ်ႉၸႃႇၶူဝ်းလဵင်းမၼ်းသုမ်းၸွမ်းမူတ်းပႅတ်ႈၵႃႈတီႈမိူင်းၼၼ်ႉဢေႃႈ။
၁၄ မိူဝ်ႈဢၼ်ၵႃႈဢၼ်မၼ်းမီးတင်းသဵင်ႈတင်းလူင်သဵင်ႈမူတ်းယဝ်ႉၸိုင်ၵႃႈၼႂ်းမိူင်းၼၼ်ႉပဵၼ်တၢင်းဢၼ်ၶဝ်ႈၵႃႈမၢၵ်ႇပႅင်းၼႃႇလူင်လၢင်လႄႈမၼ်းႁွတ်ႈထိုင်တၢင်းဢၼ်ၽၢၼ်ၼႃႇဢေႃႈ။
၁၅ မိူဝ်ႈၼၼ်ႉမၼ်းၵႂႃႇၵႃႈတီႈၵူၼ်းမိူင်းၼၼ်ႉၵေႃႉၼိုင်ႈသေယဝ်ႉၶၢမ်ႇႁဵတ်းလုၵ်ႈလဵင်ႉလုၵ်ႈၸၢင်ႈဢေႃႈ။ၸဝ်ႈမၼ်းၸႂ်ႉမၼ်းၵႂႃႇၵႃႈၼႂ်းထိူၼ်ႇႁႂ်ႈၵႂႃႇလဵင်ႉမူဢေႃႈ။
၁၆ မၼ်းဢိုပ်းယၢၵ်ႈတွင်ႉမႆႈၼႃႇတေႃႇထိုင်ႁွတ်ႈထၼ်ႈပေႃးၶႂ်ႈၵိၼ်ၽၵ်းထူဝ်ႇဢၼ်မူၵိၼ်ၸိူဝ်းၼၼ်ႉဢေႃႈ။ၽႂ်ၵေႃႈဢမ်ႇပၼ်တၢင်းၵိၼ်တၢင်းၶူပ်းတီႈမၼ်း။
၁၇ မိူဝ်ႈၼၼ်ႉမၼ်းဝူၼ်ႉၼႂ်းၸႂ်လႄႈဝႃႈ၊-ၶဝ်ၸိူဝ်းဢၼ်ႁဵတ်းလုၵ်ႈလဵင်ႉလုၵ်ႈၸၢင်ႈတီႈပေႃႈၵဝ်ၸိူဝ်းၼၼ်ႉလႆႈၵိၼ်ဢိမ်ႇၵိၼ်တဵမ်ယူႇဢေႃႈ။ၵဝ်ၸမ်းလႆႈၶၢမ်ႇတၢင်းဢၼ်ဢိုပ်းယၢၵ်ႈၼႃႇတေႃႇထိုင်ႁွတ်ႈထၼ်ႈပေႃးတၵ်းတၢႆၵႃႈတီႈၼႆႉယဝ်ႉ။
၁၈ ၵဝ်တၵ်းၶိုၼ်းမိူဝ်းၵႂႃႇၸူးၵႃႈတီႈပေႃႈၵဝ်လႄႈလဝ်ႈလၢတ်ႈဝႃႈ၊-ပေႃႈဢိူၺ်း၊ၵဝ်ၶႃႈလႆႈၽိတ်းပိူင်ႈမိူင်းၵၢင်ႁၢဝ်ၸဝ်ႈဢိၵ်ႇတင်းပေႃႈႁဝ်းၶႃႈယဝ်ႉ။ၸႃႉၸဵမ်မိူဝ်ႈလဵဝ်ၼႆႉၵႂႃႇၵဝ်ၶႃႈဢမ်ႇၵိုင်ႇထိူၵ်ႈႁႂ်ႈလႆႈႁွင်ႉပဵၼ်လုၵ်ႈပေႃႈႁဝ်းၶႃႈၶႃႈယဝ်ႉ။
၁၉ ၶႅၼ်းတေႃႈႁႂ်ႈၵဝ်ၶႃႈလႆႈပဵၼ်ၸိူဝ်ႉၼင်ႇလုၵ်ႈလဵင်ႉလုၵ်ႈၸၢင်ႈပေႃႈႁဝ်းၵေႃႉၼိုင်ႈသေၵမ်းၶႃႈ၊ဝႃႈၼင်ႇၼႆသေယဝ်ႉလႄႈ၊မၼ်းလုၵ်ႉၵမ်းလဵဝ်ၶိုၼ်းမိူဝ်းၵႂႃႇၸူးၵႃႈတီႈပေႃႈမၼ်းဢေႃႈ။
၂၀ မိူဝ်ႈဢၼ်မၼ်းယင်းတိုၵ်ႉမီးယူႇၼိူဝ်တၢင်းတီႈဢၼ်ၵႆႁိူၼ်းၼၼ်ႉပေႃႈမၼ်းမူင်ႈတူၺ်းလႄႈႁၼ်မၼ်းသေယဝ်ႉမီးၸႂ်ဢၼ်ဢိတ်းလူၼႃႇလႄႈၶုၼ်ႇလႅၼ်ႈၵႂႃႇၵွတ်ႇၶေႃးမၼ်းၸုပ်ႇၼူမ်မၼ်းၵမ်းလဵဝ်ဢေႃႈ။
၂၁ လုၵ်ႈၸၢႆးၼၼ်ႉၵေႃႈလၢတ်ႈလႄႈဝႃႈ၊-ပေႃႈဢိူၺ်း၊ၵဝ်ၶႃႈၽိတ်းပိူင်ႈမိူင်းၵၢင်ႁၢဝ်ၸဝ်ႈဢိၵ်ႇတင်းပေႃႈႁဝ်းၶႃႈယဝ်ႉ။ၸႃႉဢဝ်မိူဝ်ႈလဵဝ်ၼႆႉၵႂႃႇၵဝ်ၶႃႈဢမ်ႇၵိုင်ႇဢမ်ႇထိူၵ်ႈႁွင်ႉပဵၼ်လုၵ်ႈပေႃႈႁဝ်းၶႃႈၶႃႈယဝ်ႉ၊မိူဝ်ႈဢၼ်ဝႃႈၼင်ႇၼႆၸိုင်ပေႃႈမၼ်းၵေႃႈလၢတ်ႈတီႈၵူၼ်းၸႂ်ႉၵူၼ်းသွႆမၼ်းတင်းလၢႆလႄႈဝႃႈ၊-
၂၂ ဢဝ်ၶူဝ်းၼုင်ႈတၢင်းမႆႊဢၼ်လီၼၼ်ႉမႃးလႄႈႁႂ်ႈမၼ်းၼုင်ႈတႃႉ။ဢဝ်ၶိူင်ႈမွင်းၵူၺ်းတိုဝ်းပၼ်ၵႃႈတီႈမိုဝ်းမၼ်းတႃႉ။
၂၃ ၵႃႈတီႈတိၼ်မၼ်းၵေႃႈႁႂ်ႈမၼ်းတိုဝ်းၶႅပ်းတိၼ်တႃႉ။ၵႂႃႇဢဝ်ဝူဝ်းၼုမ်ႇဢွၼ်ႇဢၼ်ပီးလီမၼ်းလီၼၼ်ႉတၢႆလႄႈႁဵတ်းပွႆးတႃႉ။ႁဵတ်းတၢင်းဢၼ်မူၼ်ႈပျေႃႇတႃႉ။
၂၄ လုၵ်ႈၸၢႆးၵဝ်ၼႆႉမိူဝ်ႈဢွၼ်တၢင်းၼၼ်ႉတၢႆၵႂႃႇယဝ်ႉ။မိူဝ်ႈလဵဝ်ၼႆႉၸမ်းၶိုၼ်းလိပ်းမႃးယဝ်ႉ။မိူဝ်ႈဢွၼ်တၢင်းၼၼ်ႉႁၢႆၵႂႃႇယဝ်ႉ။မိူဝ်ႈလဵဝ်ၼႆႉၸမ်းၶိုၼ်းထူပ်းႁၼ်ယဝ်ႉ၊ဝႃႈၼင်ႇၼႆသေယဝ်ႉၶဝ်ႁဵတ်းတၢင်းဢၼ်မူၼ်ႈပျေႃႇၼႃႇဢေႃႈ။
၂၅ မိူဝ်ႈဢၼ်လုၵ်ႈၸၢႆးလူင်လုၵ်ႉသေၵႃႈတီႈႁႆႊၼႃးၶိူၼ်းပွၵ်ႈမႃးႁွတ်ႈထိုင်ၵႃႈတီႈႁိမ်းႁိူၼ်းၼၼ်ႉမၼ်းလႆႈငိၼ်းသဵင်ဢၼ်ၵႃႈဢၼ်ဝႅၼ်သဵင်ဢၼ်ပဝ်ႇဢၼ်ႁႆႇၼၼ်ႉၸိုင်မၼ်းႁွင်ႉဢဝ်ၵူၼ်းဢွၼ်ႇၵေႃႉၼိုင်ႈသေယဝ်ႉထၢမ်ဝႃႈ၊-
၂၆ ပဵၼ်လွင်ႈတၢင်းၸိူဝ်ႉၼင်ႇႁိုဝ်၊ဝႃႈၼင်ႇၼႆဢေႃႈ။ၵူၼ်းဢွၼ်ႇၼၼ်ႉၵေႃႈလၢတ်ႈလႄႈဝႃႈ၊-
၂၇ ၼွင်ႉၸၢႆးၸဝ်ႈႁဝ်းၶိုၼ်းႁွတ်ႈမႃးၶႃႈယဝ်ႉ။ပိူဝ်ႈဢၼ်ပေႃႈမၼ်းထူပ်းႁၼ်မၼ်းၵၢင်းလွတ်ႈၽေးၶိုၼ်းမႃးလႄႈမၼ်းဢဝ်ဝူဝ်းၼုမ်ႇဢွၼ်ႇဢၼ်ပီးလီမၼ်းလီၼၼ်ႉတၢႆသေယဝ်ႉႁဵတ်းပွႆးၶႃႈဢေႃႈ၊ဝႃႈၼင်ႇၼႆဢေႃႈ။
၂၈ လုၵ်ႈၸၢႆးလူင်ၼၼ်ႉမိူဝ်ႈဢၼ်လႆႈငိၼ်းၼၼ်ႉၸိုင်ၸႂ်မႆႈၶႂ်ႈၸႃႉလႄႈဢမ်ႇၶဝ်ႈၵႃႈၼႂ်းႁိူၼ်းလႄႈယူႇၵႃႈၼွၵ်ႈဢေႃႈ။ပိူဝ်ႈၼႆလႄႈပေႃႈမၼ်းလႆႈဢွၵ်ႇမႃးၸူးၵႃႈတီႈမၼ်းသေယဝ်ႉၶျေႃႉဝွၼ်းမၼ်းဢေႃႈ။
၂၉ လုၵ်ႈၸၢႆးလူင်ၼၼ်ႉလၢတ်ႈလႄႈဝႃႈ၊-ၵဝ်ၶႃႈလႆႈၶၢမ်ႇတၢင်းၸႂ်ႉတၢင်းသွႆပေႃႈႁဝ်းပီႊမိူင်းၼမ်ၼႃႇၶႃႈယဝ်ႉ။ၵဝ်ၶႃႈဢမ်ႇပူၼ်ႉဢမ်ႇလိူဝ်ၵႂၢမ်းပေႃႈႁဝ်းသေပွၵ်ႈ။ၼႂ်းဝႃႈၼၼ်သေၵေႃႈပေႃႈႁဝ်းယင်းဢမ်ႇပၼ်ပေႉဢွၼ်ႇတူဝ်ၼိုင်ႈတီႈၵဝ်ၶႃႈႁႂ်ႈၵဝ်ၶႃႈလႆႈႁဵတ်းတၢင်းဢၼ်မူၼ်ႈပျေႃႇလူၺ်ႈၵၼ်တင်းပီႈၼွင်ႉၵေႃႉသေႈၵဝ်ၶႃႈၼၼ်ႉသေပွၵ်ႈ။
၃၀ ၵူၺ်းၵႃႈမိူဝ်ႈဢၼ်လုၵ်ႈၸၢႆးလဵၵ်ႉၸဝ်ႈႁဝ်းဢၼ်ၵႂႃႇယူႇလူၺ်ႈၵၼ်တင်းမေႈယိင်းႁၢႆႉလႄႈႁႂ်ႈဢုၵ်ႉၸႃႇၶူဝ်းလဵင်းပေႃႈႁဝ်းသဵင်ႈမူတ်းၵဵင်ႈသေယဝ်ႉၶိုၼ်းမႃးၼၼ်ႉပေႃႈႁဝ်းဢဝ်ဝူဝ်းၼုမ်ႇဢွၼ်ႇဢၼ်ပီးလီမၼ်းလီၼၼ်ႉတၢႆပုၼ်ႉမၼ်းယဝ်ႉလူင်ပေႇ၊ဝႃႈၼင်ႇၼႆဢေႃႈ။
၃၁ ပေႃႈမၼ်းၵေႃႈလၢတ်ႈလႄႈဝႃႈ၊-လုၵ်ႈၸၢႆးၵဝ်ဢိူၺ်း။မႂ်းယူႇတီႈၵဝ်တႃႇသေႇဢေႃႈ။ဢုၵ်ႉၸႃႇၶူဝ်းလဵင်းၵဝ်ၵႃႈမီးတင်းသဵင်ႈတင်းလူင်ၸိူဝ်းၼႆႉၵေႃႈပဵၼ်ဢုၵ်ႉၸႃႇၶူဝ်းလဵင်းမႂ်းဢေႃႈ။
၃၂ ၼွင်ႉၸၢႆးမႂ်းၼႆႉၸမ်းမိူဝ်ႈဢွၼ်တၢင်းၼၼ်ႉပဵၼ်ၵေႃႉဢၼ်တၢႆၵႂႃႇယဝ်ႉ။မိူဝ်ႈလဵဝ်ၼႆႉၶိုၼ်းလိပ်းမႃးယဝ်ႉ။မိူဝ်ႈဢွၼ်တၢင်းၼၼ်ႉႁၢႆၵႂႃႇယဝ်ႉ။မိူဝ်ႈလဵဝ်ၼႆႉၶိုၼ်းထူပ်းႁၼ်ယဝ်ႉ။ပိူဝ်ႈၼႆလႄႈထုၵ်ႇလီႁဵတ်းတၢင်းဢၼ်မူၼ်ႈပျေႃႇလႄႈမီးတၢင်းဢၼ်ၸူမ်းဢၼ်သိူဝ်းဢေႃႈ၊ဝႃႈၼင်ႇၼႆဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ