Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၂

၁ ပီႈၼွင်ႉၶဝ်ဢိူၺ်း၊မိူဝ်ႈဢၼ်ၵဝ်လႆႈႁွတ်ႈထိုင်တီႈဢၼ်သူၼၼ်ႉၵဝ်ဢမ်ႇဢဝ်တင်းၵႂၢမ်းမႃႇၼႃႉပႅၼ်သုင်လႄႈၼႄပျႃႉသၢၵ်ႈသေႇၽြႃးပဵၼ်ၸဝ်ႈ။

၂ လွင်ႈမၼ်းၸမ်းမိူဝ်ႈဢၼ်ၵဝ်မီးယူႇလူၺ်ႈၵၼ်တင်းသူၼၼ်ႉလိူဝ်သေၸဝ်ႈယေႇသုၶရိၸ်ႉဢၼ်ၶၢမ်ႇတၢင်းတၢႆၵႃႈၼိူဝ်သဝ်လၵ်းဝႃးမိုဝ်းၼၼ်ႉၵဝ်ဢမ်ႇႁူႉၵႃႈသင်ဝႃႈၼႆၵဝ်ဝႆႉၸႂ်ဝၢင်းၸႂ်ဢေႃႈ။

၃ ၵဝ်မီးတၢင်းဢၼ်ႁႅင်းလဵၵ်ႉတၢင်းဢၼ်ၵူဝ်တၢင်းဢၼ်သၼ်ႇၶွၼ်းဝႆလႄႈမႃးတီႈသူဢေႃႈ။

၄ ၼင်ႇႁိုဝ်တၢင်းယုမ်ႇမၢတ်ႈသူတၵ်းဢမ်ႇတႄႇၼိူဝ်ပိင်ႇၺႃႇၵူၼ်းလႄႈတၵ်းတႄႇၼိူဝ်တၼ်းၶူဝ်းၽြႃးပဵၼ်ၸဝ်ႈၼၼ်ႉၸိုင်ၵဝ်ဢမ်ႇဢဝ်တင်းၵႂၢမ်းဢၼ်ဢဝ်တင်းပိင်ႇၺႃႇၵူၼ်းဢၼ်ၸူဝ်းဢဝ်ၼၼ်ႉသေလႄႈႁေႃးလၢတ်ႈတေႇသၼႃႇ။

၅ ပဵၼ်တၢင်းဢၼ်ၼႄၼီႉမိၵ်ႈလၵ်ႈၶၼႃႇဝိၺိၺ်ႇၸဝ်ႈဢိၵ်ႇတင်းတၼ်းၶူဝ်းၸဝ်ႈၵူၺ်းဢေႃႈ။

ၺၢၼ်ႇပိင်ႇၺႃႇဢၼ်ၸႅတ်ႈဢၼ်မၢၼ်ႇပဵၼ်သူႉၵျေးၸူးၽြႃးပဵၼ်ၸဝ်ႈ

၆ ၼႂ်းဝႃႈၼၼ်သေၵေႃႈ၊ႁဝ်းဢဝ်တင်းၵႂၢမ်းပိင်ႇၺႃႇသေလႄႈႁေႃးလၢတ်ႈတီႈၶဝ်ၸိူဝ်းဢၼ်ထူၼ်ႈၵေႇၼၼ်ႉဢေႃႈ။မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်ဢမ်ႇၶႂ်ႈဝႃႈပိင်ႇၺႃႇလေႃးၵီႇ၊ပိင်ႇၺႃႇၶုၼ်လေႃးၵီႇ။

၇ လွင်ႈတၢင်းၼၼ်ႉၸၢင်ႊၽူင်ႉယၢႆႈႁၢႆလၢႆဢေႃႈ။ႁဝ်းႁေႃးလၢတ်ႈပိင်ႇၺႃႇၽြႃးပဵၼ်ၸဝ်ႈဢၼ်သိူင်ႇဝႆႉၼႂ်းတၢင်းဢၼ်လိုၵ်ႉဢၼ်လမ်ႇပိင်ႇၺႃႇၽြႃးပဵၼ်ၸဝ်ႈဢၼ်ၸီႇယၢင်ႇဝႆႉၸူဝ်ႈၵမ်ႇၽႃႇဢမ်ႇပႆႇတႄႇပႆႇမီး၊ႁႂ်ႈပဵၼ်မူၼ်ၽုင်းသရေႇႁဝ်းၼၼ်ႉဢေႃႈ။

၈ ပိင်ႇၺႃႇၼၼ်ႉၸိုင်ၶုၼ်လေႃးၵီႇတင်းလၢႆဢမ်ႇႁူႉသေၵေႃႉသေၵူၼ်း။ပေႃးၶဝ်ႁူႉၸိုင်ၶဝ်တၵ်းဢမ်ႇဢဝ်ၸဝ်ႈဢၼ်မူၼ်ၽုင်းယႂ်ႇၼႃႇၼၼ်ႉတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်း။

၉ မႅၼ်ႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ၊-လွင်ႈတၢင်းၸိူဝ်းဢၼ်ၽြႃးပဵၼ်ၸဝ်ႈမႄးႁႅၼ်းဝႆႉပုၼ်ႈၶဝ်ၸိူဝ်းဢၼ်ႁၵ်ႉမၼ်းၸဝ်ႈၼၼ်ႉတႃၵူၼ်းဢမ်ႇႁၼ်ႁူၵူၼ်းဢမ်ႇငိၼ်းႁူဝ်ၸႂ်ၵူၼ်းဢမ်ႇၵျၢမ်ႇဢမ်ႇပွင်။

၁၀ လွင်ႈတၢင်းၸိူဝ်းၼၼ်ႉၸိုင်ၽြႃးပဵၼ်ၸဝ်ႈဢဝ်ဝိၺိၺ်ႇၸဝ်ႈၽုၺ်ႇဢွၵ်ႇၼႄပျႃးတီႈႁဝ်းဢေႃႈ။ဝိၺိၺ်ႇၸဝ်ႈၼၼ်ႉၸႅတ်ႈတူၺ်းလွင်ႈတၢင်းၵႃႈမီးတင်းသဵင်ႈတင်းလူင်တေႃႇထိုင်ႁွတ်ႈလွင်ႈတၢင်းဢၼ်လိုၵ်ႉဢၼ်လမ်ႇၽြႃးပဵၼ်ၸဝ်ႈၸိူဝ်းၼၼ်ႉဢေႃႈ။

၁၁ လွင်ႈတၢင်းဢၼ်ၸၢပ်ႈသႅင်ႇၵၼ်တင်းၵူၼ်းၼၼ်ႉလိူဝ်သေၸႂ်ဝိၺိၺ်ႇၵူၼ်းဢၼ်မီးယူႇၵႃႈၼႂ်းမၼ်းၼၼ်ႉၽူႈလႂ်ဢမ်ႇႁူႉ။မိူၼ်ၼင်ႇၼၼ်လွင်ႈတၢင်းဢၼ်ၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈၼၼ်ႉလိူဝ်သဝေိၺိၺ်ႇၽြႃးပဵၼ်ၸဝ်ႈၽူႈလႂ်ဢမ်ႇႁူႉ။

၁၂ ႁဝ်းဢမ်ႇလႆႈၶၢမ်ႇဢဝ်ဝိၺိၺ်ႇလေႃးၵီႇ။လႆႈၶၢမ်ႇဢဝ်ဝိၺိၺ်ႇၸဝ်ႈဢၼ်လုၵ်ႉသေၵႃႈတီႈၽြႃးပဵၼ်ၸဝ်ႈမႃးၼၼ်ႉလႄႈႁႂ်ႉႈႁဝ်းလႆႈႁူႉလွင်ႈတၢင်းဢၼ်ၽြႃးပဵၼ်ၸဝ်ႈပၼ်ဝႆႉၸိူဝ်းၼၼ်ႉဢေႃႈ။

၁၃ ႁဝ်းဢမ်ႇဢဝ်ၵႂၢမ်းဢၼ်ဢဝ်တင်းပိင်ႇၺႃႇဢၼ်ၵူၼ်းသွၼ်ပၼ်ၼၼ်ႉလႄႈႁေႃးလၢတ်ႈ။ႁဝ်းဢဝ်တင်းၵႂၢမ်းဢၼ်ဝိၺိၺ်ႇမူတ်းၸၢင်ႇၸဝ်ႈၽုၺ်ႇဢွၵ်ႇၼႄပျႃးလွင်ႈတၢင်းဢၼ်ၸၢပ်ႈသႅင်ႇၵၼ်တင်းဝိၺိၺ်ႇၸဝ်ႈၼၼ်ႉလႄႈသင်ႇသွၼ်ႁေႃးလၢတ်ႈဢေႃႈ။

၁၄ ၵူၼ်းဢၼ်မီးၸႃႇတိပၵတိၵူၼ်းၼၼ်ႉဢမ်ႇၶၢမ်ႇဢမ်ႇဢဝ်လွင်ႈတၢင်းဢၼ်ၸၢပ်ႈသႅင်ႇၵၼ်တင်းဝိၺိၺ်ႇၸဝ်ႈၸိူဝ်းၼၼ်ႉ။ၸၢင်ႊထၢင်ႇပဵၼ်ဢၼ်ငိူဝ်ႈလႄႈမၼ်းဢမ်ႇႁူႉဢမ်ႇႁူႉႁၼ်ဢၼ်ၸၢပ်ႈသႅင်ႇၵၼ်တင်းဝိၺိၺ်ႇၸဝ်ႈၼၼ်ႉ။

၁၅ ၵူၼ်းဢၼ်မီးဝိၺိၺ်ႇပၵတိၸမ်းၶႆႈၸႂ်လွင်ႈတၢင်းၵႃႈမီးတင်းသဵင်ႈတင်းလူင်လႄႈႁူႉဢေႃႈ။ၼႂ်းဝႃႈၼၼ်သေၵေႃႈမၼ်းၸဝ်ႈၼၼ်ႉၸိုင်ၽူႈလႂ်သေၵေႃႉသေၵူၼ်းဢမ်ႇတႅပ်းတတ်းလႆႈ။ၽူႈလႂ်ႁူႉၸႂ်ထႃႇဝရႃႉၽြႃးႁႂ်ႈလႆႈသင်ႇသွၼ်မၼ်းၸဝ်ႈ။

၁၆ ႁဝ်းၸမ်းလႆႈၶၢမ်ႇဢဝ်ၸႂ်ၸဝ်ႈၶရိၸ်ႉဢေႃႈ။