Shan Missions

လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ

Chapter          ၁          ၂          ၃          ၄          ၅         

၄

ႁႂ်ႈမူတ်းၸၢင်ႇၶၢဝ်သႂ်

၁ ၵႂၢမ်းဢၼ်ယင်းၵိုတ်းယင်းၵျၢၼ်ႇၸမ်း၊ပီႈၼွင်ႉၶဝ်ဢိူၺ်းၵႃႈၼင်ႇဢၼ်ႁဝ်းလႆႈသင်ႇသွၼ်ဝႆႉလွင်ႈဢၼ်သူတၵ်းလႆႈၵမ်ၵျၢင်ႉၸိူဝ်ႉၼင်ႇႁိုဝ်၊တၵ်းႁဵတ်းႁႂ်ႈလႆႈထုၵ်ႇၸႂ်ၽြႃးပဵၼ်ၸဝ်ႈၸိူဝ်ႉၼင်ႇႁိုဝ်ၼၼ်ႉတေႃႈလဵဝ်ၼႆႉၵေႃႈသူယင်းပေႃးၵမ်ၵျၢင်ႉယူႇယဝ်ႉ။ၼင်ႇႁိုဝ်သူတၵ်းလႆႈၼမ်ၵိုၼ်းထႅင်ႈၸိုင်ႁဝ်းဢိင်ပိုင်ႈၸဝ်ႈယေႇသုလႄႈတွင်းပၢၼ်ႇတိုၵ်းယူင်းသူဢေႃႈ။

၂ သူႁူႉပိင်းၺၢပ်ႈဢၼ်ႁဝ်းပၼ်တီႈသူၸွမ်းၼင်ႇဢၶႂၢင်ႉၸဝ်ႈယေႇသုၼၼ်ႉယူႇဢေႃႈ။

၃ ဢလူဝ်ႇၽြႃးပဵၼ်ၸဝ်ႈၸမ်းပဵၼ်လွင်ႈၼင်ႇႁိုဝ်သူတၵ်းဝေႈပႅတ်ႈမေႇထုင်ႇဢၼ်ဢမ်ႇတြႃးလႄႈ

၄ မူတ်းၸၢင်ႇ၊ၼင်ႇႁိုဝ်သူၵႃႈမီးတင်းသဵင်ႈတင်းလူင်တၵ်းဢမ်ႇမီးၵီႉလေႇသႃႇတၢင်းဢၼ်ၸပ်းၸွႆး

၅ မိူၼ်ၸိူဝ်ႉၼင်ႇၵူၼ်းသႃႇသၼႃႇပႃႉတင်းလၢႆဢၼ်ဢမ်ႇႁူႉၽြႃးပဵၼ်ၸဝ်ႈၸိူဝ်းၼၼ်ႉလႄႈႁႂ်ႈသူလႆႈမီးတၢင်းဢၼ်မူတ်းၸၢင်ႇဢိၵ်ႇတင်း

၆ ဢိင်ႇသရေႇဢၼ်သၢင်ႇထုၵ်ႇလီငၢမ်းၼၼ်ႉလႄႈတၵ်းဢမ်ႇလႆႈႁဵတ်းပရိယႄႇၽိတ်းပိူင်ႈပီႈၼွင်ႉၵၼ်ၼၼ်ႉဢေႃႈ။

၇ လွင်ႈမၼ်းၸမ်းၸဝ်ႈၽြႃးတၵ်းၸီႇယၢင်ႇတြႃးၽၢႆႇၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၽိတ်းပိူင်ႈၼၼ်ႉတင်းသဵင်ႈတင်းလူင်မႅၼ်ႈၵႃႈၼင်ႇဢၼ်ႁဝ်းႁေႃးလၢတ်ႈမိူဝ်ႈဢွၼ်ၼႆႉၼၼ်ႉၸိုင်ႁဝ်းပၼ်သတိတီႈသူဢေႃႈ။

၈ ၽြႃးပဵၼ်ၸဝ်ႈႁွင်ႉဢဝ်ႁဝ်းႁႂ်ႈလႆႈၵူဝ်ႈၵိူၵ်ႇဢမ်ႇၸႂ်ႈ။မၼ်းၸဝ်ႈႁွင်ႉဢဝ်ႁဝ်းႁႂ်ႈလႆႈမူတ်းၸၢင်ႇဢေႃႈ။ပိူဝ်ႈၼႆလႄႈၵေႃႉဢၼ်ထဵင်ပႅတ်ႈၼၼ်ႉထဵင်ပႅတ်ႈၵူၼ်းဢမ်ႇၸႂ်ႈ။ထဵင်ပႅတ်ႈၽြႃးပဵၼ်ၸဝ်ႈဢၼ်ပၼ်ဝိၺိၺ်ႇမူတ်းၸၢင်ႇၸဝ်ႈတီႈသူၼၼ်ႉဢေႃႈ။

ႁႂ်ႈမီးတၢင်းႁၵ်ႉမႅတ်ႈတႃႇ

၉ ၸၢပ်ႈသႅင်ႇလူၺ်ႈလွင်ႈတၢင်းဢၼ်ပီႈၼွင်ႉၵၼ်ၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ႁၵ်ႉၵၼ်ၼၼ်ႉဢမ်ႇမီးလွင်ႈဢၼ်တၵ်းလႆႈတႅမ်ႈပၼ်ၵႂႃႇတီႈသူ။ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်းသူပဵၼ်ၵေႃႉဢၼ်ၽြႃးပဵၼ်ၸဝ်ႈသင်ႇသွၼ်ပၼ်ႁႂ်ႈၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ်ႁၵ်ႉၵၼ်ဢေႃႈ။

၁၀ လိူဝ်သေၼၼ်ႉဢမ်ႇၵႃးတီႈပီႈၼွင်ႉဢၼ်မီးယူႇၵႃႈၼႂ်းမိူင်းမႃႇၵေႇတေႃးၼိၼၼ်ႉၵေႃႈသူႁၵ်ႉယူႇဢေႃႈ။ၼႂ်းဝႃႈၼၼ်သေၵေႃႈပီႈၼွင်ႉၶဝ်ဢိူၺ်း၊ႁဝ်းတိုၵ်းယူင်းသူယိင်ႈၶႅၼ်းႁဵတ်းႁႂ်ႈလႆႈၼမ်ၵိုၼ်းၼႂ်းလွင်ႈတၢင်းဢၼ်သူႁဵတ်ၼၼ်ႉဢေႃႈ။

၁၁ ပႃးၸႂ်ၸေႇတၼႃႇလႄႈၶတ်းၸႂ်ယူႇၼိမ်ၼိမ်ပွင်ႁဵတ်းဢမူႉတူဝ်ၸဝ်ႈၵဝ်ႇယူႇသေလႄႈဢဝ်တင်းမိုဝ်းတူဝ်ၸဝ်ႈၵဝ်ႇသၢင်ႈႁဵတ်းၸွမ်းၵႃႈၼင်ႇဢၼ်ႁဝ်းသင်ႇလၢတ်ႈဝႆႉၵႃႈတီႈသူမိူဝ်ႈဢွၼ်ၼၼ်ႉတႃႉ။

၁၂ ၵမ်ၵျၢင်ႉဢၼ်သၢင်ႇထုၵ်ႇလီငၢမ်းၵႃႈတီႈၽၢႆႇၼႃႈၵူၼ်းၵႃႈၼွၵ်ႈတင်းလၢႆသေယဝ်ႉယႃႇပေႁႂ်ႈလႆႈပဵၼ်ၵေႃႉဢၼ်ဢိင်ၼိူဝ်ပိူၼ်ႈတၢင်ႇၵေႃႉ။

တၢင်းမုင်မွင်းၼႂ်းတၢင်းဢၼ်လုၵ်ႉၶိုၼ်း

၁၃ ပီႈၼွင်ႉၶဝ်ဢိူၺ်း၊လွင်ႈၼင်ႇႁိုဝ်သူတၵ်းဢမ်ႇၸႂ်လဵၵ်ႉၸိူဝ်ႉၼင်ႇဢၼ်ၵူၼ်းတၢင်ႇတီႈတၢင်ႇလႅၼ်ဢၼ်ဢမ်ႇမီးတၢင်းဢၼ်မုင်ႈထႃႈမွင်းထႃႈတင်းလၢႆၸႂ်လဵၵ်ႉၼၼ်ႉၸိုင်ႁဝ်းဢမ်ႇမီးဢလူဝ်ႇၶႂ်ႈႁႂ်ႈသူယင်းဢမ်ႇႁူႉလွင်ႈတၢင်းၶဝ်ၸိူဝ်းဢၼ်တၢႆၵႂႃႇယဝ်ႉၸိူဝ်းၼၼ်ႉ။

၁၄ ပေႃးႁဝ်းယုမ်ႇလွင်ႈဢၼ်ဝႃႈၸဝ်ႈယေႇသုတၢႆယဝ်ႉလႄႈသမ်ႉၶိုၼ်းလုၵ်ႉၶိုၼ်းၸိုင်မိူၼ်ၸိူဝ်ႉၼင်ႇၼၼ်၊ၶဝ်ၸိူဝ်းဢၼ်တၢႆယဝ်ႉၼႂ်းၸဝ်ႈယေႇသုၼၼ်ႉၵေႃႈၽြႃးပဵၼ်ၸဝ်ႈတၵ်းဢဝ်သူင်ႇၶိုၼ်းလူၺ်ႈၵၼ်တင်းၸဝ်ႈယေႇသုၼၼ်ႉဢေႃႈ။

၁၅ ႁဝ်းသမ်ႉဢဝ်တင်းပျႃႇတိၵ်ႈၸဝ်ႈၽြႃးဝႃႈထႅင်ႈၸမ်းမိူဝ်ႈဢၼ်ၸဝ်ႈၽြႃးၵျွႃႉမႃးၼၼ်ႉၸိုင်ႁဝ်းၸိူဝ်းဢၼ်ဢသၢၵ်ႈယင်းလိပ်းလႄႈၵိုတ်းၵျၢၼ်ႇဝႆႉယူႇၼႆႉတၵ်းလႆႈတူၵ်းတီႈတူၵ်းလႅၼ်ဢွၼ်တၢင်းၶဝ်ၸိူဝ်းဢၼ်တၢႆယဝ်ႉၼၼ်ႉဢမ်ႇၸႂ်ႈ။

၁၆ တူဝ်ၸဝ်ႈၽြႃးတၵ်းပႃးဢဝ်တင်းသဵင်ဢၼ်ႁႅင်းယႂ်ႇ၊သဵင်ၶုၼ်တမၢၼ်ႇၵၢင်ႁၢဝ်၊တင်းသဵင်ၶရႃႇၽြႃးပဵၼ်ၸဝ်ႈၸိူဝ်းၼၼ်ႉသေလႄႈလုၵ်ႉသေၵႃႈၼိူဝ်မိူင်းၵၢင်ႁၢဝ်လူင်းမႃးသေယဝ်ႉ၊ၶဝ်ၸိူဝ်းဢၼ်တၢႆၵႂႃႇယဝ်ႉၼႂ်းၸဝ်ႈၶရိၸ်ႉၸိူဝ်းၼၼ်ႉတၵ်းလႆႈလုၵ်ႉၶိုၼ်းဢွၼ်တၢင်းဢေႃႈ။

၁၇ မိူဝ်ႈၼၼ်ႉႁဝ်းၸိူဝ်းဢၼ်ယင်းဢသၢၵ်ႈလိပ်းလႄႈၵိုတ်းၵျၢၼ်ႇဝႆႉယူႇၼႆႉတၵ်းလႆႈၶၢမ်ႇတၢင်းဢၼ်ယွင်ႊဢုမ်ႈၶိုၼ်ႈၵႂႃႇၵႃႈၼိူဝ်မွၵ်ႇၵုမ်ႈႁႂ်ႈလႆႈႁွတ်ႈထိုင်ၵႃႈတီႈၸဝ်ႈၽြႃးၼႂ်းဢႃႇၵႃႇသႃႉၵၢင်ႁၢဝ်ၼၼ်ႉလႄႈ

၁၈ ယူႇလူၺ်ႈၵၼ်တင်းၸဝ်ႈၽြႃးယူႇတႃႇသေႇဢေႃႈ။ၵွပ်ႈပိူဝ်ႈပဵၼ်ၸိူဝ်ႉၼင်ႇၼႆလႄႈၵေႃႉၼိုင်ႈလႄႈၵေႃႉၼိုင်ႈဢဝ်ၵႂၢမ်းၼႆႉသေယဝ်ႉပၼ်ဢဵၼ်ပၼ်ႁႅင်းၵၼ်တႃႉ။