Rev 14

ၵျၢမ်းပျႃႇတိၵ်ႉ

Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃ ၁၄ ၁၅ ၁၆ ၁၇

၁၄

သူဝ်းဢွၼ်ႇလႄႈသႅၼ်သီႇမုၼ်ႇသီႇႁဵင်

၁ လိုၼ်းၼၼ်ႉၵဝ်တူၺ်းလႄႈႁၼ်သူဝ်းဢွၼ်ႇၼၼ်ႉၸုၵ်းယူႇၵႃႈၼိူဝ်လွႆၸိဢုၼ်ႇဢိၵ်ႇလူၺ်ႈၵၼ်တင်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ဢဝ်တူဝ်လိၵ်ႈဢႅၵ်ႉၶရႃႇတႅမ်ႈၼႃႇမႃႉၸိုဝ်သဵင်မၼ်းဢိၵ်ႇတင်းၼႃႇမႃႉၸိုဝ်သဵင်ပေႃႈၸဝ်ႈသႂ်ႇဝႆႉၵႃႈတီႈၼႃႈၽၢၵ်ႇသႅၼ်ၼိုင်ႈသီႇမုၼ်ႇသီႇႁဵင်ၸိူဝ်းၼၼ်ႉယူႇဢေႃႈ။

၂ ၵဝ်ငိၼ်းသဵင်ဢွၵ်ႇမႃးၵႃႈတီႈၼိူဝ်ၵၢင်ႁၢဝ်ပဵၼ်ၸိူဝ်ႉၼင်ႇသဵင်ၼမ်ႉသမ်ႇမုၵ်ႉတြႃႇတင်းသဵင်ၽႃႉလင်ႊဢၼ်ယႂ်ႇၼႃႇၼၼ်ႉဢေႃႈ။သဵင်ဢၼ်ၵဝ်ငိၼ်းၼၼ်ႉပဵၼ်ၸိူဝ်ႉၼင်ႇသဵင်ၵူၼ်းလဵတ်းတိင်ႇတင်းလၢႆလဵတ်းတိင်ႇၼၼ်ႉယူႇဢေႃႈ။

၃ ၶဝ်ၼၼ်ႉႁဵတ်းၵႂၢမ်းဢၼ်မႂ်ႇၵႃႈတီႈၽၢႆႇၼႃႈပလၢင်ႇၸဝ်ႈၼၼ်ႉဢိၵ်ႇတင်းၵႃႈတီႈၽၢႆႇၼႃႈသတ်ႉတဝႃႇသီႇတူဝ်တင်းၵေႃႉဢၼ်ဢသၢၵ်ႈယႂ်ႇၸိူဝ်းၼၼ်ႉဢေႃႈ။လိူဝ်သေၶဝ်ၸိူဝ်းဢၼ်ထူတ်ႇဢဝ်ၵႃႈတီႈၼိူဝ်လိၼ်မိူင်းသႅၼ်ၼိုင်ႈသီႇမိုၼ်ႇသီႇႁဵင်ၸိူဝ်းၼၼ်ႉၽူႈလႂ်ဢမ်ႇသွၼ်ဢဝ်တၢင်းဢၼ်ႁဵတ်းၵႂၢမ်းၼၼ်ႉလႆႈ။

၄ ၶဝ်ၼၼ်ႉပဵၼ်ၵေႃႉဢၼ်ဢမ်ႇၵူဝ်ႈဢမ်ႇၵိူၵ်ႇလူၺ်ႈဢမူႉမေႇထုင်ႇဢၼ်ဢမ်ႇတြႃး။လွင်ႈမၼ်းၸမ်းၶဝ်ပဵၼ်ၵၼ်ႇၺႃႇဢေႃႈ။ၶဝ်ပဵၼ်ၵေႃႉဢၼ်ၸွမ်းပႃႈလင်သူဝ်းဢွၼ်ႇလႄႈယူႇၵႃႈတီႈဢၼ်မၼ်းၵႂႃႇမႃးယူႇၵူႈတီႈၵူႈလႅၼ်ၼၼ်ႉဢေႃႈ။ၶဝ်ပဵၼ်ၵေႃႉဢၼ်ၶၢမ်ႇတၢင်းဢၼ်ထူတ်ႇၼုၵ်ႈဢဝ်ဢွၵ်ႇသေၵႃႈၼႂ်းၵူၼ်းတင်းလၢႆလႄႈပဵၼ်မၢၵ်ႇဢၼ်မၢၵ်ႇဢွၼ်တၢင်းပိူၼ်ႈပုၼ်ႈၽြႃးပဵၼ်ၸဝ်ႈတင်းသူဝ်းဢွၼ်ႇၼၼ်ႉဢေႃႈ။

၅ ပိူဝ်ႈဢၼ်ၵၢင်းလွတ်ႈတင်းဢပျႅတ်ႈလႄႈၵႃႈၼႂ်းသူပ်းၶဝ်ၼၼ်ႉဢမ်ႇမီးမူႉသႃႇ။

၆ ၵဝ်ႁၼ်တမၢၼ်ႇၵၢင်ႁၢဝ်ဢၼ်ပႃးတြႃးသတၢင်းသိူဝ်းပျေႃႇထႃႇဝရႃႉလႄႈႁႂ်ႈလႆႈႁေႃးလၢတ်ႈတီႈၵူၼ်းဢၼ်ယူႇၵႃႈၼိူဝ်လိၼ်မိူင်းဢၼ်ဝႃႈၵူၼ်းၵူႈၸိူဝ်ႉၵူႈမဵဝ်းဢၼ်လၢတ်ႈၵႂၢမ်းၽႃႇသႃႇၵူႈၸိူဝ်ႉၵူႈပိူင်ၼၼ်ႉပႃးၼိုင်ႈမိၼ်ယူႇၵႃႈၼႂ်းၶိုင်ႈၵၢင်ၼိူဝ်ၵၢင်ႁၢဝ်လႄႈႁဵတ်းတင်းသဵင်ဢၼ်ယႂ်ႇၼႃႇလၢတ်ႈလႄႈဝႃႈ၊-

၇ ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈလႄႈယွင်ႈယေႃးတႃႉ။ၶိင်ႇၼႃႇရီႇဢၼ်မၼ်းၸဝ်ႈၸီႇယၢင်ႇတြႃးၼၼ်ႉႁွတ်ႈမႃးယဝ်ႉ။ဢွၼ်ၵၼ်ၵူဝ်းၵႂၢႆႇၸဝ်ႈဢၼ်ၽၢၼ်ႇသၢင်းႁဵတ်းပဵၼ်ၵၢင်ႁၢဝ်၊လိၼ်မိူင်း၊ၼမ်ႉသမ်ႇမုၵ်ႉတြႃႇ၊တင်းၼမ်ႉဢွၵ်ႇႁူးတင်းလၢႆၼၼ်ႉတႃႉ၊ဝႃႈၼင်ႇၼႆဢေႃႈ။

၈ လိုၼ်းၼၼ်ႉတမၢၼ်ႇၵၢင်ႁၢဝ်တုတိယၵေႃႈၸွမ်းမွၵ်ႇၸွမ်းလၢတ်ႈလႄႈဝႃႈ၊-ဝဵင်းလူင်ပႃႇပုလုၼ်ႇဢၼ်ဢဝ်ၼမ်ႉၸပိတ်ႉမေႇထုင်ႇဢၼ်ဢမ်ႇတြႃးတိုၵ်းပၼ်ၵူၼ်းၵူႈၸိူဝ်ႉၵူႈၶိူဝ်းၼၼ်ႉလူမ်ႉပင်းယဝ်ႉ၊ဝႃႈၼင်ႇၼႆဢေႃႈ။

၉ လိုၼ်းၼၼ်ႉတမၢၼ်ႇၵၢင်ႁၢဝ်တတိယၵေႃႈႁဵတ်းတင်းသဵင်ဢၼ်ယႂ်ႇၼႃႇၸွမ်းမွၵ်ႇၸွမ်းလၢတ်ႈလႄႈဝႃႈ၊-ပေႃးသေၵေႃႉသေၵူၼ်းၵူဝ်းၵႂၢႆႇတူဝ်ထိူၼ်ႇႁၢႆႉတင်းရူၵ်ႈထူႉမၼ်းလႄႈၶၢမ်ႇတၼ်းသိၵ်ႈလၢၵ်ႈမၢတ်ႈၵႃႈတီႈၼႃႈၽၢၵ်ႇဢမ်ႇၼၼ်ၵႃႈတီႈမိုဝ်းၼၼ်ႉၵေႃႉၼၼ်ႉတၵ်းလႆႈၵိၼ်ၼမ်ႉၸပိတ်ႉဢၼ်ပဵၼ်တၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈဢၼ်ထွၵ်ႇသႂ်ႇၼႂ်းၵွၵ်းတေႃးသႃႉမၼ်းၸဝ်ႈၼၼ်ႉဢေႃႈ။

၁၀ မၼ်းတၵ်းလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးဢၼ်ယၢပ်ႇၼႃႇၼႂ်းၽႆးဢၼ်လေႃးၵၼ်တင်းၵၢၼ်ႉၼၼ်ႉၵႃႈတီႈၽၢႆႇၼႃႈတမၢၼ်ႇၵၢင်ႁၢဝ်ဢၼ်မူတ်းၸၢင်ႇတင်းလၢႆဢိၵ်ႇတင်းၵႃႈတီႈၽၢႆႇၼႃႈသူဝ်းဢွၼ်ႇၼၼ်ႉဢေႃႈ။

၁၁ ၵႂၼ်းၽႆးတၢင်းဢၼ်ၼိၵ်ႈၸၢၵ်ႈငႅၼ်းသေးၶဝ်ၼၼ်ႉၶိုၼ်ႈယူႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈဢေႃႈ။ၶဝ်ၸိူဝ်းဢၼ်ၵူဝ်းၵႂၢႆႇတူဝ်ထိူၼ်ႁၢႆႉတင်းရူၵ်ႈထူႉမၼ်းလႄႈၶၢမ်ႇတၼ်းသိၵ်ႈလၢၵ်ႈမၢတ်ႈမၼ်းၼၼ်ႉဢမ်ႇလႆႈတၢင်းဢၼ်သၢၵ်ႈသႃႇသေဝၼ်းသေၶိုၼ်းတႃႇသေႇဢမ်ႇထၢတ်ႇဝႃႈၼင်ႇၼႆဢေႃႈ။

၁၂ ၼႂ်းတီႈႁႅင်းၼႆႉမီးလွင်ႈတၢင်းဢၼ်ၵူၼ်းမူတ်းၸၢင်ႇဢၼ်ပႂ်ႉၵမ်ပႂ်ႉၸွမ်းပိင်းၺၢပ်ႈၽြႃးပဵၼ်ၸဝ်ႈလႄႈယုမ်ႇမၢတ်ႈၸဝ်ႈယေႇသုၸိူဝ်းၼၼ်ႉတၵ်းလႆႈယိူၼ်ႉၶၢမ်ႇဢေႃႈ။

၁၃ ၵမ်းၼၼ်ႉငိၼ်းသဵင်ပဵၼ်မႃးၵႃႈတီႈၼိူဝ်ၵၢင်ႁၢဝ်လႄႈဝႃႈ၊-ၸႃႉၸဵမ်ၶိင်ႇတေႃႈလဵဝ်ၼႆႉလႄႈၶဝ်ၸိူဝ်းဢၼ်တၢႆၼႂ်းၸဝ်ႈၽြႃးၼၼ်ႉမီးမင်ႇၵလႃႇဢေႃႈ၊ဝႃႈၼႆတႅမ်ႈဝႆႉတႃႉ၊ဝႃႈၼင်ႇၼႆဢေႃႈ။ဝိၺိၺ်ႇၸဝ်ႈၵေႃႈမီးဢမိင်ႉလႄႈဝႃႈ၊-မႅၼ်ႈၸိူဝ်ႉၼင်ႇၼၼ်ဢေႃႈ။တၢင်းယၢပ်ႇတၢင်းၽိုတ်ႇၶဝ်တၵ်းထၢတ်ႇယဵၼ်ဢေႃႈ။လွင်ႈမၼ်းၸမ်းတၢင်းၵမ်တၢင်းၵျၢင်ႉၶဝ်တၵ်းၸွမ်းလူၺ်ႈၵၼ်တင်းၶဝ်ယူႇဢေႃႈ၊ဝႃႈၼင်ႇၼႆဢေႃႈ။

ၶိင်ႇဢၼ်ပၢတ်ႇၶဝ်ႈမိူင်းလေႃးၵႃႉ

၁၄ ၵမ်းၼၼ်ႉၵဝ်တူၺ်းလႄႈႁၼ်မွၵ်ႇၵုမ်ႈဢၼ်ၽိူၵ်ႇဢၼ်ၶၢဝ်မီးယူႇၽၢႆႇၼႃႈဢေႃႈ။ၵေႃႉဢၼ်မိူၼ်လုၵ်ႈၵူၼ်းၼၼ်ႉတိုဝ်းသရၽူႇၶမ်းၵႃႈၼိူဝ်ႁူဝ်မၼ်းၸဝ်ႈလႄႈယိပ်းၵမ်ၶဵဝ်းဢၼ်ၽၢႆၼႃႇၼၼ်ႉၼင်ႈယူႇၵႃႈၼိူဝ်မွၵ်ႇၵုမ်ႈၼၼ်ႉဢေႃႈ။

၁၅ တမၢၼ်ႇၵၢင်ႁၢဝ်တၢင်ႇပႃးဢွၵ်ႇသေၵႃႈၼႂ်းပိၵ်ႉမၢၼ်ႇၸဝ်ႈမႃးလႄႈႁဵတ်းတင်းသဵင်ဢၼ်ယႂ်ႇၼႃႇႁွင်ႉတီႈၵေႃႉဢၼ်ၼင်ႈယူႇၵႃႈၼိူဝ်မွၵ်ႇၵုမ်ႈၼၼ်ႉလႄႈဝႃႈ၊-ပွႆႇၶဵဝ်းၸဝ်ႈႁဝ်းၼၼ်ႉလႄႈပၢတ်ႇၶဝ်ႈသေၵမ်း။ၶိင်ႇဢၼ်လီပၢတ်ႇႁွတ်ႈမႃးၶႃႈယဝ်ႉ။ၵႃႈၼိူဝ်လိၼ်မိူင်းၼၼ်ႉၶဝ်ႈဢၼ်လီပၢတ်ႇသုၵ်းယဝ်ႉ၊ဝႃႈၼင်ႇၼႆဢေႃႈ။

၁၆ ၵေႃႉဢၼ်ၼင်ႈယူႇၵႃႈၼိူဝ်မွၵ်ႇၵုမ်ႈၼၼ်ႉၵေႃႈဢဝ်ၶဵဝ်းတူဝ်ၸဝ်ႈၵဝ်ႇသႂၢင်းသႂ်ႇၵႃႈတီႈလိၼ်မိူင်းလႄႈပၢတ်ႇၶဝ်ႈၵႃႈၼိူဝ်လိၼ်မိူင်းဢေႃႈ။

၁၇ တမၢၼ်ႇၵၢင်ႁၢဝ်တၢင်ႇပႃးဢွၵ်ႇသေၵႃႈၼႂ်းပိၵ်ႉမၢၼ်ႇၸဝ်ႈဢၼ်မီးယူႇၵႃႈၼႂ်းမိူင်းၵၢင်ႁၢဝ်ၼၼ်ႉမႃးလႄႈၵႃႈတီႈမၼ်းၵေႃႈပႃးၶဵဝ်းဢၼ်ၽၢႆၼႃႇဢေႃႈ။

၁၈ တမၢၼ်ႇၵၢင်ႁၢဝ်တၢင်ႇပႃးဢၼ်ဢုပ်ႉပိူငႆ်ႇးၼၼ်ႉၵေႃႈဢွၵ်ႇသေၵႃႈၼႂ်းယိၸ်ႉပလၢင်ႇမႃးလႄႈႁဵတ်းတင်းတၢင်းဢၼ်ႁွင်ႉသႅၼ်ႇဢၼ်ယႂ်ႇၼႃႇလႄႈႁွင်ႉတီႈၵေႃႉဢၼ်ပႃးၶဵဝ်းဢၼ်ၽၢႆၼႃႇၼၼ်ႉလႄႈဝႃႈ၊-ပွႆႇၶဵဝ်းမႂ်းဢၼ်ၽၢႆၼႃႇၼၼ်ႉလႄႈပၢတ်ႇမၢၵ်ႇၸပိတ်ႉတင်းလၢႆၼိူဝ်လိၼ်မိူင်းတႃႉ။မၢၵ်ႇမၼ်းသုၵ်းယဝ်ႉ၊ဝႃႈၼင်ႇၼႆဢေႃႈ။

၁၉ တမၢၼ်ႇၵၢင်ႁၢဝ်ၼၼ်ႉၵေႃႈဢဝ်ၶဵဝ်းမၼ်းသႂၢင်းသႂ်ႇၵႃႈၼိူဝ်လိၼ်မိူင်းလႄႈပၢတ်ႇမၢၵ်ႇၸပိတ်ႉၵႃႈၼိူဝ်လိၼ်မိူင်းသေယဝ်ႉၶျႃးတူၵ်းသႂ်ႇၵႃႈၼႂ်းတီႈၶိုင်လူင်ဢၼ်ယဵပ်ႇသႂ်ႇဢၼ်ဝႃႈတၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈၼၼ်ႉဢေႃႈ။

၂၀ တဵင်သႂ်ႇယဵပ်ႇသႂ်ႇၵႃႈတီႈၶိုင်ဢၼ်ယဵပ်ႇသႂ်ႇၼၼ်ႉၵႃႈတီႈၽၢႆႇၼွၵ်ႈဝဵင်းလႄႈလိူတ်ႈဢွၵ်ႇသေၵႃႈၼႂ်းတီႈၶိုင်ဢၼ်ယဵပ်ႇသႂ်ႇၼၼ်ႉၶိုတ်းထိုင်ၵႃႈတီႈၵၵ်ႉမႃႉၼႂ်းၸူဝ်ႈတႃႇၶၢဝ်းတၢင်းသဵပ်းႁူၵ်းယူႇၸၼႃႇဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ