Shan Missions

ၵျၢမ်းပျႃႇတိၵ်ႉ

Chapter        ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃          ၁၄          ၁၅          ၁၆          ၁၇         

၁၈          ၁၉          ၂၀          ၂၁         ၂၂         

၁၀

၁ ၵဝ်ႁၼ်တမၢၼ်ႇၵၢင်ႁၢဝ်ဢၼ်ႁႅင်းယႂ်ႇပႃးၼိုင်ႈၼုင်ႈမႆႊမွၵ်ႇၵုမ်ႈသေလႄႈလူင်းသေၵႃႈၼိူဝ်ၵၢင်ႁၢဝ်မႃးယူႇဢေႃႈ။ၵႃႈၼိူဝ်ႁူဝ်မၼ်းၼၼ်ႉမီးႁူင်းႁၢႆးဝႆႉဢေႃႈ။ၼႃႈမၼ်းၵေႃႈပဵၼ်ၸိူဝ်ႉၼင်ႇဝၼ်းဢေႃႈ။

၂ တိၼ်မၼ်းၵေႃႈပဵၼ်ၸိူဝ်ႉၼင်ႇသဝ်ထၢၼ်ႇၽႆးဢေႃႈ။မၼ်းယိပ်းၵမ်ၽိုၼ်လိၵ်ႈဢွၼ်ႇဢၼ်ၽုၺ်ႇဝႆႉယူႇၼၼ်ႉဢေႃႈ။

၃ မၼ်းဢဝ်တိၼ်ၶွၼ်ၶႂႃမၼ်းယဵပ်ႇသႂ်ႇၵႃႈၼိူဝ်ပၢင်ႇလၢႆႇဢၼ်တိၼ်ၶွၼ်သၢႆႉမၼ်းယဵပ်ႇသႂ်ႇၵႃႈၼိူဝ်လိၼ်မိူင်းလႄႈႁဵတ်းတင်းသဵင်ဢၼ်ယႂ်ႇၼႃႇႁွင်ႉသႅၼ်ႇမိူၼ်ၸိူဝ်ႉၼင်ႇသၢင်ႇသီႈႁွင်ႉသႅၼ်ႇၼၼ်ႉဢေႃႈ။ႁွင်ႉသႅၼ်ႇယဝ်ႉလႄႈသဵင်ၽႃႉလင်ႊၸဵတ်းၵမ်းမေႃးမႃးဢေႃႈ။

၄ မိူဝ်ႈဢၼ်သဵင်ၽႃႉလင်ႊၸဵတ်းၵမ်းမေႃးယဝ်ႉၼၼ်ႉပဵၵ်ႉသမ်ႉၵဝ်ငႃတႅမ်ႈသေၵေႃႈၵဝ်ငိၼ်းသဵင်ဢၼ်ဢွၵ်ႇၵႃႈၼိူဝ်ၵၢင်ႁၢဝ်ၼၼ်ႉလႄႈဝႃႈ၊-သဵင်ၽႃႉလင်ႊၸဵတ်းၵမ်းၼၼ်ႉၸိုင်တွၵ်ႇတၼ်းသိၵ်ႈဝႆႉတႃႉ။ယႃႇပေတႅမ်ႈဝႃႈၼင်ႇၼႆဢေႃႈ။

၅ မိူဝ်ႈၼၼ်ႉတမၢၼ်ႇၵၢင်ႁၢဝ်ဢၼ်ၵဝ်ႁၼ်ၸုၵ်းယူႇၵႃႈၼိူဝ်ပၢင်ႇလၢႆႇတင်းလိၼ်ၼၼ်ႉယုၵ်ႉမိုဝ်းၶွၼ်ၶႂႃၶိုၼ်ႈၼိူဝ်ၵၢင်ႁၢဝ်သေယဝ်ႉ၊

၆ ႁဵတ်းတၢင်းဢၼ်တိူင်ႇၵႃႈတီႈၸဝ်ႈဢၼ်ဢသၢၵ်ႈလိပ်းယူႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈဢၼ်ၽၢၼ်ႇသၢင်းႁဵတ်းပဵၼ်ၵၢင်ႁၢဝ်တင်းၵႃႈဢၼ်မီးၵႃႈၼႂ်းမၼ်းလိၼ်မိူင်းတင်းၵႃႈဢၼ်မီးၵႃႈၼႂ်းမၼ်းၼမ်ႉသမ်ႇမုၵ်ႉတြႃႇတင်းၵႃႈဢၼ်မီးၵႃႈၼႂ်းမၼ်းတင်းလၢႆၼၼ်ႉလႄႈဝႃႈ၊-

၇ ၶိင်ႇၵႃႇလႃႉတၵ်းဢမ်ႇထိူင်းဢမ်ႇၼၢၼ်းလႄႈၼႂ်းၶိင်ႇဝၼ်းၵႃႇလႃႉဢၼ်တမၢၼ်ႇၵၢင်ႁၢဝ်သတ်ႉတမတၵ်းပဝ်ႇသဵင်ၼႄးၶရႃႇၼၼ်ႉလွင်ႈတၢင်းဢၼ်လိုၵ်ႉဢၼ်လမ်ႇၽြႃးပဵၼ်ၸဝ်ႈဢၼ်ၸၢပ်ႈသႅင်ႇၵၼ်တင်းတၢင်းဢၼ်မၼ်းၸဝ်ႈဝႆႉပျႃႇတိၵ်ႈသတၢင်းသိူဝ်းပျေႃႇတီႈၶႃႈမၼ်းၸဝ်ႈဢၼ်ဝႃႈပရေႃးၽႅတ်ႈတင်းလၢႆၼၼ်ႉတၵ်းႁွတ်ႈထိုင်တၢင်းဢၼ်တဵမ်ထုၼ်ႈယဝ်ႉဢေႃႈ၊ဝႃႈၼင်ႇၼႆဢေႃႈ။

၈ သဵင်ၵႃႈၼိူဝ်ၵၢင်ႁၢဝ်ဢၼ်ၵဝ်ငိၼ်းၼၼ်ႉသမ်ႉၶိုၼ်းလၢတ်ႈတီႈၵဝ်ထႅင်ႈလႄႈဝႃႈၸမ်း၊-ၵႂႃႇဢဝ်ၽိုၼ်လိၵ်ႈဢွၼ်ႇဢၼ်ၽုၺ်ႇဝႆႉမီးယူႇၵႃႈၼႂ်းမိုဝ်းတမၢၼ်ႇၵၢင်ႁၢဝ်ဢၼ်ၸုၵ်းယူႇၵႃႈၼိူဝ်ပၢင်ႇလၢႆႇတင်းလိၼ်ၼၼ်ႉတႃႉ၊မိူဝ်ႈဢၼ်ဝႃႈၼင်ႇၼႆၸိုင်၊ၵဝ်ၵႂႃႇၸူးၵႃႈတီႈတမၢၼ်ႇၵၢင်ႁၢဝ်ၼၼ်ႉလႄႈယွၼ်းဝႃႈ၊-

၉ ပၼ်ၽိုၼ်လိၵ်ႈၼၼ်ႉသေၵမ်းၶႃႈ၊ဝႃႈၼင်ႇၼႆဢေႃႈ။မၼ်းၵေႃႈလၢတ်ႈလႄႈဝႃႈ၊-ဢဝ်လႄႈၵိၼ်တႃႉ၊တၵ်းႁႂ်ႈတွင်ႉသူၶူမ်ဢေႃႈ။ၵူၺ်းၵႃႈၵႃႈၼႂ်းသူပ်းသူၼၼ်ႉၸမ်းတၵ်းဝၢၼ်ၸိူဝ်ႉၼင်ႇၼမ်ႉၽိုင်ႈဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်ၵဝ်ဢဝ်ၽိုၼ်လိၵ်ႈၵႃႈၼႂ်းမိုဝ်းတမၢၼ်ႇၵၢင်ႁၢဝ်ၼၼ်ႉလႄႈၵိၼ်ဢေႃႈ။

၁၀ ၵႃႈၼႂ်းသူပ်းၵဝ်ၼၼ်ႉဝၢၼ်ၸိူဝ်ႉၼင်ႇၼမ်ႉၽိုင်ႈဢေႃႈ။မိူဝ်ႈဢၼ်ၵိၼ်ယဝ်ႉၼၼ်ႉၼႂ်းတွင်ႉၵဝ်ၶူမ်ဢေႃႈ။ၶဝ်ၼၼ်ႉလၢတ်ႈတီႈၵဝ်လႄႈဝႃႈ၊-

၁၁ မႂ်းတၵ်းသမ်ႉၶိုၼ်းလႆႈႁဵတ်းပရေႃးၽႅတ်ႈလႄႈႁေႃးလၢတ်ႈတီႈၵူၼ်းၵူႈၸိူဝ်ႉၵူႈမဵဝ်းဢၼ်လၢတ်ႈၵႂၢမ်းၽႃႇသႃႇၵူႈၸိူဝ်ႉၵူႈပိူင်ဢိၵ်ႇတင်းၶုၼ်ႁေႃၶမ်းတင်းလၢႆဢေႃႈ၊ဝႃႈၼင်ႇၼႆဢေႃႈ။