Shan Missions

လိၵ်ႈဢေႃးဝႃႇတႃ့ၵေႃးလေႃးသႄး

Chapter          ၁          ၂          ၃         ၄         

၂

၁ ၵဝ်မီးဢလူဝ်ႇၶႂ်ႈႁႂ်ႈသူႁူႉလွင်ႈဢၼ်ၵဝ်လႆႈၶၢမ်ႇတၢင်းယၢပ်ႇတၢင်းၽိုတ်ႇပုၼ်ႈသူဢိၵ်ႇတင်းၵူၼ်းဝဵင်းလေႃႇတိၵိတင်းလၢႆတင်းၶဝ်ၸိူဝ်းဢၼ်ဢမ်ႇတွၼ်ႉႁၼ်ၼႃႈၵဝ်တင်းသဵင်ႈတင်းလူင်ၼၼ်ႉယႂ်ႇၼႃႇထၢၼ်ႇႁိုဝ်ၼၼ်ႉလႄႈ

၂ ႁႂ်ႈၶဝ်မီးႁုဝ်ၸႂ်ဢၼ်သၢၵ်ႈသႃႇႁႂ်ႈၶဝ်ၼင်ႇၵၼ်ၵၼ်မီးတၢင်းဢၼ်ဢဝ်မႅတ်ႈတႃႇမတ်ႉၶွတ်ႇၽွတ်ႇၶဵၼ်းဝႆႉတီႈၵၼ်သေလႄႈတဵမ်ႈထူၼ်ႈဝႆႉတင်းၸေးၸိမ်ႇၺၢၼ်ႇဢၼ်ၵၢင်းလွတ်ႈတင်းတၢင်းဢၼ်ယုမ်ႇၶိုင်ႈၼိုင်ႈဢမ်ႇယုမ်ႇၶိုင်ႈၼိုင်ႈဢၼ်ႁူႉလွင်ႈတၢင်းဢၼ်လိုၵ်ႉဢၼ်လမ်ႇၽြႃးပေႃႈၸဝ်ႈဢိၵ်ႇတင်းၸဝ်ႈၶရိၸ်ႉၼၼ်ႉဢေႃႈ။

၃ ၵႃႈၼႂ်းလွင်ႈတၢင်းဢၼ်လိုၵ်ႉဢၼ်လမ်ႇၼၼ်ႉသိူင်ႇဝႆႉလပ်ႉဝႆႉၽၼ်ႇတႃႇပိင်ႇၺႃႇၵႃႈမီးတင်းသဵင်ႈတင်းလူင်ယူႇဢေႃႈ။

၄ ၵဝ်လၢတ်ႈၵႂၢမ်းၼႆႉၼင်ႇႁိုဝ်ဢမ်ႇႁႂ်ႈၽူႈလႂ်လႆႈဢဝ်တင်းၵႂၢမ်းၶျေႃးဝွၼ်းၸူဝ်းဢဝ်ပႅတ်ႉလႅၼ်သူၼၼ်ႉဢေႃႈ။ပဵၵ်ႉသမ်ႉတူဝ်ၶၼ်ႇထႃႇၵဝ်ၽၢတ်ႇယၢၼ်ၵၼ်တင်းသူယူႇသေၵေႃႈၸႂ်ဝိၺိၺ်ႇၵဝ်မီးယူႇလူၺ်ႈၵၼ်တင်းသူယူႇဢေႃႈ။

၅ မိူဝ်ႈဢၼ်လႆႈႁၼ်တၢင်းဢၼ်သူၸၢင်ႊၸီႇယၢင်ႇႁဵတ်းပဵၼ်လီလီငၢမ်းငၢမ်း၊ဢိၵ်ႇတင်းတၢင်းယုမ်ႇမၢတ်ႈသူၼႂ်းၸဝ်ႈၶရိၸ်ႉမၼ်ႈမၼ်ႈၶိူင်ႇၶိူင်ႇယူႇၼၼ်ႉၸိုင်ၵဝ်မီးတၢင်းဢၼ်ၸူမ်းသိူဝ်းယူႇဢေႃႈ။

၆ ပိူဝ်ႈၼႆလႄႈၵႃႈၼင်ႇဢၼ်သူလႆႈႁပ်ႉဢဝ်ၸဝ်ႈယေႇသုၶရိၸ်ႉဢၼ်ပဵၼ်ၸဝ်ႈၼၼ်ႉယဝ်ႉလႄႈမီးတၢင်းဢၼ်ဢသၢၵ်ႈလိပ်းယူႇၼႂ်းမၼ်းၸဝ်ႈ၊

၇ ၽုၵ်ႇသွမ်ႈငဝ်ႈႁၢၵ်ႈၼႂ်းမၼ်းၸဝ်ႈလႄႈတႄႇႁဵတ်းတၢင်းယုမ်ႇမၢတ်ႈမၼ်ႈမၼ်ႈၶိူင်ႇၶိူင်ႇၸွမ်းၵႃႈၼင်ႇဢၼ်သူၶၢမ်ႇတၢင်းဢၼ်သင်ႇသွၼ်ၼၼ်ႉလႄႈၼမ်ၵိုၼ်းၼႂ်းတၢင်းဢၼ်ယွင်ႈယေႃးၵျေးၸူးၸဝ်ႈၼၼ်ႉတႃႉ။

တၢင်းဢၼ်တဵမ်ႈထူၼ်ႈၼႂ်းၸဝ်ႈၶရိၸ်ႉ

၈ ၼင်ႇႁိုဝ်သေၵေႃႉသေၵူၼ်းဢၼ်ဢမ်ႇၸွမ်းတြႃးၸဝ်ႈၶရိၸ်ႉၼၼ်ႉ၊တၵ်းဢမ်ႇလႆႈဢဝ်တင်းပိင်ႇၺႃႇလေႃးၵီႇတင်းပရိယႄႇဢၼ်လၢႆလၢႆဢၼ်ဢမ်ႇပွင်ႇလွင်ႈၵႃႈသင်၊ဢၼ်ၸွမ်းၼႄးဢူႉပတေႇဢၼ်သိုပ်ႇလူင်းမႃးၵႃႈတီႈၵူၼ်းဢိၵ်ႇတင်းလေႃးၵီႇတြႃးၼုမ်ႇၼၼ်ႉယႃႉယူၵ်ႉႁိမ်ဢဝ်သူၸိုင်ႁဵတ်းသတိတႃႉ။

၉ လွင်ႈမၼ်းၸမ်းၵႃႈၼႂ်းၸဝ်ႈၶရိၸ်ႉၼၼ်ႉတဵမ်ႈထူၼ်ႈဝႆႉတင်းၸႃႇတိၽြႃးပဵၼ်ၸဝ်ႈၵႃႈမီးတင်းသဵင်ႈတင်းလူင်ဢေႃႈ။

၁၀ သူမီးတၢင်းဢၼ်ၸေးၸုမ်ႇၼႂ်းမၼ်းၸဝ်ႈဢၼ်ပဵၼ်ႁူဝ်ဢၼ်ထွတ်ႈဢၼ်မျၢတ်ႈဢႃႇၼႃႇၸၢၵ်ႈၵႃႈမီးတင်းသဵင်ႈတင်းလူင်ၼၼ်ႉဢေႃႈ။

၁၁ ၵႃႈၼႂ်းၸဝ်ႈၼၼ်ႉသူလႆႈၶၢမ်ႇဢဝ်တၢင်းဢၼ်ထိူဝ်ႁိမ်းဢၼ်ဢမ်ႇဢဝ်တင်းမိုဝ်းၵူၼ်းႁဵတ်းဢၼ်ဝႃႈတၢင်းဢၼ်ထိူဝ်ပႅတ်ႈဢပျႅတ်ႈတူဝ်ၸႃႇတိပၵတိၵႃႈၼႂ်းတၢင်းဢၼ်ထိူဝ်ႁိမ်းၸဝ်ႈၶရိၸ်ႉၼၼ်ႉဢေႃႈ။

၁၂ သူၶၢမ်ႇတၢင်းဢၼ်သၢင်းၵျူဝ်ႇလူၺ်ႈၵၼ်တင်းမၼ်းၸဝ်ႈၼႂ်းပပ်ႉတိၸၢမ်ႇလႄႈႁွတ်ႈထိုင်တၢင်းဢၼ်လုၵ်ႉၶိုၼ်းလူၺ်ႈၵၼ်တင်းမၼ်းၸဝ်ႈၵွပ်ႈပိူဝ်ႈတၢင်းဢၼ်သူယုမ်ႇမၢတ်ႈဢမူႉၽြႃးပဵၼ်ၸဝ်ႈဢၼ်ႁႂ်ႈၸဝ်ႈၶရိၸ်ႉလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉဢေႃႈ။

၁၃ မၼ်းၸဝ်ႈႁႂ်ႈသူၸိူဝ်းဢၼ်တၢႆၼႂ်းတူႉၸရိူၵ်ႈဢပျႅတ်ႈဢိၵ်ႇတင်းၼႂ်းတၢင်းဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းၼၼ်ႉလႆႈဢသၢၵ်ႈလိပ်းလူၺ်ႈၵၼ်တင်းၸဝ်ႈၶရိၸ်ႉလႄႈဢိတ်းလူပွႆႇလွတ်ႈပၼ်ဢပျႅတ်ႈၵႃႈမီးတင်းသဵင်ႈတင်းလူင်ဢေႃႈ။

၁၄ မၼ်းၸဝ်ႈမွတ်ႇပႅတ်ႈၸုမ်ႈဢၼ်ၸၢပ်ႈသႅင်ႇၵၼ်တင်းၼႄးဢူႉပတေႇဢၼ်ၶတ်းၵၼ်တင်းႁဝ်းၼၼ်ႉလႄႈယႅၼ်ႉတွၵ်ႇဝႆႉၵႃႈၼိူဝ်သဝ်လၵ်းဝႃးမိုဝ်းၼၼ်ႉသေယဝ်ႉပႄႇၽဵဝ်ႈပႅတ်ႈသေၵႃႈၼႂ်းၵႄႈဝူင်ႈၵၢင်ႁဝ်းယဝ်ႉ။

၁၅ မၼ်းၸဝ်ႈယႃႉပႅတ်ႈဢႃႇၼႃႇၸၢၵ်ႈတၢင်းဢၼ်ဢုပ်ႉပိူင်ႇတင်းလၢႆယဝ်ႉၸင်ႇဢဝ်ဢွၵ်ႇၼႄပျႃးႁႂ်ႈလႆႈထၢင်ႇသႃးလႄႈၶၢမ်ႇပွႆးဢၼ်ပႄႉၼႅင်ႇၵွပ်ႈပိူဝ်ႈသဝ်လၵ်းဝႃးမိုဝ်းၼၼ်ႉယဝ်ႉ။

တၢင်းဢၼ်ပႂ်ႉဢၼ်ၵမ်

၁၆ ပိူဝ်ႈၼႆလႄႈယႃႇပေႁႂ်ႈၽူႈလႂ်ၸႅတ်ႈထၢမ်ၸီႇယၢင်ႇသူၼႂ်းလွင်ႈတၢင်းၵိၼ်တၢင်းၶူပ်းၼႂ်းလွင်ႈတၢင်းဢၼ်ပႂ်ႉဝၼ်းပွႆးပႂ်ႉဝၼ်းလိူၼ်မႂ်ႇပႂ်ႉဝၼ်းၵမ်သိၼ်ၸိူဝ်းၼၼ်ႉ။

၁၇ လွင်ႈတၢင်းၸိူဝ်းၼၼ်ႉပဵၼ်သၢႆငၢႆလွင်ႈတၢင်းဢၼ်တၵ်းပဵၼ်မႃးၵမ်းလိုၼ်းၼၼ်ႉဢေႃႈ။ဢၼ်ၸႅတ်ႈဢၼ်မၢၼ်ႇၸမ်းထူပ်းႁၼ်ၼႂ်းၸဝ်ႈၶရိၸ်ႉဢေႃႈ။

၁၈ ယႃႇပေႁႂ်ႈသေၵေႃႉသေၵူၼ်းဢၼ်ဢမ်ႇမီးၸႂ်ဢူၼ်ႈဢွၼ်ႇၸႅတ်ႈမၢၼ်ႇဢၼ်ၵူဝ်းၵႂၢႆႇတမၢၼ်ႇၵၢင်ႁၢဝ်ၸိူဝ်းၼၼ်ႉပႅတ်ႉလႅၼ်သူဢမ်ႇႁႂ်ႈသူလႆႈသူးလၢပ်ႈ။ၶဝ်ၸိူဝ်းၼၼ်ႉယၢမ်ႇဢုပ်ႇဝၢဝ်းလွင်ႈဢၼ်ၶဝ်လႆႈႁၼ်လႄႈမီးၸႃႇတိပၵတိဢၼ်ၽႅၼ်သုင်ဢမ်ႇပွင်ႇလွင်ႈၵႃႈသင်ၼၼ်ႉဢေႃႈ။

၁၉ ၶဝ်ဢမ်ႇမီးတၢင်းဢၼ်ၸပ်းၵႃႈတီႈႁူဝ်၊တီႈတူဝ်ၶိင်း၊တီႈဢဵၼ်၊ဢၼ်ၽြႃးပဵၼ်ၸဝ်ႈႁဵတ်းႁႂ်ႈယႂ်ႇမႃးၼၼ်ႉ။

၂၀ ပေႃးသူတၢႆလူၺ်ႈၵၼ်တင်းၸဝ်ႈၶရိၸ်ႉလႄႈလႆႈလွတ်ႈသေၵႃႈၼႂ်းတြႃးလေႃးၵီႇဢမၢၼ်ႇၶၼ်ပဵၼ်ၸိုင်ႁဵတ်းသင်လႄႈ

၂၁ သူယင်းပဵၼ်ၸိူဝ်ႉၼင်ႇဢၼ်ယင်းဢသၢၵ်ႈလိပ်းယူႇၼႂ်းလေႃးၵီႇၼႆႉသေလႄႈယူႇၼႂ်းပိင်းၺၢပ်ႈဢၼ်ဝႃႈ၊ယႃႇပေတိူဝ်ႉထုၵ်ႇ၊ယႃႇပေၸိမ်း၊ယႃႇပယေိပ်းၵမ်၊ဝႃႈၼင်ႇၼႆၼၼ်ႉ။

၂၂ ပိင်းၺၢပ်ႈဢၼ်ၵမ်ဢၼ်ၵျၢင်ႉၸွမ်းၼင်ႇဢေႃးဝႃႇတႃႉၵူၼ်းတင်းလၢႆၼၼ်ႉ၊ပဵၼ်လွင်ႈတၢင်းဢၼ်ၸၢင်ႊလူႉၸၢင်ႊလႅဝ်ဢေႃႈ။

၂၃ ပိင်းၺၢပ်ႈၸိူဝ်ႉၼင်ႇၼၼ်ၼၼ်ႉမိူၼ်ၼင်ႇႁၢင်ႊမီးပိင်ႇၺႃႇၼႂ်းတၢင်းဢၼ်ၵူဝ်းၵႂၢႆႇ၊ၼႂ်းတၢင်းဢၼ်ၶျႃးတႅမ်ႇဢၼ်ဢမ်ႇၸႅတ်ႈမၢၼ်ႇ၊ၼႂ်းတၢင်းဢၼ်ပၼ်တၢင်းယၢပ်ႇၽိုတ်ႇတီႈတူဝ်ၸဝ်ႈၵဝ်ႇၸိူဝ်းၼၼ်ႉလႄႈဢမ်ႇထိင်းဢမ်ႇၶျူၵ်ႉလႆႈတၢင်းဢၼ်ၸႂ်ၸပ်းၸွႆးဢၼ်ၵူဝ်ႈဢၼ်ၵိူၵ်ႇၼၼ်ႉ။