Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၁၄ 

လွင်ႈတၢင်းဢၼ်ႁဵတ်းပရေႃးၽႅတ်ႈတင်းတၢင်းဢၼ်လၢတ်ႈၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်

၁ ၶႂ်ႈလႆႈတၢင်းႁၵ်ႉမႅတ်ႈတႃႇၼႃႇသေပိူၼ်ႈတႃႉ။မီးဢလူဝ်ႇၶႂ်ႈလႆႈသူႉၵျေးၸူးဝိၺိၺ်ႇမူတ်းၸၢင်ႇၸဝ်ႈတႃႉ။

၂ ယဵင်ႈၶႅၼ်းမီးၸႂ်ဢၼ်ၶႂ်ႈလႆႈဢၶႂၢင်ႉဢၼ်လႆႈႁဵတ်းပရေႃးၽႅတ်ႈၼၼ်ႉတႃႉ။လွင်ႈမၼ်းၸမ်းၵေႃႉဢၼ်ဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်လၢတ်ႈၼၼ်ႉဢမ်ႇလၢတ်ႈတီႈၵူၼ်းတင်းလၢႆ။လၢတ်ႈတီႈၽြႃးပဵၼ်ၸဝ်ႈဢေႃႈ။ၽူႈလႂ်ဢမ်ႇႁူႉၵႂၢမ်းမၼ်းၼၼ်ႉသေၵေႃႉသေၵူၼ်းမၼ်းဢဝ်တင်းဝိၺိၺ်ႇမူတ်းၸၢင်ႇၸဝ်ႈလႄႈလၢတ်ႈတၢင်းဢၼ်လိုၵ်ႉဢၼ်လမ်ႇတင်းလၢႆဢေႃႈ။

၃ ၵေႃႉဢၼ်ႁဵတ်းပရေႃးၽႅတ်ႈၸမ်းႁေႃးလၢတ်ႈပုၼ်ႈတၢင်းဢၼ်တႄႇႁဵတ်းတၢင်းဢၼ်တိုၵ်းယူင်းတၢင်းဢၼ်ႁႂ်ႈသၢၵ်ႈသႃႇၸိူဝ်းၼၼ်ႉတီႈၵူၼ်းတင်းလၢႆဢေႃႈ။

၄ ၵေႃႉဢၼ်ဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်လၢတ်ႈၼၼ်ႉတႄႇႁဵတ်းတူဝ်ၸဝ်ႈၵဝ်ႇၵူၺ်းဢေႃႈ။ၵေႃႉဢၼ်ႁဵတ်းပရေႃးၽႅတ်ႈၸမ်းတႄႇႁဵတ်းၸိူဝ်းၸဝ်ႈဢေႃႈ။

၅ ၵဝ်မီးဢလူဝ်ႇၶႂ်ႈႁႂ်ႈသူဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်လၢတ်ႈဢေႃႈ။ၵူၺ်းၵႃႈၵဝ်ယဵင်ႈၶႅၼ်းမီးဢလူဝ်ႇၶႂ်ႈႁႂ်ႈသူႁဵတ်းပရေႃးၽႅတ်ႈဢေႃႈ။လွင်ႈမၼ်းၸမ်းၼင်ႇႁိုဝ်တၵ်းလႆႈတႄႇႁဵတ်းၸိူဝ်းၸဝ်ႈၸိုင်ၵေႃႉဢၼ်ႁဵတ်းပရေႃးၽႅတ်ႈၼၼ်ႉယဵင်ႈၶႅၼ်းမျၢတ်ႈသေၵေႃႉဢၼ်ဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ပိူင်လၢတ်ႈလႄႈဢမ်ႇၽုၺ်ႇၼႄဢထိၵ်ႈပႄႇပၼ်ၼၼ်ႉဢေႃႈ။

၆ ပီႈၼွင်ႉၶဝ်ဢိူၺ်း၊ပဵၵ်ႉသမ်ႉၵဝ်မႃးၵႃႈတီႈသူလႄႈဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်ႁေႃးလၢတ်ႈသေၵေႃႈပေႃးၵဝ်ဢမ်ႇႁဵတ်းတၢင်းဢၼ်ပျၢၼ်ႇလၢတ်ႈပျႃႇတိၵ်ႈၸဝ်ႈဢမ်ႇၼၼ်တၢင်းဢၼ်သွၼ်ဢတၢတ်ႈပိင်ႇၺႃႇဢမ်ႇၼၼ်တၢင်းဢၼ်ႁဵတ်းပရေႃးၽႅတ်ႈဢမ်ႇၼၼ်တၢင်းဢၼ်သင်ႇသွၼ်သုင်းမႃႉလႄႈလၢတ်ႈတီႈသူၸိုင်တၵ်းမီးဢၵျူဝ်းၵႃႈသင်တီႈသူ။

၇ မိူၼ်ၼင်ႇၶိူင်ႈပိူင်ဢဝိင်ႇၺႃႇၼႃႉၵဝီႇဢၼ်ဢွၵ်ႇသဵင်လင်ႊသဵင်မေႃးၼၼ်ႉပဵၼ်ပီႇသေဢမ်ႇဝႃႈ၊ပဵၼ်တိင်ႇသေဢမ်ႇဝႃႈပေႃးဢမ်ႇမီးသဵင်ဢၼ်ပႅၵ်ႇပိူင်ႈၵၼ်သဵင်ၶိုၼ်ႈသဵင်လူင်းလႄႈလင်ႊမေႃးယူႇၵူၺ်းၸိုင်တၵ်းႁဵတ်းႁိုဝ်ႁူႉလႆႈသဵင်ၵႂၢမ်းမၼ်း။

၈ ၼႄးၶရႃႇၵေႃႈပေႃးဢမ်ႇႁဵတ်းတင်းသဵင်ဢၼ်မၢၼ်ႇဢၼ်မႅၼ်ႈလႄႈမေႃးလင်ႊယူႇၸိုင်ၽူႈလႂ်တၵ်းမႄးႁႅၼ်းတူဝ်ၸဝ်ႈၵဝ်ႇဝႆႉပုၼ်ႈဢၼ်တၵ်းတိုၵ်းသိုၵ်း။

၉ မိူၼ်ၼင်ႇၼၼ်ပေႃးသူဢမ်ႇဢဝ်တင်းသူပ်းၵႂၢမ်းဢၼ်ႁူႉငၢႆႈၼၼ်ႉလၢတ်ႈၸိုင်ၽူႈလႂ်တၵ်းႁူႉၵႂၢမ်းဢၼ်သူလၢတ်ႈၼၼ်ႉလႆႈ။တမေိူၼ်ၼင်ႇလၢတ်ႈၵႂၢမ်းတေႃႇလူမ်းဢႃႇၵႃႇသႃႉၵၢင်ႁၢဝ်ၼၼ်ႉၵူၺ်းဢေႃႈ။

၁၀ ၵႂၢမ်းၽႃႇသႃႇၼႂ်းမိူင်းၵူၼ်းၼႆႉၼမ်ၼႃႇလူင်လၢင်ထၼ်ႇၼႆႉသေၵေႃႈၵႂၢမ်းၽႃႇသႃႇဢၼ်ဢမ်ႇမီးဢထိၵ်ႈပႄႇမၼ်းၼၼ်ႉဢမ်ႇမီးၵႂၢမ်းၽႃႇသႃႇသေဢၼ်။

၁၁ ပေႃးၵဝ်ဢမ်ႇႁူႉဢထိၵ်ႈပႄႇၵႂၢမ်းၽႃႇသႃႇၼၼ်ႉၸိုင်ၵဝ်တၵ်းပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းတီႈၵေႃႉဢၼ်လၢတ်ႈၵႂၢမ်းၼၼ်ႉဢေႃႈ။ၵေႃႉဢၼ်လၢတ်ႈၵႂၢမ်းၼၼ်ႉၵေႃႈတၵ်းပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းတီႈၵဝ်ဢေႃႈ။

၁၂ ပေႃးပဵၼ်ၸိူဝ်ႉၼင်ႇၼၼ်ၸိုင်ၸိူဝ်ႉၼင်ႇဢၼ်သူမီးဢလူဝ်ႇၶႂ်ႈလႆႈသူႉၵျေးၸူးဝိၺိၺ်ႇမူတ်းၸၢင်ႇၸဝ်ႈၼႃႇလူင်လၢင်ၼၼ်ႉၶတ်းၸႂ်ၼႂ်းသူႉၵျေးၸူးဢၼ်တႄႇႁဵတ်းၸိူဝ်းၸဝ်ႈတႃႉ။

ၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်လူဝ်ႇတၢင်းဢၼ်မွၵ်ႇလၢတ်ႈဢၼၢၵ်ႈဢထိၵ်ႈပႄႇမၼ်း

၁၃ ပိူဝ်ႈၼႆလႄႈႁႂ်ႈၵေႃႉဢၼ်ၸၢင်ႊလၢတ်ႈၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်ၼၼ်ႉသူးတွင်းႁႂ်ႈလႆႈၽုၺ်ႇဢွၵ်ႇၼႄပျႃးဢထိၵ်ႈပႄႇမၼ်းတႃႉ။

၁၄ ပဵၼ်လွင်ႈၸိူဝ်ႉၼင်ႇႁိုဝ်ဝႃႈၼႆၸမ်းပေႃးၵဝ်ဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်သူးတွင်းၸိုင်ပဵၵ်ႉသမ်ႉဝိၺိၺ်ႇၵဝ်သူးတွင်းသေၵေႃႈႁူဝ်ၸႂ်ၵဝ်ဢမ်ႇပၼ်ဢၵျူဝ်း။

၁၅ ပေႃးပဵၼ်ၸိူဝ်ႉၼင်ႇၼႆၸိုင်တၵ်းလႆႈႁဵတ်းၸိူဝ်ႉၼင်ႇႁိုဝ်။ၵဝ်တၵ်းလႆႈဢဝ်တင်းဝိၺိၺ်ႇဢိၵ်ႇတင်းၸႂ်သူးတွင်းဢေႃႈ။ၵဝ်တၵ်းလႆႈဢဝ်တင်းဝိၺိၺ်ႇဢိၵ်ႇတင်းၸႂ်ႁဵတ်းၵႂၢမ်းဢေႃႈ။

၁၆ ဢမ်ႇၼၼ်ၵေႃႈမိူဝ်ႈဢၼ်မႂ်းဢဝ်တင်းဝိၺိၺ်ႇယွင်ႈယေႃးၵျေးၸူးၸဝ်ႈၼၼ်ႉၸိုင်ပေႃးမီးၵေႃႉဢၼ်ၶဝ်ႈပႃးၼႂ်းၽုင်မူႇၸုမ်းၼၼ်ႉမူႇၵူၼ်းၽုင်ၵူၼ်းမၼ်းဢမ်ႇႁူႉထွမ်ႇၵႂၢမ်းဢၼ်မႂ်းယွင်ႈယေႃးၼၼ်ႉၸိုင်မၼ်းတၵ်းဝႃႈဢႃႈမိၼ်ႈလႆႈၸိူဝ်ႉၼင်ႇႁိူၼ်။

၁၇ မႂ်းယွင်ႈယေႃးၵျေးၸူးၸဝ်ႈလီလီငၢမ်းငၢမ်းဝႃႈၼႆႁႂ်ႈၸႂ်သေလူးၵွၼ်ႇၵွၼ်ႇတႃႉ။

၁၈ ဢမ်ႇမီးဢၵျူဝ်းတၢင်းဢၼ်တၵ်းတႄႇႁဵတ်းပုၼ်ႈပိူၼ်ႈတၢင်ႇၵေႃႉ။ၵဝ်ယဵင်ႈၶႅၼ်းဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်ႁေႃးလၢတ်ႈၼႃႇသသေူၵႃႈမီးတင်းသဵင်ႈတင်းလူင်လႄႈၵဝ်ယွင်ႈယေႃးၵျေးၸူးၽြႃးပဵၼ်ၸဝ်ႈဢေႃႈ။

၁၉ ၼႂ်းဝႃႈၼၼ်သေၵေႃႈ၊ၼႂ်းၸိူဝ်းၸဝ်ႈၸိုင်ၵဝ်ယဵင်ႈၶႅၼ်းမီးဢလူဝ်ႇၶႂ်ႈဢဝ်တင်းၸႂ်လႄႈလၢတ်ႈၵႂၢမ်းႁႃႈၶေႃႈၼႃႇသေတၢင်းဢၼ်ဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်လႄႈလၢတ်ႈၵႂၢမ်းမိုၼ်ႇၼိုင်ႈႁႂ်ႈလႆႈသင်ႇသွၼ်ပိူၼ်ႈၼၼ်ႉဢေႃႈ။

၂၀ ပီႈၼွင်ႉၶဝ်ဢိူၺ်း၊ၼႂ်းတၢင်းဢၼ်ၶႆႈၸႂ်ၼၼ်ႉယႃႇပပေဵၼ်ၼင်ႇလုၵ်ႈဢွၼ်ႇ။ပဵၼ်ၵူၼ်းလူင်တႃႉ။

၂၁ ၼႂ်းဢမူႉဢၼ်ဢမ်ႇတြႃးၼၼ်ႉႁႂ်ပဵၼ်ၼင်ႇလုၵ်ႈဢွၼ်ႇတႃႉ။ဢၼ်မႃးၼႂ်းၵျၢမ်းပိင်းၺၢပ်ႈတိၸမ်းၵဝ်တၵ်းဢဝ်တင်းသူပ်းၵူၼ်းတၢင်ႇၸိူဝ်ႉတၢင်ႇၶိူဝ်းဢဝ်တင်းလိၼ်ႉဢၼ်လၢၵ်ႇၼႆးၼၼ်ႉလၢတ်ႈတီႈၵူၼ်းမဵဝ်းၼႆႉဢေႃႈ။ၵူၺ်းၵႃႈၶဝ်ဢမ်ႇထွမ်ႇဢမ်ႇဢဝ်ဝႃႈၼႆထႃႇဝရႃႉၽြႃးလၢတ်ႈဝႃႈၼင်ႇၼႆဢေႃႈ။

၂၂ ပေႃးပဵၼ်ၸိူဝ်ႉၼင်ႇၼႆၸိုင်ၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်ၼၼ်ႉပဵၼ်ၼီႉမိၵ်ႈလၵ်ႈၶၼႃႇပုၼ်ႈၶဝ်ၸိူဝ်းဢၼ်ယုမ်ႇမၢတ်ႈၼၼ်ႉဢမ်ႇၸႂ်ႈ။ပဵၼ်ၼီႉမိၵ်ႈလၵ်ႈၶၼႃႇပုၼ်ႈၶဝ်ၸိူဝ်းဢၼ်ဢမ်ႇယုမ်ႇမၢတ်ႈၼၼ်ႉဢေႃႈ။တၢင်းဢၼ်ႁဵတ်းပရေႃးၽႅတ်ႈၸမ်းပဵၼ်ၼီႉမိၵ်ႈလၵ်ႈၶၼႃႇပုၼ်ႈၶဝ်ၸိူဝ်းဢၼ်ဢမ်ႇယုမ်ႇမၢတ်ႈၼၼ်ႉဢမ်ႇၸႂ်ႈ။ပဵၼ်ၼီႉမိၵ်ႈလၵ်ႈၶၼႃႇပုၼ်ႈၶဝ်ၸိူဝ်းဢၼ်ယုမ်ႇမၢတ်ႈၼၼ်ႉဢေႃႈ။

၂၃ ပိူဝ်ႈၼႆလႄႈၼႂ်းမိူဝ်ႈဢၼ်ၵူၼ်းၶဝ်ႈၸိူဝ်းၸဝ်ႈတင်းသဵင်ႈတင်းလူင်ၸူႉၵၼ်တုမ်ၵၼ်လႄႈဢဝ်တင်းၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်ႁေႃးလၢတ်ႈယူႇၼၼ်ႉၸိုင်ပေႃးၵူၼ်းပႃႈၼွၵ်ႈၵူၼ်းဢၼ်ဢမ်ႇယုမ်ႇမၢတ်ႈၶဝ်ႈမႃးၸိုင်မၼ်းတၵ်းဝႃႈသူပဵၼ်ၵူၼ်းယွင်ႇဢမ်ႇၸႂ်ႈႁိုဝ်။

၂၄ ဢမ်ႇၼၼ်ၵေႃႈၼႂ်းမိူဝ်ႈဢၼ်ၵူၼ်းၶဝ်ႈၸိူဝ်းၸဝ်ႈတင်းသဵင်ႈတင်းလူင်ႁဵတ်းပရေႃးၽႅတ်ႈယူႇၼၼ်ႉပေႃးၵူၼ်းပႃႈၼွၵ်ႈၵူၼ်းဢၼ်ဢမ်ႇယုမ်ႇမၢတ်ႈၶဝ်ႈမႃးၸိုင်တၵ်းပဵၼ်တၢင်းဢၼ်ၽုၺ်ႇၼႄဢပျႅတ်ႈမၼ်းလႄႈပဵၼ်တၢင်းဢၼ်ၸႅတ်ႈထၢမ်ၸီႇယၢင်ႇမၼ်းဢေႃႈ။

၂၅ ၼင်ႇၼၼ်လႄႈလွင်ႈတၢင်းဢၼ်ဢမ်ႇထၢင်ႇသႃးၵႃႈၼႂ်းႁူဝ်ၸႂ်မၼ်းၼၼ်ႉတၵ်းလႆႈၶၢမ်ႇတၢင်းဢၼ်ထၢင်ႇသႃးမႃးလႄႈမၼ်းတၵ်းၶုပ်ႉမူပ်ႇယူႇသေလႄႈၵူဝ်းၵႂၢႆႇၽြႃးပဵၼ်ၸဝ်ႈဢေႃႈ။မၼ်းတၵ်းၶၢမ်ႇသၢၵ်ႈသေႇလႄႈဝႃႈၽြႃးပဵၼ်ၸဝ်ႈမီးၵႃႈၼႂ်းသူဢမၢၼ်ႇၶၼ်ပဵၼ်ဢေႃႈ၊ဝႃႈၼင်ႇၼႆဢေႃႈ။

လွင်ႈတၢင်းဢၼ်သုင်းတိုဝ်းသူႉၵျေးၸူးဝိၺိၺ်ႇမူတ်းၸၢင်ႇၸဝ်ႈ

၂၆ ပီႈၼွင်ႉၶဝ်ဢိူၺ်း၊ပဵၼ်ၸိူဝ်ႉၼင်ႇႁိုဝ်။မိူဝ်ႈဢၼ်သူၸူႉၵၼ်တုမ်ၵၼ်ယူႇၼၼ်ႉၸိုင်ပေႃးၵေႃႉၼိုင်ႈလႆႈတၢင်းဢၼ်ႁဵတ်းၵႂၢမ်းသႃႇလၢမ်ႇၵေႃႉၼိုင်ႈလႆႈၵႂၢမ်းဢၼ်သင်ႇသွၼ်သုင်းမ၊ၵေႃႉၼိုင်ႈလႆႈၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်၊ၵေႃႉၼိုင်ႈလႆႈပျႃႇတိၵ်ႈၸဝ်ႈ၊ၵေႃႉၼိုင်ႈလႆႈလွင်ႈတၢင်းဢၼ်ၽုၺ်ႇၼႄဢထိၵ်ႈပႄႇၸိူဝ်းၼၼ်ႉၸိုင်၊ႁႂ်ႈတင်းသဵင်ႈတင်းမူတ်းပဵၼ်တၢင်းဢၼ်တႄႇႁဵတ်းတႃႉ။

၂၇ ပေႃးမီးၵေႃႉဢၼ်ဢဝ်ၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်လႄႈႁေႃးလၢတ်ႈၼၼ်ႉၸိုင်သွင်ၵေႃႉသေဢမ်ႇဝႃႈ၊တီႈၼမ်သုတ်းမၼ်းသၢမ်ၵေႃႉသေဢမ်ႇဝႃႈ၊ႁႂ်ႈၵေႃႉၼိုင်ႈယဝ်ႉၵေႃႉၼိုင်ႈလၢတ်ႈလႄႈ၊သမ်ႉႁႂ်ႈၵေႃႉၼိုင်ႈၽုၺ်ႇၼႄဢထိၵ်ႈပႄႇမၼ်းတႃႉ။

၂၈ ပေႃးဢမ်ႇမီးၵေႃႉဢၼ်ၽုၺ်ႇၼႄဢထိၵ်ႈပႄႇၸိုင်ႁႂ်ႈၵေႃႉဢၼ်ႁေႃးလၢတ်ႈၼၼ်ႉယူႇတဵတ်ႇတဵတ်ႇၵႃႈၼႂ်းၸိူဝ်းၸဝ်ႈလႄႈလၢတ်ႈတီႈတူဝ်ၸဝ်ႈၵဝ်ႇဢိၵ်ႇတင်းၽြႃးပဵၼ်ၸဝ်ႈႁင်းၵူၺ်းမၼ်းတႃႉ။

၂၉ ႁႂ်ႈပရေႃးၽႅတ်ႈသွင်ၵေႃႉသၢမ်ၵေႃႉႁေႃးလၢတ်ႈလႄႈႁႂ်ႈပိူၼ်ႈတၢင်ႇၵေႃႉၸႅတ်ႈထၢမ်ၸီႇယၢင်ႇတႃႉ။

၃၀ ပေႃးၵေႃႉဢၼ်ၼင်ႈယူႇၵႃႈတီႈႁိမ်းႁွမ်းၼၼ်ႉလႆႈရူႇပႃႇရူင်ႇၸိုင်ႁႂ်ႈၵေႃႉဢၼ်ႁေႃးလၢတ်ႈဢွၼ်တၢင်းၼၼ်ႉယူႇတဵတ်ႇတဵတ်ႇသေၵမ်း။

၃၁ လွင်ႈမၼ်းၸမ်းလွင်ႈၼင်ႇႁိုဝ်ၶဝ်ၵႃႈမီးတင်းသဵင်ႈတင်းလူင်တၵ်းသွၼ်ဢဝ်ဢိၵ်ႇတင်းလွင်ႈၼင်ႇႁိုဝ်ၶဝ်ၵႃႈမီးတင်းသဵင်ႈတင်းလူင်တၵ်းသၢၵ်ႈသႃႇၸိုင်သူၵေႃႉၼိုင်ႈယဝ်ႉၵေႃႉၼိုင်ႈႁင်းၽႂ်ႁင်းမၼ်းမီးဢၶႂၢင်ႉဢၼ်လႆႈႁဵတ်းပရေႃးၽႅတ်ႈယူႇဢေႃႈ။

၃၂ ပရေႃးၽႅတ်ႈတင်းလၢႆၵေႃႈၶျူၵ်ႉၸႂ်ဝိၺိၺ်ႇတူဝ်ၸဝ်ႈၵဝ်ႇလႆႈဢေႃႈ။ၽြႃးပဵၼ်ၸဝ်ႈဢမ်ႇပွင်ႁဵတ်းတၢင်းဢၼ်ဢူၼ်ဢဵၼ်ႁုၼ်ႉမေႃး။

၃၃ ၸိူဝ်ႉၼင်ႇဢၼ်ပဵၼ်ၵႃႈၼႂ်းၸိူဝ်းၸဝ်ႈၵူၼ်းမူတ်းၸၢင်ႇတင်းသဵင်ႈတင်းလူင်ၼၼ်ႉ၊မၼ်းၸဝ်ႈပွင်ႁဵတ်းတၢင်းဢၼ်ၼိမ်လႄႈယူႇထုၵ်ႇထုၵ်ႇၵၼ်ဢေႃႈ။

၃၄ ႁႂ်ႈၽူႈယိင်းသူတင်းလၢႆယူႇတဵတ်ႇတဵတ်ႇယဵၼ်ယဵၼ်ၵႃႈၼႂ်းၸိူဝ်းၸဝ်ႈတႃႉ။ၶဝ်ဢမ်ႇမီးဢၶႂၢင်ႉဢၼ်ႁေႃးလၢတ်ႈ။ၶဝ်ၼၼ်ႉတၵ်းလႆႈၶၢမ်ႇတၢင်းဢၼ်ၵူၼ်းၸၢႆးဢုပ်ႉပိူင်ႇၵႃႈၼင်ႇဢၼ်ပိင်းၺၢပ်ႈတြႃးၸီႇယၢင်ႇဝႆႉၼၼ်ႉဢေႃႈ။

၃၅ ပေႃးၽူႈယိင်းတင်းလၢႆၶႂ်ႈသွၼ်ဢဝ်သေၸိူဝ်ႉသေပိူင်ၸိုင်ႁႂ်ႈၶဝ်ထၢမ်တီႈၽူဝ်ၶဝ်ၵႃႈတီႈႁိူၼ်းတႃႉ။

၃၆ ပေႃးၽူႈယိင်းႁေႃးလၢတ်ႈၵႃႈၼႂ်းၸိူဝ်းၸဝ်ႈၸိုင်ပဵၼ်လွင်ႈဢၼ်လီဢူၵ်းလီဢၢႆဢေႃႈ။ၼုၵ်ႈၵပၢတ်ႈတြႃးၽြႃးပဵၼ်ၸဝ်ႈဢွၵ်ႇၵႃႈတီႈသူမႃးႁိုဝ်။

၃၇ ဢမ်ႇၼၼ်လႄႈႁွတ်ႈထိုင်မႃးၵႃႈတီႈသူႁိုဝ်။ပေႃးသေၵေႃႉသေၵူၼ်းထၢင်ႇတူဝ်ၸဝ်ႈၵဝ်ႇပဵၼ်ပရေႃးၽႅတ်ႈပဵၼ်ၵေႃႉဢၼ်လႆႈၶၢမ်ႇဢဝ်သူႉၵျေးၸူးဝိၺိၺ်ႇမူတ်းၸၢင်ႇၸဝ်ႈၸိုင်ႁႂ်ႈမၼ်းႁပ်ႉတုင်းဢဝ်ၵႂၢမ်းဢၼ်ၵဝ်တႅမ်ႈပၼ်ၵႂႃႇၵႃႈတီႈသူၼႆႉမၢတ်ႈပဵၼ်ပိင်းၺၢပ်ႈၸဝ်ႈၽြႃးၼၼ်ႉတႃႉ။

၃၈ ပေႃးသေၵေႃႉသေၵူၼ်းဢမ်ႇမၢတ်ႈၸိုင်မၼ်းၵေႃႈတေဢမ်ႇလႆႈၶၢမ်ႇတၢင်းဢၼ်မၢတ်ႈ။

ပိူဝ်ႈၼႆလႄႈပီႈၼွင်ႉၶဝ်ဢိူၺ်း၊သူမီးဢလူဝ်ႇၼႂ်းတၢင်းဢၼ်ႁဵတ်းပရေႃးၽႅတ်ႈၼႃႇလူင်လၢင်တႃႉ။လွင်ႈတၢင်းဢၼ်လၢတ်ႈၵႂၢမ်းၽႃႇသႃႇတၢင်ႇၸိူဝ်ႉတၢင်ႇပိူင်ၼၼ်ႉၵေႃႈယႃႇပေႁႄႉပေၶႅၼ်။ၸီႇယၢင်ႇသၢင်ႈႁဵတ်းလွင်ႈတၢင်းၵႃႈမီးတင်းသဵင်ႈတင်းလူင်လီလီထုၵ်ႇထုၵ်ႇၸွမ်းၵႃႈၼင်ႇဢၼ်ၸႅၼ်ႇတၢမ်းၵၼ်ၼၼ်ႉတႃႉ။